Намаганні чыноўнікаў, каб Апошні званок выглядаў пафасна аказаліся марнымі. Калі выпускнікі пачалі збірацца ў вызначаным месцы пайшоў дождж. Бюракратычнай частцы Апошняга званка такім чынам перашкодзіла непагадзь.Цэнтральнай часткай свята меліся стаць імпрэзы на галоўных плошчах гарадоў.
Магілёўскія ўлады вымушаныя былі адмянілі прадстаўленне на плошчы Славы. Выпускнікі паразыходзіліся па гораду, заняўшы кавярні і, каб не намокнуць аркі. Дождж не сапсаваў ім настрой. Моладзь радасна віншавала сябе і дзякавала настаўнікам за навучанне.
У некаторых гарадах начальства так старанна рыхтавалася да Апошняга званка, што правяло нават генеральныя рэпетыцыі.
У Бабруйску, прыкладам, некалькі сотняў выпускнікоў сабралі ў суботу на плошчы Перамогі і трэніравалі прадстаўленне са спяваннем гімна, уручэннем асабліва таленавітым грамат, дыпломаў і прамоў «айцоў гораду».
Спяванне гімну выглядала надта пакузушна. Вядучая ўвесь час перапыняла выпускнікоў рэплікамі: «Правы край спявайце! Хор, уключыліся! Цяпер добра! Левы фланг! Чаму не ведаеце словаў! Каб да панядзелка ўсе вывучылі тэкст!».
Школьнікі вяла рэагавалі і а мінакі ахвотна фатаграфавалі тое дзейства, перапытваючы адзін аднаго: «Што гэта за цуд?».
У панядзелак быў забаронены продаж спіртнога. Хаця, даўно не таямніца, што на Апошні званок, а затым выпускны алкаголь закупляецца загадзя. Большасць начных клубаў, рэстаранных комплексаў ужо зарэзервавана. Занятыя нават прыгарадныя аграсядзібы.
Абедзве імпрэзы абыдуцца бацькоў не танна. 50 долараў трэба выкласці ім на віншаванні, падарункі настаўнікам і фатаграфаванні. Пагулянка будзе каштаваць пад 100 долараў. Выпускнікі гімназіяў, напрыклад, ацэньваюць кошт двух імпрэзаў у 300 долараў.
Зламыснік затрыманы і яму пагражае да сямі гадоў калоніі.
Паводле намесніка начальніка Магілёўскага міжраённага аддзелу Следчага камітэту Аляксандра Карасёва гісторыя з крадзяжом адбылася на запраўцы. Сыр пацярпелы вёз у Расію.
Яго зламыснік перанёс у сваю машыну за некалькі гадзінаў. Пра крадзеж двух паддонаў тавару на суму 14,7 тысяч рублёў кіровец даведаўся ранкам.
Як піша газета «Прыдняпроўская ніва» злодзей затрыманы. Яму 31 год. Невялікую частку скрадзенага ён паспеў прадаць. Мужчыне інкрымінаваны крадзеж у буйным памеры. Ён пад вартай. Яму пагражае да сямі гадоў калоніі.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
Мікалаеў спыняе супрацоўніцтва з Магілёвам і Браславам і ў аднабаковым парадку скасоўвае Пагадненні аб пабрацімстве з імі, паведаміў мэр гораду Аляксандр Сянкевіч. Паводле яго кіраўніцтву гарвыканкамам накіраваныя адпаведныя лісты.
rbc.ua
«Ва ўмовах, калі Беларусь не толькі падтрымлівае вайну Расіі супраць нашай краіны, але і прадстаўляе расійскім войскам сваю тэрыторыю для назапашвання ваеннай тэхнікі і абстрэлаў украінскіх гарадоў балістычнымі і крылатымі ракетамі, супрацоўніцтва паміж намі быць не можа», цытуе Аляксандра Сянкевіча інтэрнэт-выданне «Українська правда».
Мэр Мікалаева дадае, што «беларускі народ, абавязкова здабудзе незалежнасць!».
«Прыйдзе ваш час, і мы будзем будаваць новыя партнёрскія адносіны», – адзначыў ён.
29 мая ў выніку абстрэлу расійскімі войскамі Мікалаеўскай вобласці ва адзін чалавек загінуў і трое параненыя.
kor.ill.in.ua
Паводле мэра Набужска Максіма Лагадзіенкі райцэнтр 29 мая ўпершыню быў атакаваны расіянамі за час поўнамаштабнага ўварвання ва Ўкраіну, паведамляе інтэрнэт-выданне «Стоп-кор».
28 мая пад абстрэл трапілі жылыя кварталы Мікалаева. Адзін чалавек загінуў і шасцёра атрымалі раненні, паведамляе выданне «Ria-m.tv».
inshe.tv
У Мікалаеве ўводзяць харчовыя карткі. На атрыманне бясплатнага хлеба і кансерваў
Новыя правілы пачнуць дзейнічаць з 2 чэрвеня, а выдача харчовых набораў прыпыняецца на перыяд выдачы карт харчавання (з 30 мая па 1 чэрвеня).
Габрава, Балгарія
Найдаўнейшы пабрацім Магілёва. Дамова аб супрацоўніцтве была падпісана ў 1988 годзе. У 200-ым былі адноўленыя пабрацімскія сувязі. У Магілёве праспект названы Габраўскім. Адзін з рэстаранаў называецца Габрава. Габрава месціцца ў цэнтры краіны. Насельніцтва-55 тысяч чалавек. Ён лічыцца балгарскай сталіцай гумару. Ёсць у ім Дом гумару і сатыры. Ладзяцца фестывалі гумару.
Балгарыя не пастаўляе зброі Ўкраіне, «няўхільна» выконвае рашэнне парламенту, заяўляе намеснік міністра абароны Ёрдан Бажылаў. Ён катэгарычна зняпраўдзіў падазрэнні, што балгарскія самалёты СУ-25 пастаўленыя ва Украіну пасля рамонту ў Беларусі, перадае інтэрнэт-выданьне Informo.bg.
rus.bg
У 2020 годзе выданне паведамляла, што першыя два адрамантаваныя самалёты Су-25 у Беларусі былі дастаўлены на адну з балгарскіх авіябаз. Штурмавікі рамантавалі на авіярамонтным заводзе ў Баранавічаў.
Паводле яго рамонт летакоў у Беларусі адбыўся ўпершыню за 18 гадоў. Мадэрнізаваць тэхніку дазволіла рамачнае пагадненне і кантракт падпісаны ў 2018 годзе. Ён прадугледжваў рамонт 8 самалётаў. Два апошнія з іх меліся вярнуцца ў Балгарыю да канца лютага 2021 года. Іх мадэрнізацыя дазволіла летакам удасканаліць баявыя якасці.
30 мая 1888 года ў Магілёве нарадзіўся Сяргей Мігай (1888-1959). Артыст оперы (барытон).Актыўна ўдзельнічаў у рабоце Магілёўскага літаратурна-музычна-драматычнага гуртка. У горадзе яго імем названы завулак. Сяргей Мігай спяваў у Вялікім тэатры, Ленінградскай оперы, прафесар Маскоўскай кансерваторыі, Народны артыст РСФСР.
bis.nlb.by
30 мая 1896 года ў Рагачове Магілёўскай губерні нарадзіўся Канстанцін Саннікаў (1896-1965), беларускі і савецкі рэжысэр, актор, Народны артыст БССР, Лаўрэат двух Сталінскіх прэміяў. Канстанцін Саннікаў дзед Андрэя Саннікава, палітычнага і грамадскага дзеяча, кандыдата ў прэзідэнты на выбарах 2010 году.
bis.nlb.by
30 мая 1927 года нарадзіўся Вітаўт Кіпель. Беларуска-амерыканскі грамадскі дзеяч і публіцыст, намесніка Старшыні Рады БНР, доктар мінералогіі, ганаровы доктар Гродзенскага ўніверсітэту, адзін з кіраўнікоў скаўцкага руху беларусаў у эміграцыі і амерыканскага скаўцкага руху. У 1993 г. у Мінску выйшла яго манаграфія «Беларусы ў ЗША».
nashaniva.com
30 мая 1946 года ў Віцебску нарадзіўся Вальдо Калінін. Беларускі цыган, паэт. Пісаў па-цыганску і беларуску. Яшчэ ён перакладчык. Пераклаў Біблію на цыганскую мову. Працаваў у Віцебскім Інстытуце ўдасканалення настаўнікаў. Цяпер – грамадзянін Вялікай Брытаніі.
lit-bel.org
30 мая 1975 года ў Магілёве нарадзіўся Зміцер Грумо. Намеснік дырэктара Інстытуту эксперыментальнай батанікі НАНБ, геабатанік, эксперт міжнародных праектаў Глабальнага экалагічнага фонду і праграмы развіцця ААН па пытаннях стварэння асабліва ахоўных прыродных тэрыторый, развіцця экатурызму, другаснага забалочвання. Аўтар першай кнігі па асабліва ахоўных прыродных тэрыторыях Магілёўскай вобласці.
fme.msu
30 мая 1999 года ў пераходзе станцыі мінскага метрапалітэну «Няміга» у выніку масавай таўкатні загінулі 53 чалавекі і пацярпела больш за 250 чалавек. Большасць загінулых маладыя людзі ад 14 да 20 гадоў. Людзі ў пераходзе хаваліся ад дажджу з градам. У краіне была абвешчана трохдзённая жалоба. На месцы трагедыі, 30 мая 2002 г. усталяваны помнік Крымінальную справу спынена 25 сакавіка 2002 г. у сувязі з заканчэннем тэрміну даўнасці. Вінаватых у трагедыі не назвалі.
30 мая 2015 года ў Магілёве на беразе Дняпра ўпершыню арганізаваны талакой гарадскі пікнік, які пазней перарос у Вялікі гарадскі пікнік.
Цэнтр гарадскіх ініцыятыў арганізаваў свята, на якім было прадэманстравана як можна танна, весела і культурна бавіць час на прыродзе з сям’ёй і сябрамі без тытуню і алкаголю. Гарадскія пікнікі ладзіліся ў Магілёве да 2020 году.
Выпадение дождей связано с тем, что Беларусь находится под влиянием атмосферных фронтов. Синоптики говорят, что он смещается из Карпат. Поэтому в Могилеве погода 30 мая ожидается с переменной облачностью и дождями.
Белгидромет предупреждает, что в отдельных районах ожидаются грозы, сильные дожди и усиление ветра порывами до 15-18 м/с.
Будьте осторожны. Гроза явление опасное. 30 мая 2000 года в деревне Яновка Климовичского района она убила сразу 39 бычков совхоза «Высоковский».
Не забывайте про погодные сюрпризы. Два дня назад, 28 мая, в некоторых районах Могилёвщины выпал град и напугал дачников. Они обеспокоены последствиями для своего урожая. Подтверждение на фото.
Сегодня града не обещают. Пройдут ливни. Температура 15- 17°C. Атмосферное давление в течение суток в пределах от 742-745 мм ртутного столба.
По данным из открытых источников температурная норма для 30 мая для Могилева в последние годы составляет 20°С. Минимальная температура за все время инструментальных наблюдений 2°С была зафиксирована в 1953 году, а максимальная 28°С в 1995 году.
29 мая – Міжнародны дзень міратворцаў Арганізацыі Аб’яднаных Нацыяў. Адзначаецца ад 2002 году.
У 1948 годзе першая міратворчая місія «Орган ААН па назіранні за выкананнем умоў перамір’я« пачала аперацыі ў Палестыне.
У 1988 годзе міратворчым сілам ААН была прысуджана Нобелеўская прэмія міру.
У Беларусі існуе міратворчая рота. 2 жніўня 2010 годзе Аляксандр Лукашэнка падпісаў Указ «Аб накіраванні вайскоўцаў Узброеных Сіл Рэспублікі Беларусь для ўдзелу ў дзейнасці па падтрыманні міжнароднага міра і бяспекі ў Ліванскай Рэспубліцы». Вайсковы кантынгент складаў 9 чалавек.
www.un.org
29 мая 1453 года Канстанцінопаль захапілі войскі султана Асманскай імперыі Мехмеда II. Цяпер гэта горад у Турцыі – Стамбул.
Акупацыяй Канстанцінопалю быў пакладзены канец 1100-гадовай гісторыі хрысціянскай Візантыйскай імперыі.
Пра падзеі 1453 году «Хроніка Быхаўца» сціпла паведамляе:
«29 траўня туркі ўзялі Царград». Беларускія летапісы адзначалі, што гэты год адзначыўся непагаддзю.
lampada.in.ua
30 мая 1780 года закладзены Іосіфаўскі кафедральны сабор у Магілёве. Адзін з найбольш ранніх помнікаў класіцызму ў культавай архітэктуры Беларусі.
Зруйнаваны ў 1937 годзе згодна з генеральным планам забудовы Магілёва, які збіраліся зрабіць сталіцай Беларусі. На месцы святыні пабудавалі гатэль «Дняпро».
У кастрычніку 2011 году агучваліся планы гарвыканкаму аб аднаўленні сабора.
static.auction.ru
29 мая 1792 года завяршыўся Чатырохгадовы Сойм (Вялікі Сойм) Рэчы Паспалітай, які працаваў у Варшаве з 6 кастрычніка 1788 да 30 чэрвеня 1792. Сойм увёў рэкрутчыну паводле тэрытарыяльнага прынцыпу, пастанавіў павялічыць войска, ураўнаваў у правах мяшчан з шляхтаю, надаў правы габрэям і праваслаўным, зацвердзіў канстытуцыі 3 траўня.
У 1772 годзе адбыўся першы падзел Рэчы Паспалітай. Чатырохгадовы Сойм праходзіў, калі беларускія землі ўжо былі захопленыя Расіяй. У пачатку 1795 гэтая Рэч Паспалітая была цалкам акупаваная і знікла з мапы Еўропы.
be-tarask.wikipedia.org
29 мая 1920 года ў Навазыбкаве (цяпер – Бранская вобласць Расіі) бальшавікі расстралялі Фабіяна Шантыра (1887-1920), беларускага літаратара і дзяржаўнага дзеяча.
У 1914-1917 гадах служыў наглядчыкам палявога ваеннага шпіталю ў Бабруйску. Быў жанаты на Зосьцы Верас. Лідар левага крыла Беларускай сацыялістычнай грамады, член Беларускіх нацыянальных арганізацый, Цэнтральнай рады беларускіх арганізацый і партый, загадчык Смаленскага аддзялення Беларускага нацыянальнага камісарыяту, камісар па нацыянальных справах Часовага ўраду БССР, супрацоўнік Менскага губернскага ваеннага камісарыяту і Асобай харчовай камісіі Заходняга фронту.
be-tarask.wikipedia.org
29 мая 1945 года ў Копысі нарадзіўся Аляксей Кароль (1945-2015).
Беларускі грамадскі дзеяч, гісторык, кандыдат гістарычных навук, журналіст, рэдактар газеты «Новы час» (2007-2015). Аўтар манаграфіі пра Ўсевалада Ігнатоўскага, прац пра рэабілітацыю Змітра Жылуновіча, пра «нацдэмаў», рэпрэсаваных у 1920-1930 гады. Сузаснавальнік Партыі народнай згоды. Падчас прэзідэнцкіх выбараў 2006 г. быў даверанай асобай Аляксандра Казуліна.
29 мая 1946 года прынята пастанова Савету міністраў СССР аб будаўніцтве Мінскага трактарнага заводу.
У 1990 г. выпускаў 110 тысячаў трактароў у год (кожны 10-ы у свеце). Цяпер каля 30 тыс. На экспарт пастаўлена больш за 2,6 млн адзінак тэхнікі ў больш чым 100 краін свету. У лютым 2022 г. выраблены чатырохмільённы трактар.
wikimedia.org
29 мая 1965 года прынята рашэнне Савету Міністраў СССР аб будаўніцтве ў Магілёве камбіната сінтэтычнага валакна.
Першую прадукцыю беларускага лаўсану вырабілі 5 лістапада 1968 г.
Першую чарга камбінату ўвялі 9 ліпеня 1971 году. Пра чатыры гады ён стаў галаўным на створаным Вытворчым аб’яднанні «Хімвалакно».
31 снежня 2002 году прадпрыемства было пераўтворана ў адкрытае акцыянернае таварыства. На сёння прадпрыемства выпускае дыметылтэрафталат, поліэтылентэрафталат, поліэфірнае валакно, лаўсан, тэхнічныя ніці, нятканыя матэрыялы і шмат іншай прадукцыі.
Па выніках 2020 году кампанія мела выручку 580,2 млн руб. (223 млн дол. ЗША), чыстых страт на 6 тыс. руб. (2300 дол. ЗША), не размеркаваных страт у 119,8 млн руб. (46 млн дол. ЗША).
29 мая 1975 года на Беларускім аўтазаводзе пачалася вытворчасць самага буйнога ў СССР грузавіка «БелАЗ-7520» грузападымальнасцю 110 тон.
На сёння, у ТОП-5 сусветных вытворцаў суперсамазвалаў уваходзяць: БелАЗ 75710, 496 т; амерыканскі Terex MT 6300AC, 400 т; нямецкі Liebherr T 284, 400 т;.японскі Komatsu 980E-4, 360 т; амерыканскі Caterpillar 797F, 345 т.
wikimedia.org
29 мая 1977 года нарадзілася Святлана Зелянкоўская, беларуская актрыса.
Працавала ў Нацыянальным акадэмічным тэатры імя Янкі Купалы. У ліпені 2017 сышла з тэатру. Жонка спявака Сяргея Міхалка. Вядома гледачам па ролях у фільмах «Казка пра зорнага хлопчыка», «Ідзі і глядзі», «Анастасія Слуцкая» (роля княгіні Анастасіі).
stuki-druki.com
29 мая 2008 года памёр ураджэнец в. Красная Кіраўскага раёну Магілёўскай вобласці Валянцін Рабцэвіч (1934-2008).
Беларускі гісторык, археолаг, доктар гістарычных навук, прафесар, заснавальнік беларускай нумізматыкі.
Вывучаў гісторыю грашовага звароту на землях ВКЛ і Кароны, тапаграфію манетных скарбаў на Беларусі. Аўтар класічных манаграфіяў па нумізматыцы. Стваральнік нумізматычнага кабінета БДУ. Дзякуючы яго намаганням на Беларусі застаўся ўнікальны скарб з паясамі Вітаўта, які збіраліся прадаць у Расію.
Сакавіцкі скачок інфляцыі адбыўся праз распачатую спэцаперацыю Расіі ва Ўкраіне і рэакцыяй сусветнай эканомікі на яе, лічыць кіраўнік гэтага дзяржаўнага органа ўпраўлення Аляксей Багданаў.
Ён запэўнівае, што ў маі рост агульнага ўзроўню цэнаў на тавары і паслугі не перавысіць аднаго працэнту, а ў летнія месяцы запаволіцца.
У інтэрв’ю інфармацыйнаму агенцтву Белта ён заявіў, што Міністэрства падрыхтавала праграму стрымлівання цэнаў, якую разглядае ўрад. Што да інфляцыйнай сітуацыі і росту цэнаў у першыя месяцы году, то ў зімовыя месяцы, паводле Багданава, гэта было звязана з адменай зніжак у студзені і традыцыйным падвышэннем тарыфаў на камунальныя паслугі, падаражэнне садавіны і гародніны ў міжсезонні.
Па ягоных словах у сакавіку ж скачок інфляцыі сягнуў 6,1 працэнты праз распачатаю спэцаперацыю Расіі ва Ўкраіне і рэакцыяй на гэта сусветнай эканомікі. У далейшым, кажа Багданаў, умацаванне рубля дазволіла знізіць інфляцыйныя працэсы да 1,6 працэнтаў у месячным выражэнні.
Калісьці гэтую птушку паляўнічыя амаль выбілі на Беларусі.
Лебедзь – самая буйная птушка на нашых землях. Паляванне прывяло да амаль поўнага знішчэння папуляцыі ў канцы ХІХ – пачатку ХХ стагоддзяў. У краіне налічвалася ўсяго некалькі дзясяткаў пар. Пабачыць дзівосны белы карабель недалёка ад чалавечага жытла было вялікай удачай.
Лебедзь доўгі час быў у Чырвонай кнізе. У 1984 годзе, каб абараніць месца гнездавання для адной пары пад Мінскам стварылі заказнік «Лябяжы». Паступовае аднаўленне беларускай папуляцыі стала магчымым дзякуючы перасяленню птушак з Літвы і Польшчы.
Цяпер лебедзяў на нашых землях стала багата. Іх выключылі з Чырвонай кнігі. Папуляцыя складае ад некалькіх соцень да паўтары тысячы пар у залежнасці ад сезону.
Хоць паяўленне гэтай грацыёзнай птушкі на беларускіх вадаёмах перастала быць рэдкасцю, відовішча з некалькіх дзясяткаў лебедзяў на разложыстым поплаве ўражвае.
Лебядзінае чарада заўважаная ля вёскі Вараніно, што ў Быхаўскім раёне. У той самай пойме Дняпра, якая ператвараецца штогод у мора разліванае, даруючы мясцовай фаўне шыкоўны пачастунак у пазасталых калюжынах.
Для агратурызму ўзнялі падаткі. Эксперты не выключаюць, што ад новаўвядзенняў могуць збанкрутаваць да 17 працэнтаў аграсядзібаў. На гэты від бізнесу, які да 2022 году лічыўся самай ільготнай сферай дзейнасці ў краіне, скажацца і адключэнне Беларусі ад сістэмы браніравання Booking і Airbnb.
Напачатку Магілёў. media апавядае пра гісторыю поспеху аграсядзібы ў Слаўгадскім раёне. Яе гаспадары пазбягаюць гаварыць пра праблемы. Яны засяроджаныя на поспехах.
Аграбізнес захаваў бабуліну хату, у якой цяпер знаёмяць з таямніцамі даўнейшага жыцця вяскоўцаў
На Магілёўшчыне пад тры сотні аграсядзібаў, якія прапануюць кліентам адпачынак з разнастайнымі заняткамі: рыбалка, паляванне, баўленне з сям’ёй выхаднога дня. Гаспадары пазнаёмяць наведнікаў з традыцыйнымі промысламі і рамёствамі. Адкрыюць таямніцы нацыянальнай кухні і кулінарыі.
Паводле знаўцаў агратурызму за апошнія два гады попыт на туры выхаднога дня значна ўзрос. Нямала гараджанаў замест паездак за мяжу выбіраюць беларускую глыбінку.
У адной з сацыяльных сетак яе карыстальнікаў падзяліўся ўражаннямі ад наведвання аграсядзібы ў глыбінцы Магілёўшчыны. У Слаўгарадскім раёне, у вёсцы Ржаўка, піша ён, мясцовыя жыхары Галіна і Аляксей Ермаковы стварылі «Пчалінае царства».
Усё тут звязана з пчоламі і пчалярствам. Турыст трапляе ў мінулае, дзе яму аповядаюць пра культурныя і гастранамічныя традыцыі магілёўскага Пасожжа. Знаёмяць са схаваным светам пчол.
Наведнікам «Пчалінага царства» прапануецца сеанс апітэрапіі. Тое незвычайная комплексная тэрапія, якая выкарыстоўвае вынікі жыццядзейнасці пчол. Пацыент спіць на вуллях. Гэта дапамагае ў лячэнні боляў спіны, выбаўляе ад галаўнога болю, ратуе ад стомы, стрэсу ды бяссонніцы. Пазітыўна ўздзейнічае на дыхальную, страўнікава-кішачную і сэрцава-судзінную сістэмы.
Як піша наведнік «Пчалінага царства» яго гаспадыня Галіна паводле адукацыі школьны псіхолаг. Яна сустракае гасцей аграсядзібы ў ролі «Пчалінай каралевы». Галіну радуе, што невялікі іхны з мужам бізнес дазволіў захаваць бабуліну хату. Падчас яе агледзінаў госці даведваюцца пра вясковыя традыцыі і традыцыі пчалярства. У доме гучыць беларуская мова.
Галіна кажа, што ў хаце месціцца экамузей, створаны 5 гадоў таму, калі ажыццяўляўся мясцовы праект «Ад вытокаў да развіцця» і фонду развіцця сельскіх тэрыторый «Адраджэнне-агра». Пры музеі ёсць крамка. У яе асартыменце мёд, васковыя свечкі, праполісныя халсцінкі, сам праполіс ды іншыя прадукты пчалярства і рамесніцтва.
Жыццём на вёсцы задаволеныя. Тут сталы занятак, даход ад яго
Амплуа Аляксей, галінінага мужа, працягвае наведнік «Пчалінага царства», «Труцень». Паводле сямейных паданняў, Аляксей пчаляр у пятым пакаленні. Пчалярствам займаюцца і яго Галінай дзеці. Бабуля і дзядуля чакаюць, што ўнукі стануць пчалярамі новай фармацыі.
Гаспадары цвердзяць: жыццём на вёсцы задаволеныя. Тут у іх сталы занятак, даход ад яго і адчуванне, што іхны бізнес прыносіць задавальненне наведнікам. Многія вяртаюцца, адзначаюць яны, каб зноў акунуцца ў вясковую экзотыку даўнейшага жыцця беларусаў.
Па словах уладальніка старонкі ў сацыяльнай сетцы з аповедаў Галіны І Аляксея госці даведваюцца пра таямніцы бортніцтва і пчалярства на Прапойскай зямлі. Прапойскам зваўся даўней цяперашні Слаўгарад. З гісторыі вядома, што тут шмат было пітных устаноў для падарожнікаў.
Па словах Ермаковых, падсумоўвае аповед уладальнік старонкі ў сацыяльнай сетцы, да 70% наведнікаў гэта – беларусы, астатнія – замежнікі. Іх сёлета прызнаюцца яны няшмат. Праблему Ермакову бачаць у неспрыяльных умовах надвор’я. Па іх словах госці прыязджаюць адпачыць, паласавацца беларускамі стравамі і надзівіцца прыгажосцю беларускіх краявідаў. А па вяртанні дамоў з нецярпеннем чакаюць спаўнення загаданага над Студняй Жаданняў.
Для аграсядзібаў надышлі не простыя часы
Магілёў. media прыкладам з «Пчаліным царствам» праілюстраваў наколькі руплівыя беларусы і здольныя да крэатыўнага развіцця свайго занятку. Уладальнікі аграсядзібаў у глыбінцы сваю будучыню бачаць не без хмарнай. Сёлета скасаваны льготны збор у сферы агратурызму, які існаваў ад 2006 году. Такая палёгка дазваляла лічыць агратурызм – адной з самых ільготных сфераў дзейнасці ў Беларусі.
Аграсядзібы і рамеснікі меліся штогод плаціць падатак у памеры двух базавых велічынь. У 2021 годзе гэта складала – 58 рублёў. Падатак падвысілі да 31 рублі ў месяц за адну сядзібу. Такую ж суму варта плаціць і за другую, калі яна ёсць. Пасля новаўвядзенняў, кажуць уладальнікі аграсядзібаў, гадавая сума падаткаў вырасце ў разы і сягне 350 рублёў.
Для вялікіх аграсядзібаў з наяўнасцю пастаянных кліентаў такая сума пад’ёмная. Для невялікіх, якія месціцца ў глыбінцы праблемная. Эксперты нагадваюць, што для агратурызму існуюць правальныя месяцы, калі турыстаў зусім няма. Гэта лістапад, снежань, люты, сакавік.
Яны адзначаюць, што людзі, занятыя ў агратурыстычным бізнесе, укладаюць не малыя грошы у упарадкаванне прылеглых да сядзібаў тэрыторыяў, рамантуюць дарогі, удасканальваюць інфраструктуру. Акрамя таго яны адраджаюць беларускія традыцыі, ствараюць працоўныя месцы, прыцягваюць у краіну замежнікаў, а значыць і валюту.
Існуюць больш песімістычныя прагнозы. Паводле іх да 17 працэнтаў існуючых аграсядзібаў збанкрутуюць. Гэта прывядзе да скарачэння працоўных месцаў у малых паселішчах, а таксама да таго, што ўладальнікі не змогуць вярнуць льготныя крэдыты, узятыя на развіццё сядзібаў.
З сакавіка 2022 году Беларусь адключана ад сістэмы браніравання Booking і Airbnb. Знікненне такіх сервізаў стане крытычным для тых аграсядзібаў, у якіх няма сваіх сайтаў і кліентуры.
Знаўцы гэтага бізнесу адзначаюць: беларусы адкрылі для сябе аграсядзібы ў перыяд пандэміі. Яны былі здзіўленыя на колькі адладжаны і арганізаваны ў іх адпачынак.
Паводле Белстата, на пачатак 2022 года ў Беларусі налічвалася 3150 аграсядзіб. Год таму іх было больш чым на дзве сотні менш – 2936. За 2021 год турысты пакінулі ў аграсядзібах каля 31 млн рублёў.
У Магілёўскай школе № 2 ліквідуюць класы, у якіх вывучаюць польскую мову і літаратуру. Афіцыйнага пацверджання таму пакуль няма.
Пра закрыццё класаў Магілёў. media стала вядома са сваіх крыніцаў. Паводле іх больш за 260 дзяцей з новага навучальнага года не будуць вывучаць польскую мову. З атэстатаў аб заканчэнні сярэдняй школы выдаляюцца графы, якія пацвярджаюць атрыманне адзнак па гэтых прадметах.
Сярэдняя школа № 2 была адзінай навучальнай установай на Магілёўшчыне, дзе вучылі польскай мове. Польшча і яе дыпламатычныя прадстаўніцтвы Ў Беларусі аказвалі падтрымку класам і самой школе. Цяпер спецыяльны статус для навучальнай установы праз рашэнне ўладаў будзе ліквідаваны.
Польскі бок дапамагаў школе рыштункам. Польскія студэнты рыхтавалі вучняў да конкурсаў, што дазвалялі ім перамагаць на іх. За кошт польскага фінансавання быў адрамантаваны школьны падворак. Ён быў абсталяваны бяспечнымі фізкультурна-аздараўленчымі прыстасаваннямі для вучняў малодшых класаў і вучэбнымі модулямі для старэйшых.
Спраўдзіць паведамленні крыніцаў нашага выдання пакуль не ўдаецца. На школьным сайце допісаў пра закрыццё класаў няма. Адзначаецца, што ў навучальнай установе «функцыянуюць класы з вывучэннем языка нацыянальнай меншасці (польскі) паводле вучэбным планаў, зацверджаным Міністэрствам адукацыі Беларусі».
«Польскія» класы адкрылі ў школе №2 у 1999 годзе. Спецыялісты кажуць, што за гэты час у навучальны ўстанове напрацавалі ўнікальны досвед выкладання, склаліся новыя традыцыі, з’явіліся нагоды для гонару.
Улады ўвесь час існавання такіх класаў адзначалі, што школа стала візітнай картачкай Польшчы для дзяцей і моладзі Магілёўскага рэгіёну.
Вядома, пра тое, што раней рашэнне аб закрыцці класаў, дзе вучылі польскай мове і літаратуры, у Гродна, Ваўкавыску, Брэсце.
rus.bg
nashaniva.com
websmi.by
static.auction.ru
be-tarask.wikipedia.org
wikimedia.org
wikimedia.org
stuki-druki.com
wikimedia.org
