Самалёт Нэнсі Пэлосі прызямліўся ў сталіцы Тайваню – Тайбэі. Спікер Кангрэсу ЗША заявіла, што ЗША падтрымліваюць тайваньскую дэмакратыю і працягваюць выступаць супраць аднабаковых спроб «змяніць статус-кво».
Яна падкрэсліла, што яе візіт не супярэчыць палітыцы ЗША ў дачыненні да Кітая.
Вакол гатэлю ў Тайбэі, дзе будзе перабываць падчас візіту Пэлосі, узмоцнена ахова – паліцыянты ставяць металічныя загароды. А на самым высокім будынку ў Тайбэі з’явіўся надпіс «Спікер Пеласі, сардэчна запрашаем на Тайвань».
МЗС КНР выступіў рашуча супраць і асуджае візіт Пэлосі на Тайвань, паведамляюць СМІ. Паводле агенцтва «Сіньхуа» Кітай заявіў, што з 4 па 7 жніўня правядзе ваенныя вучэнні ў шасці раёнах вакол Тайваню.
У той жа час ля вострава знаходзіцца авіяносная ўдарная група на чале з атамным авіяносцам ваенна-марскіх сіл ЗША USS Ronald Reagan. У яе склад таксама ўваходзяць ракетны крэйсер USS Antietam і эсмінец USS Higgins.