Самы ясны месяц, малатуманны. У ліпені – самыя інтэнсіўныя ліўні. Месяц – меданос
Ліпень – сярэдзіна лета. Паўдзённае становішча сонца з кожным днём робіцца ніжэй, карацее дзень, але пакуль не так імкліва, як у жніўні, толькі на 1-2 хвіліны, а вось у канцы месяца ўжо на 3.
Цераз палі, лугі і рэкі
Нёс лета ліпень-чараўнік…
Пад ліпу сеў і да жалейкі
Губамі млявымі прынік
Дрыжаць пялёстачкі рамонкаў
На вейках змружаных вачэй.
Струменьчыкам мядовым тонкім
Павольна музыка цячэ.
Алег Мінкін
Цікавыя факты.
У 67% выпадкаў ліпень – самы цёплы месяц года. Але раз на 10 гадоў бывае самым халодным месяцам лета, гэта вынік цыркуляцыйных “выбрыкаў”.
У ліпені ў сярэднім 26 дзён з сярэднясутачнай тэмпературай паветра вышэй за 15°С.
Ноччу тэрмометр часцей паказвае +10 +14°С. Але быў выпадак ў 1992 годзе, калі ў Магілёве было толькі +3°С. І ўсё ж на Магілёўшчыне ў апошнія некалькі стагоддзяў да замаразкаў не дахадзіла, хаця яны здараліся на тарфяніках.
З магілёўскай хронікі вядома, што “4 ліпня 1695 года “выпаў вялікі снег і праляжаў у Магілёве некалькі дзён”.
Пераважныя дзённыя тэмпературы вышэйшыя за 20°С. Абсалютны максімум дасягаў 36,3°С у 1897 годзе.
Ліпень – самы ясны месяц. Ясных дзён больш паловы, але і пахмурных дастаткова – 44%.
У сярэднім ападкаў выпадае каля 86 мм у Магілёве, 88 – у Горках, 83 – у Слаўгарадзе. А вось па гадах розніца вельмі істотная. Мінімум ліпеньскіх ападкаў адзначаны ў Слаўгарадзе – 6 мм (1940 год), там жа рэгістраваўся і абсалютны максімум – 269 мм, 3 ¼ нормы (2000 год). У Магілёве мінімум – 18 мм (1908), максімум – 215 (1962).
Сумарная працягласць выпадзення ападкаў у ліпені складае 53 гадзіны, супраць 195 гадзін ў снежні. Гэта тлумачыцца большай іх інтэнсіўнасцю ў ліпені. У ліпені часцей, чым ў іншыя месяцы, бываюць ліўні, часцей здараюцца сутачныя максімумы. Напрыклад, у Магілёве за суткі выпадала 74 мм (1916), у Касцюковічах – 69 (1949 год).
Ападкі ў ліпені выпадаюць “не тады, калі просяць, а калі жнуць ды косяць”.
Нягледзячы на рознага роду анамаліі, як 11 ліпеня 1624 года, калі «выпал велми велики град… у хатах столи папрабивала», ліпень – найбольш камфортны час.
На небе ані хмаркі…
Такой часінай дня
Густая, быццам пара,
Стаіць гарачыня.
Замерлі дрэў макушкі,
Не зварухнецца ліст;
Пявучай самай птушкі
Замоўк апошні свіст.
Пятро Глебка
У ліпені ў сярэднім усяго 2 дні, калі “туманаў лёгкія паромы над рэчкай віснуць нерухома”. Але здараецца і 4. Бывае, што цалкам месяц без туманаў. Ліпеньскія туманы – самыя кароткія, як правіла, не даўжэй за 3 гадзіны.
У Магілёве ў сярэднім 8 дзён з навальніцай. У ліпені 1960 года ў Касцюковічах было 15 такіх дзён.
Ліпень – час галоўнага медазбору. Цвітуць грэчка, скрыпень, баркун, іншыя меданосы. Гледзячы на ільняное поле, здаецца, што само неба апусцілася на зямлю. Цвіце бульба.
У канцы ліпеня нярэдка пачынаецца жніво. У разгары сенакос. Паспяваюць маліны, чорныя парэчкі, буякі, садовыя культуры.
У ліпені ўжо бачны прыкметы адыходу лета. “Прыйшоў Пятрок – адпаў лісток”.
На ўікенд і доўгія выходныя ў Магілёўскай вобласці сіноптыкі прагназуюць сярэднесутачныя тэмпературы каля +20°С, ноччу да +15°С, днём +24° +27°С.
Будзе пераважаць воблачнае з ападкамі надвор’е. Працягласць дня паменшыцца на 3 хвіліны да 17 гадзін 1 хвіліны на 3 ліпеня – сонца ўзыйдзе ў 4:32, зойдзе ў 21:34.
30 чэрвеня, пятніца, апошні дзень чэрвеня, надвор’е абяцае быць воблачным у першай палове. Уноч да +15°С, раніцай да +20°С, днём тэмпература падрасце да +26°С. У другой палове дня прагназуюцца дажджы з навальніцамі. На працягу сутак будуць паступаць паветраныя масы з паўночнага захаду, паўночнага ўсходу, хуткасць вятроў да 5-6 м/с. Растучы Месяц. Магнітнае поле спакойнае.
У суботу, у першы дзень ліпеня, на большай частцы рэгіёна прагназуюцца дажджы. Уноч і уранні да +17°С, днём слупкок тэрмометра падымецца да +27°С, месцамі і ў асобных раёнах да +28°С. На працягу сутак будуць паступаць паветраныя масы з паўночнага захаду і паўднёвага ўсходу, хуткасць вятроў да 4 м/с. Поўня. Магнітнае поле спакойнае.
У нядзелю, 2 ліпеня, прагназуецца воблачнае надвор’е. У другой палове дня пройдуць дажджы, уноч і раніцай да +15°С, удзень паветра прагрэецца да +24°С, у асобных раёнах да +25°С. З рання і да вечара вызначаць надвор’е будуць паўночна-заходнія і паўднёва-заходнія вятры хуткасцю 3-4 м/с. Поўня.
Ранак панядзелка, 3 ліпеня, пачнецца з даждлівага надвор’я, з ранішнімі тэмпературамі да +15°С, з паўднёва-заходнімі вятрамі хуткасцю да 3-9 м/с. У другой палове дня – воблачна, пераважна без ападкаў, тэмпература да +24°С.
На працягу новага рабочага тыдня ў Магілёўскай вобласці сіноптыкі прагназуюць невялікае паніжэнне тэмператур, у асноўным воблачнае з дажджамі, умерана цёплае надвор’е.
Будуць пераважаць вятры паўночна-усходнія і паўночныя. Сярэднія сутачныя тэмпературы пад +20°С. Удзень да +16 +27°С, начныя тэмпературы ад +13 да +15°С. Працягласць дня будзе змяншацца па хвіліне, да 17:04 у пятніцу. У канцы працоўнага тыдня сонца ўзыдзе ў 4:31, зойдзе ў 21:35.
Сінаптычны прагноз на панядзелак, 26 чэрвеня. У ноч з нядзелі на панядзелак да +14°С, раніцай да +14°С, удзень і ўвечары да +26°С. На працягу сутак будзе воблачна, у другой палове дня значная верагоднасць выпадзення дажджоў. Вятры на працягу сутак паўночна-ўсходнія і паўночна-заходнія, хуткасць да 2-3 м/с. Месяц расце.
У аўторак, 27 чэрвеня, уноч і днём пройдуць дажджы, месцамі магчымы навальніцы. Будуць панаваць паўночна-усходнія вятры, хуткасць да 2-5 м/с. Уноч і ўранні каля +14°С, днём тэмпература крыху падрасце і дасягне рыскі +16°С, месцамі да +18°С. Да вечара слупок тэрмометра ўтрымаецца на адзнацы не ніжэй за +16°С. Месяц расце.
У сярэдзіне рабочага тыдня, 28 чэрвеня, прагназуецца воблачнае надвор’е, пераважна з ападкамі. Начныя і ранішнія тэмпературы да +14°С, у другой палове дня да +23°С. На працягу сутак прагназуюцца паўночна-усходнія і паўночныя вятры хуткасцю 4-5 м/с. Месяц расце.
У чацвер, 29 чэрвеня, сіноптыкі прагназуюць воблачнае з дажджамі ў другой палове дня надвор’е. Вецер паўночны, паўночна-усходні хуткасцю 2-3 м/с. Ноччу і ўранні да +13°С, у абед і на працягу другой паловы дня +27°С. Месяц расце.
У апошні дзень працоўнага тыдня, 30 чэрвеня, па папярэдняму прагнозу будзем чакаць на працягу сутак дажджы, панаванне паўночна-заходніх і паўночных вятроў хуткасцю да 2-3 м/с. Уноч і ў ранішнія гадзіны да +15°С, удзень і ўвечары да +27°С. Месяц расце.
1241 год. Манголы пацярпелі першую паразу ў Цэнтральнай Еўропе.
Пасля заваявання Паўночнага Кітая, Сярэдняй Азіі, Закаўказзя і Русі манголы, якія накіраваліся праз Карпаты ў Цэнтральную Еўропу, пацярпелі першую паразу.
У Маравіі войска царэвіча Байдара, якое абложвала горад-крэпасць Оламаўц, было цалкам разгромлена гарнізонам, які раптам выйшаў за сцены крэпасці пад камандаваннем чэшскага ваяводы Яраслава.
Натыкнуўшыся на супраціў у Польшчы і Чэхіі, манголы працягнулі нашэсце ў паўднёвым кірунку і да пачатку 1242 года выйшлі да Адрыятыкі. Заходнюю Еўропу ўжо ахапіла паніка, але нечакана захопнікі былі адкліканы ў родныя стэпы ў сувязі са смерцю ў сталіцы Чынгізідаў Каракаруме вялікага хана Угедэя.
1404 год. Смаленск вярнуўся ў склад Вялікага Княства Літоўскага.
Горад вядомы з 863 года, цэнтр смаленскіх крывічоў.
У 1230 годзе трапіў пад уплыў Полацкага княства. Буйны цэнтр беларускага летапісання.
У 1401-1404 гадах горад выйшаў з-пад апекі ВКЛ. Пасля вяртання ў ВКЛ, паводле некаторых звестак, Вітаўт даў месту прывілей на Магдэбургскае права (калі гэтая інфармацыя праўдзівая, то атрымліваецца, што Смаленск уваходзіць у першую пяцёрку беларускіх магдэбургскіх гарадоў), у другі раз такое права атрымаў 4 лістапада 1611 года. 15 ліпеня 1410 года смаленскія харугвы ўдзельнічалі ў Грунвальдскай бітве.
У 1508-1514, 1611-1654 гадах – сталіца Смаленскага ваяводства.
Герб Смаленскага ваяводства.
1777 год. Нарадзіўся Ян Ходзька (1777-1851).
Пісьменнік, публіцыст, грамадскі дзеяч, масон, удзельнік паўстання 1830-1831 гадоў.
Старшыня Галоўнага цывільнага суда ў Мінску, суарганізатар масонскіх лож у Мінску і Вільні.
Выступаў за пашырэнне адукацыі сярод народа. Ганаровы член Віленскага ўніверсітэта, інспектар школ Віленскай, Магілёўскай і Віцебскай губерняў.
Па палітычных матывах і за ўдзел у паўстанні арыштоўваўся ў 1826, 1830 гадах. Быў вязнем Петрапаўлаўскай крэпасці, сасланы ў Сібір.
Аўтар п’ес, камедый, мемуараў, прац па гісторыі Міншчыны.
1796 год. Нарадзіўся Ян Чачот (1796-1847).
Беларускі і польскі паэт і фалькларыст, мовазнавец. Філамат, філарэт, сябра А. Міцкевіча, Т. Зана, І. Дамейкі. За нацыянальна-рэвалюцыйную дзейнасць сасланы на Урал. Выдаў 6 зборнікаў сабраных ім каля тысячы аўтэнтычных беларускіх народных песень у перакладзе на польскую мову і ў арыгінале.
Упершыню паставіў пытанне аб прынцыпах будучага «крывіцкага» правапісу, зрабіў спробу ўнармавання беларускай граматыкі. Беларускую мову называў «славянакрывіцкай мовай», шырока выкарыстоўваў выраз «Белая Русь». Аўтар шматлікіх песень, 22 з якіх (болей, чым на словы любога іншага аўтара) пакладзены на музыку С. Манюшкам.
Памёр 11(23) жніўня 1847 года.
Я. Чачот перад смерцю.
1812 год. А 2:00 гадзіне з пераправай праз Нёман французскіх войск пачалася вайна з Расіяй – вайна 1812 года.
На тэрыторыі Беларусі яна пераўтварылася ў сапраўдную грамадзянскую.
За два дні да гэтай падзеі перад войскамі зачыталі загад Напалеона, у якім ён падкрэсліваў, што вядзе вайну дзеля аднаўлення Польшчы ў межах 1772 года.
У вайне загінулі ў баях, ад голаду, разрухі мільён беларусаў – кожны чацвёрты. На месцах значных баёў гэтай вайны ўсталяваны помнікі, у тым ліку ў Віцебску, Полацку, Клясціцах, Брэсце, Пінску.
Пад Магілёвам у 1912 годзе пабудавана мемарыяльная капліца ў памяць аб бітве пад Салтанаўкай 23 ліпеня 1812 года.
Адной з самых знакамітых у свеце бітвай гэтай вайны стала бітва 29 лістапада 1812 года на Бярэзіне пад Барысавам, дзе каля вёсак Студзёнка і Брылі загінула значная частка арміі Напалеона. Бітва пакінула моцны адбітак у грамадскай свядомасці французаў, якія да гэтага часу ўжываюць слова «Бярэзіна» як метафару поўнага правалу або катастрофы.
М. Самакіш. Подзвіг салдат Раеўскага пад Салтанаўкай, 1912.
1834 год. Памер Людвік Тадэвуш Замбжыцкі (1803-1834).
Адзін з кіраўнікоў паўстання 1830-1831 гадоў. Стрыечны брат мастака В. Ваньковіча.
За гераізм адзначаны залатым крыжам «Віртуці Мілітары».
У Францыі стаў сузаснавальнікам Таварыства літоўскіх і рускіх зямель, Літоўскага ваеннага камітэта. Пахаваны на парыжскіх могілках Манмартр.
1900 год. Нарадзіўся Кузьма Чорны (Мікалай Раманоўскі, 1900-1944).
Беларускі пісьменнік.
Аўтар шэрагу кніг апавяданняў, п’ес, раманаў, гумарыстычных твораў.
У шэрагу твораў імкнуўся стварыць «тыпы, якія носяць беларускія імёны» і «павінны стаць абагульненымі вобразамі, зразумелымі ўсім нацыянальнасцям».
Перакладчык асобных твораў А. Пушкіна, М. Гогаля, А. Астроўскага і іншых.
Пэўныя яго творы інсцэнізаваны і экранізаваны, як, напрыклад, фільм «Ноч пры дарозе».
У 1938-1939 гадах знаходзіўся ў турме НКУС.Следчыя рэгулярна катавалі вязня. Змардаваны душой і целам, пісьменнік быў вызвалены 8 чэрвеня 1939 года.
У 1941-1944 гадах знаходзіўся ў эвакуацыі, пераважна ў Маскве. У верасні 1944 года вярнуўся ў Мінск, працаваў у рэдакцыі часопіса «Беларусь».
Памёр ад інсульту 22 лістапада 1944 года.
1907 год. У в. Восаў (зараз – Клічаўскі раён) нарадзіўся Язэп Зазека (1907-1977).
Беларускі пісьменнік, навуковец, педагог. Кандыдат філалагічных навук.
Працаваў намеснікам дырэктара Беластоцкага, Мінскага педінстытутаў, загадчыкам кафедры ў Адэскім універсітэце, дацэнтам БДУ.
Аўтар зборнікаў апавяданняў, нарысаў, кніг для дзяцей, прац пра беларускі фальклор. Укладальнік зборнікаў партызанскай творчасці.
1941 год. Магілёў стаў часовай сталіцай БССР (24 чэрвеня-3 ліпеня).
Сюды пераехалі ЦК КПБ, СНК БССР, штаб Заходняга фронту. Пачалося фарміраванне народнага апалчэння, эвакуацыя насельніцтва, абсталявання прадпрыемстваў, культурных каштоўнасцей.
З 25 чэрвеня па 14 ліпеня 1941 года з горада адпраўлена на Усход 935 вагонаў з матэрыяльнымі каштоўнасцямі. Падчас эвакуацыі быў страчаны Крыж Еўфрасінні Полацкай.
Фота з архіва Д. Лісоўскага. Магілёў ў ліпені 1941 года.
1941 год. Утворана Савецкае інфармбюро (Савінфармбюро).
Утворана з мэтай асвятлення міжнародных падзей, ваеннай абстаноўкі на франтах, жыцця краіны, знешнепалітычнай прапаганды.
Усяго за вайну прагучала болей за 2 000 франтавых зводак і падрыхтавана 135 000 артыкулаў у бюлетэні амбасад і місій, замежныя газеты, часопісы, радыёстанцыі. Апошняя зводка выйшла 5 мая 1945 года, калі Юрый Левітан паведаміў: “Прыём пленных нямецкіх салдат на ўсіх франтах скончаны”.
1945 год. У Маскве адбыўся Парад Перамогі.
А 10:00 раніцы маршал Г. Жукаў выехаў на белым кані на Красную плошчу. Камандуючы парадам, ураджэнец Беларусі, маршал К. Ракасоўскі прадставіў Жукаву рапарт, а потым яны разам пачалі аб’езд войскаў.
Падчас параду ліў дождж, што добра відаць на кінахроніцы. У парадзе прынялі ўдзел зводныя палкі 10 франтоў, наркаматаў абароны, ВМФ, ваенна-навучальных устаноў і войскаў Маскоўскага гарнізона. У склад палкоў уваходзілі Героі Савецкага Саюза, кавалеры ордэнаў Славы, праслаўленыя снайперы і найбольш гераічныя ордэнаносцы. Прадстаўлены былі ўсе роды войскаў. Быў прадстаўлены Чырвоны сцяг Перамогі, які быў узняты над рэйхстагам.
Спецыяльная зводная калона несла апушчаныя да зямлі 200 сцягоў разгромленых нямецка-фашысцкіх войскаў. Пад барабанны грукат гэтыя сцягі былі кінуты да падножжа Маўзалея Леніна.
1947 год. Упершыню быў афіцыйна зафіксаваны НЛА.
Амерыканскі летчык Кенет Арнольд убачыў у паветры 10 дыскападобных аб’ектаў, якія ляцелі шыхтам з хуткасцю каля 2000 км/г. З таго часу фіксуюцца сотні нзіранняў, з’яўленняў НЛА.
Першым афіцыйным паведамленнем пра НЛА над Беларуссю стаў рэпартаж “Роўна ў 4.10” у газеце “Труд” ад 30 студзеня 1985 года. Тады праз нашу краіну ляцеў рэйс № 8352 Тбілісі – Растоў – Талін на самалёце ТУ-134А і а 4:10 ранку, калі да Мінска заставалася 120 км, экіпаж сутыкнуўся з НЛА. Яго бачылі і пасажыры.
Да гэтагу часу існуюць розныя гіпотэзы і меркаванні наконт НЛА. Феноменам займаецца накірунак даследаванняў – уфалогія.
Малюнак НЛА. Эскіз паводле летчыка Ю. Кабачнікава.
1958 год. Нарадзіўся Канстанцін Красоўскі (1958-2021).
Беларускі дэмограф, доктар геаграфічных навук, прафесар.
Заснавальнік брэсцкай навуковай школы геадэмаграфіі. Працаваў дэканам геаграфічнага факультэта, першым прарэктарам Брэсцкага дзяржуніверсітэта.
Аўтар больш за 180 навуковых прац па дэмаграфіі, рассяленні насельніцтва і яго структуры, міграцыях.
1977 год. У Бабруйску адбыліся замаразкі.
Зафіксаваны своеасаблівы рэкорд – самыя познія ў Магілёўскай вобласці замаразкі за ўсю гісторыю назіранняў.
1989 год. У Вільнюсе пачаўся I Устаноўчы з’езд БНФ «Адраджэнне» (24-25 чэрвеня).
БНФ – грамадска-палітычны рух за пераўтварэнне грамадства і адраджэнне беларускай нацыі на прынцыпах дэмакратыі і гуманізму, развіццё культуры, за фактычную дзяржаўную незалежнасць Беларусі.
Аргкамітэт БНФ быў створаны 19 кастрычніка 1988 года па прапанове З. Пазняка. У Вярхоўным Савеце БССР была сфарміравана фракцыя БНФ. А ў 1993 годзе створана партыя БНФ.
Грамадскае аб’яднанне БНФ “Адраджэньне“ ліквідавана 10 лістапада 2021 года Вярхоўным судом Беларусі.
Структурныя падраздзяленні БНФ існавалі ў шматлікіх гарадах і раёнах краіны, выдаваліся газеты, бюлетэні. У Магілёве выдаваліся газеты «Абуджэньне», «Ратуша» з дадаткамі «Шклоўскія навіны», «Дэмакратычны Бабруйск», «Панарама» (Глуск), «Сумленне» (Асіповічы), «Паходня» (Бялынічы), «Бацькаўшчына» (Бабруйск), «Крычаўскiя навiны», «Край Вашчылы» (Крычаў), «Веснiк Слаўгарада» і інш.
Галадаючыя дэпутаты апазіцыі БНФ у Вярхоўным Савеце, 11 красавіка 1995 года.
2021 год. У Магілёве зарэгістравана тэмпература паветра +37°C.
Рэкордная тэмпература за ўсю гісторыю метэаназіранняў. Да гэтага рэкордам у Магілёве было +36,8°C у 2010 годзе.
На ўікенд у Магілёўскай вобласці сіноптыкі прагназуюць сярэднесутачныя тэмпературы вышэй за +20°С, ноччу каля +17°С, днём +25° +28°С.
Будзе пераважаць воблачнае з ападкамі надвор’е. Працягласць дня паменшыцца на 1 хвіліну да 17 гадзін 8 хвілін 25 чэрвеня. У нядзелю сонца ўзыйдзе ў 4:28, зойдзе ў 21:36.
23 чэрвеня, пятніца – надвор’е абяцае быць воблачным. Днём тэмпература падрасце да +27°С і пераважна без ападкаў. На працягу сутак будуць паступаць паветраныя масы з паўночнага-захаду, поўначы, у другой палове дня – з паўднёвага захаду, хуткасць вятроў 2-4 м/с. Растучы Месяц. Магнітнае поле няўстойлівае.
У суботу, 24 чэрвеня, пераважна воблачна. Уноч да +17°, уранні і ўвечары да +22°С, днём слупкок тэрмометра падымецца да +26°С, месцамі і ў асобных раёнах да +28°С. Надвор’е пратрымаецца ў першай палове ў асноўным без ападкаў, у другой палове, асабліва пад вечар, магчымы дажджы . На працягу сутак будуць паступаць паветраныя масы з паўднёвага захаду і паўночнага усходу, хуткасць вятроў 1-4 м/с, пры парывах да 6-8 м/с. Растучы Месяц. Магнітнае поле спакойнае.
У нядзелю, 25 чэрвеня, прагназуецца пераважна даждлівае надвор’е, у другой палове магчымы навальніцы, уноч і раніцай да +17°С, удзень паветра прагрэецца да +26°С, у асобных раёнах да +28°С. З рання і да вечара вызначаць надвор’е будуць заходнія і паўночна-заходнія вятры хуткасцю 2-4 м/с. Месяц расце.
Ранак панядзелка 26 чэрвеня пачнецца з воблачнага надвор’я, з ранішнімі тэмпературамі да +14°С, з паўночна-заходнімі вятрамі хуткасцю да 2 м/с. У другой палове дня вялікая верагоднаць дажджоў, тэмпература да +26°С.
На працягу новага рабочага тыдня ў Магілёўскай вобласці сіноптыкі прагназуюць у асноўным воблачнае з дажджамі, умерана цёплае надвор’е.
Будуць пераважаць вятры паўночна-ўсходнія і паўночныя. Удзень да +25 +31°С, начныя тэмпературы будуць вагацца паміж +12 і +15°С. Працягласць дня з панядзелка да пятніцы падрасце і дасягне максімальнай велічыні – 17 гадзін і 9 хвілін. У канцы працоўнага тыдня сонца ўзыдзе ў 4:27, зойдзе ў 21:39.
Сінаптычны прагноз на панядзелак, 19 чэрвеня.
У ноч з нядзелі на панядзелак да +15°С, раніцай да +23°С, увечары не ніжэй за +19°С. У дзённыя гадзіны паветра прагрэецца да +27°С месцамі да +29 + 31°С.
На працягу сутак будзе воблачна, раніцой і днём вялікая верагоднасць выпадзення дажджоў. Вятры на працягу сутак будуць мяняць свой напрамак з паўднёвага на паўночна-усходні, хуткасць да 2-4 м/с, пры парывах да 6 м/с. Геамагнітнае поле няўстойлівае. Маладзік на небе.
Аўторак, 20 чэрвеня
У аўторак, 20 чэрвеня, уноч і днём пройдуць дажджы, магчымы навальніцы, увечары – воблачна і пераважна без ападкаў. Будуць панаваць зрання паўднёва-заходнія вятры, якія потым памяняюць свой накірунак на паўночна-усходні і ўсходні, хуткасць да 2-5 м/с.
Уноч каля +14°С, раніцай да +20°С, днём тэмпература дасягне рыскі +25°С, месцамі і да +27°С. Да вечара слупок тэрмометра утрымаецца на адзнаке не ніжэй за +19°С. Маладзік.
Серада – воблачная
У сярэдзіне рабочага тыдня, 21 чэрвеня, прагназуецца воблачнае надвор’е, пераважна без ападкаў. Начныя і ранішнія тэмпературы да +12°С, у другой палове дня да +28°С. На працягу сутак прагназуюцца паўночна-усходнія вятры хуткасцю 3-5 м/с. Месяц расце.
Дзень летняга сонцастаяння
У чацвер, 22 чэрвеня, у Дзень летняга сонцастаяння, сіноптыкі прагназуюць воблачнае з дажджамі ў другой палове дня надвор’е. Вецер паўночны, паўночна-ўсходні хуткасцю 3-4 м/с. Ноччу і ўранні да +13°С, у абед і на працягу другой паловы дня +25° +28°С. Месяц расце.
Пятніца – дажджы
У апошні дзень працоўнага тыдня, 23 чэрвеня, па папярэдняму прагнозу будзем чакаць уноч і раніцай дажджы, у другой палове дня – воблачнае надвор’е з панаваннем паўночна-ўсходніх вятроў хуткасцю да 2 м/с. Уноч і ў ранішнія гадзіны да +14°С, удзень і ўвечары да +28°С. Месяц расце.
На ўікенд у Магілёўскай вобласці сіноптыкі прагназуюць сярэднесутачныя тэмпературы вышэй за +20°С, з ваганнямі ноччу ад +9°С да +19°С, днём – ад 20°С да +32°С.
Будзе пераважаць воблачнае, пераважна без ападкаў надвор’е. Працягласць дня вырасце да 17 гадзін 8 хвілін 18 чэрвеня. У нядзелю сонца ўзыйдзе а 4:27, зойдзе а 21:35.
16 чэрвеня, пятніца.
Надвор’е абяцае быць воблачным. Уноч да +9° +15°С, днём тэмпература падрасце да +24° +26°С, у асобных раёнах да +29°С. Пераважна без ападкаў. На працягу сутак будуць паступаць паветраныя масы з паўночнага ўсходу, у другой палове дня – з поўдня, хуткасць вятроў 2-3 м/с, месцамі пры парывах да 9 м/с. Маладзік. Магнітнае поле няўстойлівае.
У суботу, 17 чэрвеня, пераважна воблачна.
Уноч і ўранні да +12° +19°С. Днём слупкок тэрмометра падымецца да +26° +28°С, месцамі і ў асобных раёнах да +30°С. Надвор’е пратрымаецца ў асноўным без ападкаў. На працягу сутак будуць паступаць паветраныя масы з паўночнага ўсходу, поўдня. Хуткасць вятроў 3-4 м/с, пры парывах да 9-10 м/с. Маладзік. Магнітнае поле няўстойлівае.
У нядзелю, 18 чэрвеня, таксама воблачна.
Уноч і раніцай да +18°С, удзень паветра прагрэецца да +27° +29°С, у асобных раёнах Магілёўшчыны да +30° +32°С, пераважна без ападкаў. З рання і да вечара вызначаць надвор’е будуць паўночна-ўсходнія вятры хуткасцю 3-7 м/с. Маладзік. Магнітнае поле няўстойлівае.
Ранак панядзелка 19 чэрвеня пачнецца з воблачнага надвор’я, з ранішнімі тэмпературамі да +18°С, з паўднёвымі вятрамі хуткасцю да 2-3 м/с. Днём да +24°С. Маладзік.
На працягу новага рабочага тыдня ў Магілёўскай вобласці сіноптыкі прагназуюць у асноўным воблачнае з дажджамі, цёплае надвор’е. Будуць пераважаць вятры паўночна-усходнія і паўночныя.
Удзень чакаецца да +15, +24°С, начныя тэмпературы падрастуць да +11 +16°С. Працягласць дня з панядзелка да пятніцы падрасце і дасягне 17 гадзін і 7 хвілін – не хапае ўсяго 2 хвілін да макісмальнай велічыны дня. Ужо ў канцы працоўнага тыдня сонца ўзыдзе ў 4:27, зойдзе ў 21:34.
Сінаптычны прагноз на панядзелак, 12 чэрвеня.
У ноч з нядзелі на панядзелак да +11°С, раніцай +14°С, увечары да +16°С. У дзённыя гадзіны паветра прагрэецца месцамі да +20°С. На працягу сутак будзе воблачна, пераважна без ападкаў. Вятры на працягу сутак паўночна-усходнія, хуткасцю да 4 м/с, пры парывах да 9 м/с. Геамагнітнае поле няўстойлівае. Убываючы Месяц.
У аўторак, 13 чэрвеня будзе воблачна, без ападкаў.
Будуць панаваць паўночна-ўсходнія вятры хуткасцю да 4-6 м/с. Уноч і раніцай ад +12°С да +14°С, днём тэмпература падрасце да +18°С, месцамі і да +20°С. Да вечара слупок тэрмометра ўтрымаецца на рысцы не ніжэй за +17°С. Геамагнітнае поле спакойнае. Убываючы Месяц.
Серада – воблачная
У сярэдзіне рабочага тыдня, 14 чэрвеня, прагназуецца воблачнае надвор’е, пераважна з дажджамі. Начныя і ранішнія тэмпературы да +16°С, у другой палове дня да +22°С. На працягу сутак прагназуюцца паўночна-усходнія вятры хуткасцю 3-5 м/с. Геамагнітнае поле спакойнае. Убываючы Месяц.
Чацвер – дажджы
У чацвер, 15 чэрвеня, сіноптыкі прагназуюць воблачнае з дажджамі надвор’е. Вецер паўночны, хуткасцю 4-5 м/с. Ноччу і ўранні да +15°С, у абед і на працягу другой паловы дня +15° +17°С. Месяц убывае.
Пятніца, 16 чэрвеня
У апошні дзень працоўнага тыдня, 16 чэрвеня, па папярэдняму прагнозу будзем чакаць у асноўным воблачнае, з ападкамі ноччу і ў першай палове дня надвор’е з панаваннем заходніх вятроў хуткасцю да 3 м/с. У другой палове дня воблачна, без істотных ападкаў, з паўночнымі вятрамі 3-4 м/с. Уноч і ў ранішнія гадзіны да +13°С, удзень і ўвечары да +24°С. Маладзік.
На канец тыдня ў Магілёўскай вобласці сіноптыкі прагназуюць ноччу ад +11° да +17°С, днём – ад 16°С да +27°С.
Будзе пераважаць пераменна воблачнае і пахмурнае з ападкамі і навальніцамі надвор’е. Працягласць дня вырасце да 17 гадзін 3 хвілін 11 чэрвеня. У нядзелю сонца ўзыйдзе ў 4:28, зойдзе ў 21:31.
Сінаптычны прагноз надвор’я на другія чэрвеньскія выходныя наступны.
Сёння, 9 чэрвеня, пятніца
Надвор’е абяцае быць воблачным з праясненнямі. Уноч да +13° +17°С, днём тэмпература падрасце да +24°С, месцамі да +26 +27°С. Днём месцамі пройдуць невялікія дажджы, магчымы навальніцы. На працягу сутак будуць паступаць паветраныя масы з паўднёвага захаду, захаду і паўночнага ўсходу. Хуткасць вятроў 3-4 м/с, месцамі пры парывах да 9 м/с. Убываючы месяц. Магнітнае поле спакойнае.
Субота, 10 чэрвеня
Будзе пераважна пахмурна. Уноч і ўранні да +13° +17°С, днём слупкок тэрмометра падымецца да +17° +20°С, месцамі і да +21°С. Удзень месцамі магчымы кароткатэрміновыя дажджы, не выключаюцца навальніцы. На працягу сутак будуць паступаць паветраныя масы з паўночнага ўсходу, хуткасць вятроў 4-6 м/с, пры парывах да 10-14 м/с. Убываючы месяц. Магнітнае поле няўстойлівае.
Нядзеля, 11 чэрвеня
Ноччу воблачна, да +11° +15°С, раніцай да +17°С, удзень паветра прагрэецца да +18°С, месцамі да +23°С. Пахмурна, пераважна без ападкаў. З рання і да вечара вызначаць надвор’е будуць паўночна-усходнія вятры хуткасцю 3-7 м/с. Убываючы месяц – апошняя чвэрць. Магнітнае поле спакойнае.
Ранак панядзелка 12 чэрвеня пачнецца з воблачнага надвор’я, з ранішнімі тэмпературамі +11° +14°С, з паўночна-усходнімі вятрамі хуткасцю да 3-7 м/с, якія прынясуць у асобныя раёны дажджы. Днём да +18° +21°С. Убываючы Месяц. Магнітнае поле спакойнае.
Да канца першай дэкады чэрвеня ў Магілёўскай вобласці сіноптыкі прагназуюць у асноўным воблачнае, цёплае з дажджамі надвор’е.
На працягу чарговага рабочага тыдня будзе адносна цёпла: удзень да +17 +24°С, уноч да +8 +14°С.
Спякоты да +28 +30°С, як у 2019 годзе і дзённых халадоў да +2°С, як у 1977 годзе не будзе. Працягласць дня з панядзелка да пятніцы падрасце і дасягне 17 гадзін. Ужо ў канцы працоўнага тыдня сонца ўзыдзе ў 4:29, зойдзе ў 21:29.
Невялікія маразы зараз – гэта нармальна
Даводзіцца часта чуць нараканні ад беларусаў, маўляў – быў прахалодны май з замаразкамі і не такі ўжо і цёплы пачатак чэрвеня. Неабходна адзначыць, што назіраныя тэмпературы ўкладваюцца ў дыяпазон кліматычнай нормы 15-16°C.
Напрыклад, паводле статыстыкі 1881-2022 гадоў, у 40 летніх сезонаў тэмпература чэрвеня была на 1°C ніжэй за норму. Калі браць за сярэднюю норму тэмпературу чэрвеня 16,3°C, то сапраўды жудасна халодным за час інструментальных назіранняў выдаўся чэрвень 1928 года, калі сярэдняя чэрвеньская тэмпература склала толькі 12°C. Так што, усё у межах сярэдніх норм.
Сінаптычны прагноз на панядзелак, 5 чэрвеня.
На працягу сутак будзе воблачна, пройдуць дажджы. Вятры ўноч і ўранні заходніх напрамкаў, днём – паўночныя і паўночна заходнія, хуткасцю да 2-4 м/с. Геамагнітнае поле няўстойлівае. Поўня.
Аўторак, 6 чэрвеня
У аўторак надвор’е абяцае не быць гарачым, воблачна. Днём – кароткатэрміновыя дажджы, дзе-нідзе магчымы навальніцы. Будуць панаваць паўночна-заходнія і паўночныя вятры хуткасцю да 3-4 м/с.
Уноч і раніцай ад +8°С да +10°С, днём тэмпература падрасце да +19°С, месцамі і да +21°С. Да вечара слупок тэрмометра ўтрымаецца на рысцы не ніжэй за +18°С. Геамагнітнае поле няўстойлівае. Поўня..
Серада, 7 чэрвеня
У сярэдзіне рабочага тыдня прагназуецца воблачнае надвор’е, пераважна без ападкаў. Начныя і ранішнія тэмпературы да +11 +13°С, у другой палове дня да +21°С. На працягу сутак прагназуюцца паўночна-заходнія вятры хуткасцю 1-2 м/с. Месяц убывае.
8 чэрвеня, чацвер
У чацвер сіноптыкі прагназуюць воблачнае надвор’е. Вецер паўночна-заходні хуткасцю 1-2 м/с. Ноччу і ўранні да +11°С, у абед і на працягу другой паловы дня тэмпература паветра падвысіцца да +23°С, пройдуць дажджы. Месяц убывае.
Пятніца, 9 чэрвеня
У апошні дзень працоўнага тыдня, 9 чэрвеня, па папярэдняму прагнозу будзем чакаць у асноўным воблачнае, з ападкамі ў першай палове дня надвор’е з панаваннем паўночна-заходніх вятроў хуткасцю 1-2 м/с і падвышэннем дзённых тэмператур. Уноч і ў ранішнія гадзіны да +13°С, удзень і ўвечары да +24°С. Месяц убывае.
