Использовал служебные автомобили для поездок в нерабочее время и выходные дни.
Директор одного из коммунальных предприятий Дрибинского района, его имя не называется, в нарушение данного им антикоррупционного обязательства – не использовать во внеслужебных целях имущество предприятия, сообщаетСлужба информации прокуратуры Могилевской области.
В сообщении ведомства говорится, что чиновник неоднократно с октября 2021 года по апрель 2022 года, в нерабочее время и выходные дни, ездил на служебных автомобилях, расходуя выделенное предприятию топливо, для поездок по личным вопросам. Управляя служебным транспортом, несколько раз привлекался к административной ответственности за нарушения правил дорожного движения.
Прокурор Дрибинского района внес в местный райисполком представление об устранении нарушений законодательства о борьбе с коррупцией.
По результатам рассмотрения акта надзора директор коммунального предприятия освобождено от занимаемой должности за нарушение письменного обязательства по соблюдению антикоррупционных ограничений.
Ці хапае дзяржаўнай дапамогі на падтрымку дзіцей, якіх маці даглядаюць у дэкрэце да трох гадоў? Якая яна і на што яе трацяць?
Такая дапамога выплочваецца маці штомесяц. Яе памер, паводле афіцыйнай інфармацыі, вышэйшы за мінімальны заробак. З 1 студзеня 2022 году ягоны 457 рублёў.
Дзяржаўная падтрымка дзяцей – гэта перадусім гарантыі і сацыяльна-эканамічная падтрымка сем’яў.
Як піша інфармацыйная агенцтва Белта на першае дзіця плацяць 35% сярэднемесячнага заробку за квартал 540 рублёў. На другога і наступных дзяцей – 40%, што складае 617 рублёў. На дзіця з інваліднасцю – 45%, а гэта 694.
clutch.net.ua
У водпуску па даглядзе за дзецьмі знаходзяцца больш за 225 тысяч беларусаў. Дзяржаўная падтрымка дзяцей, падаецца, як гарантыі і сацыяльна-эканамічная падтрымка семʼяў, якія іх гадуюць.
«Чамусьці забываюць, што дэкрэтніцы таксама мусяць неяк выжываць»
Магілёў.media папрасіла некалькіх жанчын, якія ў дэкрэтным водпуску, расказаць, на што хапае дзяржаўнай дапамогі. Усе яны штомесяц атрымліваюць прыкладна адну суму, троху большую за 540 рублёў.
Па іх словах сям’і, якія наважваюцца на папаўненне мусяць разлічваць самі на сябе. Яны катэгарычныя: дзяржаўнай дапамогі не хапае на месяц. Спадзеў толькі на заробак мужа.
«Гаворачы пра дзяржаўную дапамогу на дзіця, чамусьці забываюць, што маці таксама мусяць неяк выжываць», – адзначаюць яны.
Паводле нашых суразмоўніц 350 рублёў ідзе на першачарговыя для дзяцей патрэбы, перадусім харчаванне. Яны адзначаюць, што стараюцца купляць для дзяцей свяжэйшыя харчы, цэны на якіх апошнім часам растуць «неадэкватна хутка». Часам толькі на харчаванне ідзе больш за 200 рублёў, заўважаюць жанчыны.
rubryka.com
Абутак і адзежа, працягваюць яны, хоць і не набываецца штомесяц, але часам такія пакупкі забіраюць усю атрыманую дзяржаўную дапамогу. Асабліва тое тычыцца міжсезоньня, бо дзеці растуць. Кошт абновы пачынаецца ад 50 рублёў.
120 рублёў, лічаць яны, ідзе на падгузнікі і яшчэ шэсцьдзесят на вільготныя сурвэткі. 100-150 ідзе на розныя забавы для дзіцяці.
«Безумоўна можна абысціся і проста цацкамі, але дзецям трэба пазнаваць свет, ведаць, што яны не адны ў ім. Вадзіць у забаўляльныя цэнтры, там знаёміць з іншымі дзецьмі. Такія вандроўкі, самі разумееце, не танныя», – кажуць суразмоўніцы.
На аднаразовую дапамогу набылі валюту
У публікацыі Белта адзначаецца, што па нараджэнні дзіця выплочваецца аднаразовая дапамога, якая складае 10 бюджэтаў пражыткавага мінімуму – гэта больш за 3 тысячы рублёў, а як народзіцца другое і трэцяе, то 14 бюджэтаў – 4,5 тысячы рублёў.
clutch.net.ua
Нашы суразмоўніцы згадалі гэтыя выплаты і прызналіся, што набылі на іх валюту. Яны спадзяюцца, што гэтак уратуюць іх ад інфляцыі і выкарыстаюць неабходныя рэчы пазней.
33 тоны мясной прадукцыі кантрабандай вёз у Расію кіроўца, машыну якога спынілі ў Клімавіцкім раёне. Вага ладунка перавышала дапушчальныя нормы перавозкі тавараў па дарогам агульнага карыстання, а яго кошт – больш за 91 тысячы рублёў – быў значна вышэйшы за пазначаны ў суправаджальных дакументах. Згодна з імі ў машыне мелася быць 20 тон «рубца свежага».
Як паведамляе краснапольская раённая газета «Чырвоны сцяг» уладальнікам ладунку аказаўся сам кіроўца – прыватны прадпрымальнік. У яго былі падробленыя дакументы для перасоўвання па тэрыторыі Расіі.
Бізнесоўца прыцягнуты да адміністрацыйнай адказнасці за падробку дакументаў, а таксама за парушэнне парадку ўдзелу ў дарожным руху цяжкавагавых, або буйна габарытных транспартных сродкаў.
Як сцвярджаюць прыватныя прадпрымальнікі, якія займаюцца пастаўкамі прадуктаў і тавараў у Расію, кантрабанда гэта адзін з спосабаў пазбегнуць лішніх затрат. Паводле бізнесоўцаў многія спадзяюцца, што іх прапусцяць мытнікі і не зверне ўвагу на машыну транспартная міліцыя.
«Рызыка часам апраўданая, – заяўляюць яны. – Чаму не рызыкаваць, калі мяжы з Расіяй няма».
2 июня погода в Могилёве и Могилевской области, после ночных ливней, ожидается по данным синоптиков преимущественно облачная и теплая.
Столбик термометра поднимется до отметки 21°C, в отдельных местах до 23- 25°C. Ветер западный до 5 м/с, вечером направление ветра северо-западное и северное. Вечером облачно и 13- 16°C.
По данным из открытых источников температурная норма в Могилёве 2 июня в последние годы составляет 19°С. Максимальная температура была в этот день 30°С в 1949 году, а минимальная 2°С в 1950-ом.
Совсем недавно, 2 июня 2021 года, На северо-востоке Индии с последствиями наводнения столкнулись 7,5 тысячи человек. Были повреждены 14 мостов и 5 дорог. Сотни гектаров посевов смыло водой.
В Антарктиде год назад была зафиксирована рекордная жара. Всемирная метеорологическая организация ООН сообщила об невиданных за время наблюдений 18 градусах тепла.
А в Канаде рекордная жара и обширные лесные пожары вызвали образование огромных облаков, которые моглит генерировать собственные молнии. Пирокумулятивные тучи скопились над провинцией Британская Колумбия, создавая риск новых пожаров. Грозовые облачные системы создают собственную погоду, иногда под ними возникают торнадо, переносящие огонь.
Адзначаецца ад 2011 году. У гэты дзень прапануецца адмовіцца ад празмернасці ўжывання ежы. Яго пазіцыянуюць, як процівагу амерыканскаму «нацыянальнаму дню, калі можна есці ўсё, што хочацца».
Здароўе чалавечага арганізма на 74% залежыць ад таго, што ямо.
На планеце 44% жыхароў у выбары харчоў кіруюцца меркаваннямі здароўя. 66% выбіраюць прадукты зыходзячы з кошту.
Найбольш папулярнымі ў свеце з’яўляюцца макароны, мяса і рыс.
by.diet-keto.eu
2 чэрвеня 1792 года кароль Станіслаў Панятоўскі надаў герб Браславу «Вока Божае».
«Вока Божае» на гербе Браслава ў сімвалічнай форме перадае Божую апеку над горадам, захоўвае яго ад усіх бед. Выява чалавечага вока шырока выкарыстоўваецца для ўпрыгожвання алтароў у храмах і на прадметах культавага прызначэння.
У хрысціянскай іканаграфіі вока ў цэнтры сонечных прамянёў або ў трохвугольніку з’яўляецца агульнавядомым сімвалам чароўнай сілы або ж Тройцы.
Цяперашні герб зацверджаны 20 студзеня 2006 году. У краязнаўчым музеі Браслава сабраны мноства дакументаў з выявай гарадскога сімвала. Больш чым за два стагоддзі існавання ізаграфія герба практычна заставалася нязменнай. Герб Браслава адносіцца да гісторыка-геральдычных помнікаў Беларусі.
wikimedia.org
2 чэрвеня 1905 года нарадзіўся Юрка Віцьбіч (сапраўднае імя – Серафім Шчарбакоў). Памёр у 1975 годзе.
Вядомы пад псеўданімамі Юрка Стукаліч, Алесь Крыжаніч.
Беларускі пісьменнік, дзеяч беларускай эміграцыі. У студзені 1941 арыштаваны органамі савецкай бяспекі. Пад час вайны – член Цэнтральнага ўрада Беларускага культурнага згуртавання.
У 1944 годзе выдаў зборнікі публіцыстыкі «Вяліскія паўстанцы. Гэньдзікаўскія змагары», «Нацыянальныя Сьвятыні». Рэдагаваў часопіс «Узвышша».
У 1943 г. перавёз з Віцебску ў Полацк парэшткі Еўфрасінні Полацкай. Спрыяў аднаўленню Полацкай праваслаўнай епархіі. З 1944 г. – у эміграцыі.
У 1946 г. разам з паэткай Наталляй Арсенневай стварыў літаратурнае абʼяднанне «Шыпшына». Рэдагаваў беларускія газеты, выступаў на Радыё «Свабода». Аўтар гістарычных нарысаў «Плыве з-пад Святой гары Нёман».
Пахаваны на беларускіх могілках у Саўт-Рыверы.
ic.pics.livejournal.com
2 чэрвеня 1942 года нарадзіўся Эдуард Малафееў.
Футбаліст, беларускі трэнер па футболу, гулец зборнай СССР, Заслужаны трэнер БССР і СССР.
Гуляў у 1963-1974 за мінскае «Дынама» (забіў 114 галоў). Ад 1963 да 1968 году – быў у зборнай камандзе СССР. Срэбраны прызёр чэмпіянату Еўропы 1964.
stuki-druki.com
2 чэрвеня 1955 года прынята Пастанова Савету Міністраў «Аб новым палігоне для Міністэрства абароны СССР« – Байканура. Будаўніцтва касмадрома ішло ў пустыннай казахскай мясцовасці ў рэжыме сакрэтнасці.
З Байкануру ляталі ў космас і пяць беларусаў і ўраджэнцаў Беларусі, уключая і першую жанчыну-касманаўта Валянціну Церашкову (бацька Церашкоў Уладзімір родам з вёскі Выйлава Бялыніцкага раёну, загінуў на фінскай вайне; маці Церашкова Алена родам з вёскі Ерамееўшчына Дубровенскага раёну).
advantour.com
2 чэрвеня 1970 года нарадзіўся Віталь Шкраба, прафесійны беларускі баксёр, двухразовы чэмпіён Беларусі ў суперцяжкай вазе (97 кілаграм). (1970-2008) Праводзіў баі з многімі вядомымі баксёрамі. Сярод іх былі Мікалай Валуеў і Мікалай Папоў.
17 ліпеня 2008 года знойдзены мёртвым з нажом у грудзях у сваёй кватэры ў Салігорску, Версія следства – самагубства.
wikimedia.org
2 чэрвеня 1972 года нарадзілася Кацярына Карстэн (дзявочае – Хадатовіч).
Беларуская вяслярка ў акадэмічным веславанні. Першая двухразовая алімпійская чэмпіёнка ў алімпійскай камандзе Беларусі (1996, 2000); шасціразовая чэмпіёнка свету. Заслужаны майстар спорту СССР (1992). Першы поўны кавалер ордэна Айчыны (2008). Жыве ў Нямеччыне.
У Шклоўскім аддзеле ўнутраных спраў загінуў падазраваны ў крадзяжы. Супрацоўнік міліцыі, які дапытваў яго шпіталізаваны. Следчы камітэт праводзіць праверку інцыдэнту, які адбыўся 31 мая.
Стан супрацоўніка міліцыі, які пацярпеў ад пажару ў кабінеце Шклоўскага РАУС крайне цяжкое, паведамляе тэлеграм-канал Официальнный Минздарав. У пацыента дыягнаставана 76 працэнтаў апёкаў скурнага покрыва агульнай паверхні цела, тэрмаінгаляцыйная траўма. Ён знаходзіцца ў рэанімацыі Шклоўскай раённай больніцы. Пацыенту зробленая экстранная аперацыя – некратамія. Яго рыхтуюць для транспартавання ў Рэспубліканскі апёкавы цэнтр. У кансіліуме, які адбыўся 1 чэрвеня ў раённай больніцы ўдзельнічаў міністр аховы здароўя Дзмітры Піневіч.
Паводле паведамлення ў тэлеграм-канале Следчага камітэту ў адным з рабочых кабінету Шклоўскага РАУС, дзе знаходзіліся супрацоўнік міліцыі і дастаўлены для разбіральніцтва жыхар Магілёва, адбылося ўзгаранне канфіскаванай маёмасці. У памяшканні адбыўся пажар – мужчына загінуў, а міліцыянт шпіталізаваны.
У паведамленні Следчага камітэту адзначаецца, што загінулы быў неаднаразова судзімы. Разбіральніцтва праводзілася па паведамленні аб крадзяжы бензапіл.
Маршрут пройдзе праз могілкі і былое гета, Талмуд-Тору, рамеснае вучылішча і прыватныя дамы магілёўцаў-яўрэяў. Маршрут заяўлены як аўтобусна-пешаходная экскурсія на дзве гадзіны.
Упершыню яўрэі згадваюцца ў Магілёве пад 1522 годам, калі ліхвяр і зборшчык мытаў І. Езафовіч атрымаў у горадзе права на збор вагавага падатку, адкрыццё васкабойні і карчмы.
Да пачатку ХХ стагоддзя колькасць яўрэяў у горадзе вырасла да 34% ад агульнага насельніцтва.
Стагоддзі іх суіснавання з карэннымі жыхарамі былі азмрочаныя неаднаразовымі пагромамі, спробай крывавага паклёпу ў 1692 годзе, амаль поўным знішчэннем абшчыны ў 1655 годзе казакамі магілёўскага палкоўніка Канстанціна Паклонскага.
Гэтыя стагоддзі пражывання ў Магілёве яўрэйскай грамады пакінулі значныя культурныя сляды. У архітэктурным выражэнні, гэта будынкі Талмуд-Торы, яўрэйскага рамеснага вучылішча, сінагогі і безліч каменных дамоў на цэнтральных гарадскіх магістралях.
Сто гадоў таму прыватныя дамы насілі імёны сваіх уладальнікаў. Дом Берліна, дом Гісіна, Бернштэйна, Каца, Маховера, Мінахера, Ханіна, Ідэльсона, Зільберман. Яны дагэтуль упрыгожваюць Першамайскую і Ленінскую вуліцы, Пажарны завулак, але ж згубілі свае гістарычныя назовы.
Дом Сары Зільберман да рэвалюцыі і пасля
Распрацаваны маршрут, закліканы ў тым ліку і вярнуць гэтую гістарычную памяць наведнікам экскурсій. Ён пройдзе праз гандлёвую плошчу, Школішча, вуліцы Вароўскага, Ленінскую і Карла Маркса, могілкі на Машэкаўцы і памятны знак на месцы знішчанага ў 1941 годзе гета.
«Магчыма, калісьці гэтыя ацалелыя будынкі яўрэйскай спадчыны – сінагогі, гасцініцы, навучальныя ўстановы, вернуць свае гістарычныя назвы, хаця б на памятных таблічках – адрэагавала навіну ад музейшчыкаў жыхарка Магілёва.
Новы падатак прапануе ўвесці Міністэрства жыллёва-камунальнай гаспадаркі. Як сцвярджаецца сродкі ад яго накіруюць на ўдасканаленне сістэмы абыходжання з адыходамі. Чакаецца, што збяруць блізу 60 мільёнаў рублёў.
Цяпер існуе падатак толькі на захаванне адкідаў вытворчасці, падае тлумачэнне прадстаўніка міністэрства прыродных рэсурсаў і навакольнага асяроддзя Максіма Тарасава газета «Голас Касцюкоўшчыны».
Паводле яго сродкі ад «экалагічнага падатку» пойдуць на будаўніцтва сучасных аб’ектаў і вытворчасцяў па выкарыстанні адыходаў дзеля максімальнага вяртаньня ў гаспадарчае і грамадзянскае абарачэнне.
У Магілёве спыненая фабрыка, якая вырабляла дрэвава-стружачныя пліты, мэблю і дэталі да кляёнай драўніны для VMG Industry. Штат прадпрыемства быў 2000 чалавек.
Цяпер стала вядома аб спыненні будаўніцтва аналагічнага прадпрыемства ў Віцебску.
Генеральны дырэктар VMG Group Эгідюс Мокус заявіў у інтэрв’ю інфармацыйнаму агенцтву Baltic News Service аб спыненні ўсяго бізнесу ў Беларусі. Што будзе з актывамі прадпрыемства бізнесовец не сказаў. Пра прычыны такога кроку таксама.
Паводле яго працаўнікі на беларускіх пляцоўках VMG Group адпраўленыя ў прастой.
Сферы дзейнасці VMG ахопліваюць апрацоўку драўніны, упраўленне бізнесам, тэхнічнае абслугоўванне, лагістыку, развіццё прамысловай нерухомасці ў Літве, Беларусі і краінах Еўрапейскага звязу. Група аб’ядноўвае блізу двух дзясяткаў прадпрыемстваў.
VMG WoodArt была створана ў 2018 годзе разам са сваім партнёрам па праекце, шведскай групай гандлю мэбляй Ikea. Планавалася, што ў 2021 годзе на прадпрыемстве пачнецца вытворчасць дранкі і гранул, пазней – піламатэрыялаў і мэблі з масіву. VMG абвясціла ў беларускіх СМІ, што плануе інвеставаць у кампанію каля 80 мільёнаў і стварыць каля 600 працоўных месцаў.
Аб спыненні на «няпэўны час» фабрыкі вырабу вытворчасці мэблі Mebelain у Магілёве раней заявіла літоўская група SBA. На прадпрыемстве працавала больш за 800 чалавек. Віцэ-прэзідэнт групы Эгідзіус Валенцінавічус выказваў надзею, што «з часам сітуацыя вырашыцца ў станоўчым напрамку».
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
Старшыня Мікалаеўскай абласной адміністрацыі Віталь Кім заклікаў жыхароў гораду, якія збіраюцца вярнуцца, устрымацца ад гэтага.
Па ягоных словах апошнім часам расійскія войскі ўзмацнілі атакі на Мікалаеў.
«Абстрэлы працягваюць узмацняцца, хоць горад ажывае. Таму тыя, у каго ёсць магчымасць, пачакайце яшчэ два-тры тыдні з вяртаннем. Потым мы яшчэ раз абмяркуем гэтае пытанне», – адзначыў Віталь Кім у сваім Telegram-канале. Яго допіс падае сайт тэлеканалу Прямий.
1 чэрвеня ў выніку абстрэлу Мікалаеўскай вобласці, паводле папярэдніх дадзеных, 1 чалавек загінуў і прынамсі 1 атрымаў раненні, паведамляе прэсавая служба абласной адміністрацыі. Ёсць разбурэнні і пашкоджанні жылых дамоў, піша партал «Матрица Свободы».
usm.media
1 чэрвеня адзіночны касетны боепрыпас трапіў у танкер Brentix, ашвартаваны ў порце Ачакаў. Пажар патушыў экіпаж, пацярпелых няма.
Інтэрнэт-выданне Ukrainian Shipping Magazine адзначае, што танкер Brentix пабудаваны ў 1980 годзе і ходзіць пад сцягам Танзаніі.
31 мая расійскія войскі атакавалі Мікалаеўшчыну, у выніку 22 чалавекі атрымалі раненні. Пацярпелі 22 чалавекі, пішаінтэрнэт-выданне «Аператыўная Украіна», спасылаючыся на старшыню абласнога савету Ганну Замазееву. Яна адзначала, што сярод пацярпелых няма дзяцей.
i0.wp.com
Па ейных словах у на раніцу 1 чэрвеня ў мікалаеўскіх шпіталях знаходзіцца 256 грамадзян, якія пацярпелі ад нападаў расіян на рэгіён. Яшчэ 26 пацярпелым атрымалі амбулаторную дапамогу.
Даўгаўпілс, Латвія
Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
У Даўгаўпілсе з 1 чэрвеня пенсіянеры будуць плаціць за праезд у грамадскім транспарце. Гэта вынікае з зацверджаных мясцовай думай тарыфаў і льготамі на праезд, перадае навінны партал Bb.lv.
bb.lv/engine
На прадпрыемстве Daugavpils satiksme, якое з’яўляецца аператарам пасажырскіх перавозак у горадзе, тлумачыць скасаванне льготы для пенсіянераў падаражэннем энергарэсурсаў і агульнай эканамічнай сітуацыяй у краіне. Без павышэння коштаў на праезд даступнасць транспарту аказалася б пад пытаннем, заяўляюць транспартнікі.
Сабекошт праезду ў даўгаўпілскім транспарце на пачатку году складаў 1,21 еўра, а ў лютым вырас да 1,50 еўра. Поўны кошт білетаў для пасажыраў пакуль 0,50 еўра.
Украінскіх уцекачоў на Латвійска-расійскай мяжы паменела. Многія ўкраінцы перасякаюць яе, каб вярнуцца дамоў, альбо дабрацца да іншых краін Еўропы, піша латвійскі навінны інтэрнэт-партал PRESS.LV, спасылаючыся на матэрыял калегаў з Латгальскай студыі Латвійскага радыё 4.
Транзітным уцекачам дапамагаюць валанцёры, Дзяржаўная памежная службы, Пажарна-выратавальная служба, а таксама органы самакіравання.
З пачаткам поўнамаштабнага ўварвання расійскіх войск ва Ўкраіну Латвійскую мяжу з Расіі і Беларусі перасеклі 57 тысяч грамадзян Украіны. Не ўсе яны ў Латвіі атрымалі статус ўцекачоў. Большасць разглядаюць яе, як транзітную краіну, каб вярнуцца на радзіму, альбо накіравацца далей у Еўропу, засяроджваюць увагу журналісты.
Сынжэрэй, Молдова
Горад пабрацім Асіповічаў. Месціцца за 25 кіламетраў ад гораду Бельцы. Насельніцтва 15 тысяч чалавек.
У невялікім Сынжэрэі цяпер будуць асвойваць навыкі вялікага тэнісу на сучасным корце. Праект па яго ўзвядзенні прафінансавала камерцыйныя арганізацыяй, якая вырабляе мінеральную ваду, паведамляеБельцкі незалежны партал СП.
esp.md
Выданне адзначае, што корты адпавядаюць гульнявым стандартам і падыходзяць для трэніровачнага працэсу.
Па словах прадстаўніка арганізацыі працы над кортам працягваліся два гады і на ім будуць трэніравацца дзеці. Мэр гораду на адкрыцці адзначыў, што магчыма з мясцовых юных прыхільнікаў гэтага віду спорту вырастуць зоркі тэнісу.
Траўна, Балгарыя
Горад пабрацім Асіповічаў. Насельніцтва 10 тысяч чалавек. Цэнтр аднайменнай абшчыны ў Габраўскай вобласці. Старая частка гораду абвешчана архітэктурным запаведнікам. У ёй 140 помнікаў эпохі нацыянальнага адраджэння. Штогод ладзіцца адзіны ў краіне міжнародны пленэр драўлянай пластыкі.
У Траўне адзначылі 70-годдзе станаўлення мясцовага баскетболу, які найупадабанейшы від спорту ў гараджанаў. Горад славуты традыцыямі баскетболу.
tryavna.bg
Многія выхадцы з Траўны гуляюць у прафесійных клубах, піша інтэрнэт-выданне Informo.bg.
На афіцыйнай урачыстасці прадстаўнікі мэрыі адзначылі знаных спартоўцаў і юных баскетбалістаў, пераможцаў спаборніцтваў, граматамі і лістамі падзякі.
Дом Сары Зільберман да рэвалюцыі і пасля
