З 26 па 28 красавіка ў Бабруйску не будзе працаваць эфірнае тэлебаанне – паведамляе “Камерцыйны кур’ер”. Гэта звязана з працамі на радыётэлевізійнай станцыі ў Ясным Лесе. Бабруйская РТПС забяспечвае эфірным тэлебачаннем і радыёвяшчаннем некалькі раёнаў Магілёўскай і Гомельскай абласцей.
Tag: Бобруйск
Бабруйчанка загінула на пажары, яе мужа знаёмая здолела выцягнуць з кватэры
Днём 20 красавіка трагедыя адбылася ў пяціпавярховым жылым доме па вуліцы Сямёнава ў Бабруйску. 73-гадовая гаспадыня дома знаходзілася на кухні і загінула падчас пажару. Яе 70-гадоваму мужу, які перамяшчаецца з цяжкасцю, пакінуць задымленую кватэру дапамагла знаёмая. Выратаваць гаспадыню яна ўжо не змагла з-за моцнага дыму і агню – паведамляе прэс-служба МНС. Прычыны пажару высвятляюцца.
Фота: МНС
На продаж выстаўлены Бабруйскі скураны камбінат
На рэспубліканскай гандлёвай інтэрнэт-пляцоўцы з’явілася аб’ява аб продажы Бабруйскага гарбарнага камбіната. Згодна з апублікаванай інфармацыяй, прадпрыемства прадаецца адзіным маёмасным комплексам.
Як распавялі выданню «Камерцыйны кур’ер» у кампаніі«Індустрыя інавацый», што выставіла лот, стартавы кошт прадпрыемства складае 25 мільёнаў 582 тысячы рублёў. Заяўкі прымаюцца да 28 красавіка, самі таргі прызначаны на 2 траўня.
Зараз камбінат знаходзіцца ў працэдуры санацыі, пасля таго як у сярэдзіне 2021 года эканамічны суд Магілёўскай вобласці распачаў справу аб яго эканамічнай неплацежаздольнасці – да перадбанкрутнага стану суб’ект гаспадарання прывёў доўг амаль у 24 мільёны рублёў.
Фота: komkur.info
Браканьер на Чыгірынцы злавіў пад 300 асобін рыбы і ракаў і трапіў пад крыміналку
На Чыгірынскім водасховішчы Бабруйскай прыродаахоўнай інспекцыяй быў затрыманы мужчына, які на 12 ракаловак вылавіў больш за 240 рыбін і 55 ракаў. Асобна трэба адзначыць, што гэта адбылося падчас нерасту, калі лавіць рыбу можна толькі на адну вуду з берага.
Шкода, прычыненая навакольнаму асяроддзю, ацэньваецца ў 513 базавых велічынь, гэта каля 19 000 рублёў. Цяпер мужчыне пагражае крымінальная адказнасць па ч.4 артыкула 281 Крымінальнаа кодэкса – піша “Камерцыйны кур’ер”.
Фота: komkur.info
Дзень памяці ахвяр Халакосту і герояў супраціву адзначылі ў Бабруйску
У бабруйскай сінагозе ўзгадалі ахвяр Халакоста. Чытачы mogilev.media падзяліліся сваімі фота з вечарыны.
12 красавіка 1951 года Кнэсет прыняў рэзалюцыю аб абвяшчэнні 27-га чысла месяца нісан «Днём памяці Катастрофы і гераізму». Гэта 6-ы дзень пасля заканчэння свята Песах і тыдзень перад Ём Ха-Зікарон і Днём Незалежнасці. Блізкасць гэтых дат сімвалізуе шлях яўрэйскага народа да адраджэння дзяржавы. Сёлета дзень памяці прыпаў на 18 красавіка.
У некаторых сінагогах праходзіць асаблівая служба. Звычайна запальваюць шэсць мемарыяльных свечак – у памяць аб 6 мільёнах загінуўшых падчас Катастрофы еўрапейскага яўрэйства – і вымаўляецца памінальная малітва Ізкор.
У гэты дзень яўрэі моляцца аб тым, каб часы гібелі і жаху ніколі не паўтарыліся.
На Магілёўшчыну прыйшла сапраўдная вясна, гарады атрымалі першае зялёнае ўбранне – фота
На праваслаўную Пасху ў паўднёвых раёнах вобласці заквітнелі вольха – яна квітнее раней за з’яўленне лісця – амела, асіна, ляшчына, у гарадах, Магілёве, Бабруйску з’явіліся лісточкі ў фарзіцыі, вярбы, бярозы, каштана, па сонечных схілах з’явіліся кветачкі ў падбела, які яшчэ называюць маць-і-мачахай.
Нашы чытачы з вялікай ахвотай і задавальненнем дзеляцца сваімі фотаздымкамі папрыгажэўшых гарадоў.
Фарзіцыя. Магілёў.
Каштаны выкінулі лісточкі
Зялёная прыгажосць у цэнтры Бабруйска
Фота mogilev.media
Магілёў становіцца самым брудным горадам, але з пабеленымі дрэвамі – дайджэст мінулага тыдня
Апублікаваны на мінулым тыдні маніторынг паветра ў гарадах Беларусі паказаў, што Магілёў становіцца самым брудным горадам у краіне – нормы былі перавышаныя адразу ў трох кропках па ўсім горадзе.
У Магілёве пачалося абмеркаванне новага генеральнага плана горада.
Вада паціху стала адступаць, хоць у Бабруйску Бярэзіна яшчэ перавышала крытычны ўзровень.
У Глуску энергетыкі правялі спецаперацыю па перасяленні бусла, з-за якога ў адной з вёсак пастаянна прападала электрычнасць, на спецыяльна ўзведзены новы слуп.
Пад Бялынічамі рэцыдывіст абакраў суседку на 5 рублёў.
У Мсціславе выпускаць “чарніла” аказалася нерэнтабельным, замест віна будзе газіроўка.
У шматдзетнай сям’і на Мсціслаўшчыне згарэў дом, яны засталіся без жылля.
У Бабруйску прайшла цырымонія перадачы парэшткаў салдата Другой Сусветнай вайны, які нарадзіўся ў Клімавіцкім раёне і цяпер будзе перапахаваны на радзіме.
На мінулым тыдні стала вядома, па якіх артыкулах абвінавачваецца магілёўскі прафесар Юрый Бубнаў.
Таксама стала вядома, што затрыманай у Круглым Аліне Горавй не аказваюць медыцынскую дапамогу, ёй стала горш у вязніцы.
Праверкі ў Магілёве і вобласці паказалі, што ў трох школьных сталоўках з чатырох (а гэта 75%) выяўлены парушэнні, а ў палавіне крам – праблемы з санітарнымі нормамі.
Яшчэ адзін магілёвец атруціўся мухаморамі, якія свабодна прадаюцца ў інтэрнэце і не трапляюць у лік забароненых прэпаратаў.
Сталі вядомымі грандыёзныя планы дарожнікаў – за чвэрць стагоддзя адрамантаваць 68 кіламетраў дарогі пад Чавусамі.
У Магілёве стаў прадавацца бярозавы сок.
У абласным цэнтры запусцілі новыя, аўтаномныя тралейбусы.
Таксама на мінулым тыдні адзначалася гадавіна трагічнага патопа на Дубравенцы – так званага “Магілёўскага цунамі”.
У Магілёў прыйшла правінцыйная эстэтыка – сталі бяліць дрэвы ў цэнтры горада.
Mogilev.media пагуляліся з чарговай нейрасеткай і даведаліся, якім намалявалі б Магілёў Малевіч, Босх, Шагал, Кандзінскі.
Бабруйскі кіроўца не прапусціў матацыкліста, той у рэанімацыі
14 красвіка ўвечары на вуліцы Гогаля ў Бабруйску 38-гадовы вадзіцель аўтамабіля Citroen выяжджаў з дваравой тэрыторыі, не заўважыў 65-гадовага мужчыну на мапедзе на галоўнай дарозе і не даў яму перавагі. У выніку сутыкнення матацыкліст атрымаў траўмы і быў дастаўлены ў рэанімацыю – паведамляе Тэлеграм-канал прэс-службы абласнога УУС.
Фота: УУС
Бярэзіна ў Бабруйску паднялася вышэй за небяспечна высокую адзнаку
У бліжэйшыя дні на Прыпяці, у ніжнім цячэнні Дняпра, Бярэзіны і Сожа рост узроўняў вады вясновай паводкі захаваецца – паведамляе Белгідрамет. На астатніх рэках ужо адбываецца спад узроўняў вады, у першую чаргу на Заходняй Дзвіне. На прытоку Сожа рацэ Віхра каля г. Мсціслаў вада хутка ўвойдзе ў рэчышча.
Сярод населеных пунктаў Магілёўскай вобласці вада перавышае небяспечна высокую адзнаку толькі ў Бабруйску.
Фота: “Вячэрні Бабруйск”.
Бабруйская бабёраманія – бабры засяляюць горад. Нядзельны фотарэпартаж
Бабёр стаў візіткай і брэндам горада, а бабры засялілі вуліцы, плошчы, аркі і крамы горада так шчыльна, што гараджанам ужо становіцца цесна ў горадзе.
Назва Бабруйска пайшла ад рэчкі Бабруйкі, якая ўпадае ў Беразіну ў межах горада. А назва Бабруйка, як мяркуецца, пайшла ад баброў, якія жылі на яе берагах. Таму нядзіўна, што выява бабра эксплуатуецца і бізнесам і ўладамі горада.
Яшчэ некалькі гадоў таму бронзавы Самуілавіч ля рынку быў ледзь не адзіным сімвалам горада. Яго паміналі ўсе турыстычныя даведнікі. Асобныя кропкі на ягонай фігуры дапамагаюць у грашовых справах, а іншыя, як даказваюць на сваім прыкладзе прадаўцы сувеніраў, дапамагаюць і ў сексуальным жыцці.
Затым з’явіўся вальяжны прайдоха, які заманьвае ў бабруйскія кавярні.
Цяпер вялізны бабёр пужае дзетак у арцы на Сацыялістычнай 95.
“Красны пішчавік” вырабіў чырвонага рэвалюцыйнага бабра.
Самыя папулярныя сувеніры – таксама бабры.
Нядзіўна, што бабры сталі адным з важных экспанатаў мясцовага музея.
Як бачым, у паўднёвай сталіцы Магілёўшчыны імкліва пашыраецца бабёраманія. Бабры тут паўсюль. Ці застанецца ў Бабруйску месца для людзей, або берагі Бабруйкі ізноў заселяць бабры – пакажа будычыня.