Tag: авария

У Крычаве трэція суткі аднаўляюць падачу цяпла ў жылыя дамы

Навіна ад

У Крычаве пасля аварыі на цеплатрасе па вуліцы Мікрараён Сож камунальнікі пачалі падаваць гарачую ваду ў сістэму ацяплення.

Ацяпленне ўжо паступае ў домы па вул. Паркавая 1 і 3, вул. Мікрараён Сож 15, 31,12, 12а,16,13,30,36 і 14, у дом 31а па вул. Кастрычніцкай. Акрамя таго, цалкам адноўлена ацяпленне ў СШ №3, гаворыцца ў паведамленні тэлеграм-канал мясцовай раёнкі “Крычаўскае жыццё”

“Нагадваем, што працы яшчэ ідуць і цяпло вяртаецца паступальна”, – адзначаецца там.

Раней жыхарам паведамілі, што калі да 15:00 батарэі не стануць цёплымі, неабходна звяртацца ва УКПП «Камунальнік», каб выпусціць паветра з сістэмы.

Раней з-за няспраўнасці гарадской кацельні «Сож», зафіксаванай 10 снежня каля 16:30, у Крычаве без ацяплення засталіся 62 шматкватэрныя дамы, школа і 3 дзіцячыя сады. У ноч на 12 снежня ўдалося падключыць адзін павышальны насос, дзякуючы чаму цяпло вярнулі ў 14 дамоў (504 кватэры) і два дзіцячыя сады.

Увечары 12 снежня старшыня Крычаўскага райвыканкама Аляксей Шарай паведаміў, што з сацыяльных аб’ектаў без ацяплення ўсё яшчэ застаюцца школа № 3 і адзін дзіцячы сад.

Фотаздымак з адкрытых крыніц

Утечка химикатов в Белыничах: спасатели устраняли последствия аварии

Навіна ад

В Белыничах из кузова грузовика вытекло химическое вещество. К месту происшествия прибыли спасатели, чтобы устранить угрозу.

В экстренные службы поступило сообщение об утечке химического вещества из грузового автомобиля в Белыничах. Грузовик перевозил дезинфицирующее средство в пластиковых бочках и канистрах общим весом 20 тонн. Одна из пластиковых бочек объемом 200 литров опрокинулась и была повреждена. 

Спасатели устранили утечку и приняли меры по предотвращению дальнейшего распространения химиката. Информация о пострадавших не поступала.

Фото: МЧС Беларуси.

Вынеслі прысуд жанчыне, што зладзіла п’яную аварыю з трыма ахвярамі пад Магілёвам

Навіна ад

Недалёка ад Магілёва, на павароце каля санаторыя “Сосны” вечарам 13 ліпеня адбылася жахлівая аварыя. Аўтамабіль Volkswagen на шалёнай хуткасці здзяйсняў абгон неўзіраючы на сустрэчныя машыны, потым згубіў кіраванне і сутыкнуўся з аўтамабілем Audi. На апошніх кадрах відэа гэтай аварыі можна заўвжыць, што ад удару Volkswagen разарвала на часткі – па ўзбочыне коціцца задні мост і багажнік.

У выніку аварыі загінулі тры чалавекі – муж і 5-гадовы сын жанчыны, што знаходзілася за стырном, а таксама 18-гадовы пасажыр сустрэчнай машыны. Хіміка-таксікалагічная экспертыза паказала наяўнасць у жанчыны ў крыві больш за 2 праміле алкаголю. Аднак, на судовым паседжанні яна віну ў здзяйсненні злачынства не прызнала і адмаўляла факт таго, што была п’яная – паведамілі ў прэс-службе суда.

Суд прызнаў жыхарку абласнога цэнтра вінаватай па ч. 5 ст. 317 КК (Парушэнне правілаў дарожнага руху асобай, якая кіруе транспартным сродкам у стане алкагольнага ап’янення, што пацягнула па неасцярожнасці смерць дзвюх і больш асоб) і прыгаварыў да сямі гадоў пазбаўлення волі ў папраўчай калоніі ва ўмовах пасялення з пазбаўленнем права займацца дзейнасцю, звязанай з кіраваннем транспартнымі сродкамі, на 8 гадоў.

Таксама суд пастанавіў спагнаць з уладальніцы транспартнага сродку на карысць пацярпелых у лік матэрыяльнай кампенсацыі маральнай шкоды грашовыя сродкі на агульную суму 50 000 рублёў.

Фота: Судовыя экспертызы

Лабавое пад Шкловам – шэсць чалавек шпіталізаваныя

Навіна ад

Сёння раніцай, каля 9:20, на 57-м кіламетры аўтадарогі “Орша – Шклоў – Магілёў” адбылося сур’ёзнае дарожна-транспартнае здарэнне. Паводле папярэдняй інфармацыі, 65-гадовая кіроўца аўтамабіля Honda выехала на паласу сустрэчнага руху непадалёк ад вёскі Літоўск, дзе ўлабавую сутыкнулася з аўтамабілем Peugeot пад кіраваннем 68-гадовага мужчыны.

У выніку аварыі шэсць чалавек атрымалі траўмы і былі дастаўлены ў бальніцу для аказання медыцынскай дапамогі. Сярод пацярпелых:

  • Кіроўца і 74-гадовая пасажырка Peugeot
  • Кіроўца Honda і тры яе пасажыры: 33-гадовая жанчына, 9-гадовы хлопчык і 11-гадовая дзяўчынка

Важна адзначыць, што ўсе ўдзельнікі ДТЗ былі прышпілены рамянямі бяспекі, а дзеці перавозіліся ў спецыяльных дзіцячых утрымліваючых прыладах. Гэта, верагодна, дапамагло пазбегнуць больш цяжкіх наступстваў аварыі.

Фота: ДАІ

Кіроўца зазявалася – пад Мсціславам машыну выкінула з дарогі

Навіна ад

Аднаго з пасажыраў прыйшлося вызваляць з дапамогай спецыяльнага інструмента.

Раніцай 18 жніўня на трасе пад Мсціславам адбылася жорсткая аварыя. Аўтамабіль Citroen, у якім ехалі пяць чалавек, выкінула з дарожнага палатна, машына перакулілася. Як паведамляе прэс-служба УУС Магілёўскага аблвыканкама, ДТЗ адбылося па той прычыне, што кіроўца згубіла ўвагу і выехала на сустрэчную паласу руху, а потым і наогул перастала кантраляваць аўтамабіль.

Для таго, каб дастаць з машыны аднаго з пасажыраў, спатрэбілася дапамога ратавальнікаў. Ён быў шпіталізаваны з траўмамі – піша прэс-служба МНС. У аварыі ніхто не загінуў, дзякуючы рамяням бяспекі – адзначылі супрацоўнікі ДАІ.

аварыя

Фота: МНС

Жудаснае лабавое сутыкненне пад Магілёвам – машыну разарвала на часткі, загінулі дарослы і дзіця

Навіна ад

Вечарам 13 ліпеня, каля 20:40 адбылася жахлівая аварыя пад Магілёвам, недалёка ад паварота на санаторый “Сосны”. На відэа, апублікаваным ДАІ бачна, як аўтамабіль Volkswagen на шалёнай хуткасці здзяйсняе абгон неўзіраючы на сустрэчныя машыны, потым губляе кіраванне і сутыкаецца з аўтамабілем Audi. На апошніх кадрах відэа можна заўвжыць, што ад удару Volkswagen разарвала на часткі – па ўзбочыне коціцца задні мост і багажнік.

У выніку аварыі загінулі два чалавекі – мужчына і дзіця, якія ехалі ў Volkswagen. Яшчэ адзін дзіцёнак і трое дарослых былі дастаўленыя ў лякарню. Абставіны здарэння высвятляюцца.

Фота: ДАІ, скрыншот.

Тры чалавекі загінулі ў ДТЗ пад Слаўгарадам

Навіна ад

Кіроўца легкавушкі не прапусціў грузавік, які ехаў па галоўнай дарозе.

Трагедыя адбылася вечарам 30 чэрвеня на трасе з Крычава на Бабруйск, недалёка ад Слаўгарада – паведамляе прэс-служба абласнога УУС. Выяжджыючы з другаснай дарогі на галоўную, 26-гадовы кіроўца аўтамабіля Chevrolet не прапусціў грузавы аўтамабіль DAF. У выніку аварыі загінулі тры пасажыры легкавушкі. Яшчэ два чалавекі – сам кіроўца і яго пасажыр – дастаўленыя ў лякарню. 

Фота: ДАІ

П’яны жыхар Глускага раёна трапіў пад цягнік

Навіна ад

Інцыдэнт адбыўся на прыпынку Дудзічы ў Калінкавіцкім раёне Гомельшчыны. Машыніст грузавога цягніка заўважыў мужчыну, што бадзяўся здоўж чыгуначных рэек, і падаў яму гукавы сігнал. Той гэты сігнал, аднак, праігнараваў. Экстраннае тармажэнне не ўратавала ад аварыі – цягнік збіў мужчыну, які ў выніку атрымаў шматлікія траўмы. Як высветлілася, пацярпелым аказаўся жыхар Глускага раёна 1986 года нараджэння. Па рэйках ён гуляў у стане алкагольнага ап’янення. Зараз пацярпелы знаходзіцца ў цяжкім стане ў рэанімацыі – паведамляе газета “Радзіма”.

Фота: “Радзіма” 

Мікрааўтобус разбіўся пад Бабруйскам – легкавушка праігнаравала знак “Stop”

Навіна ад

Вечарам 25 чэрвеня на трасе Бабруйск-Магілёў  адбылася жорсткая аварыя. Кіроўца легкавога аўтамабіля Renault вылецеў з другаснай дарогі на трасу, праігнараваўшы знак “Рух без прыпынку забаронены”. Яго машына сутыкнулася з мікрааўтобусам Volkswagen Transporter, у якім ехалі мужчына і жанчына. Volkswagen ад удару развярнула на 180 градусаў і перавярнула. Кіроўца і пасажырка, на шчасце, не пацярпелі. Траўмамі абышлося і ў тых, хто быў у Renault – нязначныя ўшыбы атрымала дачка кіроўцы, паведамляе “Камерцыйны кур’ер”.

Фота: “Камерцыйны кур’ер”

Кіроўца аўтобуса ў Бабруйску не справіўся з паваротам – у пасажыра пералом з разрывам лёгкага

Навіна ад

Бабруйскі кіроўца гарадскога аўтобуса здзейсніў вельмі няўдалы паварот, перавозячы пасажыраў – задняе кола наехала на бардзюрны камень і выскачыла на тратуар. У выніку аднаго з пасажыраў так падкінула, што ён паваліўся на падлогу і атрымаў пералом рабрыны з разрывам лёгкага і пнеўматораксам.

Супраць 61-гадовага кіроўцы ўзбуджана крымінальная справа, ён знаходзіцца пад падпіскай аб нявыездзе. Адзначаецца, што вадзіцеь аўтобуса неаднаразова прыцягваўся да адміністрацыйнай адказнасці за стварэнне аварыйнай абстаноўкі і пакіданне месца аварыі. Нагадаем, што ў Бабруйску доўгі час крытычна не хапала кіроўцаў гарадскіх аўтобусаў, аўтапарку прыходзілася адмяняць дзясяткі гарадскіх рэйсаў.

Фота ілюстрацыйнае