Знаходка целаў двух з паловай тысяч мёртвых цюленяў на беразе Каспійскага мора ўсхвалявала эколагаў усяго свету. Выказанае mogilev.media меркаванне пра сувязь трагедыі з пускамі расійскіх ракет знаходзіць усё новыя пацверджанні з розных крыніц.
З вясны ўкраінскія эколагі пачалі паведамляць пра нябачную для мірнага часу колькасць знаходжання целаў чарнаморскіх дэльфінаў. Пра тое, што дзікая прырода Чорнага мора адчувае на сабе жорсткасць вайныmogilev.media са спасылкай на ўкраінскія крыніцы пісалі яшчэ ў чэрвені. Тады былі знойдзены не менш за 3 тысячы памерлых дэльфінаў.
Прычынай смерцяў дэльфінаў лічыліся магутныя выбухі ў моры, якія разбураюць тонкую рэхалакацыйную навігацыйную сістэму жывёл. А «сляпыя» дэльфіны паміралі ад голаду і інфекцыйных захворванняў.
Доктар біялагічных навук, кіраўнік Навукова-даследчага аддзелу прыроднага парка «Тузлоўскія ліманы» Іван Русеў казаў, што паведамленні аб гібелі дэльфінаў паступалі з Балгарыі, Румыніі.
images.unian.net
З-за замоўчвання гэтай праблемы расійскім бокам, які кантралюе ўсё крымскае ўзбярэжжа, факт не выходзіў на першыя старонкі сусветных СМІ. Да таго ж даказаць непасрэдную сувязь узрослай смяротнасці дэльфінаў з баявымі дзеяннямі тады было цяжка.
Пагібель тысяч каспійскіх цюленяў.
Паведамленні пра пагібель двух з паловай тысяч каспійскіх цюленяў выклікала вялікі рэзананс. Прычынай масавай гібелі млекавых расіяне называлі натуральныя прычыны: штормы, газавыя выкіды і г.д.
Але прычынай катастрофы маглі стаць пускі расійскіх ракет з акваторыі Каспійскага мора. Як ужо паведамлялася, кожны пуск ракеты суправаджаецца выкідам вялікага аб’ёму прадуктаў згарання ракетнага паліва, а атрутныя парэшткі могуць уплываць на цюленяў.
Цяпер, як кажуць, пазлы склаліся. У звязку з гібеллю дэльфінаў версія гібелі цюленяў ад расійскіх ракет з магчымай пераходзіць у разрад найбольш верагоднай, бо млекавыя пачалі масава выміраць як у Чорным, так і ў Каспійскім марах менавіта пасля пачатку вайны.
Дзеля разумення сур’ёзнасці праблемы, трэба ўзгадаць, што чалавек таксама адносіцца да млекакормячых – цеплакроўных пазваночных жывёл. Калі атрутныя парэшткі паліва так уплываюць на нашых братоў, то вельмі верагодна, што і для чалавека яны вельмі шкодныя.
Чаму менавіта з мора здзяйсняюцца пускі ракет?
Па інфармацыі генеральнага штабу Расійскай арміі запускі па ўкраінскіх гарадах расійскіх ракет на цвёрдым паліве здзяйсняліся з акваторыі Каспійскага і Чорнага мораў.
Адказ на пытанне пра прычыны выбару такога месца пускаў ракет даў вядомай публіцыстцы Юліі Латынінай украінскі эксперт па ракетах Раман Світан. Аказваецца, расійская армія з-за недахопу новых высокадакладных ракет выкарыстоўвае іх старыя яшчэ савецкія мадыфікацыі, якія павінны былі быць спісаны яшчэ дзесяцігоддзі таму.
З-за састарэласці ракет Х-55 амаль палова іх, па дадзеных разведак заходніх краін, падае ў мора, бо ў іх пасля аддзялення ад самалётаў банальна не спрацоўвае механізм запальвання рухавікоў.
Трапляючы ў мора ракеты забруджваюць яго як сваім палівам, так і выбухаючы пры спрацоўванні механізмаў самаліквідацыі ракет. Магчыма, прычына вымірання цюленяў ва ўранавай процівазе, якая выкарыстоўваецца ў крылатых ракетах.
Менавіта таму расіяне і пускаюць ракеты з далечыні Каспійскага мора, каб састарэлыя ракеты не падалі на расійскія гарады і вёскі. У выніку, удар расійскага ракетнага хламу на сябе прынялі каспійскія цюлені.
На беразе Каспійскага мора знойдзены целы каля двух з паловай тысяч мёртвых цюленяў. Эксперты ўсяго свету спрачаюцца пра прычыны самай маштабнай пагібелі нерпаў за апошнія дзесяць гадоў.
Памеры іх пагібелі ўражваюць. Толькі за апошнія дні на дагестанскім узбярэжжы Каспійскага мора знойдзены некалькі тысяч мёртвых цюленяў (гэтыя жывёлы таксама вядомыя як каспійская нерпа). Загінулі яны недзе два тыдні таму.
Каспійская нерпа з’яўляецца адзіным сысунам Каспійскім моры. Яна сілкуецца пераважна рыбай і не мае натуральных ворагаў. Агульная колькасць папуляцыі каспійскай нерпы складае ад 270 тыс. да 300 тыс. асобін.
Прычыны вымірання
Расійскае рэгіянальнае міністэрства прыроды супакойвае грамадства і паведамляе, што экалагічная трагедыя звязана з натуральнымі фактарамі. Тым не менш, сусветная супольнасць разглядае некалькі версій трагедыі на Каспіі.
Гвалтоўная смерць ад рэшткаў рыбалоўных сетак. Аднак іх парэшткаў на целах нерпаў не выяўлена.
Выкіды прыроднага газу сапраўды маглі стаць прычынай вымірання цюленей. Для басейна Каспійскага мора характэрны розныя нафтавыя і газавыя праявы. Але яны не былі зафіксаваны.
Працяглыя штармы таксама маглі стаць магчымай прычынай гібелі цюленяў. Хаця з іншага боку, штармы для марскіх жывёл – звычайная справа. А неверагодна працяглымі ў апошні месяц яны не былі.
Гіпотэза аб інтаксікацыі нерпаў цяжкімі металамі або пестыцыдамі, калі верыць расійскім крыніцам, нібыта не пацвярждаецца станам унутраных органаў даследаваных цюленяў.
Запускі ракет з акваторыі Каспійскага мора як прычына смерці цюленяў усяляк замоўчваецца ў расійскіх пабліках. А менавіта ракетныя запускі па ўкраінскім энергетычным аб’ектам дзіўным чынам супадаюць з масавай смерцю цюленяў.
Даведка: Кожны пуск ракеты суправаджаецца выкідам вялікага аб’ёму прадуктаў згарання ракетнага паліва, у тым ліку аксідаў азоту і аксідаў вугляроду. Пры пусках цвёрдапаліўных ракет дадаткова ўтвараюцца хлоравадарод, хлор і аксід алюмінію. Падчас працы ракетных рухавікоў у атмасферу могуць пападаць і іншыя небяспечныя рэчывы, уключаючы атамарны вадарод. І ў той час, як прадукты згарання вадкага ракетнага паліва ўтрымліваюць да 95% біялагічна нейтральных кампанентаў, то прадукты згарання цвёрдага паліва нейтральны толькі на 15-25%.
Па інфармацыі генеральнага штабу Расійскай арміі менавіта запускі па ўкраінскіх гарадах расійскіх ракет на цвёрдым паліве здзяйсняліся з акваторыі Каспійскага мора. Гэтыя пускі па часе супадаюць з часам вымірання нерпаў.
Матрона (народны каляндар). «З Матроны становіцца зіма». У Магілёўскай вобласці ў 2022 годзе зіма стала 15 лістапада. А вось самы позні першы снег у вобласці ў ХХ стагодзі выпаў з 21 на 22 лістапада 1963 года.
1605 год. Адбылося заручэнне прыгажуні Марыны Мнішак і Лжэдзмітрыя I.
Марына – дачка шляхетнага ваяводы Юрыя Мнішака, які ў 1611 годзе ўрачыста прадставіў польскаму каралю Жыгімонту III Вазе палоннага рускага цара Васіля Шуйскага.
Быць жонкай невядомага і брыдкага былога халопа прыгажуня Марына пагадзілася з-за жадання стаць рускай царыцай.
Пры змовінах дзяўчыне былі абяцаны, акрамя грошай, гарады Ноўгарад і Пскоў, магчымасць выйсці замуж за іншага ў выпадку няўдачы Ілжэдзмітрыя.
Вяселле з шлюбам і абвяшчэннем Марыны царыцай адбыліся ў маскоўскім Крамлі 18 траўня 1606 гады. Марына Мнішак была каранавана як руская царыца – адзіная жанчына, каранаваная ў Расіі да Кацярыны I.
А 27 траўня Лжэдзмітрый быў зрынуты. Роўна тыдзень панавала ў Маскве новая царыца. Выпадкова ацалела падчас выступлення супраць Лжэдзмітрыя. Пазней была адпраўлена да бацькі.
tunnel.ru
1797 год. Француз Андрэ Жак Гарнерэн здзейсніў першы ў свеце ўдалы скачок з парашутам.
Ён скокнуў з вышыні 1000 м (па іншых дадзеных – 680 м) з паветранага шара над паркам Монсо непадалёк ад Парыжа.
Аўтар шэрагу кніг апавяданняў, п’ес, раманаў, гумарыстычных твораў.
У творах імкнуўся стварыць «тыпы, якія носяць беларускія імёны» і «павінны стаць абагульненымі вобразамі, зразумелымі ўсім нацыянальнасцям».
Перакладчык асобных твораў А. Пушкіна, М. Гогаля, А. Астроўскага і інш. Пэўныя яго творы інсцэнізаваны і экранізаваны, у т.л. фільм «Ноч пры дарозе» (1992). У 1938-1939 гг. знаходзіўся ў турме НКУС.
Беларускі гісторык. Доктар гістарычных навук, прафесар. Загадчык кафедры гісторыі Беларусі Гродненскага дзяржаўнага ўніверсітэта.
Даследчык канфесійнай гісторыі Беларусі канца XVI – 1-й паловы ХІХ стагоддзяў, уніяцкай царквы, Гродзеншчыны.
Аўтар манаграфій «Уніяцкая царква ў этнакультурным развіцці Беларусі (1596-1839)», дапаможніка «Берасцейская царкоўная унія 1596 г. у беларускай гістарыяграфіі», кніг, брашур.
wikimedia.org
1960 год. Выпушчана першая партыя аўтамабіляў ЗАЗ-965 “Запарожац” з канвеера Запарожскага завода “Камунар”.
Адным з узораў для “народнага аўтамабіля” паслужыў бюджэтны італьянскі “FIAT 600”. “Гарбаты” атрымаўся ў цэлым трывалым і эканамічным, валодаў добрай праходнасцю, невялікім па масе.
Гандляваўся першы “Запарожац” за 1200 рублёў, і першая партыя машын у імгненне разышлася. У замежжа аўтамабіль прадававаўся пад брэндам “Yalta”. На гэтай жа базе завод стаў выпускаць і “інвалідкі” са змененымі механізмамі кіравання.
19 верасня 2008 года Запарожскі аўтазавод завяршыў выпуск аўтамабіля ЗАЗ-1103 “Славута” – апошняга нашчадка “гарбатага” ЗАЗ-965 з прычыны экалалагічных патрабаванняў Еўрасаюза.
35-ы прэзідэнт ЗША (1961-1963), першы прэзідэнт ЗША-каталік, першы прэзідэнт, які нарадзіўся ў XX стагоддзі, самы малады прэзідэнт краіны.
Пад час яго прэзідэнтства адбыліся шматлікія падзеі, сярод якіх: Карыбскі крызіс, дагавор аб забароне ядзерных выпрабаванняў, пачатак касмічнай гонкі, будаўніцтва Берлінскай сцяны, рух за грамадзянскія правы, эканамічныя рэформы.
У забойстве падазраваўся 24-гадовы Лі Харві Освальд (1939-1963), былы марскі пяхотнік, які меў кантакты як з правымі, так і з левымі групоўкамі.
Афіцыйная версія злачынства, нібыта здзейсненага Лі Харві Освальдам, забітым праз два дні, у цяперашні час прызнана сумнеўнай.
Лі Харві Освальд жыў у 1959-1962 гадах у Мінску, працаваў на радыётэхнічным заводзе «Гарызонт». Яго куратарам з’яўляўся С.С. Шушкевіч.
tunnel.ru
1988 год. У ЗША упершыню прадэманстраваны стратэгічны бамбавік B-2 “Стэлс” амаль нябачны для радараў.
Пабудаваны кампаніяй Northrop. Шматмэтавы бамбавік, здольны несці ядзерную і звычайную зброю. Зніжэнне яго радыёлакацыйнай прыкметнасці дасягаецца звышплаўным спалучэннем канструктыўных вузлоў пры мінімуме выступаючых элементаў.
Размах крыла – 52,4 м, даўжыня – 21, вышыня – 5,2, максімальная ўзлётная маса – 171 тона. Адлегласць палёту з дазапраўкай – 18 500 км.
Беларускі мастак -жывапісец, педагог. Заслужаны дзеяч мастацтваў. Пісаў карціны ва ўсіх жанрах станковага жывапісу.
Выкладаў у Мінскім мастацкім вучылішчы, настаўнік шматлікіх сучасных мастакоў.
Бацька мастака Сяргея Малішэўскага.
sb.by
2004 год. Пачалася “Аранжавая”, “Помаранчева» рэвалюцыя ва Украіне пад лозунгам “Разам нас багата, Нас не пераадолець!”.
Кампанія агульнанацыяльных пратэстаў, мітынгаў, пікетаў, страйкаў і іншых акцый грамадзянскага непадпарадкавання, арганізаваная і праведзеная прыхільнікамі Віктара Юшчанкі, асноўнага кандыдата ад апазіцыі на прэзідэнцкіх выбарах у лістападзе-снежні 2004 года, пасля абвяшчэння Цэнтральнай выбарчай камісіяй папярэдніх вынікаў, згодна якіх перамог яго супернік — Віктар Януковіч.
Юшчанку падтрымлівалі выбаршчкі заходніх і цэнтральных рэгіёнаў, Януковіча – усход і поўдзень Украіны.
У выніку рэвалюцыі было прызначэнне судом паўтора другога туру прэзідэнцкіх выбараў, праведзена Канстытуцыйная рэформа, якая зменшыла паўнамоцтвы прэзідэнта, знізіла ўзровень значнасці спрэчных прэзідэнцкіх выбараў.
Рэшткі 21 паўстанца знайшлі падчас раскопак на гары Гедзіміна ў Вільні. Сярод ідэнтыфікаваных 20-ці, лідары Кастусь Каліноўскі і Зыгмунт Серакоўскі.
Дзяржаўную камісію ў справе перапахавання ўзначаліў прэм’ер-міністр Літвы Саўлюс Сквярняліс. Афіцыйны беларускі бок асаблівай зацікаўленасці не праявіў. Беларуская грамадскасць дамаглася таго, каб на кожным надмагіллі апроч надпісаў па-літоўску і па-польску была і беларуская мова.
Цырымонія развітання праходзіла ў Кафедральным саборы Св. Станіслава і Св. Уладзіслава. На плошчы перад саборам сабраліся сотні людзей, сярод якіх пераважалі беларусы, якія трымалі бела-чырвона-белыя сцягі, партрэты Каліноўскага.
На цырымоніі прысутнічалі прэзідэнты Літвы, Польшчы, былыя літоўскія кіраўнікі, прадстаўнікі Украіны, Латвіі. Афіцыйную дэлегацыю Беларусі прадстаўляў віцэ-прэм’ер І. Петрышэнка. Міністэрства абароны Беларусі ідэю далучыцца да ўрачыстасці праігнаравала. Прысутнічалі таксама кіраўнікі Рады БНР на чале са старшынёй Рады БНР Івонкай Сурвілай, вядомыя беларускія літаратары, мастакі, спявакі, грамадскія дзеячы, палітыкі С. Шушкевіч, А. Бяляцкі і іншыя.
Пасля імшы, ускладання кветак, прамоў, працэсія рушыла да могілак Росы. Вайскоўцы Літвы і Польшчы ў парадных мундзірах выстраіліся ў ганаровы эскорт. Наперадзе рушылі барабаншчыкі і святары. За імі – вышэйшыя асобы, потым – калона пад нацыянальнымі сімваламі сваіх краін.
Пасля пахавання паўстанцаў, прагрымеў памятны салют з усіх відаў зброі.
У Пентагоне расследуюць заявы пра падзенне двух расійскіх ракет на тэрыторыі члена НАТА – Польшчы, аб гэтым піша Reuters.
“Мы ведаем аб паведамленнях у прэсе, у якіх сцвярджаецца, што дзве расійскія ракеты ўразілі месца ў раёне мяжы Польшчы з Украінай” – сказаў спікер Пентагона Пэт Райдэр.
“Цяпер у нас няма інфармацыі, каб пацвердзіць, што быў ракетны ўдар” – сказаў Райдэр журналістам, дадаўшы, што Пентагон “дадаткова вывучае гэтае пытанне”.
Як вядома, у другой палове дня 15 лістапада Расія нанесла масіраваны ракетны ўдар па тэрыторыі Украіны. Паведамлялася, што дзве ракеты ўпалі на тэрыторыі Польшчы і патрапілі ў зернесушылкі. Вядома пра гібель двух чалавек. На месца здарэння прыбылі прадстаўнікі паліцыі, пракуратуры і вайскоўцы.
Выбух у Польшчы наўрад ці выкліча эскалацыю, але рызыкі сутыкнення НАТА і Расіі рэальныя – піша Guardian.
Урад Польшчы заявіў, што ўсё яшчэ расследуе, чые ракеты ўпалі на яго тэрыторыю, а офіс прэзідэнта Анджэя Дуды паведаміў, што разглядае магчымасць прымянення артыкула 4 дамовы НАТА, які дазваляе любому члену склікаць тэрміновыя кансультацыі ў Паўночнаатлантычнай радзе.
Варшава не згадала артыкул 5 дагавора, які абвяшчае, што ўзброены напад на аднаго члена з’яўляецца нападам на ўсіх, і які быў бы найбольш верагодным механізмам эскалацыі да вайны паміж NATO і Расеяй.
Артыкул 5 не можа быць прыменены толькі адной краінай-членам, заявіў былы амбасадар ЗША ў НАТА Іва Даалдэр, дадаўшы, што гэта «патрабуе кансенсусу НАТА». Адзіны раз, калі гэта было задзейнічана саюзнікамі па НАТА, гэта было пасля тэрактаў 11 верасня і прывяло да таго, што саюзнікі забяспечылі паветранае радыёлакацыйнае патруляванне ЗША і ўзмацнілі ваенна-марское патруляванне ў Міжземным моры.
Распрацоўшчык папулярнага дадатка ў сегменце жаночага здароўя Flo заявіўпра ліквідацыю бізнэсу ў Беларусі.
Рашэнне аб закрыцці прадстаўніцтва было прынята ў канцы верасня, хаця чуткі пра гэта распаўсюджваліся яшчэ вясной 2022 года. Кампанія не жадае мець справу з саўдзельнікамі краіны-агрэсара.
У сакавіку, пасля пачатку поўнамаштабнага ўварвання Расіі ва Украіну, у ТАА “Фло Хелс Бел” змяніўся ўладальнік – усе акцыі падраздзялення перайшлі ад амерыканскай Flo Health Inc да фізічнай асобы. У той жа час, у самой кампаніі інфармацыю аб выхадзе з Беларусі ніяк не каментавалі.
Увесну гэтага года супрацоўнікаў Flo ў Беларусі папрасілі вырашыць пытанне ўласнай рэлакацыі з лімітавым тэрмінам да 14 сакавіка. Тым, хто працягваў заставацца ў Беларусі, кампанія адключыла доступ да карпаратыўных рэсурсаў.
Адзначым, што на сайце Flo ўжо даўно няма згадак пра офіс у Мінску, а таксама не публікуюцца вакансіі з прапановамі працы ў Беларусі.
Разам з тым, кампанія за апошнія некалькі месяцаў актыўна пашырае каманду ў суседняй Літве. За чэрвень – верасень бягучага года штат літоўскага офіса вырас удвая, да 245 чалавек.
Што вядома пра Flo Health
Кампанія з беларускімі каранямі, якая займаецца папулярным дадаткам у сегменце жаночага здароўя. Штаб-кватэра размяшчаецца ў Лондане, а прадстаўніцтвы знаходзяцца таксама ў Нідэрландах і ЗША. У той жа час, у Вільнюсе размяшчаецца офіс распрацоўкі Flo.
Дададзім, што на канец 2021 года кампанія налічвала 400 супрацоўнікаў, каля 200 з якіх тады яшчэ працавалі ў офісе распрацоўкі ў Мінску.
Увосень 2021 года Flo ацэньвалі ў 800 мільёнаў даляраў, і аналітыкі прагназавалі кампаніі статут адзінарога на рынках ўжо ў найблізкай будучыні.
Характэрна, што дадатак Flo тры гады запар з’яўляецца самым папулярным у катэгорыі Health&Fintess у AppStore. Па дадзеных кампаніі, у яе прадукта ўжо больш за 250 мільёнаў унікальных карыстальнікаў у свеце.
Гэта дазволіць сэканоміць сродкі, таксама для эканоміі яе запаляць на тыдзень пазней.
Да новага года застаецца 73 дні, да Калядаў 67. І па традыцыі да зімовых святаў Клайпеда збіраецца ўпрыгожыць жывую ёлку. Вітаюцца прапановы клайпедчанаў і жыхароў раёна, паведамляе Klaipėdos šventės.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.
За два месяцы да зімовых свят грамадзянам даюць магчымасць прапанаваць свае ўласныя ёлкі, якія стануць галоўным калядным сімвалам партовага горада.
Жыхароў Клайпеды ўпершыню запрасілі падарыць елкі сем гадоў таму. Такая ініцыятыва атрымала станоўчыя водгукі і стала візітнай карткай каляднага перыяду ў горадзе.
Клайпедчане поўныя рашучасці ахвяраваць елкі, якія растуць не адзін дзясятак гадоў, таму што яны, напрыклад, ім надакучылі, загароджваюць сонечнае святло або электрычны дрот, займаюць шмат месца.
Арганізатары абяцаюць вырашыць усе праблемы, якія звязаны з высечкай дрэва, яго перавозкай і ўборкай месца, дзе яно расце.
Елка павінна быць не менш за 10 метраў вышынёй, з шырокай і багатай кронай галін. Усе прапанаваныя варыянты будуць правераны, ацэнены і прадстаўлены грамадскасці.
Створаная камісія абярэ самае прыдатнае і дастойнае звання Клайпедскай гарадской елкі дрэва.
Падбор святочнай елкі і яе ўстаноўка на такіх умовах значна эканоміць гарадскі бюджэт, сродкі кожнага гараджаніна.
У мэтах эканоміі энергарэсурсаў галоўны сімвал зімовых свят на Тэатральнай плошчы запаляць на тыдзень пазней, чым было запланавана — вечарам 10 снежня.
Прапановы з фатаграфіямі арганізатары просяць накіроўваць да 25 кастрычніка.
Тым часам мэр Вільні прадставіў планы эканоміі на Каляды. Ён прапануе ўсталяваць сціплую ёлку, а астатнія грошы ахвяраваць братэрскай Украіне.
Дамова аб Пабрацімстве Клайпеды і Магілёва была падпісана 8 сакавіка 1997.
27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.
Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.
Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.
Падтрымка ўступлення ў НАТА сярод грамадзян Украіны ў цяперашні час, на фоне расійскай агрэсіі, самая высокая за гісторыю назіранняў.
Апытанне сацыялагічнай групы “Рэйтынг” паказвае: калі б рэферэндум аб членстве ў Альянсе адбыўся ў пачатку кастрычніка, то гэтую ініцыятыву падтрымалі б 83% украінцаў.
У магчымым рэферэндуме аб далучэнні да НАТА супраць прагаласавалі б 4% украінцаў. Не прагаласавалі б увогуле – 9%.
Сацыёлагі адзначылі станоўчую дынаміку падтрымкі ідэі ўступленне ў НАТА ў чэрвені-кастрычніку 2022 года з 76% да 83% грамадзян.
У сярэдзіне 2010-х гадоў доля прыхільнікаў уступлення ў НАТА вагалася ў межах 40-60%.
У адрозненне ад уступлення ў Еўрасаюз, уступленне ў НАТА некалькі асцярожней успрымаецца жыхарамі ўсходу краіны (69% – за ўступленне, 9% – супраць, 17% – не прыйшлі б на галасаванне).
Нягледзячы на гэта ў параўнанні з папярэднім апытаннем дынаміка ў падтрымцы ўступлення ў Альянс сярод жыхароў гэтага макрарэгіёну вельмі станоўчая (у чэрвені за – 55%, супраць – 20%, не прыйшлі б галасаваць – 22%)» – дадаюць сацыёлагі.
Нагадаем, што 30 верасня прэзідэнт Уладзімір Зяленскі падпісаў заяўку на ўступленне Украіны ў НАТА ў паскораным парадку. Кіраўнік дзяржавы адзначаў, што Украіна дэ-факта ўжо з’яўляецца членам НАТА, засталося аформіць гэта дэ-юрэ.
Ідэю уступлення Украіны ў НАТА ужо падтрымалі прэзідэнты 9 краін: Румыніі, Чэхіі, Эстоніі, Латвіі, Літвы, Паўночнай Македоніі, Чарнагорыі, Польшчы і Славакіі.
Выбарчыя ўчасткі ў першыя чатыры дні галасавання не працуюць, расійскія арганізатары разносяць бюлетэні па дамах украінцаў.
“Галасаванне” праходзяць у самаабвешчаных ДНР і ЛНР, а таксама на тэрыторыях Запарожскай і Херсонскай абласцей Украіны, занятых расійскімі войскамі. Так званыя выбарчыя камісіі пачалі працаваць з 8:00 па маскоўскім часе. Мерапрыемства будзе працягвацца пяць дзён – першыя дні яно запланаванае ў фармаце падамавога абходу выбарцаў. 27 верасня выбарчыя ўчасткі будуць працаваць у ДНР з 8:00 да 20:00, а на астатніх тэрыторыях, для якіх гэта яшчэ будзе актуальна – з 8:00 да 16:00.
У першы ж дзень “рэферэндума” ў Мелітопалі Запарожскай вобласці (акупаваны з 1 сакавіка 2022 года) пралунаў выбух – паведаміў гарадскі галава Іван Фёдараў у сваім Тэлеграм-канале.
– Людзі баяцца выходзіць з дому. – пракаментаваў гэтую навіну Фёдараў – І страх гэты на руку акупантам – у першы дзень хатняга “галасаванья” на псэўдарэфэрэндуме ім трэба, каб усе сядзелі ціха дома.
У ДНР і ЛНР на “галасаванне” вынеслі на пытанне, ці падтрымліваюць мясцовыя жыхары “ўваходжанне рэспублікі ў склад Расіі на правах суб’екта РФ”. У Запарожскай і Херсонскай абласцях у бюлетэнях змяшчаецца такое пытанне: “Вы за выхад вобласці са складу Украіны, утварэнне вобласцю самастойнай дзяржавы і ўваходжанне яе ў склад Расійскай Федэрацыі на правах суб’екта Расійскай Федэрацыі?”.
Горна-металургічная група «Метінвест» пасля пачатку поўнамаштабнай вайны Расіі ва Украіне прыняла рашэнне аб закрыцці сваіх падраздзяленняў у Расіі і Беларусі. Цяпер у гэтых краінах засталіся збытавыя структуры: беларуская «Метінвест Дыстрыбуцыя» і расійская «Метінвест Еўразія».
«Там засталіся аперацыйныя каманды, якім дадзены інструкцыі па ліквідацыі», – паведамляе генеральны дырэктар кампаніі Юрый Рыжанкоў, якога цытуе інфармацыйная кампанія «Інтерфакс-Україна».
ichef.bbci.co.uk
Па яго словах, у беларускай і расійскай структурах працавалі топ-менеджэры, менеджэры, спецыялісты, якія былі грамадзянамі Беларусі ці Расіі. Многія з іх адрабілі ў кампаніі больш за 10 гадоў. Пасля 24 лютага работнікі або былі звольненыя, або звольніліся самі. Цяпер засталіся адзінкі.
Галаўныя прадпрыемствы кампаніі месціліся ў цяпер акупаваным расійскімі войскамі Марыупалі. Заводы зазналі сур’ёзныя разбурэнні і ацэнка стратаў можа быць вызначаная па вызваленні гораду ад расіян.
У структурах «Метінвеста» у Марыупалі працавалі 35 тысяч чалавек. З іх прыкладна палова выйшлі на сувязь з кампаніяй, большая частка выехала на тэрыторыю, падкантрольную Украіне. Больш за тысячу ўладкаваныя на прадпрыемствы групы, яшчэ 2 тысячы праходзяць перападрыхтоўку – чакаецца, што яны далучацца да калектываў у Запарожжы, Каменскім і Крывым Рогу.
Паводле Ўладзіміра Марозава, рухомы састаў, які застаецца ва Ўкраіне, «мае не зразумелы статус». Урадовец цвердзіць, што ўкраінскі бок «на кантакт не выходзяць».
“У нас ёсць такая інфармацыя: яны (вагоны, ММ) праходзяць па крымінальнай справе, як бы яны перавозілі незразумела што, таму на іх, нібыта, накладзены арышт праваахоўнымі органамі Украіны. Мы разумеем, што гэта не так. І хутчэй за ўсё вагоны выкарыстоўваюцца для перавозкі. Вагоны могуць удзельнічаць у розных падзеях. Пакуль афіцыйна ні Міністэрства інфраструктуры Украіны, ні Украінская чыгунка на кантакт па гэтым пытанні з намі не выходзяць”, – даводзіцца бачанне сітуацыі начальнік Беларускай чыгункі тэлеканалу «СТВ».
Па словах Марозава, на 24 лютага ва Украіне засталося больш за 7 тысяч беларускіх вагонаў, як самой чыгункі, так і прадпрыемстваў.
Ён адзначае, што “вагоны былі і з прадуктамі нафтаперапрацоўкі, хімічнымі ўгнаеннямі, будаўнічымі і харчовымі грузамі – уся наменклатура, чым гандлявалі з Украінай на той момант”.
“Гэта сур’ёзная лічба. Гэта рэспубліканская дзяржаўная ўласнасць. Задача: вярнуць і ацаніць шкоду. 5 тысяч для Беларускай чыгункі – гэта амаль 900 мільёнаў рублёў. Гэтая інфармацыя абмяркоўвалася на ўзроўні кіраўніка дзяржавы. Гэтыя вагоны нам патрэбны. Яны нам для мадэлі патрэбны, для забеспячэння патрэбнасці ў перавозках. І мы такую праграму з улікам магутнасцяў нашых двух заводаў распрацавалі на пяцігоддзе”, – тлумачыць кіраўнік ведамства.
Днямі праблемы з наяўнасцю ў Беларускай чыгункі мінералавозаў прызнаў віцэ-прэм’ер Анатоль Сівак. Ён казаў, што паколькі рухомы састаў застаўся ва Украіне, то неабходна абзавесціся новым.
Арыштаваныя ўкраінскімі ўладамі вагоны для перавозкі беларускіх калійных угнаенняў збіраецца замяніць тымі, што вырабіць Магілёўскі вагонабудаўнічы завод, пісаўМагілёў.media
Украінскі бок арышт беларускага чыгуначнага рухомага саставу тлумачыць парушэннямі мытнага заканадаўства.
tunnel.ru
tunnel.ru
