Tag: могилев

Глускія “лесавікі” вучылі калег з усёй краіны працаваць з Азіяй

Навіна ад

Але ў саміх з-за санкцый праблемы з новым абсталяваннем.

У Глуску ведаюць як пераарыентавацца на новыя рынкі. Менавіта таму работнікі лясной гаспадаркі Беларусі тут на семінары вывучалі вопыт перапрацоўкі драўніны на перадавым заходнім абсталяванні і працы ва ўмовах санкцый і крызісу.   

Глускія “лесавікі”, падобна, становяцца лепшымі ў Беларусі. У гэтым годзе галоўны ляснічы Глускага лясгаса Мікалай Ляпко дзяліўся вопытам выкарыстання фінскага харвестара Usewood па догляду лясных культур. І вось цяпер рэспубліканскі семінар «Вытворчасць і рэалізацыя паганажных профільных вырабаў» прайшоў на базе Глускага лясгаса. 

Вытворчасць

Глусчане, як паведаміла газета “Радзіма”,  паказалі і расказалі калегам, як працуюць сучасныя лініі лесапілавання Wood-Mizer, Brodpol, Mebor, якія піламатэрыялы на іх вырабляюцца, як арганізаваны тэхнічны працэс сушкі прадукцыі ў сушыльных камерах Baschild (2010 г.) і Termolegno (2020 г.). У сталярным цэху гасцей азнаёмілі з вытворчасцю профільных дэталей і прадукцыі. Абсталяванне заходніх машынабудаўнікоў якаснае і мае добрую вытворчасць.

Даведка: Глускі лясгас размешчаны ў паўднёва-заходняй частцы Магілёўскай вобласці на тэрыторыі 75 858 га, у тым ліку пакрытых лесам 68 648 га. Працягласць тэрыторыі лясгаса з поўначы на ​​поўдзень – 55 км. і з захаду на ўсход – 40 км. У ягоны склад уваходзяць 8 лясніцтваў. Па лесараслінным раянаванні тэрыторыя лясгаса адносіцца да Цэнтральна-Прадпалескага комплексу лясных масіваў, падзоны ялова-грабавых дуброў.

Рэалізацыя прадукцыі

Работнікі глускага лясгасу таксама падзяліліся вопытам працы гандлёвай пляцоўкі. Геаграфія паставак на экспарт прадукцыі дрэваперапрацоўкі ў іх раней налічвала больш за 30 краін. Але пастаўкі ў Літву, Латвію, Польшчу і іншыя заходнія краіны практычна прыпыніліся з-за санкцый і немагчымасці пераводу грошай. Цяпер самым важным стратэгічным напрамкам работы арганізацый галіны сталі пастаўкі прадукцыі на кітайскі рынак.

Як паказаў семінар, глускія “лесавікі” здолелі пераарыентавацца на іншыя рынкі збыту сваёй прадукцыі і захавалі калектыў. Але праблема ў тым, што новае абсталяванне, якое яны выкарыстоўваюць, з-за санкцый практычна немагчыма набыць, а заходнія рынкі амаль цалкам закрытыя. Застаецца працаваць з Азіяй і спадзявацца на змену знешнепалітычных умоў гаспадарання.

фота: glusk.by

“Магілёўхлебапрадукт” можа стаць банкрутам

Навіна ад

Заяву пра неплацёжаздольнасць прадпрыемства падаў аблвыканкам.

Эканамічны суд Магілёўскай вобласці адкрыў конкурсную вытворчасць адносна ААТ “Магілёўхлебапрадукт” – паведамляе сайт Вярхоўнага суда Беларусі.

Агульная сума крэдыторскай запазычанасці прадпрыемства складае 37 373 056,87 рублёў. Пры гэтым кошт маёмасці даўжніка недастатковы для задавальнення патрабаванняў крэдытораў. Так, актывы даўжніка па стане на 1 жніўня 2022 года складаюць 24 056 тысяч рублёў.

Акцыянерамі 15 жніўня 2022 года прынята рашэнне аб немэтазгоднасці дасудовага аздараўлення і аб падачы ў эканамічны суд заявы аб эканамічнай неплацежаздольнасці даўжніка. Асноўнымі акцыянерамі “Магілёўхлебапрадукта” з’яўляюцца Магілёўскі абласны выканаўчы камітэт з доляй у 99,26% і Слаўгарадскі раённы выканаўчы камітэт з доляй 0,73%.

Наступнае судовае паседжанне па справе прызначанае на 7 лютага 2023 года, на якім плануецца прыняць рашэнне аб санацыі альбо ліквідацыі прадпрыемства. Санацыя дазволіць прадпрыемству пазбегчы банкруцтва.

“Магілёўхлебапрадукт” – буйное беларускае прадпрыемства, якое больш за 60 гадоў займаецца выпускам прадукцыі птушкагадоўлі, мяса і мясных вырабаў, жытняй і пшанічнай мукі оптам. Гэта шматпрофільная арганізацыя, у складзе якой знаходзіцца некалькі прадпрыемстваў, у тым ліку – “Магілёўская птушкафабрыка”.

Два чалавекі загінулі на пажары ў Магілёве

Навіна ад

Пажар адбыўся каля шостай гадзіны раніцы 16 кастрычніка па завулку 5-му Ямніцкаму. Згарэў прыватны дом, у якім жылі 72-гадовая пенсіянерка з сужыцелем.

Прэс-служба МНС паведамляе, што пажарныя, якія прыбылі на месца здарэння,  неадкладна пачалі пошук людзей і ліквідацыю пажару. Пошук быў абцяжараны высокай тэмпературай і шчыльным задымленнем.

У адным з пакояў ратавальнікі знайшлі труп гаспадыні дома, а ў калідоры труп яе 64-гадовага сужыцеля, пенсіянера. У выніку пажару часткова знішчаны дах, пашкоджана перакрыцце, маёмасць і сцены дома. Прычына пажару высвятляецца.

фота: МЧС

Адзін бяздомны парэзаў другога ў Магілёве нібыта з-за сэкса

Навіна ад

Афіцыйных падрабязнасцяў няма, па неафіцыйных – маладзейшы не захацеў даць амурных радасцяў старэйшаму.

Інфармацыя пра надзвычайнае здарэнне паявілася ў беларускіх пабліках 15 кастрычніка ў другой палове дня. Першапачаткова сцвярджалася пра забойства чалавека ў дварах на вуліцы Касманаўтаў. Быццам на пустыры за адным з інтэрнатаў БРУ быў знойдзены зарэзану чалавек.

Пасля паявілася публікацыя ў тэлеграм-канале, якім кіруюць сілавікі, што мела месца не забойства, а прычыненне траўм – “не зарэзалі, а парэзалі. У якасці зброі нібыта былі выкарыстаны нажніцы. 61-гадовы бяздомны пацярпелы жывы і знаходзіцца ў лякарні. Ананімныя крыніцы заяўляюць, што канфлікт у яго адбыўся з іншым, 51-гадовым бяздомным, з якім яны жылі разам. Быццам бы ў нейкі момант старэйшы таварыш пачаў прагнуць сэксуальных адносін з маладзейшым, за што атрымаў ад апошняга раненні. 51-гадовы затрыманы.

 

Как идет ремонт костела святого Станислава в Могилеве

Навіна ад

Костел святого Станислава в Могилеве находится в самом центре города и спрятан среди домов прошлого века. Может быть, поэтому историческое здание не привлекало к себе внимание и не уничтожено как многие памятники архитектуры Могилева. Его строительство велось с 1738 по 1752 год. С тех пор храм много раз перестраивался.

С 1990-х годов его снова начали использовать по назначению и практически сразу начались масштабные реставрационные работы, которые к временами продолжается и сейчас. 

В данный момент вокруг костела в районе фундамента идут работы под сложным названием: гидроизоляция зоны цоколя памятника архитектуры. Произведена отсечная гидроизоляция путем бурения отверстий шагом в 12 см на всю толщину фундамента и потом под низким давлением специальными насосами закачивается гелеобразная жидкость которая застывает, не давая влаге разрушать кирпичную кладку и отделочный слой фасада. 

Дело в том, что влага, которая поднимается по кирпичной кладке, выделяет соль. Она начинает проявляться в наружных отделочных материалах фасада и соответственно отторгает материалы фасада внизу. Влага разрушает швы и кирпич, который быстро приходит в негодность.

Вокруг храма, где производятся эти работы, лежит кирпич, но он не старинный, а вполне современный. Это остатки отмостки (ремонта) середины девяностых годов.

В данный момент идет укрепление грунта под левой башней костела.

Всеми работами занимается ООО «Бетонстройреставрация», чьи квалифицированные специалисты постоянно выезжают за границу на учёбу и консультации относительно производимых работ. Специалисты через какой-то промежуток времени проводят проверку грунта и фасада. 

Костёл во время ремонтных работ продолжает свою деятельность и приглашает на свои службы и мероприятия.

Ліквідаваны адзін з самых старых гаражных масіваў Магілёва

Навіна ад

Любімае месца адпачынку мужчын з мікрараёна “30 гадоў Перамогі” перастала існаваць. Пляцоўку амаль ачысцілі ад гаражоў для будаўніцтва шматпавярховак. 

У 1970-я гады да трыццацігоддзя Перамогі СССР у Вялікай Айчыннай вайне ў Магілёве новай вуліцы і мікрараёну вакол яе далі назву “30 гадоў Перамогі”. Альбо, па-народнаму, “Трыццатнік”. 

Разам з будаўніцтвам мікрараёна на яго ўскрайку спачатку стыхійна, а потым больш упарадкавана  ўзнік гаражны масіў. Права мець каля пад’езду гараж мелі найперш інваліды. Гаражы вочы не мазолілі, лічыліся часовымі збудаваннямі. У іх мужчыны займаліся  сваімі мужчынскімі справамі, і на гаражы асаблівай увагі ўлады не звярталі. 

Праз дзесяцігоддзе непадалёк праз лагчыну, якую называлі “даліна кахання” узнік мікрараён “Саломенка”. Так гаражы апынуліся не за горадам, а ўжо ўнутры яго. 

І вось пяцідзесяцігадовая гісторыя гаражнага масіву падыходзіць да фінішу. Прынята рашэнне пабудаваць на іх месцы прыгожыя шматпавярхоўкі. Камунікацыі побач, а былой неабходнасці ў гаражах ужо няма. 

Апошнія 4 металічныя схованкі аўтамабіляў чакаюць сваёй ліквідацыі. Ды яшчэ дарожкі, якія цяпер нікуды не вядуць, сведчаць пра гісторыю гэтай пляцоўкі. 

Сасновы парк у выглядзе пяціканцовай зоркі высадзілі пад Магілёвам

Навіна ад

Новы парк закладзены ў Вейна, што на поўдзень ад абласнога цэнтра. Высаджаныя дрэвы зверху ствараюць абрыс зоркі. Дзіўнае на першы погляд рашэнне каранямі сыходзіць у сярэдзіну ХХ стагоддзя. 

Як паведаміла Прыдняпроўская Ніва, для акцыі «Магілёўскі лясгас», прывез 151 сасну, а школьнікі і мясцовыя жыхары высадзілі іх каля ўезду ў аграгарадок. 

Тутэйшае начальства лічыць, што новыя насаджэнні на тэрыторыі Вейнянскага сельсавета будуць цікавыя не толькі як месца адпачынку, але і як ландшафтны аб’ект, што ацэняць і мясцовыя жыхары, і госці аграгарадка.

Сапраўды, парк мае некалькі цікавостак. Колькасць саджанцаў была вызначана не выпадкова – менавіта такая колькасць пахаванняў загінулых воінаў і ахвяр Вялікай Айчыннай вайны на могілках каля аграгарадка Вейна. Акрамя знакавага ліку соснаў сімвалічнай стала і форма высаджаных дрэў – будучы парк уяўляе сабой зорку, дзе размах прамянёў складае больш за 50 метраў. 

Такім чынам, парк будзе мемарыяльным, а не рэкрэацыйным. Прысвечаны ён падзеям Вялікай Айчыннай вайны. Пра аўтара канцэпцыі парка нічога не гаворыцца.

 

Магілёвец ашалеў ад тлумнай кавярні і абліў яе аўтамабільнай вадкасцю

Навіна ад

Сума нанесенай шкоды – 4 200 рублёў. Як паведамляе Тэлеграм-канал прэс-службы абласнога УУС, прадстаўнікі адной з кавярняў Магілёва, размешчанай у прыбярэжнай зоне адпачынку, выявілі пашкоджанне маёмасці ўстановы. Аўтамабільнай вадкасцю былі аблітыя фасад кавярні, столікі і крэслы. Зламыснікам аказаўся 54-гадовы магілёвец. Ён патлумачыў, што яго раздражняў шум і шматлікія наведвальнікі кафэ, таму ў адну з начэй ён дачакаўся, калі ўсе госці і супрацоўнікі пакінуць установу, а пасля здзейсніў акт вандалізма.