Tag: колония №17

У Шклоўскай калоніі, дзе гінуць палітвязні, “робяць упор на выгоды”

Навіна ад

Адміністрацыя шклоўскай калоніі №17 паставіла кухонны камбайн у пакоях для доўгіх спатканняў.

Як паведамляе Mayday, адміністрацыя падкрэслівае, што новый кухонны камбайн пастаўлены для выгод, бо іх папраўчая калонія – “лепшая ў краіне”. Таму наведвальнікаў просяць пакідаць пазітыўныя водгукі.

Акрамя таго, для сваякоў асуджаных, якія прыязджаюць наведаць сваіх зняволеных, каля дзвярэй памяшкання, дзе афармляюцца дакументы, адміністрацыя ўстанавіла вазок для 50-кілаграмовых перадач. З яе дапамогай можна перавозіць грузы са свайго аўтамабіля да дзвярэй папраўчай установы.

У чэрвені стала вядома, што шклоўская калонія стала першай у Беларусі, дзе для аплаты паслуг з’явіўся банкаўскі тэрмінал, а ў траўні – кавамашына для наведвальнікаў.

Як адзначаюць наведвальнікі, шклоўская калонія з’яўляецца самай перадавой з пункту гледжання паказнога камфорту. Пры гэтым там гінуць асуджаныя па палітычных прычынах. Так, у пачатку гэтага года ў гэтай калоніі памёр палітвязень Валянцін Штэрмер, а 21 траўня 2021 года загінуў палітычны актывіст Вітольд Ашурак.

Фотаздымак: Google maps

У шклоўскай калоніі памёр яшчэ адзін палітзняволены – пасля інсульта яго кінулі ў ШІЗА

Навіна ад

У шклоўскай калоніі №17 памёр яшчэ адзін палітзняволены – Валянцін Штэрмер. “Наша Ніва” са спасылкай на чалавека, які сядзеў разам з Штэрмерам паведамляе, што зняволены быў “вельмі слабы, у калонію ён прыехаў пасля інсульту”. Пры гэтым, палітзняволенага нягледзячы на хваробу, кінулі ў ШІЗА. Дакладны час і абставіны яго смерці пакуль невядомыя.

Валянцін Штэрмер нарадзіўся ў 1964 годзе, піша сайт праваабарончага цэнтра “Вясна”. Ён быў асуджаны да пяці гадоў пазбаўлення волі за тое, што каментаваў агрэсію Расіі супраць Украіны, асуджаючы расійскае ўварванне. Утрымліваўся ў шклоўскай калоніі №17.

Чатыры гады таму, 21 траўня 2021 года ў гэтай жа калоніі пры невысветленых абставінах загінуў Вітольд Ашурак – першы беларускі палітвязень, што стаў ахвярай нечалавечага абыходжання ў зняволенні. У гонар Вітольда Ашурка дэмакратычная беларуская супольнасць адзначае 21 траўня Дзень салідарнасці з беларускімі палітвязнямі. 

Фота: старонка Валянціна Штэрнера ў “Аднакласніках”

Палітвязня Паўла Белавуса накіравалі ў шклоўскую калонію

Навіна ад

Вядомы грамадзянскі актывіст і папулярызатар беларушчыны, стваральнік крамы symbal.by Павел Белавус быў асуджаны на 13 гадоў пазбаўлення волі.

Яго жонка напісала на сваёй старонцы ў Facebook, што Паўла перавялі ў шклоўскую калонію №17. «Кажа, што ўспрымае гэта як вандроўку, але крыху іншы фармат» – напісала яна.

Зараз яму можна дасылаць лісты ў Шклоў з пазнакай «каранцін»: Белавус Павел Мікалаевіч 1987 года нараджэння, 213004, г. Шклоў, вул. 1-я Заводская, 8.

Фота з адкрытых крыніц