Category: Навіны

Компании-единороги 2022 года – куда катится этот мир

Навіна ад

В Беларуси есть все условия для успешного стартапа, а успешным сейчас может стать любой.

Ступим на сказочную землю, где живут единороги! Юникорн (unicorn) –  иначе говоря, единорог – сказочный персонаж, которого любят практически все дети. Этот образ отлично можно эксплуатировать в финансовой сфере, уж очень он сладкий – выйти на $1 млрд по оценкам рынка для любой компании очень приятно. Этот термин начали применять примерно 10 лет назад в Кремниевой долине при анализе роста компаний на мировом рынке. Аналитики спорят о том, каким критериям должен соответствовать единорог – кто-то говорит, что это должен быть стартап, который с нуля достиг рыночной стоимости активов в один миллиард долларов. Кто-то причисляет к единорогам вообще все компании-миллиардеры.   

В 2013 году в мире было зарегистрировано 39 компаний-единорогов. В 2018 – 119 частных компаний-единорогов. В 2021 году  наибольшее число единорогов зафиксировано в США (441) и Китае (253), в Европе всего чуть больше 50. 

А как дела у нас – в Беларуси и постсоветском пространстве? В Беларуси компаний-единорогов не зарегистрировано, хотя есть несколько примеров удачного старта именно в нашей стране и дальнейшего выхода в статус миллиардеров. Например, это PandaDoc, Wargaming, EPAM. В России компаний-единорогов тоже нет, могли бы стать в перспективе  Avito, «Яндекс», «Яндекс.Такси», Mail.ru Group, Playrix, Badoo. Но, по-видимому, такая перспектива теперь отодвинулась ещё дальше – учитывая происходящие события.  

То есть, получается, что для успешной реализации бизнес-модели мало хорошей идеи и хороших исполнителей – необходимо сместиться ближе к мироым экономическим полюсам. Скудная европейская статистика это только подтверждает. Но почему так?

Причины успеха одних и неуспеха других

Чем объясняется такая неравномерность мега-успешных бизнесов в мире?

Очевидно, что во-первых ёмкостью финансового рынка в регионе (в русскоязычном пространстве интернета – 250-300 млн. человек и это хорошая цифра для инфоуслуг, но в оффлайне круг существенно сужается. Ну, и понятно, что 9 млн жителей в Беларуси не способны сделать компанию единорогом. Проект должен ориентироваться на мировые рынки. Значение имеет также то, какие условия созданы для бизнеса в локации (насколько законодательство готово и способствует развитию предпринимательства).

Имеет значение неумение интегрировать серьезные масштабные бизнесы с ИТ и тем самым, их масштабировать (средний и крупный бизнес находится в условиях, когда все усилия брошены на решение сиюминутных задач сохранения компаний, не до стратегического внедрения ИТ). Также – отсутствие аккумулированных знаний по созданию стартапов (нет бизнес-школ с направленным выстроенным системным обучением, в среднем, профессиональном и высшем образовании не уделяется этому направлению внимание вообще);

Ну и, конечно, имеют значение опасения инвесторов, обусловленные высокой неопределенностью ведения бизнесов во многих государствах (внутренних инвесторов практически не осталось, вешние предпочтут вкладывать даже небольшие инвестиции в стартапы, которые территориально находятся в юрисдикциях с простыми и понятными правилами игры).

Как видим, причины точно не в «мозгах» стартаперов из постсоветского пространства – с ними всё в порядке. Практически во всех компаниях-единорогах в мире, всегда есть руководящие сотрудники с постсоветского пространства на высоких должностях.

Один рог – недостаточно!

Необходимо трезво посмотреть на ситуацию, проанализировать успешный опыт и действовать. В последнем квартале 2022 года появилось 60+ финтех-юникорнов. Из них 40 было построено на основе блокчейна. Помимо стартапов в сфере банковских услуг лидирующие позиции в венчурном инвестировании получили блокчейн-стартапы в сфере Web3, NFT,  Метавселенной и гейминга.

Вообще, мир уже пришел к новому пониманию инновационной экономики – быстро инвестировать, быстро осваивать  и запускать все процессы в компании, быстро получать финансовую отдачу, а, следовательно, развитие социально-ориентированной экономики – жизненно важных потребительских товаров или услуг. 

Пока мы будем потихоньку осваивать создание стартап-проектов, их запуск, поиск инвестиций, стартапы мирового уровня, превратившиеся за несколько лет в юникорны, уже смотрят в сторону  декакорнов. 

Один рог ($1 млрд) – недостаточно! Инвесторы ищут потенциал в 10 «рогов», т.е. компания с оценкой в $10 млрд например, как украинская Grammarly (онлайн-платформа на основе искусственного интеллекта, помогающая в общении на английском языке), оцениваемая уже в $13 млрд. 

Абсолютно в любой сфере жизнедеятельности человека можно запустить стартап и добиться огромных успехов – при хороших «мозгах», слаженной команде, грамотно используемых инвестициях и возможностях, создаваемых государством. Вот, короткий список примеров. Да-да, все это новые компании-юникорны.

Abnormal Security занимается защитой электронной почты. ReMarkable – компания по производству бумажных планшетов. Material Security – компания по обеспечению безопасности электронной почты. Mashgin – система бесконтактных касс. iCIMS помогает компаниям управлять талантами. Material Bank из Флориды  занимается образцами дизайна.

В Беларуси стартап-движение начало активно развиваться в последние лет 5. Только формируется культура бизнеса и предпринимательства.  Ниша практически пуста. Производства  и бизнес-модели крупных и средних компаний крайне устаревшие. Потребности экономики огромные. Но, жесткие ограничения растут, при этом возможности и перспективы стоят на месте. При наших фундаментальных знаниях и способностях выживать в сложных условиях, мы в любой   отрасли  можем запустить стартап с претензией на единорога – нам нужна только надёжная точка опоры.

На Беларусі зноў бачылі паўночнае ззянне

Навіна ад

Такое відовішча можна было назіраць пад Віцебскам, у пасёлку Сураж. Відэа ўзята з сацыяльных сетак.

Раней паўночнае ззянне рэгістравалася на Беларусі чатыры гады таму. У 2018 годзе ў ноч з 18 на 19 сакавіка яго знялі пад Докшыцамі і звязалі з моцнай магнітнай бурай.

Паглядзіце на гэты ямачны рамонт па-бабруйску

Навіна ад

Відэаролік з асаблівасцямі дарожна-камунальнага добраўпарадкавання ў Бабруйску з’явіўся ў сацыяльных сетках.

Паведамляецца, што такую карціну назіралі на вуліцы Пралетарскай.

Уведзены новыя кошты на газ, цеплавую і электраэнергію для беларусаў

Навіна ад

Урад устанавіў новыя цэны ў адпаведнасці з пастановай Саветаў Міністраў ад 30 снежня 2022 года № 952, якая размешчана на Нацыянальным прававым інтэрнет-партале.

Тарыфы на цеплавую энергію для патрэб ацяплення і гарачага водазабеспячэння з 1 чэрвеня па 31 мая ўключна зменены з 21,9245 на 24,7187 беларускіх рублі за 1 Гкал.

За 1 кубічны метр прыроднага газу, які выкарыстоўваецца з устаноўленымі прыборамі індывідуальнага ўліку расходу газу, неабходна будзе аплаціць пры наяўнасці індывідуальных газавых ацяпляльных прыбораў з 1 студзеня па 31 мая ўключна – 0,1993 рублі, з 1 чэрвеня па 31 снежня ўключна – 0,2062 рублі. Пры адсутнасці індывідуальных газавых ацяпляльных прыбораў трэба будзе заплаціць – 0,5477 рублі.

Актуалізаваны тарыфы таксама на электраэнергію. У жылых дамах і кватэрах аднаставачны тарыф устаноўлены ў памеры 0,209 рубля за 1 кВт·гадзіну для абсталяваных электрычнымі плітамі, для іншых – 0,2459 рублі.

Фота з адкрытых крыніц.

Дзень у гісторыі. 5 студзеня. Нарадзіліся Еўфрасіння Полацкая, акадэмік Аляксандр Вайтовіч, жывапісец Ігар Бархаткоў. Пачалося будаўніцтва маста “Залатыя вароты”

Навіна ад

Дзень работнікаў сацыяльнай абароны Беларусі. 

Гэта свята непасрэдна датычыцца больш як 35 тысяч чалавек, якія працуюць у органах па працы, занятасці і сацыяльнай абароне, а таксама, і іх падапечных. А гэта – ні многа ні мала – больш за 1,8 мільёнаў людзей, якія стаяць на ўліку ў тэрытарыяльных цэнтрах сацыяльнага абслугоўвання насельніцтва.

Найбольш запатрабаванай на сёння формай сацыяльнага абслугоўвання пажылых і інвалідаў з’яўляецца дапамога на даму. Яе атрымліваюць каля 90 тысяч непрацаздольных жыхароў краіны.

1104 год. Нарадзілася Еўфрасіння Полацкая (Прадслава). 

Святая ў праваслаўных і грэка-каталікоў, апякунка Беларусі. 

Полацкая князёўна і ігумення, першая ў Цэнтральна-Усходняй Еўропе падарожніца, паломніца. 

У 1167 годзе ішла ў паломніцтва па Дняпры, праз Оршу, праз месца, дзе зараз стаіць Магілёў, магла прыпыняцца там, дзе зараз месціцца Паднікольскі манастыр. 

У 1187 г. яе мошчы былі перанесены з Ерусаліма ў Кіева-Пячорскую лаўру. 

У 1910 годзе пры вяртанні машчэй з Кіева ў Полацк, рака з парэшткамі святой стаяла тры дні ў Іосіфаўскім саборы ў Магілёве.

1875 год. Памёр Адам Завадскі. 

Віленскі друкар і выдавец.

Пасля бацькі Юзафа Завадскага ўзначаліў выдавецтва Завадскага. Яго жонка – Вінцэнціна Завадская – аўтар папулярнай кулінарнай кнігі «Літоўская кухарка» (Вільня, 1854).

Супрацоўнічаў з многімі пісьменнікамі, у тым ліку з В. Дунінам-Марцінкевічам, у 1846 годзе выйшла яго першая кніга «Сялянка». Перапісваўся з М. Асорыя-Цяплінскім наконт выдання «Snopka Nadniemeńskiego» і збору яго твораў.

1891 год. Нарадзіўся Адам Пучкар-Хмялеўскі. 

Рымска-каталіцкі святар, грамадскі і культурны дзеяч.

Вучыўся ў Магілёўскай духоўнай каталіцкай семінарыі ў Пецярбургу, дзе далучыўся да беларускага нацыянальнага руху. Святар з 1916 года, служыў у Бабруйску, Іркуцку, мінскіх касцёле Святых Сымона і Алены, кафедральным касцёле, у парафіях Койданава, Заслаўя, Воўчкавіч.

У 1926 годзе на з’ездзе каталіцкіх святароў Мінскай губерні выступіў з прапановай утварэння каталіцкай дыяцэзіі на чале з беларускім біскупам, падпарадкаваным непасрэдна Ватыкану, а не польскай іерархіі. 

Арыштоўваўся ЧК у 1920, ДПУ БССР у 1933 годзе. Разам з іншымі святарамі асуджаны і сасланы ў лагеры.  

Загінуў 1 верасня 1938 года.

1907 год. У в. Радучы Чавускага раёна нарадзіўся Кастусь Губарэвіч.  

Беларускі драматург. Заслужаны дзеяч мастацтваў.

Настаўнічаў, працаваў у газетах «Палеская праўда», «Літаратура і мастацтва»,  на Белдзяржкіно, «Беларусьфільме», Беларускім радыё, у Міністэрстве культуры.

Аўтар вершаў, апавяданняў, зборнікаў апавяданняў, драм, лірычных камедый, шэрагу гісторыка-рэвалюцыйных і ваенна-патрыятычных п’ес, у тым ліку «Цытадэль славы» (пастаноўка 1949; пад назвай «Брэсцкая крэпасць», 1953), «Простая дзяўчына», «На крутым павароце», «Брэсцкі мір», «Партызанская зона». Выступаў як кінадраматург: сцэнарыі фільмаў «Баям насустрач», «Дзяўчынка шукае бацьку», «Паланэз Агінскага» і іншых.

Памёр 3 ліпеня 1987 года.

 

1931 год. Нарадзіўся Уладзімір Піліповіч. 

Беларускі вучоны ў галіне лазернай фізікі і аптычнай апрацоўкі інфармацыі. Доктар фізіка-матэматычных навук, прафесар, акадэмік. Заслужаны дзеяч навукі. Лаўрэат Дзяржаўных прэмій СССР і Беларусі.

Працаваў у Інстытуце фізікі АН БССР, загадчыкам Лабараторыі электронікі дырэктарам Інстытута электронікі Акадэміі навук.

Вынікі яго даследаванняў і распрацовак адлюстраваны больш чым у 400 навуковых працах, у тым ліку ў 3 манаграфіях. У галіне лазернай фізікі і аптычнай апрацоўкі інфармацыі створана прызнаная навуковая школа, сярод яго вучняў 3 дактары і 32 кандыдаты навук.

Памёр 2 красавіка 2018 года.

1933 года. У Сан-Францыска пачалося будаўніцтва аднаго з самых вядомых у свеце мастоў – “Залатая Брама”, “Залатыя Вароты” (Golden Gate Bridge). Вісячы мост праз праліў Залатыя Вароты. 

Ён злучае горад Сан-Францыска на поўначы паўвострава Сан-Францыска і паўднёвую частку акругі Марын, побач з прадмесцем Саўсаліта. Быў самым вялікім вісячым мостам у свеце з моманту адкрыцця ў 1937 і да 1964 года. 

Даўжыня моста – 1970 метраў, даўжыня асноўнага пралёта – 1280, вышыня апор – 230 метраў над вадой. Ад праезжай часткі да паверхні вады – 67 метраў.

1938 год. Нарадзіўся Аляксандр Вайтовіч. 

Беларускі акадэмік, фізік і палітык. Доктар фізіка-матэматычных навук, прафесар, акадэмік Нацыянальнай акадэміі навук Беларусі, Еўрапейскай акадэміі навук, мастацтваў і славеснасці.

Працаваў у Інстытуце фізікі АН БССР, дырэктарам Інстытута малекулярнай і атамнай фізікі НАН Беларусі, прэзідэнтам Нацыянальнай акадэміі навук Беларусі (1997-2000), Старшынёй Савета Рэспублікі Нацыянальнага сходу (2000-2003), загадчыкам лабараторыі Інстытута фізікі імя Б. Сцяпанава акадэміі навук.

Аўтар прац па лазернай фізіцы і оптыцы, дынаміцы нелінейных сістэм, фізіцы нанапамерных структур.

Лаўрэат Дзяржаўнай прэміі за цыкл работ «З’явы анізатрапіі ў лазерах і прынцыпы палярызацыйна лазернай спектраскапіі», Прэмія НАН Беларусі і Сібірскага аддзялення РАН імя В. Капцюга за цыкл работ «Лазерная спектраскапія высокага дазволу і яе фундаментальныя прыкладанні».

Аўтар каля 250 навуковых прац, у тым ліку 2 манаграфій, даведніка, 25 вынаходніцтваў.

1958 год. Нарадзіўся Ігар Бархаткоў. 

Беларускі мастак-жывапісец, калекцыянер. Яго бацька Антон Бархаткоў – славуты мастак, старэйшы брат Вітольд, хроснік акадэміка жывапісу Бялыніцкага-Бірулі, жонка Алена – мастачка.

Мастакі Бархатковы выстаўляюцца ў знакамітых галерэях па ўсім свеце, але жывуць у вёсцы пад Мінскам.

Скончыў Беларускі дзяржаўны тэатральна-мастацкі інстытут, вучыўся ў П. Крохалева і М. Данцыга. Вучыўся ў творчых майстэрнях Акадэміі мастацтваў СССР у г. Мінску ў славутага М. Савіцкага.

Работы мастака знаходзяцца ў прыватных калекцыях у краінах СНД і за мяжой.

Мастакі Ігар І Алена Бархатковы

1984 год. У Мінску заснаваны музей «Дом Ваньковічаў». 

Адкрыты ў 2000 годзе да 200-годдзя з дня нараджэння мастака Валенція Ваньковіча (1800—1842) як філіял Нацыянальнага мастацкага музея – музей «Дом Ваньковічаў. Культура і мастацтва першай паловы XIX стагоддзя». Помнік палацава-сядзібнай архітэктуры, былы дом прадстаўнікоў беларускага шляхецкага роду Ваньковічаў.

У флігелі ўпраўляючага знаходзіцца офіс турыстычнай фірмы. У двары сядзібы ўстаноўлены помнік В. Ваньковічу. У сядзібным комплексе адрэстаўраваны гаспадарчы корпус, у якім спачатку знаходзіліся стайні і карэтная, а цяпер рэстаран «Грай», сядзібны дом, дзве афіцыны, гаспадарчыя пабудовы, фруктовы сад.

У мемарыяльных залах музея экспануюцца дакументы пра Валенція Ваньковіча і яго род, фотаздымкі і каляровыя рэпрадукцыі партрэтаў яго пэндзля, жывапісныя копіі, сапраўдныя жывапісныя творы іншых мастакоў першай паловы XIX стагоддзя, сучаснікаў Ваньковіча.

У астатніх пакоях дэманструюцца сядзібныя партрэты, прадметы ўбрання, мэбля XVIII-XIX стагоддзяў, партрэтная галерэя.

Дзясяткі пустых дамоў у Магілёве чакаюць гаспадароў – паявіўся онлайн-рэестр

Навіна ад

Некаторыя закінутыя дамы можна будзе набыць за адну базавую, але за самыя прывабныя варыянты прыйдзецца пазмагацца.

Дзяржаўны камітэт Беларусі па маёмасці запусціў онлайн-платформу, на якой можна знайсці ўсе жылыя дамы, якія зараз пустуюць. Мы паглядзелі некалькі такіх будынкаў у Магілёве – а ўсяго ў горадзе значацца дзясяткі закінутых хат. Вось, напрыклад, прыстойнае жытло па вуліцы Ватуціна. Гэта ў прыватным сектары каля чыгуначнага пераезда на вуліцы Першамайскай.

Набыць такі дом можна толькі праз аўкцыён – у Мінску і абласных цэнтрах дзейнічае менавіта такая працэдура. Гэта ж адносіцца да наступнага магілёўскага аб’екта з рэестра – дома па Першамайскай, 243. 

Па рашэнні мясцовай улады ў дадатак да дома можа быць прадстаўлены таксама зямельны ўчастак, але з умовай зносу, рэканструкцыі ці капітальнага рамонту будынка на працягу года з моманту афармлення. Пры наяўнасці важкіх прычын і пацвярджаючых дакументаў гэты перыяд могуць падоўжыць.

Менавіта ўчастак, напэўна, можа прывабіць патэнцыйных пакупнікоў вось такога варыянта, унесенага ў рэестр – гэта рэшткі дома па вуліцы Струшня,5.

Даведка

Продаж пустых жылых дамоў магчымы на аўкцыёне, без яго правядзення, а таксама ў фармаце электронных таргоў. Пачатковы кошт продажу на аўкцыёне і пры яго адсутнасці ўстанаўліваецца па рыначным кошце, які вызначаць арганізацыя па дзяржаўнай рэгістрацыі.

Прадугледжваецца магчымасць правядзення паўторных аўкцыёнаў, а таксама продаж без правядзення аўкцыёну з паступовым зніжэннем пачатковай цаны, не больш як на 50% уключна, затым не больш як на 80% уключна, затым аж да адной базавай велічыні.

Фота: mogilev.media

Пагоня за п’яным вадзіцелем – выскачыў на хаду, машына з пасажырамі ўткнулася ў гурбу снегу

Навіна ад

У вёсцы Нівішчы Горацкага раёна патруль міліцыі спрабаваў спыніць аўтамашыну Audi, аднак кіроўца выбраў уцёкі.

Нягледзячы на тое, што ў аўтамабілі знаходзілася некалькі пасажыраў – усяго ехала чацвёра – вадзіцел на хаду выскачыў з Audi, пасля чаго машына заехала ў снежны сумёт.

Кароткая пагоня сконылася арыштам кіроўцы. Высветлілася, што аўтамабілем кіраваў нецвярозы 31-гадовы жыхар Горак, які раней быў пазбаўлены пасведчання кіроўцы. Цяпер яму пагражае адміністрацыйная адказнасць за нецвярозую паездку, бяспраўнае кіраванне і невыкананне патрабаванняў супрацоўніка міліцыі – паведамляе прэс-служба абласнога УУС.

Украінцам для выхаду на пенсію прыйдзецца працаваць даўжэй

Навіна ад

Пенсійны ўзрост застаецца роўным 60 гадам для мужчын і жанчын, але некаторым украінцам давядзецца працаваць на 5 гадоў даўжэй.

З 2023 года ва Украіне былі зменены правілы выхаду на пенсію. Як паведамляе obozrevatel, агульны пенсійны ўзрост цяпер складае 60 гадоў, але для таго, каб пайсці на заслужаны адпачынак своечасова, украінцам цяпер трэба мець не менш за 30 гадоў працоўнага стажу. З 2023 года тыя ўкраінцы, якія маюць менш за 20 гадоў стажу, павінны будуць працаваць да 65 гадоў. 

Гэтае рашэнне было прынята ў якасці альтэрнатывы агульнаму павелічэнню пенсійнага ўзросту. Падлічана, што ў 2027 годзе 45% украінцаў ва ўзросце 60 гадоў не атрымаюць пенсіі і ім прыйдзецца дапрацоўваць. 

Затое цяпер любы ўкраінец можа разлічыць, ці зможа ён атрымаць сваю пенсію своечасова і які стаж для гэтага патрабуецца дадаткова.

Пагражаў міліцыі нажамі, затрымалі са стралянінай

Навіна ад

У Глускім раёне быў затрыманы мужчына, які пагражаў міліцыянтам халоднай зброяй. 

У аператыўна-дзяжурную службу Глускага РАУС паступіла паведамленне ад жыхароў аграгарадка Заеліца. Яны расказалі, што ў адным з дамоў па суседстве, гаспадар якога часова адсутнічае, знаходзіцца старонні чалавек.

Па ўказаным адрасе прыехалі два супрацоўнікі РАУС, якія знайшлі ў жылым памяшканні агрэсіўна настроенага мужчыну: пры сабе ў яго былі некалькі нажоў. Пры затрыманні грамадзянін аказваў супраціў і спрабаваў накінуцца на праваахоўнікаў з нажом. Супрацоўнік органаў унутраных спраў зрабіў два папераджальныя стрэлы ў столь, пасля чаго мужчына быў затрыманы і дастаўлены ў РАУС для далейшага разбору.

Парушальнікам аказаўся 28-гадовы мясцовы жыхар, які стаіць на ўліку ў лекара-нарколага. Узбуджана крымінальная справа – паведамляе тэлеграм-канал прэс-службы абласнога УУС.

Фота: УУС

Дзень у гісторыі. 4 студзеня. Пабудаваны самы вялікі хмарачос. Нарадзіліся апошні канцлер ВКЛ Яўхім Храптовіч, палярнік Фёдар Кабат, палітык Юрый Захаранка, кампазітар Уладзімір Браілоўскі

Навіна ад

1591 год. Слонім атрымаў герб «Леў». 

Указанне на прыналежнасць Льву Сапегу. Горад упамінаецца ў 1005, 1040 гадах, у Іпацьеўскім летапісе ў 1252 годзе як Услонім. Слонімская харугва ўдзельнічала ў Грунвальдскай бітве. 

У 1531 годзе атрымаў Магдэбургскае права. Міхал Казімір Агінскі заснаваў тут тэатр. 

Некаторы час з’яўляўся цэнтрам Слонімскай губерні. 

Буйны габрэйскі і татарскі цэнтр. Адсюль паходзіць вядомая хасідская дынастыя.

Зараз у 50-тысячным горадзе працуюць кардонна-папяровая фабрыка «Альбярцін», фабрыкі камвольна-прадзільная, мастацкіх вырабаў, мэблевая, ільнозавод, вінаробны, маторарамонтны, аўтарамонтны заводы, мясакамбінат, масласыраробчы цэх і іншыя прадпрыемствы. 

У горадзе працуюць драматычны тэатр, Спаса-Праабражэнскі сабор, касцёл Святога Андрэя, тут размешчаны сінагога (1642), ратуша (ХVIIІ ст.), будынак чыгуначнага вакзала ў стылі «мадэрн» (1922), Агінскі канал.

1729 год. Нарадзіўся Яўхім Храптовіч. 

Грамадскі, палітычны, дзяржаўны дзеяч ВКЛ, публіцыст, паэт і перакладчык. Апошні канцлер вялікі літоўскі (1793 – 1795), граф.

Пасля стварэння Адукацыйнай камісіі (1773) – першага ў свеце міністэрства адукацыі – стаў камісарам дэпартаменту Віленскай акадэміі і школаў ВКЛ, значна павялічыў колькасць школ розных узроўняў.

Аўтар вершаў на польскай мове і латыні, на гутарковай беларускай мове лацініцай. 

Памёр 4 сакавіка 1812 года.

1856 год. Гомель атрымаў герб з выявай рысі. 

Гэты герб раней належыў павятоваму цэнтру Новая Беліца, які быў уключаны ў склад горада І. Паскевічам. 

Гомель упершыню ўзгадваецца пад 1142 годам. 

У 1560 годзе атрыманы герб – у чырвоным полі сярэбраны кавалерскі крыж, у 1562 –  магдэбургскае права. 

У 1772 годзе горад падараваны Кацярынай ІІ П. Румянцаву-Задунайскаму. 

З 1852 года стаў уладаннем князя І. Паскевіча. 

Да 1919 года – павятовы цэнтр Магілёўскай губерні, у 1919-1924 – цэнтр Гомельскай губерні РСФСР (а Магілёў быў павятовым цэнтрам), з 1938 года – цэнтр вобласці. Першы абласны цэнтр БССР, які вызвалены ад фашысцкіх акупантаў (26 лістапада 1943 года). 

Зараз паўмільённы Гомель – буйны прамысловы і культурны цэнтр краіны. Працуюць прадпрыемствы машынабудавання і металаапрацоўкі (радыёзавод, станочных вузлоў, станкабудаўнічы, “Гомсельмаш”, пускавых рухавікоў, ліцейны), хімічнай (хімічны завод), лясной, цэлюлозна-папяровай, лёгкай, харчовай прамысловасці (кандытарская фабрыка «Спартак», «Малочныя прадукты», мясакамбінат, тлушчкамбінат), будаўнічых матэрыялаў, працуе шэраг універсітэтаў, цырк, тэатр, філармонія.

1897 год. Памёр Эмерык Гутэн-Чапскі. 

Беларускі калекцыянер і нумізмат.

Наўгародскі губернатар (1862-1865), санкт-пецярбургскі віцэ-губернатар (1865-1867), дырэктар Ляснога дэпартамента Расійскай імперыі.

Заснаваў Станькаўскі музей, дзе зберагаліся манеты, медалі, зброя, творы мастацтва, гістарычныя дакументы, кнігі і іншыя прадметы даўніны. Член Рускага археалагічнага, Маскоўскага нумізматычнага таварыстваў.

Аўтар кнігі «Удзельныя, велікакняжацкія і царскія грошы Старажытнай Русі збору графа Э. К. Гутэн-Чапскага», «Каталог калекцыі польскіх медалёў і манет графа Э. Гутэн-Чапскага».

У 1894 годзе пераехаў у Кракаў, куды перавёз музейныя зборы (цяпер у складзе Нацыянальнага музея).

1910 год. Нарадзіўся Навум Трахтэнберг. 

Беларускі архітэктар, педагог. Дзяржаўная прэмія за архітэктуру Ленінскага праекта ў Мінску.

З 1934 года працаваў у розных мінскіх архітэктурных майстэрнях, начальнікам аддзела планіроўкі і забудовы гарадоў Упраўлення па справах архітэктуры СНК БССР, у Дзяржпраекце. Браў актыўны ўдзел у аднаўленні разбуранага Мінска, узначальваў Майстэрню Генплана ў інстытуце «Мінскпраект», выкладаў у Беларускім політэхнічным інстытуце.

Удзельнік распрацоўкі генпланаў аднаўлення, рэканструкцыі і развіцця Бабруйска (1935-1936, 1949), Магілёва (1937-1939, разам з М. Андросавым), Мінска, Мазыра, Маладзечна, Пінска, Віцебска, зон масавага адпачынку Заслаўскага вадасховішча.

Суаўтар кнігі «Мінск: Паваенны досвед рэканструкцыі і развіцця».

Памёр 16 кастрычніка 1977 года.

1921 год.  У в. Сянькоўка Клімавіцкага раёна нарадзіўся Фёдар Кабат. 

Савецкі палярнік, які пабыў на абодвух полюсах, гідраметэаролаг. Падчас вайны – марак-падводнік у Запаляр’і, на Чарнаморскім флоце.

У 1957-1958 гадах працаваў на дрэйфуючай станцыі “Паўночны полюс-7”, у 6-й Комплекснай Антарктычнай экспедыцыі (1960-1961), 12-й Савецкай Антарктычнай экспедыцыі (1967/1968). Калі ў складаных умовах надвор’я ў лекара станцыі “Новалазараўская” Леаніда Рагозава здарыўся прыступ апендыцыту (з 30 красавіка на 1 траўня 1961 года), то яму асістыраваў, галоўным чынам, палярны гідраметэаролаг Фёдар Ф. Кабот.

Пасля вяртання з экспедыцыі ў 1968 годзе, працаваў начальнікам Аб’яднанай аэралагічнай станцыі Брэст, начальнікам Бюро эксплуатацыі і праверкі прыбораў Беларускага тэрытарыяльнага гідраметэацэнтра (Мінск), затым – дырэктарам Брэсцкай занальнай абсерваторыі.

Памёр у 1995 годзе.

1946 год. На Маскоўскім заводзе малалітражных аўтамабіляў сабраны першы легкавы аўтамабіль “Масквіч-400”. 

Чатырохмясцовая “легкавушка”, якая развівала хуткасць да 90 км/г, уяўляла сабой копію “Опель-Кадэт К38”.

Ініцыятарам выпуску гэтага аўтамабіля выступіў сам Іосіф Сталін. Ён быў улюбёны ў мадэль яшчэ да вайны. У 1940 годзе правадыру не спадабаўся двухдзверны “КІМ-10”, які быў спраектаваны па мадэлі “Форд Перфект”. Затое “Опель” прыцягнуў яго ўвагу.

У ліпені 1945 года па загадзе Сталіна былі поўнасцю вывезены ў Маскву абсталяванне і дакументацыя брандэнбургскага аўтазавода фірмы “Опель”, на аснове якіх і быў выраблены “Масквіч-400”. У 1947 годзе пачалася серыйная вытворчасць аўтамабіля.

1947 год. Нарадзіўся Уладзімір Браілоўскі. Музыка, кампазітар, педагог, менеджэр. 

Ініцыятар правядзення і мастацкі кіраўнік міжнароднага музычнага фестывалю “Залаты шлягер” у Магілёве (1995-2003).

Выкладаў у Магілёўскім музвучылішчы, загадваў музычнай часткай Магілёўскага драматычнага тэатра, дзе ім напісана музыка да 25 спектакляў, быў ініцыятарам стварэння і першым дырэктарам Магілёўскай абласной філармоніі, мастацкім кіраўніком Магілёўскага творчага аб’яднання “Арт-цэнтр”.

Аўтар 2-х мюзіклаў, музыкі да 4 спектакляў, творам для хору і аркестра, сімфоній, уверцюр для сімфанічнага аркестра, камерна-інструментальнай, вакальнай музыкі, 30 рамансаў і песень, у тым ліку «Дзявочая песня», “Каханне”, “Як над рэчанькай”, “Дняпроўскi вальс”.

1952 год. Нарадзіўся Юрый Захаранка. 

Беларускі палітычны дзеяч. Міністр унутраных спраў Беларусі (1994-1995).

У 1977-1994 гадах служыў у МУС на розных пасадах у Светлагорску, Гомелі, начальнікам Следчага камітэта МУС. У час прэзідэнцкіх выбараў 1994 году быў у выбарчым штабе кандыдата А.Лукашэнкі.

У 1994 годзе стаў генерал-маёрам і міністрам унутраных спраў.

Падначаленыя яму падраздзяленні МУС у красавіку 1995 года ўдзельнічалі ў збіцці дэпутатаў Вярхоўнага Савета 12-га склікання, якія пратэставалі супраць правядзення рэферэндуму ў Беларусі, а ў жніўні 1995 разагналі страйк работнікаў Мінскага метрапалітэну.

Пасля звальнення з пасады міністра ў кастрычніку 1995 года займаўся стварэннем Саюза афіцэраў. Актыўна ўдзельнічаў практычна ва ўсіх публічных акцыях апазіцыі. 

З 1996 года – член Палітрады Аб’яднанай грамадзянскай партыі. З лютага 1998 года ў складзе Нацыянальнага выканаўчага камітэта, створанага апазіцыяй — старшыня камітэта па бяспецы.

Бясследна знік 7 мая 1999 года.

1957 год. Памёр ураджэнец г. Чавусы Уладзімір Кудрэвіч. 

Беларускі жывапісец-пейзажыст. Бацька мастака Раісы Кудрэвіч. Заслужаны дзеяч мастацтваў.

Працаваў на чавускай пошце, у паштова-тэлеграфнай канторы, у Гомелі тэлеграфістам Лібава-Роменскай чыгункі.

Скончыў мастацкае вучылішча ў Лібаве. З 1907 года іграў на сцэне, выконваў пераважна камедыйныя ролі, з 1909 года ўдзельнік мастацкіх выстаў.

Пасля кастрычніка 1917 года ён працаваў загадчыкам клуба Заходняй чыгункі, адначасова кіраваў мінскай мастацкай студыяй, выступаў на сцэне клуба, быў  рэжысёрам і дэкаратарам спектакляў. .

1986 год. Нарадзіўся Андрэй Краўчанка. 

Беларускі лёгкаатлет. Спецыялізуецца ў мнагабор’і. Заслужаны майстар спорту Беларусі. Чэмпіён Еўропы (2011, 2014), сярэбраны прызёр Летніх Алімпійскіх гульняў 2008 года у Пекіне. Пераможца нацыянальнага адкрытага публічнага конкурсу «Трыумф. Героям спорту 2008» у Беларусі ў намінацыі «Самы яркі спартыўны момант года».

Пасля завяршэння спартыўнай кар’еры знаходзіўся на службе ў КДБ, маёр. У час пратэстаў у Беларусі ў 2020 годзе звольнены.

18 жніўня 2020 года падпісаў адкрыты ліст прадстаўнікоў спартыўнай галіны з патрабаваннем прызнаць несапраўднымі выбары прэзідэнта Рэспублікі Беларусь.

8 лістапада 2020 года быў затрыманы за ўдзел у «Маршы народаўладдзя» і прысуджаны да 10 сутак арышту.

1989 год. Вышла ў эфір першая перадача магілёўскай абласной студыі тэлебачання. 

Тады яшчэ не было ні будынку Магілёўскай студыі, ні самога тэлевізійнага павільёна. Была толькі перасоўная тэлестудыя. 

З 1989 года ў праграме Беларускага тэлебачання двойчы на тыдзень значыўся 10-хвілінны інфармацыйны выпуск “Дзень вобласці”. У студыі працавала 12 чалавек. 

Студыя была пераўтворана ў 2003 годзе ў тэлерадыёкампанію “Магілёў” – “Беларусь 4. Магілёў”.

1995 год. Памёр Уладас Дрэма. 

Літоўскі мастак і мастацтвазнаўца, гісторык культуры, педагог, супрацоўнік Беларускага музея ў Вільні. Лаўрэат Нацыянальнай прэміі Літвы, ганаровы доктар Вільнюскай мастацкай акадэміі, першы ганаровы грамадзянін Вільнюса.

Нарадзіўся ў 1910 годзе ў Рызе ў сям’і сялянаў з беларускіх Гервятаў. Скончыў факультэт прыгожых мастацтваў Універсітэта Стэфана Баторыя.

Збіральнік матэрыялаў па гісторыі рукапіснай і друкаванай кнігі ВКЛ, адзін з першых даследчыкаў кніжнай спадчыны Літвы.

Працаваў у Беларускім музеі ў Вільні, дырэктарам Этнаграфічнага музея, загадчыкам аддзела выяўленчага мастацтва ў Мастацкім музеі, выкладчыкам Мастацкага інстытута і Вільнюскага ўніверсітэта, супрацоўнікам Інстытута кансервавання помнікаў.

Аўтар прац з матывамі Вільні, футурыстычнага палатна «Вільня ў 2000-м годзе» (1928), стваральнік стылізаваных нацюрмортаў у тэхніцы каляровай лінагравюры. У тэхніцы гравюры на медзі ствараў найчасцей віды Старога горада.

Афармляў кнігі, аўтар плакатаў, экслібрысаў, тэатральных дэкарацый.

Напісаў звыш за 150 артыкулаў на тэму гісторыі мастацтва і архітэктуры, аўтар манаграфій пра архітэктуру Вільні, мастакоў, прац пра беларускае народнае мастацтва.

Яго імем названа вуліца ў Вільнюсе.

2010 год. Адбылося ўрачыстае адкрыццё самага высокага будынка ў свеце — Бурдж Дубай. 

Пабудаваны ў самым буйным горадзе Аб’яднаных Арабскіх Эміратаў – Дубаі. З 19 мая 2008 года – самая высокая за ўсе часы існавання чалавецтва пабудова ў свеце (да гэтага рэкорд належаў Варшаўскай радыёмачце, якая ўпала ў 1991 годзе). 

Ацэначная вышыня – 828 метраў пры колькасці паверхаў – больш за 160.