На міжнародны фестываль дзіцячай творчасці прыедуць калектывы толькі з краін, якія прадстаўленыя ў Арганізацыі дамовы аб калектыўнай бяспецы.
Сёлета няма ўдзельнікаў з Украіны і Заходняй Эўропы
Калісьці форум збіраў прадстаўнікоў з дзясяткаў краін, але сёлета геаграфія прадстаўніцтва істотна змянілася. Няма заўсёдных удзельнікаў з Украіны, Малдовы, краін Заходняй Еўропы. Гэтым разам у Клімавічах чакаюць удзельнікаў з Арменіі, Казахстану, Кыргызстану, Расіі і Узбекістана.
«Залатая пчолка» – унікальны для Магілёўшчыны міжнародны конкурс, які штогад праводзіцца ў раённым цэнтры і збірае сотні маленькіх талентаў. На час фестывалю Клімавічы ператвараюцца ў горад, запоўнены дзіцячым смехам, спевамі і музыкай.
Сёлетняя праграма ХХ-га Міжнароднага фестывалю пройдзе з 26 па 29 мая, хоць першапачаткова планаваліся іншыя даты – з 3 па 5 чэрвеня.
Сярод імпрэзаў конкурсы ў жанрах «Вакальнае мастацтва», «Харэаграфічнае мастацтва», пленэр-конкурсу, а таксама конкурсе малюнка «Как прекрасен этот мир». Удзельнікі пастараюцца перамагчы ў спаборніцтвах на лепшы малюнак на асфальце і «Міс Залатая пчолка».
За ўсю гісторыю фэстывалю ў ім удзельнічалі прадастаўнікі 26 краінаў
Форум пачаў сваю гісторыю ў 1996 годзе, як маленькае раённае свята, прысвечанае міжнароднаму Дню абароны дзяцей. Але ўжо ў першыя гады свайго існавання «Залатая пчолка» пачала вабіць удзельнікаў з іншых гарадоў і краін, што паступова ператварыла яго ў прадстаўнічы міжнародны фестываль і брэнд Клімавічаў.
Усяго ў праграмах форума прымалі ўдзел прадстаўнікі 26 краін, лаўрэатамі станавіліся такія як беларускія ўдзельнікі і пераможцы дзіцячага Еўрабачання, як Ксенія Сітнік, Андрэй Кунец, Ганна Мушак.
Такія лічбы агучыў намеснік старшыні ўраду Мікалай Снапкоў. Па ягоных словах прамы ўплыў санкцыяў закрануў каля 20 працэнтаў эканомікі і ўскосна распаўсюдзіўся на астатнюю яе частку, перадаеКраснапольскага раённая газета «Чырвона сцяг».
Скриншот с сайта газеты “Чырвоны сцяг” www.redflag.by
Нацыянальны валавы ўнутраны прадукт у студзені – красавіку, паводле ўрадоўца, – з-за санкцыяў знізіўся на 2,1 працэнта.
Негатыўны ўплыў недружалюбных дзеянняў на эканоміку нарастае, прызнае ён.
З чэрвеня еўрапейскі рынак будзе зачынены для пастаўкі драўніны, чорных металаў і вырабаў з іх, цэменту, шын.
Паводле Мікалая Снапкова гэтыя абмежаванні да страты блізу 1,8 млрд. долараў экспартнай выручкі:
«У цэлым санкцыйныя абмежаванні і страта ўкраінскага рынку ацэньваюцца ў 14 млрд даляраў страт экспартнай выручкі да канца года», прызнае ён.
Мікалай Снапкоў адзначыў, што санкцыі паўплывалі на рух тавару, прамыя гандлёвыя абмежаванні на пастаўку асобных відаў прадукцыі, лагістычныя і фінансавыя рэстрыкцыі, якія звужаюць экспарт нават не санкцыйную прадукцыю.
Накладзенай забаронай на імпарт, у тым ліку тэхналогіяў і абсталявання «недружалюбныя краіны» імкнуцца затармазіць развіццё Беларусі на аснове сучасных тэхналогіяў, настойвае ўрадовец.
Згадаў ён і наступствы адключэння ад SWIFT шэрагу буйных банкаў і забарону аперацыяў з Нацыянальным банкам, а таксама абмежаванне доступу на фінансавыя рынкі.
Выступаючы на сумесным пасяджэнні Палаты прадстаўнікоў і Савету Рэспублікі Мікалай Снапкоў, што нягледзячы на скарачэнне паставак энергетычных тавараў і калію, астатнія галіны нарасцілі экспарт больш як на 10 працэнтаў. Стабілізавалася сітуацыя на валютным рынку. Ужо ў 2022 годзе продаж валюты ўсімі суб’ектамі рынку перавысіў пакупку на 500 млн долараў.
Узровень запасаў тавараў найніжэйшы за апошнія гады, заяўляе ён.
Па ягоных словах фінансавыя вынікі асноўных прадпрыемстваў станоўчыя. За I квартал выручка вырасла на 17 працэнтаў, апярэдзіўшы рост сабекошту. Прыбытак ад рэалізацыі павялічыўся на 34 працэнты, чысты прыбытак – на 12 працэнтаў.
У камерах на чатыры чалавекі могуць знаходзіцца да чатырнаццаці чалавек
Чытач mogilev.media, які дапамагае сваякам некаторых палітвязняў, падзяліўся ўражаннямі ад пачутага аб магілёўскай вязніцы. У лісце ён параўноўвае ўмовы зняволення ў тутэйшай турме з парадкамі ў іншых папраўчых установах.
Дзеля бяспекі зняволеных, ён папрасіў не называць іх імёны. Вядомыя выпадкі, піша чытач, што пасля з’яўлення публікацыяў аб вязнях іх выклікалі на размовы.
Частку сваіх тэрмінаў некаторым асуджаным давялося адсядзець у іншых пенітэнцыярных установах.
Паводле чытача, першае, што адзначаюць сваякі палітвязняў – надзвычайная загружанасць турмы. У камерах на чатыры чалавекі могуць знаходзіцца адначасова да чатырнаццаці чалавек. Але нават у такіх умовах вязні знаходзяць магчымасць займацца фізкультурай. Адціскаюцца ад нараў і падымаюць торбы з цяжкімі рэчамі, нібы гантэлі.
Прагулкі адбываюцца на свежым паветры
Значная частка сукамернікаў палітвязняў асуджаныя за незаконны зварот наркатычных сродкаў.
Чытач адзначае, што турма №4 адрозніваецца строгасцю ўнутраных правілаў распарадку.
Гэтую акалічнасць, звяртае ўвагу аўтар допісу, адзначаў яшчэ вядомы магілёўскі сядзелец, палітвязень Валерый Леванеўскі. Ён характарызаваўтутэйшы рэжым утрымання, як жорсткі. Самым злосным парушэннем правілаў унутранага распарадку было ляжанне на сваіх нарах у дзённы час. Сядзець жа дазвалялася і не было абмежаванняў у курэнні.
Сярод плюсаў, піша далей чытач, сваякі палітвязняў адзначаюць «пэўную ліберальнасць што да турэмных перадач»
Напрыклад, адміністрацыя не забараняе перадаваць прадукты, забароненыя для зняволеных на Валадарцы: булачкі з макам і ізюмам. А ў вітамінную перадачу можна класці амаль любы набор садавіны і гародніны і не абмяжоўваць яго пяццю найменнямі. Прагулкі адбываюцца на свежым паветры, таму зрэдчас нявольнікі могуць убачыць сонца.
Спявачка Дарафеева пра ўмовы ўтрымання ў турме: “Дужа добрае”
Спраўдзіць аповед чытача аб умовах утрымання зняволеных у прадстаўнікоў турмы № 4 пакуль не ўдалося. Адшукаць у адкрытых крыніцах звесткі на гэты конт таксама.
Інтэрнэт-прастора захавала матэрыял на YouTube шасцігадовай даўніны аб наведванні вязніцы чальцамі грамадскага савету пры Міністэрстве ўнутраных спраў. Сярод іх была заслужаная артыстка Беларусі Ірына Дарафеева.
Крыніца фота: скрыншот youtu.be-HLCJnVROiao
«Мне здаецца, што ўтрыманне дужа добрае. Харчаванне на вышэйшым узроўні. Як у рэстаране. Чэсна я нават пакаштавала. Дужа смачна», – падзялілася ўражаннямі спявачка.
На думку дактарант Беларускага дзяржаўнага ўніверсітэту Мікалай Шчокін, які таксама наведаў турму, экскурсіі ў месцы зняволення трэба рабіць часцей, каб людзі ведалі, чым можа скончыцца супрацьпраўная дзейнасць. Ён заявіў:
«У сілу абставінаў дзяржава годна ўтрымлівае тых хто можа быць не варты такога ўтрымання».
На апублікаваным відэа заняволеныя сваё меркаванне не выказвалі.
26 мая 2022 года погода в Могилёве и Могилевской области, по данным синоптиков, в преимущественно дождливая. Регион, попал в область пониженного атмосферного давления и оказался во власти циклона.
327 лет назад, 26 мая 1695 года, согласно записям в Витебской летописи, в Восточной Беларуси “Снег падал до колен и лежал 3 дня”.
В тое время холодными были все XVII и начало XVIII веков. Этот период называют «малым» ледниковым периодам, наступивший в связи с вулканической активностью в Америке. Самые холодные зимы фиксировались в 1709 и 1710 годах. По данным теперешних синоптиков снега не ожидается, но по большей части Могилёвщины, пройдут дожди.
Температура составит 17-19°C. Ветер северо-западный 4-9 м/с, в полдень порывами до 13-15 м/с, местами до 18 м/с. Атмосферное давление в течение суток в пределах от 738-743, в полдень 738 мм ртутного столба. Геомагнитное поле неустойчивое.
По данным из открытых источников, местных наблюдений, температурная норма для 26 мая для Могилева в последние годы составляет 19°С. Минимальная температура для 26 мая за все время инструментальных наблюдений 1°С была зафиксирована в 1987 году, а максимальная 30°С в 1958 году.
26 мая 1666 году Сабор праваслаўнай царквы адлучыў раскольнікаў. Пачаўся царкоўны раскол.
Раскольнікі-стараверы сталі ўцекачамі з Масковіі і ўтварылі на беларускіх землях першыя свае паселішчы. Буйнымі цэнтрамі іх пражываньня зьяўляюцца ваколі Браслава, Відзава (цяперашні Браслаўскі раён), а таксама Веткі (раённы цэнтр Гомельскай вобласці).
Кароль Рэчы Паспалітай Ян III Сабескі ў 1691 г. дазволіў стараверам свабодна жыць у краіне. У Ветцы хаваўся ад рускіх уладаў будучы кіраўнік сялянскага паўстання Емяльян Пугачоў.
Маскоўцы рабілі набегі на беларускія вярталі стараабраднікаў назад.
Раскольнікі ў ХYІІІ стагоддзі рассяліліся па тэрыторыі Мінскай губерні. У Магілёўскай вобласці цяпер жывуць ва ўсходніх раёнах і ў Кіраўскім раёне.
Пра жыццё стараабраднікаў распавядаюць экспазіцыі Веткаўскага музею стараабраднікаў і беларускіх традыцый імя Фёдара Шклярава
26 мая 1863 году ў баі з расійскімі войскамі пад Парэччам, што ля Докшыцаў, загінуў Генрых Дмахоўскі (1810-1863), беларускі і амерыканскі скульптар, паўстанец (1830-1831 і 1863), удзельнік Львоўскага паўстання 1846 г.
У ЗША вядомы як Генры Д. Сандэрс. Па сённяшні дзень упрыгожваюць памяшканне Кангрэсу ЗША ягонай працы бюсты Дж. Вашынгтона, Т. Джэфэрсана, Б. Франкліна, Т. Касцюшкі.
26 мая 1926 году заснавана беларускае літаратурна-мастацкае згуртаванне «Узвышша» (праіснавала да снежня 1931).
Утворанае групай былых сяброў літаб’яднання «Маладняк». Старшыня – Кузьма Чорны, намеснік – Кандрат Крапіва, сакратар – Адам Бабарэка. З магілёўцаў у арганізацыю ўваходзілі Васіль Шашалевіч, Андрэй Мрый (А. Шашалевіч).
Арганізацыя ставіла перад сабой задачы: дасягнуць вяршыні нацыянальнай літаратуры шляхам вучобы i выхавання талентаў, пераадолення эпігонскіх тэндэнцый i стварэння арыгінальнай школы літаратурнага мастацтва праз развіццё высокай культуры мовы, арганічнае спалучэнне рэалістычных традыцый са смелым наватарствам.
Савецкая крытыка 1930-1950-х гадоў адносіла абʼяднанне да варожых сацыялізму арганізацый. Літаратурныя дасягненні «Узвышша» абʼектыўна ацэнены толькі ў 1950-1960 гг.
26 мая 1926 году нарадзіўся Ілля Курган (1926-2019), беларускі актор, дыктар радыё, педагог, заслужаны артыст Беларусі, прафесар кафедры сцэнічнай мовы акадэміі мастацтваў і ўніверсітэту культуры. Беларусам старэйшага пакалення пазнавальны фразай: «Гаворыць Мiнск. У мікрафона Ілля Курган». На радыё Ільля Курган працаваў з 1949 году.
26 мая 2022 года ў Магілёўскім музеі этнаграфіі адкрываецца выстава фотаработ сябра клубу аматараў беларускай культуры і падарожжаў, магілёўскага фатографа і раварыста Аляксандра Сомава (1952-2019).
Аляксандр Сомаў загінуў у выніку няшчаснага выпадку. Кола ягонага ровара трапіла ў яміну, залітай вадой, на праезнай часткі.
Так мяркуе першы намеснік прэм’ер-міністра Мікалай Снапкоў. Ён запэўнівае, што «цяпер сітуацыя па цэнах стабілізуецца».
Паводле Мікалая Снапкова агрэсіўныя санкцыі супраць Расіі і Беларусі ўзнялі цэны на рынках сыравінных тавараў і харчавання. Інфляцыя бʼе рэкорды ва ўсіх краінах, цытуе службоўцу інфармацыйная агенцтва Белта.
Ён прызнае, што рост цэнаў назіраецца і ў Беларусі. Па ягоных словах у красавіку гадавы прырост спажывецкіх цэн склаў 16,8 працэнта», а дзякуючы намаганням ураду «у маі месячны прырост цэн значна замарудзіўся».
Па многіх пазіцыях «баршчавога набору» увайшоў у адмоўную зону», – настойвае Мікалай Снапкоў.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
На 25 траўня, з пачатку паўнамаштабнай вайны ва Ўкраіне, на Мікалаеўшчыне часткова або цалкам пашкоджана 3678 цывільных аб’ектаў, паведамляе сайт ЮжкаNews.City (праект рэдакцыі паўднёваўкраінскай газеты «Контакт»
У выніку артылерыйскай атакі на абласны цэнтр увечары 24 мая адзін жыхар атрымаў раненне. Паводле абласной ваеннай адміністрацыі пашкоджаны шматпавярховы дом.
За апошнія содні на Мікалаеўшчыне ратавальнікі ліквідавалі 8 пажараў, адзін з якіх узнік праз абстрэл гораду расійскімі вайскоўцамі. Былі абясшкоджаныя 56 боепрыпасаў, паведамляе інфармацыйнае агенцтва Інше.ТВ
Жыхары Мікалаева, нягледзячы на пагрозы жыцця ў прыфрантавым горадзе, вяртаюцца дамоў, сцвярджае кіраўнік абласной ваеннай адміністрацыі Віталій Кім, меркаванне якога падае агенцтва Інше.ТВ
Паводле яго, на 80% тэрыторыі вобласці адноўлена асноўная інфраструктура. Праблема з разбурэннямі на лініі сутыкнення. Не працуе чыгунка: пакуль, на думку Кіма, яе аднаўляць не трэба, каб пазбегнуць абстрэлаў.
Даўгаўпілс, Латвія
Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
У Цэнтры беларускай культуры, што ў Даўгаўпілсу, мясцовыя беларусы паказалі прадметы, якія лічаць, сваёй сакральнай спадчынай. Сярод іх былі малітоўнікі на розных мовах, сямейнымі абразы, фотаздымкі.
Паводле навіннага парталу LSM.lv. Цэнтр беларускай культуры імпрэзай аб сакральнай спадчыне завяршыўся праект «Артэфакты маёй сям’і». Ён стартаваў сёлета ў студзені. У яго межах удзельнікі экспанатамі выстаў рабілі хатняе начынне, тэкстыльныя вырабы, фатаграфіі, прылады працы.
Па ягоных выніках Цэнтр беларускай культуры плануецца выдаць брашуру або буклет, піша выданне.
У Даўгаўпілсе праходзяць Дні беларускай культуры. Адкрыццё адбылося 21 мая фотавыставай «Беларусь: выдатныя імгненні», якую прадставіла Нацыянальная бібліятэка Беларусі. Арганізатарамі выступае Цэнтр беларускай культуры.
Вайна, якую вядзе Ўкраіна, гэта наша вайна. І, калі яна прайграе гэтую вайну, у нас будзе яшчэ адна вайна, і мы будзем плаціць за яе самі, заявіў міністр абароны Латвіі Артыс Пабрыкс, паведамляе партал Press.lv.
«У нас няма часу чакаць. Мы – прыгранічная краіна і мы не гатовы аплачваць рахункі за абед і вячэру за іншых», – падкрэсліў міністр.
Пабрыкс дадаў, што час сыходзіць, таму Латвіі, нягледзячы на шчодрую падтрымку Захаду, патрэбная яшчэ большая падтрымка, асабліва з боку ЗША.
Клайпеда, Літва
8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.
У сакавіку імпарт з Расіі ў Літву павялічыўся на 55 працэнтаў. Эканамісты адзначаюць, што рост можа быць абумоўлены больш высокімі коштамі.
Партал DELFI звяртае ўвагу, што ў сакавіку ўжо ішла вайна ва Ўкраіне.
»Апошнім часам фактар коштаў вельмі важны, – каментуе сітуацыю эканаміст INVL Asset Management Індрэ Геніце-Пікчэчане, за год выраслі кошты на сыравіну, розныя кампаненты
Паводле эксперта нягледзячы на значны рост коштаў, агульны экспарт літоўскіх тавараў у Расею знізіўся напалову, гэта дазваляе зрабіць выснову, што з-за вайны мы абразаем пакінутыя сувязі з агрэсарам. Вядома, хацелася б нулявой талерантнасці і больш аператыўнай рэакцыі бізнесу«.
Выданне падае дадзеныя Дэпартаменту статыстыкі згодна з якімі з Расіі ў Літву імпартавалі тавары на суму 450,8 млн. еўра, гэта на 160,1 млн. еўра больш, чым у сакавіку 2021 года.
«Насельніцтва псіхалагічна больш прывязана да долара», адзначае прэм’ер-міністр Раман Галоўчанка, гаворачы пра стратэгію дэдалярызацыі.
«Мы даўно прытрымліваемся стратэгіі дэдалярызацыі, падае словы старшыні ўраду інфармагенцтва Белта, спасылаючыся на ягонае інтэрвʼю на тэлеканале «Беларусь 1».
“Яна ідзе няпроста, – прызнаў ён, – у першую чаргу. Напэўна, з-за таго, што насельніцтва псіхалагічна больш прывязана да долара. Дарэчы, з усіх краін ЕАЭС менавіта, беларусы адрозніваюцца такой унікальнай псіхалагічнай прыхільнасцю да яго. Ні ў Рф, ні ў Казахстане, ні ў Арменіі такой прыхільнасці няма. Напэўна, так гістарычна склалася”.
Па ягоных словах праграма дэдалярызацыі – гэта сумесныя дзеянні Нацбанку і ўраду Беларусі. Ён лічыць, што з часам яна набудзе яшчэ большую актуальнасць, бо знаходзіцца «у мэйнстрыму развіцця сусветнай эканамічнай мадэлі, звязаным з адмовай ад долара як адзінага сродку плацяжоў».
У эфіры тэлеканалу «Беларусь 1» Раман Галоўчанка заявіў, што свае ашчаджэнні захоўвае ў беларускіх рублях, і заклікаў беларусаў пераймаць ягоны прыклад.
Паводле звестак «Эканамічнай газеты» па выніках лютага агульны попыт на замежную валюту рэзка перавысіў прапановы.
Выданне, спасылаючыся на дадзеныя Белстату, паведамляла, што перавышэнне абʼёму набытай на працягу месяца замежнай валюты над абʼёмам прададзенай склала сумарна на ўсіх сегментах валютнага рынку 266 мільёнаў долараў ЗША. Чыстая купля валюты ў лютым 2022-га, аказалася найбольшай са жніўня 2020-га.
«Эканамічная газета» адзначае, што сітуацыя «на валютным рынку Беларусі, рэзка змянілася – пагоршылася – яшчэ да падзей ва Украіне.
25 мая – Міжнародны дзень зніклых дзяцей. Адзначаецца ад 1983 году.
25 мая 5493 да нашай эры – Александрыйская храналогія лічыла дату днём стварэння свету
25 мая 1880 года нарадзіўся Вацлаў Іваноўскі (1880-1943), беларускі палітычны і грамадскі дзеяч, доктар тэхнічных навук, заснавальнік Беларускай рэвалюцыйнай партыі, стваральнік пецярбургскай беларускай выдавецкай суполкі «Загляне сонца і ў наша аконца», міністр асветы Беларускай Народнай Рэспублікі.
25 мая 1907 года ў Вільні адбыўся з’езд настаўнікаў, на якім быў створаны Беларускі настаўніцкі саюз. Ва ўмовах рэакцыі пасля паражэння рэвалюцыі 1905-1907 гадоў саюз не змог разгарнуць шырокую дзейнасць і спыніў існаванне.
Ставіў мэту рэарганізацыю сістэмы асветы на шырокіх дэмакратычных асновах для ўздыму грамадзянскай самасвядомасці і культуры народу. Выступаў за свецкі характар асветы; адмену саслоўных, нацыянальных і рэлігійных абмежаванняў у сферы адукацыі, таксама перавод пачатковага навучання на беларускую мову паляпшэнне матэрыяльнага і культурнага становішча настаўнікаў.
25 мая 1917 года памёр Максім Багдановіч (1891-1917), беларускі паэт, літаратуразнавец, перакладчык, класік беларускай літаратуры.
Яго спадчына ўвайшла ў залаты фонд беларускай культуры. Упершыню пачаў гаварыць па беларуску ў 1895 г. у вёсцы Вяззе (цяпер – Асіповіцкі раён), гасцюючы ў сваякоў. На доме сваякоў, у якім цяпер месціцца спартовая база, усталяваная шыльда.
Памёр Максім Багдановіч у Ялце, куды паехаў лячыцца ад сухотаў. Пахаваны там жа. У 1924 годзе на ягонай магіле паставілі помнік з чатырма радкамі з верша паэта «Паміж пяскоў Егіпецкай зямлі…».
У 2003 годзе стары помнік замянілі на новы. У 1980-х гадах уздымалася пытанне пераносу парэшткаў паэта з Ялты ў Мінск, але ініцыятары не атрымалі афіцыйнага адказу.
Музеі Багдановіча ёсьць у Мінску, Гродне, Яраслаўлі, імя паэта носяць вуліцы ва ўсіх абласных цэнтрах і буйных гарадах Беларусі, а таксама ў Расіі – Ніжнім Ноўгарадзе, Яраслаўлі і ўкраінскай Ялце.
Ягоным імем названыя школы і бібліятэкі ў Беларусі.
У 1991 годзе імя Максіма Багдановіча ўнесена ў каляндарны спіс ЮНЕСКА «Гадавіны выдатных асоб і падзей».
25 мая 1937 года нарадзіўся Сяргей Сідор (1937–1998), вучоны, педагог,
Часта яго называюць «Смоліч» геаграфіі 1990-х гадах, бо ягонымі намаганнямі, геаграфія Беларусі стала вывучацца ў школах як асобны прадмет на працягу года. Раней геаграфія краіны асобна не вывучалася, хаця падручнікі былі.
У 1971–1974 гадах працаваў на кафедры эканамічнай геаграфіі Магілёўскага педінстытуту.
25 мая 1991 года ў Мінску пачаўся IМіжнародны кангрэс беларусістаў (25-27 мая). Апошні, шосты, кангрэс працаваў 27-29 мая 2015 года.
Правядзенне кангрэсаў заклікана было садзейнічаць развіццю беларусістычных даследаванняў у галіне гуманітарных і сацыяльных навук, спрыяць выкладанню беларусазнаўчых дысцыплін за межамі Беларусі і палягчаць міжнароднае супрацоўніцтва паміж даследчыкамі ў свеце.
25 мая 1992 года ў Беларусі ўведзена нацыянальная валюта – беларускі рубель. У народзе атрымала назву «зайчык».
Уведзены былі купюры наміналам ад 50 капеек да 50 рублёў. Наміналы 100, 200 і 500 з’явіліся толькі ў снежні. Курс: 1 беларускі рубель = 10 савецкіх
Народны паэт Ніл Гілевіч са сваімі паплечнікамі адстойваў гістарычную назву для валюты – талер.
25 мая 1970 года памёр Мікола Абрамчык (1903-1970), беларускі грамадкі і палітычны дзеяч, публіцыст, інжынер, Прэзідэнт Рады Беларускай Народнай Рэспублікі (1947-1970). Пахаваны могілках Пер-Лашэз у Парыжы.
Ад 15 жніўня 1945 быў старшынём Беларускага нацыянальнага цэнтру. У снежні 1947 году афіцыйна аднавіў і ўзначаліў Раду БНР. Мікола Абрамчык быў праціўнікам пераходу беларускіх епіскапаў пад уладу Рускай праваслаўнай царквы за мяжой і адным з ініцыятараў адраджэння Беларускай аўтакефальнай царквы.
25 мая 1987 года памёр Аўген Калубовіч (1910-1987), беларускі гісторык, палітычны дзеяч, дзеяч эміграцыі ў ЗША настаўнік. Рэпрэсаваны ў 1930 г. па справе моладзевай «Беларускай Арганізацыі Альтруістых». У 1948-1953 гг. узначальваў Урад Беларускай Народнай Рэспублікі ў выгнанні.
Дзеяч беларускай дыяспары. Аўтар успамінаў пра палітычныя рэпрэсіі 1930-х гадоў. Укладальнік, рэдактар і адзін з аўтараў зборніка «Янка Купала і Якуб Колас. 1882–1982: Вянок успамінаў пра іх» (1982). Даследаваў гісторыю Беларусі XX стагоддзі. Аўтар прац «Мова ў гісторыі беларускага пісьменства», «Айцы БССР і іхны лёс», успамінаў «На крыжавой дарозе».
25 мая 2000 года пасля спектаклю «Жартаўлівы Пісарэвіч» магілёўскага народнага тэатру «Валянцін», адбылася сустрэча мясцовай інтэлігенцыі з акадэмікам Радзімам Гарэцкім – сынам акадэміка Гаўрылы Гарэцкага (1900-1988), пляменніка пісьменніка і літаратара і грамадскага дзеяча Максіма Гарэцкага.
Тэатр Валянцін быў тады асяродкам, гуртавання дэмакратычнай інтэлігенцыі. Пасля спектакляў абмяркоўваліся праблемы культурнага жыцця з удзелам запрошаных вядомых асобаў.
Кіраўніком тэатры быў франтавік, грамадскі дзеяч і брат гісторыка Міколы Ермаловіча – Валянцін Ермаловіч. На доме, дзё ён жыў у Магілёве, усталяваная памятная шыльда. (на фота Валянцін Ермаловіч).
25 мая 1997 года ў Магілёве адкрыта тралейбусная лінія ад чыгуначнага вакзалу да заводу «Магілёўтрансмаш». А 10 гадоў назад, у 2012 г., агучваліся планы па будаўніцтву лініі да абласной больніцы. Намеры не рэалізаваныя.
Цяпер працягласць 5-ці тралейбусных маршрутаў складае 179,5 км; на іх 139 прыпынкаў. У горадзе працуе 107 тралейбусаў і 3 электробуса. 69,1% машын маюць тэрмін эксплуатацыі больш за 10 гадоў.
Температура воздуха составит 21- 23°C. Ветер переменный, западный 3-8 м/с, вечером ветер юго-западный. Атмосферное давление в течение суток в пределах 745-746 мм ртутного столба. Вероятность выпадения осадков вечером низкая.
Восход Солнца в 04:41, заход 21:10, продолжительность светового дня 16 ч 28 минут. Луна убывающая. Геомагнитное поле спокойное.
По данным из открытых источников в интернете, температурная норма на 25 мая для Могилева в последние годы составляет 20°С. Минимальная температура для 25 мая за все время инструментальных наблюдений 0°С была зафиксирована в 1955 году, а максимальная 29°С в 1983 году.
