Category: Навіны

Дзень у гісторыі. Гадавіна бітвы пры Грунвальдзе. Нарадзіўся паэт Ўладзімір Дубоўка, стваральнік літараў «дж» і «дз». Адноўлены Беларускі камітэт у Варшаве

Навіна ад

15 ліпеня 1410 года адбылася бітва пры Грунвальдзе.

Войскі Польскага Каралеўства і ВКЛ перамаглі войска Дзяржавы Тэўтонскага ордэна.

Палітычнае значэнне бітвы: спынена нямецкая экспансія на балтыйскія і ўсходнеславянскія землі.

Вялікае Княства Літоўскае атрымала выхад на балтыйскія гандлёвыя шляхі і ў Еўропу.

У гонар бітвы названы вуліцы ў Брэсце, Гарадку, Гродне, Полацку, Магілёве.

У гонар гадавіны бітвы ў Дудутках 23-24 ліпеня 2022 года пройдзе маштабны беларускі фестываль ваенна-гістарычнай рэканструкцыі «Наш Грунвальд».

15 ліпеня 1901 года нарадзіўся Уладзімір Дубоўка.

Паэт, празаік, перакладчык, крытык.

Паэт незалежніцкай арыентацыі, член кіраўніцтва літаратурнае аб’яднанняў «Маладняк», «Узвышша». Ініцыятар стварэння адмысловых літар для перадачы на пісьме ўнікальных гукаў беларускай мовы: «дж», «дз».

У 1926 годзе напісаў палітычны верш «За ўсе краі, за ўсе народы свету…», які быў надрукаваны ананімна ў часопісе «Беларуская культура». Савецкія спецслужбы выявілі аўтара верш і ён быў выкарыстаны для абвінавачвання паэта ва ўдзеле ў неіснуючым «Саюзе вызвалення Беларусі».

Быў арыштаваны ў 1930 года. Тройчы яго судзілі з абвінаваўчым прысудам. Па рэабілітацыі з 1958 году жыў у Маскве.

15 ліпеня 1925 года адноўленая дзейнасць Беларускага камітэту ў Варшаве.

Грамадска-палітычная арганізацыя, створаная ў верасні 1919 года пад старшынствам ураджэнца Мсціслаўшчыны Лявона Дубейкаўскага для «культурна-асветнай працы і дабрачыннасці на карысць беларусаў, якія жылі ў Польшчы.

Адноўлены камітэт узначалілі Лявон Більдзюкевіч і Янка Пачопка.

15 ліпеня 1938 года ў Гомелі адкрыўся Дзяржаўны тэатр лялек Беларусі.

У 1950 годзе пераехаў у Мінск.

Заслужаны калектыў Беларусь. Тэатр вядомы па гастролях гледачам у Балгарыі, Бельгіі, Германіі, Латвіі, Літве, Нідэрландах, Польшчы, Расіі, Сербіі, Славеніі, Францыі, Харватыі, Чарнагорыі, Эстоніі.

 

15 ліпеня 1949 года нарадзіўся Леанід Лісоўскі.

Географ, краязнавец, байкапісец.

Выхаванец геаграфічнага факультэту Магілёўскага педагагічнага інстытуту. Дацэнт Мазырскага педагагічнага ўніверсітэту. Даследчык прыроды Палесся, яго экалагічных праблем. Аўтар больш за 250 навуковых прац. Аўтар баек для часопісу «Вожык».

У публікацыі выкарыстаныя звесткі з рэсурсу «Вікіпедыі» і іншых адкрытых у інтэрнэце звестак

 

Загінулая ў Вінніцы ад расійскага нападу дзяўчынка здымалася ў відэа разам з жонкай прэзідэнта Ўкраіны

Навіна ад

4-гадовая Ліза, якая загінула пад час расійскай атакі на Вінніцу 14 ліпеня здымалася ў відэароліку з жонкай прэзідэнта Ўкраіны – Аленай Зяленскай.

Пра тое ў Інстаграме напісала Olena Zelenska na Instagramie: „Сьогодні з жахом ми побачили фото перекинутого дитячого візочка з Вінниці. А потім, читаючи новини, я усвідомила, що знаю цю дівчинку.…” сама першая лэдзі краіны. Яна адзначыла, што праглядаючы навіны «успомніла гэту дзяўчынку і ведаю яе».

«Ведала», – паправіла сябе Алена Зяленская.

«Мы пазнаёміліся з гэтай цудоўнай дзяўчынкай пад час запісу відэа да калядных святаў. Светлае, шчырае, радаснае дзіця, якая вырасла ў любові. Маленькая гарэза, якая так уцягнулася ў маляванне, што за паўгадзіны фарбамі размалявала фарбамі не толькі сябе, сваю святочную суконку, але і ўсіх іншых дзяцей, мяне, аператараў і рэжысёраў…Падзівіцеся на яе жыву, калі ласка. Плачу разам з яе блізкімі», – эмацыйна напісала Алена Зяленская.

За паўтары гадзіны да нападу на горад маці вяла Лізу на развіццёвыя заняткі. Маці здымала паход на відэа, якое шырока разышлося ў інтэрнэце. Ліза загінула, а маці ў цяжкі стане знаходзіцца ў больніцы.

Цяпер да месца трагедыі жыхары Вінніцы нясуць кветкі. Фотаздымкі з тым апублікавала Дзяржаўная служба надзвычайных сітуацыях. 

У паведамленні ведамства адзначае, што Ліза стала праменьчыкам сонца.

«Вінніца ў гэтыя хвіліны. Маленькая дзяўчынка Ліза, якую забілі сёння расіяне, стала праменьчыкам сонца. Прабач нас, драбка, што не збераглі», – гаворыцца ў паведамленні.

У выніку ракетнага нападу на цэнтр гораду вядома пра смерць 23 чалавек. Сярод іх трое дзяцей. Дзясяткі параненых.

У Магілёве лютая пробка на “фацінскім” мосце – фота

Навіна ад

У выніку авары амаль цалкамі заблакаванымі аказаліся абедзве паласы, што вядуць з боку вуліцы Каралёва ў бок вуліцы Дзімітрава. Пробка заблакавала праезд для соцень аўтамашын, іх сярэдняя хуткасць складае 10-20 км/г.

Аварыя адбылася з удзелам аўтамашын “Audi” і “Opel”, прычым першую ад сутыкнення цалкам развярнула ў паласе.

Фота: тэлеграм каналы і магілёўскія паблікі 

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

_______________________________________________________________

Юры Ганцарэвіч

Журналісту Intex-press прысудзілі 2,5 года за «садзейнічанне экстрэмісцкай дзейнасці». Нагодай для выраку стала фатаграфаванне ім расійскай тэхнікі і дасыланне фота ў незалежныя медыі.

Сваю віну журналіст у судзе прызнаў цалкам. Свой учынак патлумачыў тым, што «хацеў паказаць, што ў бок Украіны лятаюць не беларускія самалёты, а расійскія; хацеў даказаць, што Беларусь не ўдзельнічае ў ваенных дзеяннях».

_______________________________________________________________

Тамара Падымака, Марына Кіявец, Алена Пуцыковіч, Андрэй Беленькі

У Янаве на Брэстчыне сілавікі затрымалі прынамсі чатырох чалавек: Тамару Падымаку, Марына Кіявец і Алену Пуцыковіч, якая адбывае «хатнюю хімію» за два рэпосты з інфармацыяй пра міліцыянтаў. Зняволены таксама былы намеснік начальніка Іванаўскага РАУС Андрэй Беленькі.

Праўладныя тэлеграм-каналы паведамляюць, што ў горадзе праходзіць «шэраг кропкавых затрыманняў удзельнікаў »плана Перамога« ад польскіх спецслужбаў, актывістаў пратэстных акцый 2020 года і аматараў пісаць гадасці ў Інтэрнэце».

_______________________________________________________________

Ігар Леднік

Палітвязню зрабілі аперацыю ў жодзінскім СІЗА на страўнікава-кішачным тракце.

Сябар партыі БСДП з Барысава ідзе на папраўку і самастойна ходзіць.

Неўзабаве ягоную справу павінны перадаць у суд. Ледніка вінавацяць у «паклёпе на Лукашэнку».

_______________________________________________________________

Ігар Рубеж, Максім Жалязноў

62-гадовы Ігар Рубеж і 19-гадовы Максім Жалязноў памілаваныя.

Двое палітвязняў адбывалі пакаранне ў папраўчай установе адкрытага тыпу № 7.

Абодва былі асуджаныя за «абразу прадстаўніка ўлады» да 2,5 і 1,5 гадоў «хіміі» адпаведна.

Апублікавана апошняе відэа загінулага ў выніку расійскай атакі на Вінніцу дзіця і цяжкапараненай маці

Навіна ад

За паўтары гадзіны да нападу на горад маці вяла дачку на развіццёвыя заняткі.

Пасля нападу загінула малое. Маці ў цяжкім стане шпіталізаваная. Побач з дзіцячым вазком ляжала частка ейнай канцавіны.

 

На гэты момант вядома, што ад абстрэлу цэнтру гораду загінулі 20 чалавек. Трое з іх дзеці. Дзясяткі людзей параненыя. 15 лічацца зніклымі без звестак.

Вінніца была атакаваная крылатымі ракетамі тыпу «Калібр», якія расейскія вайскоўцы выпусцілі з падводнай лодкі ў акваторыі Чорнага мора. Пра гэта паведаміў прадстаўнік камандавання Паветраных сіл Украіны Юрый Ігнат.

Па ягоных словах, было знішчылі дзве ракеты.

Магілёўскі суд разбірацца, ці прызнаваць «Магілёўсаюздрук» банкрутам

Навіна ад

Эканамічны суд Магілёўскай вобласці пачаў разгляд пазову акцыянернага таварыства «Магілёўсаюздрук» аб прызнанні яго банкрутам.

Пра тое, што рэгіянальны манапаліст продажу газетаў і іншай прадукцыі мае фінансавыя праблемы стала вядома, калі ў Магілёве на кіёсках пачалі з’яўляцца надпісы, што яны прадаюцца. Падобнае назіралася ў Бабруйску і Горках.

«Цяпер ААТ «Магілёўсаюздрук» мае фінансавыя цяжкасці. Для таго, каб мінімізаваць затраты, мы вымушаныя пайсці шляхам закрыцця нашых гандлёвых аб’ектаў у шэрагу райцэнтраў» – тлумачыла сітуацыю кіраўніцтва прадпрыемства.

У суд «Магілёўсаюздрук» звярнуўся 16 чэрвеня. Заяву ўзялі ў вытворчасць і прызначылі пераходны перыяд. Да 16 жніўня антыкрызісны кіраўнік мае прааналізаваць бягучы фінансава-гаспадарчы стан арганізацыі і вынесці рашэнне наконт яго далейшага лёсу. У выпадку ўзбуджэння конкурснай вытворчасці работа «Магілёўсаюдруку» можа быць прадоўжана.

Як высветлілася праблемы «Магілёўсаюздруку» з’явіліся некалькі гадоў таму праз нястачу грашовых сродкаў. Фінансаў не хапала, каб разлічыцца з насельніцтвам за прададзеную прадукцыю. З ім спынілі супрацоўніцтва дзяржаўныя прадпрыемствы. Сярод іх было Бабруйскае тралейбуснае ўпраўленне, якое прадавала праз кіёскі «Белсаюздруку» талоны на праезд.

У вытворчасці знаходзіцца 289 справаў аб прымусовым спагнанні з акцыянернага таварыства сродкаў на суму пяць мільёнаў рублёў.

У студзені 2017 года суд былога дырэктара «Магілёўсаюздруку» пакараў на дзесяць гадоў пазбаўлення волі з канфіскацыяй маёмасці за крадзеж у тым ліку грашовых сродкаў кіраванай ім арганізацыі. Было ўстаноўлена, што фігурант справы з лютага 2014 па сакавік 2015 года неаднаразова забіраў выручку з касы прадпрыемства.

 

«Беларусбанк» малюе муралы. Адзін з іх з’явіўся ў Бабруйску

Навіна ад

У Бабруйску манументальную мастацкую карціну назвалі «Адраджэнне».

Яе намалявалі ў межах праекту «Беларусбанка» – «Традыцыі дзеля будучыні». Ён задуманы да стогадовага юбілею фінансавай установы, як іміджавая кампанія.

Праект прадугледжвае стварэнне манументальных мастацкіх твораў у дзесяці гарадах Беларусі. Муралы акрамя Бабруйску ўжо зʼявілася ў Пінску, Мазыры і Полацку.

citydog.io

У кожным горадзе аўтары ў муралах ствараюць сучасныя сюжэты, якія натхняюць беларусаў рухацца наперад, абапіраючыся на багаты культурны бэкграўнд краіны.

У Бабруйску над муралам працавалі трое мастакоў. Ганна Дзюкава з Мінску стварыла эскіз, а перанёс яго на будынак пінскі мураліст Яўген Сасюра з калегам з Бабруйска Леанідам Ніфёдавым.

Агульная плошча іх бабруйскага твору – 400 квадратных метраў. Яго стварэнне было зрасходавана 300 кілаграмаў фарбы.

 

 

 

67 пацярпелых. Кіраўніка фірмы рытуальных паслуг вінавацяць у прысабечванні сродкаў заказчыкаў

Навіна ад

Крымінальную справу супраць дырэктара бабруйскай фірмы рытуальных паслугаў разглядае суд Кіраўскага раёну.

Яму выстаўленыя абвінавачванні ў невыкананні абавязкаў і завалоданні грашыма заказчыкаў.

Паводле газеты «Вечерний Бобруйск» пацярпелымі прызнаныя 67 чалавек.

Справу плануюць разгледзець на працягу 2 месяцаў.

 

Ва ўкраінскай Вінніцы ў выніку ракеткай атакі загінулі дзеці. Увага, жахлівыя фотаздымкі

Навіна ад

Вінніцу расійскія войскі атакавалі ракетамі раніцай. Вядома пра 23 загінулых, сярод іх трое дзяцей. Па дапамогу звярнуліся 115 чалавек. Шпіталізавана 64 з іх 2 дзяцей. 34 знаходзяцца ў цяжкім стане, 5 — у цяжкім. Працягваюцца пошукі 42 чалавек, з якімі няма сувязі.

Пашкоджана больш за 50 будынкаў рознага прызначэння і больш за 40 аўтамабіляў.

Абноўленыя дадзеныя падае інфармацыйнае агенцтва “УНІАН”

Камандаванне Ваенна-паветраных сіл Украіны паведаміла, што расійскія войскі атакавалі цэнтр гораду крылатымі ракетамі, запусціўшы іх з падводнай лодкі ў акваторыі Чорнага мора.

Выдання піша, што напад на Вінніцу быў нанесены падчас канферэнцыі ў Гааге, прысвечаный злачынствам Расіі ва Ўкраіне.

 

Ратавальнікі апублікавалі жахлівыя фота. На іх дзіцячы вазок, у якім загінула дзіця, а побач ляжыць адарваная канцавіна маці.

Ракеты патрапілі ў будынак з офіснымі памяшканнямі. Ад удараў пацярпелі таксама Дом афіцэраў і размешчаныя непадалёк жылыя дамы.

Ракеты пацелілі ў паркоўку каля дзевяціпавярховага Дома побыту “Юбілейны”. Вядома аб дзясятках згарэлых аўтамабіляў.

Ваенны эксперт Лебядок затрыманы. З’явілася «пакаяннае» відэа

Навіна ад

Пацвердзілася інфармацыя пра затрыманне ваеннага эксперта Ягора Лебядка. Пра імавернае яго зняволенне гэта стала вядома 13 ліпеня. 14-га ж з тэлеграм-каналаў апублікаваў «пакаяннае» відэа з аналітыкам.

На ім Ягор Лебядок, усміхаючыся, расказвае, што зʼяўляецца ваенна-палітычным аглядальнікам, вядзе свой канал аб ваеннай бяспецы і дае інтэрвʼю «каналам, прызнанымі ў нас экстрэмісцкімі на тэму вайны ва Украіне і па іншых пытаннях».

Лебядок расказвае, што ў жніўні 2020-га года наведваў «недазволеныя заканадаўствам масавыя мерапрыемствы», «размясціў у сябе на старонцы ў Facebook плакат фашысцкай Германіі».

«Цяпер затрыманы супрацоўнікамі міліцыі», – зноў жа, усміхаючыся, кажа Лебядок.

Апублікавана ў раздзеле: Навіны