Кампанія падлеткаў бегала па закінутых быхаўскіх казармах, адзін хлопчык праваліўся праз падлогу

Дзесяцігадовы школьнік атрымаў чэрапна-мазгавую траўму, пераломы рук і іншыя пашкоджанні – паведамляюць Судовыя экспертызы.

У Быхаве ў сярэдзіне чэрвеня кампанія падлеткаў зайшла ў стары двухпавярховы будынак былой казармы, у адной з частак якіх вядуцца рамонтныя работы. Тут 10-гадовы хлопчык па драўлянай лесвіцы падняўся на другі паверх і стаў там бегаць. У нейкі момант пад ім правалілася драўляная падлога і школьнік ўпаў на першы паверх.

Са шматлікімі цялеснымі пашкоджаннямі, у тым ліку з закрытай чэрапна-мазгавой траўмай, пераломамі абедзвюх кісцяў рук і іншымі траўмамі хлопчык шпіталізаваны ў раённую бальніцу, зараз знаходзіцца на лячэнні ў Магілёўскай абласной дзіцячай бальніцы.

Фота: Судовыя экспертызы

У Касцюковічах і Шклове двое загінулі на пажарах, у Круглым чалавек праваліўся – агляд здарэнняў

16 сакавіка пажары з гібеллю людзей адбыліся ў Касцюковічах і Шклове. У Касцюковічах ў жылым доме па вуліцы Ленінскай быў знойдзены гаспадар дома 1964 года нараджэння. У Шклове гаспадар прыватнай сядзібы 1959 года нараджэння быў знойдзены ў сваім доме па вуліцы Будаўнікоў – паведамляе прэс-служба МНС. Прычыны пажараў высвятляюцца.

У Круглым ратавальнікам давялося дапамагаць мужчыне 1962 года нараджэння, які праваліўся ў машынны зал каналізацыйна-насоснай станцыі і ўпаў з вышыні 4,5 метры. З траўмамі ён шпіталізаваны.

Фота ілюстрацыйнае.

8 чалавек не вярнуліся з працы дамоў. Загінулі на вытворчасці

Яшчэ 28 цяжка траўмаваныя.

Больш за ўсё выпадкаў траўмавання зарэгістравана ў Магілёве і Магілёўскім раёне – 16. У Бабруйску – 8, а ў Чавускім раёне – 3.

Тэрытарыяльныя следчыя падраздзяленні вобласці разглядаюць – 72 паведамленні і заявы аб траўматызме грамадзян на вытворчасці, піша газета «Веснiк Чэрыкаўшчыны», спасылаючыся на афіцыйнага прадстаўніка абласнога ўпраўлення Следчага камітэту Таццяну Старасотнікаву.

Паводле яе распачата 12 крымінальных спраў у адносінах да асобаў, якія дапусцілі парушэнні правілаў аховы працы і тэхнікі бяспекі.

За ўвесь мінулы год, адзначана на сайце Ахова працы ў Беларусі, на вытворчасці загінула 12 працаўнікоў. 83 – былі цяжка траўмаваныя. У 2020-ым – загінулых было 13, а цяжка траўмаваных – 75.