Tag: военкомат

В Могилеве обнаружили часть фюзеляжа самолета

Навіна ад

О любопытной находке рассказали читатели mogilev.media. За забором областного военкомата по улице Крупской замечен самолет, вернее часть самолета – передний фюзеляж. На фото также виден фонарь – это прозрачная часть пилотской кабины, защищающая экипаж и пассажиров от воздействия встречного потока воздуха, погодных условий и от шума, а также обеспечивающая визуальный обзор.

К какому типу принадлежит самолёт, военному или гражданскому, пока  не известно. Этот вопрос оставим специалистам.

Фото от читателей mogilev.media

Мабілізацыя ў армію з адтэрміноўкай, як яна праходзіць у Магілёве

Навіна ад

Ніякія медыцынскія даведкі з “гражданкі” не бяруцца пад увагу, значэнне мае толькі медкамісія ў ваенкамаце.

Сотні мужчын у абласным цэнтры былі выкліканы ў ваенкаматы, дзе атрымалі павесткі ў войска, але з адтэрміноўкай па часе – паведамляюць нашы чытачы.

Тэхналагічна ўсё праводзіцца наступным чынам. Напачатку ваеннаабавязаных выклікаюць для ўдакладнення дадзеных у ваенкамат. Там сапраўды ўдакладняюцца месца пражывання і працы, сямейнае становішча і іншыя фармальныя звесткі. А затым мужчыны пад роспіс атрымоўваюць павесткі  з патрабаваннем з’явіцца ў ваенкаматы цягам 24 гадзін пасля афіцыйнага абвяшчэння мабілізацыі ў краіне. 

Тым, хто скардзіцца на здароўе, прапануюць дадаткова прыйсці ў ваенкамат і самастойна напісаць заяву з просьбай прайсці медыцынскую камісію. Ніякія даведкі з грамадзянскіх медустаноў не прымаюцца да ўвагі.

Як распавядаюць мабілізаваныя мужчыны, настрой пасля такога ўдакладнення дадзеных у калідорах ваенкамата вельмі змрочны і песімістычны.

Ваеннаабавязаным загадалі з’явіцца на праверку ў некалькіх раёнах Магілёўскай вобласці

Навіна ад

Ваенкаматы Беларусі публікуюць даты правядзення так званых кантрольных абвестак і явак ваеннаабавязаных. Пасля зверкі дадзеных ваеннаабавязаным трэба будзе наведаць ваенкаматы.

У Клімавіцкім і Хоцімскім раёнах кантрольнае апавяшчэнне ваеннаабавязаных будзе праводзіцца з 13 па 16 снежня, а яўка для ўдакладнення звестак воінскага ўліку — з 19 па 23 снежня.

У Мсціслаўскім раёне спланаваны выклік ваеннаабавязаных, якія стаяць на ўліку ў ваенным камісарыяце, з 5 па 9 снежня бягучага года.

У Чавусах для кантрольнай яўкі арандуюць раённы Дом культуры з 5 па 9 снежня для ваеннаабавязаных Чавускага і Слаўгарадскага раёнаў.

У Чэрыкаве ўхіліста пакаралі 200 гадзінамі грамадскай працы. Адна з гісторыяў нежадання служыць у беларускім войску

Навіна ад

18-гадовы хлопец не з’явіўся ў ваенкамат па атрыманні позвы, а паехаў на заробкі.

У ваенкамат ён мусіў прыйсці неўзабаве, як адзначыў паўналецце. У прызначаны для праходжання медычнага агляду дзень хлопец кінуўся ў заробкі. Па вяртанні ў ваенкамат таксама не пайшоў, піша рэсурс Cherikovnews.

Хлопца адшукалі і ў суд. Выданне піша, што ён раскаяўся ў сваім учынку, поўнасцю прызнаў сваю віну.

«Улічваючы гэта, суд прызначыў яму пакаранне ў выглядзе грамадскіх прац тэрмінам на 200 гадзінаў», адзначае Cherikovnews, спасылаючыся на звесткі раённай пракуратуры.

Гісторыя 18-гадовага прызыўніка з Чэрыкаўскага раёну адна з шматлікіх. Магілёў.media пісаў, як адбываецца прызыўная кампанія і, наколькі служба ў беларускім войску папулярная ў моладзі. Многія маладзёны шукаюць нагоды, каб пазбегчы яе.

У кожным беларускім рэгіёне знаходзіцца да 100 і болей маладых людзей, якія не прыходзяць на прызыўныя пункты. Летась за першыя паўгода ад ваенных камісараў у органы ўнутраных спраў паступіла блізу 5 тысяч зваротаў па ўхіленні і 3 тысяч – аб прыцягненні прызыўнікоў да адміністрацыйнай адказнасці. Сёлетнюю статыстыку па ўхілістам адшукаць не ўдалося.

Прымус і запалохванне становяцца памагатымі ў справе развязання праблемы з прызыўнікамі.