Tag: кватэры

У Магілёве сілавікі апячаталі пустую кватэру палітэмігранткі

Навіна ад

Пасля серыі ператрусаў, якія прайшлі ў розных рэгіёнах Беларусі, у адным з дамоў Магілёва супрацоўнікі сілавых структур апячаталі кватэру палітычнай эмігранткі.

Паводле інфармацыі крыніцы Mayday, жылое памяшканне доўгі час пустуе, бо гаспадыня пакінула Беларусь некалькі гадоў таму. Аднак гэта не перашкодзіла правядзенню ператрусу. Пасля завяршэння працэсуальных дзеянняў на дзверы кватэры з’явіліся пломбы.

Тое, што адбылося, не засталося незаўважаным для суседзяў. Жыхары дома распавялі, што бачылі супрацоўнікаў сілавых структур і сталі сведкамі таго, як пасля ператрусу доступ у кватэру быў абмежаваны.

Паводле звестак праваабарончых арганізацый, ператрусы прайшлі раней у больш чым трох дзясяткаў адрасоў у розных гарадах краіны. Частка следчых дзеянняў звязваюць з удзелам беларусаў у мерапрыемствах, прысвечаных Дню Волі, якія сёлета праходзілі за межамі Беларусі – у прыватнасці, у Польшчы і Літве.

Праваабаронцы адзначаюць, што практыка правядзення ператрусаў у дачыненні да ўдзельнікаў замежных грамадскіх і культурных мерапрыемстваў захоўваецца ўжо не першы год і закранае як саміх актывістаў, так і іх сваякоў або маёмасць, якая засталася ў краіне.

Фотаздымак з адкрытых крыніц

У Магілёве актыўна расце кошт кватэр

Навіна ад

За тыдзень, з 18 да 25 траўня 2026 года, сярэдні кошт у аб’явах аб продажы кватэр у Магілёве вырас на 2% і склаў 1147 долараў за м2.

Паводле Realt, за апошні месяц кватэры ў абласным цэнтры дадалі ў кошце 1%, за год – на 19,7%. Пры гэтым за прайшоўшы тыдзень пры росце сярэдняга кошту кватэр іх колькасць у продажы зменшылася на 1,6%. 

На 1,1% знізілася сярэдняя цана 1-пакаёвых кватэр, якія на дадзены момант прадаюцца ў сярэднім па 1226 долараў за м2. Сярэдняя цана на 2-пакаёвыя кватэры ў Магілёве складае 1186 долараў на м2 (+1,8% за тыдзень). За 3-пакаёвыя кватэры ў абласным цэнтры просяць у сярэднім 1079 долараў за м2, што на 0,3% больш, чым тыднем раней.

Нідзе з абласных центраў не было такога імклівага росту сярэдняга кошту кватэр, як у Магілёве. Так, у Брэсце гэты паказчык на ўзроўні 0,4% (1300 долараў за м2), у Гомелі – 0,5% (1092 долараў за м2), у Гродне – 0,6% (1186 долараў за м2). А ў Віцебску сярэдні кошт кватэр на продаж увогуле знізіўся на 0,1% (1029 долараў за м2).

Па даным паказчыку Магілёў не надта адстае ад Мінску, дзе ён склаў 2,1%, а ўласна сярэдні кошт прапануемай для пакупкі кватэры дасягнуў 2438 долараў за м2.

У Беларусі радзей за ўсё куплялі кватэры ў Магілёве

Навіна ад

За першы квартал 2026 года найбольшую колькасць кватэр набылі ў Гродне (810 здзелак), а менш, чым у іншых гарадах – у Магілёве (316 здзелак).

Пры гэтым у Магілёве, як і ў іншых абласных цэнтрах, колькасць здзелак у адносінах да IV квартала 2025 года скарацілася. Толькі ў Гродне гэтая колькасць павялічылася на 15%, паведамляе прэс-служба Нацыянальнага кадастравага агенцтва.

Сярэдняя цана здзелак па выніках І квартала 2026 года да IV квартала 2025 года павялічылася ва ўсіх абласных цэнтрах: ад 50 долараў ЗША за 1 кв. м у Брэсце і Магілёве да 90 долараў ЗША за 1 кв. м у Гродне. 

Пакупнікі ў Магілёве часцей цікавяцца адна- і двухпакаёвымі кватэрамі.

Фотаздымак з адкрытых крыніц

Магіляўчанка падманула дзевяць чалавек, нібы здаючы кватэры

Навіна ад

Дзевяць жыхароў Мінска і Гомеля сталі ахвярамі махлярства: жыхарка Магілёва падманвала людзей, прапаноўваючы ім нібыта ў арэнду кватэры ў розных гарадах Беларусі.

Паводле інфармацыі праваахоўнікаў, 32-гадовая жанчына знаходзіла ў тэматычных супольнасцях сацыяльных сетак аб’явы людзей, якія шукалі жыллё для здыму. Яна звязвалася з імі і прапаноўвала «выгадныя» варыянты кароткатэрміновай арэнды.

Каб стварыць уражанне надзейнасці, магіляўчанка высылала патэнцыйным кліентам фатаграфію свайго пашпарта і здымкі нібыта кватэр, якія здаваліся. Умоваю браніравання быў задатак.

Пасля таго як грошы паступалі на рахунак, жанчына спыняла зносіны і не адказвала на званкі і паведамленні.

Супрацоўнікі аддзела па супрацьдзеянні кіберзлачыннасці Кастрычніцкага РАУС Магілёва выявілі і спынілі гэтую схему. У дачыненні да жанчыны ўзбуджана крымінальная справа. Ёй пагражае да трох гадоў пазбаўлення волі.

Фотаздымак з адкрытых крыніц

Жыллё ў Магілёве на другім месцы па цане сярод абласных цэнтраў

Навіна ад

Магілёўскі квадратны метр жылля – адзін з найбольш дарагіх сярод абласных гарадоў Беларусі.

Нацыянальнае кадастравае агенцтва прывяло статыстыку па здзелках з нерухомасцю за трэці квартал па абласных гарадах. Згодна яму, у абласных цэнтрах здзейснена 2,9 тысяч здзелак, што супастаўна з папярэднім кварталам бягучага года. Найбольшую колькасць кватэр набылі ў Гародні (758 здзелак), а менш, чым у іншых гарадах – у Магілёве (435 здзелак).

Адзначаецца запаволенне актыўнасці ў верасні ва ўсіх абласных цэнтрах, пры гэтым у Берасці, Гомелі і Магілёве верасень стаў самым малаактыўным месяцам пасля студзеня. У Гародні найбольшая доля здзелак на першасным рынку.

Пры гэтым у Берасці цікавасць пакупнікоў паступова зрушылася да двухпакаёвых кватэр. У Віцебску прыкметна павялічылася доля трохпакаёвых кватэр у здзелках. А ў Магілёве процілеглая дынаміка – часцей за ўсё куплялі аднапакаёвыя кватэры.

Сярэдняя цана здзелак па выніках трэцяга квартала адносна другога павялічылася ва ўсіх абласных цэнтрах на 30-50 долараў ЗША за кв. м:

  • у Берасці – 1 090 долараў (+3%),
  • у Магілёве – 930 долараў (+4%),
  • у Гародні – 910 долараў (+6%),
  • у Гомелі – 900 долараў (+3%),
  • у Віцебску – 840 долараў (+6%).

За гэты перыяд самая дарагая кватэра сярод абласных цэнтраў была прададзеная ў Гародні. Трохпакаёвая кватэра ў доме 2018 года пабудовы абышлася пакупніку ў 151,4 тыс. долараў ЗША.

Фотаздымак: mogilev.in