Tag: ожоги

Тры чалавекі за суткі атрымалі апёкі на пажарах у Магілёўскай вобласці

Навіна ад

Здарэнні адбыліся ў Кіраўску, Бабруйску і Магілёўскім раёне – паведамляе МНС.

11 снежня ў 18.24 паступіла паведамленне аб шпіталізацыі 74-гадовай пенсіянеркі, якая пражывае з мужам у г. Кіраўску, з тэрмічным апёкам 22% цела.

Высветлілася, што пажар адбыўся яшчэ раніцай: жанчына падагравала ваду на газавай пліце і адчула сябе дрэнна. Яна схапілася за газавую пліту, і ад полымя гарэлкі на жанчыне загарэлася адзенне. Пенсіянерка зняла палаючую вопратку і кінула ў ракавіну. Апёкі вышмаравала алеем, надзела новае адзенне і ад мужа здарэнне схавала. Аднак на працягу дня яе стан пагоршыўся і мужу прыйшлося выклікаць хуткую дапамогу. Медыкі пры аглядзе знайшлі апёкі і шпіталізавалі пенсіянерку ў бальніцу.

Прычына пажару – парушэнне правілаў эксплуатацыі газавых прылад і агрэгатаў.

Яшчэ адно вогненнае здарэнне ўстаноўлена дзякуючы медыкам: 11 снежня ў 20-00 паступіла паведамленне аб шпіталізацыі 58-гадовага жыхара Бабруйска з тэрмічным апёкам 0,5 працэнта цела.

Пры праверцы ўстаноўлена, што мужчына атрымаў апёк 10 снежня з-за ўзгарання пасцельных прыналежнасцяў ад цыгарэты. Падраздзяленні МНС не прыцягваліся. Прычына пажару – неасцярожнае абыходжанне з агнём пры курэнні пацярпелага.

11 снежня 2023 года ў 22.17 суседзі паведамілі аб пажары жылога дома ў вёсцы Алень Магілёўскага раёна.

Прыбыўшы на месца, ратавальнікі выявілі, што дом ужо быў поўнасцю ахоплены агнём. Гаспадыня дома – пенсіянерка 73 гадоў – атрымала апёкі 13% цела пры спробе самастойна патушыць пажар. Яе шпіталізавала брыгада хуткай дапамогі. Пажар пашкодзіў дах, перакрыцце і маёмасць унутры дома. Прычына пажару высвятляецца.

Фота ілюстрацыйнае.

У Бабруйску 58-гадовая жанчына атрымала апёкі

Навіна ад

29 жніўня ў Бабруйску была шпіталізавана 58-гадовая пенсіянерка з апёкамі 80 працэнтаў цела – паведамляе МНС.

Жанчына па памылцы кінула недакурак цыгарэты ў бутэльку з бензінам, якая выкарыстоўвалася для запраўкі газонакасілкі. Успышка лёгкай на загаранне вадкасці прывяла да ўзгарання адзення і атрымання апёкаў. Сын жанчыны падручнымі сродкамі ліквідаваў гарэнне.

Фота: МНС

Пад Касцюковічамі хлопчык хацеў запаліць мангал бензінам і апёкся

Навіна ад

У аграгарадку Муравілле Касцюковіцкага раёна хлопчык малодшых класаў вырашыў самастойна распаліць мангал і атрымаў апёкі. Дарослых падчас здарэння побач з ім не было.

На выходных сям’я смажыла шашлыкі на сваім падворку. Калі мяса прыгатавалася, дарослыя пайшлі ў хату вячэраць. Але іх дзевяці гадовы сын вярнуўся да мангала і вырашыў запаліць яго самастойна. Дровы ніяк не хацелі загарацца ад запалкі, пагэтаму дзіця адкрыла гараж і пераліло з каністры бензін у пластыкавую бутэльку. Пары лёгкаўзгаральнай вадкасці патрапілі на рукі і адзенне.

Як толькі хлопчык запаліў запалку, каб развесці ў мангале агонь, полымя ўспыхнула, і ён атрымаў апёкі. Увечары таго ж дня яго даставілі ў раённы шпіталь – паведамляе міністэрства па надзвычайных сітуацыях. 

Фота ілюстрацыйнае

У Круглянскім раёне на пліце разарвала афганскі казан, двух чалавек шпіталізавалі

Навіна ад

Днём 30 чэрвеня ў вёсцы Засіцце Круглянскага раёна ў прыватным доме падчас гатоўкі ежы на пліце разарвала афганскі казан – паведамляе прэс-служба МНС. Двух чалавек абдала гарачай парай – жонку гаспадара дома і яго брата. Абое былі шпіталізаваныя з апёкамі.

Фота ілюстрацыйнае

Яшчэ адзін мужчына загарэўся, распальваючы мангал, цяпер у Бабруйску

Навіна ад

Увечары 23 чэрвеня мужчына 1996 года нараджэння, жыхар Бабруйска, трапіў у лякарню з апёкамі полымем 16% цела.

Як высветлілася, мужчына знаходзіўся ў гасцях у знаёмага на тэрыторыі прыватнага дома, атрымаўшы апёкі полымем ад таго, што на ім загарэлася адзенне пры распальванні мангала з выкарыстаннем спецыяльнай вадкасці для распальвання. Брыгадай хуткай медыцынскай дапамогі пацярпелы быў шпіталізаваны – паведамляе міністэрства па надзвычайных сітуацыях.

Прычым гэты выпадак з’яўляецца ўжо другім у Магілёўскай вобласці на гэтым тыдні. Пра падобны няшчасны выпадак, які здарыўся ў Горках ўжо пісалі mogilev.media. Адбываліся гэтыя здарэнні ў самы разгар шашлычнага сезона.

Фота ілюстрацыйнае

У Горках хлопец распальваў мангал і загарэўся

Навіна ад

У Горках на вуліцы Будаўнікоў малады чалавек у двары прыватнага дома распальваў мангал. Дзень хіліўся да вечара, і, каб справа пайшла хутчэй ён плёснуў вадкасць-распальвальнік. Але пары вадкасці патрапілі на вопратку і тканіна хутка ўспыхнула – паведамляе міністрэства па надзвычайных справах. З апёкамі юнака шпіталізавалі ў раённую бальніцу.

Фота ілюстрацыйнае

Гэта было не паленне смецця – пенсіянерку пад Шкловам падпаліў сужыцель

Навіна ад

Гісторыю пра апёкі падчас паленне смецця прыдумаў сужыцель 61-гадовай пенсіянеркі, каб схаваць свой учынак.

Зусім нядаўна на mogilev.media выйшаў матэрыял пра пенсіянерку з вёскі Падкняжанне Шклоўскага раёна, якая нібыта паліла гаспадарчае смецце, на ёй загарэлася вопратка і жанчына атрымала апёкі 40% цела.

Насамрэч аказалася, што жанчыну падпаліў яе сужыцель. Менавіта гэты факт патлумачыла пенсіянерка лекару пры шпіталізацыі.

Следча-аператыўнай групай, якая прыбыла на месца здарэння, быў праведзены пільны агляд, які пацвердзіў словы жанчыны. Падрабязна зафіксавана карціна здарэння, апытаны суседзі і сужыцель пацярпелай.

Высветлена, што падчас сумеснага распівання спіртнога паміж сужыцелямі ўзнікла сварка. Мужчына абліў жанчыну вадкасцю лёгкай на загаранне і падпаліў. У выніку яна атрымала цяжкія тэрматраўмы.

Спалохаўшыся наступстваў, мужчына паспрабаваў схаваць сляды злачынства і звярнуўся да суседзяў, каб тыя выклікалі хуткую. Медыкам, якія прыбылі на месца здарэння, ён растлумачыў, што жанчына займалася паленнем гаспадарчага смецця і на ёй выпадкова загарэлася адзенне – паведамляе следчы камітэт.

На дадзены момант у дачыненні да мужчыны ўзбуджана крымінальная справа за замах на забойства, учыненае з асаблівай жорсткасцю. Падазроны затрыманы, праводзяцца следчыя дзеянні.

Што да жанчыны, то ў цяперашні час яе стан ацэньваецца лекарамі, як цяжкі.

Фота: sk.gov.by

Пад Шкловам жанчына распальвала смецце бензінам і атрымала апёкі 40% цела

Навіна ад

Удзень 24 мая 62-гадовая пенсіянерка з вёскі Падкняжанне Шклоўскага раёна спальвала бытавыя адыходы і траву побач з домам. Каб агонь разгарэўся хутчэй, жанчына выкарыстоўвала бензін.

Парывам ветру агонь перакінуўся на вопратку, якая загарэлася. У выніку здарэння жанчына атрымала апёкі 40 працэнтаў цела. Пацярпелая шпіталізавана — паведамляюць “Магілёўскія ведамасці”.

Прычына пажару і моцных апёкаў відавочная – неасцярожнае абыходжанне з агнём.

Фота ілюстрацыйнае

Абгарэлі 20% цела – у Бабруйску гаспадар няўдала затапіў печку і трапіў у рэанімацыю

Навіна ад

20 лютага жыхар Бабруйска 1968 года нараджэння растапліваў печку, але з-за неасцярожнасці апаліўся. Жонкі і дачкі з ім у хаце не было. Мужчына нічога не прадпрыняў пасля атрымання апёкаў, а назаўтра яго самаадчуванне значна пагоршылася. Познім вечарам 21 лютага ён быў дастаўлены ў рэанімацыйнае аддзяленне шпіталя з апёкамі 20% цела – паведамляе прэс-служба МНС.

Фота: МНС

Вядро сернай кіслаты праліла на сябе работніца-бабруйчанка

Навіна ад

Следчы камітэт праводзяць праверку па факту атрымання хімічных апёкаў жыхаркай Бабруйска – паведамляе сайт ведамства.

Працоўная аднаго з бабруйскіх заводаў 13 лютага была дастаўлена ў лякарню з хімічнымі апёкамі. Яна паведаміла, што на працы выпадкова на сябе выліла вядро сернай кіслаты.

Следчыя устанавілі, што ў парушэнне тэхнікі бяспекі жанчына ўмяшалася ў тэхналагічны працэс па вытворчасці этылавага спірту. Спроба ўручную паскорыць працу абярнулася для яе  моцнымі апёкамі.

Высвятляюцца прычыны і ўмовы, якія садзейнічалі вытворчай траўме.

Фота: Следчы камітэт