Tag: отравление

Фермер з Бялыніцкага раёна памёр, напіўшыся пестыцыда

Навіна ад

У Бялыніцкім раёне фермер выпіў вадкасці з бутэлькі з-пад газіроўкі, а гэта аказаўся сродак супраць пустазелля.

Як паведамляе Дзяржаўны камітэт судовыых экспертыз, знаходзячыся ў сваёй гаспадарцы ў Бялыніцкім раёне, 53-гадовы мужчына ўзяў для апрацоўкі раслін ядахімікат цёмна-карычневага колеру, частку адліў у пластыкавую бутэльку з-пад газаванага напою.

Праз непрацяглы час па памылцы стаў піць з гэтай бутэлькі – зрабіў усяго адзін глыток… Самастойнае прамыванне страўніка і прыём лекаў не дапамагала: са скаргамі на млоснасць, ваніты, болі па ўсім жываце мужчыну шпіталізавалі.

У Магілёве ў бальніцы на наступны дзень фермер памёр з-за вострага атручвання, якое выклікаў памылкова спажыты ядахімікат. Гэтым ядахімікатам, як высвятлілі эксперты, аказалася вадкасць дыкват, якая выкарыстоўваецца для барацьбы з пустазеллем.

Фотаздымак з адкрытых крыніц

Смертельные отравления на Могилевщине: два случая за три месяца

Навіна ад

В Могилевской области зафиксированы два случая отравления суррогатом за три месяца – в Бобруйске и Славгороде

В мае в Бобруйске 49-летнего мужчину доставили из дома в реанимацию с подозрением на острое отравление суррогатами алкоголя. Он скончался менее чем через сутки, не приходя в сознание.

Причиной смерти стало отравление этиленгликолем, содержащимся в антифризах. Его концентрация в организме погибшего превышала летальную дозу в два раза, сообщает БелТА. В доме умершего была обнаружена канистра с розовой жидкостью, в  которой и находился этиленгликоль.

В июне в Славгороде в своей квартире обнаружен мертвым 53-летний мужчина. Как установили эксперты, он выпил метиловый спирт. Концентрация вещества в крови превысила смертельную норму в шесть раз.

На кухне погибшего нашли пустую пятилитровую бутылку из-под стеклоочистителя. 

Фото иллюстративного характера из открытых источников.

Трое дзяцей атруціліся ўгарным газам пад Кіраўскам

Навіна ад

У вёсцы Збышын Кіраўскага раёна былі шпіталізаваныя трое дзяцей – 2014, 2015 і 2017 гадоў нараджэння. Усе яны атруціліся ўгарным газам у выніку заўчаснага закрывання дымахода печкі – паведамляе прэс-служба МНС.

Фота ілюстрацыйнае

Сям’я дачнікаў з шасці чалавек атруцілася ўгарным газам пад Чавусамі

Навіна ад

Сям’я з шасці чалавек – двое дарослых і чацвёра дзяцей – учадзелі на сваім лецішчы ў Чавускім раёне, паведамляе прэс-служба Міністэрства аховы здароўя. 

Continue reading “Сям’я дачнікаў з шасці чалавек атруцілася ўгарным газам пад Чавусамі”

У Хоцімску атруцілася школьніца – яна ў рэанімацыі

Навіна ад

Паводле інфармацыі Следчага камітэта, 6 снежня ў бальніцу ў непрытомным стане дастаўлена 12-гадовая дзяўчынка з прыкметамі атручэння алкаголем.

Устаноўлена, што напярэдадні вечарам яе маці разам з сужыцелем і знаёмым сям’і распівалі спіртное. Перыядычна кампанія дарослых выходзіла на балкон пакурыць. Дзеці, якіх у сям’і пяцёра, заставаліся ў кватэры. Толькі раніцай наступнага дня мужчына звярнуў увагу, што старэйшая падчарыца знаходзіцца ў несвядомым стане і неадкладна выклікаў хуткую, – паведамляе СК.

Дзяўчынка знаходзіцца ў рэанімацыі, яе стан ацэньваецца як цяжкі.

Атрымана інфармацыя, што сям’я знаходзіцца ў сацыяльна-небяспечным становішчы, зараз вырашаецца пытанне аб адабранні дзяцей.

Па дадзеным факце следчыя праводзяць праверку.

Фота: Следчы Камітэт.

Маці і сын выжылі, атруціўшыся ўгарным газам пад Магілёвам

Навіна ад

30-гадовая жанчына і яе дзесяцігадовы сын былі шпіталізаваныя са свайго дома ў вёсцы Боўшава Магілёўскага раёна пасля атручэння ўгарным газам – піша афіцыйны сайт Міністэрства па надзвычайных сітуацыях. Атручэнне адбылося з-за таго, што занадта рана была зачынена пячная задзвіжка.

Фота ілюстрацыйнае

Дзяўчынка хацела выпіць энергетык і атруцілася сродкам ад каларадскіх жукоў пад Слаўгарадам

Навіна ад

У Слаўгарадскім раёне 4-гадовая дзяўчынка вырашыла паспрабаваць «энэргетык» і патрапіла ў лякарню з атручваннем. Аказалася, у бутэльцы ад энэргетыка быў сродак ад каларадскіх жукоў.

Маленькая дзяўчынка знаходзілася ў гасцях у бабулі. У хаце захоўваўся сродак ад каларадскіх жукоў, які быў наліты ў бутэльку з-пад энергетычнага напою. Жанчына вырашыла скарыстацца сродкам, паставіла бутэльку на кухні і адлучылася. Дзіця вырашыла паспрабаваць “энергетычны напой”. Добра, што бабуля своечасова вярнулася і зразумела, што адбылося. Яна адразу ж выклікала хуткую дапамогу.

На шчасце, медыкі досыць хутка аказалі дапамогу маленькай пацыентцы. Цяпер з ёй усё добра.

Па выніках судовай медыцынскай хімічнай экспертызы ў вадкасці аб’ёмам 68 мілілітраў знойдзены тыялакрыд, што з’яўляецца небяспечным для здароўя як дзяцей, так і дарослых – паведамляе камітэт судовых экспертызаў.

Фота: sudexpert.gov.by

Выпіў невядома што, хуткую выклікаць не дазволіў – пад Мсціславам атруціўся мужчына

Навіна ад

51-гадовы жыхар вёскі каля Мсціслава загінуў ад атручэння невядомай вадкасцю. Па словах яго жонкі, якія прыводзяць “Магілёўскія ведамасці”, мужчына быў частым госцем на палігоне побытавых адыходаў. Там ён пабачыў пяцілітровую бутыль з нейкай вадкасцю. Пераліўшы вадкасць у дзве меншыя бутэлькі, жыхар Мсціслаўскага раёна прыйшоў дахаты і выпіў з паўлітра сваёй здабычы.

Калі праз пару гадзін яму стала дрэнна, жонка прапанавала выклікаць хуткую, але муж забараніў гэта рабіць. Нараніцу медыкі канстатавалі смерць мужчыны. Як высветлілі супрацоўнікі судовай экспертызы, у склад вадкасці ўваходзіў этыленгліколь – таксічнае рэчыва, якое і стала прычынай смерці. У большасці выпадкаў смяротная доза – усяго 100-150 мл вадкасці, якая змяшчае этыленгліколь. У выпадку своечасовага аказання медыцынскай дапамогі магчымы спрыяльны зыход.

Фота ілюстрацыйнае

У Шклове ўнучка выпіла бабуліны таблеткі з клафелінам, яе выратавалі

Навіна ад

Падчас разбіральніцтва бабуля патлумачыла, што раней ёй рэкамендавалі гэтыя таблеткі з-за высокага артэрыяльнага ціску, аднак рэцэпт на іх не выдавалі.

Прэс-служба Камітэта судовых экспертыз распавяла падрабязнасці з атручэннем 5-гадовай дзяўчынкі ў Шклове ў пачатку траўня гэтага года. Знаходзячыся ў гасцях у бабулі разам з бацькамі, павячэраўшы, дзяўчынка пайшла ў пакой, тады як усе дарослыя заставаліся на кухні. 

Неўзабаве бацькі ўбачылі, што дзіця гуляе не з цацкамі, а з таблеткамі, якія бабуля захоўвае ў тумбачцы каля ложка. Адну з таблетак паспелі дастаць з рота дзіцяці. Ужо праз паўгадзіны дзяўчынка стала млявай, і бацька даставіў яе ў бальніцу, дзе малую шпіталізавалі ў рэанімацыйнае аддзяленне. Ужо раніцой яе выпісалі з установы аховы здароўя.

Судэксперты правялі праверку па факце атручэння дзяўчынкі. Па яе выніках было ўстаноўлена, што ўзятыя на праверку 12 цэлых і 8 фрагментаў таблетак белага колеру агульнай масай 2,618 г утрымліваюць у сваім складзе небяспечнае псіхатропнае рэчыва, дазволенае да кантраляванага абароту – клафелін. Бабуля растлумачыла, што раней ёй выпісвалі гэтыя таблеткі з-за высокага артэрыяльнага ціску, аднак у далейшым было ўстаноўлена, што рэцэпт на гэты медпрэпарат ёй не выдавалі. Праводзіцца далейшая праверка.

Фота: Камітэт судовых экспертыз

Яшчэ адзін магілёвец атруціўся мухаморамі – а іх можна свабодна купіць праз інтэрнэт

Навіна ад

Дзяржаўны камітэт судовых экспертыз апублікаваў даследаванне пра чарговае атручэнне мухаморамі жыхара Магілёва. Нагадаем, у снежні мінулага года пятнаццаці- і шаснаццацігадовыя падлеткі ў Магілёве труціліся гэтымі ж грыбамі і траплялі ў рэанімацыю – пісалі mogilev.media.

Гэтым разам – у сакавіку бягучага года ў Магілёўскую гарадскую бальніцу хуткай медыцынскай дапамогі з прыкметамі наркатычнага атручэння паступіў 31-гадовы магілёвец. Мужчына на вуліцы паводзіў сябе неадэкватна, відавочцы выклікалі “хуткую дапамогу” і міліцыю. У той жа дзень супрацоўнікі міліцыі правялі агляд у кватэры маладога чалавека, канфіскавалі два шкляныя слоікі з здробненым раслінным рэчывам.

Як выявілася, гэта здрабнёныя мухаморы, якія мужчына свабодна набыў праз інтэрнэт. Падчас апытання магілёвец растлумачыў супрацоўнікам міліцыі, што не першы раз ужываў у ежу расліннае рэчыва з сушаных мухамораў як харчовую дабаўку. У той дзень ён з’еў некалькі лыжак, затым пайшоў у краму і неўзабаве адчуў, што губляе сувязь з рэальнасцю, пачаў паводзіць сябе неадэкватна.

Наркатычных сродкаў, псіхатропных рэчываў у такіх мухаморах не ўтрымліваецца, што дазваляе іх свабодна прадаваць. Разам з тым, у чырвоным мухаморы змяшчаюцца рэчывы, якія ўплываюць на псіхіку – мусцымол і ібаценовая кіслата. Ад іх парушаецца ўспрыманне знешняга свету, з’яўляецца пачуццё нерэальнасці таго, што адбываецца вакол.

Фота: Камітэт судовых экспертыз.