Пажар адбыўся 12 лістапада ў вёсцы Галічы Клімавіцкага раёна. Тады мясцовыя жыхары выратавалі з агня гаспадара дома, пенсіянера 1960 года нараджэння – пісалі Магілёў.медыя. Сёння стала вядома, што ад атручэння прадуктамі гарэння ён памёр у лякарні. Прычына пажару высвятляецца – паведамляе прэс-служба МНС.
Фота: БелТА
Вечарам у 19.00 на аршанскай аўтадарозе каля вёскі Новыя Чамаданы Шклоўскага раёна адбылося сутыкненне грузавіка і мікрааўтобуса. Кіроўца Volvo з паўпрычэпам выскачыў на паласу сустрэчнага руху і сутыкнуўся з Iveco Daily. Абедзьве машыны вынесла ў кювет, дзе Iveco перакуліўся. 21-гадовы кіроўца мікрааўтобуса, жыхар Віцебскай вобласці, загінуў на месцы. Вадзіцель Volvo шпіталізаваны – паведамляе прэс-служба абласнога УУС.
Фота: УУС, скрыншот
Вечарам 12 лістапада трагедыя здарылася ў вёсцы Трысціўка Быхаўскага раёна. На пажары ў прыватным доме загінуў гаспадар, пенсіянер 1939 года нараджэння. Прычыны ўзгарання высвятляюцца – паведамляе прэс-служба МНС.
У вёсцы Галічы Клімавіцкага раёна на пажары прыватнага дома суседзі выратавалі чалавека. Гаспадар дома, пенсіянер 1960 года нараджэння быў дастаўлены ў лякарню з атручваннем прадуктамі гарэння.
Фота ілюстрацыйнае
Трагедыя адбылася вечарам 11 лістапада. Пажар успыхнуў у прыватным доме ў вёсцы Хацетава Чавускага раёна. У ім загінула гаспадыня, пенсіянерка – паведамляе прэс-служба МНС. Прычыны пажару і гібелі ўстанаўліваюцца.
Фота ілюстрацыйнае
Днём 8 лістапада на самаробным вадаёме каля вёскі Сычкава Бабруйскага раёна ў сямі метрах ад берага быў знойдзены труп жанчыны 1978 года нараджэння. Яе цела было ў вадзе ў верхняй вопратцы. Жанчына з’яўлялася жыхаркай вёскі Сычкава і нідзе не працавала. З гэтага ж вадаёма ратавальнікі дасталі таксама труп мужчыны 1968 года нараджэння, што быў сужыцелем жанчыны. Зараз праводзіцца праверка па факту гібелі – паведамляе прэс-служба МНС.
Цела яшчэ аднаго чалавека было выяўлена ў рацэ Ольса ў Клічаве. Вядома, што мужчына 1958 года нараджэння днём 7 літапада пайшоў на рыбалку і не вярнуўся. Яго труп ратавальнікі знайшлі ў вадзе каля берага ракі, у верхняй вопратцы.
Фота: МНС
Позна вечарам 7 лістапада, каля 22.30 здарыўся пажар у кватэры на другім паверсе пяціпавярховіка па Пушкінскім праспекце, 45 у Магілёве. Ратавальнікамі на месцы трагедыі было знойдзена цела жанчыны 1976 года нараджэння, гаспадыні кватэры. З кватэры на трэцім паверсе былі выратаваныя маці і сын, 1965 і 1989 гадоў нараджэння, з атручэннем прадуктамі гарэння. Яны шпіталізаваныя. Яшчэ чатырох чалавек, у тым ліку двух дзяцей эвакуявалі з іншых кватэр дома. Прычына пажару высвятляецца – паведамляе прэс-служба МНС.
Фота ілюстрацыйнае
Вечарам 5 лістапада на будаўнічай пляцоўцы новай школы ў Магілёве загінуў рабочы, мужчына 50 гадовага ўзросту – паведамляе Следчы камітэт. Падчас работ па ўладкаванні маналітных участкаў ён ўпаў з рыгеля першага паверха на жалезабетонную паверхню. Следчыя высветлілі, што ў парушэнне правілаў тэхнікі бяспекі працоўны знаходзіўся на рыгелі без страховачнага рамяня і ў незашпіленай касцы.
Фота: Следчы камітэт
5 лістапада каля 12:20 на 119 км аўтадарогі Буда-Кашалёва – Чачэрск – Краснаполле 62-гадовы жыхар Гомеля, праязджаючы на аўтамабілі Opel небяспечны паварот, не справіўся з кіраваннем і перакуліўся.
Вадзіцель ад атрыманых траўм памёр у бальніцы. 61-гадовай пасажырцы аказана медыцынская дапамога – паведамляе ДАІ.
Фота: ДАІ
Муж і жонка 1953 і 1954 гадоў нараджэння сталі ахвярамі пажару ў вёсцы Красуліна Горацкага раёна – паведамляе прэс-служба МНС. Пажар адбыўся раніцай 29 кастрычніка. Целы двух пенсіянера былі знойдзеныя ў доме. Агонь знішчыў сцены перакрыцця і дах прыватнага драўлянага дома. Прычына пажару высвятляецца.
Фота: МНС
У ведамстве адзначаюць, што пенсіянерка – мясцовая жыхарка – перасякала чыгуначныя пуці па пешаходным пераходзе на забараняльны сігнал святлафора. Нягледзячы на экстранае тармажэнне, якое прымяніў машыніст цягніка, трагедыі пазбегнуць не ўдалося. Жанчына загінула на месцы.
Відавочцы трагедыі расказалі mogilev media, што жанчыну спрабавалі спыніць усе прысутныя на пероне. “Ёй усе крычалі!” – распавялі суразмоўцы выданню. Жанчына – былая загадчыца аптэкі, знаёмая многім жыхарам горада. Відавочцы дапускаюць, што гэта мог быць абдуманы ўчынак.
Фота ілюстрацыйнае
