Навіны Клайпеды. Бясплатная электрычнасць для электрамабіляў працягнецца яшчэ на два гады

Самакіраванне Клайпеды сцвярджае, што магчымасці спаганяць плату за паслугі па зарадцы электрамабіляў у яго пакуль няма. Таму электраэнергія з прыналежных гораду зарадных станцый электрамабілям будзе падавацца бясплатна яшчэ два гады ў адпаведнасці з праектам рашэння Гарадской рады – паведамляе  аtviraklaipeda.lt.

Клайпедскі гарадскі савет у 2020 годзе ўстанавіў, што паслуга зарадкі электрамабіляў прадастаўляецца карыстальнікам бясплатна на працягу 3 гадоў – да 21 мая 2023 года.

Пішам пра жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

 У цяперашні час прыналежныя самакіраванню 21 зарадная станцыя электрамабіляў перададзены ЗАТ «Клайпедас аўтабусу паркас». За гэта і за спажытую электраэнергію самакіраванне плаціць яму па ўсталяванай у дамове стаўцы.

Сем з прыналежных самакіраванню зарадных станцый адносяцца да старога тыпу. Таму, каб спаганяць плату за паслугу зарадкі электрамабіляў, іх прыйшлося б замяніць на станцыі новага тыпу, каб можна было карыстацца мабільным дадаткам, які дазваляе аплачваць паслугі. Кошт такога абнаўлення склаў бы прыкладна 28 000 еўра.

Тры станцыі для хуткай зарадкі электрамабіляў абсталяваны ў горадзе пры падтрымцы Еўразвяза, па правілах якога гэтыя станцыі не могуць быць платнымі да 26 верасня 2024 года.

У 2023 годзе ў гарадскім бюджэце прадугледжана выдзеліць 363 300 еўра на мерапрыемства “Эксплуатацыя і тэхнічнае абслугоўванне зарадных станцый для электрамабіляў, якія належаць гораду Клайпеда”.

Камітэт па гарадской гаспадарцы і навакольным асяроддзі ў аўторак высунуў прапанову аб тым, каб цяперашні парадак працягнуўся толькі да канца гэтага года, каб за гэты час можна было пераабсталяваць зарадныя станцыі, устаноўленыя на нееўрапейскія сродкі, і за электраэнергію, якая імі пастаўляецца, можна было б пачаць спаганяць плату. Член гэтага камітэта В. Дамбраўскас падкрэсліў, што цяперашні парадак – не больш чым падтрымка для багатых, бо звычайны чалавек пакуль што не ў стане купіць электрамабіль. Апошняе слова павінна будзе сказаць Гарадская рада.

Даведка. Кошт паслуг па зарадцы электрамабільнага транспарту ў беларускай сетцы электрычных заправачных станцый такі: паслуга зарадкі пераменным токам – 0,40 руб./кВт гадзіну, пастаянным токам –  0,49 руб./кВт гадзіну – паведамляе malankabn.by.

Пры гэтым, кошт энергіі на розных зарадных станцыях адрозніваецца, у тым ліку ад часу выкарыстання электрычнасці ў разрэзе дзённага, тыднёвага і месячнага выкарыстання. 

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

Фота аtviraklaipeda.lt.

Электрычнасць у Клайпедзе патаннела на 23 працэнты, і гэта яшчэ не канец

У сакавіку сярэдні аптовы кошт электраэнергіі ў Клайпедзе і па ўсёй Літве  патаннеў на 23% у параўнанні з лютым. Цяпер кошт кілавата складае 10,7 эўрацэнтаў – паведамляе atviraklaipeda.lt. Гэта стала магчыма дзякуючы цёпламу надвор’ю. Эксперты чакаюць далейшае зніжэнне коштаў і ў красавіку.

Па словах В. Фёдаровіча, начальніка Дэпартамента кіравання рызыкамі пастаўшчыкоў энергіі “Enefit”, на кошт энергіі ў сакавіку асабліва паўплывала зніжэнне попыту на электраэнергію для ацяплення, а таксама павелічэнне занятасці ветраных і сонечных паркаў электрастанцый.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Паводле слоў В. Фёдаровіча, сярэднесутачнае спажыванне электраэнергіі ў краіне ў сакавіку знізілася. Верагодна, у красавіку яно таксама будзе зніжацца, а гэта – спрыяльны фактар для захавання стабільнага кошту на электраэнергію. Калі ў красавіку складуцца спрыяльныя ўмовы для павелічэння вытворчасці электраэнергіі з узнаўляльных крыніц энергіі, гэта створыць перадумовы для зніжэння імпарту.

У Беларусі на фоне увядзення ў дзеянне БелАЭС, многіх гідраэлектрастанцый, ветравых, сонечных установак, павялічэння магутнасцей і валавай выпрацоўкі электраэнергіі памяншэнне коштаў на электрычнасць не праглядаецца.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

Фота мае ілюстрацыйны характар

Мікалаеў – узмацніліся абстрэлы, пашкоджана 16 тысяч будынкаў, 100 000 чалавек вярнуліся ў свае дамы

У Мікалаеўскай вобласці працягваюцца абстрэлы расійскімі акупантамі. За апошні месяц штодня колькасць разбураных дамоў павялічвалася на 1-3, але іх колькасць павялічылася ў апошнія дні. За перадапошнія суткі было разбурана адразу  8 дамоў, паведамляла inshe.tv, а за апошнія адразу 19. 

Усяго ў Мікалаеве ад абстрэлаў пашкоджана 933 шматпавярховыя дамы, амаль у 240 з іх пашкоджаны дах. У  масштабах Мікалаеўскай вобласці пашкоджана на 14 лютага 16 091 дом, часткова або цалкам пашкоджаны 16 110 грамадзянскіх аб’ектаў.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Нягледзячы на разбурэнні жыллёвага сектара, жыхары вяртаюцца да сваіх гарадоў, сёл, хат.

Больш за 100 000 мікалаеўцаў пасля дэакупацыі Херсона вярнуліся ў Мікалаеў – распавёў Мікалаеўскі гарадскі галава А. Сянкевіч.

Паводле яго слоў, жыццёва важныя праблемы ў горадзе паступова вырашаюцца: пакрысе здымаецца праблема пітной вады, гораду дапамаглі з набыццём новых кацельняў.

Адразу 4 000 жыхароў вярнуліся да сваіх хат у лютым у Галіцынаўскай грамадзе – паведамляе «Корабелов.Инфо». Усе жыхары сямі сёл грамады забяспечваюцца хлебам і кансервамі па праграме ААН, электра- і газазабеспячэннем.

Пачалі вяртацца жыхары і ў сяло Новагрыгараўка, якое страціла 85% жыхароў. Сярод першых – настаўніца пачатковых класаў Н. Сідар, якая адразу ўзялася весці ўрокі музыкі, як толькі падвялі электрычнасць. І гэта ў пасёлку, у якім не засталося ніводнага ацалелага будынка, гаворыцца ў паведамленні ТСН. 

Людзі, што вяртаюцца да сваіх разбомбленых хат, жывуць хто ў ацалелых прыбудовах, хто ў лазнях, сараях, буданах. Але вакол шмат абломкаў ракет, снарадаў, не разазарваўшыхся мін.

Людзі гуртуюцца і разам дапамагаюць адзін аднаму – каму плёнку нацягнуць на дах, каму дровы падвезці. У сяло вярнулася ўсяго каля 40 жыхароў, астатнія некалькі сотняў чакаюць вясну і цяпло, каб пачаць адбудоўваць свае дамы.

Вяртанню людзей спрыяе і падключэнне 85% дэакупаваных населеных пунктаў вобласці да электрычнасці – піша Мікалаеўская праўда. 

А аграрыі  Мікалаеўскай вобласці – 2432 індывідуальныя прадпрымальнікі і 338 фермерскіх гаспадарак рыхтуюцца да пасяўной.  Харчовая і сельскагаспадарчая арганізацыя ААН (ФАО) аказвае ім дапамогу ў насенні, якое прадастаўляецца бясплатна. 

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

У Касцюковічах пабудуюць яшчэ адзін электрадом

У Касцюковічах хутка з’явіцца другі ў горадзе элетрадом, паведамляе рэсурс golk.by

Плануецца ўвод 40 кватэр агульнай плошчай 2488 квадратных метраў у пяціпавярховіку па вуліцы Камсамольскай.   Дом будзе абсталяваны ліфтам,  а ацяпленне, гарачае водазабеспячэнне и кухонныя пліты будуць працаваць толькі ад электраэнергіі. У новабудоўлі прадугледжана сацыяльнае і арэнднае жыллё.

Акрамя гэтага, у 2023 годзе ў раённым цэнтры будзе праведзены капітальны рамонт  жылых дамоў па вуліцах Ленінская, 123 і Мікрараён Маладзёжны, 30. Капітальны рамонт чакаюць у бягучым годзе трохпавярховы дом у аграгарадку Шарэйкі. 

Дзень у гісторыі. 27 студзеня. Дзень памяці ахвяр Халакоста. Перамога над татарамі на Альшаніцы. Першая пастаноўка “Паўлінкі”. Абрушэнне даху школы ў Краснаполлі

Міжнародны дзень памяці ахвяр Халакоста (International Holocaust Remembrance Day, з 2005 года)

Устаноўлены Генеральнай Асамблеі ААН і прымеркаваны да гадавіны вызвалення канцлагера  Асвенцым у 1945 годзе. 

Прысвечаны трагедыі Халакоста, якая адбылася падчас Другой сусветнай вайны і якая прывяла да гібелі 6 мільёнаў яўрэяў ад рук нацысцкага рэжыму.

Біблейскае слова «Халакост» азначае «усеспаленне» або «ахвяра ўсеспалення». Пад гэтым тэрмінам разумеюць масавае знішчэнне розных сацыяльных і этнічных груп падчас існавання нацысцкай Германіі, жахлівую спробу нацыстаў цалкам вынішчыць габрэйскі народ.

Габрэі Магілёва, 1941 год.

1527 год. Перамога войска ВКЛ на чале з Канстанцінам Астрожскім над войскам крымскіх татараў у бітве на рацэ Альшаніцы. 

На прытоку Дняпра Альшаніцы, паміж Каневам і Кіевам, 7 000 коннікаў вялікага гетмана К. Астрожскага, палявога гетмана Я. Радзівіла, князёў Юрыя Сямёнавіча Слуцкага, Андрэя Неміровіча, Івана і Аляксандра Вішнявецкіх і іншыя дагналі войска татар у 24 000 чалавек на чале з царэвічам Малаем, разбілі іх і вызвалілі 80 000 палонных, вярнулі нарабаваную маёмасць. 

Малай узяты ў палон, а потым забіты. 

Пасля гэтага Крымскае ханства спыніла значныя набегі на землі ВКЛ.

1880 год. Амерыканскі вынаходнік  Томас Эдысан запатэнтаваў электрычную лямпачку. 

Эдысан неяк заявіў: «Мы зробім электрычнасць гэтакай таннай, што толькі багатыя будуць паліць свечкі». 

Ягоная з Дж. П. Морганам кампанія Edison Electric Light да канца 1883 года выпускала 3/4 лямпаў напальвання ў ЗША. Каб заваяваць рынак, Эдысан усталяваў продажную цану лямпачкі 40 цэнтаў пры яе сабекошце 110 цэнтаў. 

Чатыры гады Эдысан павялічваў выпуск лямпачак, зніжаючы іх сабекошт, аднак трываў страты. Калі сабекошт лямпы зваліўся да 22 цэнтаў, а іх выпуск вырас да 1 мільёна штук, ён за адзін год пакрыў усе выдаткі. 

У 1892 годзе кампанія Эдысана з’ядналася з іншымі кампаніямі ў General Electric.

Эдысан атрымаў у ЗША 1093 патэнты і каля 3 тысяч у іншых краінах. Удасканаліў тэлеграф, тэлефон, кінаапаратуру, пабудаваў першыя электравозы, вынайшаў фанограф, прапанаваў выкарыстоўваць у пачатку тэлефоннай гутаркі слова «алё».

1904 год. Нарадзіўся Іван Чымбург. 

Беларускі філосаф, кандыдат філасофскіх навук. Рэктар БДУ.

Скончыў Слуцкую беларускую гтімназію, Саратаўскі ўніверсітэт. Працаваў выкладчыкам у Варонежы, БДУ.

Пасля дэмабілізацыі ў 1944 годзе працаваў загадчыкам кафедры марксізму-ленінізму БДУ, дырэктарам Інстытута гісторыі партыі ЦК КП(б)Б, рэктарам БДУ (1949-1952).

Пры яго рэктарстве была зачынена кафедра гісторыі БССР, адбылося аб’яднанне біялагічнага і хімічнага факультэтаў, некаторых кафедр, пераўтварэнне геаграфічнага факультэта ў геолага-геаграфічны, былі ўтвораны кафедры філасофіі і логікі (яе і ўзначаліў), эксперыментальнай фізікі, глебазнаўства, наладжана праца аспірантуры, навуковых экспедыцый, студэнцкміх навуковых таварыстваў.

У 1952-1970 гадах працаваў у Інстытуце філісофіі і права АН БССР, у Беларускім політэхнічным інстытуце, Мінскім педінстытуце.

Памёр у 1978 годзе.

1913 год. Адбылася першая пастаноўка знакамітай камедыі Янкі Купалы «Паўлінка». 

Была пастаўлена рэжысёрам  А.  Бурбісам у віленскім рабочым клубе «Сокал» сіламі Беларускага музычна-драматычнага гуртка ў прысутнасці Купалы. 

Выканаўцай ролі Паўлінкі стала Соф’я Маркевіч (Маркевічанка).

На спектакль 1 лютага станоўча адгукнулася газета «Наша ніва».

1935 год. Нарадзіўся Зіновій Бабій. 

Беларускі оперны спявак, акцёр. Народны артыст. Пры жыцці яго называлі «Беларускі Арфей» або «Наш Каруза».

Вучыўся ў Кіеўскай і Беларускай кансерваторыях, працаваў у оперных тэатрах Кіева, Львова, у Дзяржаўным тэатры оперы і балета Беларусі.

Характару голасу і артыстычнай індывідуальнасці спевака ў найбольшай ступені адпавядалі партыі драматычнага плана.

Талент і майстэрскае валоданне голасам дазволілі артысту ствараць непаўторныя вобразы на сцэне, у тым ліку, у класічных операх – Фаўст («Фаўст» Ш. Гуно), Хазэ («Кармэн» Ж. Бізэ), Каніо («Паяцы» Р. Леанкавала), у творах рускіх кампазітараў – Герман («Пікавая дама» П. Чайкоўскага), Арэст («Арэстэя» С. Танеева), у операх нацыянальнага рэпертуару – Сяргей («Алеся» Я. Цікоцкага).

Меў вялікі канцэртны рэпертуар, які ўключаў 18 сольных праграм з твораў розных эпох і стыляў.

Гастраляваў у Балгарыі, Венгрыі, ГДР, Польшчы, Францыі, Канадзе.

Памёр 27 ліпеня 1984 года ў Мінску. 

1938 год. Расстраляны НКУС Уладзімір Беняшэвіч. 

Гісторык царквы, візантыст, акадэмік Берлінскай, Мюнхенскай і Страсбургскай акадэмій навук.

Скончыў юрыдычны факультэт Пецярбургскага ўніверсітэта, слухаў лекцыі ў Лейпцыгскім, Берлінскім, Гайдэльбергскім універсітэтах. 

Працаваў прафесарам Пецярбургскага / Ленінградскага ўніверсітэта, галоўным бібліятэкарам аддзела рукапісаў Публічнай бібліятэкі, рэдактарам перыёдыкаў “Памятники древнерусского канонического права”, “Обзор трудов по славяноведению, 1908-1913”.

Склаў бібліяграфію па гісторыі, этнаграфіі, мовазнаўстве, літаратуры Беларусі. 

Арыштоўваўся ДПУ ў 1929, 1931 гадах, асуджаны да лагераў. 

Дзякуючы хадайніцтву А. Эйнштэйна, Ф. Нансена і У. Бонч-Бруевіча вызвалены ў 1933 годзе.

27 лістапада 1937 года зноў арыштаваны. Расстраляны разам з двума сынамі і братам.

1955 год. У Магілёве нарадзіўся Аляксандр Саковіч. 

Беларускі пратэстанцкі святар, пастар заснаванай ім поўнаевангельскай царквы «Слова веры».

З 1970-х гадоў у Мінску займаўся падпольным распаўсюджаннем хрысціянскай літаратуры. 

Кіраваў Рэлігійным аб’яднаннем супольнасцяў хрысціян поўнага Эвангелля ў Рэспубліцы Беларусь (РАСХПЭ), ініцыяваў адкрыццё Біблейскага каледжа РАСХПЭ.

З’ехаў на лячэнне ў Дзюсельдорф, дзе і памёр 19 сакавіка 2015 года.

1973 год. Нарадзіўся Валянцін Бялькевіч. 

Беларускі футбаліст. 

У 1991-1996 выступаў за «Дынама (Мінск)». У 1995 быў прызнаны найлепшым футбалістам Беларусі.

У 1996 перайшоў у «Дынама (Кіеў)». Менавіта ён арганізоўваў ільвіную долю імклівых і паражальных контратак, якія сталі фірмовым стылем «Дынама» канца 1990-х. У 2001 прызнаны найлепшым гульцом украінскага чэмпіянату.

Да кастрычніка 2005 года уваходзіў у нацыянальную зборную Беларусі, за якую згуляў 56 матчаў, забіў 10 галоў, быў адным з лідараў у кваліфікацыі да чэмпіянату свету ФІФА 2002 года.

У 2008 годзе атрымаў украінскае грамадзянства.

«Мозг» каманды, прыроджаны плэймейкер, «дырыжор» гульні, які здольны адной вострай перадачай вырашыць лёс матчу. Вельмі тэхнічны і элегантны футбаліст, ад гульні якога заўзятары атрымлівалі велічэзнае эстэтычнае задавальненне. Майстар звышдакладных перадач, футбаліст, які «гуляе» галавой і цудоўна «бачыць» поле.

Адрозніваўся джэнтэльменскімі паводзінамі на полі. Абіраўся капітанам і віцэ-капітанам каманды.

Памёр 1 жніўня 2014 года ў Кіеве.

2004 год. У выніку абрушвання даху ў школе ў Краснаполле загінула 4 чалавекі. 

Трагедыя адбылася а 10:28 раніцы ў спартыўнай зале СШ №1 у  Краснаполлі: абрынулася сцяна, а за ёй і столь. Падчас трагедыі ў зале знаходзілася каля 40 чалавек. Загінуў настаўнік П. Любашэнка і трое вучняў.

Дах мог накрыць 250 чалавек.

Трохпавярховая школа была адкрыта ў 2002 годзе. Будаўніцтва было пачата ў 1988 годзе, але закансервавана на 11 гадоў з-за недахопу грошай.

На думку спецыялістаў, трагедыя можа быць вынікам памылкі праекціроўшчыкаў ці тых, хто праводзіў паўторную экспертызу будынка пасля кансервацыі.

Разбор даху школы ў Краснаполлі, 2004 год.

2003 год. Памерла Ніна Абрамчык (Ляўковіч). 

Беларускі грамадска-палітычны дзеяч, пісьменніца, паэтка, фалькларыстка.

Была членам Беларускага студэнцкага саюза ў Вільні, настаўнічала на Пружаншчыне.

З 1941 года жыла ў Берліне, дзе пабралася шлюбам з Міколам Абрамчыкам, будучым Прэзідэнтам Рады БНР, потым у Парыжы. 

Працавала ў газеце «Раніца» і Беларускім камітэце самапомачы, старшынёй Аб’яднання беларускіх жанчын у Францыі, у парыжскім Музеі чалавека. Удзельнічала ў міжнародным кангрэсе «Мацярынскае жыццё», арганізаваным у 1947 годзе Жаночым грамадзянскім і сацыяльным хаўрусам.

У Германіі выдала «Сымон-музыка» Якуба Коласа, «Ад родных ніў» Л. Геніюш, апрацавала і выдала ў 1942-1943 гадах кнігі «Беларусь у песнях», «Гісторыя Беларусі ў картах», «Калядныя песні», «Пад гоман вясёлы»

Аўтар вершаў, апавяданняў, даследаванняў па фалькларыстыцы і этналогіі, па гісторыі і значэнні колераў у беларускай культуры «Couleurs de Biélorussie (Belarus)» (Колеры Беларусі).

Пахавана ў Парыжы на могілках Пэр-Ляшэз каля свайго мужа.

Мікалаеў праз 278 дзён вайны. Праблемы з электрычнасцю, з цяплом, размініраваннем

28 лістапада, у горадзе Мікалаеве з палуначы пачалі адключаць спажыўцоў па графіку стабілізацыйных адключэнняў, паведамляе прэс-служба АТ “Мікалаеваблэнерга”. 

«Сітуацыя крытычная, таму патрабуе аператыўных дзеянняў і адначасовага адключэння вялікай колькасці людзей. Таму на 10 гадзін раніцы абясточаны, акрамя 10 груп паводле графіка стабілізацыйных адключэнняў, і дадатковыя населеныя пункты – усяго амаль 600. Агульная колькасць абанентаў, якія часова апынуліся без электрасілкавання, складае каля 150 тысяч» – гаворыцца ў паведамленні.

Таксама насельніцтва просяць адказна ставіцца да спажывання электраэнергіі, што садзейнічае паспяховаму аднаўленню энергасістэмы Украіны.


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.


 Акрамя праблем з электразабеспячэннем ёсць і праблемы з падачай цяпла. 

Мікалаеўская ЦЭЦ рамантуе цепласеткі, таму жыхары 12 шматпавярховых дамоў у Цэнтральным раёне горада да вечара 29 лістапада будуць, на жаль, без ацяплення, паведамляе прэс-служба прадпрыемства. Работы абяцаюць завершыць да 20:00 29 лістапада.

Праблемы з размініраваннем. 

Вызвалены ад акупантаў Снігіроўскі раён застаецца моцна замініраваным, з-за чаго аграномы наўрад ці змогуць пачаць пасяўную вясной 2023 года, адзначае начальнік мясцовай гарадской ваеннай адміністрацыі Іван Кухта. У гэтым раёне Мікалаеўскай вобласці па-ранейшаму застаецца шмат выбухованебяспечных прадметаў.

Па словах Кухты, акупанты працягваюць абстрэльваць горад, у розных населеных пунктах раёна знаходзіцца вялікая колькасць выбухованебяспечных прадметаў: “Я не магу сказаць колькі іх, але іх вельмі шмат… 344 выбухованебяспечных прадметы… на недзе 21-22 гектары. Гэта пад’езд да горада Снігіроўка разам з інфраструктурнымі аб’ектамі, якія нам непасрэдна трэба для таго, каб вярнуць жыццё ў Снігіроўку, наладзіць працу камунальных устаноў, адміністрацыі… Я не ўпэўнены, што вясной аграрыі змогуць працаваць на сваіх землях”.

Чарговая ахвяра мін. 

Сёння ў Снігіроўцы ў выніку выбуху ў падвале шматпавярховага дома пацярпеў мужчына. Зараз ён знаходзіцца ў рэанімацыі. Выбухны прадмет быў усталяваны акупантамі ў склепе шматпавярхоўкі. Да гэтага ў горадзе падарваліся два пажарніка.

Большая частка калабарантаў збегла. 

Тыя, якія арганізавалі «рэферэндум» і займалі кіруючыя пасады, збеглі са Снігіроўкі разам з акупантамі-расейцамі, а тымі, хто засталіся – імі займаецца СБУ, паведамляе “НІС-ТБ”. 

Таксама паведамляецца, што месцазнаходжання калабарантаў Юрыя Барбашова, які займаў пасаду «кіраўніка» акупацыйнай адміністрацыі і намесніка кіраўніка Баштанскага райсавета Таццяны Мезінай на дадзены момант невядома.


Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: wikimedia.org

 

Пад Мікалаевым расійскія войскі разбурылі капліцу, пабудаваную беларускімі і польскімі перасяленцамі ў сярэдзіне ХІХ ст.

У Мікалаеве фактычна знішчаны вадаправод. На дзявятым месяцы поўнамаштабнага расійскага ўварвання ва Украіну высветлілася, што ў Мікалаеве з-за салёнай вады пашкоджана карозіяй 240 кіламетраў вадаправода. З красавіка ў Мікалаеве няма прэснай вады, паведамляе УНІАН 


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.


Вадаправодная сістэма для забеспячэння насельніцтва, прадпрыемстваў, войск напаўнялася салёнай вадой з Днепра-Бугскага лімана. Генеральны дырэктар гарадскога камунальнага прадпрыемства “Мікалаеўводаканал” Барыс Дудзенка адзначае, што карозіяй пашкоджаны трубы па ўсім горадзе.

images.unian.net

Для выпраўлення сітуацыі пачата супрацоўніцтва з “Таварыствам Чырвонага Крыжа”, “UNICEF”. Кошт рамонту гарадской сеткі з’яўляецца настолькі маштабным, што яго не здужае ні мясцовы бюджэт, ні дзяржаўны.

У Мікалаеўскай вобласці без электрычнасці застаюцца амаль 90 населеных пунктаў.

З пачатку вайны акупанты часткова пашкодзілі або цалкам знішчылі 787 аб’ектаў электразабеспячэння на тэрыторыі рэгіёна, паведамляе palyanytsyaua.

Усяго на Мікалаеўшчыне расійцы пашкодзіла і знішчылі 13 542 грамадзянскія аб’екты, сярод іх: 92 медыцынскіх, 388 навучальных устаноў, 184 установы культуры, 189 прамысловых прадпрыемстваў, 8 729 аб’ектаў жыллёвага фонду, 992 аб’екты газазабеспячэння, 30 аб’ектаў аб’ектаў водазабеспячэння і іншыя.

Тым часам, працягваецца праца сапёраў. У вызваленых раёнах вобласці выявілі больш за 100 мін, якія акупанты схавалі ў сярэдніх школах.

palyanytsyaua.com

Акупанты зруйнавалі каталіцкую капліцу ў Кісялёўцы. 

Каля вызаленага ад акупантаў раённага цэнтра Снігіроўкі акупанты разбурылі храм, які перажыў сусветную вайну і камуністычны рэжым. Будынак не дачакаўся свайго 170-годдзя, якое планавалася адсвяткаваць 8 снежня.

Храм Беззаганнага Зачацця Найсвяцейшай Панны Марыі ў вёсцы Кісялёўка, як сведчыць пробашч парафіі айцец Аляксандр, цалкам разбураны і аднавіць яго немагчыма, толькі пабудаваць нанава.  Знішчаны найстарэйшыя іконы. Сяло Кісялёўка было заснавана католікамі-перасяленцамі з Польшчы і Беларусі. Мураваная капліца ўзведзена ў 1852 годзе.


Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Мікалаеў: ноччу збілі дзесяць “шахідаў”, загінуў адзін чалавек. Субота пачалася без электрычнасці

Гэтай ноччу над Мікалаеўскай вобласцю сіламі і сродкамі СПА паветранага камандавання “Поўдзень” збілі 10 ударных беспілотнікаў-камікадзэ “Shahed-136” іранскай вытворчасці, гаворыцца ў паведамленні Укрінформ. 

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Усяго за мінулыя суткі падраздзяленні ЗСУ выканалі 220 ракетна-артылерыйскіх заданняў.

Паведамляецца, што ў выніку варожых абстрэлаў аднаго з прыгарадных населеных пунктаў Мікалаеўскай вобласці загінуў адзін чалавек і адзін атрымаў аскепкавыя раненні. Пашкоджаны электрасетка, газаправод. Частка населенага пункта засталася без святла і газу. 

У выніку абстрэлаў Мікалаева, горад  і шэраг паселішчаў вобласці суботнюю раніцу 22 кастрычніка пачалі без электрычнасці. Месцамі парушана работа водазабеспячэння і каналізацыі.


Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: novosti-n.org

Навіны пабрацімаў. Прадпрыемствы Латгаліі заклапочаныя дарагоўляй энерганосьбітаў, адсутнасцю пэўнасці з пастаўкамі газу і наагул перспектывамі, на якія ўплывае вайна ва Ўкраіне

Гэта засведчыла апытанне мясцовых прадпрыемстваў, чый гадавы абарот складае не менш за два мільёны еўра.


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.


У латышскім рэгіёне Латгалія тамтэйшы Даўгаўпілс «сябруе» з Бабруйскам, а Краслава – горад пабрацім Горак.

Электраэнэргія

Кіраўнікі прадпрыемстваў з Латгаліі адзначаюць, што цэны на электраэнергію сталі расці яшчэ да вайны ва Ўкраіне.

«У студзені мінулага году кошт аднаго мегавата складаў 16 еўра, а ў гэтым годзе – ужо больш за 100 еўра. Павелічэнне амаль у сем разоў. У нас спажыванне высокае, і гэта аб’ёмныя і вялікія сумы» – наракае кіраўніцтва Даўгаўпілскага лакаматыва рамонтнага заводу.

Гэтае прадпрыемства адно з найбольш пацярпелых у Латвіі ад наступстваў вайны ва Ўкраіне. Яно згубіла «долю рынку ва Ўкраіне і Расеі». Украінскі партнёр, якому былі зробленыя лакаматывы, не можа расплаціцца, праз накладзены Нацбанкам Украіны мараторый на валютныя аперацыі за мяжу. Завод вымушаны быў звольніць частку працоўнага калектыву і цяпер шукае, як пераадолець узніклыя праблемы.

Рост цэнаў на электраэнергію адбіваецца на сабекошце прадукцыі. На некаторых прадпрыемствах Латгаліі прадукцыя стала даражэй на 10 працэнтаў, піша інтэрнэт-выданне «Наш горад».

Даступнасць прыроднага газу

Прадпрымальнікі занепакоеныя даступнасцю прыроднага газу. У вялікіх аб’ёмах ён патрэбны, напрыклад, Даўгаўпілскаму хлебазаводу – Latvijas maiznieks. Дагавор на яго пастаўку заключаны да канца году.

grani.lv

Паводле кіраўніка Латгальскага цэнтру прадпрымальніцтва Андрыса Куцынса дамовы на пастаўку газу заключаюцца на кароткі тэрмін, і немагчыма зразумець, якое будзе ўмяшанне дзяржавы ў сферу бізнесу са скарачэннем гэтых энергарэсурсаў.

«Я разумею, што перамовы ідуць, але чым яны скончацца, незразумела», – адзначае ён.

Згубленыя рынкі…

Прадпрыемствы мясцовай спецыяльнай эканамічнай зоны, аналага беларускіх Свабодых эканамічных зон, згубілі свае рынкі ў Беларусі і Расіі.

Па словах кіраўніцы прамысловага асяродка Крысты Фрэйберг, пачатак вайны ва Ўкраіны стаў «ударам» для 20 кампаніяў, якія працуюць на пляцоўках эканамічнай зоны.

cdn.u.media

“Былі заблакаваныя ланцужкі паставак для некаторых нашых прадпрыемстваў, якія мелі вялікую долю экспарту непасрэдна на Ўсходзе – ў Расіі і Беларусі. Але не толькі сыравіна, але і кліенты, і экспарт важныя. Некаторыя нашы кампаніі экспартавалі амаль 90% у гэтыя краіны, і ў гэтым выпадку ўвесь экспартны ланцужок спыніўся”, – тлумачыць Фрэйберг.

Нявызначанасць будучыні

Прадпрымальнікі Латгаліі занепакоеныя нявызначанасцю ў будучыні, заўважае выданне «Наш горад».

Паводле кіраўніка Латгальскага цэнтру прадпрымальніцтва Куцінса вайна ва Ўкраіне «стане выпрабаваннем для латгальскіх прадпрыемстваў, каб утрымацца на плыву і адаптавацца да інфляцыйных умоў».

visitdaugavpils.lv

«Прадпрымальнікі занепакоеныя невядомасцю, што будзе праз месяц, два, тры, у наступным годзе… Гэта таксама стварае добрую глебу для рознага роду меркаванняў, не заснаваных на лічбах. Але гэта няведанне – боязь планавання і ў доўгатэрміновай перспектыве» – даводзіць ён.

Энергетычная бяспека і даступнасць прадпрыемствам патрэбны для таго, каб мець магчымасць планаваць і развівацца, але, хутчэй за ўсё, як неафіцыйна заяўляюць самі бізнесмены, вялікая яснасць адносна рэальнай будучыні зʼявіцца толькі пасля запланаваных на пачатак кастрычніка выбараў у парлямент краіны, калі стане вядомы склад новага ўрада, падсумоўвае выданне “Наш горад”.