Category: Навіны Бабруйска

Бабруйчанка вылавіла ў Беразіне сама-гіганта велічынёй са здаровага мужыка

Навіна ад

У канцы верасня Святлана Юркавец рыбачылі на спінінг з мужам Дзмітрыем на Бярэзіне. Адчуўшы, што рыба ўзялася, яна спрабавала вылавіць рыбу сама, але потым паклікала мужа на дапамогу. 

Паўгадзіны доўжылася барацьба – паведамляе magilev.by. Сом то паднімаўся, то зноў апускаўся на дно ракі, гружаную лодку і двух чалавек у ёй з лёгкасцю перасоўваў па рацэ на 500 метраў то ў адзін, то ў другі бок. У працэсе барацьбы муж ужо думаў, што давядзецца адпусціць гэтага монстра. Але раптам сом усплыў на паверхню і яго ўдалося з дапамогай падхватніка закінуць ў лодку.

Святлана ўжо 12 гадоў мае афіцыйны статус (білет) рыбака, але такі ўлоў у яе ў першы раз. Вага сома склала 47 кілаграм 600 грам, а даўжыня – 186 сантыметраў. Нават транспартаваць такога буйнога сама было зусім нялёгкай задачай.

Бабруйскую махлярку асудзілі ў Кіраўску на 7 гадоў за непрыбраныя магілы

Навіна ад

Жанчына атрымала тэрмін зняволення ў 7 гадоў калоніі за злачынствы на могілках і нявыкананыя паслугі. 

Суд Кіраўскага раёна разгледзеў крымінальную справу ў дачыненні да жыхаркі горада Бабруйска, якую абвінавацілі ў махлярстве ў асабліва буйным памеры – злачынства, прадугледжанага ч. 4 арт. 209 КК і прызнаў яе вінаватай. 

Прэс-служба Вярхоўнага суда паведаміла, што абвінавачаная К., ажыццяўляючы індывідуальную прадпрымальніцкую дзейнасць у перыяд з 2018 па 2021 гады заключала з грамадзянамі дамовы бытавога заказу, куплі-продажы, аб выкананні работ і аказанні паслуг. Яна ж вусна дамаўлялася з грамадзянамі аб выкананні работ па вырабе рытуальнай прадукцыі, па добраўпарадкаванні месцаў пахаванняў, пераконвала перадаваць ёй у якасці папярэдняй аплаты грашовыя сродкі. Вось толькі выконваць прынятыя на сябе абавязацельствы яна не спяшалася. 

У выніку злачынных дзеянняў абвінавачаная супрацьпраўна завалодала грашовымі сродкамі грамадзян, прычыніла ім маёмасную шкоду ў асабліва буйным памеры, які цяжка сабе ўявіць – на агульную суму 69 170 рублёў 80 капеек, што склала 2 385,2 базавых велічынь.

Прысуд:

абвінавачаная К. прызнана вінаватай у завалоданні маёмасцю шляхам падману (махлярстве), у асабліва буйным памеры, і на падставе ч.4 арт.209 КК ёй прызначана пакаранне ў выглядзе пазбаўлення волі тэрмінам на 7 гадоў з адбываннем у папраўчай калоніі ва ўмовах агульнага рэжыму са штрафам у памеры 300 базавых велічыняў.

Таксама пастаноўлена спагнаць з абвінавачанай К. на карысць пацярпелых матэрыяльную шкоду, а таксама кампенсацыю маральнай шкоды.

У Бабруйску падрываюць знакаміты “храм Бахуса” – фота, відэа

Навіна ад

Знос карпусоў былога вінзавода пачаўся ў панядзелак 3 кастрычніка. Як паведамлялі Магілёў.media, напярэдадні жыхароў бліжэйшых дамоў папрасілі раскрыць вокны, каб выбуховай хваляй не выбіла шкло.

Будынкі вінзаводу руйнавалі два дні па частках. Першай, 3 кастрычніка была ўзарваная чатырохпавярховая вежа. Імпазантны будынак віннага складу 1897 года пабудовы з надпісам “Vinitus Unitis” (“Таварыства вінаградараў”) на фасадзе быў знішчаны 4 кастрычніка двума выбухамі – паведамляе “Коммерческий курьер”.

Відэа з момантам аднаго з выбухаў на сваім YouTube-канале размясціў адзін з жыхароў горада.

Фота: komkur.info

Легендарны бабруйскі вінзавод будуць падрываць 3 і 4 кастрычніка

Навіна ад

Жыхароў бліжэйшых дамоў просяць раскрыць вокны, каб выбуховай хваляй не выбіла шкло.

Паведамленне пра знос будынку былога бабруйскага вінзавода днямі паявілася ў СМІ. Вядома, што 3 і 4 кастрычніка, у панядзелак і аўторак, з 12.00 да 13.00 і з 16.00 да 17.00 па адрасе вуліца Навашасейная, 25 метадам падрыву будзе знесены будынак.

Магілёў.media раней распавядалі пра руйнаванне знакамітага бабруйскага “храма Бахуса”. Імпазантныя будынкі вінзавода прыцягваюць шматлікіх аматараў экстрыму і арыгіальных фотасесій, але толькі не гаспадарлівых уласнікаў.

Гарадскія паблікі ўжо размяшчаюць настальгічныя запісы пра вінзавод, у якіх нагадваюць, як прастора прамысловых аб’ектаў магла б трансфармаваць, упрыгожыць і развіць бабруйскі культурны і сацыяльны ландшафт. 

Пешахода збілі насмерць у Бабруйскім раёне ноччу – ён стаяў на дарозе без флікера

Навіна ад

Надзвычайнае здарэнне адбылося паблізу вёскі Ясны Лес 29 верасня каля 23:30 – паведамляе Тэлеграм-канал абласнога УУС. 

54-гадовы кіроўца  мікрааўтобуса Mercedes, рухаючыся па аўтадарозе “Магілёў-Бабруйск”,  здзейсніў наезд на мужчыну, які стаяў на праезнай частцы дарогі без святлоадбіўных элементаў.

На фота відаць, што ўдар прыйшоўся ў левае крыло аўтамабіля – з боку кіроўцы. Гэта можа сведчыць пра тое, што пешаход знаходзіўся блізка да цэнтра дарогі.

Бабруйск становіцца лідарам Магілёўшчыны па канфіскаваных “палёных” спіртовых напоях

Навіна ад

Паспяховыя рэйды міліцыянераў дазволілі ў верасні канфіскаваць у Бабруйску больш за 5 тон спіртазмяшчальнай вадкасці. 

Напачатку аператыўнікі затрымалі фуру ў паўпрычэпе якой было знойдзена схованка – паведамляе прэс-служба абласнога УУС. У ёй выявілася больш за 700 каністраў са спіртазмяшчальнай вадкасцю агульным аб’ёмам амаль 3,6 тысячы літраў. За стырном вялікагруза быў 46-гадовы беспрацоўны бабруйчанін.

Днямі ў 61-гадовага мясцовага жыхара знайшлі буйную партыю аналагічнага рэчыва ў грузавіку на тэрыторыі ягонага домаўладання. У мужчыны канфіскаваны каністры з агульным аб’ёмам звыш 1,6 тысячы літраў.

Па абодвух фактах, як адзначылі ў МУС, праводзіцца праверка, а тавар адпраўлены на экспертызу. Высвятляецца яго паходжанне.

Ужыванне спіртазмяшчальнай вадкасці невядомага паходжання можа быць смяротна небяспечным. У так званыя “ліхія” 1990-я выраб, продаж і ўжыванне левай гарэлкі і спірта было звычайнай з’явай. Мноства людзей страцілі сваё здароўе і нават пазбавіліся жыцця, толькі таму, што не грэбавалі піць “палёную” спіртовую вадкасць. 

 

Галоўнага рэдактара “Бабруйскага кур’ера” не выпусцілі з сутак

Навіна ад

Паведамляецца, што следам за першым арыштам яму адразу далі другі – 14 сутак.

Галоўны рэдактар інтэрнэт-выдання “Бабруйскі кур’ер” Анатоль Санаценка першы раз быў затрыманы ў 10-х чыслах верасня. Справу разглядала суддзя суда Бабруйскага раёна і г. Бабруйска Ганна Асіпенка, якая прызначыла журналісту 15 сутак. Сёння тая ж самая суддзя пакінула яго за кратамі на 14.

За што быў асуджаны Санаценка – застаецца невядомым. Сайт “Бабруйскага кур’ера” перастаў адкрывацца ў Беларусі.

У жыхара Бабруйскага раёна канфіскавана 10 рыбалоўных сетак

Навіна ад

Ён адмовіўся выдаць забароненыя прылады рыбалоўнай лоўлі. Цяпер пасля пагражае штраф да 960 рублёў. 

Прыродаахоўнікі даўно падазравалі 62-гадовага жыхара вёскі Шчаткава ў захоўванні незаконных прыладаў лоўлі рыбы. Яны прапанавалі выдаць іх добраахвотна. Але мужчына пайшоў у несазнанку і сказаў, што ў яго такіх няма, толькі пару старых сетак завалялася. 

З санкцыі пракурора ў яго двары правялі ператрус. Пры правядзенні агляду выявілася, што ён усебакова падрыхтаваны да браканьерства. У бабруйчаніна быў выяўлены склад рыбалоўных прылад: 10 сетак, дзве таптухі, чатыры нерэта, два жака. 

Цяпер мужчыну за “незаконныя выраб, набыццё, захоўванне або збыт прылад здабычы рыбы” пагражае штраф да 30 базавых велічыняў (да 960 рублёў).  Дарэчы, калі б ён добраахвотна здаў сеткі і іншыя рыбалоўныя прылады да таго, як да яго прыйшлі з вобшукам, то быў бы вызвалены ад адказнасці.

Байкер у Бабруйску не справіўся з кіраваннем – матацыкл выбухнуў пад коламі МАЗа

Навіна ад

Жудасная карціна дарожна-транспартнага здарэння трапіла на камеры відэаназірання. На відэа, якое публікуе ў сваім Тэлеграм-канале прэс-служба магілёўскага УУС, бачны момант падзення байкера на праезжую частку. Імгненнем пазней матацыкл сутыкнуўся з коламі грузавіка МАЗ, што ехаў наперадзе, і ўспыхнуў.

Байкер – 33-гадовы жыхар Бабруйска – ударыўся аб прыпаркаваныя на ўзбочыне дарогі аўтамабілі. Са шматлікімі траўмамі ён шпіталізаваны. 

Здарэнне адбылося на вуліцы Дняпроўскай Флатыліі ў Бабруйску.

 

У Бабруйску з’явіліся станцыі зарадкі электратранспарту

Навіна ад

Устанавілі першыя 2 электразапраўкі. Буйнейшы не абласны горад Беларусі зрабіў важны крок да электрыфікацыі гарадскога транспарту. 

Зарадныя станцыі для электратранспарту атрымліваюць усё большае распаўсюджанне на Магілёўшчыне, але да апошняга часу заправіць электрамабіль у Бабруйску было немагчыма. Найбліжэйшая станцыя зарадкі AE Charging Station знаходзілася каля вёскі Сычкава непадалёк ад скрыжавання вуліцы Мінская шаша і бабруйскай акружной дарогі. 

Натуральна, што напачатку найвялікшы попыт на станцыі быў у буйных гарадах Беларусі, але цікавасць да такога транспарту пашырае сваю геаграфію. З’явіўся попыт на электразапраўкі і на Бабруйшчыне.

Як паведамляе рэсурс bobr.news, 21 верасня ў Бабруйску ўстанавілі адразу 2 зарадкі для электратранспарту. Электразапраўкі ўсталявала фірма Маланка непадалёк ад гандлёвага цэнтра Карона (вул. 50 год УЛКСМ). 

Зарадная станцыя (або электразаправачная станцыя) — прадстаўляе электраэнергію для зарадкі акумулятарнага электратранспарту, такога як электрамабілі, электробусы, электраскутары, электрасамакаты, гіраскутары, сігвеі, электравеласіпеды і г. д.

Калі ў Бабруйску новы від транспарту робіць толькі першыя крокі, то ў Магілёве электразапраўкі здзіўляюць толькі турыстаў з расійскіх рэгіёнаў. Магілёўцы да іх даўно прызвычаіліся. Толькі найбуйнейшая сетка электразарадных станцый Malanka мае ў горадзе больш за 10 заправак. 

Адрасы папулярных электразаправак у Магілёве: М-8 232-гі км, вул. Карла Маркса 11, вул. Чалюскінцаў 8, вул. Першамайская 146, вул. Будзёнага 15/34, вул. Цярохіна 11, пр-т Пушкінскі 7, вул. Прывакзальная 2а, каля будынку Тэхнапарку і г.д.