Велічыня папуляцыі іспанскага смаўжа ў Беларусі мізэрная, але можна чакаць, што адсутнасць натуральных ворагаў і камфортныя ўмовы надвор’я паспрыяюць яго пашырэнню ў нашых краях.
Нават зімняе надвор’е нашых шырот дастаткова камфортнае для гіганцкага малюска. І на стадыі лічынкі, і на стадыі дарослай жывёлы ён спакойна трывае мінусавыя тэмпературы.
З 2010-х гадоў гэтага смаўжа пачалі сустракаць у Падмаскоўі, затым і ў больш паўночных рэгіёнах Расіі. Нядаўна іспанскі атрутны малюск быў заўважаны пад Мінскам – пра гэта паведамілі ў тэлеграм-канале «Мінск-Навіны».
Спецыялісты раяць не дакранацца да гіганцкага малюска рукамі, паколькі яны могуць быць пераносчыкамі вялікай колькасці захворванняў.
Гіганцкі смоўж яркага аранжавага, альбо карычневага колеру насамрэч родам з Партугаліі. У пачатку ХХ стагоддзя з пацяпленнем клімату ён стаў распаўсюджвацца на поўнач па Еўропе. Рассяленне іспанскага – яго яшчэ называюць партугальскім, лузітанскім – смаўжа на нашых землях спецыялісты звязваюць з масавай закупам пасадачнага матэрыялу ў Еўропе. Яго выкарыстоўваюць падчас добраўпарадкавання тэрыторый. З пасадачным матэрыялам сюды трапілі лічынкі смаўжоў, якія адаптаваліся да кліматычных умоваў Усходняй Еўропы.
Смаўжы вырастаюць да вялікіх памераў, аж да 15 сантыметраў. Памер і агрэсіўны колер палохаюць птушак, таму гэты інвазійны шкоднік не мае натуральных ворагаў у экасістэме і бесперашкодна распаўсюджваецца ў новай для сябе прыродзе. Галоўным чынам ён паражае культурным раслінам, якімі харчуецца.
Ён быў прадстаўніком дынастыі Капетынгаў, сынам караля Генрыха I і Ганны Кіеўскай, якая была ўнучкай беларускай княжны Рагнеды і праўнучкі князя Рагвалода. Рагнеда – продак амаль 30 францускіх каралёў.
Рагнеда – летапісная легенда беларускай гісторыі. Кіеўскі князь Уладзімір забіў ейнага бацьку Рагвалода і гвалтам зрабіў яе жонкай. Яна спрабавала яго забіць, калі дазналася, што ён хоча ажаніцца з іншай.
Ейнага сына Ізяслава, які за матчыны крыўды кінуўся быў на бацьку з кінжалам, Полацк прызнаў за свайго валадара і так аднавілася полацкая дынастыя Рагвалодавічаў. Другі яе сын Яраслаў, вядомы як Мудры, княжыў у Кіеве.
Сама Рагнета прыняла хрысціянства і стала першай беларускай манашкай.
1392 год. Вялікім князем Літоўскім стаў Вітаўт Кейстутавіч.
Вітаўт Вялікі – знакавы валадар Вялікага Княства Літоўскага. Яго лічылі гаспадаром Літвы, так у сярэднявеччы называлі беларускія землі. За ім дзяржава дасягнула наймагутнейшай велічы.
Дзеля ўмацавання сваёй улады Вітаўт ліквідаваў некалькі ўдзельных княстваў – у Полацку, Віцебску, Ноўгарадзе-Северскім, Кіеве, на Валыні і ў Падоллі.
У дачыненнях з Тэўтонскім ордэнам ён мусіў выкарыстоўваць Жамойць у якасці разменнай манеты. Па бітве пад Грунвальдам цяперашняя Летува была прыгорнутая Вялікім Княствам, тэрыторыя якога на той момант прасціралася ад Балтыйскага да Чорнага мораў.
1579 год. Войскі Рэчы Паспалітай пад кіраўніцтвам Стэфана Баторыя ўзялі ў аблогу Полацк, каб выбіць адтуль маскоўцаў.
30 жніўня войскі Івана IV капітулявалі.
Полацк пад акупацыяй маскоўскага цара Івана, празванага беларусамі Жахлівым, быў больш за шаснаццаць гадоў – ад 1563 да 1579 года. Старажытную сталіцу краю маскоўцы зрабілі стратэгічным цэнтрам заваёвы Беларусі.
За валадараннем Стэфана Баторага Магілёў атрымаў прывілей на самакіраванне – Магдэбургскае права.
1777 год. У Лондане адкрылі першы ў свеце цырк Філіпа Эстлі «Амфітэатр Эстлі».
Будынак меў купалападобны дах, круглую глядацкую залу, манеж, аркестр, сцэну.
У Беларусі да Другой сусветнай вайны цырк быў і ў Магілёве. Ён стаяў на Дняпроўскім праспекце (цяпер вуліца Першамайская) насупраць сабора святога Іосіфа (зруйнаваны і на яго месцы ўзведзеная гасцініца Дняпро).
У вайну цырк згарэў. Ацалела ўваходная арка, з якой зрабілі па вайне Трыумфальную з пазначэннем войск, якія вызвалялі ад нацыстаў горад. На ўрачыстыя падзеі да гэтай аркі ўскладаюць вянкі.
1917 год – нарадзіўся Янка Брыль.
Народны пісьменнік Беларусі. Быў сябрам Беларускага ПЭН-цэнтру, які ліквідавалі ўлады.
Служыў у польскай марской пяхоце, быў беларускім партызанам.
Брылю належаць словы: «Калі б беларуса прымусіць быць беларусам, які б атрымаўся выдатны беларус!».
нікальнай у сусветнай літаратуры стала створаная Янкам Брылём разам з Алесем Адамовічам і Уладзімірам Калеснікам дакументальная аповесць «Я з вогненнай вёскі…».
У гонар пісьменніка названы вуліцы ў Мінску і польскай Гдыні.
1922 год. Пакладзены пачатак архіўнай справы Беларусі.
Прэзідыумам ЦВК БССР былі прыняты пастановы «Аб архіве», «Аб зацвярджэнні Палажэння аб Цэнтральным архіве Беларусі», створаны Цэнтральны архіў Беларусі.
У Магілёве абласны архіў размясцілі на ўскрайку гораду, на вуліцы Чалюскінцаў.
1946 год. Нарадзілася Вікторыя Мазур.
Вядучая салістка беларускай аперэты. Народная артыстка Беларусі, выхаванка Магілёўскага музычнага вучылішча. Прыма Беларускага дзяржаўнага акадэмічнага музычнага тэатру.
1947 год. Нарадзіўся Мікалай Селяшчук.
Беларускі мастак, афарміцель кніг.
Аздабляў кнігі вядомых беларускіх аўтараў, імкнуўся да стварэння вобразаў-ідэяў, а яго карціны, па словах крытыкаў, нагадваюць тэатр.
Творы аўтара экспанаваліся і захоўваюцца ў больш чым 20 краінах Еўропы, Азіі, Амерыкі, Афрыкі. Пабачыць яго карціны можна і ў Магілёўскім абласным мастацкім музеі імя Паўла Масленнікава.
У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніцаў.
Звесткі пра пераслед паводле праваабаронцаў, мэдыяў і родзічаў тых, хто зазнае яго.
Ірына Слаўнікава
Журналістка TVP асуджаная на 5 гадоў пазбаўлення волі.
Паводле калегаў Слаўнікаву суддзя Гомельскага абласнога суда Мікалай Доля прызнаў вінаватай у «арганізацыі дзеянняў, якія груба парушаюць грамадскі парадак» і «стварэнні экстрэмісцкага фармавання, або ўдзел у ім».
Справа супраць журналісткі, якая праваабарончай супольнасцю прызнаная палітзняволенай, разглядалася на закрытым працэсе.
Ірына Слаўнікава была затрымана ў 2021 годзе ў мінскім аэрапорце, калі яна з мужам вярталася з адпачынку. Абое былі асуджаныя на 15 дзён адміністрацыйнага арышту за, нібыта, захоўванне ў Facebook матэрыялаў, якія былі прызнаныя «экстрэмісцкімі». 15 лістапада журналістку адправілі на такі ж тэрмін у ізалятар паводле абвінавачвання ў «дробным хуліганстве».
26 лістапада стала вядома, што Слаўнікава стала падазраванай у крымінальнай справе.
Павел Нікіценка
Жыхар Віцебску асуджаны да 4,5 гадоў калоніі.
Паводле праваабаронцаў у закрытым рэжыме яго асудзілі па шасці артыкулах Крымінальнага кодэксу. Справу разглядаў суддзя Яўген Буруноў, падрабязнасці невядомыя.
Паведамляецца, што работнік разлікова-касавага цэнтру ў Віцебску за тры гады скапіяваў з інфармацыйнай сістэмы персанальныя дадзеныя амаль 1,5 мільёна грамадзян Беларусі.
Ён нібыта з’яўляўся адміністратарам «дэструктыўнага» Telegram-канала і размяшчаў у інтэрнэце заклікі, указанні і навучанні пабуджальнага характару на ўчыненне групавых дзеянняў, якія груба парушаюць грамадскі парадак ды абразы на адрас Лукашэнкі і старшыні ЦВК.
Праваабаронцам вядома, што падчас затрымання Нікіценку быў моцна збілі і здароўе ён да гэтага часу не аднавіў.
Галіна Патаева
Пра яе затрыманне стала вядома з праўладных тэлеграм-каналаў.
Паводле іх, кіраўніцу турыстычнага агенцтва «Віяполь», якая ладзіла беларускамоўныя экскурсіі, і выкладчыцу катэдры эканамічнай геаграфіі БДУ зняволілі ў Мінску.
Яе вінавацяць ва ўдзеле ў пратэстах 2020 году. Яна, лічаць сілавікі, «актыўна падтрымлівала ўдзельнікаў масавых беспарадкаў» і «займалася распаўсюджваннем экстрэмісцкіх матэрыялаў». На яе старонках у сацыяльных сетках, нібыта, былі лагатыпы незалежных СМІ і нацыянальная сімволіка
Барыс Элькін
Затрыманы па вяртанні з Польшчы. Праваабаронцы высвятляюць падставы зняволення.
Паводле іх, Элькіна забралі яшчэ 1 жніўня ў Віцебску, а ў ягоным доме адбыўся ператрус.
У 2004 годзе Элькін быў адным з арганізатараў галадоўкі прадпрымальнікаў супраць створаных мясцовымі ўладамі перашкодаў для гандлю. Пасля 2010 года ён пераехаў у Польшчу і стаў сузаснавальнікам кампаніі, якая наймае на працу беларусаў і дапамагае бежанцам з Украіны.
Данііл Калеснікаў
Цалкам адбыў тэрмін і выйшаў на волю.
17-гадоваму хлопцу ў чэрвені 2021 года прысудзілі 1 год і 3 месяцы калоніі.
У ноч з 9 на 10 жніўня 2020 года Данііл разам з бацькам Віталём Калеснікавым былі ў цэнтры Жодзіна на плошчы. Па звестках следства, яны стаялі ў счэпцы ў першым шэрагу і выкрыквалі лозунгі.
Быў асуджаны за «групавыя дзеянні, якія груба парушаюць грамадскі парадак». Утрымліваўся ў бабруйскай калоніі.
На тэрыторыі раёна знаходзіцца некалькі дзясяткаў аб’ектаў гісторыка-культурнай спадчыны. Пераважна гэта курганы і курганныя комплексы, размешчаныя ў лясных масівах. На іх, як правіла, няма ніякіх адзнак пра культурную каштоўнасць аб’екта, што часам вядзе да знішчэння помніка праз неабачлівасць мясцовых гаспадароў і службовых асоб.
Паводле Кодэкса аб культуры, каб знізіць пагрозу для такіх аб’ектаў, усе яны, якія знаходзяцца пад аховай дзяржавы, павінны мець свае пашпарты і ахоўныя дошкі.
Акцыю па ўсталяванні ахоўных дошак правялі супрацоўнікі Бабруйскага лясгаса сумесна з супрацоўнікамі Нацыянальнай Акадэміі навук – напісана сайце райвыканкама.
Дошкі былі ўсталяваныя на курганных магільніках і адзінокіх курганах X – XIII стагоддзяў у Мірадзінскім лясніцтве, каля вёсак Лекерта, Брожка і іншых.
Супрацоўнік дарожна-транспартнай інспекцыі адмовіўся браць хабар у 200 долараў ад кіроўцы, затрыманага чацвёрты раз за год без правоў. Іх 31-гадовы жыхар Магілёва быў пазбаўлены.
Бяспраўнік, каб пазбегнуць крымінальнай адказнасці за шматразовае парушэнне правілаў дарожнага руху, спрабаваў угаварыць супрацоўніка ДПС не афармляць пратакол і пакінуў у яго службовай машыне з камерай відэафіксацыі стодоларавыя купюры, – паведамляе прэс-служба абласнога ўпраўлення ўнутраных спраў.
72-гадовы жыхар Магілёва падчас вячэрняга шпацыру пабачыў на вуліцы электрасамакат і вырашыў яго падарыць унуку.
Пажылы мужчына не ведаў, што транспартны сродак арандаваны і мае адпаведны GPS-трэкер, па якім уласніку лёгка адсачыць яго месцазнаходжанне, гаворыцца ў паведамленні абласной міліцыі.
У Горацкім раёне 17-гадовы падлетак, сагнаў трактар з прычэпам.
Трактарыст у замку запальвання пакінуў ключы, што справакавала падвыпіўшага маладзёна на правапарушэнне.
Падлетак вырашыў пракаціцца на трактары ў суседнюю вёску да сябра. У дарозе прычэп перавярнуўся, а хлопец уцёк. Пазней яго адшукалі міліцыянты, апавядае прэс-служба абласнога міліцэйскага ведамства.
Магілёўская міліцыя шукае сведкаў аварыі, якая здарылася на вуліцы Крупскай абласнога цэнтру 11 ліпеня.
Загінула 36-гадовая жанчына. Яна стала ахвярай наезду аўтамабіля на пешаходным пераходзе. Магілёў.media пісаў пра гэтую трагедыю.
ДТЗ адбылося на скрыжаванні вуліц Крупскай і Бялінскага. З-за пашкоджання кабелю не працавалі святлафоры. Жанчына пачала пераходзіць праезную частку і трапіла пад аўтамабіль.
Відавочцаў здарэння міліцыя просіцьзвярнуцца ў аператыўна-дзяжурную службу па тэлефоне 63-44-44.
Тым часам, Кітай праводзіць вайсковыя вучэнні па ўсім перыметры астраўной дзяржавы, якую лічыць сваёй тэрыторыяй.
Нэнсі Пэлосі прыбыла ў Тайвань 2 жніўня. Яна сустрэлася з прэзідэнткай краіны Цай Інвэнь.
Пэлосі – самы высокапастаўлены амерыканскі палітык за апошнія 25 гадоў, які наведаў Тайвань. Спікерка парламенту ЗША заявіла, што яе дэлегацыя прыбыла, каб даць «адназначна» зразумець, што яе краіна не перастане супрацоўнічаць з востравам і не адмовіцца ад абавязанняў.
«Сорак тры гады таму Амерыка паабяцала заўсёды падтрымліваць Тайвань» – казала Нэнсі Пэлосі.
«Свет стаіць перад выбарам паміж дэмакратыяй і аўтакратыяй. Рашэнне Амерыкі захаваць дэмакратыю тут, на Тайвані, застаецца жалезным» – падкрэсліла яна.
Прэзідэнтка Тайваню заявіла, што яе краіна застаецца «вартым даверу і надзейным партнёрам ЗША».
Паводле яе, Тайвань «сутыкаецца з наўмысным узмацненнем ваенных пагроз» і «зробіць усё магчымае, каб умацаваць свой патэнцыял самаабароны».
Візіт Нэнсі Пэлосі на Тайвань выклікаў эскалацыю напружанасці між Кітаем і ЗША. Кітай выказаў «рашучы пратэст» і страшыць мерамі ў адказ.
Кітайскія вайскоўцы знаходзяцца ў стане «павышанай боегатоўнасці». Яны адначасова пачалі некалькі вучэнняў побач з Тайванем.
Паводле агенцтва «Сіньхуа» Кітай заявіў, што з 4 па 7 жніўня правядзе ваенныя вучэнні ў шасці раёнах вакол Тайваню.
Кітай лічыць Тайвань сепаратысцкай правінцыяй. Суверэнітэт Тайваню прызнаны шэрагам уплывовых краінаў свету, у тым ліку ЗША.
Тайвань лічыць сябе Кітайскай рэспублікай. Мае 19-ю па велічыні эканоміку свету. Яе тэхналагічная індустрыя адыгрывае важную ролю ў сусветнай эканоміцы.
Узровень жыцця з’яўляецца вельмі высокім, паводле звестак МВФ на 2019–2020 гады краіна па ВУП на душу насельніцтва значна пераўзыходзіць узровень мацерыковага Кітаю.
Публікацыя падрыхтавана паводле звестак з адкрытых у інтэрнэце крыніцаў
Старшыня ўраду Раман Галоўчанка запэўнівае, што цукру ў краіне дастаткова. Паводле яго «20-25 тысяч тон цукру ляжыць у недатыкальным запасе звыш пралічаных патрэбаў на выпадак, калі хтосьці захоча зрабіць сваё жыццё яшчэ саладзейшым».
“Мы, у прынцыпе, ствараем запас штогод, бо хранічна ўзнікаюць нейкія ўсплёскі цікавасці да цукру ў розныя месяцы пад уплывам розных фактараў. Хоць я працягваю ўсім гаварыць: цукру трэба есці менш, будзеце здаравейшымі”, – цытуе Галоўчанку «БелТА».
Урадовец тлумачыць, што сёлета на ўнутраны рынак цукру будзе пастаўлена 380 тысяч тон. На наступны год з улікам росту вытворчасці запланавана паставіць да 400 тысяч тон. Калі і гэтага аб’ёму не хопіць, то ёсць магчымасць зменшыць экспартныя квоты, падае словы Галоўчанкі тэлеграм-канал «Правительство Беларуси».
Цукровая тэма ўздымаецца на працягу некалькіх апошніх тыдняў. 17 ліпеня ў Брэсце ўзнік ажыятажны попыт на гэты прадукт. Сталі разыходзіцца чуткі, што неўзабаве ён падаражэе. Яго пачалі браць кілаграмамі і на Магілёўшчыне. У некаторых крамах цукар наагул знік з паліц.
Чыноўнікі запэўнівалі, што цукру дастаткова, але тое мала суцішала пакупнікоў.
22 ліпеня Раман Галоўчанка адзначыў, што ажыятажны попыт на цукар прывёў да таго, што яго продаж павялічыўся са стандартных 800 тон да 4 тысяч тон за дзень.
Паводле яго, паніку ўдалося суцішыць і продаж цукру зменшыўся да 3 тысяч тон.
Ён заявіў тады, што цукру да новага ўраджаю «больш чым дастаткова»: на складах знаходзіцца 98 тысяч тон і гэтага павінна хапіць і насельніцтву, і харчовай прамысловасці нават пры самым высокім узроўні продажы, паведамляў Магілёў.media.
Урачыстасці з нагоды ўпарадкавання гульнявых пляцовак праводзіліся пераважна ў «спальных раёнах» Магілёва. У абласным цэнтры сёлета з удзелам чыноўнікаў іх пафасна адкрывалі з дзясятак. У глыбінцы ж, калі такія імпрэзы і адбываліся, то сціпла. Яны не асвятляліся гэтак шырока, як у Магілёве.
У райцэнтры Круглае адкрыццё гульнявога асяродка стала «значнай падзеяй». Яе, па словах чыноўнікаў, стваралі ўсёй грамадою гораду.
Паўдзельнічаць у адкрыцці прыйшлі старшыня мясцовага райсавету Сяргей Храмцоў і намесніца старшыні райвыканкаму Анжэла Лукашэвіч.
Паводле Храмцова будаўніцтва спортпляцоўкі «стала магчымым дзякуючы сумесным намаганням райвыканкаму, Савету дэпутатаў, жылкамгасу, а таксама жыхароў райцэнтру».
Чыноўнік «выказаў надзею, што гэты дзень дасць старт новым спартовым дасягненням, перамогам і рэкордам», піша круглянская раёнка «Сельскае жыццё».
Паводле выдання, традыцыйную чырвоную стужку на адкрыцці пляцоўкі перарэзалі Сяргей Храмцоў, Анжэла Лукашэвіч, а таксама самыя актыўныя хлопцы з двара, дзе забаўляльню ўпарадкавалі.
Часова прытуляе такіх жывёлаў мясцовае прадпрыемства, якое спецыялізуецца на вывазе смецця. Калі адлоўленым катам і сабакам не знаходзяцца гаспадары, то іх усыпляюць.
Тым часам, у цэнтральнай гарадской бібліятэцы разгарнулі фотавыставу для тых, хто хоча займець сабе гадаванца.
Кожны здымак суправаджаецца апісаннем звычак жывёлы, іх асаблівасцяў і пажаданняў па іх утрыманні. Любога ўпадабанага гадаванца можна забраць, патэлефанаваўшы па нумары тэлефона, указанаму пад фатаграфіяй, паведамляе рэсурс MyCity.by.
Паводле супрацоўнікаў бібліятэкі выстава сабраная з матэрыялаў, апубліканых у суполцы сацыяльнай сеткі Ўкантакце «Мы шукаем дом («Добрае сэрца») Магілёў». Інфармацыя ў пабліку абнаўляецца штодня. Жывёлаў, якім патрабуецца дапамога, не становіцца меней.
У бібліятэцы падобныя выставы ладзяць рэгулярна. Яе супрацоўнікі вераць, што «мілыя і добрыя «хвосцікі» абавязкова знойдуць свой дом і клапатлівых гаспадароў».
У Магілёве няма адмысловага прытулку для бадзяжных і выкінутых людзьмі жывёлаў. Гэтую праблему не раз уздымалі абаронцы жывёлаў перад мясцовай уладай, але яна застаецца актуальнай.
Днямі дабрачынная ўстанова «Востраў дабрыні» актуалізавала праблему бадзяжных сабак і катоў у горадзе, пісаў Магілёў.media.
Валанцёры арганізавалі на пешаходнай вуліцы збіралі сродкі на ўтрыманне беспрытульных жывёлаў.
фота з русурсаў: mycity.by, avatars.mds.yandex.net
