Category: Навіны Магілёва

Нейрасетка DALL-E намалявала Магілёў па нашай просьбе – шмат карцінак

Навіна ад

Паглядзіце, як мяняецца горад, калі ў ім прадаюцца разрэзаныя курыцы.

DALL-E – гэта нейронная сетка, створаная пры фінансавай падтрымцы Microsoft, здольная генераваць высокаякасныя выявы, сыходзячы з тэкставых апісанняў. Яна працуе як стваральнік новых ілюстрацый, якія абапіраюцца на ўжо існуючыя, адвольна змешваючы рысы розных выяваў у цэласную карцінку, а штосьці дадаючы па толькі ёй зразумелым алгарытмам. 

Для таго, каб працаваць з ёй, неабходна ўвесці ў пошукавае поле некалькі словаў, якія ахопліваюць усю палітру вашага запыту. Для пачатку мы ўвялі ў пошук усяго адно слова – Магілёў. У выніку атрымалі чатыры выявы.

Варта адзначыць, што на гэтых “чыстых” выявах горада дамінуе гістарычная архітэктура, горад ілюструецца з жывапісным і велічным рэльефам. Грацыёзныя вежы, відавочна, натхнёныя магілёўскай ратушай – адной з улюбёных для гараджан і гасцей горада  архітэктурных дамінант.

Калі павялічыць пошукавы запыт, то ў выніковыя карцінкі нейрасетка дабаўляе адвольныя рысы іншых з’яваў. Мы спачатку асабліва не вычвараліся, і папрасілі DALL-E намаляваць лірыку на гарадскую тэматыку, а таксама на тэму восені, людзей і горада ў яго мінулым, сучаснасці і будучыні. У наш новы запыт увайшлі словы “Магілёў, гісторыя, сучаснасць, будучыня, гараджане, архітэктура, восень”. 

Набярэжная Дубравенкі, будынак былой філармоніі каля “Кас Аэрафлота”, зноў жа ратуша і пляцоўка перад музеем этнаграфіі на Першамайскай – першыя асацыяцыі ад гэтай працы нейрасеткі. Пагадзіцеся, атрымалася вельмі па-магілёўску.

Далей мы вырашылі адгукнуцца на сучасныя і вострыя сацыяльныя праблемы, і да папярэдняга запыту дабавілі яшчэ два словы: “разрэзаныя курыцы”.

І ўжо першая ж карцінка выклікала шчырае захапленне яркай мастацкай вобразнасцю штучнага інтэлекта. 

Пагадзіцеся, на гэтай выяве ёсць усё пра восеньскі Магілёў – старая тратуарная плітка пад нагамі і экспрэсіўныя абрысы апалых чорных дрэў на фоне вусцішнага ў сваёй банальнасці і афарбоўцы трохпавярховіка.

Наступныя выявы таксама дадалі Магілёву трохі экспрэсіі, трохі загадкавасці і трохі курэй.

На гэтым мы прыпынілі свае эксперыменты, але можам іх працягнуць дзеля вас, шаноўныя чытачы. Задавайце нам свае пошукавыя запыты, і мы з радасцю апублікуем новыя творы нейрасеткі на магілёўскую тэматыку. 

Ну, а які Магілёў выглядае лепш – з разрэзанымі курыцамі ці без, вырашаць вам, чытачы.

 

Грузавік дарожнага прадпрыемства збіў металічную канструкцыю на Слаўгарадскай шашы ў Магілёве, іншы ўехаў у слуп

Навіна ад

Моцны туман у горадзе – кіроўцы, будзьце пільныя!

Адразу з серыі ДТЗ пачалася туманная раніца ў Магілёве 13 кастрычніка. МАЗ “Магілёўаблдарбуда” знес на Слаўгарадскай шашы ў горадзе вялізную металічную канструкцыю – паведамляе папулярны вадзіцельскі паблік “ДПС Могилев ГАИ”. Таксама іншы грузавік камунальных службаў сутыкнуўся са слупам на на той жа трасе ў Магілёве.

 

На абласным конкурсе выбіралі лепшых міліцыянтаў – расказваем, што на ім было, а чаго не хапала

Навіна ад

Кастрычніцкі і чэрыкаўскі сталі лепшымі на Магілёўшчыне і паказалі, што павінен умець рабіць прафесіянал у міліцыі

З работай самых масавых катэгорый работнікаў міліцыі так ці інакш сутыкаецца кожны беларус. І мы ўсе разумеем, як важна, каб міліцыянеры з аднаго боку былі прафесіяналамі, а з іншага – памяталі, што служаць беларускаму народу, умелі падтрымліваць кантакт і вырашаць праблемы простых людзей. 

Сам жа конкурс цікавы яшчэ і тым, што ён паказаў, якія якасці міліцыянераў лічыць важнымі іх міліцэйскае начальства. 

Абласны этап рэспубліканскага конкурсу прафесійнага майстэрства прайшоў у Магілёве на званне “Лепшы ўчастковы інспектар міліцыі” і “Лепшы ўчастковы інспектар па справах непаўналетніх”. Конкурс паказаў, якія якасці патрэбны самым блізкім да народу шэраговым міліцыянерам для нясення службы і чаго ім не хапае. 

Што было

Як сведчыць сайт УУС вобласці спаборніцтвы пачаліся са страявога агляду і экзамену па страявой падрыхтоўцы. Тут усё зразумела. 

Надалей супрацоўнікі міліцыі стралялі з табельнай зброі і дэманстравалі баявыя прыёмы барацьбы. Трэба адзначыць без жартаў, што гэта вельмі актуальныя навыкі менавіта для ўчастковых. Многія думаюць, што толькі АМАП і іншыя спецыяльныя структуры здзяйсняюць захопы і абясшкоджванне злачынцаў. А насамрэч, “пад нож” часцей за ўсё ідуць менавіта работнікі нізавога звяна, а большасць злачынстваў маюць побытавы характар. 

Яшчэ інспектары здавалі іспыты па фізічнай, спецыяльнай і медыцынскай падрыхтоўцы. Без добрай фізічнай формы і спецыяльных навыкаў паспяхова працаваць немагчыма. А ўмець аказаць першую медычную дапамогу, нават прыняць роды, абавязан кожны міліцыянер.  

Завяршыўся дзень спаборніцтвам у аратарскім майстэрстве. Сайт не тлумачыць, у чым заключаўся гэты конкурс. Калі ва ўменні выступаць са сцэны, то гэта, як падаецца, не самае важнае. 

Чаго не было

Што здзівіла, так гэта адсутнасць рэальна важных конкурсаў па вырашэнню канфліктных сітуацый і прымірэнні жыхароў, на недапушчэнне канфліктаў. 

Што рабіць, калі п’яныя не кантралююць сябе, калі муж скардзіцца, на тое, што жонка скрала з іх халадзільніка ягоную каўбасу? Як паводзіць сябе, калі суседзі знізу “пасылаюць” радыяцыю на суседзяў зверху? 

Падобных нестандартных сітуацый у любога ўчастковага некалькі тузінаў. Вось у вырашэнні іх і крыецца прафесіяналізм міліцыянера, які павінен умець без прымянення сілы знайсці выйсце з самай складанай сітуацыі. Хочацца верыць, што падобныя заданні былі ў час экзамена па спецыяльнай падрыхтоўцы. 

Пераможцы

Лепшым участковым інспектарам міліцыі Магілёўскай вобласці стаў маёр міліцыі Яўген Дзянісенка з Кастрычніцкага РАУС г. Магілёва. Другое месца заняла лейтэнант міліцыі Юлія Дзяшук, якая прадстаўляе той жа райаддзел. На трэцім месцы апынуўся капітан міліцыі з Крычава Уладзіслаў Стручкоў.

Сярод участковых інспектараў па справах непаўналетніх лепшым стаў старшы лейтэнант міліцыі Дзяніс Вараб’ёў, які прадстаўляе Чэрыкаўскі РАУС. На другім месцы старшы лейтэнант Ангеліна Казлова з Краснаполля. Замыкае тройку лідараў капітан міліцыі Вікторыя Прымачак з Ленінскага РУУС г. Магілёва.

Радуе, што палова пераможцаў жанчыны. Сусветная практыка паказвае, што калі колькасць жанчын у паліцыі дасягае хаця б 40%, то скарг, карупцыі і канфліктаў у гэтай службе становіцца значна менш. 

Пераможцы будуць абараняць гонар Магілёўскай вобласці на рэспубліканскім этапе конкурсу прафесійнага майстэрства.

фота: mogilev.mvd.by

Па Магілёве бегаў лось – перакрывалі трасу, каб яго злавіць

Навіна ад

Дзікую жывёлу пабачылі і сфатаграфавалі карыстальнікі папулярнага гарадскога пабліка “ДПС Могилёв ГАИ”. Для таго, каб паймаць лася, супрацоўнікам ДАІ прыйшлося перакрываць Мінскую шашу ў раёне вуліцы Каліноўскага.

 

 

 

Па адбітках пальцаў на банцы піва ў Магілёве знайшлі злодзея

Навіна ад

Ён дапамог пажылой жанчыне паднесці сумку і заадно скраў яе гаманец.

70-гадовая жыхарка Магілёва вярталася з крамы з прадуктамі. Падымацца з сумкай на пяты паверх у доме без ліфта ёй было цяжка, і ў падобных выпадках яна звычайна прасіла сваіх знаёмых і суседзяў паднесці торбу да кватэры. Гэтым разам нікога з іх жанчына ў краме не сустрэла, і пагэтаму вырашыла папрасіць незнаёмага мужчыну паднесці сумку. Наўзамен яна набыла для незнаёмца банку піва – тую самую, што на фота.

У кватэры жанчыны незнаёмы мужчына – а ім аказаўся 42-гадовы раней судзімы магілёвец – выпіў піва на кухні і сышоў, захапіўшы кашалёк гаспадыні ў якім захоўвалася 150 рублёў. Як паведамляе прэс-служба Дзяржаўнага камітэта судовых экспертыз, устанавіць асобу злодзея спачатку выглядала складаным. Жанчына не запомніла знешнасць незнаёмца, не дапамаглі і камеры відэаназірання.

Падчас агляду месца здарэння спецыяліст камітэта судовых экспертыз на банцы з-пад піва выявіў сляды пальцаў рук. Пры праверцы па дактыласкапічных уліках было ўстаноўлена, што сляды пакінуты раней судзімым за крадзеж 42-гадовы магілёвец. Яму і прад’яўлена абвінавачванне.

Амурскі альбо бенгальскі тыгр прыедзе ў Магілёў

Навіна ад

У Буйніцкі заасад хутка да двухгадовага льва, які ўжо жыве тут, прыедзе тыгр. Яшчэ да канца не вырашана, якой пароды будзе новая кацяня, бенгальскай або амурскай. Ці пасябруюць леў з тыграм – таксама стане вядома толькі бліжэйшым часам. 

Пра гэта распавёў загадчык вучэбнай лабараторыі “Заасад” Магілёўскага агралесатэхнічнага каледжа ў Буйнічах Іван Ніжнікаў. 

Пакуль яшчэ сумуючы адзінокі магілёўскі леў у заасадзе. 

Пажылую жанчыну ў Магілёве збіў МАЗ і пераехаў, не заўважыўшы

Навіна ад

Жанчына сканала на месцы. 

Трагедыя здарылася сёння каля 13.00 – паведамляе Тэлеграм-канал прэс-службы абласнога УУС. 34-гадовы кіроўца МАЗа выяжджаў ад прадуктовай крамы на вуліцы Народнага апалчэння. Не заўважыўшы 82-гадовую жанчыну перад аўтамабілем, кіроўца збіў яе і пераехаў. Ад атрыманых ран жанчына сканала на месцы здарэння.

Помнік ахвярам “генацыду беларускага народу” можа з’явіцца ў Палыкавічах

Навіна ад

Тут былі пахаваныя некалькі тысяч яўрэяў, вязняў магілёўскага гета.

Конкурс эскізных праектаў памятнага знака “ахвярам генацыду беларускага народа” быў абвешчаны Міністэрствам культуры Беларусі. Усяго выбрана шэсць лакацый, дзе можа быць узведзены памятны знак ахвярам Другой Сусветнай вайны, якіх у апошнія гады ў Беларусі прынята абагульваць у паняцце “генацыд беларускага народа”.

Месцы для ўзвядзення памятнага знаку вызначаныя ў кожным рэгіёне краіны. У Брэсцкай вобласці гэта месца паблізу ад урочышча Стасіна Столінскага раёна. У Віцебскай – тэрыторыя, прылеглая да дома № 7 па вул. Крылова ў Віцебску. У Гомельскай – каля населенага пункта Чэнкі. У Гарадзенскай гэта мемарыяльны комплекс у мікрараёне Фолюш. У Магілёўскай вобласці гэта мае быць мемарыяльны комплекс у Палыкавічах.

Масавае пахаванне ахвяр Другой Сусветнай вайны было выяўленае ў Палыкавічах у канцы 1940-х гадоў. Усяго тут было знойдзена 950 ям-пахаванняў.

Даследчыкі адзначаюць, што пачынаючы з жніўня і да канца 1941 года ў Палыкавічах было расстраляна каля 4 800 яўрэяў з магілёўскага гета. Пра гэта гаворыцца ў кнізе “Памяць” горада Магілёва. У Палыкавічах, у кіламетры ад шашы Магілёў-Орша знаходзіўся роў натуральнага паходжання, у якім нацысты і паліцаі некалькі дзён забівалі яўрэяў і туды ж скідалі целы вязняў гета, прывезеныя з горада “душагубкамі”.

Магілёў.media адзначлі ў свой час, што ў Беларусі так і не існуе ўцямнага адказу на пытанне, што разумецца ў юрыдычным сэнсе пад тэрмінам «беларускі народ»?

Новая мятла. Увесь месяц Магілёў будзе праводзіць суботнікі, бо Студнеў рашыў, што пасля Цумарава ў горадзе шмат праблем

Навіна ад

Толькі што прызначаны старшыня магілёўскага гарвыканкама пачаў сваю дзейнасць з агучвання праблем, якія кінуліся яму ў вочы і даўно патрабуюць вырашэння. Пасля іх абмеркавання ён загадаў навесці парадак, “закасаць рукавы” і да канца кастрычніка праводзіць суботнікі. 

Так часцяком бывае, што новы начальнік яшчэ мае смеласць казаць пра праблемы, тым больш што засталіся яны яму ад былога кіраўніка. А былога хаця б ускосна пакрытыкаваць – гэта ж мілая справа. Да таго ж свежы позірк сапраўды дазваляе пабачыць тое, да чаго “старое” вока ўжо прызвычаілася. 

Можа таму Аляксандр Студнеў пачаў сваю дзейнасць са шматзначнага слогана «Навядзі ў сябе парадак, і парадак цябе захавае». Новы слоган ён прамовіў на пашыранай нарадзе гарадскога актыву, і яго ўжо піараць афіцыйныя гарадскія рэсурсы і патрабуючы вырашэння застарэлых праблем.

Першачарговыя магілёўскія праблемы вачамі новага мэра

Сярод мноства працоўных пытанняў на нарадзе актыву пераважала тэма добраўпарадкавання і навядзення парадку, пра што піша Веснік Магілёва. 

Недобраўпарадкаванасць тэрыторыі пасля завяршэння земляных работ. Па даручэнні Аляксандра Студнева аддзел жылёва-камунальнай гаспадаркі гарвыканкама правёў рэйд па месцах, дзе праводзіліся земляныя працы для правядзення будаўніча-мантажных работ. Было праманіторана 33 аб’екты, і на многіх выяўлены парушэнні. Недзе падрадчык не ўклаўся ў адведзеныя тэрміны, недзе няякасна добраўпарадкаваў тэрыторыю пасля завяршэння работ. Прычым непарадкі знаходзілі нават побач з цэнтральнымі гарадскімі магістралямі. 

У гэтым пытанні, адзначыў Аляксандр Студнёў, неабходна аператыўна наводзіць парадак, узмацніць жорсткі кантроль за падрадчыкамі з боку ўпраўлення камунальных прадпрыемстваў і даў два тыдні на прыбіранне недапрацовак.

Нічога новага Студнеў не адкрыў. Амаль кожны раз пасля земляных работ гараджане бачаць або непрыбранае смецце, або крывыя тратуары ці зямлю замест асфальту… Добра, што ў чарговы раз на гэта звернута ўвага, і нейкі час будаўнікі будуць больш ахайнымі. 

Тэма гарадскога асвятлення – яшчэ адно пытанне, якое патрабуе ўзмацнення ўвагі. Мэр упэўнены, што Магілёў недастаткова асветлены ў цёмную пару сутак. Кожны ліхтар, які ўсталяваны ў горадзе, павінен гарэць. Прадпрыемству “Гарсвятло” даручана дадаткова прапрацаваць пытанне і зрабіць усё магчымае, каб Магілёў адпавядаў свайму статусу абластнога цэнтра.

Абмеркаванне транспартнай праблемы таксама прайшло пад знакам навядзення парадку. Аляксандр Студнеў запатрабаваў ад кіраўнікоў прадпрыемстваў грамадскага транспарту ўзмацніць кантроль за выкананнем санітарных норм. Аўтобусы і тралейбусы не павінны выходзіць у рэйс бруднымі. У адваротным выпадку яны проста будуць здымацца з ліній, а вінаватыя будуць пакараныя – заверыў гарадскі галава.

Маніторынг цэн – самая актуальная сёння тэма. Тут, на думку Аляксандра Студнева, патрэбная адказная праца кожнага на сваім месцы і канкрэтная праца з людзьмі. Для прадстаўнікоў улады і кіраўнікоў прадпрыемстваў гэта мусіць быць галоўным прынцыпам.

Шляхі вырашэння праблем. 

Новы кіраўнік Магілёва нічога арыгінальнага прыдумваць не стаў. Ён заклікаў прадстаўнікоў мясцовых уладаў і дырэктарскага корпуса горада навесці нарэшце парадак. А ўжо потым на ўсялякі выпадак папярэдзіў, што ранейшыя заслугі ўлічвацца не будуць – пачынаць трэба з чыстага аркуша.

Яшчэ Аляксандр Студнеў выказаў падзяку магілёўцам, якія ў мінулую суботу прынялі ўдзел у добраўпарадкаванні і навядзенні парадку. Але гэтага, на ягоную думку, аказалася мала. Падчас нарады было прынятае рашэнне ў наступную суботу, 15 кастрычніка, правесці паўторныя раённыя суботнікі, а агульнагарадскі суботнік арганізаваць яшчэ праз тыдзень, 22 кастрычніка.

“Послания” ждали многие. В Могилеве работает выставка Натальи Руссиян – фото, видео

Навіна ад

Народные песни вязью вплетались в художественное пространство – мы побывали на открытии выставки в галерее Андрея Воробьева. 

 

Много писать, созидать, экспериментировать, удел отважных… И когда в одном человеке не только эти качества, то это мощный движущий, созидательный, элемент, которому не важны пределы быта.

Метания между фломастером и мелком не пугают, а наоборот заставляют удивиться буйству созидания.

Спящие коты и город, рыбы, которые смешивают реальность в краски. Зритель теряется, в массе поиска перста божьего художника. 

Как на правду, я заметил обиду наших (моих) друзей, что надо закончить какие-то госучреждения, чтобы закаракбаться на Олимп, который очень призрачный и потому не совсем недостижимый. А надо?

Оставим взгляд на работы зрителю, ведь кроме работ и нас есть особое волшебство Натальи Руссиян

Когда зрители ходили и рассматривали работы, несколько человек встали полукругом и запели, это тоже Наталья Руссиан. Народные песни вязью вплетались в окружающее пространство. 

Наталья Руссиян – в центре

Выставка работает в галерее Андрея Воробьева, по проспекту Мира (возле набережной Дубравенки и спортивной школы по стрельбе из лука). Посетить выставку можно бесплатно, в будние дни и в рабочее время.