Tag: бюджет

Руслан Страхар озаботился благосостоянием жителей области

Навіна ад

Заместитель председателя Могилевского облисполкома намерен расширять и углублять

Рассмотрен проект социально-экономического развития региона и проект областного бюджета на следующий год, сообщает БЕЛТА.

Страхар снова говорил о беспрецедентных санкциях, адаптации к ним, восстановлении и устойчивом развитии всего и вся, включая уровень благосостояния граждан.

Заместитель председателя облисполкома рассчитывает на то, что Могилевщина догонит-таки страну по зарплатам.

Потребуется для этого всего ничего: прирасти по номинальной начисленной заработной плате с темпом 112,2 процента.

Еще области необходимо привлечь инвестиции с темпом 103,9% в сопоставимой оценке.

Вспомнил Страхар и об опыте уходящего года, который иначе чем горький, назвать нельзя.

Планы строятся, планы не выполняются. Выводы делаются, да только толку от этих выводов как от козла молока.

Чиновники всех уровней, включая Руслана Борисовича, обещают поднатужится и сделать каждый новый год прорывным, а когда благие намерения заводят область в очередной виток экономической безнадеги, не стреляются по офицерского обычаю.

Даже заявлений на увольнение не пишут. Продолжают уповать на следующий год, который, уже традиционно для Беларуси, будет тридцать седьмым.

Фото БЕЛТА

На харчаванне беларусы трацяць 40% сваіх даходаў – статыстыка

Навіна ад

6% насельніцтва Магілёўскай вобласці жыве ніжэй бюджэта пражытачнага мінімумума.

Белстат апублікаваў дадзеныя аб узроўні жыцця хатніх гаспадарак у IV квартале 2022 года па выніках выбарачнага абследавання.

У адпаведнасці з афіцыйнай статыстыкай, у краіне ў IV квартале 2022 г. наяўныя рэсурсы ў  разліку на хатнюю гаспадарку склалі 1849 рублёў у месяц, у тым ліку ў гарадах і пасёлках гарадскога тыпу – 1926,9 рублёў у месяц, у сельскіх населеных пунктах – 1596,3 рублі ў месяц.

Грашовыя выдаткі ў разліку на хатнюю гаспадарку склалі 1758,9 рублёў у месяц, з якіх 1309,8 рублёў (74,5%) прыпадае на спажывецкія расходы.

Дамашнія гаспадаркі (сям’я) трацяць на харчаванне 39,3%, на нехарчовыя тавары – 34,4%, на аплату паслуг (уключая жыллёва-камунальныя) – 23,8% месячных рэсурсаў. 

Такім чынам, у беларусаў застаецца ўсяго 2,6% ад усіх сродкаў на адпачынак, вандроўкі, набыццё транспартных сродкаў, нерухомасці.

Пры гэтым, у еўрапейскіх краінах, у агульных выдатках затраты на жыллё (у тым ліку за ацяпленне, электраэнергію, водазабеспячэнне, каналізацыю) складаюць ад 9% на Мальце да 29% у ФРГ, Швецыі. На харчаванне ў ЕС расходуецца 7-12%, на нехарчовыя тавары – да 15%. Нармальная з’ява ў Еўропе, калі набываецца аўтамабіль, які каштуе 3-5 месячных заробкаў, і гэта не б/у – проста заробкі іншыя.

Паводле складзенай інфаграфікі, самы гаротны стан па доле насельніцтва, якое жыве ніжэй бюджэта пражытачнага мінімумуму, назіраецца ўжо ў 4-х з 7-мі беларускіх рэгіёнаў: У Магілёўскай – 5,9%, у Брэсцкай – 5,6, у Гомельскай – 5,5, у Віцебскай – 5,1%.

Дзівосы статыстыкі

Трэба заўважыць, што прыведзеныя дадзеныя статыстыкі ні на што не ўплываюць, ні аб чым не сведчаць і нічога асабліва не тлумачаць. Беларуская статыстыка жыве сама па сабе, народ – сам па сабе.

Напрыклад, афіцыйная статыстыка кажа, што ў кастрычніку 2022 года  сярэдні заробак па краіне склаў 1636,4 рублі, у лістападзе – 1648,2, у снежні – 1915,6 рублі. То бок, у сярэднім у апошнім квартале мінулага года сярэдні заробак складаў 1733,4 рублі ў месяц. А наяўныя рэсурсы ў разліку на хатнюю гаспадарку склалі 1849 рублёў у месяц, што, верагодна, азначае, што ўсе хатнія гаспадаркі складаюцца толькі з 1,1 чалавека, які мае заробак, альбо толькі з аднаго працаўніка і пенсіянера, працаўніка і інваліда, працаўніка і дармаеда, двух працаўнікоў з заробкам па 925 рублёў.

Дзяржкантроль спаганяе з бальніцы ў Касцюковічах 200 000 рублёў

Навіна ад

Праверка Камітэта дзяржкантроля выявіла ў Касцюковіцкай раённай бальніцы незаконнае выкарыстанне бюджэтных сродкаў на суму ў 200 000 рублёў – паведамляе “Голас Касцюкоўшчыны”. Гэта стала вынікам парушэнняў пры налічэнні заработнай платы, некампенсацыі ў поўным аб’ёме бюджэтных расходаў пры аказанні платных паслуг, і нават залішняй выдачы малака пры рабоце са шкоднымі ўмовы працы.

Зараз Дзяржкантроль высвятляе вінаватых і вызначае парадак вяртання сродкаў у бюджэт.

Фота з адкрытых крыніц.

37% бюджэта Мсціслаўшчыны ў 2022 годзе сфарміравалі прыватнікі

Навіна ад

Больш за траціну мясцовага бюджэта сфарміравалі індывідуальныя прадпрымальнікі, хоць іх лічба скарацілася да трох соцень.

Суб’ектамі малога і сярэдняга бізнесу Мсціслаўшчыны ў 2022 годзе было сфарміравана 37,2% паступленняў у раённы бюджэт. Такія лічбы агучыла намеснік старшыні Мсціслаўскага райвыканкама Вольга Судзілоўская на паседжанні Савета па развіцці прадпрымальніцтва.

Нагадаем, што ў цэлым па Магілёўскай вобласці 43,1% даходу бюджэту ў 2022 годзе сфарміраваны прыватным сектарам, 56,9% – дзяржаўным сектарам эканомікі, пра што раней пісалі mogilev.media

Па дадзеных падатковых органаў на 1 студзеня 2023 года ў Мсціслаўскім раёне зарэгістравана 61 юрыдычная асоба і 251 індывідуальны прадпрымальнік. Нягледзячы на тое, што гэтая лічба знізілася ў параўнанні з мінулым годам, суб’ектамі малога і сярэдняга бізнесу ў 2022 г. было сфарміравана 37, 2% паступленняў у раённы бюджэт. У 2021 годзе гэтая лічба складала 29,8%.

Прычым развіццё малога і сярэдняга прадпрымальніцтва – адзін з важкіх фактараў забеспячэння занятасці і павышэння эфектыўнасці эканомікі Мсціслаўскага раёна. 

Фота: horki.info

58,5% бюджэта Крычаўскага раёна ў 2022 годзе даў недзяржаўны сектар эканомікі, а расходы большыя чым даходы

Навіна ад

Бюджэт Крычаўскага раёна за 2022 год выкананы з прафіцытам: расходы перавысілі даходы на 0,8 мільёна рублёў. Пра гэта на паседжанні Крычаўскага выканаўчага камітэта расказала намеснік начальніка фінансавага аддзела Аксана Чухлей.

Паступленні ад плацельшчыкаў дзяржаўнага сектара эканомікі за мінулы год склалі 32,6 % раённага бюджэту, недзяржаўнага – 58,5 %. 

Гэта паказчык вышэйшы чым у цэлым па Магілёўскай вобласці. 43,1% даходу бюджэту Магілёўскай вобласці ў 2022 годзе сфарміраваны прыватным сектарам, 56,9% – дзяржаўным сектарам эканомікі пісалі mogilev.media. 

Як адзначыла намеснік начальніка фінансавага аддзела Крычаўскага райвыканкама, у структуры расходаў асноўнымі накірункамі з’яўляюцца расходы на сацыяльную сферу (68,1%), а таксама на жыллёва-камунальныя паслугі і жыллёвае будаўніцтва (18%). 

90,6% расходаў раённага бюджэту – гэта фінансаванне ў рамках 14 зацверджаных дзяржаўных праграм. Найбольшая вага – 35% – ідзе на дзяржаўную праграму «Адукацыя і моладзевая палітыка». Амаль чвэрць – на дзяржпраграму “Здароўе народа і дэмаграфічная бяспека”.

Фота ілюстрацыйнае 

43,1% даходу бюджэту Магілёўскай вобласці даў прыватны сектар

Навіна ад

43,1% даходу бюджэту Магілёўскай вобласці ў 2022 годз сфарміраваны прыватным сектарам, 56,9% – дзяржаўным сектарам эканомікі – паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

Агульныя паступленні ў бюджэт вобласці склалі 1 811 300 000 рублёў. 

Унёсак прыватнага сектара складае 43,1%, у тым ліку недзяржаўны сектар – 34,0%,  індывідуальныя прадпрымальнікі – 4,8%, фізічныя асобы – 4,3%.

Па стане на 1 студзеня 2023 года ў Магілёўскай вобласці налічваецца 632,2  тысячы дзейных плацельшчыкаў, у тым ліку: 13,2 тысячы арганізацый недзяржаўнага сектара, 2,4 тысячы арганізацый дзяржаўнага сектара, 26,1 тысяч індывідуальных прадпрымальнікаў і 590 ,5 тысяч фізічных асоб.

Кампаніі беларусаў у Літве выраслі за год у тры разы

Навіна ад

Зараз у Літве больш за 50 000 беларусаў. Літва ўваходзіць у ТОП-3 самых папулярных лакацый для беларускіх айцішнікаў.
За мінулы год штат ІТ-кампаній з беларускімі каранямі, якія зарэгістраваны ў Літве, вырас больш як у 3 разы, паведамляе devby.io .

Сёння ў суседняй краіне зарэгістравана 30 кампаній з беларускімі каранямі. У іх занята больш за 4 700 супрацоўнікаў, а яшчэ год назад іх было менш за 1 500.

Самы вялікі штат у EPAM. За год адбыўся рост супрацоўнікаў у 450%. Асабліва інтэнсіўна каманда расла ў чэрвені-ліпені 2022 года – на 750 чалавек за два месяцы.
EPAM працуе ў Вільні і Каўнасе. Зараз адкрыта яшчэ больш за 100 вакансій на працу.

За 1-3 кварталы 2022 года EPAM увайшоў у ТОП-3 ІТ-бізнэсаў у Літве па суме выплачаных падаткаў – больш за 6 000 000 еўра.

Каманда літоўскага офіса Wargaming за мінулы вырасла на 250% да 988 спецыялістаў. Асабліва інтэнсіўны рост адбыўся пасля нападу Расіі на Ўкраіну – у красавіку-жніўні, з 450 да 900 спецыялістаў, за кошт супрацоўнікаў мінскага офіса, пасля таго як кампанія закрыла бізнес у Беларусі.

У офіс патрабуецца яшчэ 50 спецыялістаў. Wargaming таксама у тройцы лідараў па суме выплачаных падаткаў: за 3 кварталы 5 200 000 еўра.

Штат распрацоўшчыка гульняў Melsoft з красавіка 2022 года вырас у 4,3 раза да 320 супрацоўнікаў.

Вытворца лічбавай оптыкі Yukon Advanced Optics Worldwide павялічыў свой штат у Літве да 275 чалавек і увайшоў у ТОП-5 па колькасці супрацоўнікаў сярод кампаній з беларускімі каранямі.

Распрацоўшчык дадатку для жаночага здароўя Flo (Flo Health) павялічыў за год свой штат у Вільні і Каўнасе з 70 чалавек да 245 супрацоўнікаў (400%).

Значны рост штатаў паказалі і такія кампаніі з беларускімі каранямі, як ITAG LT, Softeq Development (у 5 разоў), Coherent Solutions (у 3 разы), Gurtam (у 2,5 разы), EIS Group Lietuva (130%) і іншыя.

Усе тыя сумы, якія ў выглядзе падаткаў кампаніі з беларускімі каранямі пералічваюць у літоўскі бюджэт, адпаведна не атрымлівае беларускі бюджэт, а значную частку ганарараў і заробкаў супрацоўнікі пакідаюць у літоўскіх гандлёвых сетках.

Абласныя “Дажынкі-2023” пройдуць у Хоцімску

Навіна ад

У 2023 годзе Хоцімскі раён сустрэне “Дажынкі” – падзяліўся інфармацыяй начальнік фінансавага аддзела райвыканкама А. Даніленка.

На правядзення свята аграрыяў на 2023 год закладзены адпаведныя бюджэтныя сродкі раёна. У планах па падрыхтоўцы “Дажынак” – капітальна адрамантаваць цэнтральную раённую бальніцу і набыць для яе сучаснае медыцынскае абсталяванне. А таксама, зрабіць бягучы рамонт жыллёвага фонда, устаноў адукацыі райцэнтра, добраўпарадкаваць яго тэрыторыю, прывесці ў належны стан вулічна-дарожную сетку, рэканструяваць будынкі раённага цэнтра культуры “Мір”, спартовага комплекса, гарадскога стадыёна.

Акрамя таго, чыноўнік распавёў аб распрацоўцы праектна-каштарыснай дакументацыі на будаўніцтва ў 2024 годзе новай кацельні.

Наша даведка. Дажынкі (Прачыстая, Успенне, Багародзіца, Першая Прачыстая, Вялікая Прачыстая, Аспажа, Гаспажа, Спажа, Вялікая Спажа, Зялёная, Зельная, Спленне, Талака) – гэта не толькі старажытнае свята сканчэння жніва, якое на Беларусі вядома па хроніках з ХІІ стагоддзя, але і з 1996 года дзяржаўны штогадовы “фестываль-кірмаш працаўнікоў вёскі”. 

У 1996-2014 гадах “Дажынкі” мелі рэспубліканскі фармат (у 1999 годзе не праводзіліся  з-за дрэннага ўраджаю; у 2000 годзе праводзіліся ў  Шклове, у 2006 – у Бабруйску, у 2012 – у Горках). З  2015 года  праводзяцца ў рэгіянальным фармаце – у адным з населеных пунктаў кожнай вобласці. У 2022 годзе абласныя “Дажынскі” прымаў Слаўгарад.

Магілёўшчына ў антылідарах – статыстыка ўзроўню жыцця беларусаў у ІІ квартале 2022 года

Навіна ад

Па ўзроўні малазабяспечанасці насельніцтва, у працэнтным паказчыку ад усіх жыхароў, самым дэпрэсіўным рэгіёнам Беларусі аказалася Магілёўшчына. Тут малазабяспечанымі хатнімі гаспадаркамі з’яўляюцца 5,9 % сем’яў ад агульнай колькасці.

На Брэстчыне гэтая лічба складае 5,5 %, на Гомельшчыне – 5,4 %. Найлепшы паказчык дэманструе горад Мінск – усяго 1,2 % гаспадарак тут лічацца малазабяспечанымі.

Малазабяспечаныя сем’і – гэта сем’і, узровень даходаў на аднаго члена сям’і ў якіх ніжэй за бюджэт пражыткавага мінімуму – зараз гэта 328,5 рублёў.

Нацыянальны статыстычны камітэт Беларусі прадставіў бягучыя падсумаванні адносна ўзроўню забяспечанасці сем’яў, узроўні жыцця і размеркаванню рэсурсаў за красавік-чэрвень бягучага года.

Выбарачнае абследаванне хатніх гаспадарак па краіне выявіла, што ў сярэднім адна беларуская сям’я магла разлічваць на суму ў 1 781 рубель на месяц на дадзеным адрэзку часу. Гэта грошы, якія заставаліся ў руках у сярэднестатыстычнай гасподзе пасля складання разам усіх заробкаў працуючых членаў сям’і і пасля выплаты ўсіх неабходных падаткаў і плацяжоў. З гэтай сумы 71,8 працэнта звычайна людзі трацілі на спажывецкія патрэбы.

Структура спажывецкіх выдаткаў сярэдняй беларускай сям’і пераважна ўключыла ў сябе затраты на харчаванне – 41,2 %, пакупку нехарчовых тавараў – 31,5 % і аплату паслуг – 24,7 %. Затраты на жыллёва-камунальныя паслугі ў сярэднім занялі суму ў 6,5 % ад сумарнага даходу сям’і.

Статыстыка паказвае на залежнасць узроўню малазабяспечанасці сямейнай гаспадаркі ад умоваў пражывання. Так, у сярэднім па Беларусі сярод гарадскіх сем’яў назіраецца паказчык у 3,1 % малазабяспечаных, а ў сельскай мясцовасці – 6,4 %. Наогул па Беларусі за рысай беднасці пражывае 3,9 % насельніцтва.

 

“Недаатрымаем да 1 мільярда рублёў”, міністр фінансаў пра бюджэт з дэфіцытам

Навіна ад

У студзені-ліпені выдаткі перавысілі прыбыткі на 1,9 мільярдаў рублёў (720 мільёнаў долараў ЗША).

«Па стане на 1 жніўня практычна ў нас па рэспубліканскім бюджэце склаўся пэўны дэфіцыт – выдаткі перавысілі прыбыткі дзесьці на 1,9 мільярдаў рублёў, пры тым што планава ў нас 2,8 (мільярда рублёў) па годзе дэфіцыт», – даводзіць міністр фінансаў Юрый Селіверстаў у эфіры тэлеканалу СТВ.

Па яго словах,  большая частка дэфіцыту звязана з недаатрыманнем экспартных пошлінаў ад падсанкцыйных нафтапрадуктаў і калійных угнаенняў.

«Экспарт калійных угнаенняў, нафтапрадуктаў з улікам санкцый, пэўных лагістычных цяжкасцяў – зразумела, што той аб’ём, які быў да канца першага квартала, цяпер замарудзіўся. Мы бачым, што мы дзесьці ў грашовым выражэнні недаатрымаем да 1 мільярда рублёў », – адзначае ўрадовец. 

Кіраўнік ведамства запэўнівае: з улікам кошту хлоркалію на сусветным рынку зніжэнне абʼёмаў яго экспарту не аказвае крытычнага ўплыву на бюджэт.

На пачатку ліпеня Міністэрства фінансаў выдаліла са свайго сайту дадзеныя аб выкананні бюджэту ў бягучым годзе і пакуль не паведамляе пра перыядычнасць і форму публікацый справаздачнасці ў перспектыве.

«Частку інфармацыі мы свядома не размяшчаем, таму што яна выкарыстоўваецца ў рамках разнастайнага роду інсінуацый», – тлумачыць Селіверстаў.

На 2022 год бюджэт зацверджаны з дэфіцытам на ўзроўні 2,8 мільярдаў рублёў – гэта 1,6 працэнты прагназаванага валавага ўнутранага прадукту з даходамі ў 28,13 мільярды рублёў і выдатках у 30,94 мільярды рублёў.