Новости навіна дня - Page 4 of 49

Сталі вядомыя падрабязнасці гісторыі з заражэннем шаленствам жыхароў пасёлка Хімік пад Магілёвам

Навіна ад 4 верасня, 20244 верасня, 2024

Нядаўна mogilev.media пісалі пра надзвычайную сітуацыю ў дачным пасёлку Хімік (яшчэ яго называюць Сідаравічамі) пад Магілёвам. Нагадаем, на незалежных Тэлеграм-каналах з’явілася інфармацыя, што больш за дваццаць дзяцей былі шпіталізаваныя з падазрэннем на шаленства – усе яны гуляліся з шчанюкамі хворай сабакі.

Зараз жа з’явіліся падрабязнасці гэтай гісторыі. Вялікі матэрыял, прысвечаны сітуацыі ў пасёлку Хімік, апублікаваны каналам “Белыя халаты”. Па інфармацыі рэсурса, на пачатку лета ў дачным пасёлку з’явілася бадзяжная сабака. Неўзабаве ў яе нарадзілася сем шчанюкоў, з якімі пастаянна гулялі мясцовыя дзеці. У сярэдзіне жніўня двух шчанят жыхары пасёлка забралі да сябе дадому.

У канцы жніўня бадзяжная сабака, маці шчанятаў, пакусала жанчыну і пасля гэтага высветлілася, што яна хворая на шаленства. Пасля гэтага больш за дваццаць дзяцей, што кантактавалі з шчанюкамі, былі шпіталізаваныя дзеля праверкі на шаленства. З сямі шчанят чацвярых удалося знайсці і вылавіць. Зараз яны знаходзяцца ў ізаляцыі і пад назіраннем. Яшчэ двух – тых, каго забралі дадому дачнікі – цяпер шукаюць. Шукаюць, відаць, і сёмага.

Мясцовыя жыхары – піша выданне – звяртаюць увагу, што ў чатах дачнага пасёлка даўно звярталі ўвагу на сабаку. Справа ў тым, што некалькі месяцаў таму ў пасёлку ўжо адбываўся напад іншага (як потым стала вядома, здаровага) сабакі на дзяўчынку.

Усе прэтэнзіі, натуральна, былі звернутыя да старшыні дачнага кааператыва. Але і ён, як высветлілася, стаў ахвярай нападу – нядаўна бадзяжная сабака-маці, хворая на шаленства, яго падрапала. Зараз старшыні кааператыва прыйдзецца прайсці курс вакцынацыі.

Жыхары пасёлка ўжо склалі петыцыю, з заклікам разабрцца з сітуацыяй, а таксама з просьбай аб гуманным абыходжанні з шчанятамі – каб іх не ўсыплялі, у выпадку, калі будуць здаровымі.

Характэрна, што да гэтага часу няма ніякай афіцыйнай інфармацыі пра гэтую надзвычайную сітуацыю.

Фота: “Белыя халаты”

Больш за дваццаць дзяцей маглі заразіцца шаленствам пад Магілёвам?

Навіна ад 1 верасня, 20242 верасня, 2024

Яны гуляліся з шчанюкамі бадзяжнага сабакі, у якога выявілі хваробу – паведамляе Тэлеграм-канал “Беларусь за МКАДам”.

У пасёлку Хімік пад Магілёвам каля 20-ці дзяцей былі шпіталізаваны з падазрэннем на заражэнне шаленствам.

– Дваццаць дзяцей на сённяшнюю раніцу шпіталізаваны. І паступаюць новыя. Абласная дзіцячая бальніца ўжо размяркоўвае дзяцей па розных аддзяленнях – прыводзіць рэсурс словы жыхаркі пасёлка.

Мясцовыя жыхары звязваюць гэта з тым, што дзеці гулялі са шчанюкамі бяздомнага сабакі, які апынуўся хворым на шаленства. Дарэчы, жыхары пасёлка неаднаразова звярталі ўвагу мясцовых уладаў на праблему своечасовага прыбірання смецця і бяздомных жывёл.

Пакуль афіцыйнай інфармацыі пра сітуацыю, што склалася ў пасёлку, не публікавалася. З іншых крыніц пакуль таксама не паступала звестак пра абставіны, выкладзеныя ў Тэлеграм-канале.

Фота: “Беларусь за МКАДам

Сёння ноччу над Беларуссю авіяцыя збіла шахеда – верагодна, упершыню

Навіна ад 29 жніўня, 2024

Маніторынгавы канал “Беларускі Гаюн” паведамляе, што паводле яго інфармацыі сёння ноччу над Беларуссю ўзброеныя сілы ўпершыню збілі расійскі дрон-камікадзэ. Гаворыцца, што падчас чарговай расійскай атакі на Украіну, расійскі беспілотнік зноў заляцеў у паветраную прастору Беларусі. Гэта адбылося ў 03:30 у Ельскім раёне Гомельскай вобласці. Праз 20 хвілін, пасля працяглага пераследвання, знішчальнік беларускіх ваенна-паветраных сілаў атакаваў дрона. У небе Гомельшчыны было чутна не менш за два выбухі, назіралася яркая ўспышка ў небе.

Такім чынам, піша “Гаюн”, гэта, верагодна, першы зафіксаваны выпадак, калі знішчальнік ВПС РБ здзейсніў спробу знішчыць рэальную ваенную цэль – расейскі дрон-камікадзэ тыпу «Шахед».

Нагадаем, што ў ліпені расійскія беспілотнікі тыпу шахед заляталі на тэрыторыю Магілёўскай вобласці.

Інфаграфіка: “Беларускі Гаюн”

У жодзінскай турме памёр палітзняволены? – З’явілася абвяржэнне

Навіна ад 28 жніўня, 202428 жніўня, 2024

Абноўлена: Журналісты і праваабаронцы абвяргаюць смерць зняволенага па палітычных матывах у жодзінскай турме. Выглядае, што сям’я дала непраўдзівую інфармацыю дзеля палітычнага прытулку ў Швецыі.

Сёння mogilev.media пісалі:

“Выданне Mediazonaby.com паведаміла пра смерць яшчэ аднаго чалавека, асуджанага ў Беларусі па палітычных артыкулах. З уласных крыніц выданне даведалася, што асуджаны ў 2022 годзе мужчына памёр 2 жніўня. Ён не быў прызнаны палітвязнем праваабарончымі арганізацыямі, яго імя не паведамляецца дзеля бяспекі сям’і. Прычына смерці – унутрымазгавое кровазліццё, спалучанае з артэрыяльнай гіпертэнзіяй, як паказана ў дакументах.

У лістападзе 2022 года памерлы мужчына быў прыгавораны да 3 гадоў калоніі па артыкулах аб распальванні варожасці (частка 1 артыкула 130 КК), масавых беспарадках (частка 2 артыкула 293 КК), закліках да дзеянняў супраць нацыянальнай бяспекі (частка 3 артыкула 361, КК) “паклёпе” на Лукашэнку (частка 2 артыкула 367 КК), абразе прадстаўніка ўлады (артыкул 369 КК).

Нагадаем, 20 лютага гэтага года ў магілёўскай калоніі №15 памёр палітзняволены Ігар Леднік, у якога была другая група інваліднасці.

Цяпер жа з’явілася абвяржэнне.

Журналісты “Нашай нівы” высветлілі, што “памерлы мужчына, падобна, не меў дачынення да палітыкі, а людзі, якія распаўсюджваюць гэтую інфармацыю, спрабуюць падмануць медыя.” Выданне звяртае ўвагу на прыкметы падробкі ў пасведчанні аб смерці, апублікаваным сваякамі мужчыны.

Несупадзенні ў пададзенай сваякамі інфармацыі выклікалі пытанні і ў праваабаронцаў. “Вясна” піша: “Па інфармацыі «Вясны», судоў па такіх артыкулах у лістападзе 2022 годзе не было. Больш за тое, за «заклікі да санкцый» паводле арт. 361 КК пачалі судзіць толькі з 2023 года. Паведамлялася, што яго судзіў адзін з раённых судоў, але такія справы звычайна разглядаюць вышэйшыя суды.”

Як мяркуюць даследвальнікі, прычынай уводу ў зман прадстаўнікоў СМІ з боку родных памерлага (верагодна, па натуральных прычынах) стала імкненне атрымаць палітычны прытулак у Швецыі.

Фота ілюстрацыйнае

“Пацерпяць жыхары бліжэйшых населеных пунктаў” – прайшло абмеркаванне новага завода па Слаўгарадскай шашы

Навіна ад 27 жніўня, 202431 жніўня, 2024

У Магілёўскім гарвыканкаме прайшло грамадскае абмеркаванне экалагічнага ўздзеяння новай вытворчасці пад Магілёвам. Тут запланаванае будаўніцтва прадпрыемства па вырабе базальтавага ўцяпляльніка.

Па Слаўгарадскай шашы ў Магілёўскім раёне, каля вёскі Палетнікі і пасёлка Вейна запланаваная рэканструкцыя закансерваваных памяшканняў, якія раней планаваліся пад вытворчасць электрарухавікоў для ліфтаў. Мяркуецца, што прадпрыемства “Газасілікат Магілёў” будзе ствараць тут новую імпартазамяшчальную вытворчасць – завод “Базальтум” на кітайскім абсталяванні. Завод будзе выпускаць базальтавы ўцяпляльнік.

Грамадскія слуханні новага аб’екта сабралі вялікую колькасць заўваг спецыялістаў што наконт уздзеяння новай вытворчасці на навакольнае асяроддзе. Так, удзельнік абмеркаванняў Валерыя Яфрэмава выказала наступныя заўвагі:

Чаму неабходна вырубаць велізарную колькасць дрэў пад новую вытворчасць? Няўжо няма іншага, незанятага ўчастка?;
У Беларусі ўжо быў сумны вопыт па эксплуатацыі кітайскага абсталявання. Калі ў гэтым выпадку таксама будуць парушаныя нарматывы тэхналагічных працэсаў, то пацерпяць жыхары бліжэйшых населеных пунктаў;
Падчас падрыхтоўкі дакументацыі пра экалагічнае ўздзеянне ініцыятар будоўлі ў вялікай колькасці выпадкаў выкарыстоўваў няпоўныя, недастатковыя альбо недакладныя дадзеныя.

Адзначым таксама, што новая вытворчасць запланаваная ў непасрэднай блізкасці ад населеных пунктаў і жылой забудовы – у 60 метрах ад вёскі Палетнікі – у водаахоўнай зоне воднага аб’екта.

Па выніках пасяджэння, матэрыялы грамадскага абмеркавання было вырашана накіраваць на дзяржаўную экалагічную экспертызу.

Фота ілюстрацыйнае

Старшыня БРСМ, магілёвец Аляксандр Лук’янаў наведаў акупаваную Аўдзееўку. Хто ён такі?

Навіна ад 24 жніўня, 2024

“Кіраўнік ДНР” Дзяніс Пушылін апублікаваў пра гэта пост у сваім Тэлеграм-канале і тут жа выдаліў.

Першы сакратар БРСМ і член Савета Рэспублікі Аляксандр Лук’янаў пабываў ва ўкраінскім горадзе Аўдзееўка, дзе сустракаўся з прызначаным Крамлём кіраўніком марыянетачнай “Данецкай народнай рэспублікі” Дзянісам Пушыліным. Паведамленне пра гэта Пушылін размясціў у сваім Тэлеграм-канале, заўважыла выданне Zerkalo.io.

Раней Лук’янаў ужо бываў на акупаваных Расіяй тэрыторыях Украіны. Разам з прапагандыстам Рыгорам Азаронкам, у 2023 годзе ён праводзіў свой адпачынак у Запарожскай і Херсонскай абласцях. Паведамляецца, што кіраўнік БРСМ цесна супрацоўнічае з расійскай акупацыйнай адміністрацыяй, у тым ліку, беручы ўдзел у вывазе ўкраінскіх дзяцей у Беларусь дзеля “аздараўлення”.

Аляксандр Лук’янаў нарадзіўся ў Магілёве ў 1989 годзе ў сям’і супрацоўніка МНС. Бацька і маці Лук’янава працавалі ў кампаніі “Пажспецсервіс” – дырэктарам і намеснікам дырэктара адпаведна.

Лук’янаў вучыўся ў вышэйшых навучальных установах сістэмы МНС, абараніў кандыдацкую дысертацыю па тэме прымянення нанадысперсных прэпаратаў для зніжэння гаручасці матэрыялаў. Працаваў выкладчыкам. Але навуковую дзейнасць рэзка памяняў на ідэалагічную, калі прыняў удзел у праекце “100 ідэй для Беларусі” ад БРСМ.

Пачынаючы з 2018 года Аляксандр Лук’янаў пачаў імклівую кар’еру ў БРСМ, стаўшы прадстаўніком арганізацыі ў Маладзёжнай палаце пры Парламенцкім сходзе Беларусі і Расіі, а ўжо ў 2021-м ён быў абраны першым сакратаром усяго БРСМ.

Прычыну такога хуткага роста расследвальнікі звязваюць з гарачай падтрымкай Лукашэнкі падчас падзей 2020 года. “Наша ніва” расказвае, што ў тым годзе, з-за розніцы ў палітычных поглядах, Лук’янаў спыніў камунікацыю з шматлікімі знаёмымі, а сомому яму нібыта прыходзіла “па 30-40” паведамленняў з пагрозамі ў дзень.

Пасля хвалі рэпрэсій, што абрынуліся на беларускае грамадства ў апошнія гады, кіраўніцтву БРСМ пастаўлена задача замяніць тыя грамадскія арганізацыі, што займаліся гуманітарнай дзейнасцю ў рэгіёнах. Як гэта робіць ведамства Аляксандра Лук’янава, можна было пабачыць некалькі дзён таму ў Магілёве – mogilev.media пісалі пра тое, як “Галоўны БРСМ-авец краіны “маніторыў” цэнтральны ўнівермаг Магілёва”.

Фота: zerkalo.io

У Магілёве збіраюцца пабудаваць яшчэ аднаго хімічнага гіганта – цяпер па вырабе смол

Навіна ад 17 жніўня, 202417 жніўня, 2024

Магілёўскі гарвыканкам абвясціў грамадскія слуханні па праекце будаўніцтва на пляцоўцы Свабоднай эканамічнай зоны новага хімічнага гіганта – завода па вырабе поліамідполіаміна-эпіхлоргідрынавых смол. Абмеркаванне стартавала 14 жніўня і будзе працягвацца да 19 верасня 2024 года.

Як вынікае з праектнай дакументацыі, ініцыятарам будаўніцтва выступае Таварыства з абмежаванай адказнасцю “Ультрахем”, зарэгістраванае ў Вяйнянскім сельсавеце. Плануецца, што завод будзе выпускаць па 20 тысяч тон поліамідполіаміна-эпіхлоргідрынавых смол у год.

Пры вытворчасці гэтых смол прадпрыемства будзе выкарыстоўваць наступную сыравіну:

адыпінавая кіслата;
дыэтылентрыямін;
эпіхлоргідрын;
саляная кіслата.

Усе гэтыя хімічныя рэчывы з’яўляюцца небяспечнымі – падкрэсліваюць спецыялісты навукова-вытворчай фірмы “Экалогія”, што падрыхтавала справаздачу аб ацэнцы ўздзеяння на навакольнае асяроддзе.

Праектным рашэннем прадугледжана арганізацыя 5 стацыянарных крыніц выкідаў адыходаў у атмасферу – 4 арганізаваных і 1 неарганізаванага. Валавыя выкіды забруджвальных рэчываў у атмасфернае паветра складуць 0,092844 т/год. Але – гэта ў выпадку, калі ўсе праектныя рашэнні будуць строга вытрыманыя.

Такім чынам, Магілёў, які і так уваходзіць у дзясятку самы забруджаных гарадоў Беларусі, будзе і надалей толькі ўмацоўваць сваё лідарства.

Фота: mogilev.media

9 жніўня 2020 года – што было ў першы дзень пратэстаў у Магілёве

Навіна ад 9 жніўня, 20249 жніўня, 2024

Узгадаем, як у Магілёве праходзіў першы дзень пратэстаў пасля прэзідэнтскіх выбараў 2020 года.

Вечарам 9 жніўня 2020 года пасля закрыцця выбарчых участкаў у шматлікіх гарадах Беларусі пачаліся стыхійныя акцыі пратэсту. У Магілёве жыхары горада збіраліся на плошчы каля “Атрыўма”. Сотні чалавек запоўнілі цэнтр горада. Тут і пачаліся першыя затрыманні.

протесты в могилеве 2020 — Пакуль міліцыянеры з гвалтам затрымліваюць мірнага пратэстоўцу, адзін з сілавікоў адмахваецца ад уяўных праціўнікаў. Фота: TUT.BY

На плошчы, якую потым назавуць “плошчай Адзінства” вечарам 9 жніўня затрымалі каля дзясятка чалавек. Пратэстоўцы, рассеяныя па бліжэйшых вуліцах і дварах, спарадычна збіраліся ў невялікія групы і апладзіравалі ў далоні, альбо крычалі Жыве Беларусь!”. Міліцыянты ў поўным абмундзіраванні шэрэнгамі хадзілі па вуліцах і зрэдчас накідваліся на выпадковых мінакоў, збіваючы іх і затрымліваючы. Наэлектрызаваныя, гараджане палівалі іх крыкамі і лаянкай. З вокан навакольных дамоў увесь вечар можна было чуць крыкі жыхароў, назадаволеных дзеяннямі міліцыі. Атмасферу гэтага дня і вечара – глядзіце ў нашай невялікай відэападборцы.

Адначасова сілавікі палявалі за актывістамі на выбарчых участках. Так, назіральніка Паўла Мельянцава і яго калегу некалькі АМАПАўцаў арыштавалі вечарам 9 жніўня адразу пасля заканчэння працы выбарчых участкаў. Затрыманых, прычым, павезлі не ў магілёўскі ІЧУ, а ў Шклоў – улады відавочна рыхтаваліся да далейшых зачыстак Магілёва.

Некаторых іншых актывістаў затрымалі яшчэ за некалькі дзён да выбараў. Так, яшчэ 5 жніўня сілавікі затрымалі журналіста партала 6tv.by Аляксандра Буракова і праваабаронцу Аляксандра Хамратава. А калі ў той жа дзень да будынка Ленінскага РАУС падыйшоў яшчэ адзін журналіст, Уладзімір Лапцэвіч, то арыштавалі і яго. Непасрэдна перад пачаткам галасавання затрыманы быў і галоўны рэдактар 6tv.by Зміцер Салаўёў.

Усяго ў першы дзень пратэстаў у Магілёве, паводле прыблізных падлікаў праваабаронцаў, было затрымана каля 300 чалавек. У наступны дзень, 10 жніўня – яшчэ каля 30. А ўсяго з 9 па 11 жніўня паводле падлікаў цэнтра “Вясна” – каля 500.

Фота і відэа: mogilev.media і з адкрытых крыніц.

Адзін з лепшых твораў старажытнабеларускага мастацтва аказаўся паходжаннем з Мсціслава

Навіна ад 8 жніўня, 2024

Навукоўцы правялі новую атрыбутацыю знакамітага “Укрыжавання з Галубічаў” з фондаў Нацыянальнага мастацкага музея Беларусі. Месца і час яго стварэння аказаліся нечаканымі.

“Укрыжаванне з Галубічаў” доўгі час лічылася самым старажытным скульптурным творам беларускага мастацтва. У навуковай літаратуры яго датавали XIV стагоддзем і характарызавалі як прыклад раманскага стылю – а гэта нават больш старажытны чым гатычны стыль у сярэдневяковай культуры.

На працягу дзесяцігоддзяў мастацтвазнаўцы былі перакананыя, што скульптура паходзіць з Заходняй Беларусі – вёскі Галубічы ў Віцебскай вобласці. Ёй былі прысвечаныя шматлікія навуковыя публікацыі, у якім хдзначалася, што гэта самы ранні з падобных помнікаў на тэрыторыі Беларусі. “Паліхромнае драўлянае распяцце з Галубічаў з’яўляецца ўзорам дасведчанасці мясцовага майстра-разьбяра, на чыю творчасць паўплывалі асаблівасці суровага стылю еўрапейскага абарончага дойлідства і пэўныя павевы італьянскага мастацтва. Асаблівасцямі твора з’яўляюцца суровасць вобраза, манументальнасць, лаканізм выразных сродкаў.”

Але, як высветлілі навуковыя супрацоўнікі Нацыянальнага мастацкага музея, дзе захоўваецца твор, гэтая атрыбутацыя аказалася памылковай. Лекцыю вядучага навуковага супрацоўніка аддзела старажытнабеларускага мастацтва Станіслава Чавуса, прысвечаную распяццю “з Галубічаў” размясціла на сваёй старонцы ў Youtube рэдакцыя “Радыё Марыя”.

Пераблыталі два распяцці

Прычынай для памылковай атыбутацыі вядучы навуковы супрацоўнік Нацыянальнага мастацкага музея Станіслаў Чавус называе элементарную блытаніну. Падчас навуковай апрацоўкі твора, калі ён ужо знаходзіўся ў фондах музея пасля Другой Сусветнай вайны, мастацтвазнаўца Ала Лявонава звязала гэты твор з інвентарным нумарам, пад якім значылася “Распяцце Хрыстос з дрэва, рук не хапае…” з Галубічаў.

инвентаризация — Запіс у інвентарнай кнізе, які заблытаў даследчыкаў.

Сучасныя даследчыкі звярнулі ўвагу на той факт, што пад гэтым нумарам адзначана распяцце значна меншага памеру – усяго 40 сантыметраў у вышыню. Аналіз фондаў дазволіў ім знайсці сапраўднае распяцце з Галубічаў, якое цалкам адпавядае апісанню і гісторыі паходжання. Вось яно.

Пасля інтэнсіўных фондавых пошукаў спецыялістам удалося прасачыць храналогію перамяшчэнняў мастацкага твору па музейных калекцыях. Высветлілася, што ў Нацыянальны мастацкі музей ён патрапіў у выніку пасляваеннага вяртання культурных каштоўнасцяў, вывезеных у Германію. Нямецкія інвентарныя надпісы дазволілі прасачыць першапачатковае месцазнаходжанне скульптуры – створаны ў 1920-х гадах у Мінску Беларускі Дзяржаўны музей, куды звозіліся творы мастацтва з усёй Беларусі.

Як высветлілася, у Беларускі Дзяржаўны музей распяцце трапіла ў выніку перавозу ў сталіцу цэлага комплексу культурных каштоўнасцяў з Мсціслаўскага царкоўна-гістарычнага музея ў 1924 годзе.

Не XIV а XVІ стагоддзе?

Ранейшая мастацтвазнаўчая характарыстыка распяцця абапіралася і на мясцовасць, і на гісторыю пасялення, з якога, як меркавалася, паходзіў твор. Заходнебеларускі рэгіён знаходзіўся пад моцным уплывам еўрапейскіх культурных стыляў ужо з часоў сярэднявечча, а самі Галубічы вядомыя пачынаючы з XIV стагоддзя. Лаканічныя, суровыя рысы скульптуры натыкнулі даследчыкаў на выснову, што распяцце больш старажытнае, чым распаўсюджаныя пазней на беларускіх землях традыцыі Рэнесанса і барока. Пагэтаму і сфармаваўся кансэнсус лічыць гэты твор прыкладам раманскага стылю.

Цяпер жа гэтыя высновы можна смела аспрэчваць і прапаноўваць новыя інтэрпрэтацыі выбітнай гісторыка-культурнай каштоўнасці. Некаторыя з даследчыкаў, звяртаючы ўвагу на спецыфічнае мадэліраванне галавы скульптуры, а таксама асаблівасці выпуклых элементаў на грудзях фігуры выказваюць меркаванні, што найбольш верагодная даціроўка твору – XVІ стагоддзе. Але – як час яго стварэння, так і стыль, і асаблівасці бытнавання цяпер патрабуюць новага, і не менш займальнага даследавання.

Фота: “Радыё Марыя”

Квартиры на Могилевщине: от самого дорогого до самого дешевого жилья

Навіна ад 5 жніўня, 2024

Можно торговаться – в районных центрах Могилевской области продавцы предпочитают не указывать цену на квартиры.

Mogilev.media посмотрели, какая сейчас актуальная картина на рынке недвижимости. Выбрали для вас самые дорогие и самые дешевые варианты.

С видом и консьержем

На сегодня самые дорогие квартиры в Могилевской области, продаются в областном центре и стоят 260 000 долларов. Вот, например, вариант с портала Realt – трешка по улице Якубовского.

Площадь элитного жилья, расположенного на девятнадцатом этаже 22-этажного дома – 150 квадратных метров. Есть мебель, бытовая техника, панорамный балкон с видом на Печерский лесопарк, место в подземном паркинге и… консьерж.

За те же самые деньги на улице Сурганова можно купить пятикомнатную квартиру на втором этаже двухэтажного дома.

Правда, судя по скромным фотоснимкам изнутри, в квартире представлена только минимальная отделка и отсутствуют мебель и техника.

Те же деньги – 260 000 долларов просят за вот такую пятикомнатную и двухуровневую роскошь по улице Дзержинского.

Этот вариант на сегодняшний момент – пожалуй, самое фешенебельное предложение в областном центре.

Для тех, кому финансовые возможности не позволяют замахнуться на подобное жилье, есть варианты поскромнее. После планки в 260 тысяч, следующий ценовой уровень начинается приблизительно от 150 000 долларов. А на нижней границе стоимости мы встретим варианты поскромнее.

Можно найти и за 25 000, и за 13 000 – даже в Могилеве

Квартиру на улице Мельникова в Могилеве можно купить в десять раз дешевле, чем те, самые дорогие – всего за 25 000 долларов. Консьержа там, правда, нет и этаж четвертый в доме без лифта, но зато остановка общественного транспорта всего в трех минутах ходьбы. И еще одно но – квартира совсем без отделки, а значит, придется прилично потратиться, чтобы подготовить ее для жилья.

Но есть варианты и еще дешевле – не просто в десять, а даже в двадцать раз. Так, если отбросить варианты с покупкой доли в квартире, то самый дешевый вариант, который нашелся на Куфаре – это полноценная двушка в частном секторе на Гребенева, да еще и с огородом в 10 соток. В объявлении ничего не сказано о долевом участии во владении имуществом, а значит, квартира продается целиком. Стоимость – 13 500 долларов, и это на сегодняшний момент самый дешевый вариант в областном центре.

В районных центрах Могилевщины квартиры подешевле, чем элитное жилье областного центра, и выбор здесь тоже имеется. Ну, а ценовой потолок вне пределов Могилева мы обнаружили в Бобруйске. 140 000 долларов просят за вот такой просторный “таунхаус” в престижном районе города на Березине. Правда, в этой четырехкомнатной квартире необходимо еще сделать ремонт.

Пробежимся по средним ценам в городах области:

Трехкомнатная квартира в Бобруйске стоит 48 000 долларов.
Трехкомнатная квартира в Осиповичах обойдется в 55 000 долларов.
За квартиру в Дрибине, в доме с улучшенной планировкой, придется выложить 21 000 долларов.
За трехкомнатную квартиру в центре Быхова просят 25 000 долларов.
Костюковичский рынок жилья располагает квартирой за 21 000 долларов.
В Хотимске 3-комнатная квартира с мебелью обойдется в 18 000 рублей.
В Кричеве трехкомнатную квартиру можно купить за 23 000 долларов.

Торг уместен

Показательно, что в районных центрах продавцы часто предпочитают не указывать стоимость жилья, ограничиваясь формулировкой «цена договорная».

Само собой, указанные варианты покупки квартир не отражают полную картину рынка жилья на Могилевщине. При желании можно найти что-нибудь гораздо дороже или в разы дешевле.

Фото: портал Realt.

Category: навіна дня