Category: Навіны Магілёва

У Магілёве адбылася ракіроўка чыноўнікаў: крэсла жанчыны заняў тройчы мужчына

Навіна ад

Ракіроўка прайшла ў Магілёўскіх чынавенскіх адміністрацыях: намеснік старшыні гарвыканкама Ала Галушка сышла ў адміністрацыю Кастрычніцкага раёна, а на яе месца прыйшоў Алег Стэльмашонак з вобласці. Наш жартаўлівы агляд. 

Новы мэр Магілёва Аляксандр Студнеў паступова фарміруе сваю каманду. Вось і прышлося Але Галушка пайсці на паніжэнне ў раённую адміністрацыю. А на яе месца даслалі чыноўніка з абласной культуры Алега Стэльмашонка.  

Ала Галушка адпрацавала “на галерах” намесніцы мэра 7 гадоў. А нарадзілася яна ў 1973 годзе ў Горках. У 1995 годзе скончыла МДУ імя Куляшова, у 2005 годзе – Акадэмію кіравання пры прэзідэнце РБ. Папрацавала Галушка на розных кіруючых пасадах у ідэалогіі, культуры горада і вобласці, курыравала сацыяльную сферу. Цяпер будзе рабіць тое ж самае ў Кастрычніцкім раёне.

Запомнілася пані Галушка сваім спецыфічным падыходам да рашэння вытворчых пытанняў, які часта называюць “жаночым”. Яе каляжанкі адзначалі яе добразычлівасць і адначасова часам невытлумачальную неабавязковасць, забыўлівасць, зацягванне рашэння самых простых рабочых пытанняў. Яле з іншага боку, яе жаночае абаянне дапамагала ёй разруліваць многія складаныя пытанні, не даводзіць іх да канфліктаў. 

Сказалася на яе характары відаць радавое прозвішча. Галушкі ў народнай кулінарыі гэта мяккія смачныя кавалачкі цеста, якія звараны ў кіпні. Таму Ала такая жаноцкая і адначасова гатовая да самых вірлівых выпрабаванняў, яна ж “у кіпені нарадзілася”. 

Лінію ўлады Ала Галушка заўжды праводзіла аддана, але ў 2020 годзе напачатку наважвалася нават заступацца за сваіх падначаленых, спрабавала змякчыць будучыя рэпрэсіі ў адносінах да некаторых з іх. З-за гэтага работнікі міліцыі ў тыя часы нават казалі, што сярод магілёўскіх чыноўнікаў аказаўся толькі адзін мужык, ды і той “баба Галушка”. 

Алег Стэльмашонак – супрацьлегласць сваёй папярэдніцы. Хаця іх біяграфіі і вельмі падобныя. Алег нарадзіўся ў 1973 годзе ў вёсцы Жылічы Кіраўскага раёна. У 1998 годзе ён таксама скончыў МДУ імя Куляшава (факультэт педагогікі), а ў 2013 годзе – Акадэмію кіравання. 

Пачынаў ён сваю працу настаўнікам фізкультуры ў пачатковых класах СШ №32 і запомніўся калегам з самага лепшага боку: малады перспектыўны добразычлівы педагог. Надалей ён займаў самыя розныя кіруючыя пасады: ад дырэктара школы-інтэрната для дзяцей са скаліёзам да намесніка кіраўніка абласнога аддзела адукацыі. Амаль паўсюль былыя калегі пра яго казалі пераважна станоўча. 

Перад прызначэннем у гарвыканкам ён працаваў кіраўніком аддзела культуры абласнога выканаўчага камітэта. Вось там за Стэльмашонкам пачалі заўважацца першыя прыкметы зорнай хваробы. Чыноўнік узмужнеў, ён стаў больш патрабавальным і рэзкім. 

Магчыма, з гадамі пачало сказвацца ягонае радавое прозвішча. А яно састаўное. Першае частка “стэль” паходзіць ад слова “стэла”, якое сімвалізуе мужчынскую моц, мужнасць. Менавіта таму на магілках воінаў ставяць стэлы, якія  нагадваюць фаласы. Другая частка прозвішча ”машонка” кажа за сябе сама. Яна сімвалізуе мужчынскую плоднасць. Ну і па трэцяе, ён і фізіялагічна мужчына. Цяпер магілёўцы маюць намесніка мэра, які тройчы мужчына. 

Перастаноўкі ў магілёўскіх чыноўнічых кабінетах ідуць перманентна і збольшага носяць тэхнічны характар. Змены імён на шыльдах кабінетаў мала што мяняюць у працы сістэмы ўлады. І тым не менш, магілёўцы кожным разам спадзяюцца, што хаця б гэты штосьці зменіць да лепшага. Паглядзім, ці зможа “тройчы мужык” узняць ідэалогію, культуру, адукацыю і сацыяльную сферу горада.

Фота з сайтаў адміністрацый Магілёва.

З’явілася петыцыя ў абарону традыцыі драўлянага дойлідства ў Магілёве

Навіна ад

Унікальная магілёўская традыцыя ўпрыгожвання драўляных дамоў пад пагрозай з-за вынішчэння сектароў прыватнай забудовы ў горадзе. Магілёўскія драўляныя цуды прапануюць зрабіць філіялам Музея народнага дайлідства.

Багаты драўляны архітэктуры дэкор горада вылучаецца навукоўцамі ў асобны стыль, так званую «магілёўская разьбу» – адзначаюць стваральнікі петыцыі. Разьба ў выглядзе геаметрычнага і расліннага арнаменту (краявая, скразная i прапіловачная) паярусна размяшчаецца на фасадах драўляных дамоў. 

Найбольш багата аздабляліся франтоны, дзе разьба ўтварала некалькі па-рознаму вырашаных радоў. Разьба ўзбагачае пластыку фасадаў вытанчанай святлоценявой мадэліроўкай, узмацняе іх рытмічную пабудову, кантрастна вылучае найбольш значныя элементы, падкрэслівае тэктоніку збудаванняў. У некаторых будынках разныя элементы на фоне сцен вылучаюцца светлым колерам.

Тым часам сітуацыя ў Магілёве складаецца так, што праз 20 гадоў новае пакаленні магілёўцаў не будзе мець уяўлення пра тое, як выглядаў горад век таму – каштоўныя драўляныя будынкі будуць або знесены, або згніюць без догляду, або дэградуюць пад сайдынгам і сіняй металачарапіцай. 

На дадзены момант горад разрастаецца і забудоўваецца шмат у чым за кошт зносу драўлянай забудовы без уліку яе мастацка-эстэтычных вартасцей. Падобнае можна назіраць у былым прадмесці (да вайны – суцэльна драўляным) Лупалава, на схілах рэк Дубравенкі і Дзебры. З заўважных страт – дамы па вуліцы Катоўскага, 11 і па Першмавайскай, 60а. Апошні будынак прапаноўвалася перавезці ў Беларускі дзяржаўны музей народнай архітэктуры і побыту, але той адмовіўся, таму што на ўсю тэрыторыю, якую ён займае пад Мінскам, накладзены рэгламенты, якія не дазваляюць новае будаўніцтва. Супрацоўнікамі магілёўскага музея былі выратаваны некаторыя побытавыя рэчы і фрагменты дэкору, але казаць пра паўнавартаснае захаванне не даводзіцца.

Для вырашэння гэтай праблемы аўтары петыцыі прапануюць разгледзець магчымасць стварэння ў Магілёве філіі Беларускага дзяржаўнага музея народнай архітэктуры і побыту. Падпісаць зварот можна тут.

Фота: Telegram-канал aktahon

У Віцебску біліся, у Брэсце і Мінску затрымлівалі, у Магілёве не сабраліся – “Рэдан”

Навіна ад

1 сакавіка адзначыліся па Беларусі серыяй спроб масавых збораў моладзевай субкультуры “Рэдан”.

Збор, прызначаны на 16.00 1 сакавіка каля магілёўскага гандлёвага цэнтра “Атрыум”, пра які пісалі mogilev.media, не адбыўся. Плошча перад гандлёвым цэнтрам патрулявалася нарадам АМАПаўцаў, на кожным паверсе “Атрыума” дзежуравалі міліцыянты. Купкі маладзёжы размяшчаліся на фудкорце,  на лаўках вакол плошчы, аднак у значнай колькасці падлеткі не сабраліся разам. Не паведамлялася таксама і пра затрыманні ў Магілёве 1 сакавіка. 

У Брэсце і Мінску таксама абвяшчаліся зборы прыхільнікаў маладзёвай субкультуры. Прэс-служба УУС паведаміла пра затрыманне 52 чалавек у Брэсце, сярод якіх 41 былі непаўналетнімі. Пра затрыманні паведамлялася таксама і ў Мінску, але без ніякіх лічбаў ці фактаў. 

Адзін з Тэлеграм-каналаў, што спецыялізуецца на трэш-відэа, размясціў ролік пра сутычку трох падлеткаў каля віцебскага гандлёвага цэнтра “Трыа”. Мяркуецца, што бойка адбылася з нагоды збора “Рэдана” ў Віцебску, але пацвярджэння гэтай інфамацыі з афіцыйных альбо незалежных крыніц няма. На відэа можна пабачыць вялікую групу моладзі, якая назірае за бойкай двух дзяўчын, адной з якіх дапамагае трэцяя. 

Платная паркоўка ў цэнтры Магілёва з 1 сакавіка яшчэ не запрацавала

Навіна ад

Mogilev.media звязаліся з аператарамі Дарожна-маставога прадпрыемства Магілёва і высветлілі, што з 1 сакавіка сервіс па аказанні платнай паслугі за паркоўку на вуліцы Міронава і бульвары Леніна так і не запрацаваў. Верагодна, гэта звязана з недастатковай распрацаванасцю праграмнага забеспячэння – паведамілі аператары ДМП.

Трэба адзначыць, што і на саміх шчытах, размешчаных на ўказаных вуліцах, пакуль адсутнічае нумар, на які трэба адпраўляць SMS. Ён быў заклеены скотчам яшчэ летась, а новы так і не з’явіўся. Супрацоўнікі ДМП назвалі неабходны нумар у размове – 2046, дадаўшы, што аўтамабілістам трэба абавязкова ўказваць нумар рэгіёна, у якім зарэгістраваная машына. У адваротным выпадку грошы за паркоўку – калі сервіс пачне працаваць – пойдуць у бюджэт Мінска, а не Магілёва.

Фота: mogilev.media

Магілёўскіх бацькоў масава папярэджваюць, у Гомелі затрымалі 200 “анімэшнікаў”

Навіна ад

Першы беларускі збор фанатаў анімэ “Рэдан” адбыўся ў Гомелі 28 лютага. Каля гандлёвага цэнтра “Сакрэт” былі затрыманы 200 падлеткаў, якіх праваахоўнікі атаясамілі з папулярнай субкультурай – паведамляе Тэлеграм-канал МУС Рэспублікі Беларусь. 183 чалавекі сярод затрыманых аказаліся непаўналетнімі.

“Субкультура ПВК “Рэдан” узнікла ў якасці пераймання японскай мультыплікацыі Hunter x Hunter аб злачыннай групоўцы “Геней Рэдан” і адзначаецца магчымым удзелам яе прыхільнікаў у масавых бойках у гандлёвых цэнтрах.” – гаворыцца ў паведамленні МУС.

Улічваючы магчымы збор прыхільнікаў “Рэдан” у Магіёве 1 сакавіка каля гандлёвага цэнтра “Атрыум”, пра што пісалі mogilev.media, бацькам школьнікаў у абласным цэнтры пачалі прыходзіць папярэджвальныя паведамленні. Узор такога паведамлення размясціў Тэлеграм-канал “ЧП Могилев”.

Сакавік – месяц святла, і няўстойлівага надвор’я, здольны прыпаднесці сюрпрызы

Навіна ад

Сакавік – першы каляндарны вясновы месяц. Але феналагічная вясна пачынаецца ў Магілёўскай вобласці толькі ў апошняй дэкадзе месяца.  

За пачатак вясны бярэцца дзень, калі зацвітае арэшнік. Па сярэдніх дадзеных назіранняў, гэта адбывецца ў Бабруйску 25 сакавіка, у Магілёве 27 сакавіка, у Горках 31 сакавіка. У Магілёве раз на 20 гадоў дата пачатку вясны прыпадае на 10 сакавіка, адзін раз на 20 гадоў – пазней за 10 красавіка. 

Вясна на тэрыторыі Магілёўскай вобласці, па сутнасці, укладваецца ў адзін месяц – красавік, бо па сярэдніх датах “укладваецца” у Бабруйску да 1 мая, у Магілёве – да 2 мая, у Горках – да 5 мая. 

Сакавік  – месяц святла. 

21 сакавіка ў дзень роўнадзенства дзень роўны 12 гадзінам, у канцы месяца амаль 13 гадзін, гэта азначае, што ў параўнанні з лютым ён прырасце на 2 гадзіны. Сонца падымаецца над гарызонтам на 36° (22 снежня ў Магілёве і на яго шырыні – 12,5°), сонечная радыяцыя павялічваецца ўдвая ў параўнанні з лютым, рэзка падымаецца тэмпература паветра – на 4°С. Аднак у межах Магілёўскай вобласці яна застаецца на адмоўным узроўні.

Сярэдняя тэмпература сакавіка ў Бабруйску   -1,6°С, у Горках  -3,3°С. Але анамальныя амплітуды тэмператур сакавіка вельмі значныя – да 55°С. Так, у Магілёве на пачатку сакавіка 1964 года тэрмометр паказваў  -35°С, а ў 1913 годзе  +19,8°С.

У сакавіку выпадае каля 40 мм ападкаў. Розніца паміж рознымі часткамі Магілёўскай вобласці па ападках неістотная, а па гадах значная: у 1950 годзе сакавіцкія ападкі ў Бабруйску склалі 2 мм, а у 1912 годзе ў Магілёве выпала 110 мм.

Як правіла, снегавое покрыва дэградуе  ў сярэднім 14 сакавіка на паўднёвым захадзе, 23 – на паўночным усходзе вобласці, у Магілёве – 22 сакавіка. Адхіленні ад сярэдніх паказчыкаў налічваюць тыдні.

Адносная вільготнасць паветра памяншаецца да 80%, узрастае доля яснага неба – да 26% дзён, скарачаецца колькасць пахмурнага – да 14%. Звычайна 3–6 дзён з туманамі, 2 дні з галалёдам, 2 – з крышталічнай намараззю.

Часцей за ўсё на рэках пачынаецца крыгалом, у асобныя гады назіраецца разводдзе. Скарачаецца глыбіня прамярзання глебы. Гатовы да абуджэння дрэвы, першацветы.

З зімовых кватэр накіроўваюцца ў месцы гняздоўяў амялушкі, снегіры, чачоткі. Ажываюць гракоўнікі.

Пачынаецца новы сезон у дачнікаў. Сакавік – самы адказны перыяд для садавода – час абразання, а ў раннія дні вясны і прышчэплівання дрэў. Прышчэпліванне трэба рабіць да набухання пупышак.

Папярэдні прагноз надвор’я на сакавік 2023.

Паводле папярэдніх мадэляў, сакавік у гэтым 2023 годзе будзе дастаткова суровы. Ён пацвердзіць статус вельмі няўстойлівага месяца з традыцыйнымі вяртаннямі халадоў, узмацненнем маразоў, арктычнымі ўварваннямі і зарадамі снегу, але сярэднямесячная тэмпература ўсё ж чакаецца вышэй за норму на 2-4°С.

Пры ўсім гэтым нагадваем, што да доўгатэрміновых прагнозаў трэба ставіцца філасофскі: дакладнасць вагаецца ў межах 60-70%.

1 сакавіка пройдзе адзіны дзень адкрытых дзвярэй у бібліятэках Магілёва

Навіна ад

Бібліятэкі Магілёва запрашаюць да сябе ўсіх ахвотных у адзіны дзень адкрытых дзвярэй на самыя разнастайныя праекты і цікавосткі.

На сайтах бібліятэк, у іх акаўнтах у сацыяльных сетках і ў саміх бібліятэках горада ўсіх ахвотных і дапытлівых чакаюць прэзентацыі самых разнастайных праектаў, акцый, інтэрактыўных экскурсій, інтэлектуальных гульняў і квэстаў, майстар-класаў і іншых актыўнасцяў.

Згодна з традыцыяй, стартуе СВОП-акцыя “Кніжны фАрт” у акаўнце Instagram #БиблиотекиМогилева, у якой будзе правадзіцца розыгрыш кніжнага бокса (падарункавай скрыні з кнігамі, карыснымі і прыемнымі рэчамі).

У гарадской бібліятэцы імя Карла Маркса адбудзецца канцэпт-прэзентацыя праграмы “Альтэрнатыўная 4K пляцоўка”, якая, як чакаецца, збярэ найбольш актыўную і ініцыятыўную моладзь для імправізацыі “Гэта менавіта я!” 

У бібліятэчным філіале № 2 імя Iвана Шамякіна (вул. Якубоўскага, 23) пройдзе інтэрактыўная гульня “Бітва розумаў і вынаходлівасці”. Тут можна будзе таксама наведаць мастацкую тэрыторыю “Моладзевае асяроддзе”.

Літаратурных гурманаў чакае запуск партала “паЧытаем” на сайце CSGPB.By, а для афлайн карыстальнікаў у гарадскіх бібліятэках будзе працаваць інтэрактыўныя тэрыторыі EVENT-чытання “Літаратурны QR-код пашырае гарызонт”.

У бібліятэцы-філіале № 4 імя Міхаіла Лермантава (вул. Народнага апалчэння, 4) урачыста пройдзе адкрыццё міжнароднай кампаніі “Тамбоў і Магілёў чытаюць разам!” Тут можна будзе пазнаёміцца ​​з працай тамбоўскай пісьменніцы Алены Барады.

На YouTube-канале ўстановы “Бібліятэкі Магілёва” адбудзецца прэм’ера плэйліста «Свой сярод сваіх».

Пазнаёміцца ​​з поўнай праграмай адчыненых дзвярэй можна на сайце csgpb.by

Фота з адкрытых крыніц.

На Магілёўшчыне завяршылася аперацыя “Нелегал”, семярых выслалі

Навіна ад

Міліцыя падвяла вынікі аперацыі “Нелегал” ў Магілёўскай вобласці.

У Магілеўскай вобласці завершана галоўная стадыя прафілактычнага мерапрыемства “Нелегал” – паведамляе УУС Магаблвыканкама.

Пад час аперацыі “Нелегал” асаблівая ўвага надавалася контролю за ўездам, выездам, знаходжаннем замежных грамадзян і асоб без грамадзянства на тэрыторыі Магілёўскай вобласці. Адначасова праводзілася прафілактыка парушэнняў, адпрацоўка адрасаў фактычнага і магчымага іх пражывання, а таксама рынкаў, вакзалаў, аўтастанцый, інтэрнатаў, забаўляльных устаноў.

Па інфармацыі кіраўніка Дэпартамента грамадзянства і міграцыі УУС Магілеўскага аблвыканкама палкоўніка Пятра Сімончыка, у выніку праведзеных мерапрыемстваў выяўлена 192 адміністрацыйных правапарушэнняў, з якіх 183 – гэта парушэнні правіл уезду, выезду, знаходжання і транзіту. Зафіксавана 9 фактаў парушэнняў парадку ажыццяўлення працоўнай дзейнасці. 7 замежных грамадзян па выніках праверкі вырашана выслаць, 8 ужо пакінулі краіну. Заведзены 2 крымінальныя справы.

Не стало Алексея Дударева

Навіна ад

Известный белорусский драматург, автор знаменитых “Белых рос” и “Рядовых”, Алексей Дударев, ушел из жизни на 73-м году жизни.

В Могилёвском драматическом театре по пьесам Алексея Дударева, в разные годы были поставлены и шли с огромным успехом спектакли: “Ричард lll” по одноименной пьесе Вильяма Шекспира, “Ким”, “Вечер”, “Белые крылья”

Дударев родился в 1950 году в Дубровенском районе Витебской области.
Закончил Белорусский театрально-художественный институт. Был актером, руководителем Белорусского союза театральных деятелей, главным редактором журнала “Мастацтва”.

Драматург был удостоен различных званий и премий: Заслуженный деятель искусств Белорусской ССР (1991), лауреат премии Ленинского комсомола (1984), лауреат Государственной премии СССР (1985).

Самой известной пьесой драматурга была пьеса “Рядовые”, которую поставили практически во всех театрах бывшего Советского Союза.

Произведения писателя переведены на многие языки мира. С именем Алексея Дударева связана целая эпоха белорусского театра.

Рэшткавы рысунак пратэктара і агульны стан маршрутак правяраюць на дарогах Магілёўскай вобласці

Навіна ад

Пасля жудаснай аварыі з удзелам маршруткі пад Смалявічамі, у якой загінула 11 чалавек, пачаліся прэвентыўныя праверкі працы маршрутных таксі. Яны ўзмацніліся пасля таго, як напярэдадні ад’езду ў Кітай, Аляксандр Лукашэнка паабяцаў асабіста разабрацца з маршруткамі. 

20 лютага на 9 кіламетры аўтадарогі Смалявічы – Шацак адбылося лабавое сутыкненне грузавога аўтамабіля МАЗ з маршрутным таксі. У дарожна-транспартным здарэнні загінулі 11 пасажыраў маршрутнага таксі, у тым ліку двое дзяцей. Аварыя мела шырокі грамадскі рэзананс. 

У сувязі з нядаўняй трагедыяй пачаліся прэвентыўныя рэйды супрацоўнікаў ДАІ на дарогах. Так, на шашы Вішоў – Круглае – Талачын супрацоўнікі мясцовага ДАІ ​​правялі адзін з рэйдаў, які накіраваны на перадухіленне інцыдэнтаў з удзелам маршрутных транспартных сродкаў. Як адбываюцца праверкі ў час рэйдаў, распавяла “Зара над Друццю”. 

Траса з Вішова на Круглае вузкая і звілістая, на ёй досыць інтэнсіўны рух транспартных сродкаў, у тым ліку маршрутных таксі. Правяраліся дазволы на мікрааўтобусы, умяшчальнасць транспарту, рэшткавы рысунак пратэктараў і агульны стан транспартных сродкаў. 

Па выніках праверкі парушэнняў выяўлена не было. Кожнаму вадзіцелю супрацоўнікі ДАІ раілі быць уважлівымі, прытрымлівацца абмежавання хуткасці руху на дарозе і памятаць, што яны нясуць адказнасць не толькі за сваё жыццё, але і за жыццё пасажыраў. 

Фота з адкрытых крыніц.