Category: Навіны

За час вайны Мікалаеў без абстрэлаў пражыў 19 дзён. У Латвіі бюджэт недалічваецца 48 мільёнаў еўра праз кантрабанду цыгарэт. 70 супрацоўнікаў расійскай амбасады пакінулі Балгарыю

Навіна ад

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Мікалаеў, Украіна

Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Палова вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Існуе пагроза паўторнага наступу расійскіх войск на Мікалаеў.

«Пагроза ёсць заўсёды, але мы гатовыя. Я вам так скажу – яны баяцца на нас нападаць», – заяўляе кіраўнік абласной ваеннай адміністрацыі Віталій Кім. Ягонае меркаванне падае выданне «Главком».

Віталій Кім даводзіць, што ўзброеным сілам Украіны ўдалося адбіць праціўніка на адлегласць, з якой яго артылерыя ня можа дабіць да гораду. Таму выкарыстоўваюцца  ракеты.

За час поўнамасштабнай агрэсіі Расіі супраць Украіны, Мікалаеў без абстрэлаў пражыў 19 дзён. З пачатку ўварвання з-за абстрэлаў загінулі 120 чалавек і больш за паўтысячы атрымалі раненні.

images.unian.net

Мэр Аляксандр Сянкевіч кажа, што ў апошнія дні горад атакуюць 10-12 ракетамі за суткі. Лінія фронту знаходзіцца за 20 – 30 кіламетраў ад Мікалаева.

З гораду з’ехала каля паловы насельніцтва – каля 230 – 250 тысяч жыхароў. Пасля кожнага масіраванага абстрэлу горад пакідае за тыдзень да 200 жыхароў, цытуе Сянкевіча выданне Корабелов.инфо.

2 ліпеня расійскія войскі абстралялі восем паселішчаў у Мікалаеўскай вобласці. Пацярпелі чатыры чалавекі.

static.espreso.tv

Паводле старшыні Мікалаеўскага аблсавету Ганны Замазеевай у абласных шпіталях перабываюць 259 пацярпелых ад атак расіян. Яшчэ 59 – атрымліваюць дапамогу амбулаторна.

У Мікалаеўскім заапарку ў двух пар лебедзяў-шыпуноў нарадзілася пяць птушанятаў.

niknews.mk.ua

Пра папаўненне яго супрацоўнікі наважыліся паведаміць цяпер, хоць птушанятам ужо два месяцы. Яны яшчэ маюць шэрае пухнатае апярэнне і ўвесь час трымаюцца матуляў, піша выданне «Мікалеўскія навіны».

Заапарк прыфрантавога гораду прымае наведнікаў і ў ваенны час. Ён папоўніўся гадаванцамі жыхароў гораду, якія вымушаныя былі пакінуць яго.

Даўгаўпілс, Латвія

Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.

У 2020 годзе колькасць кантрабандных цыгарэт на латвійскім рынку рэзка вырасла, а летась знізілася на 2,9%. У 2021 годзе нелегальныя цыгарэты склалі 16,2% ад агульнага рынку цыгарэт.

Паводле Delfi год таму прыкладна 76% кантрабандных цыгарэтаў аказаліся «белай кантрабандай» – гэта тавар, які легальна вырабляюць у іншых краінах, пераважна ў Беларусі, і затым нелегальна ўвозяць у Латвію.

Паводле прыкладных падлікаў з-за неаплачаных падаткаў за кантрабандныя цыгарэты гадавыя страты бюджэту Латвіі складаюць прыкладна 48 мільёнаў еўра.

Галоўная прычына патоку кантрабандных цыгарэт – значная розніца ў цэнах на цыгарэты. У Латвіі цана пачкі цыгарэт у сярэднім складае 3,67 еўра. У Беларусі ж – 0,54 еўра.

g1.delphi.lv

Кантрабандай беларускіх цыгарэтаў сталі прамышляць расіяне.

У Даўгаўпілсе супрацоўнікі Дзяржаўнай пагранічнай службы спынілі легкавік, якім кіраваў грамадзянін Расіі. У багажніку ляжала 10 000 цыгарэт з беларускімі акцызнымі маркамі, піша выданне Delfi.

У адносінах да затрыманага распачаты крымінальны працэс за незаконны выраб, захоўванне, перамяшчэнне або рэалізацыю тытунёвых вырабаў у буйных памерах.

Даўгаўпілс вычарпаў усе свае магчымасці ў размяшчэнні бежанцаў з Украіны.

У горадзе размешчаны 532 ваенных бежанцы з Украіны і прымаць новых няма рэсурсаў, піша «Наша газета».

Па словах кіраўнікоў самакіравання, свабодных месцаў для рассялення ўкраінскіх бежанцаў у Даўгаўпілсе больш няма.

Прапанаваны Асацыяцыяй буйных гарадоў варыянт аб рассяленні ўкраінцаў у спартыўных залах думай Даўгаўпілса не разглядаецца, паколькі такія памяшканні не прыдатныя для пражывання вялікай колькасці людзей.

Кампенсацыю выдаткаў на ўтрыманне бежанцаў самакіраванне атрымлівае ад дзяржавы з затрымкай у паўтара-два месяцы. У выніку мясцовая ўлада вымушана аплачваць пражыванне і харчаванне бежанцаў, выкарыстоўваючы свае рэзервовыя фонды.

img.gorod.lv

4 чэрвеня ў Латвіі адзначаецца Дзень памяці ахвяр генацыду яўрэйскага народу. На дамах вывешаны дзяржаўныя флагі ў жалобным афармленні.

Так краіна ўспамінае масавыя пагромы 1941 года і смуткуе па яўрэях, якія загінулі ў Халакост, нагадвае газета «Наш горад».

Габрава, Балгарія

Найдаўнейшы пабрацім Магілёва. Дамова аб супрацоўніцтве была падпісана ў 1988 годзе. У 200-ым былі адноўленыя пабрацімскія сувязі. У Магілёве праспект названы Габраўскім. Адзін з рэстаранаў называецца Габрава. Габрава месціцца ў цэнтры краіны. Насельніцтва-55 тысяч чалавек. Ён лічыцца балгарскай сталіцай гумару. Ёсць у ім Дом гумару і сатыры. Ладзяцца фестывалі гумару.

70 супрацоўнікаў расійскай амбасады, якіх Балгарыя прызнала персонамі нон-грата, пакінулі краіну.

Іх вывезлі двума расійскімі самалётамі, паведамляе выданне «БНР новини».

Прадстаўнікоў расійскай дыпламатычнай місіі звінавацілі ў супрацоўніцтве са спецслужбамі сваёй краіны. Балгарскія ўлады заяўляюць, што працу ў амбасадзе яны выкарыстоўвалі для прыкрыцця шпіёнскай дзейнасці.

static.bnr.bg

З патрабаваннем пакінуць Балгарыю выступіў прэм’ер-міністр Кірыл Петкаў, які амаль адразу сышоў у адстаўку і цяпер зноў прэтэндуе на гэтую пасаду.

Амбасадар Расіі ў Балгарыі Элеанора Мітрафанава на высылку сваіх калегаў адрэагавала пагрозай аб закрыцці ўсёй дыпламатычнай місіі. Яна выставіла ўльтыматум, каб урад скасаваў сваё рашэнне. Калі ён таго не зрабіў, заявіла, што звярнулася ў Міністэрства замежных спраў Расіі з прапановаю закрыць амбасаду. На гэты момант невядома, якое рашэнне прыняў расійскі бок.

Расійскі ўрадовец Філіп Васкрасенскі, які таксама пакінуў Балгарыю, заявіў мясцовым журналістам, што ніхто з высланых дыпламатаў або расійскіх чыноўнікаў не працаваў супраць інтарэсаў Балгарыі.

Ён настойвае, што «ніхто не можа сапсаваць расійска-балгарскіх адносінаў». Па ягоных словах Балгарыю пакінулі 180 чалавек.

Габрава сутыкнулася з нашэсцем ліс. 

Асабліва дастаецца гарадскім мясцінам побач з лесам.

img4.goodfon.com

Зверы засяляюць нежылыя сядзібы і ствараюць у іх сабе жытло. Паводле эколагаў, лісы падабаюць гарадское асяроддзе, бо ў ім лягчэй знайсці спажыву. 

Яны без цяжкасцяў прыстасоўваюцца да жыцця ў ім і становяцца больш прыязнымі да людзей, піша інтэрнэт-рэсурс Gabrovonews.

Чытачы выдання прапануюць абвясціць лясных насельнікаў габраўцамі.

Клайпеда, Літва

8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

У Літве 10% людзей, якія жывуць у галечы, працуюць на поўную стаўку.

Згодна са статыстыкай, колькасць бедных людзей у Літве зменшылася на 0,9%, а ўзровень абсалютнай беднасці складае 1,2%, піша выданне Delfi.

У 2021 г. каля 560 000 жыхароў краіны жылі за рысай беднасці. Зарплаты ў Літве растуць, пенсіі павышаюць, уклады ў жыхароў у банках вялізныя, а ўзровень беднасці застаецца высокім.

У краіне знізілася сацыяльная няроўнасць, адносная і абсалютная беднасць. Узровень беднасці цяпер складае 600 еўра. Ва ўмовах абсалютнай беднасці ў 2020 г. жылі 3, 9% чалавек. Зменшыць колькасьць людзей, якія жывуць ў беднасці перашкаджае інфляцыя, якая расце.

Каменскае, Украіна

Пабрацім Бабруйску ад 2000 году. Горад абласнога падпарадкавання ў Днепрапятроўскай вобласці. Насельніцтва 250 тысяч чалавек. Паселішчы Днепрапятроўшчыны расейцы абстрэльваюць, але разбурэнняў такіх, як у прыфрантавых гарадах няма. Мясцовыя прадпрыемствы працуюць. Да вайны культурны абмен між гарадамі пабрацімамі бабруйскія чыноўнікі лічылі актыўным.

Пракурор Каменскай акруговай пракуратуры скончыла жыццё самагубствам.

На гарадскім сайце 5692 адзначана, што жанчына скінулася з акна шматпавярхоўкі. Яе цела знайшлі мінакі, якія выклікалі паліцыю на месца трагедыі.

 

Дзень у гісторыі. Дзень незалежнасці ЗША. Перапахаванне Адама Міцкевіча. Тэракт на Дзень Незалежнасці. Плюшавы дэсант

Навіна ад

4 ліпеня 1776 года прынята Дэкларацыя незалежнасці ЗША.

Дзень незалежнасці ЗША.

Дэкларацыю зацвердзілі на Другім Кантынентальным кангрэсе, з’ездзе дэпутатаў ад 13 амерыканскіх калоніяў Вялікабрытаніі. 13 палос на сцягу ЗША сімвалізуюць 13 калоніяў (штатаў).

Абвяшчэнне незалежнасці стала вынікам дзесяцігадовага змагання еўрапейцаў, якія нарадзіліся ў Амерыцы, за існаванне іх краіны незалежна ад метраполіі.

external.polskieradio.pl

4 ліпеня 1890 года адбылося перапахаванне Адама Міцкевіча ў Вавельскім саборы ў Кракаве.

Польскі літаратар, асветнік, дзеяч нацыянальна-вызваленчага руху, адзін з пачынальнікаў беларускай літаратуры.

Многія творы Міцкевіча сталі агульнапрынятымі сімваламі вызваленчага руху на тэрыторыі былой Рэчы Паспалітай. Ягоная «Ода да маладосці» была ўспрынятая як маніфест паўстання 1830–1831. Пасля напісання ў віленска-ковенскі перыяд паэм «Гражына» і «Дзяды» постаць Міцкевіча выйшла на першы план у польскамоўнай літаратуры.

Меў беларускае паходжанне, ураджэнец вёскі Завоссе (цяпер Баранавіцкі раён). Парэшткі перавезлі з Канстанцінопалю (Стамбул, Турцыя), дзе памёр.

У Наваградку, Стамбуле працуюць музеі Адама Міцкевіча. Яго імем названы вуліцы, пастаўлены помнікі ў гарадах Беларусі, Польшчы, Літвы, помнік у Парыжы.

Вавельскі сабор, ці Сабор Святых Станіслава і Вацлава – пахавальня польскіх каралёў. Акрамя МІцкевіча там спачывае яшчэ адзін знаны польскі літаратар Юлівуш Славацкі.

wikimedia.org

4 ліпеня 1952 года памёр Язэп Варонка.

Беларускі палітычны дзеяч, журналіст, публіцыст.

Першы старшыня Народнага сакратарыята БНР. 

У ЗША ўзначальваў Беларуска-амерыканскую нацыянальную асацыяцыю, быў адным з кіраўнікоў Беларуска-амерыканскай нацыянальнай рады, выдаваў газету «Беларуская трыбуна», вёў беларускія і рускія праграмы на чыкагскім радыё.

Памёр у ЗША.

wikimedia.org

4 ліпеня 2008 года адбыўся тэракт на святочным канцэрце да афіцыйнага Дня незалежнасці.

Выбухнула самаробная прылада, начыненая металічнымі гайкамі і цвікамі.

Пацярпелі 54 чалавекі, шпіталізавана – 47.

Падазраванымі ў тэракце пабывалі 120 чалавек. Іх трымалі па 10 сутак у СІЗА. Адбіткі пальцаў узятыя ў 1,3 мільёна чалавек. 12 тысячаў чалавек адмовіліся ад гэтай працэдуры.

2 ліпеня 2009 году Аляксандр Лукашэнка заявіў: «Вінаватыя да гэтага не ўстаноўленыя, таксама як і не раскрытыя выбухі ў Віцебску. Гэта ганьба для праваахоўных органаў».

nmn.by

4 ліпеня 2012 года адбыўся «Плюшавы дэсант» альбо «мядзведзіроўка».

Акцыя шведскіх лётчыкаў, якія перасеклі мяжу беларускай паветранай прасторы, праляцелі над Івянцом, даляцелі да мінскага Сухарава, скінулі з самалёта на парашутах цацачных мядзведзікаў. Да іх прывязаныя былі ўлёткі з надпісамі, якія заклікалі да выканання свабоды слова ў краіне.

Міністэрства абароны Рэспублікі Беларусь лічыць факт пранікнення замежнага самалёта ў беларускую паветраную прастору парушэннем яе цэласнасці

26 ліпеня 2012 года Аляксандр Лукашэнка прызнаў факт парушэння мяжы, а 31 ліпеня адправіў у адстаўку старшыню беларускага пагранічнага камітэту генерал-маёра Ігара Рачкоўскага і камандуючага войскамі СПА Беларусі генерал-маёра Дзмітрыя Пахмелкіна. Да таго ж Лукашэнка пазбавіў пасады і віцэ-прэм’ера Сяргея Румаса.

bnp.by

У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніц

 

 

 

Оранжевый уровень опасности. Жара. Берегите себя

Навіна ад

Синоптики предупреждают о неблагоприятном гидрометеорологическом явлении. Объявлен оранжевый уровень опасности.

По восточной половине страны до +30 +32, сообщает белгидромет.

В Могилёве переменная облачность. Без существенных осадков (вероятность осадков 5-10%). Температура воздуха до +32°C. Ветер неустойчивый, 3-8 м/с.

Хроники сообщают, что в Могилеве 1695 году 4 июля выпал снег и пролежал несколько дней.

Народные приметы подсказывают, что если ветер с утра дует в сторону солнца, а к вечеру от солнца – погода будет хорошей.

А, когда затяжной гром – к длительному ненастью. Если же листья папоротника скручены книзу – будет теплая засушливая погода. Ну а если листья распрямились – жди непогоды. Липа же около дома засохла – к беде.

 

 

 

Штучная дата, але сьвята патрэбнае Магілёву – апытанка Магілёў.media у афіцыйны Дзень Незалежнасці

Навіна ад

Дзень незалежнасці ў Магілёве праходзіў сёлета традыцыйна: мітынг, канцэрты, кірмаш, сямейнае свята, спяванне гімна, феерверк. Тэма дзяржаўнасці ў цэнтры свята, але вонкава знайсці яе адлюстраванне не так проста. 

Фотарэпартаж з гушчару падзей з рэплікамі магілёўцаў.

Свята распачалося з афіцыйнага мітынгу на  Мемарыяльным комплексе ”Буйніцкае поле”. Нічога новага ці адметнага там не было. Адабраныя прадстаўнікі калектываў выявілі вытрымку, перамогшы спёку. Цікавасці магілёўцаў у апошнія гады да падобных акцый не назіраецца. 

Цікавасць, хаця і не ажыятаж, выклікала культурная праграма. Шмат было канцэртаў.

На плошча Адзінства, якая насупраць гарвыканкаму, выступалі народны аркестр рускіх народных інструментаў Магілёўскага дзяржаўнага каледжа мастацтваў і творчы калектыў школ мастацтваў. Іх канцэрт называўся “Табе нашы песні, родная Беларусь!”.

Магілёўскі краязнаўца: “Дата канечне за вушы прыцягнутая да незалежнасці нашай краіны. Гэта дзень вызвалення ад фашыстаў і не болей. А вось само свята патрэбнае. Не было б незалежнасці нашы хлопцы ўжо б у трунах з Украіны вярталіся. Пахаванні праходзілі б штодня, ну ці праз дзень…” 

Выстава-кірмаш “Горад майстроў” правялі ў тэатральным скверы. Далей пешаходнай вуліцай быў канцэрт “Квітней, мая Беларусь!”. Ён праходзіў на пляцоўцы насупраць музею Бялыніцкага-Бірулі. Далей зноў канцэрт. Гэтым разам Нацыянальнага акадэмічнага канцэртнага аркестра Беларусі. Яго выстапленне называлася “Беларусь – мая краіна”. Яго арганізавалі на  згаданай плошчы Адзінства.

Пенсіянер, былы дырэктар саўгаса: “Чым глыбейшы крызіс, тым больш святаў. Усё робіцца, каб людзям лягчэй пражыць цяжкія часы. Карацей, каб менш думалі пра эканоміку”. 

Ягоная жонка: “А мне падабаецца. Тым, хто ў горадзе застаўся, было куды пайсці. І пра ўсе гэтыя жахі менш думаеш”. 

Ідзем да Дняпра спускаемся у гарадскі парак Падміколле і трапляем на агульнагарадскае сямейнае свята “Мы – дзеці твае, Беларусь!”.

Таццяна – жыхарка з цэнтру: Усе было б добра, але тыдзень гэта слухаць, то занадта. Яны ж ужо колькі дзён рэпетуюць. Аглохнуць можна было ад паўтораў.

На фінішную прамую свята выйшла ў скверы 40-годдзя Перамогі. Там імпрэзай з жывой музыкай стваралі гараджанам “Святочны настрой”.

Былы актор тэатру: Свята не вельмі. А ўчора, дык увогуле магла быць паніка. Рэжысёры арганізавалі імітацыю бою з выбухамі і стралянінай. Гледачы некаторыя рэальна перапалохаліся. У сённяшніх умовах гэта было неабачліва.

Завяршацца ўрачыстасці позна ўвечары на плошчы Славы агульнарэспубліканскай акцыяй “Праспяваем гімн разам!” і феерверкам.

 

Зарастае, забруджваецца, змяншаецца папуляцыі рыбы. На што хворае Балтыйскае мора?

Навіна ад

Балтыйскае мора найбліжэйшае да не марской Беларусі. Яно, як ніякае іншае, аказвае велічэзны ўплыў на клімат нашай краіны. Адпачынак на Балтыцы – больш спрыяльны для арганізму беларуса. Акліматызацыя на Балтыйскім моры пераносіцца ім лягчэй, чым у іншых далёкіх краях. Беларуская цывілізацыя фармавалася пад уплывам скандынаўскіх краінаў. Згадайма летапісных Рагвалода І Рагнеду ды шлях з Варагаў у Грэкі.

Балтыйскае мора асаблівае 

Стан Балтыйскага мора рэзка пагоршыўся за апошняе стагоддзе. Яно застаецца адным з самых загружаных і найбольш забруджаных мораў. Яно сутыкаецца з наступствамі змены клімату, ціскам турызму і спусташэннем рыбных рэсурсаў, піша выданне Delfi, спасылаючыся на знаўцаў навакольнага асяроддзя.

greenbelarus.info

Эксперты адзначаюць, што Балтыйскае мора асаблівае. Біялогія і геаграфічныя ўмовы адрозніваюць яго ад іншых мораў. Яно падобнае на вялікае возера, злучанае з Паўночным морам невялікай пратокай. Яе велічыня робіць вадаабмен вельмі марудным. Воды абнаўляюцца цягам 30-50 гадоў.

ecoportal.info

Галоўнымі прычынамі пагаршэння стану Балтыйскага мора з’яўляюцца сельскагаспадарчая практыка, рыбалоўства, суднаходства і прамысловае развіццё ў цэлым.

Сцёкавыя воды, угнаенне, багавінне

Даследчыкі навакольнага асяроддзя адзначаюць, што Балтыйскае мора зарастае. Хутка размнажаецца зялёнае багавінне. Гэта адбываецца ў выніку трапляння ў мора не ачышчаных сцёкавых вод, а таксама азоту і фосфару з угнаенняў ад сельскай гаспадаркай.

static.lsm.lv

На якасць мора ўплывае суднаходства, якое значна ўзрасло ў абʼёмах у 2000-х гадах.

Да чаго вядзе скарачэнне папуляцыі траскі

Стан вады пагаршаецца і пад уздзеяннем мыйных сродкаў, якімі карыстаюцца жыхары. Такая вадкасць пападае ў сцёкавыя воды і негатыўна ўплываюць на асяроддзе.

ecoportal.info

Пагаршэнне стану Балтыкі ўплывае на папуляцыю траскі і еўрапейскага вугра.

Калі колькасць трэскі скарачаецца, то няма каму есці дробную рыбу. У сваю чаргу, дробная рыба зʼядае шмат зоапланктону – жыўнасць, якая сілкуецца разрослым багавіннем.

 

Афіцыйны Дзень незалежнасці вачыма шараговых магілёўцаў (фота)

Навіна ад

Чытачы працягваюць дасылаць у Магілёў.media фотаздымкі з магілёўскіх імпрэзаў, прымеркаваных да афіцыйнага Дня незалежнасці. Як сцвярджаюць аўтары ў іхных творах перададзеная атмасфера сёлетняга адзначэння галоўнага свята краіны.

Магілёў.media выбраў некаторыя з фотаздымкаў і публікуе іх без каментароў. Мяркуйма, што самі чытачы разбяруцца з тым, ці маюць рацыю аўтары.

Яшчэ чытачы, спадзяемся вызначацца, як змянілася абстаноўка ў горадзе за апошнія пару-тройку гадоў. Што памянялася ў святочным антуражы і атрыбутыцы. Каго на вуліцах паболела, а каго паменела. І наагул, ці адчуваўся ў гэтыя некалькі дзён святочны настрой у гараджан, альбо іхны ўдзел у імпрэзах быў звычайнай руцінай і  традыцыйным рытуалам.

 

«Фотаальбом Магілёў.media». Зацвіла ліпа – сімвал беларускага эратызму і сужэнскай вернасці

Навіна ад

Ліпа – адно з найулюблёных дрэваў беларуса. Звестак пра колькасць высаджаных у Магілёве ліпавых дрэў адшукаць не ўдалося, але з упэўненасцю можна казаць, што іх нямала. Яны растуць пры гарадскіх магістралях, у дварах жылой забудовы, у асяродках адпачынку. У канцы чэрвеня і пачатку ліпеня іхны водар насычае паветра. З сімвалам беларускага эратызму мы не расстаемся ніколі.

Чытачы не забылі пра Фотаальбом Магілёў.media і даслалі ў яго серыю фотаздымкаў з квітучай ліпай.

У фотаальбоме Магілёў.media – сабраныя фотаздымкі, дасыланыя чытачамі. Так павялося, што іх аўтары суправаджаюць свае работы невялікімі допісамі. У асноўным тлумачаць, чаму вырашылі сфатаграфаваць той, ці іншы ўпадабаны вобраз. Як і раней, чакайма фотаздымкай і допісаў да іх у паштовай скрынцы [email protected].

У сваіх каментарах аўтары пішуць, што цвіценне ліпы з’ява незабыўная. Згадваюць ліпавы водар, гарбату, запараную на ліпавым цвеце, мёд і раі пчол.

«У дварах, дзе высаджана шмат ліпы стаіць такі п’янкі водар, што ўдыхала б ды ўдыхала. Ліпа – гэта наша маладосць з вячоркамі, скокамі, прыставаннем хлопцаў і начнымі прагулкамі з імі», – так напісала пра ліпавае дрэва і жыццё адна з чытачак.

А што мы ведаем пра Ліпу?

Ліпа расце ў лясных зонах Еўропы, Каўказу, у Заходняй Сібіры.

Яна жыве 300-400 гадоў. Расце марудна. Мінуюць гады, пакуль выцягнецца да двух метраў. За свой жыццёвы век вырастае да 30 метраў. Дыяметр камля сягае 1 метра.

Ліпа ўстойлівая да забруджанага паветра. Апалае лісце паляпшае глебу і павялічвае яе ўрадлівасць.

Ліпавая драўніна каштоўная ў сталярстве. З яе вырабляюць кухоннае начынне. На кірмашах рамеснікі прапануюць набыць з ліпы шмат чаго карыснага для дому.

Для медыцыны бяруць пераважна цвет ліпы. У ім утрымліваецца эфірны алей, дубільныя рэчывы, воск, цукар, аскарбінавая кіслата.

У народным знахарстве прыдаецца ўсё ліпавае: цвет, лісце, каткі, плады і нават кара. Настой з цвету – патагонны сродак. Ім палошчуць паражніны рота пры захворваннях горла, кашлю. Ліпавую гарбату спажываюць, як баліць галава, даймае рэўматызм, ці іншая немач, апанаваўшая суставы.

Ліпа карысная для здароўя жанчын. У даведніках адзначаецца, што дапамагае аднаўляць гарманальнай дысбаланс і шмат чаго іншага, пра што мужчынам ведаць не асабліва важна.

Ліпа – сімвал кахання, урадлівасці, дабрабыту, вернасці, дружбы, міру, справядлівасці, альтруізму, удачы.

Яшчэ яна – сімвал сужэнскай любові, гасціннасці і сціпласці.

У беларусаў шмат звязанага з ліпай. Многія выразы маюць эратычны падтэкст. Напрыклад, «я хаваўся ў ліпы«. Хто так кажа, намякае, што чакаў, ці чакае сваё каханне, ці адведваў мясціну, звязаную з незабыўным пачуццём.

 

Фотафакт. Як выглядае абрынуты ў Магілёве помнік ахвярам Халакосту

Навіна ад

Помнік у выглядзе стэлы разваліўся на часткі пасля таго, як на яго абрынулася вялікае дрэва. Гэта адбылося 29 чэрвеня ў навальніцу.

Помнік стаіць на яўрэйскіх могілках. Мясцовыя камунальнікі прыбралі дрэва, падмялі пляцоўку і склалі фрагменты абеліска побач з пастаментам. Калі возьмуцца за яго аднаўленне не вядома.

У магіле пад помнікам пахаваныя парэшткі забітых у 1941 годзе нацыстамі нявольнікаў, створанага імі ж, гета. На выгравіраваным у мармуры надпісу няма згадкі пра нацыянальнасць пахаваных. Адзначана толькі, што тут спачываюць 2 тысячы загінулых «савецкіх грамадзян».

Пасля таго, як улада распачала кампанію збірання звестак і пошуку ахвяраў генацыду беларускага народу ля помніка сталі праводзіць пафасныя імпрэзы з удзелам школьнікаў і службоўцаў. Фотаздымкі з такіх мерапрыемстваў тыражавалі праўладныя медыі. У каментарах да іх не згадвалі Халакост і нацыянальнасць забітых.

 

Дзень у гісторыі. Афіцыйны Дзень незалежнасці Беларусі. Гадавіна вызвалення Мінску з-пад акупацыі маскоўцаў. Нарадзілася Алаіза Пашкевіч, літаратарка вядомая пад псеўданімам Цётка

Навіна ад

3 ліпеня – Дзень незалежнасці Беларусі (Дзень Рэспублікі).

Галоўнае афіцыйнае дзяржаўнае свята.

Ад 1991 да 1996 году Дзень незалежнасці адзначаўся 27 ліпеня. У 1990 годзе дэпутатамі Вярхоўнага савету 12 склікання была зацверджана Дэкларацыя аб дзяржаўным суверэнітэце Беларусі. Праз год ёй быў нададзены статус закону.

3 ліпеня стала Днём незалежнасці рашэннем Аляксандра Лукашэнкі. З яго ініцыятывы ў 1996 годзе правялі рэферэндум, адным з пытаннем якога было змяненне даты адзначэння Дня незалежнасці. Ён быў прымеркаваны да Дня вызвалення Мінску ад нямецка-фашысцкіх захопнікаў.

Той рэферэндум пашырыў паўнамоцтвы Лукашэнкі. 1996 год лічыцца пачаткам усталявання ў Беларусі дыктатарскага рэжыму. Паводле апанентаў улады і міжнароднай супольнасці правядзенне рэферэндуму праходзіла з істотнымі парушэннямі заканадаўства.

novychas.online

3 ліпеня 1660 года войска Паўла Сапегі вызваліла Мінск з-пад акупацыі маскоўскага войска.

Мінск прабыў пад уладай маскоўцаў 5 гадоў. Тады трывала трынаццацігадовага вайна, распачатая ўсходнім суседам. Шырокай грамадскасці пра яе стала вядома з кнігі гісторыка Генадзя Сагановіча «Невядомая вайна».

Наступствы той вайны для земляў Беларусі былі катастрафічныя. Да вайны насельніцтва Мінску складала 7 тысяч чалавек. Па вайне ў 1667-ым налічвалася толькі 300 двароў. Даваенную колькасць насельніцтва ўдалося аднавіць Мінску праз сто год.

kyky-public-storage.s3.eu-central-1.amazonaws.com

3 ліпеня 1876 года нарадзілася Алаіза Пашкевіч, вядомая пад псеўданімам Цётка.

Паэтэса, грамадскі дзеяч.

Адна з пачынальніц беларускай прозы.

Удзельніца пецярбургскага гуртка студэнтаў-беларусаў «Круг беларускай народнай прасветы». Аўтар кніг «Першае чытанне для дзетак беларусаў», першага «Беларускага лемантара».

Асноўныя матывы яе паэзіі – любоў да радзімы, да прыроды, самаахвярнае служэнне народу.

wikimedia.org

3 ліпеня (20 чэрвеня) 1896 года нарадзіўся Яраслаў Кастыцэвіч.

Педагог, грамадскі і царкоўны дзеяч.

Адзін з арганізатараў і дырэктар Беларускай дзяржаўнай гімназіі ў Бельску Падляскім, дырэктар беларускага ліцэю.

У Бельску Падляскім на будынку ліцэю імя Браніслава Тарашкевіча ў яго гонар усталявана мемарыяльная дошка. Яго імя носіць комплекс школ з дадатковым навучаннем беларускай мовы ў Бельску Падляскім.

wikimedia.org

3 ліпеня 1901 года нарадзіўся Аляксандр Крыт, вядомы як айцец Андрэй.

Рэлігійны і грамадскі дзеяч беларускага замежжа.

Змагар за беларушчыну, праваслаўны святар, іерарх Беларускай аўтакефальнай праваслаўнай царквы.

Член Згуртавання беларусаў Вялікай Брытаніі, ЗША. Святар у прыходзе Жыровіцкай Божай Маці ў Кліўлендзе (штат Агаё).

wikimedia.org

3 ліпеня 1941 года пачалася 23-х дзённая абарона Магілёва ад нямецка-фашысцкіх захопнікаў.

Трывала да 26 ліпеня. Абаронцы Магілёва скавалі значныя войскі гітлераўцаў і развеялі міф пра іх непераможнасць.

Падзеі, звязаныя з абаронай Магілёва адлюстраваныя ў фільмах «Дняпроўскі рубеж», «Жывыя і мёртвыя». У памяць аб баях 172 стралковай дывізіі ў 1995 годзе адкрыты мемарыяльны комплекс «Буйніцкае поле».

gubernsky.by

У публікацыі выкарыстаныя звесткі з рэсурсу «Вікіпедыя», а таксама з іншых адкрытых у інтэрнэце крыніц

 

У Магілёве асвяжылі графіці на доме, з якога сыплецца тынкоўка

Навіна ад

Гэты дом у цэнтры гораду. Ён вядомы гадзіннікам на паддашку. Колісь тут месціўся магазін «Тэатральны». Многія гараджане дагэтуль лакалізуюць будынак па даўно не існуючай назве. Цяпер у тутэйшай краме прадаюць канфіскат. Графіці размяшчаецца ў адной з арак гэтага дому.

Невялікі мурал стварыла група маладых людзей. Вядома ж, без дазволу мясцовай улады зрабіць тое ў маладзёнаў не выйшла б. Несанкцыянаванае ўвасабленне крэатыўных ідэяў сканчаецца ў сучаснай Беларусі кепска.

Твор маладых людзей у абшарпанай, але падфарбаванай арцы з разбітым асфальтам выглядае чужародным. Некаторыя мінакі, аднак, лічаць іначай. На іх думку – “графіці гарманічна ўпісваецца ў антураж закрытай прасторы”.

Пра сам дом Магілёў.media пісаў двойчы. Пра тое, што з яго абвальваецца тынкоўка паведамілі чытачы. Пазней стала вядома, што камунальнікі ўзяліся будынак прыхарошваць. Цяпер на месцы абваленага тынку пляміны вапнянай замазкі. А Магілёў.media працягвае сачыць за лёсам знакавага для гораду будынка.