Tag: прадукты харчавання

У Бабруйску школьная заўгас папалася на крадзяжы ў дзяцей

Навіна ад

Кулічы, ёгурты, кандытарскія вырабы і мяса спрабавала вынесці з адной з бабруйскіх школ яе загадчыца гаспадаркі.

Падазрона сябе паводзячую маладую жанчыну заўважылі падчас праверкі супрацоўнікі Бабруйскага аддзела аховы. Яна відавочна нервавалася, азіралася па баках і з цяжкасцю несла два аб’ёмныя пакеты.

Пры аглядзе рэчаў, у пакетах былі выяўленыя прадукты харчавання: кулічы, ёгурты, кандытарскія вырабы і мяса. Як высветлілася, загадчыца гаспадаркай вырашыла такім чынам разнастаіць свой рацыён за кошт школьнай каморы. Агульны кошт канфіскаванага харчавання склаў больш за 80 рублёў. У дачыненні да бабруйчанкі складзены адміністрацыйны пратакол па факце дробнага крадзяжу.

Фотаздымак: ohrana.gov.by

Харчы замест камп’ютэраў: студэнт з Краснаполля папаўся на махлярстве

Навіна ад

Тры гады зняволення прысудзілі студэнту з Краснаполля, які, абяцаючы даставіць купленыя ў яго камп’ютэты, адпраўляў заказчыкам прадукты харчавання.

Сваю дзейнасць па размяшчэнні на папулярных інтэрнэт-пляцоўках хлуслівых аб’яў аб продажу камп’ютэрнай тэхнікі і камплектуючых 20-гадовы малады чалавек пачаў размяшчаць у першай палове мінулага года. Тым, хто выказваў зацікаўленнасць у набыцці прапануемых тавараў, ён абяцаў выслаць замоўленае па пошце. І пасылкі сапраўды былі, праўда, не з камп’ютарнай тэхнікай, а з прадуктамі харчавання.

Як падлічыў суд у Краснаполлі, з мая 2024 года па сакавік 2025, часам разам з падзельнікамі, малады чалавек завалодаў грашыма 22 пацярпелых на агульную суму ў 10 407 рублёў. Пры гэтым не ўдалося падмануць яшчэ чатырох кліентаў, якія раскрывалі падман яшчэ на пошце, калі распакоўвалі там пасылкі і пасля ўбачанага адмаўляліся пералічваць грошы махляру.

Падчас судовага працэса падсудны прызнаў віну часткова. Згодна выраку, яму прызначана тры гады зняволення, штраф 4200 рублёў і канфіскацыя яго мабільных тэлефонаў як сродкаў злачынства. На карысць пацярпелых спагнана кампенсацыя маральнай і матэрыяльнай шкоды.

Прысуд у законную сілу пакуль не ўступіў.

Фотаздымак з адкрытых крыніц

Інфляцыя ў Беларусі ў красавіку: што падаражэла найбольш

Навіна ад

У красавіку 2025 года інфляцыя ў Беларусі дасягнула 6,5% у гадавым выражэнні, што сведчыць пра працяглы рост цэн з пачатку года. Найбольшы ўнёсак у агульны ўзровень інфляцыі зрабілі прадукты харчавання, паслугі і нехарчовыя тавары.

Агульны ўзровень інфляцыі

Згодна з дадзенымі Нацыянальнага статыстычнага камітэта Рэспублікі Беларусь, у красавіку 2025 года гадавая інфляцыя склала 6,5%. Для параўнання, у студзені яна была на ўзроўні 5,2%, у лютым — 5,6%, а ў сакавіку — 5,9% .

Што падаражэла найбольш

Прадукты харчавання

У красавіку 2025 года прадукты харчавання падаражэлі на 8,3% у параўнанні з аналагічным перыядам мінулага года. Гэта найбольшы рост сярод усіх катэгорый тавараў і паслуг.

Паслугі

Паслугі за год падаражэлі на 7%. Гэта ўключае ў сябе розныя віды паслуг, ад медыцынскіх да турыстычных.

Нехарчовыя тавары

Цэны на нехарчовыя тавары ўзраслі на 3,6% у гадавым выражэнні.

Дынаміка цэн у параўнанні з сакавіком 2025 года

  • Прадукты харчавання: +1,4%

  • Нехарчовыя тавары: +0,7%

  • Паслугі: +0,5%

Гэтыя дадзеныя сведчаць пра працяглы рост цэн на ўсе асноўныя катэгорыі тавараў і паслуг у краіне.

Фота: mogilev.media