Раніцай 18 студзены ў горадзе Бравары пад Кіевам адбылася катастрофа з верталётам міністэрства па надзвычайных сітуацыях.
Ён упаў на дзіцячы садок, у якім знаходзіліся выхаванцы і дарослыя. Паводле апошняй інфармацыі ў выніку катастрофы загінулі 9 чалавек, што знаходзіліся ў верталёце, і яшчэ 9 чалавек, якія знаходзіліся на зямлі – трое з іх дзеці.
У верталёце знаходзіўся міністр унутраных спраў Украіны Дзяніс Манастырскі, яго першы намеснік і дзяржаўны сакратар службы – паведаміў на сваёй старонцы кіраўнік Нацпаліцыі Украіны Ігар Кліменка.
Дзяніс Манастырскі вяртаўся з Чарнігава, дзе сустракаўся з нацгвардзейцамі, якія праявілі асабістую мужнасць і адвагу пры выкананні воінскага абавязку пры адбіцці і стрымліванні ўзброенай агрэсіі Расійскай Федэрацыі.
На патрабаванне Генеральнай пракуратуры Ўкраіны арышт накладзены на верталёт, запчасткі да яго ды іншую маёмасць, якія ацэненыя ў 300 мільёнаў грыўнаў (8 203 759 долараў ЗША на 13 верасня, ММ).
У паведамленні ведамства прадпрыемствы не называюцца. Адзначаецца, што іх маёмасць была завезеная для рамонту на некалькі ўкраінскіх прадпрыемстваў перад поўнамаштабным уварваннем Расіі ва Ўкраіну.
Заказчыкам выступала Міністэрства абароны Беларусі, беларускія ды расійскія прадпрыемствы. Цяпер вырашаецца пытанне аб перадачы арыштаванай маёмасці ўзброеным сілам Украіны.
Акрамя таго, дадае Генеральная пракуратура Ўкраіны, беларускія прадпрыемствы знаходзяцца пад санкцыямі ЗША. Што да расійскіх прадпрыемстваў, то асноўнымі іхнымі заказчыкамі былі нацыянальная гвардыя Расіі, а таксама Міністэрства ўнутраных справаў, ды адміністрацыя Пуціна.
1579 год. Вызвалены Полацк ад войск маскоўскага цара Івана Жахлівага.
Вызваленнем з-пад маскоўскай акупацыі кіраваў Стэфан Баторы. Пад уладай чужынцаў горад знаходзіўся 16 гадоў і страціў большую частку насельніцтва. Заняпаў.
1696 год. Моваю дзяржаўнага справаводства ў Вялікім Княстве Літоўскім замест русінскай (беларускай) зацверджаныя польская і лацінская.
Такую пастанову прыняў канфедэрацыйны сойм Рэчы Паспалітай.
З гэтага часу ўсе рашэнні мелі складацца на польскай мове; усе ранейшыя акты, запісы, рашэнні і паказанні захоўвалі сваю сілу.
Канфедэрацыйны сойм пастановаю «Юрыдычнае ўраўнаванне» шляхецкіх саслоўяў Вялікага Княства Літоўскага і Кароны Польскай ураўнаваў правы шляхты Беларусі з правамі польскай шляхты. Адзін з пунктаў дакументу закранаў мову. Беларуская шляхта заплаціла за падвышэнне статусу адыходам ад сваёй мовы.
Беларуская мова ў Рэчы Паспалітай страціла статус дзяржаўнай мовы, што ў перспектыве прывяло да яе заняпаду.
1923 год. Нарадзіўся Уладзімір Казбярук.
Літаратуразнаўца.
Вывучаў беларуска-польскія літаратурныя сувязі, беларускі рамантызм ХІХ – пачатку ХХ стагоддзяў.
Аўтар даследаванняў па гісторыі Беларусі і беларускай культуры, беларускага нацыянальнага адраджэння, утварэння Беларускай Народнай Рэспублікі, жыцця і літаратурнай дзейнасці Францыска Скарыны, Кастуся Каліноўскага, Алеся Гаруна.
1934 год. Нарадзілася Тамара Мушынская.
Педагог, літаратуразнаўца.
Працавала ў Нацыянальным інстытуце адукацыі.
Аўтар 6 кніг і звыш 60 артыкулаў па методыцы выкладання літаратуры.
Суаўтар 16 падручнікаў па рускай літаратуры для сярэдняй школы, шэрагу дапаможнікаў для настаўнікаў рускай і беларускай літаратуры, хрэстаматыяў.
1958 год. Нарадзіўся Майкл Джэксан.
Амерыканскі поп-спявак, танцор.
Дасягнуў міжнароднай вядомасці ў 11 гадоў, як вакаліст дзіцячай групы Jackson 5.
Адзін з самых камерцыйна паспяховых сольных артыстаў у гісторыі. Яго называюць «Каралём поп-музыкі».
Уладальнік 19 прэміяў «Грэмі». Яго імя двойчы занесена ў Залу славы рок-н-ролу, як сольнага выканаўцы і як удзельніка Jackson 5.
1974 год. Сутыкнуліся два ваенных верталёты Мі-4 пад Ружанамі.
Абодва верталёты праз памылкі лётчыкаў абрынуліся на зямлю ў раёне месца для бомбакідання, усе 6 членаў экіпажаў загінулі.
2014 год. Памёр Канстанцін Шаранговіч.
Мастак-графік, педагог.
Выкладчык Беларускай акадэміі мастацтваў.
Адзін з заснавальнікаў і кіраўнік салону-галерэі «ГАЛ-творчасць».
Працаваў у галіне кніжнай і станковай графіцы, жывапісу.
Міжнародны дзень дзеянняў супраць ядзерных выпрабаванняў (International Day Аgainst Nuclear Tests).
Адзначаецца ад 2009 году. Зацверджаны Генеральнай асамблеяй Арганізацыі Аб’яднаных Нацыяў дзеля актывізавання намаганняў у справе спынення ядзерных выпрабаванняў, як неабходнай умовы для стварэння бяспечнага свету.
Трэці Арэхавы Спас.
Па ім дазвалялася збіраць лясныя арэхі – ляшчыны. У гэты дзень пяклі боханы з новага ўраджаю збожжа. Напярэдадні чысцілі крыніцы і студні.
У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніцаў
