«Зусім дарослай стала», – падзялілася ўражаннямі ад спаткання маці.
Журналістка Дар’я Чульцова праз чатыры з паловай месяцы мае выйсці на волю. За кратамі яна з 15 лістапада 2020 году. Разам з каляжанка Кацярынай Андрэевай (Бухвалавай) была затрыманая ў кватэры на «плошчы Перамен» у Менску, адкуль яны вялі стрым для тэлеканалу «Б****т». У кватэры выламалі дзверы, усярэдзіну забеглі спецназаўцы.
Спачатку Чульцову і Андрэеву асудзілі на 7 дзён адміністрацыйнага арышту за «удзел у несанкцыянаванай акцыі і непадпарадкаванні». Потым абвінавацілі ў арганізацыі і падрыхтоўцы дзеянняў, якія груба парушаюць грамадскі парадак. 18 лютага 2021 году ім прысудзілі па 2 гады пазбаўлення волі ў калоніі агульнага рэжыму.
«Засталося 4 з паловай месяцы і яны будуць самымі цяжкімі»
Днямі з Дар’яй пабачылася на спатканні ў Гомельскай калоніі маці Наталля Церабіленка. На сваёй старонцы ў Фэйсбуку яна напісала, што самаадчуванне і выгляд у дачкі добрыя, шмат чытае. Хоча перачытаць «Майстра і Маргарыту».
«Зусім дарослая стала, – адзначае жанчына. – Засталося 4 з паловай месяцы. І яна і мы разумеем, што яны будуць самымі цяжкімі».
У допісе Наталля Церабіленка напісала, што Дар’я зусім не атрымлівае лістоў. «Усё ідзе ў топку», – адрэагавала яна.
Журналістыку ўпадабала ў старэйшых класах
Дар’я Чульцова нарадзілася ў Шклове. У зняволенні 20 лютага адзначыла 25-годзьдзе.
Журналістыку Дар’я ўпадабала ў старшых класах. Скончыла факультэт журналістыкі Магілёўскага ўніверсітэту імя Куляшова. Працавала ў мясцовым інтэрнэт-выданні «Могилёв. Онлайн». З тэлеканалам «Белсат» пачала супрацоўнічаць у 2019 годзе.
Дзяўчына разумела, што супрацоўніцтва з «Белсатам» стане нагодай для пераследу і рэпрэсіяў. У Магілёве двойчы яе штрафавалі за працу без акрэдытацыі.
У верасні 2020 году перабралася ў сталіцу і там пачала рабіць аператаркай. Пра ейны арышт родным стала вядома з смс-паведамленьня праваабаронцаў.
Зборку беларускіх ліфтаў плануецца распачаць у Таджыкістане. Магілёўскі ліфтавы завод і таджыкскія партнёры маюць план зборкі ліфтаў у спецыяльным цэху, які адкрыўся ў Сагдыйскай вобласці Рэспублікі Таджыкістан.
Афіцыйная цырымонія адкрыцця сумеснай зборачнай вытворчасці ліфтаў адкрытага акцыянернага таварыства “Магілёўліфтмаш” і ТАА “Худжандгандальмаш” адбылася ў горадзе Худжандзе Сагдыйскай вобласці. 15 красавіка ў ёй прыняў удзел Прэзідэнт Рэспублікі Таджыкістан Эмамалі Рахмон, кіраўніцтва таджыкскіх дзяржаўных рэгіянальных органаў краіны. Было адзначана, што адкрыццё зборачнай вытворчасці беларускіх ліфтаў адбылося ў няпросты час, і гэта сведчыць аб зацікаўленасці дзвюх дзяржаў працягваць развіццё ўзаемавыгадных кантактаў.
Агульная плошча новага прадпрыемства, абсталяванне для якога было пастаўлена з Рэспублікі Беларусь, складае 1,8 га. Са стварэннем новага цэха па вытворчасці ліфтаў у Худжандзе 50 мясцовых жыхароў будуць забяспечаны працоўнымі месцамі. Як абяцаюць партнёры, з выкарыстаннем сучаснага абсталявання і тэхналогій будзе ажыццяўляцца вытворчасць грузапад’ёмных пасажырскіх ліфтаў для вышынных будынкаў, вытворчых прадпрыемстваў, а таксама ўстаноў аховы здароўя.
Гэты невялікі крок развіцця вытворчай кааперацыі таджыкскіх і магілёўскіх машынабудаўнікоў дапаможа загрузіць працай як беларускія так і таджыкскія вытворчыя плошчы.
Мемарыяльны комплекс – гэта адносна малады помнік. Да сярэдзіны 1990-х гадоў ён абмяжоўваўся камнем К. Сіманава і абеліскам воінам 172-й стралковай дывізіі. Да 50-годдзя Перамогі ў Вялікай Айчыннай вайне, у 1995 годзе было пачата масштабнае будаўніцтва комплекса, якое завяршылася ў 2003 годзе.
Тады ж ветэранскія арганізацыі, гісторыкі і іншыя актывісты востра ставілі пытанне пра неабходнасць стварэння на Буйніцкім полі пастаяннай музейнай экспазіцыі. Гэтыя ініцыятывы прывялі да прыняцця рашэння адкрыць у 2004 годзе на мемарыяльным комплексе фотаэкспазіцыю, філіял Музея гісторыі Магілёва. Гэтая экспазіцыя працуе сезонна – з красавіка па кастрычнік – і мае вельмі сціплае памяшканне.
Масштабныя праекты пабудовы музейнага комплекса на Буйніцкім полі распрацоўваліся і праходзілі абмеркаванне на самых разнастайных узроўнях на працягу некалькіх апошніх дзесяцігоддзяў.
З ініцыятывай нарэшце ажыццявіць гэтую ідэю, на днях выступіў старшыня Магілёўскага аблвыканкама Анатоль Ісачанка – паведамляе БелТА. Паводле слоў чыноўніка, на працягу 2022 года будзе распрацоўвацца канцэпцыя музея на Буйніцкім полі. 2023 год адведзены пад распрацоўку праектнай дакументацыі.
– Гэта будзе народная будоўля, да якой падключым жыхароў рэгіёна, арганізацыі і прадпрыемствы, выдзелім грашовыя сродкі з абласнога бюджэту. – выказаўся Ісачанка – У экспазіцыі знойдзе адлюстраванне гісторыя нашага краю, гісторыя нашых вёсак, якія пацярпелі ў гады Вялікай Айчыннай вайны. Раскажам гісторыі герояў нашай вобласці: нам ёсць кім і чым ганарыцца.
Мяркуецца, што сваёй формай новаствораны музей будзе нагадваць ордэн Айчыннай вайны, а акрамя музейнага накірунку, ён будзе ажыццяўляць таксама функцыі культурнай пляцоўкі. Назву музею яшчэ не падабралі, мяркуецца прыцягнуць грамадскасць да яе абмеркавання.
На рэлігійнае свята 17 красавіка ў Ніжні храм касцёлу Ducha Świetego прыйшла вялікая грамада ўніятаў. Многія на набажэнства прывялі дзяцей.
На службе пераважалі ўкраінцы, якія вымушана пакінулі радзіму праз поўнамаштабную вайну, распачатаю Расеяй. Уцекачы падоўгу маліліся ўкленчыўшы. Тое ж рабілі і іхныя дзеці.
Па сканчэнні набажэнства ўдзельнікі традыцыйна спявалі «Гімн Украіны». Беларускія ўніяты дапоўнілі хор.
Беларусаў грэка-католікаў на літургіі было няшмат. Некаторыя на службу таксама прывялі дзяцей. Па ўварванні расейцаў ва Ўкраіну на набажэнствах разам з украінскім жоўта-блакітным прапарам выстаўлены і беларускі бел-чырвона-белы сцяг. У малітвах святар украінскай грэка-каталіцкай парафіі Прасвятой Тройцы Андрэй Залеўскі згадвае Беларусь.
Украінцы дапамаглі беларусам 11 сакавіка правесці ў храме набажэнства на беларускай мове. На старонцы парафіі айцец Андрэй адзначыў, што грэка-каталіцкая служба па-беларуску адбылася ўпершыню ў Беластоку.
На днях был подписан указ №142 «О перемещении товаров для личного пользования».
Что меняется?
Документом предусмотрено, что действующие в Беларуси нормы беспошлинного ввоза товаров, пересылаемых в международных почтовых отправлениях и доставляемых перевозчиком физическим лицам, приравнены к нормам, применяемым во всех остальных государствах Евразийского экономического союза.
Как в ЕАЭС?
Решением Совета Евразийской экономической комиссии от 11 марта этого года лимит беспошлинного ввоза товаров для физических лиц был увеличен с 200 евро до 1 тыс. евро для товаров, перевозимых перевозчиком или в почтовых отправлениях. Но эта мера временная и будет действовать до 1 октября 2022 года, пишет БЕЛТА.
Если стоимость посылки превышает установленное ограничение или ее вес составляет более 31 кг, необходимо будет заплатить пошлину в размере 15% от стоимости заказа, но не менее 2 евро за 1 кг.
Какие нормы установлены в Беларуси?
По новому указу в отношении товаров, которые поступили в международных почтовых отправлениях проживающим в Беларуси физическим лицам, будут применяться нормы беспошлинного ввоза ЕАЭС в том случае, если их размер не превысит до 1 октября 2022 года 1 тыс. евро и 31 кг, после 1 октября 2022 года – 200 евро и 31 кг.
До настоящего времени от уплаты пошлины освобождались посылки из-за границы для физлиц стоимостью до 22 евро и весом до 10 кг.
Несчастный случай произошел 17 апреля. Когда спасатели приехали к месту вызова, дачный дом уже полыхал открытым пламенем.
При тушении пожара, на втором этаже дома, обнаружили тела двух супругов – мужчины и женщины 75 и 76 лет.
Огонь уничтожил деревянный сарай, кровлю, перекрытие и имущество в доме, повредил кровлю, перекрытия и имущество бани и блочного сарая. Предварительная причина возгорания – неосторожное обращение с огнем.
18 красавіка – Міжнародны дзень помнікаў і мясцін.
18 красавіка1386 года Вялікі князь смаленскі Святаслаў ўзяў у аблогу горад Амсціслаў.
18 красавіка 1510 года на тэрыторыі Беларусі нарадзіўся Іван Фёдараў (1510-1583), усходнееўрапейскі друкар, пачынальнік друкарскай справы на Украіне і Маскоўскай дзяржаве.
18 красавіка1518 года вялікі князь Жыгімонт Стары ажаніўся з Бонаю Сфорцаю.
18 красавіка 1563 года ліцвіны-беларусы Іван Фёдараў (1510-1583) і Пётр Мсціславец (?-1577) пачалі друкаваць у Маскве першую кнігу «Апостал».
18 красавіка 1814 года нарадзіўся Яўстафій Тышкевіч (1814-1873), беларускі археолаг, гісторык, этнограф і краязнавец. На беларускіх землях вывучаў курганы, гарадзішчы і замчышчы.
18 красавіка 1850 года памерла Ганна Цюндзяві́цкая (Прушынская, 1803-1850), аўтарка папулярных гаспадарчых дапаможнікаў, папулярнай кулінарнай кнігі «Літоўская гаспадыня» (1848), «Гаспадарчы штогоднік».
18 красавіка (1 мая) 1903 года ў в. Пабокавічы (зараз Бабруйскі раён) нарадзіўся Платон Галавач (1903-1937), беларускі пісьменнік, грамадскі дзеяч. Быў рэпрэсаваны.
18 красавіка 1917 года ў Магілёве адбылося “Свята свабоды”: не працавалі дзяржаўныя і прыватныя установы, прадпрыемствы.
18 красавіка 1918 года з Кіева дэлегацыя БНР адправіла радыётэлеграмы ўрадам усіх краін і Савецкай Расіі з пераказам сутнасці падзей, якія адбыліся ў Беларусі, і паведамленні аб тым, што з моманту абвяшчэння дзяржаўнай незалежнасці беларускі народ не прызнае тых пунктаў Брэсцкай дамовы ад 3 сакавіка 1918, якія датычылі тэрытарыяльных інтарэсаў.
18 красавіка 1952 года за адну ноч сталінскія ўлады вывезлі з Заходняй Беларусі 1683 сям’і, якіх абвінавацілі ў “варожай дзейнасьці супраць калгасаў”.
18 красавіка 1956 года ў в. Свенск Слаўгарадскага раёна нарадзіўся Віктар Несцяроўскі, географ, геолаг, доктар геалагічных навук, дырэктар Геалагічнага музея Кіеўскага нацыянальнага ўніверсітэта.
18 красавіка 2015 года на мемарыяльным комплексе “Буйніцкае поле” ў Магілёўскім раёне з’явілася Алея памяці і славы. 70 маладых ліп, якія сімвалізуюць 70 мірных гадоў, размясціліся ўздоўж алеі К. Сіманава, якая ідзе ад капліцы да памятнага каменя-знака з факсіміле вядомага пісьменніка. Таксама тут пасадзілі 3 дубы ў гонар трох армій Другога Беларускага фронту, якія вызвалялі Магілёў.
18 красавіка 2019 года прэзідэнцкім указам №150 “Аб афіцыйных геральдычных сімвалах” зацверджаны герб і флаг Магілёўскага раёна.
18 красавіка1921 года ў Мінску адбылося афіцыйнае адкрыццё Беларускага дзяржаўнага ўніверсітэта.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).
На мінулым тыдні ў Мікалаеве ў выніку абстрэлу гораду касетнымі снарадамі загінулі 5 жыхароў. Больш за два дзясяткі атрымалі раненні рознай ступені цяжкасці.
«Тэрарысты працягваюць абстрэлы мірнага насельніцтва Мікалаева. На гэты раз снарад трапіў у аддзяленне Новай Пошты», – піша інфармацыйны рэсурс «Meta.ua» са спасылкай на старшыню абласной дзяржаўнай адміністрацыі Віталя Кіма.
Мэр гораду Аляксандр Сянкевіч кажа, што «расейцы страляюць касетнымі снарадамі па жылым раёнам». Па ягоным словам адна з ракет выбухнула ля царквы і забіла пажылога чалавека.
«Сімвалічна, што гэта царквы была, як у нас называюць, Маскоўскага патрыярхату», – адзначае ён і засцерагае, што «у горадзе небяспечна знаходзіцца на вуліцы… можаце пацярпець у любы момант».
На наступны дзень расейская артылерыя стрэліла па дзіцячым садку. У ім на той момант знаходзіўся толькі вартаўнік. Ён не пацярпеў, піша інфармацыйны рэсурс Delo.ua.
У выніку абстрэлаў у Мікалаеве пашкоджанае цэнтралізаванае водазабеспячэнне. Без вады горад застаецца з 12 красавіка. Жыхары назапашваюць яе яе з рэк. Ля цыстэрнаў з тэхнічнай вадой утвараюцца вялікія чэргі.
Камунальныя службы занятыя экстранным робяць свідравіны. З Адэсы ў Мікалаеў накіраваныя цыстэрны з вадой, а таксама адпраўленыя бурыльныя брыгады.
За час актыўнай фазы баявых дзеянняў найбольш пацярпелі галіны эканомікі звязаныя з экспартам харчавання і энергетыка, адзначыў у інтэрв’ю выданню «Суспільны Миколаїв» старшыня абласнога аддзялення эканамістаў Ўкраіны Аляксей Мірашнічэнка.
«У нас блакаваныя парты. Ёсць праблема з экспартам нашых зерневых. З іншага боку, энергетыка. Энергетыку хутка і аператыўна адключылі ад ранейшых СНД-шных сувязяў. Яна падключана да еўрапейскай сістэмы. Лепей было б тое зрабіць яшчэ пяць гадоў таму», – патлумачыў ён.
Даўгаўпілс, Латвія
(Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).
61% латышоў гатовыя адмовіцца ад тавару, ці паслугі, даступных у іх краіне, калі не згодныя з пазіцыяй вытворцы, або прадаўца адносна ваенных дзеянняў ва Ўкраіне.
53 % заявілі, што хацелі б ведаць, якую пазыцыю мае вытворца, да таго, як набываць у яго тавар. 23 % мясцовых спажыўцоў ужо сутыкаліся нязгоды з пазіцыяй брэнда і адмаўляліся купляць тавар, ці паслугу, піша партал «Delfi».
Апытанне праводзіла кампанія Norstat на пачатку красавіка 2022 году. У ім удзельнічалі рэспандэнты ад 18 да 74 гадоў.
У Цэнтры беларускай культуры Даўгаўпілсу мясцовыя беларусы паказалі прылады працы вяскоўцаў сваёй гістарычнай радзімы. Удзельнікі выставы «Артэфакты маёй сям’і» казалі, што рэчы прынесеныя на яе дарагія ім рэліквіі, якія не даюць забыць адкуль яны родам.
«Памятую, як мама сядзела ля печы і пад шорганне калаўроту расказвала нам пра сваё дзяцінства», – дзялілася ўспамінамі з парталам LSM.lv адна з удзельніц.
Сынджарэй, Молдова
(Горад пабрацім Асіповічаў. Месціцца за 25 кіламетраў ад гораду Бельцы. Насельніцтва 15 тысяч чалавек).
Мэр Сынджарэя Аркадзь Кавалёў звінаваціў уладальнікаў вінаградных палёў у падпальванні сухой травы. Як перадае Бельцкі незалежны партал «СП». Прымар гораду прыехаў на адзін з пажараў, выклікаў ратавальнікаў і апавядаў, што адбываецца ў рэжыме онлайн.
На ягоную думку прычынай ўзгарання стала нядбайнасць гаспадароў, якія прабіраючы свае вінаграднікі спальвалі скмецьце ад яго. У выніку загарэўся сухастой.
«Не падпальвайце расліннасць. Бачыце, што адбываецца, калі вецер разносіць полымя? – казаў ён з месца падзеі. – Колькі ўжо пажараў у Малдове было гэтай вясной. Па ўсёй краіне гарэла».
У Малдове супрацоўнікі турмаў і зняволеныя сталі донарамі крыві. Нацыянальная адміністрацыя пенітэнцыярных установаў запэўнівае, што працэдура «была выключна добраахвотнай, і ўключала ў сябе абавязковы папярэдні медычны агляд».
Інфармацыйны рэсурс «СП» адзначае, што «донарская акцыя – дапамога медычным установам, што сутыкнуліся з нястачай неабходнай для пералівання крыві».
Паводле выдання болей за 100 асуджаных і 25 супрацоўнікаў двух папраўчых установаў пагадзіліся здаць кроў. «Яны перакананыя, што іхны жэст вырашыць пытанне жыцця і смерці для многіх хворых», – адзначаецца ў публікацыі.
Старшыня партыі БНФ у зняволенні другі раз адзначыў дзень народзінаў. Ён любіць цукеркі, не выносіць беспарадку. У школе не хацеў рабіць заданьні, а ганяў у футбол. Не пагадзіўся прадаваць бацькоўскую сядзібу і штогод засяваў агарод. Цяпер арыштаваную хату прыглядае жонка…
17 красавіка Рыгору Кастусёву споўнілася 65 гадоў. Летась, напярэдадні 64-х угодкаў, супрацоўнікі КДБ забралі яго з дому ў Шклове і адвезлі ў следчы ізалятар. Яму выстаўленае абвінавачванне ў «змове ці іншых дзеяннях, учыненых з мэтаю захопу дзяржаўнай улады», нібыта, рыхтаваў замах на Лукашэнку. Праваабаронцамі прызнаны палітвязнем.
З допісаў палітыка вядома, што следчых дзеянняў з ім не праводзіцца. Тройчы яму працягвалі тэрмін утрымання пад вартай. Днямі родным стала вядома, што ён застанецца ў сьледчым ізалятары да 12 чэрвеня.
У турме ў Кастусёва абвастрыліся праблемы са здароўем: выяўлена анкалагічнае захворванне. Родных запэўніваюць, што хваробу пільнуюць турэмныя лекары. Сам жа ён паведаміў, што ад вялікай колькасці лекаў у яго з’явіліся праблемы з ныркамі. Перахварэў на каранавірус. Просьбы аб змяненні ўмоваў зняволення пакінутыя без задавальнення.
Хто такі Рыгор Кастусёў
Рыгор Кастусёў нарадзіўся ў вёсцы Цяхцін Бялыніцкага раёну, што на Магілёўшчыне. Скончыў Горацкую сельскагаспадарчую акадэмію. Рабіў на Бялыніччыне галоўным інжынерам саўгаса «Друць», дырэктарам саўгаса «Іскра». Быў дырэктарам Шклоўскага раённага аб’яднання жыллёва-камунальнай гаспадаркі. Настаяў, каб на фэсце Беларускай пісьменнасці ў Шклове зʼявіліся беларускамоўныя шыльды назваў вуліц.
Па звальненні працаваў у прыватных камэрцыйных арганізацыях. Ужо быўшы звольненым яго хацелі пасадзіць за марнаванне сродкаў пры падрыхтоўцы фэсту Беларускай пісьменнасці, але доказаў віны не было.
Падчас вучобы ў акадэміі пазнаёміўся з Аляксандрам Лукашэнкам. Дапамагаў яму стаць дэпутатам Вярхоўнага савету БССР. Пазней праз не супадзенне поглядаў на перспектывы развіцця Беларусі дарогі з ім разышліся. Кастусёў стаў сябрам Беларускага народнага фронту. Узначальваў шклоўскую суполку БНФ і Магілёўскую абласную арганізацыю БНФ.
У 2010 годзе балатаваўся ад Партыі БНФ на пасаду прэзідэнта Беларусі. Пасля разгону «Плошчы-2010» быў арыштаваны і ўтрымліваўся ў следчым ізалятары КДБ. У 2017 абраны старшынём Партыі БНФ.
12 красавіка 2021 году яго затрымалі. Фігурантамі ў адной з Кастусёвым справы праходзяць Аляксандр Фядута, Юры Зянковіч, Вольга Галубовіч, Дзмітрый Шчыгельскі, Аляксандр Перапечка, Павал Кулажанка, Віталь Макаранка, Ігар Макар. Акрамя Фядуты, Зянковіча і Кастусёва, у няволі трымаюць Вольгу Галубовіч.
«Адчуваю сябе здаецца лепей…»
У адным з апошніх лістоў, падпісаным 29 сакавіка, Рыгор Кастусёў піша, што ад лістападу яго трымаюць у СІЗА №1. Паводле яго ўмовы зняволення ў параўнанні з СІЗА КДБ тут лепей: «койка ў яго з добрым матрацам».
У лютым, паведамляе ён родным, яго абследавалі. З высноваў даведаўся, што рабіць аперацыю яму не будуць, бо «пухліна занадта вялікая і могуць быць кепскія наступствы». Параілі лячэнне. Раз на месяц робяць уколы. Першы быў у лютым, а другі 25 сакавіка. Медыкаменты прыносіць дачка Кацярына. Паводле палітыка лекі задарагія.
Таксама паведамляе, што ў яго «раскрышыўся зуб» і цяпер чакае стаматолага з волі, бо ў турме свайго няма.
Тым не менш, піша Кастусёў, адчувае сябе «здаецца лепей» і няма як раней штодзённых боляў.
У допісе адзначае, што 8 месяцаў «проста сядзіць і штосьці даводзіцца чакаць, бо расследаваць няма чаго». Шкадуе, што марнуецца час. Спадзяецца, што хутка пабачыцца з роднымі. Просіць іх пераказваць вітанні знаёмым, сябрам, а таксама ўсіх хто пытаецца пра яго.
Які мае характар
У Рыгора Кастусёва трое дарослых дзяцей. Сын і старэйшая дачка Галіна з сям’ёй вымушана зʼехалі з Беларусі. Галіна расказвае пра бацьку.
Тата прынцыповы чалавек, кажа яна. Адзін з ягоных галоўных прынцыпаў: ніколі нідзе не красці, не браць хабару.
«Часта нам казаў: затое сумленне чыстае і сплю спакойна», адзначае суразмоўніца і дадае: «як паказала жыццё не ўсе жывуць сумленна».
У чым прызнаўся ўнукам
У школе вучыўся добра, хаця, як прызнаўся ўнукам, не рабіў хатнія заданні, – апавядае Галіна.
«Любіў паганяць у футбол» – кажа пра бацькавы шчыраванні яна.
Што любіць
Любіць Беларусь і сваю малую радзіму – вёску Цяхцін, кажа Галіна і дадае, што непадалёк ад Цяхцінна фальварак Крынкі – родныя мясціны мастака Бялыніцкага-Бірулі.
«Усё наша дзяцінства я, сястра і брат летавалі ў бабулі і дзядулі. Узімку таксама бывалі, але радзей», – згадвае Галіна.
Па іх смерці ў хаце гаспадараць маці і бацька, – працягвае яна.
«Яны не хочуць кідаць роднага кута. Штогод засаджваюць агарод. У такую пару абодва ўжо ў Цехціне. Як дазвалялі справы збіраліся разам, каб адзначыць бацькаў дзень народзінаў». Цяпер хата лічыцца арыштаванай па справе фігурантам якой зʼяўляецца бацька.
Пра хату
Бацька не пагадзіўся прадаць хату, калі былі пакупнікі, працягвае яна. Раней пры хаце было багата зямлі і даводзілася нямала папрацаваць, каб яе ўрабіць. А пасля такога занятку садзіліся за стол, каб смачна пад’есьці.
Гатавалі ў печы: бліны з мачанкай, яечня са скваркамі, бабка, або запечаная бульба. Цяпер бацьку ды і мне таксама пра гэта даводзіцца толькі мараць, заўважае дачка палітыка.
Чым любіць ласавацца
«Сярод дня мама пякла блінцы, ці дранікі», – апавядае далей Галіна.
«Тата зʼядаў вялікую іх колькасць, – згадвае яна. – а як садзіўся за кампʼютар балаваў сябе нечым салодкім. Мог зʼесці паўкіло цукерак, ці невялікі слоік мёду».
Чаго не любіць
«Вельмі не любіць калі ў двары не прыбрана і рэчы ляжаць не на сваіх месцах», – падсумоўвае Галіна.
17 красавіка – Вялікдзень па календары каталіцкай канфесіі.
17 красавіка – у праваслаўных Вербная нядзеля, Уваход Гасподні ў Іерусалім, Вербіца, Вярбіч, Вярба. Асноўнай абрадавай падзеяй гэтага святочнага дня стала наведванне царквы з мэтай асвяціць галінкі вярбы, якім прыпісваюцца шматлікія магічна-аздараўленчыя ўласцівасці. Звычай асвячаць галінкі дрэва вядомы са старажытных часоў у многіх народаў свету. Пасля асвячэння галінкі будуць захоўвацца ў жытле на працягу года.
17 красавіка – Сусветны дзень гемафіліі.
17 (27) красавіка 1655 года рускі гарнізон ў Магілёве, які знаходзіўся ў аблозе войск ВКЛ, прасіў дапамогі казакаў. Запарожскі гетман Іван Залатарэнка не змог прабіцца да Магілёва па глыбокім снезе, таму накіраваў па Дняпру Нежынскі і Стародубскі палкі Васіля Залатарэнкі і Анікеева.
17 красавіка 1924 года аб’ядналіся кінастудыі Metro Pictures, Goldwyn Pictures і кампанія Меера з ўтварэннем Metro-Goldwyn-Mayer. Заснавальнік студыі, кінапрэміі “Оскар”, сузаснавальнік амерыканскай Акадэміі кінематаграфіі Луис Барт Маер (1884-1957) нарадзіўся ў Менску.
17 красавіка 1925 года нарадзіўся Мікалай Падшываленка (1925-2015), заслужаны трэнер БССР, сакратар Магілёвскай абласной федэрацыі футбола, стваральнік ветэранскай арганізацыі Магілёўскага УУС, кіраўнік праекту стварэння помніка байцам батальёна міліцыі капітана К. Уладзімірава ў в. Гаі Магілёўскага раёна.
17 красавіка1932 года рашэньнем Савета Народных Камісараў БССР заснаваны Цэнтральны батанічны сад ў Менску.
17 красавіка 1963 года памёр ураджэнец п. Глуша Бабруйскага раёна Сцяпан Шутаў (1902-1963), танкіст, камбрыг, палкоўнік, двойчы Герой Савецкага Саюзу.
17 красавіка1986 года прынята пастанова ЦК КПСС “Аб асноўных накірунках паскарэння рашэння жыллёвых праблем у краіне”, адпаведна з якім кожная сям’я павінна мець асобную кватэру або дом да 2000 года.
17 красавіка2022 года ў магілёўскім парку “Падміколе” з 11 да 16 гадзін праводзіцца выстава-ярмарка “Вербны кірмаш”.
17 красавіка 1957 года ў в. Цяхцін Бялыніцкага раёна нарадзіўся Рыгор Кастусёў, палітычны і грамадзкі дзеяч, старшыня Магілёўскай абласной Кааліцыі дэмакратычных сілаў, старшыня Партыі БНФ.
