Казус з рамонтам аварыйнага дома адбыўся ў аграгарадку Леніно Горацкага раёна. Падчас сустрэчы кіраўніцтва Горацкага райвыканкама з жыхарамі пасёлка выявілася, што запланаваны на 2023 год капітальны рамонт дома №33 па вуліцы Ленінскай быў аднабакова адменены камунальным прадпрыемствам – піша “Горацкі веснік”.
Вялікія расколіны сцен у пад’ездзе, абсыпаная тынкоўка фасада, разбураны ганак і пастаяннае заліццё кватэр пасля дажджу – пра гэтыя і іншыя праблемы жыхары дома не аднойчы паведамлялі спецыялістам УКПП «Камунальнік». У 2020 годзе на фасадзе ўстанавілі маячкі, якія ўжо далі расколіны, пазней паабяцалі правесці капітальны рамонт. Ён быў запланавана на 2023 год, але чамусьці са спісу аб’ектаў, якія падлягаюць грунтоўнаму рамонту, дом прыбралі.
Адзінае, што зрабілі камунальнікі – адбілі віслыя кавалкі тынкоўкі з фасада, так і пакінуўшы іх пад вокнамі.
Як растлумачыў намеснік дырэктара УКПП “Камунальнік” Андрэй Новікаў, аб’ект сапраўды быў запланаваны для капрамонту. Але, паводле дзейнага заканадаўства, у першую чаргу рамантуюць дамы, у якіх людзі гатовыя фінансава ўдзельнічаць ва ўцяпленні фасадаў.
Але ж справа ў тым, што жыхары гэтага дома таксама былі гатовыя заплаціць за ўцяпленне. Спецыялісты ж камунальнага прадпрыемства прыйшлі да высновы, што фасад будзе пакрывацца пенаполіўрэтанавай сумессю, даволі вялікі пласт якой павінен забяспечыць уцяпленне фасада. Атрымалася, што за саміх жыхароў вырашылі, што іх грошы на гэты від работ не патрэбны, таму рамонт будзе весціся на іншых аб’ектах.
“Горацкі веснік” піша, што старшыня райвыканкама паручыў унесці прапановы па рамонце дома.
Тры выпадкі падпалу леса былі зафіксаваныя ў Асіповіцкім раёне. Два выпадкі падпалаў выяўлены ў Дараганаўскім лясніцтве і яшчэ адзін – у Цэнтральным. Выявіць узгаранні дапамаглі камеры відэаназірання. Агульная плошча ачагоў склала 0,06 гектара – паведамляе БелТА.
Нагадаем, што пад Асіповічамі знаходзіцца вялікая вайсковая база, на якой праходзіла навучанне расійскіх мабілізаваных, што адпраўляліся на вайну ва Украіну. Але, безумоўна, нельга сцвярджаць пра ўзаемасувязь гэтых фактаў.
Днём 13 мая ў ваколіцах горада Клінцы Бранскай вобласці былі збітыя два верталёты Мі-8, а таксама самалёты Су-34 і Су-35. Самалёты пры гэтым падымаліся ў паветра для нанясення ўдараў па тэрыторыі Харкаўскай вобласці Украіны, а верталёты выкарыстоўваіся для прыкрыцця і на выпадак неабходнасці падбіраць пілотаў самалётаў.
Як пісалі mogilev.media, першая атака на расійскі верталёт адбылася апоўдні 13 мая ў небе над горадам Клінцы, у якім размяшчаецца вялікая вайсковая база. Верталёт Мі-8 разбіўся ў прыватным сектары горада, экіпаж загінуў. Губернатар Бранскай вобласці Аляксандр Багамаз паведаміў пра разбурэнне пяці дамоў у Клінцах у выніку падзення верталёта – перадаюць “Навіны Бранска”.
Крушэнне самалёта Су-34 адбылося следам за падзеннем верталёта і пэўны час прычына аварыі была няяснай. Да вечара 13 мая правяралася інфармацыя пра магчымае збіццё альбо аварыю яшчэ двух “бартоў” расійскай арміі – самалёта і верталёта. Пазней інфармацыя пацвярдзілася – сумарна 13 мая ў Бранскай вобласці былі збітыя два верталёты і два самалёты.
Як мяркуецца, самалёты павінны былі нанесці ўдары па цэлях у Чарнігаўскай вобласці (Украіна), а верталёты іх падстрахаваць, у тым ліку падабраць экіпажы – піша “Свабодная прэса”.
У сацсетках з’явіўся выкладзены мясцовымі жыхарамі відэазапіс атакі на адзін з верталётаў. Мяркуючы па ім, па Мі-8 нанеслі ўдар з зямлі. Для пошуку магчымых дыверсантаў у Бранскай вобласці быў абвешчаны план “Перахоп”. Вынікі пакуль невядомыя. Гэтаксама, няма дакладнай інфармацыі, адкуль быў ненесены ўдар па іншых верталёце і самалётах – з зямлі, ці з паветра.
Як паведамляе тэлеграм-канал Baza, у выніку крушэння загінулі дзевяць чалавек. У верталёце Мі-8 у Клінцах знаходзіліся тры члены экіпажа. Другі верталёт Мі-8 упаў ва Унецкім раёне. Там таксама знаходзіліся тры члены экіпажа. У вёсцы Ніжняе загінулі два пілоты знішчальніка-бамбардзіроўшчыка Су-34. У вёсцы Сурэцкі Муравей загінуў пілот знішчальніка Су-35.
Па масштабах, страта расійскай арміяй цэлай авіягрупы за адзін дзень, супастаўляльная толькі з масавымі стратамі ў самым пачатку агрэсіі Расіі супраць Украіны.
На трэці рабочы тыдзень мая ў Магілёўскай вобласці сіноптыкі прагназуюць у асноўным воблачнае, спякотнае, з дажджамі і навальніцамі надвор’е.
На працягу трэцяга тыдня мая будзе дастаткова горача: удзень да +27°С, уноч ад +5 да +20°С. Працягласць дня з панядзелка да пятніцы вырасце яшчэ на 13 хвілін і дасягне амаль 16 гадзін і 11 хвілін. Ужо ў канцы працоўнага тыдня сонца ўзыдзе ў 4:51, зойдзе ў 21:02.
Сінаптычны прагноз на панядзелак, 15 мая
У ноч з нядзелі на панядзелак будзе да +5 +10°С, у дзённыя гадзіны паветра прагрэецца толькі да +22°С, месцамі да +27°С. На працягу сутак будзе воблачна, з праясненнямі, днём кароткачасовыя дажджы. Вятры паўднёва-ўсходнія, хуткасцю да 5-10, месцамі пры парывах да 14 м/с. Геамагнітнае поле спакойнае. Месяц убывае.
Аўторак 16 мая
Надвор’е абяцае быць воблачным, з кароткатэрміновымі дажджамі, месцамі з навальніцаі. Будуць панаваць паўднёвыя вятры хуткасцю 5-10, месцамі да 15-20 м/с. Уноч і раніцай да +7 +12°С, днём тэмпература падрасце да 17°С, а месцамі і да +22°С. Да вечара слупок тэрмометра утрымаецца на рысцы не ніжэй за +12 +14°С. Геамагнітнае поле спакойнае. Месяц убывае.
Серада 17 мая
У сярэдзіне рабочага тыдня, 17 мая, прагназуецца воблачнае надвор’е з дажджамі ўноч, днём – ясна. Начныя і ранішнія тэмпературы да +7 +12°С, днём да +19 +24°С. На працягу сутак прагназуюцца вятры паўднёвых напрамкаў, хуткасць вятроў да 3-5 м/с. Маладзік на небе.
Чацвер 18 мая
На працягу сутак сіноптыкі прагназуюць воблачнае з дажджамі, месцамі з навальніцамі, надвор’е. Вецер паўночны, хуткасцю да 2-3 м/с. Ноччу і ўранні да +18 +20°С, у абед і на працягу другой паловы дня тэмпература паветра складзе ад +16 +18°С да +26°С.
Пятніца 19 мая
У апошні дзень працоўнага тыдня, 19 мая, па папярэдняму прагнозу будзем чакаць у асноўным пераменна воблачнае пераважна без ападкаў надвор’е з панаваннем паўднёва-ўсходніх вятроў хуткасцю да 3 м/с. Уноч і ў ранішнія гадзіны +13°С, удзень – да +25°С. Маладзік.
У начны час дрыбінскім ратавальнікам паступіла паведамленне аб пажары жылога дома ў аграгарадку Трылесіна на вуліцы Гагарына.
Па прыездзе на месца здарэння супрацоўнікамі службы быў знойдзены загінулы муж гаспадыні дома 1956 года нараджэння. Меркаваная прычына пажару – неасцярожнае абыходжанне з агнём, паведамляюць “Магілёўскія ведамасці”.
Пажар адбыўся і ў вёсцы Колбава Кіраўскага раёна, дзе на базе адпачынку «Лясны рай» згарэла лазня. Пасля прыбыцця да месца пажару супрацоўнікаў Кіраўскага раённага аддзела па надзвычайных сітуацыях, адбывалася гарэнне лазні адкрытым полымем. Унутры будынка, на шчасце, нікога не было – піша кіраўская раённая газета “Кіравец”.
У выніку пажару пашкоджаны сцены і столь пабудовы. Акрамя таго, знішчаны дах і маёмасць, размешчаная ўнутры лазні. Пацярпелых няма. Прычына і абставіны здарэння пажару высвятляюцца.
1659 год. Маскоўскія ваяводы Змееў і Лабанаў-Растоўскі пачалі аблогу Быхаўскага замка.
Аблога працягвалася да 4 снежня і закончылася начным штурмам Быхава. Карнікі, якія захапілі замак, у 1660 годзе самі апынуліся ў аблозе і ў снежні 1661 здаліся войску Рэчы Паспалітай на чале з гетманам Чарнецкім.
Замак стаяў на высокім правым беразе Дняпра, на месцы былога пасялення XIV-XV стагоддзяў.
Замкавы комплекс складаўся з некалькіх мураваных карпусоў, якія ўтваралі ў плане няправільны чатырохвугольнік памерамі 75х70 м.
З поўначы ўнутраны двор замыкаўся мураванай сцяной з выхадам на гарадскі вал. Заходні бок замкавага комплекса, павернуты да гандлёвай плошчы, быў забудаваны карпусамі казарм, меў пасярэдзіне ўязную браму з пад’ёмным мастом і фланкіраваўся па вуглах васьміграннымі абарончымі вежамі.
1814 год. У Полацку нарадзіўся Каэтан Касовіч (1814-1883).
Беларускі ўсходазнаўца, першы санскрытолаг у Расіі.
Скончыў Віцебскую гімназію, Маскоўскі ўніверсітэт.
Працаваў выкладчыкам ў Цвярской і 2-й Маскоўскай гімназіях. Вывучаў яўрэйскую і арабскую мовы, санскрыт. Перакладчык з санскрыта.
У Маскве быў рэдактарам навуковых прац пры публічнай бібліятэцы, прафесарам універсітэта, быў ганаровым доктарам Харкаўскага, прафесарам Пецярбургскага ўніверсітэтаў.
Выдаў “Санскрыцка-рускі слоўнік”, збор персідскіх клінападобных надпісаў, пераклад “Яўрэйскай граматыкі” Гезеніуса і “Яўрэйскай хрэстаматыі”, “Грэчаска-рускі слоўнік”.
Памёр 7 лютага 1883 года.
1869 год. У Мінску нарадзіўся Янкель Кругер (1869-1940).
Беларускі жывапісец і педагог, заслужаны дзеяч мастацтваў, настаўнік знакамітых мастакоў.
Вучыўся ў Варшаве, у акадэміі Жуліяна ў Парыжы, у Пецярбургскай Акадэміі мастацтваў. Падарожнік па еўрапейскіх краінах. Неаднаразова дэманстраваў свае палотны на Парыжскіх выстаўках.
У Мінску вёў курсы малявання і жывапісу. Меў шматлікіх вучняў, сярод якіх Г. Фімянтоўскі, В. Руцай, І. Ахрэмчык, І. Мільчын, З. Азгур, Х. Суцін, М. Кікоін, М. Станюта.
Працаваў у БДУ, у этнаграфічнай экспедыцыі Беларускага Дзяржаўнаг музея.
Аўтар партрэтаў І. Жухавіцкага, Якуба Коласа, Янкі Купалы, Зм. Бядулі, С. Міхоэлса, навукоўцаў, палітычных савецкіх военачальнікаў і партыйных дзеячаў, жанравых карцін на тэмы працы, серыі карцін, якія адлюстроўваюць сцэны яўрэйскага побыту.
Я. Кругер. Янка Купала.
1885 год.Нарадзіўся Мікалай Крыленка (1885-1938).
Вярхоўны галоўнакамандуючы расійскай арміі пасля Кастрычніцкай рэвалюцыі 1917 года. Кіраўнік ліквідацыі Стаўкі ў Магілёве ў 1917 годзе. Рэспрэсаваны.
У яго гонар у Магілёве названа вуліца, усталявана мемарыяльная шыльда.
Займаўся рэвалюцыйнай дзейнасцю. Удзельнік І Сусветнай вайны, прапаршчык.
У ліпені 1917 года быў арыштаваны ў Магілёве і абвінавачаны ў дзяржаўнай здрадзе. 8 лістапада 1917 года ўвайшоў у першы склад Саўнаркама ў якасці члена Камітэта па справах ваенных і марскіх.
22 лістапада 1917 года прызначаны галоўнакамандуючым войск, 3 снежня адхіліў ад пасады генерала М. Духоніна і стаў камандуючым Стаўкі ў Магілёве.
Быў пракурорам РСФСР, народным камісарам юстыцыі РСФСР, СССР.
Актыўна змагаўся з Вышынскім і Вінакуравым (старшыня Вярхоўнага Суда СССР) за ўплыў у сістэме органаў юстыцыі СССР. Вынікам гэтай барацьбы стала гібель Крыленкі і яго людзей, перамога групоўкі Вышынскага.
Арыштаваны НКУС 31 студзеня 1938 года. Расстраляны 29 ліпеня 1938 года.
1899 год. Нарадзіўся Тодар Куніцкі (1899-1985).
Беларускі грамадска-палітычны дзеяч, лекар, сузаснавальнік Беларускага Студэнцкага Саюза ў Вільні і Беларускага Сялянскага Саюза.
Працаваў у Беларускім інстытуце гаспадаркі і культуры, урачом на Беласточчыне.
3 чэрвеня 1937 года Галоўліт БССР Указам № 33 «Спіс літаратуры, якая падлягае канфіскацыі з бібліятэк грамадскага карыстання, навучальных устаноў і кнігагандлю» загадаў спальваць усе кнігі Куніцкага.
У час Другой сусветнай вайны працаваў у Вільні, пасля вайны працаваў урачом у Гданьску. Памёр 5 сакавіка 1985 года.
Сябры Беларускага студэнцкага саюза, 1930-я гады.
1907 год.Нарадзіўся Язэп Жыновіч (Жыдовіч, 1907-1974).
Беларускі музыка-цымбаліст, дырыжор, кампазітар, народны артыст БССР і СССР, прафесар, лаўрэат Дзяржаўнай прэміі.
У 1922 годзе стаў салістам-цымбалістам у БДТ-1 (купалаўскі тэатр). Скончыў Мінскі музычны тэхнікум, БДУ, кансерваторыю (з яе выключаўся як сын кулака).
У 1930 годзе кіраўнік, саліст, канцэртмайстар і педагог створанага Дзяржаўнага ансамблю народных інструментаў БССР.
Падчас вайны працаваў у Казахскай філармоніі, у складзе канцэртнай брыгады выязджаў на фронт.
З 1946 года – мастацкі кіраўнік і дырыжор Дзяржаўнага народнага аркестра БССР. У Беларускай кансерваторыі аснаваў клас цымбалаў і кафедру народных інструментаў.
Напісаў музычныя творы: «Беларуская мелодыя» для ансамбля цымбалаў і 2 арфаў, «Сказ-быліна аб зямлі беларускай», канцэртныя апрацоўкі народных танцаў «Лявоніха» і «Мікіта».
Пераклаў для цымбалаў п’есы шматлікіх еўрапейскіх аўтараў.
Памёр у Мінску 13 студзеня 1974 года.
У Мінску названа ў яго гонар вуліца, а на доме, дзе жыў, усталявана мемарыяльная дошка.
1943 год. У СССР пачалося фарміраванне 1-ай пяхотнай дывізіі імя Т. Касцюшкі Войска Польскага.
Дывізія фарміравалася ў Сялецкіх ваенных лагерах пад Разанню. 15 ліпеня 1943 года, у дзень гадавіны Грунвальдскай бітвы, дывізія прыняла прысягу. Дывізія мела штатны расклад савецкай стралковай дывізіі і ўключала тры пяхотныя палкі, асобны жаночы пяхотны батальён імя Э. Плятэр, полк лёгкай артылерыі, знішчальны супрацьтанкавы дывізіён, дывізіён мінамётаў, разведроту, роту сувязі, падраздзяленні зенітных сродкаў, часткі тылу.
Першым камандзірам дывізіі стаў палкоўнік Зыгмунт Берлінг. Па стане на 5 ліпеня 1943 года, дывізія мела 14 380 чалавек (13 520 палякаў, 439 яўрэяў, 209 украінцаў, 108 беларусаў, 112 рускіх і 1 азербайджанец).
12-13 кастрычніка 1943 года пад Леніна Горацкага раёна адбыўся першы бой дывізіі. Падчас баёў дывізія нанесла значны ўрон суперніку, заняла вёскі Трыгубава і Паўзухі. Тры байцы дывізіі былі ўдастоены звання Героя Савецкага Саюза, 247 – узнагароджаны ордэнамі і медалямі.
З. Берлінг.
1955 год. Утворана ваенная арганізацыя Варшаўскай Дамовы.
У яе склад увайшлі Албанія, Балгарыя, Венгрыя, ГДР, Польшча, Румынія, СССР, Чэхаславакія. Скасавана ў 1991 годзе. Усе краіны, акрамя СССР, увайшлі ў НАТА (з былога СССР у НАТА – Эстонія, Літва, Латвія).
Трэцім галоўнакамандуючым Аб’яднанымі ўзброенымі сіламі краінаў-удзельніцаў дамовы быў ураджэнец Горацкага раёнаМаршал Савецкага Саюзу І. Якубоўскі (1967-1976), першым начальнікам штаба – ураджэнец Гродна, уладальнік ордэна Перамогі, генерал арміі – А. Антонаў (1955-1962).
І. Якубоўскі.
1973 год. Нарадзілася Наталі Касцюшка-Марызэ.
Францускі палітык, з беларускага роду Касцюшкаў. Былы міністар экалогіі ва ўрадзе Ф. Фіёна (2010-2012).
Скончыла Політэхнічную школу ў Парыжы, Нацыянальную школу лясных і водных інжынэраў.
Займала пасады дзяржаўных сакратароў дэпартамэнтаў экалогіі, планавання і развіцця лічбавай гаспадаркі, мэра Лянжумо.
1995 год. Па ініцыятыве А. Лукашэнкі прайшоў рэферэндум.
На галасаванне выносіліся чатыры пытанні, першыя тры з іх – на абавязковы рэферэндум, пастанова якога насіла канчатковы характар, а чацвёртае – на кансультацыйны, пастанова якога насіла рэкамендацыйны характар:
Ці згодны Вы з наданнем рускай мове аднолькавага статусу з беларускай?
Ці падтрымліваеце Вы прапанову аб устанаўленні новых Дзяржаўнага сцяга і Дзяржаўнага герба Рэспублікі Беларусь?
Ці падтрымліваеце Вы дзеянні Прэзідэнта Рэспублікі Беларусь, скіраваныя на эканамічную інтэграцыю з Расійскай Федэрацыяй?
Ці згодны Вы з неабходнасцю ўнясення змяненняў у Канстытуцыю Рэспублікі Беларусь, якія прадугледжваюць магчымасць датэрміновага спынення паўнамоцтваў Вярхоўнага Савета Прэзідэнтам Рэспублікі Беларусь у выпадках сістэматычнага ці грубага парушэння Канстытуцыі?[
Паводле афіцыйных звестак, па першаму пытанню “За” выступілі 88,3%, па другому падтрымка атрымана ў 75,1% галасоў, па трэцяму – 83,3%, па чацвёртаму – 77,7%.
Пытанні, вынесеныя на рэферэндум, супярэчылі прэамбуле і артыкулам 1, 2, 3 Дэкларацыі аб дзяржаўным суверэнітэце Беларусі, прэамбуле і артыкулам 17 і 78 Канстытуцыі Беларусі 1994 года, артыкулу 3 Закона «Аб усенародным галасаванні (рэферэндуме) у Рэспубліцы Беларусь».
Крычаўлянка Наталля Бярнадская стварае папяровыя ручнікі, а яе выцінанкі ўключаны ў народную спадчыну Беларусі.
Цікавасць да народнай творчасці Наталлю Мікалаеўну ў свой час прывяла ў дзіцячую школу мастацтваў Крычава, а пасля была вучоба ў Магілёўскім вучылішча культуры на аддзяленні дэкаратыўна-прыкладнога мастацтва. Атрыманыя навыкі майстар замацавала падчас вучобы ў Беларускім універсітэце культуры і мастацтваў.
З 2006 года Наталля Бярнацкая працуе настаўнікам у дзіцячай школе мастацтваў, дзе працуе з вучнямі, дзеліцца сваім вопытам з майстрамі Магілёўскай вобласці, праводзіць майстар-класы для жыхароў Крычаўшчыны.
За час сваёй працы на малой радзіме Наталля Бярнадская стала членам “Беларускага саюза мастакоў”, міжнароднага клуба “Папяровыя традыцыі”, атрымала званне народнага майстра і яе выцінанкі ўвайшлі ў спіс элементаў народнай спадчыны Беларусі. Дарэчы, па ўсёй Беларусі толькі адзінаццаць выцінаншчыкаў, што маюць званне народнага майстра. Каб атрымаць такі статус, трэба прытрымлівацца народных традыцый і перадаваць іх, ведаць тэхналогію выразання выцінанкі, яе гісторыю.
Як прызнаецца сама майстрыха, выцінанкай сур’ёзна займаецца ўжо дваццаць год. Крычаўскі народны майстар любіць выразаць рознакаляровую выцінанку, шматслаёвую і больш ажурную.
Яшчэ ў дзяцінстве Наталля ўсе канікулы праводзіла з дзядулям і бабуляй, якія жылі ў вёсцы Горкі ў 30 кіламетрах ад Крычава. Бабуля вучыла дзяўчынку ўсяму, што ўмела сама: вышываць, вязаць, выразаць. На стыль і творчасць крычаўскай выцінаншчыцы паўплывала ўменне яе бабулі добра ткаць ручнікі і вышываць іх ніткамі, вобразы якіх Наталля ўвасабляе ў папяровым варыянце. Яшчэ дзіцём будучы народны майстар назірала за бабуляй, стараючыся паўтарыць на паперы арнамент, які тая вышывала на ручніку. Да сённяшняга дня Наталля Бярнадская захоўвае саматканы ручнік і абрус з вышытымі па краях узорамі, якія належалі яе бабулі, як самы дарагі ўспамін дзяцінства.
Ёсць у крычаўскай майстрыхі і невялікая калекцыя выцінанак. Самыя прыгожыя ў ёй – працы кітайскіх і літоўскіх майстроў, якія ўдалося прыдбаць Наталлі на міжнародных форумах народных творцаў.
Нагадаем, што мастацтва выцінанкі стала папулярным на тэрыторыі Беларусі ў канцы XIX – пачатку XX стагоддзя, як спосаб упрыгожвання жылля і было адноўлена як від дэкаратыўна-прыкладнога мастацтва ў канцы XX стагоддзя.
Днём 13 мая ў небе Бранскай вобласці адбылося падзенне двух адзінак вайсковай тэхнікі. Каля палудня ў горадзе Клінцы, дзе размяшчаецца вялікая ваенная база, быў збіты верталёт Мі-8.
“Навіны Бранска” паведамляюць, што перад падзеннем верталёт доўга кружыў над горадам, а потым загарэўся і камянём упаў у прыватны сектар. Экіпаж – два чалавекі – загінуў.
Адразу пасля гэтага паявілася інфармацыя пра падзенне ваеннага самалёта Су-34, экіпаж якога таксама загінуў. Калі ў выпадку з верталётам дакладна вядома, што ён быў збіты, то абставіны падзення самалёта яшчэ высвятляюцца. Ад месца падзення Мі-8 да месца падзення Су-34 – 40 кіламетраў.
У Клінцоўскім раёне ўведзены план “Перахоп” – верагодна, шукаюць дыверсантаў.
Тэлеграм-канал Baza піша, што правяраецца інфармацыя пра магчымае падзенне яшчэ аднаго Су-34. Раней канал “112” паведаміў, што збітых верталётаў Мі-8 магло быць два. «Асцярожна, навіны» пішуць, што другі верталёт упаў ля вёскі Сурэцкі Муравей за 10 кіламетраў ад Клінцоў.
Построенный чиновниками, комплекс с заправкой, шиномонтажкой и гостиницей на трассе Е-95 так и не заработал. Пикантность ситуации добавляет факт, что это территория бывшего совхоза “Городец”.
Придорожному автосервису в нашей стране всегда придавалось особое значение – всё-таки Беларусь, как въездные ворота в Россию, должна соответствовать европейским стандартам… Или хотя бы стремиться к их уровню обслуживания участников дорожного движения, в том числе и зарубежных туристов.
В свое время Указ от 15.05.2008 г. №270 «О мерах по развитию придорожного сервиса» явился своеобразным эмоционально-финансовым импульсом для чиновников по созданию благоприятных условий для развития внутреннего и въездного туризма. Предполагалось, что активная деятельность бюрократов всех уровней привела бы к увеличению объема платных услуг, повышению качества сервисного обслуживания участников дорожного движения и более эффективному в целом использованию транзитных возможностей синеокой Беларуси.
А так как Указом предусматривалось предоставление владельцам объектов придорожного сервиса налоговых льгот и иных преференций, шкловские чиновники с вездесущим «Беларусбанком» сподобились еще в 2011 году «осчастливить» грандиозной стройкой родину тещи Петра Машерова – деревню Новые Чемоданы.
И как-то так неожиданно получилось, что к намеченному сроку строительство многофункционального объекта 3-го уровня на 199 км а/д М8 у д. Новые Чемоданы Шкловского района (АЗС с шиномонтажем, гостиница, кафе, дом для проведения торжеств, автостоянка) общей площадью 1936 м2 было успешно завершено.
Ввод объекта в эксплуатацию намечался на 1 полугодие 2014 г. (ответственные исполнители Беларусбанк и Шкловский райисполком), но тут произошел сбой алгоритма осчастливливания местных жителей новыми рабочими местами и прилагающейся к автозаправке торговой точке, а проезжающих водителей шикарным автосервисом. Объект так и не заработал. И не работает уже 9 лет.
Причины называют разные, но местные жители уверены, что кое-чего из оборудования не довезли (у них свои источники информации), а, значит, и не смонтировали. Злые языки из райисполкома в то время утверждали, что в процессе строительства объекта был допущен слишком большой перерасход средств и не нашлось смелых подписать акт приемки.
Тем не менее, Беларусбанк через агентство недвижимости «Час пик» продолжительное время пытался за 9 млн. рублей «сбагрить» неработающий объект придорожного сервиса наивным покупателям. А так как «наивными» у нас случаются только распорядители бюджетных средств, а в казне государевой постоянно финансовая «напряженка», то и получился расчет на частного покупателя, который изначально не так и наивен, как хотелось бы некоторым чиновникам.
А объект получился шикарный: автозаправка
Гостиница
Пикантность ситуации в том, что деревня Новые Чемоданы входит в состав бывшего совхоза «Городец», которым несколько лет успешно руководил директор А. Лукашенко. Увы, он до сих пор так и не вник в конкретный случай неэффективного исполнения упомянутого Указа, а виновные финансовые распорядители народных денег так и не получили соответствующую оценку.
Сегодня объектом распоряжается концерн Белнефтехим и без перспективы его задействования – трасса Санкт-Петербург – Одесса, на которой находится д. Новые Чемоданы, пустует из-за событий в Украине.
Соответственно, автозаправка и гостиничный комплекс практически не востребованы. Вот и получается с автозаправочным комплексом: и содержать дорого, и продать некому. А подумать в свое время о перспективе его использования было некому, а может и боязно перечить реализации очередного грандиозного проекта волюнтаристского характера.
А местным жителям приходится наблюдать из-за забора фантастическую для них красоту республиканского масштаба с несбывшейся мечтой о стационарной торговой точке.
Вечарам 11 мая 50-гадовы кіроўца аўтамабіля DAF, праяжджаючы міма калоны вайскоўцаў каля вёскі Ясень у Асіповіцкім раёне, кінуў у іх самаробнай выбуховае прыстасаванне, зробленае з піратэхнікі – заяўляе прэс-служба Следчага камітэта Беларусі.
Самаробная выбухоўку спрацавала каля вайсковай тэхнікі і салдат, але ніхто не пацярпеў. Ваенныя самі дагналі і спынілі кіроўцу. Цяпер яго абвінавачваюць у злосным хуліганстве, але разглядаецца верагоднасць абвінавачвання таксама ў экстрэмізме, заявілі ў ведамстве.
У відэароліку, прысвечаным затрымання кіроўцы, завастраецца ўвагу на наяўнасці ў кабіне вадзіцеля нацыянальнай сімволікі, на факце падпіскі мужчыны на Тэлеграм-каналы, якія афіцыйна прызнаныя экстрэмісцкімі ў Беларусі. Сярод выяваў, якія характарызуюцца як экстрэмісцкія, прысутнічае лагатып гурту “Рамштайн”.
