Так ацэньвае шанцы ўдзелу нацыянальнай зборнай на сусветных спаборніцтвах біятланіст, прызёр алімпійскіх гульняў Антон Смольскі.
Ён кажа, што для спартоўца важна спаборнічаць і, калі не ўдасца трапіць на Кубкі свету, то застанецца Расія, паведамляе газета «СБ. Беларусь сегодня».
«Будзем рады спаборнічаць і на чэмпіянатах Расіі, – разважае біятланіст. – У працэнтных суадносінах, я думаю, верагоднасць 40 на 60, што нас дапусцяць да этапаў Кубка свету».
Старшы трэнер жаночай зборнай Беларусі Алег Рыжанкоў лічыць, што шанцаў аказацца на рэйтынгавых сусветных спаборніцтвах мала і гэтае пытанне вырашыцца, на ягоны погляд, бліжэй да восені.
Міжнародны саюз біятланістаў адхіліў расійскіх і беларускіх спартоўцаў ад усіх міжнародных спаборніцтваў пад эгідай арганізацыі ў сувязі з вайной ва Украіне, а таксама па рэкамендацыі Міжнароднага алімпійскага камітэту.
Хованка была пад дэкаратыўнай пліткай. Калі яна адвалілася, наведніца гадлёвага цэнтру звярнула ўвагу на пакет з патронамі.
Балістычная экспертыза ўстанавіла, што боепрыпасы пасуюць да пісталета Макарава, а таксама падыходзяць да іншых відаў наразной агнястрэльнай зброі.
З 37 пададзеных на экспертызу патронаў прыдатным для стральбы быў толькі адзін, пішагазета «Веснік Магілёва».
Выданне адзначае, што будынак, у якім знайшлі патроны, быў узведзены ў першай палове 20 стагоддзя. У якім канкрэтна з гандлёвых цэнтраў была хованка, не называецца.
Так пастанавіў урад сумесна з Нацыянальным банкам. Афіцыйна дакумент пакуль не апублікаваны.
У тэлеграм-канале ўраду гаворыцца, што выкананне даўгавых абавязкаў па дзяржаўных каштоўных паперах, размешчаных на знешніх фінансавых рынках, будзе ажыццяўляцца ў беларускіх рублях паводле курсу Нацыянальнага банку на дату плацяжу.
Такую меру ўрадоўцы называюць вымушанай і абумоўленай немагчымасцю плацежнага агента і іншых удзельнікаў міжнароднай разьлікова-клірынгавай сістэмы гарантаваць паўнату і своечасовасць пералічэння сродкаў усім трымальнікам еўрааблігацыяў.
Урадоўцы сцвярджаюць: ёсць факты неатрымання асобнымі ўладальнікамі купоннага даходу па еўрааблігацыях, пералічанага Міністэрствам фінансаў у лютым.
Мінфін яшчэ ў сакавіку паведаміў, што ўлады Беларусі маюць намер разлічвацца па даўгах ураду, беларускіх банкаў і кампаніяў з «недружалюбнымі» краінамі не ў той валюце, у якой бралі крэдыты, а ў беларускіх рублях.
Раней аб абслугоўванні свайго знешняга доўгу ў нацыянальнай валюце – расійскіх рублях – таксама аб’явілі ў Маскве.
27 чэрвеня заходнія СМІ паведамілі аб «сімвалічным» дэфолце Расіі па валютных дзяржаблігацыях з-за таго, што напярэдадні, 26 чэрвеня, скончыўся льготны перыяд па аплаце каля 100 млн долараў пратэрмінаваных плацяжоў па каштоўных паперах Масквы.
Згодна з дамовай Расія павінна была заплаціць у замежнай валюце, аднак у Крамлі настойваюць, што ўнеслі суму ў рублях, і на гэтай падставе называюць сцвярджэнні аб яе дэфолце неправамернымі.
На горад абрынулася дужая залева. Сацыяльныя сеткі поўняцца фотаздымкамі пра сітуацыю на дарогах. На іх бачна, што творыцца ў горадзе. Паведамляюць, што найбольш праблемаў у мікрараёне «Саломенка».
Фотаздымак з кітайскамоўнай этыкеткай на ўпакоўцы малака даслаў у Магілёў.media чытач. У іранічным каментары да фота ён адзначыў:
«Не дайшло малако да кітайцаў, сталі прадаваць у нас».
Пра тое, што прадукт збіраліся экспартаваць у Кітай сведчыць, як раз, налепка з іерогліфамі. Вытворца такой прадукцыі акцыянернае таварыства «Бабушкіна крынка».
Нараканні пакупнікоў, што гэтае прадпрыемства аддае ў продаж беларускім крамам тавар з пазначэннем інфармацыі на кітайскай мове былі і раней.
«Падыходжу да паліцы з вяршкамі, ручанькі цягнуцца па звычцы да «Бабушкінай крынкі», а бабулька раптам загаварыла на кітайскай», – з гумарам камэнтавала сытуацыю ў краме пісалапакупніца з Віцебску.
Яна выказала думку, што такая прадукцыя «хутчэй за ўсё, нерэалізаваны экспарт для КНР».
З тым жа сутыкнуліся бабруйскія пакупнікі. Ім праз газету «Вечерний Бобруйск» сітуацыю тлумачыў дырэктар мясцовага філіялу «Бабушкінай крынкі» Сяргей Казлоў.
«Для беларускага спажыўца на ўпакоўцы ўся інфармацыя на рускай мове, але паводле стандартаў, мы можам дубляваць тэкст і на замежнай», – даводзіў ён.
Па яго словах у беларускія крамы прадукцыя з кітайскімі іерогліфамі трапіла, бо цяпер прадпрыемства супрацоўнічае з Кітаем і плануе з лютага пастаўляць туды свае вырабы.
На сайце «Бабушкінай крынкі» тавараў з этыкеткай на кітайскай мове няма. У раздзеле «геаграфія паставак» адсутнічае згадка пра супрацоўніцтва прадпрыемства з Кітаем. Але, ёсць кітайскамоўная версія сайту.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
29 чэрвеня ў выніку ракетнага абстрэлу расійскімі войскамі Мікалаева загінулі 4 чалавекі. Яшчэ пяцёра параненыя.
Паводле інфармацыйнага агенцтва “УНІАН” па гораду было выпушчана восем ракет, якія трапілі ў розныя часткі гораду. З-пад завалаў дасталі аднаго жывога.
images.unian.net
Атакаваныя таксама паселішчы ў вобласці.
28 чэрвеня Мікалаеў і прыгарады трапілі пад масіраваны ракетны абстрэл берагавога ракетнага комплексу «Бастыён», які расійскія войскі размясцілі ў акупаванай Херсонскай вобласці.
nta.ua
Пад ударам апынуўся гарадскі стадыён, аб’ект ваеннай інфраструктуры, сацыяльныя, сельскагаспадарчыя аб’екты, паведаміла абласная ваенная адміністрацыя.
У выніку ракетнай атакі ў Ачакаве загінула тры чалавекі. У тым ліку малалетняе дзіця. Сем чалавек былі параненыя, піша выданне NTA.
Ракеты трапілі на тэрыторыю гарадскога рынку, у будынак Палацу культуры, а таксама дамы прыватнага сектару.
У некаторых раёнах адсутнічаюць вада, газ, электраэнергія і інтэрнэт.
28 чэрвеня ў Мікалаеўскай вобласці адбыўся абмен ваеннапалоннымі паміж Украінай і Расіяй.
Паводле старшыні абласной ваеннай адміністрацыі Віталія Кіма абмен праходзіў у фармаце ад 15 да 17 чалавек. Дамоў вярнуліся 15 вайскоўцаў і адзін цывільны. Частку байцоў неадкладна шпіталізавалі.
fakty.com.ua
«Пяцёх вайскоўцаў прывезлі на машынах хуткай дапамогі – у іх траўмы, ім патрэбна лячэнне», – падае словы Віталія Кіма выданне «UNN».
Расійскаму боку вярнулі 15 вайскоўцаў.
У Мікалаеве дзеці-бежанцы стварылі тэатр лялек. На Дзень канстытуцыі паставілі невялікі спектакль «Шчаслівыя звяры».
litgazeta.com.ua
«У незалежнай Украіне творчая асоба таксама незалежная. Нават калі гэта дзіця», – піша «Українська літературна газета», спасылаючыся на паведамленне ў Фэйсбуку супрацоўніцы Мікалаеўскай абласной адміністрацыі Веры Марушчак.
Клайпеда, Літва
8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.
Літва заканадаўча забараніла імпарт расійскага газу, за выключэннем транзіту ў Калінінградскую вобласць.
27 чэрвеня сейм прыняў адпаведныя папраўкі да Закону аб прыродным газе, паведамляе інфармацыйная агенцтва Delfi.
g4.dcdn.lt
Згодна з новым законам газатранспартная сістэма і тэрмінал звадкаванага газу будуць даступныя толькі пастаўшчыкам з краінаў, якія не нясуць пагрозы нацыянальным інтарэсам.
У сувязі з ваеннай агрэсіяй Расіі ва Ўкраіне надзвычайнае становішча ў Літве падоўжанае да сярэдзіны верасня.
Спікер Сейма Вікторыя Чмілітэ-Нільсен заявіла, што пагроза для грамадскага спакою не зменшылася, ва Украіне расійцы ўчыняюць злачынствы супраць чалавечнасці, а іх маштабы толькі павялічваюцца.
g4.dcdn.lt
Акрамя таго, цытуе спікера інфармацыйная агенцтва Delfi, Расія ўзмацняе рыторыку пагроз дзяржавам, якія падтрымліваюць Ўкраіну.
Надзвычайнае становішча было абвешчана 24 лютага, калі Расія ўварвалася ва Ўкраіну. Яно дзейнічала да 29 чэрвеня, а цяпер падоўжана да 15 верасня.
Габрава, Балгарія
Найдаўнейшы пабрацім Магілёва. Дамова аб супрацоўніцтве была падпісана ў 1988 годзе. У 200-ым былі адноўленыя пабрацімскія сувязі. У Магілёве праспект названы Габраўскім. Адзін з рэстаранаў называецца Габрава. Габрава месціцца ў цэнтры краіны. Насельніцтва-55 тысяч чалавек. Ён лічыцца балгарскай сталіцай гумару. Ёсць у ім Дом гумару і сатыры. Ладзяцца фестывалі гумару.
Балгарыя выправаджвае 70 расійскіх дыпламатаў.
Паводле прэм’ер-міністра Кірыла Пяткова яны выкарыстоўвалі свой статус, каб працаваць на спецслужбы і ўмешваліся ва ўнутраныя справы Балгарыі.
Шпіёнскую місію прадстаўнікоў дыпламатычнай місіі выкрылі супрацоўнікі балгарскіх спецслужбаў.
Амбасадарку Расіі ў Балгарыі Элеанору Мітрафанаву выклікалі ў Міністэрства замежных спраў і ўручылі ноту аб выдварэнні з краіны дыпламатаў. Да 3 ліпеня яны мусяць з’ехаць, паведамляе партал Informo.bg.
Даўгаўпілс, Латвія
Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
З 1 ліпеня каля 3000 украінскіх бежанцаў вымушаныя будуць шукаць іншае жыллё, калі яно фінансуецца за дзяржаўныя сродкі.
У мясцовых муніцыпалітэтаў адсутнічае фінансаванне на іх падтрымку.
Квоты на размяшчэнне бежанцаў выбраныя не толькі ў сталіцы, але ў рэгіёнах, піша інфармацыйнае агенцтва Delfi.
Латвійскі саюз самакіраванняў нагадвае, што дзяржава брала на сябе абавязкі прымаць грамадзян Украіны, якія ратаваліся ад вайны на радзіме, дэлегаваўшы выкананне гэтай задачы мясцовым уладам і мелася выдзеліць сродкі на пражыванне, харчаванне і іншую неабходную дапамогу.
Як заяўляюць у Саюзе самакіравання з боку дзяржавы не зразумелыя рашэнні па прыёме ўцекачоў і ўлада на месцах павінна быць упэўнена, што ўсе расходы будуць кампенсаваныя і не нанясуць стратаў муніцыпальнаму бюджэту.
g3.delphi.lv
Рыга без атрымання дапаможнага фінансавання з 1 ліпеня спыняе прымаць новых бежанцаў з Украіны. Пра гэта заявіў мэр сталіцы Латвіі.
У Рызе пражываюць у турыстычных лагерах 1800 бежанцаў.
Тым часам, у Даўгаўпілсе мясцовае самакіраванне нагадвае грамадзянам, якія прытулілі ўкраінскіх бежанцаў аб кампенсацыі затрат за пражыванне, нагадвае «Наша газета».
За аднаго бежанца памер кампенсацыі складае 100 еўра і 50 еўра за кожнага наступнага.
1 ліпеня беларусы Даўгаўпілса адзначаць купалле.
Святкаванне арганізуе мясцовы Цэнтр беларускай культуры, піша інтэрнэт-выданне D-fakti.
d-fakti.lv
У парку Дубровіца адбудзецца канцэрт калектываў народнай творчасці. Прагучаць купальскія песні. Наведнікам прапануюць патанцаваць. Для іх зладзяць майстар-класы вырабу беларускай лялькі ды выцінанкі. Праграма святкавання поўніцца шмат чым іншым.
Аказваў матэрыяльную дапамогу студэнтам з дзяржаўнага скарбу. Выдаў Судзебнік, ліквідаваў удзельныя княствы.
wikimedia.org
29 чэрвеня 1941 года – афіцыйны пачатак савецкай партызанкі.
Савет Народных Камісараў СССР і ЦК ВКП(б) выдалі дырэктыву, у якой заклікалі распачаць падпольную і партызанскую барацьбу ў раёнах, пакінутых савецкай арміяй.
У Беларусі да канца чэрвеня 1941 году дзейнічалі 4 партызанскія атрады, у ліпені – 35, а ў жніўні – 61.
Спачатку атрады налівалі ад 25 да 70 чалавек, потым – 100–350, былі і ў 800 і больш партызан.
На Магілёўшчыне 1 ліпеня 1941 году была сфармавана Клічаўская партызанская зона, якая ахоплівала Клічаўскі, часткова Асіповіцкі, Бялыніцкі, Бярэзінскі, Кіраўскі раёны.
archiwum.radyjo.net
29 чэрвеня 1984 года пачаўся рэгулярны рух мінскага метро.
Яго пракладалі ад 1977 году.
Цягнікі перавозілі пасажыраў спачатку ад станцыі «Маскоўская» да станцыі «Інстытут культуры».
Цяпер мінскае метро мае 33 станцыі на трох лініях:
Аўтазаводскай, Маскоўскай і Зялёналужскай.
У 2020 годзе мінскім метро было перавезена амаль 220 мільёнаў чалавек. У сярэднім за суткі паслугамі метрапалітэну карыстаюцца блізу 600 тысяч пасажыраў.
euroradio.fm
29 чэрвеня 1896 года нарадзіўся Уладзіслаў Казлоўскі.
Беларускі грамадска-палітычны дзеяч, паэт, публіцыст.
Вучыўся ў Віленскай каталіцкай духоўнай семінарыі. У час вучобы далучыўся да беларускага нацыянальнага руху.
3 1921 служыў у польскім войску, адначасова браў удзел у дзейнасці беларускіх суполак. Адзін з лідараў правага радыкальнага крыла беларусканага нацыянальнага руху.
У 1930 году звольніўся ў запас у званні паручніка, пераехаў у Вільню і распачаў грамадска-палітычную і літаратурную дзейнасць. У 1930-х актыўна працаваў у Вільні ў беларускіх нацыянальных арганізацыях і ўстановах.
У 1941–1943 у Мінску быў рэдактарам «Беларускай газеты». У рэдакцыі гэтай газеты быў забіты партызанамі.
Пахаваны ў Мінску на Кальварыйскіх могілках.
wikimedia.org
29 чэрвеня 1871 года памёр Ксенафонт Гаворскі.
Беларускі гісторык, археолаг, выдавец.
Піянер археалагічных даследаванняў на тэрыторыі Беларусі. Займаўся археалагічнымі раскопкамі курганоў каля Полацка, Ушачаў, на рацэ Дрыса.
Першым у Беларусі падрабязна апісаў структуру курганных насыпаў. Даследчык царкоўнай гісторыі Беларусі.
wikimedia.org
29 чэрвеня 1958 года памёр Фабіян Ярэміч.
Беларускі грамадска-палітычны дзеяч.
Старшыня Беларускага нацыянальнага камітэту ў Вільні, сябра Рады БНР.
Адзін з арганізатараў і лідараў Беларускага сялянскага саюзу, Беларускага інстытуту гаспадаркі і культуры.
У 1945-1956 гадах рэпрэсаваны. Па вызваленні з ГУЛАГу жыў у Вільні.
wikimedia.org
У публікацыі выкарыстаная інфармацыя з рэсурсу “Вікіпедыя”
Белгидромет предупреждает о неблагоприятных гидрометеорологических явлениях! Объявлен оранжевый уровень опасности. На большей части страны прогнозируется грозы. Местами сильные ливни, шквалистое усиление ветра порывами до 15-20 м/с, град.
Воздух прогреется местами до до +34.
В Могилёве переменная облачность. Кратковременный дождь (вероятность осадков 80-90%), гроза. Температура воздуха +26..+28°C. Ветер неустойчивый, 3-8 м/с. Порывы до 14 м/с.
Не даступная статыстыка і па камп’ютарных паслугах. За першыя тры месяцы экспарт кампʼютарных і тэлекамунікацыйных паслуг склаў 766 мільёнаў долараў і вырас усяго на 4%. У сакавіку рост экспарту ІТ-паслуг спыніўся наагул.
Спецыялізаваны інтэрнэт-рэсурс пра беларускае IT Dev.byзвяртае ўвагу, што раней у зборніку Белстату штомесяц публікаваліся звесткі аб сацыяльна-эканамічным становішчы Беларусі. У апошняй жа складанцы за студзень-красавік, якую выдалі 27 чэрвеня, такой інфармацыі не аказалася. Дадзеных з рабіўкай па месяцам Белстат не даваў, але іх можна было вызначыць супастаўляючы лічбы з папярэдніх зборнікаў.
Паводле выдання пабачыць на сайце Белстату цяпер можна толькі агульныя дадзеныя па экспарту і імпарту паслуг за студзень–красавік, а таксама інфармацыю аб знешнім гандлі з Расіяй, СНД, Еўрапейскім саюзам, Еўразійскім эканамічным саюзам ды знешнім гандлі паслугамі, якія аказваюць беларускія рэгіёны і Мінск.
У Галоўным упраўленні статыстыкі знешнага гандлю Белстату з журналістамі гаварыць адмовіліся.
Рэсурс піша, што апошнія дадзеныя аб экспарце камп’ютарных і тэлекамунікацыйных паслуг, якія вядомыя на сёння, тычацца студзеня-сакавіка гэтага года. За тры месяцы экспарт вырас усяго на 4% адносна такога ж перыяду 2021 году і складаў 766 мільёнаў долараў. У сакавіку рост экспарту ІТ-паслуг спыніўся.
Падрабязная інфармацыя аб экспарце і імпарце тавараў па відах дзейнасці таксама знікла са зборніка Белстата. Акрамя таго, карыстальнікі больш не могуць атрымаць інфармацыі аб знешнім гандлі асобнымі таварамі за гэты год у інтэрактыўнай інфармацыйна-аналітычнай сістэме Белстата.
За 150 рублёў можна будзе купіць спрошчаны варыянт школьнай формы. Кошт шарсцяной адзежы даступным будзе не кожнай сям’і.
Старшыня канцэрну «Беллёгпрам» Тацяна Лугіна прызнаецца: верхняя і ніжнія планкі кошту школьнай формы знаходзяцца далёка адна ад адной.
«Паводле нашых разлікаў ад 150-750 рублёў», – кажа яна і дадае, што ў кошт формы ўваходзіць абутак і заплечнік.
Паводле Тацяна Лугіной за заплечнік бацькам трэба выкласці ад 60 да 120 рублёў. Іх цана залежыць ад «унутранага начыння» – кішэняў і маланак, піша інтэрнэт-выданне «Бобруйский курьер».
Абутак беларускай вытворчасці абыдзецца ў дыяпазоне ад 45 да 160 рублёў у залежнасці ад матэрыялу і памеру.
nta.ua
