Category: Навіны

Улады Мікалаева заклікаюць жыхароў устрымацца ад вяртання, горад сталі часцей атакаваць. Украінскіх уцекачоў на мяжы Латвіі з суседнімі краінамі паменела

Навіна ад

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Мікалаеў, Украіна

Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Старшыня Мікалаеўскай абласной адміністрацыі Віталь Кім заклікаў жыхароў гораду, якія збіраюцца вярнуцца, устрымацца ад гэтага. 

Па ягоных словах апошнім часам расійскія войскі ўзмацнілі атакі на Мікалаеў.

«Абстрэлы працягваюць узмацняцца, хоць горад ажывае. Таму тыя, у каго ёсць магчымасць, пачакайце яшчэ два-тры тыдні з вяртаннем. Потым мы яшчэ раз абмяркуем гэтае пытанне», – адзначыў Віталь Кім у сваім Telegram-канале. Яго допіс падае сайт тэлеканалу Прямий.

1 чэрвеня ў выніку абстрэлу Мікалаеўскай вобласці, паводле папярэдніх дадзеных, 1 чалавек загінуў і прынамсі 1 атрымаў раненні, паведамляе прэсавая служба абласной адміністрацыі. Ёсць разбурэнні і пашкоджанні жылых дамоў, піша партал «Матрица Свободы».

usm.media

1 чэрвеня адзіночны касетны боепрыпас трапіў у танкер Brentix, ашвартаваны ў порце Ачакаў. Пажар патушыў экіпаж, пацярпелых няма.

Інтэрнэт-выданне Ukrainian Shipping Magazine адзначае, што танкер Brentix пабудаваны ў 1980 годзе і ходзіць пад сцягам Танзаніі.

31 мая расійскія войскі атакавалі Мікалаеўшчыну, у выніку 22 чалавекі атрымалі раненні. Пацярпелі 22 чалавекі, піша інтэрнэт-выданне «Аператыўная Украіна», спасылаючыся на старшыню абласнога савету Ганну Замазееву. Яна адзначала, што сярод пацярпелых няма дзяцей.

i0.wp.com

Па ейных словах у на раніцу 1 чэрвеня ў мікалаеўскіх шпіталях знаходзіцца 256 грамадзян, якія пацярпелі ад нападаў расіян на рэгіён. Яшчэ 26 пацярпелым атрымалі амбулаторную дапамогу.

Даўгаўпілс, Латвія

Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.

У Даўгаўпілсе з 1 чэрвеня пенсіянеры будуць плаціць за праезд у грамадскім транспарце. Гэта вынікае з зацверджаных мясцовай думай тарыфаў і льготамі на праезд, перадае навінны партал Bb.lv.

bb.lv/engine

На прадпрыемстве Daugavpils satiksme, якое з’яўляецца аператарам пасажырскіх перавозак у горадзе, тлумачыць скасаванне льготы для пенсіянераў падаражэннем энергарэсурсаў і агульнай эканамічнай сітуацыяй у краіне. Без павышэння коштаў на праезд даступнасць транспарту аказалася б пад пытаннем, заяўляюць транспартнікі.

Сабекошт праезду ў даўгаўпілскім транспарце на пачатку году складаў 1,21 еўра, а ў лютым вырас да 1,50 еўра. Поўны кошт білетаў для пасажыраў пакуль 0,50 еўра.

Украінскіх уцекачоў на Латвійска-расійскай мяжы паменела. Многія ўкраінцы перасякаюць яе, каб вярнуцца дамоў, альбо дабрацца да іншых краін Еўропы, піша латвійскі навінны інтэрнэт-партал PRESS.LV, спасылаючыся на матэрыял калегаў з Латгальскай студыі Латвійскага радыё 4.

Транзітным уцекачам дапамагаюць валанцёры, Дзяржаўная памежная службы, Пажарна-выратавальная служба, а таксама органы самакіравання.

З пачаткам поўнамаштабнага ўварвання расійскіх войск ва Ўкраіну Латвійскую мяжу з Расіі і Беларусі перасеклі 57 тысяч грамадзян Украіны. Не ўсе яны ў Латвіі атрымалі статус ўцекачоў. Большасць разглядаюць яе, як транзітную краіну, каб вярнуцца на радзіму, альбо накіравацца далей у Еўропу, засяроджваюць увагу журналісты.

Сынжэрэй, Молдова

Горад пабрацім Асіповічаў. Месціцца за 25 кіламетраў ад гораду Бельцы. Насельніцтва 15 тысяч чалавек.

У невялікім Сынжэрэі цяпер будуць асвойваць навыкі вялікага тэнісу на сучасным корце. Праект па яго ўзвядзенні прафінансавала камерцыйныя арганізацыяй, якая вырабляе мінеральную ваду, паведамляе Бельцкі незалежны партал СП.

esp.md

Выданне адзначае, што корты адпавядаюць гульнявым стандартам і падыходзяць для трэніровачнага працэсу.

Па словах прадстаўніка арганізацыі працы над кортам працягваліся два гады і на ім будуць трэніравацца дзеці. Мэр гораду на адкрыцці адзначыў, што магчыма з мясцовых юных прыхільнікаў гэтага віду спорту вырастуць зоркі тэнісу.

Траўна, Балгарыя

Горад пабрацім Асіповічаў. Насельніцтва 10 тысяч чалавек. Цэнтр аднайменнай абшчыны ў Габраўскай вобласці. Старая частка гораду абвешчана архітэктурным запаведнікам. У ёй 140 помнікаў эпохі нацыянальнага адраджэння. Штогод ладзіцца адзіны ў краіне міжнародны пленэр драўлянай пластыкі.

У Траўне адзначылі 70-годдзе станаўлення мясцовага баскетболу, які найупадабанейшы від спорту ў гараджанаў. Горад славуты традыцыямі баскетболу.

tryavna.bg

Многія выхадцы з Траўны гуляюць у прафесійных клубах, піша інтэрнэт-выданне Informo.bg.

На афіцыйнай урачыстасці прадстаўнікі мэрыі адзначылі знаных спартоўцаў і юных баскетбалістаў, пераможцаў спаборніцтваў, граматамі і лістамі падзякі.

 

Дзень у гісторыі. Напамін, што і ў дзяцей ёсць правы. Сёння выпіце малака і згадайце журналістаў, якія ўзяліся выдаваць у 1838 годзе першую магілёўскую газету

Навіна ад

1 чэрвеня – Міжнародны дзень абароны дзяцей.

Заснаваны ў лістападзе 1949 году ў Парыжы рашэннем кангрэсу Міжнароднай дэмакратычнай федэрацыі жанчын. Упершыню Міжнародны дзень абароны дзяцей адзначылі ў 1950 годзе.

Гэты дзень – напамін дарослым пра неабходнасць захавання праў дзяцей на жыццё, свабоду іх думкі, адукацыю, адпачынак і вольны час, абарону ад фізічнага, псіхалагічнага гвалту і эксплуатацыі дзіцячай працы як неабходных умоў для фармавання гуманнага і справядлівага грамадства.

nv-online.info

1 чэрвеня – Сусветны дзень малака. Адзначаецца ад 2001 году.

  • Малако – самадастатковы прадукт: не напой, а ежа, бо ў народзе кажуць «паесці малака».
  • Вымя каровы здольнае змясціць да 23 літры малака.
  • На год чалавеку патрэбна да 300 кг малочных прадуктаў.
  • У 50% дарослых на планеце малако не засвойваецца з прычыны зніжэння актыўнасці лактозы пры пераходзе на дарослы тып харчавання.
  • Кабылінае малако ўтрымлівае шмат лактозы і мала бялкоў і тлушчаў, за кошт гэтага яно лягчэй засвойваецца арганізмам. У ім ім больш вітамінаў А і С, чым у каровіным. Такое малако трэба ўжываць пры гастрытах, язвах, дысбактэрыёзе, розных жаночых захворваннях.
  • У казінага малака саладзейшы смак, чым у каровінага, у ім вышэй утрыманне вітамінаў, бялкоў. Гэтае малако здольнае ўсмоктвацца без удзелу жоўці – гэты працэс адбываецца праз вянозную сетку, абыходзячы лімфатычныя капіляры.
  • Шклянка цёплага выдатны сродак ад бяссоння.
  • Малако кісне пад час навальніцы.
  • Бялкі каровінага малака здольныя звязваць таксіны ў арганізме: тыя, хто працуе на шкодных вытворчасцях, атрымлівае бясплатнае малако.
  • Для вытворчасці 1 кг натуральнага сметанковага масла патрабуецца аж 21 літраў малака. 1 кг сыра атрымліваецца з 10 літраў малака.
  • Самае тлустае малако ў цюленяў – больш за 50% і кітоў – каля 50%.

1 чэрвеня 1434 года пакінуў свет Ягайла Альгердавіч (~1350-1434).

Князь віцебскі, вялікі князь літоўскі (1377–1392), кароль польскі (1386–1434, каранаваны пад імем Уладзіслаў II Ягайла) і вярхоўны князь літоўскі (1392–1434).

У 1410 годзе разам з Вітаўтам кіраваў саюзным войскам у час Грунвальдскай бітвы, пасля якой Тэўтонскі ордэн ужо не здолеў аднавіць сваю былую магутнасць. Ягайла заклаў падмурак для шматвяковай польска-літоўскай уніі, заснаваў дынастыю Ягелонаў – адну з самых уплывовых у Цэнтральнай і Усходняй Еўропе.

wikimedia.org

1 чэрвеня 1838 года ў Магілёве пачалі выдаваць «Магілёўскія губернскія ведамасці» – першая газета ў рэгіёне.

Выходзіла да 1918 года. Наклад ад некалькіх сот да 2000 паасобнікаў. Да сярэдзіны XIX стагоддзя – штотыднёвік, потым друкавалася двойчы, у 1904 г. – нават тройчы на тыдзень.

Газета падавала не толькі афіцыйную інфармацыю, загады, распараджэнні, навіны, але змяшчаліся дадзеныя аб цэнах на асноўныя прадукты харчавання, аб базарных днях, надвор’і, рэпертуары гарадскіх тэатру і кінатэатраў, аб чыноўніках і прыватных асобах, якія прыбылі ў горад, з указаннем гасцініц, дзе яны спыніліся, аб тарыфах на білеты на экіпажы, цягнікі і параходы, якія адпраўляюцца з Магілёва, і шматлікае іншае.

1-2 чэрвеня 1918 года ў Мінску працаваў з’езд беларускага каталіцкага духавенства.

У прынятай на з’ездзе рэзалюцыі вылучаліся патрабаванні шырокай аўтаноміі Беларусі ў Расійскай Федэратыўнай Дэмакратычнай рэспубліцы, навучання ў школах на беларускай мове, паступовага пераходу на беларускую мову ў богаслужэнні.

На з’ездзе пастанавілі выдаваць у Пецярбурзе беларускія кнігі для школ і беларускую газету «Бацькаўшчына». Пазней назва была зменена і замест «Бацькаўшчыны» стала выходзіць «Беларуская крыніца».

0.academia-photos.com

1 чэрвеня 1918 года ў Смаленску пачалася 4-я Паўночна-заходняя абласная канферэнцыя РКП(б), якая ўхваліла Брэсцкі мірны дагавор.

3 сакавіка 1918 г. Брэсцкі мір быў афіцыйна падпісаны прадстаўнікамі Савецкай Расіі, якія адмовіліся ад далейшага абмеркавання яго ўмоў.

Цырымонія падпісання адбылася ў Белым палацы Брэсцкай крэпасці. Брэсцкі мір фармальна завяршыў удзел Расіі ў Першай сусветнай вайне і з’явіўся вынікам няздольнасці Расіі працягваць вайну, краіна знаходзілася ў стане эканамічнага крызісу.


wikimedia.org

1 чэрвеня 1943 года нарадзіўся Андрэй Майсяёнак.

Беларускі вучоны ў галіне біяхіміі, гісторык медыцыны, вітамінолаг, грамадскі дзеяч, член-карэспандэнт НАНБ, доктар біялагічных навук, прафесар.

Аўтар прац па гісторыі медыцыны на Беларусі. Адзін з заснавальнікаў беларускага фонду А. Міцкевіча. 3 1991 года актыўна займаецца стварэннем нацыянальнага фонду рукапісаў, старадрукаў, рэдкай кнігі і перыёдыкі імя Я. Храптовіча.

glubmusej.by

1 чэрвеня 1945 года нарадзіўся беларускі мастак-жывапісец Аляксей Кузьміч (1945-2013).

Напачатку творчасці пісаў навакольны свет, людзей, далей пераключыўся ў сваім жывапісу на праблемы больш філасофскага плана – аб сэнсе прысутнасці чалавека на Зямлі, пра маральны абавязак, аб прызначэнні жанчыны-маці (Мадонны), аб духоўнай ролі славянскіх народаў у эвалюцыі ўсяго чалавецтва.

Разважаў пра праблемы духоўнага ўдасканалення чалавека, аб барацьбе дабра і зла. Галоўнай гераіняй яго жывапісу заўсёды была Жанчына. Крэда А. Кузьміча: «Хто любіць жанчыну, хто любіць свет, хто піша жанчыну, таму дапамагае бог». У стылістыцы твораў на тэму Мадонны стала праступаць некаторая іконная вобразнасць.

Яго пэндзлю належыць шэраг партрэтаў вядомых дзеячаў беларускай і расійскай культур: Стэфанія Станюта, Галіна Макарава, Здзіслаў Стома, Валянцін Занковіч, Міхаіла Пташука і інш. У сваіх карцінах мастак разважаў і аб беларускай ідэнтычнасці: «Памяці Гусоўскага», «Жыві і памятай», «Прысвячаецца Чарнобылю» і г.д. 1 чэрвеня 2014 г. на радзіме мастака, у в. Махро на Берасцейшчыне адкрылася імянная мастацкая галерэя – філіял музейнага комплексу Напалеона Орды.

wikimedia.org

 

Начало лета без дождя и с солнцем. Землетрясения, как летом 1230 года, не предвидится

Навіна ад

По данным синоптиков погода в регионе ожидается с переменной облачностью, без осадков. Во второй половине дня солнца станет больше. Температура поднимется до отметки 20°C. После 17-ти чуть похолодает до 14- 16°C.

Синоптики обещают, что первые дни июня порадуют соскучившихся по теплу могилевчан, дадут надежду на хорошие урожаи аграриям и дачникам.

А вот лето 1973 года, по данным краеведов, стало самым дождливым в Могилевской области. Наибольшее количество осадков тогда выпало в Круглянском районе на границе с Толочинским Витебской области – более 140 мм.

Летом 1954 года было зафиксировано максимальное количество дней с грозами – 45! А лето 1967 год наоборот отметилось минимальным числом дней с грозами. Их было всего 6.

В очень давние времена было с природными катаклизмами было неспокойно. Лето 1230 года, после сильного землетрясения 3 (10) мая 1230 года, было то с засухами, то с ливнями, шквальными ветрами. После этого наступили 17 голодных лет на Руси. В результате их обезлюдили города, а население белорусского Смоленска практически вымерло все. Землетрясения наблюдали в Киеве, Переяславле и многих крупных городах.

Конец 20 и начало 21 столетия выдался спокойнее. Температурная норма для Могилева 2 июня в последние годы составляет 20°С. Максимальная температура за время наблюдений в Могилеве 1 июня составила 30°С в 1995 году, а самая минимальная в 2001 году была 1°С.

Знізілі цану на зубную пасту, а кошт круп павялічыўся. Сярод прычын нестабільнасці на спажывецкім рынку прафсаюзнікі называюць санкцыі

Навіна ад

Нягледзячы на захады ўлады па стабілізацыі цэнаў на спажывецкім рынку яны працягваюць расці, хоць на некаторыя віды тавараў іх удалося “збіць”.

Пра гэта сведчаць вынікі, праведзенага Федэрацыяй прафсаюзаў цэнавага маніторынгу на тавары. З яго вынікае, што з пачаткам вясны рост цэнаў на некаторыя прадметы асабістай гігіены, бытавой хіміі і іншых імпартных тавараў даходзіў да 80 працэнтаў. 

Паводле прафсаюзнікаў такое павышэнне коштаў на тавары значна апярэджвала рост курсу валют, адзначана на сайце газэты «СБ. Беларусь сегодня».

«Нягледзячы на ўмацаванне курсу нацыянальнай валюты, кошт аналізаванага набору тавараў асабістай гігіены, бытавой хіміі за перыяд ад лютага да мая вырас на 25 працэнтаў», – адзначаюць у прэсай службе прафсаюзнага аб’яднаньня.

Паводле прафсаюзнікаў у маі ў параўнанні з лютым падаражэлі :

– на 12 працэнтаў крупы;

– на 25 працэнтаў кашы для дзіцячага і дыетычнага харчавання;

– на больш, чым 18 працэнтаў макароны;

– алей і мука на 15 працэнтаў.

Нязменнымі засталіся цэны на малочную прадукцыю, свініну на косці і на курынае мяса, канстатуюць у прафсаюзе.

Паводле яго зменшыліся цэны ў маі ад 4 да 50 працэнтаў на сінтэтычныя мыйныя сродкі ды зубную пасту.

«Сітуацыя можа мяняцца ледзьве не штодня», – піша праўладнае выданне, спасылаючыся на паведамленне прэсавай службы Фэдэрацыі прафсаюзаў.

«Гэта, безумоўна, звязана з шматлікі акалічнасцямі, – тлумачаць там. – Абмежаванымі мерамі, уведзенымі супраць нашай краіны, сусветным ростам цэнаў на разнастайныя паслугі, лагістычнымі складанасцямі і іншым».

 

На помніку архітэктуры ў цэнтры Магілёва мяняюць балконы – фота

Навіна ад

Эксперты папярэджваюць пра відавочнае парушэнне Кодэксу аб культуры.

Рамонтныя работы вядуцца на доме 69А па вуліцы Першамайскай, што ўваходзіць у ансамбль плошчы Леніна. Усе будынкі ў гэтым комплексе ўнесеныя ў спіс гісторыка-культурных каштоўнасцяў, таму любыя работы на аб’ектах ансамбля рэгламентуюцца заканадаўствам.

На ўмовах ананімнасці, эксперт у справе аховы спадчыны падзяліўся з намі меркаваннем, што на бягучы момант падчас правядзення работ адбываецца парушэнне заканадаўчых нарматываў.

Паводле Кодэксу аб культуры, на аб’ектах-помніках забараняецца «навукова не абгрунтаванае змяненне, пагаршэнне ўмоў успрымання нерухомых матэрыяльных гісторыка-культурных каштоўнасцяў». Ахова знешняга выгляду будынкаў, унесеных у спіс гісторыка-культурных каштоўнасцяў, утрымліваецца ў 103 і 104 артыкулах Кодэксу.

Як можна пераканацца на фота, падчас рамонтных работ ствараюцца цалкам новыя балконы, выгляд якіх значна адрозніваецца ад аўтэнтычных. Новыя балконныя пліты выкананы простай жалезабетоннай плітой, якая ляжыць на металічных кранштэйнах.

Аўтэнтычныя балконы былі аздоблены на тарцавых паверхнях фасцыямі – гэта элемент ордэрнай сістэмы ў выглядзе трох «палічак», якія нязначна выступаюць адна над адной. А на сафіце – ніжняй паверхні пліты – мелася заглыбленая прамавугольная філёнга, край якой быў упрыгожаны прафіляваным паясочкам.

 

Завяршылася следства па забойстве трохгадовай дзяўчынкі ў Бабруйску

Навіна ад

П’яны сужыцель маці збіваў малечу паўгода, пакуль не забіў насмерць. Цяпер яму пагражае смяротнае пакаранне.

Сям’ю, у якой здарылася гэтае жахлівае забойства, следства не называе нядобранадзейнай. Абодва сужыцелі працавалі, на працы і пазнаёміліся ўвесну мінулага году. Жанчына мела трохгадовае дзіця, мужчына – дзве судзімасці. Як паведамляе Следчы камітэт Беларусі, год таму, у чэрвені 2021 года яны сталі жыць разам. Першым часам здымалі кватэру. Тады ж трыццацігадовы мужчына – імя якога не называецца – упершыню збіў дачку сваёй сужыцельніцы.

Збіцці сталі рэгулярнымі, працягваліся і пасля таго, як пара вырашыла эканоміць на арэндзе жылля і пераехала да маці жанчыны.

6 кастрычніка 2021 года 27-гадовая жанчына вярнулася з працы позна вечарам. Гэта было пастаяннай з’явай – яна была занятая на працы больш за свайго сужыцеля, і менавіта ён праводзіў з дзяўчынкай большасць часу.

У той дзень ён нанёс малечы каля трыццаці ўдараў. Хапаючы за валасы, біў аб керамічную плітку ў ванным пакоі. Калі маці вярнулася – дзяўчынка ўжо спала. А нараніцу стала задыхацца. Выкліканая хуткая дапамога не змагла выратаваць яе жыццё. Дзяўчынка памерла ў рэанімацыйным аўтамабілі проста пад пад’ездам свайго дому. Як потым канстатавалі эксперты, прычынай смерці стаў ацёк галаўнога мозга ў выніку чэрапна-мазгавой траўмы.

На следстве мужчына спрабаваў адпірацца ад сваёй віны, пазначаюць у Следчым камітэце. Спрабаваў давесці, што дзяўчынка загінула выпадкова, ударыўшыся галавой аб сцяну ў ваннай.

Частка 2 артыкула 139 Крымінальнага кодэксу, па якім мужчыне выстаўленае абвінавачванне, прадугледжвае вышэйшую меру пакарання адразу па двух пазіцыях абвінавачвання – забойства малалетняга, забойства, здзейсненае з асаблівай жорсткасцю.

Экспертыза пастанавіла пры гэтым, што мужчына быў цалкам здольны асэнсоўваць свае дзеянні і не знаходзіўся ў стане афекту.

Следства не абышло ўвагай і адсутнасць кантролю за сітуацыяй з боку адміністрацыі дзіцячага садка ў Бабруйску, куды ўвесь гэты час хадзіла дзяўчынка. Загадчык садка быў звольнены, да некалькіх іншых супрацоўнікаў ужытыя адміністрацыйныя спагнанні.

фота: sk.gov.by, Сайт Следчага камітэту Беларусі

На аднаго педафіла прыходзіцца па дзве ахвяры, прадстаўнік МУС

Навіна ад

За сёлетнія чатыры месяцы ў Беларусі выяўлена 390 злачынстваў супраць палавой недатыкальнасці, альбо свабоды непаўналетніх. Падазраванымі прызнаныя 214 чалавек. У калоніях такая катэгорыя асуджаных мае адпаведны статус.

У інтэрв’ю інфармацыйнаму агенцтву Белта намеснік начальніка галоўнага ўпраўлення па наркакантролю і працiвадзейнасці гандлю людзьмі МУС Віталій Капілевіч адзначае: дзесяць гадоў таму фіксаваліся ў сярэднім 36 такіх злачынстваў за год. Цяпер гэта лічба павялічылася ў разы.

Паводле яго на 390 злачынстваў прыпадае 214 падазраваных. Ад іх дзеянняў пацярпелі 358 дзяцей. На аднаго педафіла практычна прыходзіцца па дзве ахвяры, кажа прадстаўнік МУС.

«З іх усяго 10 чалавек мелі судзімасць за аналагічныя злачынствы. То бок працэнт рэцыдыву складае ўсяго 4,2 працэнты пры агульна крымінальным – 43,5 працэнты. Працэнт судзімасці педафілаў за іншыя злачынствы таксама невялікі – гэта 19,2 працэнты», – даводзіць Віталій Капілевіч.

Па ягоных словах у 195 выпадках педафіл быў тым, ці іншым спосабам завязаным ахвярай. У 21 выпадку злачынства ўчыняліся бацькі, а ў 22 – отчымам, ці ў прыёмных дзецях.

Калі людзі з такімі адхіленнямі трапляюць у месцы пазбаўлення волі, то атрымліваюць адпаведны статус і адпаведнае стаўленне, тлумачыць Віталій Капілевіч. А па вызваленні за ягоным жыццё і паводзінамі сочаць супрацоўнікі ўнутраных справаў.

фота: newgrodno.by

 

Дзень у гісторыі. Віншуем нобелеўскую лаўрэатку Святлану Алексіевіч, слухаем творы Міхала Казіміра Агінскага і адмаўляемся ад курэння

Навіна ад

31 мая – Сусветны дзень культуры.

У Беларусі каля 6 тысяч арганізацый культуры: клубаў, бібліятэк, музеяў, тэатраў, канцэртных установаў, цыркаў, паркаў ды заапаркаў. У сістэме міністэрства культуры 403 дзіцячыя школы мастацтваў, 20 устаноў сярэдняга спецыяльнага і 3 установы вышэйшай адукацыі.

З 2010 г. праводзіцца акцыя «Культурная сталіца года». У горадзе, які атрымлівае статус сталіцы, рэалізуюцца інавацыйныя праекты ў галіне нацыянальнай культуры. Першым званне культурнай сталіцы культуры атрымаў старажытны Полацк, потым працягнулі эстафету Гомель, Нясвіж, Магілёў, Гродна, Брэст, Маладзечна, Бабруйск, Наваполацк, Пінск, Ліда.

cis.minsk.by

У 2022 г. сталіцай абвешчана Ворша.

31 мая – Сусветны дзень без тытуню. Адзначаецца ад 1987 году.

У свеце 1,2 мільярдаў чалавек, якія кураць. За хвіліну прадаецца 10 мільён цыгарэт.

Штогод больш за 6 мільёнаў чалавек паміраюць ад звязанага з тытунём інфаркту міякарда, інсульту, раку, хваробы лёгкіх і іншых хвароб. Яшчэ 600 тысяч чалавек паміраюць ад пасіўнага курэння.

У Беларусі сярод насельніцтва ва ўзросце 18-69 гадоў паліць тытунь каля 26,7% (2021 г., крыху раней было 29,9%).

Сусветная арганізацыя аховы здароўя лічыць, што да 2025 год колькасць спажыўцоў тытуню зменшыцца на траціну з прычыны актыўнай антынікатынавай прапаганды, прапаганды здаровага ладу жыцця, павышэння коштаў на цыгарэты і іншыя захады.

Тытунёвы дым атрымоўвае звыш 4 тысяч хімічных злучэнняў, большасць з якіх таксічныя, мутагенныя ці канцэрагенныя.

media.istockphoto.com

31 мая – Сусветны дзень бялянак.

Сярод беларусаў траціна бялявых. Але бялянак удвая больш, чым бялявых мужчын.

Колькасць людзей з натуральным светлым колерам валасоў імкліва скарачаецца, і да 2200 г. яны могуць канчаткова знікнуць, сцвярджаюць навукоўцы.

Расце колькасць змешаных шлюбаў, светлавалосыя нацыі нараджаюць значна радзей, чым насельнікі паўднёвых краін.

kolobok.ua

31 мая 1556 года нарадзіўся Юры Радзівіл (1556-1600).

Царкоўны і дзяржаўны дзеяч Рэчы Паспалітай і ВКЛ, першы каталіцкі кардынал (1583) з ВКЛ. У 1582 г. на ўласныя сродкі адкрыў Віленскую духоўную семінарыю. Дарадца караля, у 1596-1597 гг. вёў перамовы пра далучэнне Рэчы Паспалітай да антытурэцкай каталіцкай лігі. Удзельнічаў у падрыхтоўцы Брэсцкай уніі.

wikimedia.org

31 мая 1640 года нарадзіўся Міхал Вішнявецкі (1640-1673).

Кароль польскі і вялікі князь ВКЛ (1669-1673). У лістападзе 1663 году ўдзельнічаў у вайсковай кампаніі ва Украіне супраць маскоўскіх войскаў, камандаваў уласным палком пяхоты з 600 чалавек.

wikimedia.org

31 мая 1800 года памёр Міхал Казімір Агінскі (1730-1800).

Вялікі гетман літоўскі, мецэнат, кампазітар, генерал-маёр, сваяк кампазітара Міхала Клеафаса Агінскага. Ініцыятар і фундатар будавання Агінскага канала, які злучаў басейны Балтыйскага і Чорнага мораў праз палескія балоты.

Заснаваў балетную школу «Дэпартамент балетных дзяцей», уладальнік уласнага тэатра, для якога сам пісаў оперы. Аўтар паланэзаў, опер і песень на ўласныя вершы, аўтар літаратурных твораў. Выдатна выконваў на розных інструментах свае скрыпічныя і іншыя музычныя творы, за што сярод сучаснікаў атрымаў мянушку «гетман-кларнэт».

У 1791 г. перадаў амаль усе свае маёнткі сваяку Міхалу Клеафасу Агінскаму.

wikimedia.org

31 мая 1863 года схоплены адзін з лідараў паўстання, вядомага як паўстанне Каліноўскага, Аляксандр Аскерка (1830-1911).

Расійскі ваенны суд прысудзіў за ўдзел у паўстанні да смяротнага пакарання, але яно было замененага на катаргу ў Сібіры. У 1868 атрымаў дазвол на вяртанне на радзіму.

Беларускі грамадскі дзеяч, афіцэр (1853-1857) грэнадзёрскага імя караля Фрыдрыха Вільгэльма палка, член Віленскай археалагічнай камісіі. У 1862 зладзіў у Варшаве выданне беларускага буквара-катэхізу для дзетак каталікоў.

wikimedia.org

31 мая 1892 года на Беларусі нарадзіўся Міхаіл Кікоін (1892-1968).

Беларускі і французскі мастак парыжскай школы. У экспазіцыі Нацыянальнага мастацкага музею Беларусі знаходзіцца адзін твор мастака, яшчэ 6 – у калекцыі «Белгазпрамбанк». Аб мастаку зняты фільм «Михаил Кикоин. Поэтический мир на холсте».

problr.by

31 мая 1948 года нарадзілася Святлана Алексіевіч, беларуская пісьменніца, Нобелеўскі лаўрэат у галіне літаратуры 2015 г. за «поліфанічную творчасць – помнік пакутам і мужнасці ў наш час».

Аўтарка кніг «У вайны не жаночае аблічча», «Апошнія сведкі», «Цынкавыя хлопчыкі», «Зачараваныя смерцю», «Чарнобыльская малітва», «Час second-hand (Канец чырвонага чалавека)» (пра Вялікую Айчынную вайну, Аўганскую вайну, Чарнобыльскую катастрофу, час «перабудовы» і развал СССР; даследуюцца феномены мыслення савецкага чалавека, сацыялізму).

wikimedia.org

31 мая 1996 года ў Іркуцку (Расія) утварылася Таварыства беларускай культуры імя Івана Чэрскага.

У яго складзе 11 аддзяленняў. Да 2021 г. таварыства ачольваў ураджэнец Полаччыны Алег Рудакоў, які ў 2021 г. вярнуўся на радзіму.

haradok.info

31 мая 2020 года асвечана адноўленая Пакроўская царква Пустынскага манастыра.

Царква рэканструюецца ад 2010 году. Адноўлены будынак царквы – частка комплексу, заснаванага ў 1380 году мсціслаўскім князем Сімяонам Альгердавічам. Званіца манастыра мае вышыню 60 м (у першапачатковым варыянце – 74) са 6 званамі – вялікім і 5 малымі.

У XVI ст. Пустынскі манастыр быў адным з найбуйнейшых на беларускіх землях. У 1601-1839 гадах ім валодалі уніаты.

У 1925 г. савецкая ўлада зачыніла манастыр. У Пустынках працавалі школа-інтэрнат, школа. Манастыр стаў інтэнсіўна разбурацца з 1970 гадоў.

planetabelarus.by

 

Аўтамабілісты не забудзьце, сёння паліва зноў падаражэла на дзве капейкі

Навіна ад

Адзначылі Дзень хіміка і можна ўздымаць кошты на паліва.

31 мая «Белнафтахім» не прымусіў сябе чакаць і аб’явіў аб чарговым падаражэнні аўтамабільнае паліва на ўсё тыя ж 2 капейкі.

Цяпер цана 1 літра:

АІ-92-К5-Еўра – 2 рублі 28 капейкі;

АІ-95-К5-Еўра – 2 рублі 38 капейкі;

АІ-98-К5-Еўра – 2 рублі 60 капеек;

Дызельнае паліва 2,38 рублёў.

Чарговае падаражэнне сёлета чатырнаццатае. Яно стартавала 1 сакавіка. За прамінулыя тры месяцы цана 1 літра аўтамабільнага паліва вырасла на 28 капеек.

 

Облачно, тепло, преимущественно без осадков и главное без снега, как в 1966 году. Не будет и торнадо, как в США в 1903-ем

Навіна ад

В последний день мая, по данным ресурса Gismeteo, в Могилёве воздух к 12 часам прогреется до 16°C, а к 18-ти переменная облачность развеется, появиться солнце и потеплеет до 19°C смениться.

Сегодня дождя не обещают.

Атмосферное давление в течение суток в пределах от 743-747 мм ртутного столба. Геомагнитное поле неустойчивое.

31 мая 1966 года в области, по данным географа и краеведа Петра Лярского, выпал самый поздний снег.

А вот в 1903 года в американском штате Гейнсвилле пронесся ужасающий воображение торнадо. Погибло 203 человека и тысячи получили ранения.

Сегодня снега, настаивают синоптики, не будет. Обойдётся и без торнадо. Мы не в США.

По данным местных наблюдений, температурная норма для Могилева 31 мая в последние годы составляет 20°С. Минимальная температура – фиксировалась на уровне 7°C, максимальная – 15°C.