Tag: кража

Замест марфіна магілёўская медсястра калола пацыентам кафеін – пракуратура

Навіна ад

Пракуратура горада Магілёва накіравала ў суд крымінальную справу ў дачыненні да медыцынскай сястры адной з устаноў аховы здароўя горада. Ёй інкрымінаваны крадзеж асабліва небяспечных наркатычных сродкаў без мэты збыту.

Згодна з матэрыяламі справы абвінавачаная стварала лішкі медпрэпарата «Марфін гідрахларыд». Затым яна адлюстравала выкарыстанне гэтага прэпарата ў медыцынскай дакументацыі, але не ўводзіла яго пацыентам, замяніўшы на кафеін-бензаат натрыю. Звычайна марфін коляць хворым на анкалогію з моцнымі болямі. 

Усяго абвінавачаная выкрала шляхам прысваення не менш як 50 ампул, якія ўтрымлівалі ў сваім складзе асабліва небяспечны наркатычны сродак, дазволены да кантраляванага абароту – марфін.

Акрамя таго, медыцынская сястра захоўвала пры сабе таблетку з небяспечным псіхатропным рэчывам – трамадолам.

Падчас папярэдняга следства жанчына не патлумачыла прычыны свайго ўчынку, ад дачы паказанняў адмовілася.

Фота: Генеральная пракуратура

Бялыніцкія Боні і Клайд абакралі лецішча пенсіянеркі на 32 рублі

Навіна ад

Вынесены прысуд па справе аб крадзяжы ежы і вопраткі з дачнага доміка пенсіянеркі ў Бялыніцкім раёне. Было ўстаноўлена, што злачынства здзейснілі 45-гадовы раней судзімы мужчына і яго 20-гадовая сяброўка. Знаходзячыся ў стане алкагольнага ап’янення, яны ўзламалі дачную хату пацярпелай, адкуль таемна выкралі прадукты харчавання і прадметы адзення на агульную суму 32,34 рублёў, пасля чаго з выкрадзеным зніклі.

Мужчына быў асуджаны на 1 год абмежавання волі без накіравання ў калонію, жанчыне далі поўгады прымусовых прац – піша “Зара над Друццю”.

Фота ілюстрацыйнае

Па следу босай нагі знайшлі вінаватых у крадзяжы ў Слаўгарадскім раёне

Навіна ад

Група гастралёраў з Быхаўскага раёна скрала сена ў суседнім Слаўгарадскім, устанавіць зламыснікаў дапамог след босай нагі.

Сельгаспрадпрыемства Слеўгарадскага раёна выявіла крадзёж некалькіх рулонаў сена, коштам 147 рублёў кожны, каля вёскі Рабінаўка. Аператыўна-следчая група здзейсніла агляд вучасткаў сенажаці, дзе адбыліся злачынствы. Спецыяліст Камітэта судовых экспертыз знайшоў сляды далоняў, транспартных сродкаў і абутку, а таксама след босай нагі на адным з рулонаў сена.

Падчас вышуку было ўстаноўлена, што крадзёж маглі здзейсніць некалькі жыхароў суседняга Быхаўскага раёна. Праз пару дзён чатыры мужчыны ад 16 да 45 гадоў былі затрыманыя на дарозе Слаўгарад-Быхаў, прычым у кузаве грузавіка знаходзіліся тры рулоны скрадзенага сена.

Падчас следчых мерапрыемстваў было высветлена, што сляды рук і абутку належаць мужчынам 25 і 16 гадоў, а след босай нагі (такая экспертыза – рэдкасць для Беларусі) таму ж самаму мужчыне 25 гадоў.

Усяго злодзеі скралі 18 рулонаў сена, кожны раз вывозячы па тры рулоны з поля – піша раённая газета “Прысожскі край”.

Фота: Прысожскі край

Сусед з віламі, пашкоджаныя трэнажоры, скрадзеная водка — тыповыя здарэнні ў магілёўскай глыбінцы

Навіна ад

У аддзел мсціслаўскай міліцыі паступалі розныя паведамленні — ад тэлефонных махляроў да мужчыны з віламі, што крадзе слупы ў суседзяў

Патэлефанаваць у дзяжурную службу мясцовага РАУСа была вымушана жыхарка Мсціслава. Жанчыну абурыла тое, што сусед незаконна вырваў з яе плота слупы і пачаў бегаць па дваровай тэрыторыі з віламі. Яшчэ адна мсціслаўчанка звярнулася ў міліцыю, бо стала ахвярай тэлефонных злачынцаў. Жанчына паведаміла, што пасля размовы па тэлефоне з яе нумара сталі спісваць грашовыя сродкі.

З заявай аб псаванні маёмасці звярнуліся ў праваахоўныя органы і мясцовыя камунальшчыкі. Справа ў тым, што невядомымі быў пашкоджаны трэнажор на спартыўнай пляцоўцы каля дома 39, размешчанага па вуліцы Кірава — паведамляе мсціслаўская раённая газета “Святло кастрычніка”. 

Па ўсіх прыведзеных фактах праводзіцца праверка.

Да адміністрацыйнай адказнасці быў прыцягнуты. 28-гадовы мсціслаўчанін, які ў краме “Капеечка” выкраў бутэльку гарэлкі. Такі ўчынак будзе каштаваць яму ад дзвюх да трыццаці базавых велічынь, гэта значыць ад 75 да 1100 рублёў.

Фота ілюстрацыйнае

Сусед з віламі, пашкоджаныя трэнажоры, скрадзеная водка — тыповыя здарэнні ў магілёўскай глыбінцы

Навіна ад

У аддзел мсціслаўскай міліцыі паступалі розныя паведамленні — ад тэлефонных махляроў да мужчыны з відамі, што крадзе слупы ў суседзяў

Патэлефанаваць у дзяжурную службу мясцовага РАУСа была вымушана жыхарка Мсціслаўля. Жанчыну абурыла тое, што сусед незаконна вырваў з яе плота слупы і пачаў бегаць па дваровай тэрыторыі з віламі. Яшчэ адна мсціслаўчанка звярнулася ў міліцыю, бо стала ахвярай тэлефонных злачынцаў. Жанчына паведаміла, што пасля размовы па тэлефоне з яе нумара сталі спісваць грашовыя сродкі.

З заявай аб псаванні маёмасці звярнуліся ў праваахоўныя органы і мясцовыя камунальшчыкі. Справа ў тым, што невядомымі быў пашкоджаны трэнажор на спартыўнай пляцоўцы каля дома 39, размешчанага па вуліцы Кірава — паведамляе мсціслаўская раённая газета “Святло кастрычніка”. 

Па ўсіх прыведзеных фактах праводзіцца праверка.

Да адміністрацыйнай адказнасці быў прыцягнуты. 28-гадовы мсціслаўчанін, які ў краме “Капеечка” выкраў бутэльку гарэлкі. Такі ўчынак будзе каштаваць яму ад дзвюх да трыццаці базавых велічынь, гэта значыць ад 75 да 1100 рублёў.

Фота ілюстрацыйнае

У Горацкім раёне механізатар спрабаваў выкрасці з поля 3 тоны ячменю

Навіна ад

З поля паблізу вёскі Вялікая Каралеўка Горацкага раёна рабочы сельгасарганізацыі спрабаваў выкрасці больш за 3 тоны збожжа насеннага ячменю – паведамляе МУС.

Устаноўлена, што днём механізатар на грузавой аўтамашыне, якая не належыць гаспадарцы, пад’ехаў да збожжаўборачнага камбайна, на якім працаваў, і ссыпаў у кузаў збожжа. Пасля спрабаваў выехаць з поля з грузам, аднак быў затрыманы супрацоўнікамі міліцыі.

3160 кг збожжа насеннага ячменю агульным коштам больш за 1300 рублёў канфіскаваны і перададзены на захоўванне гаспадарцы.

Заведзена крымінальная справа.

Фота: МУС.

Магілёўцы скралі дарагі алкаголь у краме

Навіна ад

У Магілёве ў адной з прадуктовых крамаў быў выкрадзены дарагі алкаголь на буйную суму – паведамляе МУС.

Сышчыкі высветлілі, што да крадзяжу маюць дачыненне два прыяцелі 22 і 20 гадоў. Маладыя людзі загадзя дамовіліся, што прыйдуць у краму па спіртное, але плаціць не стануць.

Яны зайшлі ўнутр гандлёвага памяшкання, у прадуктовы кошык паклалі бутэлькі, а пасля адышлі далей ад касы, каб перакласці алкаголь у заплечнікі. Калі маніпуляцыі былі завершаны, хлопцы пакінулі краму, не заплаціўшы. Пазней алкаголь яны перапрадалі.

Узбуджана крымінальная справа.

Фота: скрыншот МУС.

У Магілёўскім раёне механізатар скраў угнаенні на 3 тысячы рублёў

Навіна ад

Падчас агляду дома 39-гадовага жыхара Магілёўскага раёна супрацоўнікі міліцыі знайшлі каля дзясятка каністраў угнаенняў – паведамляе УУС.

Высветлілася, што ўгнаенні мужчына выкраў з сельгаспрадпрыемства, дзе ён працуе механізатарам.

Агульная сума ўрону склала 3425 рублёў. Угнаенні вернуты ў гаспадарку.

Па факце крадзяжу следчымі ўзбуджана крымінальная справа.

Фота: УУС

У магілеўчанкі скралі дарагі ровар

Навіна ад

У жыхаркі Магілёва быў выкрадзены ровар у фае аднаго з інтэрнатаў – паведамляе прэс-служба УУС.

Сышчыкі высветлілі, што на ровары з’ехаў нецвярозы 40-гадовы рабочы аднаго з прадпрыемстваў горада, раней ужо неаднаразова судзімы за крадзяжы і рабаванні. Праз некаторы час ён зламаў чужую маёмасць, упаўшы з яе, а пасля схаваў ровар у кустах, спадзеючыся пазней вярнуцца за ім і перапрадаць.

Цяпер выкрадзенае вернута ўладальніцы, у дачыненні да фігуранта ўзбуджана крымінальная справа.

Фота: УУС

Начальніца аддзела ў крычаўскай бальніцы прыпісвала сабе рабочы час, скраўшы амаль 700 рублеў

Навіна ад

Загадчык аддзела прававой і кадравай работы крычаўскай раённай бальніцы ўносіла недакладныя звесткі ў табель уліку працоўнага часу, учыніўшы такім чынам крадзеж амаль у 690 рублёў.

Падчас расследавання ўстаноўлена, што жанчына з карыслівых памкненняў, каб завалодаць грашовымі сродкамі, выкарыстоўвала службовыя паўнамоцтвы па складанні графікаў працоўнага часу і табеляў уліку працоўнага часу і з канца студзеня па канец ліпеня 2022 складала графікі і табелі, у якіх пазначала загадзя ілжывыя звесткі аб адпрацаваным ёй працоўным часе.

Такім чынам яна ўчыніла крадзеж на агульную суму 689,7 руб.

А каб схаваць ад супрацоўнікаў міліцыі гэты крадзёж, унесла загадзя ілжывыя звесткі ў загад галоўнага доктара ўстановы аб аб’яўленні ёй працоўных дзён і адгулаў – паведамляе раённая газета “Крычаўскае жыццё”.

Суд пастанавіў прызначыць работніцы раённай бальніцы пакаранне ў выглядзе пазбаўлення волі тэрмінам на 2 гады са штрафам у памеры 50 базавых велічынь і пазбаўленнем права займаць пасады, звязаныя з арганізацыйна-распарадчымі абавязкамі, тэрмінам на 5 год з адтэрміноўкай на адзін год.

Фота ілюстрацыйнае