Tag: смертельное ДТП

Сварка з жонкай і два праміле – следчыя расказалі, як Porsche насмерць збіў пешахода ў Магілёве

Навіна ад

У Следчым камітэце завяршылі расследаванне дарожнай аварыі, у якой загінуў 30-гадовы магілёвец. Як паведамляе  прэс-служба ведамства, да трагедыі прывялі сварка з жонкай кіроўцы аўтамабіля Porsche і 200-грамовая бутэлька алкаголю.

Вечарам 20 сакавіка 28-гадовы магілёвец прыяжджаў да дома сваёй цешчы, каб пагаварыць з жонкай – тая сышла ад яго з дзецьмі да маці. Нягледзячы на просьбы мужчыны, жанчына не пагадзілася памірыцца з ім, таму пасля размовы магілёвец набыў і проста пад домам выпіў 200 грам гарэлкі. 

Потым ён вырашыў адагнаць свой аўтамабіль на паркоўку, але на скрыжаванні праспекта Міра і вуліцы Касманаўтаў экіпаж ДАІ падаў кіроўцы сігнал спыніцца. Усведамляючы, што ён будзе пакараны за п’яную язду, магілёвец вырашыў уцякаць. Каля дома №14 па вуліцы Касманаўтаў яго Porsche перавысіў дазволеную хуткасць на 60 км/г. На выездзе з закруглення дарогі машыну занесла, яна наскочыла на бардзюр і вылецела на тратуар, дзе збіла 30-гадовага мінака. Ад траўм малады чалавек памёр на месцы. Машына здолела спыніцца толькі ўткнуўшыся ў сцяну дома.

Медыцынскае асведчанне паказала ў кіроўцы 2 праміле алкаголю ў крыві.

Фота: Следчы камітэт

Ахвярай у смяротнай аварыі стала 18-гадовая дачка кіроўцы-ліхача – пракуратура

Навіна ад

Пракуратура Магілёўскай вобласці абвясціла сваё абвінавачванне ў справе пра смяротную аварыю 22 лістапала мінулага года на дарозе Сялец-Дрыбін-Горкі. У той дзень, вечарам 46-гадовы вадзіцель на сваёй машыне Renault Espace ехаў па заснежанай трасе з перавышэннем дапушчанай хуткасці. Акрамя кіроўцы ў аўтамабілі на пярэднім сядзенні была яго 15-гадовая дачка, а на заднім старэйшая, 18-гадовая.

У пэўны момант праезд аўтамабілю перашкодзіў трактар, які рухаўся ў тым жа накірунку. Каб пазбегнуць сутыкнення з ім, кіроўцы выехаў на сустрэчную паласу, дзе сутыкнуўся з фурай.

І вадзіцеля і пасажырку на пярэднім сядзенні выратавалі паясы беспекі. Дзяўчына на заднім сядзенні не была прышпіленая, яе выкінула з салона машыны і ад атрыманых траўм 18-гадовая дачка вадзіцеля сканала на месцы. І кіроўца і малодшая дачка атрымалі цяжкія цялесныя пашкоджанні.

Паводле пракуратуры, віна за смяротнае ДТЗ ляжыць на вадзіцелі. Ён не ўлічыў пагодныя і дарожныя ўмовы – ападкі і заснежаную праезную частку. Акрамя таго, праігнараваў устаноўленае абмежаванне хуткасці і праявіў няўважлівасць да дарожна-транспартнай сітуацыі. 

Справа накіраваная ў суд – піша БелТА.

Фота: Следчы камітэт

Пад Магілёвам загінуў аўтамыйшчык без правоў, які катаўся на машыне кліента

Навіна ад

Раніцай 23 сакавіка на ўчастку аб’язной дарогі пад Магілёвам, каля вёскі Паўлаўка 23-гадовы юнак не справіўся з кіраваннем і вылецеў у кювет. Машына некалькі разоў перакулілася, а кіроўца не быў прышпілены поясам бяспекі. Ад атрыманых раненняў ён памёр. 

Высветлілася, што юнак, які загінуў, працаваў на магілёўскай аўтамыйцы, а аўтамабіль Volkswagen Polo ён узяў без ведама гаспадара. Днём раней кліент пакінуў яму машыну для хімчысткі салона – паведамляе прэс-служба абласнога УУС. Правоў у мужчыны не было.

Фота: прэс-служба Магілёўскага абласнога УУС

Раварыста ў Магілёве збілі насмерць на пешаходным пераходзе

Навіна ад

Трагедыя адбылася вечарам 28 студзеня. 66-гадовы веласепідыст, абазначаны флікерам, рухаўся па рэгуляваным пешаходным пераходзе на Мінскай шашы. У выніку наезду аўтамабіля Skoda, якім кіраваў 55-гадовы мужчына, раварыст атрымаў траўмы, ад якіх памёр на месцы здарэння – паведамляе Тэлеграм-канал прэс-службы абласнога УУС.

Фота: УУС

Пайшоў на абгон – пад Бабруйскам у аварыі загінулі двое

Навіна ад

Два пасажыры аўтамабіля Ford, якім кіраваў 25-гадовы мужчына, загінулі ў аварыі. Кіроўца пайшоў на абгон на трасе Бабруйск-Мазыр увечары 27 студзеня, і сутыкнуўся з аўтамабілем Peugeot. Сам вадзіцель і яшчэ адзін пасажыр атрымалі траўмы. Ахвярамі лабавога сутыкнення сталі 56-гадовая жанчына і 35-гадовы мужчына. Кіроўца і пасажыр Peugeot таксама атрымалі траўмы і былі шпіталізаваныя – паведамляе прэс-служба абласнога УУС.

Фота: УУС

Тры дзяўчыны загінулі ў жахлівай аварыі пад Чавусамі

Навіна ад

Машыну выкінула ў кювет, дзе яна разбілася аб дрэва і загарэлася. Дааццаціпяцігадовая кіроўца Audiі дзве яе пасажыркі 19 і 24 гадоў узростам загінулі на месцы – перадае Тэлеграм-канал прэс-службы абласнога УУС. Яшчэ адну 22-гадовую пасажырку выкінула з машыны падчас аварыі. Яна выжыла і знаходзіцца ў лякарні.

Трагедыя адбылася а трэцяй гадзіне ночы 29 лістапада. Яе прычынай стала тое, што вадзіцель не справілася з кіраваннем на фоне цяжкага надвор’я і дрэннай дарогі – мяркуюць следчыя. Узбуджана крымінальная справа.

Фота: ДАІ

 

Пьяны бяспраўнік разбіўся ў Чавускім раёне, пасажыр загінуў

Навіна ад

Каля вёскі Пуцькі Чавускага раёна жыхар раённага цэнтра на аўтамабілі Mazda з’ехаў з дарогі і ўрэзаўся ў дрэва. 44-гадовы пасажыр машыны не быў прышпілены і сканаў ад атрыманых траўмаў. Трагедыя адбылася 12 кастрычніка каля 16.30.

Экспертыза паказала 1,3 праміле алкаголю ў крыві кіроўцы. Ім быў 31-гадовы жыхар Чавус, які не меў і ніколі не атрымліваў правоў на ваджэнне – паведамляе Тэлеграм-канал абласнога УУС.

Пажылую жанчыну ў Магілёве збіў МАЗ і пераехаў, не заўважыўшы

Навіна ад

Жанчына сканала на месцы. 

Трагедыя здарылася сёння каля 13.00 – паведамляе Тэлеграм-канал прэс-службы абласнога УУС. 34-гадовы кіроўца МАЗа выяжджаў ад прадуктовай крамы на вуліцы Народнага апалчэння. Не заўважыўшы 82-гадовую жанчыну перад аўтамабілем, кіроўца збіў яе і пераехаў. Ад атрыманых ран жанчына сканала на месцы здарэння.

Два чалавекі загінулі пры аварыі ў Магілёўскім раёне

Навіна ад

Трагедыя адбылася каля 15:00 паблізу вёскі Сянькова. Паводле папярэдняй інфармацыі, на закругленні дарогі налева, вадзіцель Subaru не справіўся з кіраваннем. Адбыўся занос аўтамабіля, у выніку якога ён перакуліўся на дах.

Побач з транспартным сродкам знойдзены целы дваіх мужчын. Адзін з іх 48-гадовы мясцовы жыхар. Асоба другога ўстанаўліваецца.

 

Пешахода збілі насмерць у Бабруйскім раёне ноччу – ён стаяў на дарозе без флікера

Навіна ад

Надзвычайнае здарэнне адбылося паблізу вёскі Ясны Лес 29 верасня каля 23:30 – паведамляе Тэлеграм-канал абласнога УУС. 

54-гадовы кіроўца  мікрааўтобуса Mercedes, рухаючыся па аўтадарозе “Магілёў-Бабруйск”,  здзейсніў наезд на мужчыну, які стаяў на праезнай частцы дарогі без святлоадбіўных элементаў.

На фота відаць, што ўдар прыйшоўся ў левае крыло аўтамабіля – з боку кіроўцы. Гэта можа сведчыць пра тое, што пешаход знаходзіўся блізка да цэнтра дарогі.