Tag: ленинская

Магілёўскую скульптуру рэстлера ў трусах запакавалі – і яна адразу стала лепш

Навіна ад

Скульптуру паўголага армрэстлера, якую надаўна паставілі на вуліцы Ленінскай у Магілёве, заўважылі запакаванай у чорны мех і перавязанай скотчам. “І вы ведае што? Мастацкая вартасць твора адразу вырасла, толькі паглядзіце на гэтыя лініі, на гэтае напружанне ў нагах, загадкавасць паставы, выразны сілуэт” – іранізуе над навінкай Тэлеграм-канал “Спадчына”.

Выглядае, што новы арт-аб’ект не вытрымаў на Ленінскай нават тыдня. Пра з’яўленне скульптуры стала вядома на самы Новы год. Блізкасць кампазіцыі нявызначанага паходжання да архіерэйскага падвор’я і тэрыторыі былога Спаскага манастыра, дзе цяпер размяшчаюцца Магілёўская епархія Беларускай праваслаўнай царквы і Духоўна-асветніцкі цэнтр імя свяціцеля Георгія Каніскага, наводзіла на думку, што армрэстлер не зусім упісваецца ў атмасферу гэтага месца.

Фота: Тэлеграм-канал “Спадчына”

На Ленінскай у Магілёве з’явіліся прыгожыя коцікі

Навіна ад

Вуліцу Ленінскую ў Магілёве ўпрыгожылі два мілых коцікі – іх можна пагладзіць і “пачаставаць” манеткай.

У двары дома № 26 па вуліцы Ленінскай у Магілёве з’явіліся два прыгожыя металічныя каты. Адзін загінае спіну, як бы заклікаючы: пагладзь мяне. Другі відавочна напрошваецца на пачастунак.

Мы часта крытыкуем магілёўскіх камунальнікаў, але калі ў іх нешта атрымліваецца – чаму б і не пахваліць?

Такія каты-прыгажуны, вядома, паднімуць настрой магілёўцам.

Хочацца спадзявацца, што такое стаўленне да добраўпарадкавання не спыніцца на цэнтры Магілёва, а дакоціцца і да ўскраін.

Фота: “Магілёўскія ведамасці”.

Диагональный переход в Могилеве запутал пешеходов

Навіна ад

На перекрестке улиц Ленинской и Тимирязевской в Могилеве теперь можно переходить строго по диагонали.

В инстаграмм областной ГАИ называют одно из главных его преимуществ: выделенная пешеходная фаза, которая максимально устраняет возможность конфликтов между автомобилями и пешеходами.Теперь пешеходам больше не нужно дважды пересекать смежные проезжие части или, проще говоря, не требуется переходить сначала одну улицу, а потом другую. Можно сразу идти через перекресток по диагонали.

Правда, пользователи инстаграмм-канала задают сотрудникам ГАИ каверзный вопрос: если переход только по диагонали, то как попасть на другие стороны? Если нужно перейти, например, от Ленинского РОВД к областной стоматологии? Интуитивно понятно, что машины будут стоять со всех сторон, но пешеходные зебры проложены только по диагонали – гиперпослушные граждане так по ним и будут ходить, видимо.

Фото: инстаграмм областной ГАИ.

Вуліцу Ленінскую ў Магілёве чакае рэканструкцыя – будуць упарадкоўваць яе і дворыкі навокал

Навіна ад

Маштабнае добраўпарадкаванне дваравых тэрыторый і вуліцы Ленінскай на ўчастку ад плошчы Славы да вуліцы Міронава запланаванае ў Магілёве на канец 2024 – пачатак 2025 гадоў. Пачынаючы з сённяшняга дня Магілёўскі гарвыканкам праводзіць грамадскае абмеркаванне экалагічнай складовай часткі праекта. 

Як вынікае з дакумента, апублікаванага на сайце гарвыканкама, рэканструкцыя закране як саму вуліцу Ленінскую (напрыклад, на Пажарным завулку мяркуецца абмежаваць паркоўку), так і дваравыя тэрыторыі абапал. Так, першая чарга ўпарадкавання павінна будзе закрануць тэрыторыю трохкутніка паміж вуліцамі Ленінскай, Першамайскай і Болдзіна. Потым настане чарга дворыкаў паміж Камсамольскай і Пажарным, і далей да дома №26 на Ленінскай вуліцы. 

Фота: mogilev.media

Хутка чакаецца адкрыццё адноўленнага тэатральнага фантана ў Магілёве – з сюрпрызам

Навіна ад

Падчас вясновай перапланіроўкі Камсамольскай вуліцы і сквера Герцана, які неўзабаве вярнуў сабе гістарычную назву Тэатральны, быў дэмантаваны фантан. Зараз вядуцца работы па будоўлі новага.

Плануецца, што фантан будзе адкрыты, калі не на дзень горада, то на пачатку ліпеня.

Фантан упрыгожыць новы твор магілёўца, скульптара Андрэя Вараб’ёва. Вядома, што яго праца будзе прысвечана тэме кахання, але падрабязнасці пакуль не раскрываюцца, каб захаваць інтрыгу.

Тэатральны фантан – улюбёнае месца многіх пакаленняў магілёўцаў. Яшчэ ў 2020 годзе выношваліся планы па стварэнню тут “цэнтра прыцягнення творчых сіл”. Такая ідэя агучвалася тады дырэктарам Магілёўскага драмтэатра Андрэем Новікавам, горача падтрымлівалася тагачасным дырэктарам Музея гісторыі Магілёва Аляксеем Бацюковым, тым больш, што дадзеная пляцоўка ўжо станавілася месцам рэалізацыі асобных мерапрыемстваў. Напрыклад, у 2019 годзе ўдзельнікамі міжнароднага арт-праекта “Магілёў вачыма гасцей” гэты фантан быў творча размаляваны. 

Нагадаем, што Тэатральны сквер вярнуў сваю гістарычную назву на пачатку гэтага лета. Ён месціцца за драмтэатрам – паміж вуліцамі Болдзіна і Камсамольскай – да вуліцы Ленінскай. Гэта найстарэйшы сквер горада, закладваўся ў 1829 годзе пры губернатары М. Мураўёве, як сад. Сквер быў агароджаны, летам у ім граў духавы аркестр. 

Пэўны час сквер называўся Мураўёўскім, у гонар губернатара, душыцеля паўстанняў 1830 і 1863-1864 гадоў. Потым – Тэатральным. У 1917-1919 гадах сквер меў назву Дняпроўскі, у 1919-2023 гадах – імя Герцэна. 

Фота: mogilev.media і mogilevnews.by

Магілёўцы скардзяцца на цёмную Ленінскую па вечарах

Навіна ад

Ліхтары быццам бы і ёсць – пішуць чытачы Магілёў.media – хоць і не ўсе свецяць, але вельмі лакальна і цьмяна.

На фотаздымках, прысланых у рэдакцыю, можна пабачыць, што вечаровае асвятленне пешаходнай вуліцы забяспечваецца рэдкімі і слабымі ліхтарамі. Суцэльнае асвятленне сустракаецца эпізадычна. Значныя часткі вуліцы ў начны час проста правальваюцца ў цемру.

– Светла толькі каля гандлёвага цэнтра “Аліса” – пацвярджаюць нашы чытачы.

 

Праход праз арку каля касцёла ў Магілёве зрабілі інклюзіўным

Навіна ад

Шматлікія мінакі, якія карыстаюцца для праходу аркай на вуліцы Першамайскай каля касцёла  і цырульні “Юнацтва” заўважылі і ацанілі змены, якія адбыліся з дарожным пакрыццём.  

Замест разбітага асфальту, ям з дажджавой вадой, тут з’явіўся інклюзіўны пераход, які злучае двары паміж вуліцамі Ленінская і Першамайская. Канструкцыя уключае металічны каркас і элементы з дрэва і пліткі.  

Са сваім голасам. На магілёўскую пагулянку вяртаюцца музыкі (невялікае відэа)

Навіна ад

Гітары на вуліцах сыходзяць у мінулае, адзначае аўтар здымка і відэа, зробленых у Магілёве на мясцовай пагулянцы.

 

Па ягоных словах на пешаходную вуліцу вяртаюцца музыкі. Іх становіцца ўсё больш. Калі раней, заўважае ён, на вуліцы спявалі пераважна пад гітару, то цяпер даюць канцэрты невялікія музычныя калектывы.

«У вуліцы з’яўляецца свой калектыўны голас. Адметны музычны і непаўторны», – піша магілёвец.

Магілёў запаланілі вайскоўцы. У цэнтры «акапаліся» савецкія салдаты і гітлераўцы

Навіна ад

Горад святкуе афіцыйны Дзень незалежнасці. Урачыстасці трываюць не першы дзень. Кожны куток гарадскога цэнтру адведзены пад імпрэзы.

Сёння, 2 чэрвеня, гараджане пабачылі ў цэнтры апранутых у вайсковае землякоў. Яны прадстаўлялі два варожыя бакі: савецкіх салдат і салдат вермахту. 

Пакуль «на фронце было зацішша» удзельнікі тэатральнай пастаноўкі пакурвалі і пазіравалі фатографам. На сцэне ж дэманстравалі зухаватасць і прагу да перамогі.

«Ваенны» Магілёў гатовы адзначыць Дзень незалежнасці Беларусі.

 

Маладыя магілёўскія музыкі выступілі на пешаходнай вуліцы без прыгляду міліцыі. Выйшла класна. Фотарэпартаж

Навіна ад

Вольную сцэну размясцілі ў падворку музею Бялыніцкага-Бірулі. Раз на год дырэкцыя гэтай установы арганізуе імпрэзу для музыкаў, якія ўжо паспелі сябе паказаць і тых хто толькі выпраўляюцца ў свет па вядомасць.

Распачаў канцэрт маладзёвы духавы аркестр, за ім гралі гітарысты, рок-і-фолькгурты, барды. Спяваліся як вядомыя кампазіцыі, так і песні, напісаныя, літаральна, перад самым канцэртам.

Тут жа працавала выстава, на якой прадавалі значкі з надпісамі па-беларуску.

 

Публіка добразычліва вітала творчасць музыкаў. Атмасфера была разняволенай, нават нязвыкла вальяжнай. Гледачоў, праўда, было не багата, бо рэкламы канцэрту не было.

Ідэя падобных канцэртаў на пешаходнай вуліцы абмяркоўваецца шмат гадоў. Мелодыі вулічных музыкаў ствараюць непаўторны каларыт пешаходнай вуліцы.

Дастаткова дазволу ўлады, каб гарадскі цэнтр стаў па святочнаму адметным. Чыноўнікі ж імкнуцца ўсё кантраляваць.

У выніку ўсе задумы затухаюць, як пра іх абвяшчаюць. Нават спроба БРСМ ажыццявіць праект «Ленінская онлайн» і выцягнуць музыкаў на вуліцу правалілася гадоў 10 таму. 

Свабода творчасці не выносіць дзяржаўнага рэгулявання, яна яму супрацьстаіць.