Ратавальнікі Магілёўшчыны атрымалі для эксплуатацыі і выпрабаванняў тры новыя спецаўтамабілі з кітайскімабсталяваннем, у зборцы якіх удзельнічалі машынабудаўнікі Магілёва. Мяркуецца, што гэтыя машыны будуць лепш прыстасаваны для ліквідацыі гарадскіх пажараў, чым беларуская тэхніка.
Да ведама, навукова-даследчы інстытут пажарнай бяспекі і праблем надзвычайных сітуацый Міністэрства па надзвычайных сітуацыях Рэспублікі Беларусь прымае ўдзел у распрацоўцы пажарнай аварыйна-выратавальнай тэхнікі. Сярод распрацаваных машын – аўтацыстэрны пажарныя АЦ 5, АЦ 10, аўтацыстэрны 11 і 12 тон для тушэння агню “з колаў”, аўталесвіцы, аўтамабілі парашковага тушэння, аўтамабілі аэрадромнага тушэння, каленчатыя пад’ёмнікі, мабільныя пункты кіравання і іншая тэхніка.
Аўтацыстэрна (АЦ 10,0-40 (6317), на загалоўным фота) – самая масавая машына, якая прызначана для дастаўкі да месца пажару баявога разліку, ПТВ, аварыйна-выратавальнай прылады і запасу вогнетушыльных сродкаў. Ёмістасць цыстэрны для вады з нержавеючай сталі або ўзмоцненага кудзелістага шклапластыка 10 000 літраў. У рэальных пажарах у жылым сектары яе магчымасці празмерныя, а пад’ехаць да месца пажару ёй бывае цяжка з-за мноства прыпаркаваных каля дамоў машын.
Аўтацыстэрна АЦ-5,0-50 (5434) прызначана для тушэння пажараў вадой з цыстэрны, адкрытага вадаёма або водаправоднай сеткі, а таксама паветрана-механічнай пенай. Аўтацыстэрна служыць для дастаўкі да месца пажару баявога разліку, пажарнага абсталявання, вады і пенаўтварэння. Выраблена на шасі аўтамабіля “МАЗ 5434” высокай праходнасці. Ёмістасць цыстэрны для вады – 5000 літраў, а бака для пенаўтваральніка – 300 л. Але і гэта машына не настолькі кампактная, каб лёгка і хутка пад’ехаць да месца пажару, што мае часцяком жыццёва важнае значэнне.
Выпускаюць ратавальную спецтэхніку вядучыя беларускія вытворцы: ТАА “Пажснаб”, размешчаным у горадзе Барысаве, і філіял Адкрытага акцыянернага таварыства “Мінскі аўтамабільны завод” “Завод “Магілёўтрансмаш”. Вось і цяпер партнёры з Кітаю гатовы былі даслаць свае машыны, але нашы чыноўнікі настаялі на тым, каб замежнае абсталяванне было ўсталявана на беларускую аўтамабільную базу МАЗаў.
Увогуле, кітайская тэхніка ўсё больш упэўнена прыходзіць на рынкі Беларусі. Гэта адбываецца дзякуючы таму, што іх машыны эканамічныя, танныя, а часам і больш эфектыўныя за беларускія. Раней адзіным плюсам беларускай тэхнікі заставалася яе надзейнасць. Выпрабаванні і павінны найперш адказаць на пытанне, наколькі доўга зможа надзейна працаваць тэхніка з кітайскім абсталяваннем?
Фота ўзяты з адкрытых крыніц і носяць ілюстрацыйны характар
Інфармацыю пра заўчасны сыход з жыцця аднаго з галоўных архітэктараў беларускага рэжыма, міністра замежных спраў Уладзіміра Макея актыўна абмяркоўваюць у сусветных СМІ. Найбольшага рэзанансу гэтая навіна дасягнула, зразумела, у беларускіх і расійскіх інфармацыйных палях, і ў першую чаргу з прычыны закрытасці інфармацыі пра падзею.
Загадкавая смерць
– У газетах звычайна пра такое пішуць “Загадкавая смерць” – разважае расійскі паліттэхнолаг Канстанцін Далгоў у сваім тэлеграм-канале – Зараз скажуць – [адзін чалавек] асабіста задушыў, а па факце мог нейкі тромб адарвацца і ўсё – сушыце памідоры вёсламі.
Адсутнасць афіцыйнай інфармацыі пра прычыну смерці – а пакуль вядома толькі пра сам факт і пра выказванне спачуванняў ад Аляксандра Лукашэнкі і дзяржаўных ведамстваў – спарадзіла шэраг канспіралагічных здагадак сярод журналістаў і палітолагаў.
– Афіцыйны Мінск можа ініцыяваць правядзенне хіміка-таксікалагічных даследаванняў, звярнуцца ў Арганізацыю па забароне хімічнай зброі, якія вядуць сусветныя даследчыя лабараторыі Ізраіля, Вялікабрытаніі, Германіі, Швейцарыі, ЗША, Японіі для ўстанаўлення сапраўдных прычын смерці Уладзіміра Макея. – піша палітолаг Дзмітрый Балкунец – Ці ўжываліся якія-небудзь прэпараты, яды, атрутныя рэчывы ці смяротны зыход наступіў у сілу натуральных чыннікаў?
Сур’ёзныя выданні, аднак, схіляюцца да натуральнай версіі пра сыход палітыка з жыцця.
– Уладзімір Макей быў дома ў Драздах, калі здарыўся інфаркт. – піша адно са старэйшых беларускіх выданняў са спасылкай на свае крыніцы інфармацыі – Наколькі вядома, ён не звярнуўся своечасова да медыкаў, бо не ўспрыняў свой стан усур’ёз.
Галоўны архітэктар шматвектарнасці
Міністр замежных спраў Уладзімір Макей доўгі час лічыўся магчымым пераемнікам Аляксандра Лукашэнкі – нагадвае нямецкі Bild. Макей прымаў актыўны ўдзел у перамовах Беларусі з краінамі Захаду падчас міграцыйнага крызісу 2021 года – адзначае BBC – ён таксама дапамагаў арганізаваць перамовы ўкраінскай і расейскай дэлегацый пасля ўварвання войска РФ ва Украіну 24 лютага.
Расійскі журналіст і заснавальнік “Рэха Масквы” Аляксей Венідзіктаў заўважае ў сваім Тэлеграм-канале, што Макей “шмат дапамагаў, пакуль мог, з вызваленнем палітвязняў.”
“Лічыцца, што Макей быў асноўным каналам зносін Лукашэнкі з Захадам. – дае сваю ацэнку украінскае выданне Unian – Асабліва цесна ён быў звязаны з аўстрыйскімі элітамі разведкі. Таксама Макей часта выконваў далікатныя даручэнні Крамля і лічыўся майстрам інтрыг.”
“Бадай, самым празаходнім і адным з самых уплывовых прадстаўнікоў беларускага істэблішменту. – называе Макея расійскі Politnavigator – Макея лічаць архітэктарам беларускай шматвектарнасці. Менавіта пры ім гэтая палітыка дасягнула свайго апагею, і нават пасля фактычнага банкруцтва гэтай палітыкі ў жніўні 2020 года ён, падкарэктаваўшы рыторыку, застаўся ў руля ў МЗС, забяспечваючы фармальныя і нефармальныя кантакты з Захадам.”
І робіць прагноз на далейшае развіццё падзей:
“Макей памёр. Ці памрэ шматвектарнасць? Канчаткова – ці наўрад. Занадта ўкараніўся ў беларускім істэблішменце прынцып «ласкавае цяля дзвюх матак смокча». Але перамены ў беларускай знешняй палітыцы будуць – супастаўнага з Макеем шматвектарнага хітруна ў абойме Лукашэнкі проста няма.”
«Хвёдаравы вятры галоднымі ваўкамі скуголяць». Звычайна марозы і вятры.
1729 год. У Пінску ордэн езуітаў заснаваў друкарню.
Працавала ў1729-1746 гадах пры езуіцкім калегіуме. Друкаваліся ў асноўным рэлігійная літаратура і дапаможнікі для студэнтаў.
На тэрыторыі ВКЛ езуіты з’явіліся ў Вільні ў 1569 годзе. У 1570 годзе быў закладзены Віленскі езуіцкі калегіум, пераўтвораны ў 1579 годзе ва ўніверсітэт. У 1581 годзе адчыніўся Полацкі, 1584 – Нясвіжскі калегіумы. Да сярэдзіны ХVII стагоддзя ў ВКЛ працавала шырокая сетка навучальных устаноў ордэна. Езуіты амаль поўнасцю засяродзілі ў сваіх руках сярэднюю і вышэйшую адукацыю.
З езуіцкіх школаў выйшаў шэраг знакамітых вучоных, грамадскіх дзеячаў і пісьменнікаў. Дзякуючы ім у Беларусі да 1820 года існавала развітая сістэма еўрапейскай адукацыі – каля 10 вышэйшых гуманітарных школаў, з іх дзве акадэміі і 7 гімназіяў, якая была адхіленая пасля далучэння Беларусі да Расіі.
Беларускі навуковец-аграном, глебазнавец, першы доктар сельскагаспадарчых навук (1866) Расійскай імперыі. Выхаванец і прафесар Горы-Горацкага земляробчага інстытута.
Дэкан фізіка-матэматычнага факультэта Пецярбургскага ўніверсітэта.
Даследчык шырокага кола пытанняў земляробства, у тым ліку распрацоўкі рацыянальных спосабаў вядзення сельскай гаспадаркі, глебазнаўства, чарназёмных глеб, жывёлагадоўлі і перапрацоўцы прадуктаў сельскай гаспадаркі.
Крытычна абагульніў рускі і еўрапейскі вопыт у галіне травасеяння і сістэм земляробства і ўпершыню ў сусветнай практыцы звязаў развіццё сістэм земляробства з сацыяльна-эканамічнымі ўмовамі.
Даў класіфікацыю сістэм земляробства і іх гісторыі.
wikimedia.org
1889 год. У беларускім мястэчку Мір нарадзіўсяЗалман Шазар (Рубашоў).
Яўрэйскі грамадскі дзеяч, пісьменнік, паэт. Трэці прэзідэнт Ізраіля (1963-1973).
Дзверы яго прэзідэнцкай рэзідэнцыі заўсёды былі адчынены ізраільскім навукоўцам, пісьменнікам, дзеячам мастацтва і яўрэйскім інтэлектуалам з усяго свету.
Заснавальнік фонда «Амос» для садзейнічання ізраільскім навукоўцам і дзеячам мастацтва.
Пакінуў багатую літаратурную спадчыну, якая ўключае прозу, пераклады на англійскую, французскую, іспанскую і ідыш, мемуары пра лідараў сіянісцкага руху і дзеячаў яўрэйскай культуры, паэзію, публіцыстыку і навуковыя даследаванні.
Адзін з піянераў біблеістыкі на іўрыце. Зрабіў значны ўклад у вывучэнне гісторыі мовы ідыш.
Беларускі навуковец у галіне фізіялогіі раслін і фотасінтэзу, пісьменнік. Доктар біялагічных навук, прафесар, член-карэспандэнт АН БССР. Заслужаны дзеяч навукі.
Скончыў Горацкі сельскагаспадарчы інстытут (1924), дзе ўзначальваў Беларускую секцыю студэнтаў. Кіраўнік Аршанскага філіяла «Маладняка».
Працаваў у Беларускай сельскагаспадарчай акадэміі, намеснікам дырэктара Інстытута біялогіі, дырэктарам Ігарскай доследнай станцыі Інстытута сельскай гаспадаркі Крайняй Поўначы, Інстытута эксперыментальнай батанікі АН БССР.
Арыштоўваўся НКУС (1933, 1949). Вязень ГУЛАГ, ссыльны ў Сібіры.
Распрацаваў навуковыя асновы палярнага земляробства. Устанавіў розную патрабавальнасць бульбы да вільготнасці глебы ў антагенезе, даследаваў фотасінтэз у бульбе, адток асімілятаў, уплыў іонаў хлору і хлорзмяшчальных калійных угнаенняў на фізіялагічныя працэсы раслін.
Дзеяч рэвалюцыйнага руху ў Заходняй Беларусі, беларускі гісторык. Заслужаны работнік культуры.
У 1920-х гадах першы сакратар ЦК камсамола Беларусі. У 1925-1939 гадах – на падпольнай рабоце ў Заходняй Беларусі. Узначальваў Краявы сакратарыят ЦК Компартыі Заходняй Беларусі.
Падчас Другой сусветнай вайны служыў у Войску Польскім, у 1945-1956 гадах працаваў у апараце Міністэрства грамадскай бяспекі Польшы. З 1956 года працаваў у Мінску, у Інстытуце гісторыі партыі пры ЦК КПБ.
Аўтар шматлікіх публікацый па гісторыі рэвалюцыйнага нацыянальна-вызваленчага руху, Камуністычнай партыі і камсамола.
Беларускі празаік, паэт і перакладчык. Заслужаны работнік культуры БССР.
Рэпрэсаваны НКУС, быў сасланы на Калыму. Удзельнік вайны, інвалід 1 групы. Цяжка хворым заняўся літаратурнай справай.
Перакладаў на беларускую мову казкі народаў Паўночнага Каўказа, пісаў пераважна для дзяцей.
Апавяданні Гарбука займальныя, адкрываюць непаўторны свет дзіцячых уяўленняў, гульняў і забавак.
nashi-lyudi.by
1943 год. Загінуў у ГУЛАГу ураджэнец Бабруйска Мікалай Азбукін.
Першы беларускі прафесійны географ, краязнавец, публіцыст, дзеяч беларускага нацыянальнага руху.
Паходзіў з сям’і патомных дваранаў.
Член камітэта Беларускага культурна-асветнага таварыства ў Бабруйску, дырэктар бабруйскай школы імя Янкі Купалы. Пасля вызвалення з-пад арышту савецкімі ўладамі (1921), працаваў у Навукова-тэрміналягічнай камісіі Наркамасветы БССР, у Інстытуце беларускай культуры, на кафедры геаграфіі Акадэміі навук.
Аўтар і суаўтар прац “Нашы мястэчкі”, “Географія па-заэўрапейскіх краёў”, “Населенные местности Западной Белоруссии”, “Школьная карта Беларусі”, “Паселішчы гарадскога тыпу ў БССР”.
У кнізе «Географія Эўропы» трактаваў Беларусь як самадастатковую краіну. Адзін з арганізатараў краязнаўчага руху, сакратар Цэнтральнага бюро краязнаўства, першы рэдактар часопіса «Наш край».
Імклівае пашырэньне краязнаўчага руху, глыбока патрыятычнага па сутнасці, выклікала занепакоенасьць камуністычных уладаў, і на краязнаўцаў абрынуліся рэпрэсіі.
Арыштаваны 21 ліпеня 1930 году, высланы у Сібір. Зноў асуджаны ў 1937 годзе. Загінуў у 1943 годзе ў лагеры (магчыма расстраляны).
Беларускі бард і літаратар, журналіст, эсэіст, навеліст, заснавальнік фэстаў беларускай аўтарскай песні «Аршанская бітва», Талькаўскі фэст, «Гэта МЫ».
Асноўная тэма песень — Бог, Радзіма, каханне. Першым сярод музыкаў звярнуўся да постаці С.Булак-Балаховіча і падзей Слуцкага збройнага чына. У ягонай творчай скарбонцы – больш за два дзясяткі альбомаў на тэму нацыянальнага адраджэньня і жыцця ў постсавецкіх рэаліях.
У рэпэртуары барда песні на вершы шматлікіх беларускіх паэтаў – ад класікаў да сучасных. Асобнае месца ў творчай біяграфіі барда займаюць песні на вершы Анатоля Сыса і Зьніча (Алега Бембеля), да жыцця і творчасьці якіх Мельнікаў неаднойчы звяртаўся ў сваіх творах.
Дзеяч беларускага нацыянальнага руху, журналіст, выдавец.
Адзін з арганізатараў выдання часопіса «Маладое жыццё», рэдактар часопіса «Самапомач», супрацоўнік газеты «Беларуская крыніца».
Падчас вучобы ў Пражскім універсітэце з’яўляўся сукіраўніком Аб’яднання беларускіх студэнцкіх арганізацый. Дзеяч Беларускай хрысціянскай дэмакратыі. Працаваў у Беларускім інстытуце гаспадаркі і культуры, у Віленскай беларускай настаўніцкай семінарыі.
У Другую Сусветную вайну працаваў у Беларускай народнай самапомачы ў Лідзе.
У 1952 годзе арыштаваны НКУС, у 1953 годзе прыгавораны да вышэйшай меры пакарання, але расстрэл быў заменены 25 гадамі лагераў.
У 1956 вярнуўся ў Вільню.
Склаў біяграфічны слоўнік беларускіх культурных і палітычных дзеячаў.
Беларускі кампазітар. Народны артыст БССР і СССР. Адзін з заснавальнікаў беларускай оперы і сімфоніі ў БССР. Лаўрэат дзяржаўных прэмій СССР і БССР.
Падчас вайны з белапалякамі, паміж баямі пры вызваленні Рагачова, Магілёва, Пухавіч, Бабруйска, у вольныя хвіліны выступаў у перасоўных вайсковых клубах як піяніст і акампаніятар. У 1920-1934 гадах творчасць звязана з Бабруйскам: піша музыку для вайсковага тэатра, працуе піяністам у кінатэатрах, дае канцэрты, стварае музычную школу (1927).
У Бабруйску блізка пазнаёміўся з М. Лыньковым, мясцовымі літаратарамі, прадстаўнікамі інтэлігенцыі.
З 1934 года працаваў ў Мінску, пісаў музыку для Беларускага радыё, выкладаў у музычнай школе, кіраваў Беларускай філармоніяй, узначальваў Саюз кампазітараў БССР. Актыўны абаронца ад руйнавання архітэктурнай спадчыны сталіцы.
Аўтар шэрагу опер, гераічных паэм, 6 сімфоній, сімфанічных паэм, канцэртаў, песень, музыкі да драматычных спектакляў і фільмаў.
Памёр 24 лістапада 1970 году ў Мінску.
Імя дзеяча прысвоена бабруйскім дзіцячай музычнай школе №1, завулку.
Спявак парсійскага паходжання, саліст гурта Queen.
На сцэне вылучаўся сваім экстравагантным выглядам і вакалам у дыяпазоне чатырох актаў.
Напісаў для «Queen» мноства песень, якія сталі хітамі, у тым ліку «Bohemian Rhapsody», «Killer Queen», «Somebody to Love», «Don’t Stop Me Now», «Crazy Little Thing Called Love» і «We Are the Champions».
Акрамя ўдзелу ў «Queen» таксама спяваў сола, стварыўшы такія хіты, як «Barcelona», «I Was Born to Love You» і «Living on My Own».
wikimedia.org
1996 год. У Беларусі праведзены рэферэндум, паводле вынікаў якога зменена Канстытуцыя 15 сакавіка 1994 года.
Праведзены па ініцыятыве А. Лукашэнкі, у выніку якога атрымаў магчымасць абнуліць тэрмін перабывання ва ўладзе. 3 ліпеня стала афіцыйным Днём незалежнасці.
wikimedia.org
2011 год. Прысуджаны да турэмнага зняволення старшыня праваабарончага цэнтра «Вясна»Алесь Бяляцкі.
У рамках пагрому грамадскіх арганізацый у ліпені 2021 года былі абшуканы Цэнтр і памяшканні праваабаронцаў, затрыманыя амаль усе прадстаўнікі «Вясны», якія на той момант былі ў Беларусі, у тым ліку А. Бяляцкі. Арыштаваныя па справах, заведзеных па артыкулах 342 («арганізацыя і падрыхтоўка да масавых беспарадкаў») і 243 («ухіленне ад сплаты падаткаў») Крымінальнага кодэкса, актывісты, былі прызнаны палітычнымі зняволенымі.
У ліпені 2021 года цэнтр быў узнагароджаны прэміяй імя Марыён Дэнхоф, а ўвосень 2022 года лідар праваабарончага цэнтра Алесь Бяляцкі стаў Лаўрэатам Нобелеўскай прэміі міру.
Праваабарончы цэнтр «Вясна» — няўрадавая праваабарончая арганізацыя. Створана ў красавіку 1996 года.
У самым усходнім на Беларусі раённым цэнтры Хоцімску навагоднія мерапрыемствы пачнуцца 9 снежня. Урачыстае запальванне галоўнай гарадской ёлкі адбудзецца на пешаходнай частцы вуліцы Ленінскай, каля раённага Цэнтра культуры – распавяла начальнік ідэалагічнай работы, культуры і па справах моладзі Хоцімскага райвыканкама Аляксандр Цішчанка рэсурсу hotimsk.by.
– У запаленні галоўнай ёлкі прымуць удзел тры розных Дзеда Мароза і Снягуркі, а таксама іх світа. Гараджанам і гасцям будзе прадстаўлена і музычная праграма, падчас якой навагоднія персанажы будуць вадзіць карагоды і фатаграфавацца з дзецьмі.
Сустрэча Новага года ў Хоцімску працягнецца штодзённымі вячэрнімі тэатралізаванымі праграмамі з 17.00 да 19.00. Праграма вячэрніх мерапрыемстваў дастаткова насычаная і стракатая. А колькасць запланаваных навагоднія мерапрыемстваў у раёне – 72.
З 18 па 23 снежня, з 25 па 30 снежня пройдзе кінамарафон навагодніх фільмаў і мультфільмаў пад адкрытым небам “Навагодняя перамотка”. З 21 па 25 снежня будзе арганізавана работа сядзібы Дзеда Мароза “У гасцях у Дзядулі”.
У зале Цэнтра культуры адбудзецца спецпаказ мастацкага фільма “Іронія лёсу ў Галівудзе” з элементамі забаўляльнай праграмы для моладзі раёна. Для дзяцей на галоўнай гарадской сцэне пройдзе гульнявая праграма “Вакол ёлкі”, у раённым Цэнтры культуры – дзіцячы навагодні спектакль “Краіна казак” народнага тэатральнага калектыву “Прамень”, у школах раёна пройдуць выязныя праграмы-віншаванні “Цік-ток”.
30 снежня для жыхароў раёна будуць арганізаваны выязныя віншаванні на дом Дзеда Мароза і Снягуркі “Чароўны час”, а 1 студзеня каля галоўнай ёлкі пройдзе навагодняя танцавальная праграма з элементамі караоке “Танчы і весяліся”.
Новаўвядзеннямі гэтага года стануць: адкрыццё навагодняй гасцінай “У гасцях у казкі” (цэнтральная раённая бібліятэка), у якой казачныя персанажы Снежная каралева, Кай і Герда правядуць віктарыны па казках і мультфільмах, адбудуцца інтэлектуальныя гульні, тэатралізаваны паказ.
На базе гісторыка-краязнаўчага музея адкрыецца “Школа чараўніцтва”, дзе дзяцей чакае праграма ў выглядзе квэста, напоўненая традыцыйнымі беларускімі забавамі, этнаграфічнымі замалёўкамі.
У Доме рамёстваў адкрыецца “Майстэрня Дзеда Мароза”, дзе дзеці навучацца вырабляць навагоднюю атрыбутыку: гірлянды, хлапушкі, цацкі, там таксама пройдуць майстар-класы народных умельцаў, чаяванне ля самавара з традыцыйнымі беларускімі пачастункамі.
Тым часам на прылаўках крам ужо пачалі з’яўляцца ёлачныя ўпрыгожанні, галоўны сімвал наступнага года – трус.
Нагадаем, што жыхары Хоцімска першымі сярод насельнікаў краіны сустракаюць дзень, першымі сустрэнуць і Новы год. Дзень ў Хоцімску пачынаецца на 8¼ хвіліны раней, чым у Магілёве і на 38 хвілін раней, чым ў Брэсце.
Люкі магілёўскай вытворчасці можна сустрэць нават на Неўскім праспекце ў Санкт-Пецярбургу.
З 1932 года прадпрыемства выпускае разнастайную высокатэхналагічную металургічную прадукцыю, пра якую не ведае большасць жыхароў Магілёўшчыны.
Самая запатрабаваная прадукцыя, як сведчаць самі металургі, – сталёвыя трубы розных дыяметраў, гатункаў і формы. Тут вырабляюцца электразварныя прамашоўныя, водагазаправодныя і профільныя трубы самых розных дыяметраў. Трубы замаўляюць усе флагманы беларускага машынабудавання, 90 працэнтаў прадукцыі экспартуецца ў Расію, а раней пастаўлялася і ў Германію.
Ліцейны цэх – найстарэйшае структурнае падраздзяленне завода. Чыгуннае ліццё – другая па аб’ёме вытворчасці група тавараў. Тут адліваюць чыгунныя люкі і вырабляюць шрот (дроб) чыгунны літы і колаты розных фракцый. Стаў найлепшым сярод асноўных цэхаў ён і па выніках працы за 2021 год. Да вайны чыгунны шрот экспартаваўся нават ва Украіну, дзе вырабляецца свая прадукцыя дадзенага тыпу.
З 2016 года арганізавана вытворчасць чарнавой чыгуначнай восі – адносна новая для завода. Працэс тут максімальна аўтаматызаваны: спецыяльнае абсталяванне дзейнічае ў адпаведнасці з праграмай, якую закладваюць аператары пастоў кіравання.
Аб высокай ацэнцы якасці прадукцыі сведчаць вынікі конкурсу “Лепшыя тавары Беларусі” і “Лепшы будаўнічы прадукт”. Пераможцам у намінацыі “Водазабеспячэнне і каналізацыя” быў прызнаны “Дожджапрыёмнік ДМ1(С250)-1-60”. У папярэднія гады ў конкурсе “Лепшы будаўнічы прадукт” адзначаліся запаўняльнік для цяжкіх бетонаў, люк цяжкі палегчаны і люк лёгкі палегчаны.
У цяперашні час завод выпускае: трубы сталёвыя; чыгуначныя восі чарнавыя; дроб тэхнічны; чыгуннае ліццё; тавары народнага спажывання; малыя архітэктурныя формы. Праца ва ўмовах санкцый прымусіла закупляць драўніну на ўнутраным рынку і развіваць на сваіх пляцах вытворчасць сучаснай мэблі, якая мае ў аснове металічны каркас.
Геаграфія паставак прадукцыі дастаткова шырокая. Люкі магілёўскай вытворчасці можна сустрэць нават на Неўскім праспекце ў Санкт-Пецярбургу, а запаўняльнік для цяжкіх бетонаў Магілёўскі металургічны завод пастаўляў на беларускую АЭС і многія іншыя аб’екты. Асноўныя рынкі збыту сёння – гэта Беларусь, Расійская Федэрацыя, Казахстан. У якасці перспектыўных разглядаюцца і рынкі азіяцкіх краін.
Асартымент тавараў народнага спажывання ўключае такую прадукцыю, як лесвіца-драбінка, падстаўка для кветак, урна-попельніца, апора стала і інш. Вялікую цікавасць у спажыўцоў выклікае вытворчасць на замову элементаў уладкавання прыдамавых тэрыторый. Прадпрыемства прымае індывідуальныя замовы на кантэйнеры для збору ТБА, гарадскія скрыні, садовыя лавы і абсталяванне спартыўных пляцовак.
Круглую дату адзначылі на заводзе ўзнагародамі лепшых работнікаў, святочнай імпрэзай і канцэртам.
Ніякія медыцынскія даведкі з “гражданкі” не бяруцца пад увагу, значэнне мае толькі медкамісія ў ваенкамаце.
Сотні мужчын у абласным цэнтры былі выкліканы ў ваенкаматы, дзе атрымалі павесткі ў войска, але з адтэрміноўкай па часе – паведамляюць нашы чытачы.
Тэхналагічна ўсё праводзіцца наступным чынам. Напачатку ваеннаабавязаных выклікаюць для ўдакладнення дадзеных у ваенкамат. Там сапраўды ўдакладняюцца месца пражывання і працы, сямейнае становішча і іншыя фармальныя звесткі. А затым мужчыны пад роспіс атрымоўваюць павесткі з патрабаваннем з’явіцца ў ваенкаматы цягам 24 гадзін пасля афіцыйнага абвяшчэння мабілізацыі ў краіне.
Тым, хто скардзіцца на здароўе, прапануюць дадаткова прыйсці ў ваенкамат і самастойна напісаць заяву з просьбай прайсці медыцынскую камісію. Ніякія даведкі з грамадзянскіх медустаноў не прымаюцца да ўвагі.
Як распавядаюць мабілізаваныя мужчыны, настрой пасля такога ўдакладнення дадзеных у калідорах ваенкамата вельмі змрочны і песімістычны.
Удзельнічаў у расійска-пруска-французскай (1806-1807) і расійска-шведскай (1808-1809) войнах як ваенны інжынер. Удзельнік праектавання і будаўніцтва Бабруйскай крэпасці.
Даследчык гісторыі ВКЛ, праводзіў археалагічныя раскопкі ў Падняпроўі і Панямонні, аўтар «Гісторыі літоўскага народа».
Першым на Беларусі даў вызначэнне курганам як месцам старажытных пахаванняў. Сцвярджаў, што дрыгавічы невядомага паходжання жылі каля Кіева. Даследаваў Лідскі замак, надрукаваў артыкулы пра Ліду, Навагрудак, Індуру і іншыя. Увёў у навуковы ўжытак «Хроніку Быхаўца» (1846).
Меў багатую калекцыю археалагічных матэрыялаў.
Быў арыштаваны ў сувязі з падзеямі паўстання 1863-1864 гадоў.
Памёр 26 лістапада 1864 года ў Вільні.
1793 год. Адчыніўся для публікі нацыянальны мастацкі музей у Луўры.
Луўр у Парыжы – помнік архітэктуры і адзін з найбуйнейшых мастацкіх музеяў свету.
Пабудаваны як крэпасць на рацэ Сене ў 1190 годзе. У ХVI стагоддзі пераўтвораны ў жылы замак, затым перабудаваны ў каралеўскую рэзідэнцыю.
У 1672 годзе Людовік XIII пабудаваў Версаль, і туды быў перанесены каралеўскі двор. У Луўры ў 1725 годзе Акадэмія мастацтваў зладзіла мастацкія салоны.
У аснове збору Луўра ляжаць былыя каралеўскія калекцыі, а таксама калекцыі кляштараў і некаторых асоб.
У Луўры захоўваюцца ўнікальныя зборы ўсходніх старажытнасцяў, старажытнаегіпецкага, антычнага, заходнееўрапейскага і італьянскага мастацтва.
Сярод іх – старажытнагрэцкія статуі “Ніка Самафракійская” і “Венера Мілоская”, статуі Мікеланджэла “Паўсталы раб” і “Паміраючы раб”, партрэт Моны Лізы (“Джаконда”) да Вінчы, творы Рубенса, Рэмбрандта, Пусэна, Ватта, Давіда , Дэлакруа, Курбэ.
tunnel.ru
1789 год. Вынайдзены напой бурбон.
Вялебны Элайдж Крэйг з мястэчка Бурбон (штат Кентукі) упершыню прыгатаваў разнавіднасць віскі – бурбон.
Асноўнае адрозненне яго ад еўрапейскага віскі заключаецца ў тым, што бурбон вырабляецца з кукурузы, а не з ячменю, і вытрымліваецца ў спецыяльных бочках.
Адвакат, грамадскі дзеяч. Пляменнік Валерыя Урублеўскага – лідара паўстання 1863-1864 гадоў, генерала Парыжскай Камуны.
Адзін з прызнаных лідараў літоўскага руху.
Быў упэўнены, што «мір і згода запануюць у нашым краі, калі ўсе мы будзем імкнуцца да ўсталявання брацкіх і справядлівых адносінаў уласнымі сіламі, а не пры дапамозе паліцыі, судовых прысудаў і турмаў».
Сабраў багатую бібліятэку, якую потым перадаў гораду Вільні.
Памёр 7 жнўня1925 года.
wikimedia.org
1883 года. НарадзіўсяВацлаў Ластоўскі. Беларускі пісьменнік, грамадскі і палітычны дзеяч, гісторык, філолаг, літаратуразнавец, этнограф, акадэмік АН Беларусі.
Рэдактар, выдавец беларускіх газет, часопісаў, кніг, падручнікаў.
Кіраўнік Кабінета міністраў Народнай рады БНР.
Працаваў дырэктарам Беларускага дзяржаўнага музея, загадчыкам кафедры этнаграфіі пры Інбелкульце, сакратаром Інбелкульта, у Камісіі жывой беларускай мовы, Камісіі па ахове помнікаў старасветчыны, арганізатарам этнаграфічных экспедыцый, у час адной з якой быў знойдзены Крыж Ефрасінні Полацкай.
Ставіў нацыянальныя інтарэсы вышэй за класавыя, лічыў нацыянальную праблему найважнейшай у гісторыі. Адмаўляў канцэпцыю адзінства гістарычных лёсаў Расіі і Беларусі.
Аўтар «Кароткай гісторыі Беларусі» (1910) – першай кнігі, у якой была спроба абгрунтаваць беларускі характар Вялікага княства Літоўскага, «Падручнага расійска-крыўскага слоўніка» (1924), фантастычнай аповесці «Лабірынты», сцэнічнага эпізода з жыцця Ф. Скарыны («Адзінокі»), апрацовак гістарычных легенд, апавяданняў, артыкулаў пра знакамітых беларускіх дзеячаў, па гісторыі Беларусі, перакладаў з рускай, англійскай, польскай, дацкай і іншых моў.
21 ліпеня 1930 года арыштаваны ДПУ. Утрымліваўся ў турмах Масквы і Мінска, знаходзіўся ў ссылцы.
Паўторна арыштаваны 20 жніўня 1937, 23 студзеня 1938 прыгавораны да расстрэлу і ў той жа дзень расстраляны.
1895 год. Вільгельм Конрад Рёнтген адкрыў невядомыя да гэтуль – Х-прамяні
Позна ўвечары, сыходзячы са сваёй лабараторыі, Рёнтген накрыў разрадную трубку, з якой працаваў увесь дзень шчыльным кардонным футаралам і ўжо ў дзвярах па звычцы павярнуўся праверыць, ці ўсё ў парадку. І тут ён заўважыў дзіўнае свячэнне на стале: свяціўся ліст паперы, пакрыты соллю сіняроднага барыю. Але побач не было крыніцы святла, працавала толькі разрадная трубка.
Усяго некалькі хвілін спатрэбілася вучонаму, каб зразумець: значыць, існуе іншае выпраменьванне, якое здольнае праходзіць скрозь шкло і кардон.
50 сутак навуковец не выходзіў з лабараторыі: прасвечваў прамянямі розныя прадметы: кнігу, скрыню з гірамі, калоду карт.
Ён прыйшоў да высновы, што новыя промні здольныя пранікаць скрозь непразрыстыя прадметы і пераадольваць адлегласць 1,5-2 метры. Ён адкрыў X-прамяні – нябачнае вокам выпраменьванне з даўжынёй хвалі 0,005 – 100 нанаметраў.
Першым чалавекам, якому Рёнтген вырашыўся прадэманстраваць сваё адкрыццё, стала яго жонка Берта.
28 снежня прафесар дазволіў ёй увайсці ў лабараторыю і зрабіў першы ў гісторыі рэнтгенаўскі (больш правільна – рёнтгенаўскі) здымак. Гэты здымак кісці рукі фраў Берты за некалькі дзён абышоў увесь свет.
Аўтар лірычных рамантычна-акрыленых твораў: шэрагу зборнікаў, паэм. Пісаў і апавяданні для дзяцей.
Перакладчык на беларускую мову М. Астроўскага «Як гартавалася сталь», вершаў А. Пушкіна, У. Маякоўскага, Э. Багрыцкага і іншых.
Некаторыя яго вершы, пакладзеныя на музыку, увайшлі ў фальклорныя запісы.
Арыштаваны ў лістападзе 1936 года, прыгавораны да 8 гадоў пазбаўлення волі. Памёр 17 лютага 1938 года ў перасыльным лагерным пункце.
1956 год. Адкрыццё Музэя абароны Брэсцкай крэпасці.
Расшыраная экспазіцыя з 9 залямі была адчынена 25 чэрвеня 1961 года да 20-годдзя абароны. Права адкрыць яё было прадастаўлена абаронцу крэпасці Герою Савецкага Саюза П. Гаўрылаву.
8 мая 1965 года Брэсцкай крэпасці прысвоена званне «Крэпасць-герой».
У 1969 годзе музей перададзены з Міністэрства абароны СССР у падпарадкаванне Міністэрства культуры БССР.
Зараз экспазіцыі размешчаны на 1 270 м2. У 10 залях музея прадстаўлена 4 000 экспанатаў.
За гады існавання музей наведалі 25 мільёнаў чалавек са 140 краін свету.
brest-fortress.by
1975 год. Адбылося паўстанне на вялікім супрацьлодкавым караблі Балтыйскага флота “Вартавы” ў Балтыйску.
Пасля ваенна-марскога парада ў Рызе, у ноч з 8 на 9 лістапада кіраванне караблём было захоплена зампалітам карабля, капітанам 3-га рангу Валерыем Сабліным.
Ён лічыў, што ўлада вядзе народ не тым шляхам. Марскі афіцэр распрацаваў дэталёвую праграму пераўладкавання грамадства. Ён выступаў за шматпартыйнасць, свабоду слова, змяненне парадку выбараў у партыі і краіне.
У яго планах было прывесці карабель у Ленінград і там агучыць свае патрабаванні. Карабель быў перахоплены памежнымі вартаўнічымі караблямі і марской авіяцыяй.
Па прыгаворы ваеннага трыбунала Саблін быў расстраляны.
У 1994 годзе справа В. Сабліна была перагледжана Ваеннай калегіяй Вярхоўнага суда РФ. Яму замянілі “расстрэльны” артыкул на 10 гадоў турэмнага зняволення.
Сучасны беларускі скульптар. «Мінчанін года» (2015), ЛаўрэатДзяржпрэміі.
Сярод яго вядомых твораў манумент «Брама Памяці», частка мемарыяльнага комплексу «Трасцянец» у мінскіх Шабанах, скульптура «Манета» перад галоўным офісам банка «Дабрабыт» у Мінску, помнік Івану Шамякіну ў Добрушы (у суаўтарстве).
Народны мастак. Акадэмік акадэміі мастацтваў Расіі, акадэміі навук Беларусі, Герой Беларусі. Працаваў у галіне станкавага і манументальнага жывапісу.
У аснове твораў ваеннай тэматыкі асабістыя ўражанні ад гераічнай барацьбы народа супраць акупантаў, злачынстваў фашыстаў супраць чалавецтва. Значнае месца ў творчасці займаюць партрэты, хрысціянская тэматыка.
Апошнія восем гадоў былі самымі гарачымі за ўсю гісторыю назіранняў, заявіла 6 лістапада Сусветная метэаралагічная арганізацыя ў дакладзе на адкрыцці штогадовай канферэнцыі ААН па змене клімату ў Шарм-Эль-Шэйху, Егіпет.
«Экстрэмальная спякота, засуха і разбуральныя паводкі закранулі мільёны людзей і прычынілі мільярдныя страты ў гэтым годзе. Відавочныя прыкметы і наступствы змены клімату становяцца ўсё больш драматычнымі» – сказана ў публікацыі.
На думку экспертаў Сусветнай метэаралагічнай арганізацыі, у 2022 годзе сярэдняя глабальная тэмпература будзе прыкладна на 1,15 градуса вышэй за сярэднюю тэмпературу даіндустрыяльнага перыяду 1850-1900 гадоў.
Верагодна, бягучы год зойме 5-6-е месца ў спісе самых гарачых за гісторыю назіранняў, аднак “толькі пытанне часу, калі настане яшчэ адзін самы цёплы год”.
Вучоныя канстатуюць, што з 1993 года хуткасць павышэння ўзроўню мора падвоілася, а са студзеня 2020 года ўзровень мора вырас амаль на 10 міліметраў. Раставанне леднікоў у Альпах у 2022 годзе стала рэкордным: на гэта паўплывалі нізкае снежнае покрыва ў канцы зімы, неаднаразовае выпадзенне пылу з Сахары і працяглыя і інтэнсіўныя хвалі цяпла.
“Упершыню ў гісторыі нават у самых высокіх пунктах вымярэнняў снег не перажыў летні сезон, і таму не адбылося назапашвання свежага лёду” – гаворыцца ў публікацыі.
Найбольш пакутуюць тыя, хто невінаваты.
Канцэнтрацыі асноўных парніковых газаў працягваюць расці і дасягнулі рэкордных узроўняў. Для многіх леднікоў кропка незвароту ўжо пройдзеная, і раставанне будзе працягвацца сотні, калі не тысячы гадоў, што будзе мець сур’ёзныя наступствы для воднай бяспекі.
У Сусветнай метэаралагічнай арганізацыі нагадалі прыклады экстрэмальнага надвор’я ў 2022 годзе: засуху ва Усходняй Афрыцы, рэкордныя дажджы і паводкі ў Пакістане, серыю разбуральных цыклонаў на Мадагаскары і ў Паўднёвай Афрыцы, экстрэмальную спякоту ў Еўропе.
Паводка ў Пакістане
«Занадта часта больш за ўсё пакутуюць тыя, хто менш за ўсё адказны за змяненне клімату, як мы бачылі на прыкладзе жудаснай паводкі ў Пакістане і смяротнай працяглай засухі на Афрыканскім Рогу. Але нават добра падрыхтаваныя супольнасці сёлета пацярпелі ад экстрэмальных з’яў, пра што сведчаць зацяжныя хвалі цяпла і засуха ў значнай частцы Еўропы і паўднёвага Кітая» – сказаў прафесар Таалас.
Генеральны сакратар ААН Антоніу Гутэрыш назваў даклад “хронікай кліматычнага хаосу” і заклікаў удзельнікаў канферэнцыі ў Шарм-Эль-Шэйху “адказаць на сігнал трывогі ад планеты дзеяннем – амбіцыйным і рэальным дзеяннем у галіне клімату”.
У праграму канферэнцыі 2022 года ўпершыню было афіцыйна ўключана абмеркаванне механізму кампенсацый страт ад змен клімату для краін, якія развіваюцца – гэта адбылося ў выніку «інтэнсіўных перамоваў», паведамляе BBC News. Як піша Reuters, у папярэднія гады развітыя краіны перашкаджалі правядзенню афіцыйных абмеркаванняў; яшчэ нават на канферэнцыі 2021 года ЗША і ЕЗ заблакавалі стварэнне такога фонду.
Цыклон “Батсірай” на Мадагаскары
Кліматычныя змены ў Беларусі.
З другой паловы 1970-х гадоў хуткасць росту тэмпературы ў краіне склала 0,6 градуса за 10 гадоў. Гэтыя лічбы ў 3,5 раза перавышаюць хуткасць росту па ўсім зямным шары і практычна ў 2 разы перавышаюць хуткасць росту тэмпературы паветра над сушай паўночнага паўшар’я” – распавядаюць спецыялісты Белгідрамету.
З канца 1980-х гадоў змяненне тэмпературы паветра праяўлялася ў росце зімовых тэмператур. Аднак з другой паловы 1990-х і пачатку 2000-х гадоў пачалі расці тэмпературы і летняга перыяду, адзначаецца рост колькасці гарачых дзён з тэмпературай паветра плюс 25 градусаў і вышэй. У цэлым растуць максімумы тэмператур, змяняецца працягласць сезонаў года – павялічваецца працягласць лета і скарачаецца зіма. Таксама павялічваецца працягласць вегетацыйнага перыяду і скарачаецца ацяпляльны перыяд.
Што да змены характару выпадзення ападкаў на тэрыторыі Беларусі, то ў халодны перыяд года іх сума расце, а ў асобныя месяцы цёплага перыяду года – скарачаецца. Такія тэндэнцыі адзначаюцца ў чэрвені, жніўні і верасні, што разам з ростам тэмпературы паветра прыводзіць да павелічэння засушлівых умоў.
У будучыні, тэмпературы паветра будуць расці і да канца стагоддзя на тэрыторыі Беларусі сярэднегадавыя тэмпературы паветра могуць дасягаць адзнакі плюс 10-12 градусаў. Акрамя гэтага, у перыяд паміж 2020 і 2040 гадамі тэмпература паветра па ўсёй Зямлі павысіцца на 1,5 градуса. Так, змены клімату паўплываюць на навакольнае асяроддзе, галіны эканомікі і здароўе насельніцтва.
На думку спецыялістаў Белгідрамета, важна ўдзяляць вялікую ўвагу ацэнцы рызык ад змянення клімату, распрацоўваць стратэгіі па адаптацыі эканомікі, навакольнага асяроддзя і насельніцтва.
Служба аховы дзяржаўнай мяжы Літвы заявіла, што праваахоўнікі спынілі цягнікі, якія рухаліся з Калінінградскай вобласці праз Беларусь у Расію. Памежнікі выявілі, што на некаторых вагонах знаходзіцца сімволіка паветрана-дэсантных войскаў Расіі.
«У адным цягніку было тры вагоны, у іншым – два. Пустыя вагоны мусілі рухацца праз Літву транзітам у Беларусь. Памежнікі не дазволілі гэтага зрабіць» – гаворыцца ў паведамленні.
Літва распарадзілася адчапіць пяць вагонаў з вайсковай сімволікай і адправіць іх назад у Калінінградскую вобласць. Пасля гэтага цягнікі прапусцяць транзітам.
1097 год. У Аповесці мінулых гадоў упершыню згадваецца Пінск (Пінеск). Другі, пасля Гродна, горад па колькасці помнікаў архітэктуры.
Перспектыўны цэнтр турызму Беларусі міжнароднага значэння. Буйны прамысловы цэнтр.
Працуюць прадпрыемствы машынабудаўнічай, лёгкай, дрэваапрацоўчай, харчовай, будаўнічых матэрыялаў, мікрабіялагічнай прамысловасці.
Жыве 125 тысяч жыхароў.
1370 год. ПамёрКазімір III Вялікі. Кароль польскі (1333—1370), апошні кароль Польшчы з дынастыі Пястаў.
Працягваў лінію свайго бацькі Уладзіслава I Лакатка на тэрытарыяльную экспансію на ўсход. Тэрыторыя каралеўства пры ім павялічылася са 106 да 270 тыс. км², за што і быў празваны Вялікім. Спрабаваў захапіць Галічыну і абвясціць сябе гаспадаром Русі.
У 1349 годзе пры падтрымцы Залатой Арды, Венгрыі і Мазовіі захапіў амаль усю тэрыторыю былога Галіцка-Валынскага княства, у тым ліку Бярэсце. У 1350 войскі ВКЛ вярнулі Бярэсце і Валынь.
Пасля перыяду збліжэння з ВКЛ (1356-1366) узнавіў барацьбу за Валынь, якая працягвалася і пры яго пераемніку Людовіку.
Беларуская і польская мастачка. Пляменніца Напалеона Орды.
Малявала партрэты, пейзажы, абразы для касцёлаў.
Як скульптар выканала шмат распяццяў, медальёны з партрэтамі, у тым ліку І. Лялевеля, Ю. Крашэўскага. Аўтар гіпсавыя плакет «Міндоўг», «Гедзімін», гістарычных шахмат у выглядзе войска Яна III Сабескага і туркаў і іншых прац.
У 1863 годзе за спробу даставіць дэпешу Р. Траўгуту арыштавана і саслана ў Тамбоў.
Б. Залескім часткова апублікаваны яе дзённік разам з лістамі пад назвай «3 жыцця літвінкі, 1827-1874».
wikimedia.org
1916 год. ПамерлаЦётка (Алаіза Пашкевіч). Беларуская паэтэса-рэвалюцыянерка, грамадскі дзеяч.
Адна з пачынальніц беларускай прозы.
Удзельніца пецярбургскага гуртка студэнтаў-беларусаў «Круг беларускай народнай прасветы». Аўтар кніг «Першае чытанне для дзетак беларусаў», першага «Беларускага лемантара».
Асноўныя матывы яе паэзіі – любоў да радзімы, да прыроды, самаахвярнае служэнне народу.
1935год. Выпушчана настольная гульня “Манаполія”.
Настольная гульня ў жанры эканамічнай стратэгіі для двух і больш чалавек.
Атрымала вялікую папулярнасць у XX стагоддзі ў шматлікіх краінах свету.
У СССР была вядомая пад назвамі “Менеджэр”, “Імперыя”, “Бізнесмен”.
Мэта гульні – рацыянальна выкарыстоўваючы стартавы капітал, дабіцца банкруцтва іншых гульцоў.
Фактычна “Манаполія” уяўляе сабой гульнявое поле, якое складаецца з квадратаў, якія праходзяць па крузе ўсе гульцы па чарзе.
Квадраты падзяляюцца на актывы (прадпрыемства, каштоўная рэч) і падзеі.
Калі гульцу выпадае чарга хадзіць, то кідком кубіка ён вызначае, якую колькасць крокаў ён павінен здзейсніць на гульнявым полі за гэты ход (кожны крок адпавядае аднаму ачку на кубіку і аднаму квадрату на гульнявым полі).
Афіцыйная гісторыя музея бярэ пачатак 24 студзеня 1939 года, калі згодна з урадавай пастановай Савета Народных Камісараў БССР у Мінску была створана Дзяржаўная мастацкая галерэя.
Найбуйнейшы музей мастацкага профілю ў краіне.
У экспазіцыі, філіялах і фондасховішчах знаходзіцца больш за 27 000 твораў, якія фарміруюць 20 разнастайных калекцый і складаюць два галоўныя музейныя зборы: збор нацыянальнага мастацтва і збор помнікаў мастацтва краін і народаў свету.
Мае сем філіялаў, у тым ліку Музей В. Бялыніцкага-Бірулі ў Магілёве.
1954 год. ПамёрМіхась Клімковіч. Беларускі паэт, драматург, празаік, крытык, аўтар тэксту гімна БССР – «Мы, беларусы».
Першы старшыня праўлення Саюза пісьменнікаў БССР (1934-1939).
У 1936 годзе спрабаваў скончыць жыццё самагубствам (перарэзаў сабе горла; быў абвінавачаны ў сувязях з «трацкістамі і нацдэмамі»).
Аўтар многіх паэм, вершаваных п’ес, драматычных твораў, некаторыя з якіх ставілася ў купалаўскім тэатры. Даследаваў беларускую літаратуру.
Працуе ў галіне манументальнай, станковай скульптуры і ў дробнай пластыцы.
Сярод асноўных яго прац: скульптурнае афармленне клуба «Гудвін», рэстарана «Чумацкі шлях» (Мінск), памятны знак для Касцёла Маці Божай Нястомнай дапамогі, двор былой сядзібы К. Сулістроўскага у в. Шэметава Мядзельскага раёна, скульптуры «Запрашэнне» (Рэйк’явік), войта і скарбніка каля гарадской ратушы Нясвіжа, сімвал і прыз для нацыянальнага тэлеконкурсу «Тэлевяршыня».
Адзначаны Патрыяршым Экзархам ўсяе Беларусі «за ўдзел у конкурсе эскізных праектаў аднаўлення Тураўскага крыжа».
Творы знаходзяцца ў галерэях і прыватных калекцыях у Беларусі, Украіне, Расіі, Германіі, Англіі, Ісландыі, Швейцарыі.
wikimedia.org
1996 год. Памёр ураджэнец МагілёваВіктар Тураў. Беларускі кінарэжысёр і сцэнарыст. Народны артыст Беларусі і СССР. Лаўрэат многіх прэмій СССР, Польшчы, кінафестываляў.
Найбольш вядомыя яго экранізацыі «Палескай хронікі» І. Мележа «Людзі на балоце», «Подых навальніцы», апавядання І. Тургенева «Жыццё і смерць двараніна Чартапханава».
Сярод ваеных і гістарычных фільмаў найбольш значныя: «Я родам з дзяцінства», «Сыны ідуць у бой», «Пераправа», «Чорны бусел», «Шляхціц Завальня».
Здымаў фільмы з удзелам Ул. Высоцкага, з якім сябраваў.
Уключаны ЮНЕСКА ў лік 50 кінематаграфістаў свету, з якіх складаўся Ганаровы камітэт па святкаванню 100-годдзя кінематаграфіі.
wikimedia.org
2016 год. Памерла Тамара Шырко.
Геабатанік, аграхімік, глебазнавец, педагог. Кандыдат сельскагаспадарчых навук
Працавала на кафедры фізічнай геаграфіі Магілёўскага педінстытута, вывучала геалогію і глебы Магілёўскай вобласці (1969-1975).
Старшы навуковы супрацоўнік БелНДІ садавіна-агодніцтва і бульбаводства. Аўтар 12 кніг, сярод якіх асаблівым попытам у насельніцтва да гэтага часу карыстаецца “Аптека в саду и огороде”.
wiki55.ru
wikimedia.org
tunnel.ru
tunnel.ru
wikimedia.org
tunnel.ru
brest-fortress.by
wikimedia.org
wikimedia.org
