Tag: лось

На Магілёўшчыне больш чым удвая вырасла шкода ад незаконнага палявання

Навіна ад

Браканьеры Магілёўскай вобласці бяруць не колькасцю, а “якасцю” здабычы, а следчыя папярэджваюць – можаце страціць і аўтамабіль, і свабоду.

У Магілёўскай вобласці шкода ад браканьерства за 2024-2025 гады вырасла больш чым удвая: з 59 120 да 126 960 рублёў. І гэта пры амаль нязменнай колькасці крымінальных спраў: 14 і 13 адпаведна.

Прычына – пераход да палявання на ахоўныя віды: напрыклад, занесены ў Чырвоную кнігу барсук абышоўся парушальніку ў 12,6 тысячы рублёў, незаконна здабыты лось – у 12 тысяч.

Двое магілёўцаў, якія перавозілі тушкі казуль на асабістым аўто, нарваліся на крымінальны пераслед і пазбавіліся аўтамабіля – ён быў прызнаны прыладай злачынства. 

Следчыя папярэджваюць: нават знойдзеную ў лесе тушку чапаць нельга – трэба паведаміць у інспекцыю па ахове навакольнага асяроддзя або ў міліцыю.

Фота: “Магілёўскія ведамасці”.

Пад Вейнам лось праваліўся ў калодзеж на пустыры

Навіна ад

Лася, што праваліўся ў калодзеж пад аграгарадком Вейна, даставалі ратавальнікі.

Сёння непадалёк ад аграгарадка Вейна лось праваліўся ў калодзеж і не змог выбрацца самастойна. І не дзіва: мяркуючы па памерах калодзежа, з яго не выбраўся б нават звычайны магілёўскі чыноўнік сярэдняга звяна, які налаўчыўся праходзіць паміж струменьчыкамі дажджу і не намакаць.

Жывёле дапамаглі супрацоўнікі МНС. «Магілёўскія ведамасці» паведамляюць, што «сумеснымі намаганнямі яны паднялі лася са збудавання».

Для лася ўсё скончылася шчасліва. Чаго не скажаш пра патэнцыйных ахвяраў гэтага небяспечнага пустыра. Каму належыць «збудаванне» ў раёне Вейна і чаму ямка, у якую вольна правальваецца цэлы лось, не агароджана або не засыпаная? 

Як там наш год добраўпарадкавання, пра які трашчаць на кожным вуглу?

аграгарадок Вейно

Фота: «Магілёўскія ведамасці».

Сумная навіна: лось, якога эвакуявалі з дому ў Бабруйску, загінуў

Навіна ад

Мы ўжо паведамлялі, што ў Бабруйску раніцай 25 мая лось трапіў на тэрыторыю прыватнага дома і стаў прычынай сапраўднай надзвычайнай сітуацыі. Як стала вядома, жывёла загінула.

У нядзелю раніцай у адзін з прыватных дамоў па вуліцы Сялянскай заблукаў малады лось вагой каля 200 кілаграмаў. Жывёла трапіла на тэрыторыю падворка, пераскочыўшы цераз плот, разбіла вакно і апынулася ў доме.

На месца здарэння выехалі супрацоўнікі некалькіх гарадскіх службаў. Была аператыўна сфарміравана спецыяльная камісія, каб вызначыць далейшыя дзеянні.

Паводле пратаколаў, жывёла павінна была быць усыплена дзвюма ін’екцыямі. Аднак спецыялісты паспелі зрабіць толькі адзін укол. Лось моцна параніўся пры спробе ўцячы — а менавіта, калі пераскокваў цераз плот і разбіў шкляное вакно. Жывёла загінула ад страты крыві, паведамляе “Вечерний Бобруйск”.

Інцыдэнт адбіўся і на гаспадарах дома. Па іх словах, дачцэ, якая стала сведкай інцыдэнту, можа спатрэбіцца псіхалагічная падтрымка. Матэрыяльная шкода ацэньваецца ў суму каля 5 000 рублёў. Акрамя таго, уласнікі паведамілі, што маёмасць не была застрахаваная.

Фота: “Вечерний Бобруйск”.

Лось в Бобруйске залез в дом через окно, устроил разгром и лег отдыхать на диван

Навіна ад

В бобруйском микрорайоне “Скрипочка”, расположенном неподалеку от леса, дикий лось пробрался в частный дом, разгромил помещение и спокойно улегся на диван. Животное пришлось эвакуировать с помощью спецтехники.

Житель Бобруйска опубликовал в TikTok видео с места весьма странной спецоперации: из частного дома эвакуировали лося. По словам очевидца, животное проникло внутрь через окно и устроило настоящий погром, сообщает telegraf.news.

На фотографиях видно, что к моменту начала съемки лось уже лежал неподвижно у входа в дом. Позднее его с помощью крана погрузили в автомобиль. Как уточнил автор ролика, прибывшие специалисты усыпили животное для безопасной транспортировки обратно в лес.

усыпили

До приезда спасателей непрошеный гость успел нанести значительный ущерб: разбил всю посуду, метался по комнатам и в итоге устроился на хозяйском диване.

Инцидент вызвал бурную реакцию в комментариях. Кто-то сочувствовал лосю, кто-то интересовался тем, кто теперь возместит ущерб хозяину дома.

Фото: telegraf.news.

У Магілёве на праспекце Міра бачылі спалоханага лася

Навіна ад

Амаль што ў цэнтры горада, каля прадпрыемства “Шагавіта” на праспекце Міра ў Магілёве мінакі сёння раніцай заснялі спалоханага лася. Жывёліна відавочна сама знаходзілася ў шоку ад таго, куды патрапіла, і бегала з боку ў бок, шукаючы бяспечны шлях на волю. Відэаролік з гэтымі прыгодамі лася ў Магілёве выклаў Тэлеграм-канал “Магілёў 24/7” каля восьмай гадзіны раніцы. Якім быў далейшы лёс дзікай жывёлы – пакуль не паведамляецца.

Фота: “Магілёў 24/7”, скрыншот 

500 ласёў, паўтары тысячы казуль гіне кожны год на дарогах Беларусі

Навіна ад

У Беларускім таварыстве паляўнічых і рыбаловаў агучылі колькасць дзікіх жывёл, якія загінулі на дарогах у Беларусі ў мінулым годзе.

Continue reading “500 ласёў, паўтары тысячы казуль гіне кожны год на дарогах Беларусі”

Пачаўся сезон палявання на лася, аленя і лань

Навіна ад

Ад 20 жніўня і да канца верасня на Беларусі дазволена паляваць на адну з самых папулярных дзічын – ласёў, аленяў, лань, паведамляе Дзяржаўная інспекцыя аховы жывёльнага і расліннага свету. Дазволена здабываць дарослых самцоў, у тым ліку трафейнай якасці, а таксама селекцыйных жывёл без уліку полу і ўзросту.

Таксама паведамляецца, што паляванне прымеркавана да пачатку перыяду размнажэння аленевых, калі ў іх пачынаецца гон. Такое паляванне праводзіцца, як правіла, з прынаджваннем самцоў на вабу. Падчас такога палявання ўдзельнічаюць прафесійныя вабільшчыкі, якія пры дапамозе спецыяльнай прылады – вабы – імітуюць роў жывёлы, каб прывабіць яго бліжэй да паляўнічых. Вабіць – значыць клікаць звера яго голасам.

Фота з адкрытых крыніц

Пад Кіраўскам лось напаў на пенсіянераў і леснікоў

Навіна ад

Раніцай 7 чэрвеня лось траўмаваў пенсіянераў у вёсцы Стоўпішча Кіраўскага раёна, напаўшы на гаспадарку, дзе жылі жанчына і мужчына. Пасля гэтага дзікая жывёла кінулася ў лес і напала на леснікоў недалёка да вёскі.

У выніку нападу дзікай жывёлы на тэрыторыю домаўладання, мужчыну 1939 года нараджэння і жанчыну 1948 года нараджэння прыйшлося шпіталізаваць. Пасля абследавання пяцерпелых ў бальніцы высветлілася, што пенсіянеры атрымалі траўмы рознай ступені цяжкасці. Больш за ўсё пацярпела жанчына, якая атрымала чэрапна-мазгавую траўму. 

Пасля прыбыцця ратавальнікаў да месца здарэння, жывёла ўцякла ў лес, дзе таксама напала на леснікоў недалёка ад Стоўпішча. Цяпер дзікая жывёла адлоўлена, высвятляюцца абставіны здарэнняў – паведамляе раённая разета “Кіравец”. 

Фота з адкрытых крыніц і kirovsk.by

У Слаўгарадскім раёне легкавушка збіла лася, пасажыр загінуў

Навіна ад

А чацвёртай гадзіне раніцы пад Слаўгарадам на аўтадарозе Р-43 31-гадовая жыхарка Светлагорска за рулём аўтамабіля Datsun ехала разам з 34-гадовым жыхаром Жлобінскага раёна. На 85-м кіламетры паблізу вёскі Аляксандраўка-2 на праезную частку раптоўна выбег лось. Ад сутыкнення машына апынулася ў кювеце і ўрэзалася ў дрэва.

На месцы аварыі пасажыр машыны, які знаходзіўся на пярэднім пасажырскім сядзенні і не быў прышпілены рамянём бяспекі, загінуў. Жанчына, якія кіравала машынай, шпіталізавана ў бальніцу – паведамлае ўпраўленне ўнутраных спраў Магілёўскага аблвыканкама.

Варта адзначыць, што дарожна-транспартнае здарэнне адбылося ў зоне дзеяння дарожнага знака “Дзікія жывёлы”.

Фота: mogilev.mvd.gov.by

Па Магілёве бегаў лось – перакрывалі трасу, каб яго злавіць

Навіна ад

Дзікую жывёлу пабачылі і сфатаграфавалі карыстальнікі папулярнага гарадскога пабліка “ДПС Могилёв ГАИ”. Для таго, каб паймаць лася, супрацоўнікам ДАІ прыйшлося перакрываць Мінскую шашу ў раёне вуліцы Каліноўскага.