Ведамства адзначае, што гэта адбылося пасля ягоных рэкамендацыяў. Цэны зменшаныя практычна на ўсе імпартныя лекі.
З канца лютага і да сярэдзіне сакавіка праз рост курсаў валют лекавыя сродкі падаражэлі ў сярэднім на 30 працэнтаў, піша інфармацыйная агенцтва Белта, спасылаючыся на Камітэт дзяржкантролю.
У сувязі са зніжэннем курсу валют, адзначаецца ў публікацыі, ведамства накіравала рэкамендацыі буйным арганізацыям-імпарцёрам лекаў для іх пераацэнкі ў бок змяншэння.
Гэта прывяло да істотнага патанення разліковай адпускной цаны на асобныя лекавыя прэпараты, настойваюць кантралёры і ілюструюць тое рэакцыяй на іхную параду асобных арганізацыяў.
– Акцыянернае таварыства «Уніфарм» правяло пераацэнку па 365 найменняў лекаў і іхны кошт зменшыўся ад 2 да 22,8 працэнтаў;
– У «Медваксе» разліковы кошт упаў ад 2 да 22,8 працэнтаў па 194 найменнях;
– «Інтэрфармаксе» конт зніжаны ад 1,5 да 23 працэнтаў па 786 найменнях;
– Па пераацэнцы 368 найменняў таварыства «БРІТІТРЕЙД» іхны кошт упаў ад 7 до 29 працэнтаў.
«Змяншэнне разліковай адпускной цаны паўплывала і на зніжэнне кошту лекавых прэпаратаў у аптэчнай сетцы, – заяўляюць у КДК. – Цэны зменшаныя практычна на ўсе імпартныя лекі, па асобным пазіцыям дужа істотна».
Пастаўкі прадукцыі ў краіны Еўрапейскага Звязу, нягледзячы на санкцыі, выраслі больш, чым на палову, заяўляе міністр сельскай гаспадаркі і харчавання Ігар Брыло.
Службовец, сцверджанне якога падае газета «СБ. Беларусь сегодня», не тлумачыць, як так выйшла. Ён акцэнтуе ўвагу на супрацоўніцтве з расійскімі рэгіёнамі. Па ягоных словах інтарэс расіян да беларускай прадукцыі значна вырас на фоне заходніх санкцыяў. Іх цікавяць камбайны, аўтобусы, харчы.
Паводле яго за чатыры сёлетнія месяцы сельскагаспадарчыя прадпрыемствы нагандлявалі на 2,2 мільярды долараў, што на 11 працэнтаў больш за аналагічны перыяд 2021 году. Летась экспарт сельскагаспадарчай прадукцыі склаў 6,7 мільярдаў долараў.
Ігар Брыло лічыць, што сёлета ёсць магчымасць перавысіць 7 мільярдны рубеж у пастаўках прадукцыі аграпрамысловага комплексу за мяжу. Які аб’ём прыпадзе на краіны Еўрапейскага Звязу чыноўнік не ўдакладняе, але настойвае, што нягледзячы на санкцыі продажы павялічыліся больш чым на палову.
Інтэрнэт-рэсурс 1prof.by, спасылаючыся на Ігара Брыло адзначаў, што ў Еўропу прадавалася сельскагаспадарчай прадукцыі на больш чым 300 мільёнаў долараў. Ва Украіну пастаўлялася харчоў на 240 мільёнаў. З пачаткам вайны малочная і мясная прадукцыя, якая ішла на ўкраінскі рынак, была пераарыентаваная ў Расею.
Ігар Брыло таксама казаў, што беларуская прадукцыя прысутнічае на рынках 112-116 краін, але асноўным застаецца расійскі, а за ім кітайскі. Для іх,паводле службоўцы, пашыраецца асартымент сельскагаспадарчай прадукцыі і прыкладаюцца высілкі, каб займець дакументы на права продажу яго там.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.
Мікалаеў, Украіна
Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
2 чэрвеня расійскія войскі абстрэльвалі Мікалаеў і восем паселішчаў вобласці: Ачакаў, Беразнегуваце, Мішкава-Пагорылава, Гур’еўка, Гарохаўка, Палігон, Сцяпова і Лыманы Ёсць загінулыя і параненыя, паведамляе нацыянальная паліцыя Ўкраіны.
scontent-frt3-1.xx.fbcdn.net
Пашкоджаныя пяць прыватных дамоў, аўтамабілі, гараж, складскія памяшканні і іншыя гаспадарчыя пабудовы і інфраструктура.
У выніку варожых абстрэлаў загарэўся лес на тэрыторыі Балабанаўскага ляснога ўрочышча. Ратавальнікі ліквідавалі пажар.
На Мікалаеўшчыне дэмантавалі помнік Васілію Чапаеву. Пытанне яго зносу вырашалася амаль год. Супраць гэтага выступілі тады некаторыя жыхары вёскі Мазурава, дзе стаяў помнік, паведамляеінфармацыйны рэсурс «0512».
s.0512.com.ua
Па дэмантажу пастамент афарбаваны ў блакітна-жоўты колер і ўсталяваны сцяг Украіны.
s.0512.com.ua
Васілій Чапаеў (1887-1919) удзельнік Першай сусветнай вайны (1914-18), а таксама так званай Грамадзянскай вайны. Ён камандаваў дывізіяй Краснай арміі. Застаецца адной з самых папулярных гістарычных асобаў Грамадзянскай вайны ў Расіі.
Даўгаўпілс, Латвія
Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.
Урад Латвіі выдзеле Міністэрству замежных справаў мільён эўра на пакрыццё расходаў, звязаных з узмацненнем латвійска-беларускай мяжы. Гэтыя сродкі будуць скарыстаныя для аплаты перапрацоўкі, забеспячэння харчаваннем і камандзіровак супрацоўнікаў ведамстваў, падкантрольных Міністэрству ўнутраных справаў, а таксама на падтрымку тых хто шукае ў краіне паратунку, піша «Наша газета».
nasha.lv
У Латвіі падтрымаюць мясцовых прадпрымальнікаў, якія пацярпелі ад развязанай Расіяй вайной супраць Украіны. Сейм ухваліў закон, які прадугледжвае дапамогу бізнесоўцам.
Падтрымка ім будзе аказвацца ў выпадку, калі вайна, прывяла да зніжэння попыту, абарачэння тавару і паслуг, а таксама скасавання існых кантрактаў, перабояў з пастаўкамі, росту цэнаў і цяжкасцямі далейшых інвестыцыяў, паведамляе навінны інтэрнэт-партал PRESS.LV.
Паводле выдання на падтрымку прадпрымальнікаў выдзелена 94,9 млн еўра. Дапамога будзе аказаная крэдытамі, гарантыямі, інвестыцыямі ў капітал. Умовы і парадак размеркавання сродкаў вызначыць Кабінет міністраў.
У Даўгаўпілсе ансамбль беларускай народнай песні «Купалінка» адзначыў 30-годдзе. Паводле інтэрнэт-выдання DD-Fakti.lv-Fakti.lv канцэрт калектыву ў Доме адзінства прайшоў з аншлагам. Выступленне «Купалінкі» арганізаваў мясцовы Цэнтр беларускай культуры.
d-fakti.lv
«Купалінка» – адзін з найстарэйшых аматарскіх калектываў беларусаў у замежжы. Ансамбль адзначаны граматамі і дыпломамі.
Консул Генеральнага консульства Беларусі ў Даўгаўпілсе Галіна Найдзёнава ўручыла ганаровую грамату самаму калектыву і ягонаму кіраўніку Вячаславу Пятрову.
Клайпеда, Літва
8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.
Клайпедзкая мэрыя выдзяляе з гарадзкога бюджэту 100 тысяч эўра на дэмантаж і вываз савецкіх мемарыялаў з мясцовага парку скульптур, піша інфармацыйны рэсурс «Atviraklaipeda».
Таксама будзе выдзелена 77 тыс. еўра на фінансаванне навучання і перавозкі дзяцей з Украіны. Акрамя таго, 9,1 тысяч еўра на кампенсацыю ўладальнікам жылля, якія прадставілі яго ўкраінскім уцекачам.
atviraklaipeda.lt
У Літве з продажу знік украінскі кетчуп ««Чумак». Яго экспарт быў спынены праз вайну ва Украіне, запасы прадукту раскупленыя, піша Delfi.lt.
cdn.27.ua
На пачатку мая прадстаўнік вытворцы прадукцыі «Чумак» Кірыл Ліпко, казаў, што завод захоплены расійскай арміяй, таму кампанія не можа экспартаваць тавары.
Тавары з брэндам «Чумак» прадавалі ў больш чым 30 краінах.
Траўна, Балгарыя
Горад пабрацім Асіповічаў. Насельніцтва 10 тысяч чалавек. Цэнтр аднайменнай абшчыны ў Габраўскай вобласці. Старая частка гораду абвешчана архітэктурным запаведнікам. У ёй 140 помнікаў эпохі нацыянальнага адраджэння. Штогод ладзіцца адзіны ў краіне міжнародны пленэр драўлянай пластыкі.
Два дні Траўна сачыла за лёсам сям’і буслоў. Самка памерла. Без яе з самцом засталося чацвёра птушанят.
Самку знайшлі гараджане ў бездапаможным стане на адной з вуліц гораду. 2 чэрвеня стала вядома, што яна памерла па дарозе ў Цэнтр выратавання дзікай прыроды. Паводле ветэрынараў птушка сутыкнулася з транспартным сродкам і атрыманыя траўмы не былі сумяшчальныя з жыццём, адзначана на сайце абшчыны Траўны.
фота ілюстрацыйнае static.prsa.pl
У Цэнтры выратавання жывёлаў падкрэсліваюць, што за самцом і чатырма буслянятамі сачыць, ці справіцца бацька без маці даглядаць іх. Арнітолагі адзначаюць, што на дадзеным этапе ўмяшанне чалавека ў птушынае жыццё не дапушчальнае. Птушкі, кажуць яны, дзікія істоты.
Падборку артыкулаў нямецкага пісьменніка Ганса Захачовера, які ў складзе нямецкай арміі апынуўся на нашых землях у 1918 годзе, знайшоў і апублікаваў Алег Давід Лісоўскі.
«Гэты горад – ферзь, панна сярод дняпроўскіх гарадоў. Аднак не старая панна, на твары якой гісторыя намалявала зморшчыны, якія павінна прысыпаць і схаваць пудра. Не, гэта хутчэй юная каханка, поўная свежасці, любові да жыцця, і з маленькім, вострым пачуццём уласнай годнасці!» – пісаў у нататках для газеты 10-й нямецкай арміі ландсштурман Ганс Захачовер у чэрвені 1918 года.
Сабор Трох Свяціцеляў на фотаздымку нямецкага салдата ў 1918 годзе
У армейскай газеце выйшлі яго кароткая нататкаі вялізны артыкулl з падрабязным апісаннем гісторыі гораду, характарыстыкай бягучага стану падзеяў пасля рэвалюцыі і трапнымі назіраннямі за норавамі і побытам магілёўцаў.
«Позірк з Дняпра на вытанчана і велічна асветлены белымі цэрквамі, востраканечнымі вежамі і ззяючымі купаламі горад робіць вялікае ўражанне і захапляе прывабнасцю фарбаў. – у захапленні пісаў аўтар – Аблічча гораду ажыўляе вялікая колькасць цэркваў, белыя будынкі якіх ззяюць сваім уласным святлом і ўражваюць вочы і розум значна глыбей, чым, напрыклад, стракатыя цэрквы ў Менску».
Падборку артыкулаў Ганса Захачовера знайшоў і пераклаў калекцыянер і рупліўца магілёўскай спадчыны, філантроп з Аўгсбурга Алег Давід Лісоўскі. Свае пераклады, багата праілюстраваныя фотаздымкамі і малюнкамі часоў нямецкай акупацыі гораду ў 1918 годзе, ён размясціў у сваім блогу і на тэматычных старонках у Facebook.
Магілёў у вачах нямецкага салдата паўстае горадам ваенных
«У Магілёве, як таксама і ў Менску, знаходзіцца шмат расейскіх афіцэраў. І паколькі яны не атрымліваюць жалавання, і мала хто з іх дастаткова заможны, каб плаціць фантастычныя кошты дзеля забеспячэння жыцця, то яны цягнуць вартае жалю існаванне і харчуюцца з вулічнай працы, продажу газет і падобных заняткаў.
Таксама, горадам разбэшчаных расійскіх чыноўнікаў
«Магілёў быў сапраўды горадам чыноўнікаў; цэнтрам дзяржяржаўных установаў. Аднак, трэба дадаць, цэнтрам расійскіх дзяржаўных установаў. І можна сабе ўявіць, што карты, шнапс і «жанчыны» ігралі для іх асноўную ролю, а ад духоўнага развіцця тут адмаўляліся з такой мужнасцю, якой, слава Богу, немцам ніколі не дасягнуць».
Дубравенка на здымку невядомага нямецкага салдата
І, канечне, горадам колішняй царскай Стаўкі
Жыхары гораду, для якіх паводле іх палітычных поглядаў і ўзроўню адукацыі «звяржэнне» цара было зусім недарэчным, а час бальшавікоў здаваўся нацыянальнай трагедыяй, паведамлялі, аднак, што цар зрабіў сябе сапраўды непапулярным.
Само сабой, ён (цар, Мікалай ІІ) быў чалавекам, які выклікаў трапятанне. Аднак, паколькі людзі атрымлівалі інфармацыю не з нейкіх мутных крыніц, але мелі магчымасць штодня ўласнымі вачыма бачыць, як гэты імператар прымаў зусім малы ўдзел у справах свайго войска, як ён дзень і ноч, ператварыўшы яе ў дзень, аддаваўся выпіўцы і нізкім жанчынам, то ўнутраная павага да падобнага манарха, зразумела, не магла імкнуцца ўверх, але мусіла схавацца на дне патрыятычнай душы і вызваліць месца для найзмрочных прадчуванняў.
Тое, што яны не былі марнымі, добра паказаў потым ход вайны сваімі баявымі і палітычнымі падзеямі. Стаўка, якая ставіць клопаты пра армію на другое ці трэцяе месца, сама пазбаўляе сябе жыццяздольнасці.
Аднак, акрамя чыста ваенных падзей Мікалай быў таксама не ў стане выклікаць у насельніцтва прыхільнасць нават чыста па-чалавечы. Распавядаюць, што аднойчы нейкая жанчына ўстала перад яго машынай з нейкай просьбай. І як гэта мусіць адпавядаць бяспецы цара, яе адкінулі ўбок. Аднак цар ніколі не абмовіўся нават словам пра гэтае здарэнне, і яму не забылі гэткую абыякавасць да журбы і бездапаможнасці, да малення аб спачуванні, якую ўбачыў народ у гэтым выпадку.
Мікалай ІІ у Магілёве
Пра аўтара
Ганс Захачовер нарадзіўся ў 1892 годзе ў анямечанай яўрэйскай сям’і. У складзе 10-й нямецкай арміі ён удзельнічаў у Першай сусветнай вайне ў якасці ваеннага карэспандэнта. Доўгі час правёў на франка-германскай мяжы, затым на кароткі час быў пераведзены на Ўсходні фронт, дзе і зрабіў свае нататкі пра наш горад. У пасляваенны час ён стаў шмат пісаць на яўрэйскую тэматыку, быў прыхільна сустрэты ў літаратурных колах, завязаўшы сяброўства з Стэфанам Цвейгам і Эрыхам Марыяй Рэмаркам. У літаратуры ён выступаў пад псеўданімам Хасэ Арабуэна.
Пажаданне аўтара Магілёву
А вось такімі словамі Ганс Захачовер развітаўся з нашым горадам напрыканцы свайго вялізнага артыкула.
«Магілёў! У гэты горад можна закахацца і немагчыма пазбавіцца жадання, каб паходжанне назвы больш ніколі не было сімвалам, але каб горад узмацніўся да новага, заможнага жыцця вольнага ад расійскага прыгнёту».
Звыклы для нас цяперашніх транспартны сродак, але пакуль без педаляў, вынайшаў у 1817 годзе нямецкім прафесарам Карлам фон Дрэзам.
Блізкі да сучаснага выгляду сродак перасоўвання ўдасканаліў ў 1884 годзе англічанін Джон Кемп Старлі. І назваў яго ROVER – «Вандроўнік». Слова «ROVER» у дачыненні да веласіпеда прыжылося ў польскай, украінскай, беларускай мовах.
У Беларусі ровар з’явіўся ў Віцебску ў 1870-я гады. Першай спартовай роварнай арганізацыяй у Беларусі было Менскае таварыства аматараў спорту, заснаванае ў 1892 годзе.
У 1898 годзе ў нас адбыліся першыя спаборніцтвы на роварах.
У 2012 годзе ў 26 з 28 краінаў Еўрасаюзу продажы ровараў перавысілі продажы аўтамабіляў. У Беларусі цяпер каля 3 мільёны ровараў.
static.prsa.pl
3 чэрвеня 1757 года пайшоў з жыцця Ян Пашакоўскі (1684-1757).
Педагог, выдавец, гісторык, тэолаг, член ордэна езуітаў, доктар філасофіі, рэктар Слуцкага і Нясвіжскага калегіумаў, стваральнік і выдавец календароў.
Яна Пашакоўскага лічаць першым папулярызатарам гістарычнай навукі ў Вялікім Княстве Літоўскім. У адрозненне ад каляндарнай традыцыі выключыў са сваіх выданняў астралогію, прагностыку і іншыя забабоны, а запоўніў звесткамі з гісторыі і культуры ВКЛ, чым жадаў заахвоціць моладзь да чытання гістарычных прац.
cf2.ppt-online.org
3 чэрвеня 1786 года нарадзіўся Канстанцін Тызэнгаўз (1786-1853). Усё жыццё ён марыў пра аднаўленне ВКЛ.
Прыродазнавец, арнітолаг, асветнік. Заснавальнік беларускай арніталогіі.
Распрацаваў сістэму класіфікацыі птушак, якой карыстаюцца сучасныя вучоныя.
У сваім маёнтку Паставы стварыў арніталагічны музей (у калекцыі 3000 птушак з усяго свету і значная колькасць птушыных яек), карцінную галерэю, бібліятэку.
Адкрыў гнездаванне ў Беларусі некаторых відаў птушак. Аўтар шэрагу навуковых прац, у тым ліку «Усеагульная арніталогія, ці апісанне птушак усіх частак свету», «Каталог птушак і млекакормячых ВКЛ і Каралеўства Польскага».
У 1812 г. Канстанцін узначаліў 19-ы пяхотны французскі полк, у 1813 году ўзнагароджаны Крыжам Ганаровага Легіёна.
wikimedia.org
3 чэрвеня 1838 года сваю педагагічную і навуковую дзейнасць у Чылі распачаў ураджэнец Беларусі Ігнацы Дамейка (1802-1889).
Паўстанец 1830-1831 гадоў, Нацыянальны герой Чылі, падарожнік, географ, геолаг, прыродазнавец, педагог, рэктар універсітэту ў Сант’яга, «Гранд-дэ-адукатар».
Памяць аб вучоным захоўваецца ў геаграфічных назовах:
горны масіў Анд – Кардыльера Дамейка, 415 км;
горад Дамейко ў штаце Атакама, больш за 10 тыс. жыхароў;
мястэчка Афісіна-Дамейка;
порт Пуэрта дэ Дамейка;
горная вяршыня – Тэра дэ Дамейка;
чыгуначная станцыя на поўначы Чылі;
радовішча салетры ў пустыні Атакама.
wikimedia.org
3 чэрвеня 1988 года ў газеце «Літаратура і мастацтва» надрукаваны артыкул Зянона Пазняка і Яўгена Шмыгалёва «Курапаты – дарога смерці».
З артыкулу шырокім колам насельніцтва краіны ўпершыню стала вядома аб факце масавых расстрэлаў грамадзян супрацоўнікамі НКУС ва ўрочышчы
Колькасць расстраляных НКУС у 1937-1941 гадах у Курапатах па розных ацэнках ад 30 да 102 і нават, да 220-250 тысяч.
З 1993 году Курапаты занесеныя ў Дзяржаўны спіс гісторыка-культурных каштоўнасцяў Рэспублікі Беларусь як месца пахаванняў ахвяр палітычных рэпрэсій 1930–1940 гадах.
media.imhoclub.com
3 чэрвеня 1935 года нарадзіўся Васіль Зуёнак.
Паэт, перакладчык з розных славянскіх моў, Лаўрэат прэміі ЛКСМБ, Дзяржаўная прэмія БССР імя Янкі Купалы.
Вершы Зуёнка перакладаліся на розныя мовы. Пра ягоную творчасць пісалі Рыгор Барадулін, Уладзімір Караткевіч, Пётра Панчанка, адзначаючы фенаменальны мастацкі дар паэта, дзякуючы якому ў радках спалучаецца сучаснасць і гісторыя, лірыка і эпас, міф і рэальнасць, імкненне да вечнага і фельетонная стракатасць звычайнай паўсядзённасці.
По данным синоптиков, 3 июня по большей части области ясно, местами переменно облачно, без дождей. Температура до19°C, местами до20- 21°C. Ветер западный, северо-западный до 5-9 м/с. Вечером ясно, ветер западный, скоростью до 2-3 м/с, облачно и до14- 16°C.
Атмосферное давление в течение суток в пределах от 747-751 мм ртутного столба.
Сегодня продолжительность дня составит 16 ч 49 минут. Солнце взошло в 04:32, а упрячется от нас в 21:21. Геомагнитное поле с небольшими возмущениями.
По данным из открытых источников, местных наблюдений, в первой декаде июня температуры будут близки к температурной норме 15- 16°C. Климатических рекордов не привидеться.
Для сравнения, в 2021 году самая высокая дневная температура в июне составляла 30°С. Минимальная температура ночью опускалась до 7°C. Средние показатели дневной и ночной температур в течение июня составляют 22.5°С и 15.1°С соответственно.
Июнь прошлого года вообще стал одним из самых тёплых в мире. Средняя температура в Европе оказалась на 1,5° теплее, чем аналогичные периоды за 1991-2020 годы.
3 июня 2020 года итальянские города Нембро и Альцано пострадали от сильного града и наводнений. В результате ненастной погоды были затоплены улицы, подвалы и подземные переходы. Некоторые автомобилисты оказались заблокированными посреди дороги, им понадобилась помощь спасателей.
Пожарные участвовали в десятках операций по помощи и спасению. Подобные сцены уже наблюдались в регионе 15 августа 8 лет назад.
В 2020 году ученые предупредили, что Земля переживает шестое массовое вымирание животных. Новое исследование, проведенное группой ученых из Стэнфордского университета, показало, что более 500 видов животных вымрут в ближайшие 20 лет. Чтобы прояснить масштабы бедствия, специалисты подчеркивают, что в течение всего двадцатого века вымерло 543 вида наземных позвоночных.
Ён знаходзіцца ў цяжкім стане і ўведзены ў штучную кому.
Нашы крыніцы паведамляюць пра чарговае надзвычайнае здарэнне са студэнтам Беларуска-Расійскага універсітэта. Юнак са Шклова выскачыў ноччу з пятага паверха свайго дома, дзе ён пражывае разам з маці. Ён застаўся жывы, але атрымаў мноства пераломаў і быў уведзены ў штучную кому. Стан яго пакуль застаецца цяжкім – паведамляюць нашы крыніцы.
Афіцыйных паведамленняў пра дадзены выпадак няма.
Прычыны суіцыдальных намераў пакуль застаюцца няяснымі. Паводле адных крыніц, перад спробай самагубства ён скардзіўся на праблемы са задачай чарговай сесіі. Паводле іншых сведчанняў, праблем з вучобай у маладога чалавека не было.
Апошні падобны выпадак здараўся ў 2016 годзе. Як паведамляліСМІ, студэнт старшых курсаў Беларуска-Расійскага універсітэта здзейсніў суіцыд, выкінуўшыся з аднаго з верхніх паверхаў інтэрната.
Выбралі для вас шмат фота з прапановамі на рынку жылля ў Магілёве. Ад 350 000 баксаў да некалькіх соцень – так-так, не здзіўляйцеся!
Самы дарагі аб’ект нерухомасці ў Магілёве на сённяшні дзень, гэта, канечне, катэдж. Вось такі трохпавярховы дом з пяццю пакоямі на вуліцы Чалюскінцаў гаспадары ацэньваюць у 350 000$.
Зуім крыху не дацягвае двухузроўневы пяціпакаёвы пентхаус на праспекце Міра, у «свечцы» каля гасцініцы Магілёў. 299 000$.
Бліжэйшыя канкурэнты, за якіх, бадай што, не сорамна – чатырохпакаёвая кватэра за 190 000 долараў каля «Кошкінага дома» на праспекце Міра.
У цэнавай катэгорыі звыш 100 000 долараў можна сустрэць стылёвыя, мінімалістычныя прапановы. Вось, напрыклад, двухпакаёўка на рагу Піянерскай вуліцы і Пажарнага завулку навязвае канкурэнцыю шматпакаёвым апартаментам дызайнерскімі якасцямі і тэхналагічным начыннем. 117 000$.
Трохпакаёвая кватэра на вул. Першамайскай – стылёва, прэтэнцыёзна. Дызайн выкананы ў стылістыцы карціннай галерэі.
За 102 000$.
А вось трохпакаёўка на вуліцы Чыгрынава роўна за 100 000$ здаецца, павінна будзе выклікаць у будучага пакупніка прыступ комплексу непаўнавартаснасці.
Але стоп. Гэта ўжо рубрыка «па-багатаму». Працягваем.
Коні на карцінах, сафа ў стылі ампір як цэнтральны элемент хатняй кампазіцыі. Трохпакаёўка за 120 000$ на праспекце Міра.
У тым жа самым доме, дзе пакуль жыве заўзятар «Барсы» з кватэрай за 190 000. Здаецца, мы цяпер ведаем самы дарагі дом у горадзе.
У катэгорыі «трэш» канкурэнтаў, здаецца, няма. Сустракайце трохпакаёўку на бульвары Непакораных за 50 000$.
А вось самая танная кватэра (менавіта кватэра) выглядае так.
За двухпакаёўку ў бараку ў Брадах плюс шэсць сотак у прыдачу просяць роўна 10 000 долараў.
Ёсць і менш бюджэтныя прапановы на рынку магілёўскага жылля. Толькі цяжка назваць гэта паўнавартаснай канкурэнцыяй звыкламу жытлу.
Вось за такі барнхаус у пасёлку Грабянёва просяць каля 9 000$.
Гаспадары агаворваюць, што спальнае месца ў доміку патрабуе дадатковага ўладкавання. Пакуль жа прапануюць сваю пабудову пад офіс, летні домік, шоўрум.
Самай жа таннай прапановай у катэгорыі жылых памяшканняў на спецыялізаваных сайтах аб’яваў намі быў сустрэты… кантэйнер.
240 баксаў і калі ласка – куй сваё шчасце! Сярод іншых падобных кантэйнераў на вуліцы Навіцкага, каля кальца Мясакамбіната.
Прафсаюзны функцыянер Дзмітры Швайба звязвае невяртанне вагонаў з «дужа дальняй палітыкай», каб ускладніць працу беларускіх прадпрыемстваў.
Ён вінаваціць Украіну ў тым, што яна задоўга да 24 лютага, чыніла перашкоды для вяртання ў Беларусь чыгуначнага рухомага саставу. Паводле яго гэта прывяло да «вялікіх праблемаў з кантэйнерамі, кантэйнеравозамі, суханасыпнымі вагонамі». Ён цвердзіць, што страты сягалі тысячаў вагонаў.
Дзмітрый Швайна – старшыня Мінскай абласной арганізацыі Беларускага прафсаюзу работнікаў хімічнай, горнай і нафтавай галінаў прамысловасці.
Падзеі ва Ўкраіне парушылі структуру паставак
У інтэрв’ю «Альфа Радио», якое падае газэта «СБ. Беларусь Сегодня», сітуацыю з беларускімі вагонамі ва Ўкраіне ён разглядае, як «дужа дальнюю палітыку (Захаду) у частцы ўскладнення працы нашых прадпрыемстваў».
«Мы цудоўна разумеем, што ў бліжэйшы час гэтыя вагоны нельга будзе забраць, – адзначае прафсаюзнік. – Ды і ці магчыма забраць іх у прынцыпе, на сённяшні дзень да канца незразумела».
Дмітрый Швайна, спасылаючыся на меркаванні ў экспертнай супольнасці, ацэньвае колькасць страчаных ва Ўкраіне вагонаў ад 5 да 17 тысяч. Гэта істотны ўдар для эканоміцы і лагістычным схемам, кажа ён. Па ягоных словах праблему збіраюцца вырашаць з дапамогай крэдытных рэсурсаў з Расіі.
Прадстаўнік афіцыйнага прафсаюзу настойвае, што падзеі ва Ўкраіне парушылі структуру паставак. Паводле яго некаторыя прадпрыемствы пастаўлялі да 75 працэнтаў сваёй прадукцыі на ўкраінскі рынак, а цяпер невядома, што з сябе ўяўляе.
У пададзеным газетай «СБ. Беларусь Сегодня» інтэрвʼю не зразумела, ці называў Дзмітрый Швайна, што за падзеі адбываюцца ва Ўкраіне. А, згадваючы 24 лютага ён не тлумачыць, што ў гэты дзень пачалася поўнамаштабная агрэсія Расіі супраць суседняй краіны.
Украінскі бок настойвае: арыштаваны транспарт выкарыстоўваўся для забеспячэння лагістыкі «расійскіх войск».
Як перадаюць украінскія мэдыі Украіна канфіскавала 51 цыстэрну-вагон з 3 тысячамі тон дызельнага паліва беларускага паходжання, а таксама былі арыштаваныя 158 грузавікоў і адзінак спецыяльнай тэхнікі з Беларусі. Па словах дырэктара Бюро эканамічнай бяспекі Украіны Вадзіма Мельніка кошт арыштаванай маёмасці Беларусі ацэньваецца ў 1 мільярд долараў ЗША.
Украінскі бок настойвае, што арыштаваны транспарт выкарыстоўваўся для забеспячэння лагістыкі «расійскіх войск». Паліва, якое знаходзілася ў цыстэрнах, перададзена ўкраінскай арміі.
Использовал служебные автомобили для поездок в нерабочее время и выходные дни.
Директор одного из коммунальных предприятий Дрибинского района, его имя не называется, в нарушение данного им антикоррупционного обязательства – не использовать во внеслужебных целях имущество предприятия, сообщаетСлужба информации прокуратуры Могилевской области.
В сообщении ведомства говорится, что чиновник неоднократно с октября 2021 года по апрель 2022 года, в нерабочее время и выходные дни, ездил на служебных автомобилях, расходуя выделенное предприятию топливо, для поездок по личным вопросам. Управляя служебным транспортом, несколько раз привлекался к административной ответственности за нарушения правил дорожного движения.
Прокурор Дрибинского района внес в местный райисполком представление об устранении нарушений законодательства о борьбе с коррупцией.
По результатам рассмотрения акта надзора директор коммунального предприятия освобождено от занимаемой должности за нарушение письменного обязательства по соблюдению антикоррупционных ограничений.
scontent-frt3-1.xx.fbcdn.net
d-fakti.lv
фота ілюстрацыйнае static.prsa.pl
Сабор Трох Свяціцеляў на фотаздымку нямецкага салдата ў 1918 годзе
Дубравенка на здымку невядомага нямецкага салдата
Мікалай ІІ у Магілёве
