Відэаролік з жывёлай запісаў аўтамабіліст на ўчастку дарогі паміж вёскамі Шапялевічы і Падар. Цяпер відэа разыходзіцца па сацыяльных сетках.
Як бачна на відэа, малады мядзведзь перасякае дарогу і, заўважыўшы аўтамабіль, хаваецца ў лесе.
Мядзведзі на Магілёўшчыне не рэдкасць. Самая буйная іх папуляцыя жыве ў межах і навокал Бярэзінскага біясфернага запаведніка. Мясціна размяшчаецца на мяжы Віцебскай і Мінскай абласцей.
З гэтай лакацыі мясцовыя мядзведзі часта разыходзяцца па лясах Кругляншчыны, Клічаўшчыны, Бялыніччыны.
Усяго на Беларусі пастаянна жыве менш за 100 мядзведзяў. Прычым колькасць папуляцыі мяняецца мала – каля 100 асобін мядзведзяў рэгістравалася ў БССР у 1927 годзе, у 1989-ым годзе – 107 па ўсёй краіне за выключэннем Бярэзінскага запаведніка (у ім – яшчэ каля 20).
На сённяшні час дадзеныя пра папуляцыю мядзведзяў у Беларусі розняцца. Так, Нацыянальны статыстычны камітэт рэгістраваў у 2019 годзе ўсяго 19 мядзведзяў на ўсю Беларусь, у той час як біёлагі Бярэзінскага запаведніка налічвалі ў гэты ж самы час 84 асобіны на тэрыторыі аднаго толькі запаведніка і ў прылеглых мясцінах.
Паводле Міністэрства ўнутраных спраў комплексны падыход у супрацьдзеянні педафіліі дазволіў выявіць 131 злачынства супраць палавой недатыкальнасці непаўналетніх і выкрыць 80 педафілаў.
Паведамленне ў тэлеграм-канале ведамства аб выніках такой працы праілюстраваныя гісторыяй сексуальнага гвалту ў Гродненскай вобласці.
Ахвярай педафіла, як адзначаецца, стала 10-гадовая дзяўчынка. На змену яе паводзінаў звярнулі ўвагу педагогі і паінфармавалі міліцыю. Падазраваны быў затрыманы і супраць яго ўзбуджана крымінальная справа.
Падкрэсліваецца, што выяўленне гэтага факту стала магчымым, дзякуючы «комплексу мерапрыемстваў па супрацьдзеянні злачынствам, звязаным з сексуальным гвалтам у адносінах дзяцей”.
Раней міліцыя паведамляла, што за першыя чатыры месяцы ў Беларусі выяўлена 390 злачынстваў супраць палавой недатыкальнасці, альбо свабоды непаўналетніх. Падазраванымі прызнаныя 214 чалавек.
Ад іх дзеянняў пацярпелі 358 дзяцей. На аднаго педафіла практычна прыходзіцца па дзве ахвяры, указвалі міліцыянты.
Упаўнаважаны ў справах рэлігіяў і нацыянальнасцяў Аляксандр Румак паведаміў, што ў 2021 годзе беларускім дыяспарам была аказана дапамога на 42 тысячы рублёў. Па цяперашнім курсе – гэта 15 260 долараў.
У 2021 годзе ўлады ліквідавалі Згуртаваньне беларусаў замежжа “Бацькаўшчына”.
Румак: для нас важна, каб беларусы адчувалі сувязь са сваёй Радзімай
Аляксандр Румак адзначае, што на фінансавую дапамогу з гістарычнай радзімы беларусы замежжа набылі нацыянальныя строі. Іх прыдбалі беларускія грамады Літвы, Латвіі, Малдовы, Іярдану, Казахстану, а таксама беларускія арганізацыі Расіі. Акрамя таго, дыяспарам была перададзена беларускамоўная літаратура і нацыянальная сімволіка.
Па ягоных словах нацыянальнае адзенне дапамагае прэзентаваць беларускую культуру і традыцыі ў тых краінах, дзе пражываюць суайчыннікі.
«У 2022 годзе гэтая праца будзе працягнецца. Для нас важна, каб беларусы, нягледзячы на тое, што жывуць далёка за межамі краіны, адчувалі сувязь са сваёй Радзімай», цытуеАляксандра Румака газета «СБ. Беларусь сегодня».
Згуртаванне беларусаў свету «Бацькаўшчына» – імкнулася кансалідаваць беларусаў на радзіме і замежжы.
У 2021 годзе, пра які згадвае Аляксандр Румак, Вярхоўны суд ліквідаваў Згуртаванне беларусаў свету «Бацькаўшчына». Гэта было адно з найстарэйшых міжнародных аб’яднанняў краіны.
Яго дзейнасць была скіраваная на кансалідацыю беларусаў на радзіме і замежжы, умацаванне беларускай нацыянальнай ідэнтычнасці. Яно бараніла правы і інтарэсы беларусаў у замежжы.
Дзякуючы яму ў 2014 годзе быў прыняты закон «Аб беларусах замежжа», а З’езды беларусаў свету станавіліся агульнанацыянальнай платформай для абмеркавання актуальных для Беларусі і яе замежжа пытанняў і праблем.
Ліквідаванне рэжымам Лукашэнкі Згуртавання адбылося ў межах распачатай пасля пратэстаў 2020 году кампаніі вынішчэння арганізацыяў грамадзянскай супольнасці Беларусі.
Новыя абмежаванні закрануць пастаўкі металаў, сектар фінансавых паслуг, экспарт высокатэхналагічнай прадукцыі і прамысловага абсталявання.
Пакет абмежавальных мер уключае забарону на імпарт і экспарт тавараў на суму каля 60 млн фунтаў стэрлінгаў, піша выданне Myfin, спасылаючыся на пастанову ўраду Вялікабрытаніі.
Уводзіцца эмбарга на імпарт з Беларусі жалеза і сталі. У Беларусь з Вялікабрытаніі забароняць пастаўляць нафтапрадукты, найноўшыя тэхналагічныя распрацоўкі (у тым ліку тыя, што выкарыстоўваюцца для квантавых вылічэнняў), а таксама прадметы раскошы, сярод якіх значацца творы мастацтва і дызайнерскія сумкі.
Вялікабрытанія абмяжоўвае доступ Беларусі да сектару фінансавых паслуг: кампаніям будзе забаронена выпускаць каштоўныя паперы і даўгавыя абавязальніцтвы на Лонданскай фондавай біржы.
На нацыянальным прававым інтэрнэт-партале апублікаваная пастанова ўраду, у якой пазначаныя кампаніі, якім забаронена прадаваць акцыі без дазволу ўлады.
“Дзеля прадухилення выводу капиталу”
У ёй гаворыцца, што іх інвестарамі, ці ўладальнікамі з’яўляюцца юрыдычныя асобы з замежных дзяржаваў, дзеянні якіх недружалюбныя ў адносінах да Беларусі.
«Для абароны інтарэсаў Рэспублікі Беларусь акцыі блакуюцца на рахунках »дэпо» іх уладальнікаў згодна са спісам на падставе прадпісання Міністэрства фінансаў аб накладанні абмежаванняў у выкарыстанні каштоўнымі паперамі », – адзначана ў пастанове ўраду.
Яна прынятая ў рамках сакавіцкага ўказа «Аб дадатковых мерах па забеспячэнні стабільнага функцыянавання эканомікі» з «мэтай прадухілення вываду капіталу з краіны».
У спісе 190 прадпрыемстваў. Чатыры – з Магілёўскай вобласці
– Акцыянерам Магілёўскага металургічнага камбінату зʼяўляцца кампанія «Caraglen Investments Limited» з Гібралтару.
– У Бабруйскі мясакамбінат уклаў сродкі грамадзянін Латвіі Леанід Абраменка.
– Інвестарам горацкага камбінату «Малочныя горкі» зʼяўляецца латвійская кампанія «Экспанента».
– «Крычаўскі завод жалезабетонных вырабаў», мае інвестара з Чэхіі. У прадпрыемства ўклала сродкі кампанія KASI.
Наступствы санкцыяў
Супраць Беларусі за падтрымку расійскай агрэсіі ва Ўкраіне і пераслед удзельнікаў пратэстаў 2020 году краінамі Еўрапейскага Саюзу, ЗША і іншымі ўведзеныя санкцыі. Паводле першага віцэ-прэмʼера краіны Мікалая Снапкова, яны «закранулі каля 20% беларускай эканомікі і прывялі да зніжэння ВУП Беларусі ў студзені – красавіку на 2,1%»: з-за іх толькі сёлета эканоміка Беларусі рызыкуе недаатрымаць $14 млрд экспартнай выручкі.
Раённы выканаўчы камітэт абвясціў каранцін па шаленстве на тэрыторыі аграгарадка Макеевічы, паведамляе газета “Родная ніва”. Характэрна, што з году ў год Клімавіцкі раён становіцца адным з самых небяспечных па распаўсюджанасці шаленства сярод жывёл.
У 2021 годзе ў Клімавіцкім раёне былі зарэгістраваныя пяць выпадкаў шаленства ў дзікіх і свойскіх жывёл – лісы, янота, бадзяжнага і хатняга сабак, каровы на малочна-таварнай ферме – паведамляе раённы цэнтр эпідэміялогіі.
У 2014 годзе ў гэтым жа раёне было зафіксавана13 выпадкаў шаленства.
Грамадскі дзеяч, буйны землеўласнік кіраўнік паўстання 1863-1864 гадоў на Міншчыне.
Нарадзіўся ў сям’і буйнога землеўласніка Мазырскага павета Мінскай губерні.
Адмовіўся падпісаць вернападданства расійскаму цару Аляксандра II, што рабіла мясцовае дваранства ў 1863, і быў арыштаваны.
Пакараны 15 гадамі катаргі ў Сібіры. Былі канфіскаваны ўсе яго маёнткі, якія пасля планавалася прадаць альбо ўзнагародзіць бясплатна расійскіх афіцэраў, што прымалі ўдзел у здушэнні паўстання.
wikimedia.org
5 ліпеня 1901 года нарадзіўся Уладзімір Вараксін.
Архітэктар, Заслужаны будаўнік БССР.
Сярод яго праектаў: будынак педтэхнікума ў Крычаве (цяпер школа №1), кінатэатр «Радзіма», комплекс будынкаў прамкамбіната, жылы пасёлак аўтарамонтнага заводу ў Магілёве.
bis.nlb.by
5 ліпеня 1938 года расстраляны Юрый Лістапад.
Настаўнік, кіраўнік беларускага руху на Случчыне, удзельнік Слуцкага збройнага чыну. Блізкі сябар Якуба Коласа.
Актыўна ўдзельнічаў у працы слуцкіх беларускіх арганізацый.
Неаднаразова арыштоўваўся органамі савецкай улады. 31 сакавіка 1938 «тройкай» НКУС за «антысавецкую агітацыю сярод зняволеных» прыгавораны да расстрэлу. Рэабілітаваны 16 ліпеня 1956 годзе.
wikimedia.org
5 ліпеня 1938 года ў Магілёве створаны Цэнтральны гістарычны архіў.
У былі захоўваліся ўсе дакументы з тэрыторыі БССР да 1917 году Архіў размяшчаўся ў будынку каталіцкага сабора Унебаўзяцця Найсвяцейшай Дзевы Марыі і Святога Станіслава. Гэта ўратавала святыню ад разбурэння. Храм страціў частку роспісаў, рэдкі арган.
У 1963 годзе Цэнтральны дзяржаўны гістарычны архіў быў пераведзены ў Мінск, а ў будынак касцёлу пераехаў Дзяржаўны архіў Магілёўскай вобласці.
Цяпер Дзяржаўны архіў вобласці знаходзіцца на вуліцы Чалюскінцаў.
planetabelarus.by
5 ліпеня 1969 года адбылося адкрыццё мемарыяльнага комплексу «Хатынь».
Мемарыял паўстаў на месцы знішчанай гітлераўцамі 22 сакавіка 1943 году разам з жыхарамі вёскі Хатынь.
Комплексам «Хатынь» ушанаваная памяць аб 186 спаленых з жыхарамі вёсак, якія не аднавіліся пасля вайны і 433 паселішчах, знішчаных з жыхарамі, але адроджаных па вайне.
Таксама аб ахвярах 66 лагераў смерці і месцаў масавага знішчэння грамадзян.
sportedu.by
5 ліпеня 1965 года нарадзілася Людміла Рублеўская.
Паэтэса, пісьменніца, літаратурны крытык.
Працавала ў газетах «Наша слова», «Літаратура і мастацтва». Аўтарка папулярнай серыі раманаў «Авантуры Пранціша Вырвіча». Яе гісторыяцэнтрычныя творы параўноўваюць з «меладраматычнымі інтэрпрэтацыямі» мастацкіх ідэй Уладзімера Караткевіча.
wikimedia.org
5 ліпеня 1970 года нарадзіўся Андрэй Лукашэвіч.
Беларускі гісторык, картограф.
Даследчык ваеннай і палітычнай гісторыі Беларусі, Расіі і Польшчы XVIII-пачатку XX стагоддзяў.
Аўтар больш за 300 навуковых, навукова-метадычных і навукова-папулярных артыкулаў аб напалеонаўскіх войнаў, 1-й сусветнай вайне, фармаванні і ахове заходняй мяжы Расійскай імперыі, дзейнасці службаў разведкі і контрразведкі.
nashi-lyudi.by
5 ліпеня 1996 года пайшоў з жыцця Васіль Вітка (Цімох Крысько).
Паэт, перакладчык, драматург, класік беларускай дзіцячай літаратуры.
У час сталінскіх рэпрэсій, у 1937 годзе быў выключаны з камсамолу і выгнаны з рэдакцыі «Чырвонай змены» «за страту пільнасці і лібералізм».
Узначальваў рэдакцыі газеты «Літаратура і мастацтва», часопісу «Вясёлка».
Паводле ўспамінаў унучкі, Юліі Чарняўскай, пасля рэферэндуму аб змяненні дзяржаўнай сімволікі, ініцыяванага Лукашэнкам, Васіль Вітка напісаў верш. Яго перасталі друкаваць, а па смерці не ўдалося дамагчыся ўсталявання мемарыяльнай дошкі на доме, дзе жыў.
wikimedia.org
У публікацыі выкарыстаныя звесткі з рэсурсу “Вікепедыя” і іншых адкрытых у інтэрнэце крыніц
На яе месцы выкапаны катлаван пад новы корпус. Разбурэнне старых шпітальных будынкаў выклікала неадназначную рэакцыю краязнаўцаў і шараговых магілёўцаў.
Старажылы крытыкавалі планы знішчэння старых карпусоў
Будаўніцтва новага корпусу наспела даўно, бо шпіталю 220 гадоў, і аднаўляць матэрыяльную базу было неабходна. Крытых пераходаў паміж старымі будынкамі не было. Гэта абцяжарвала аказанне паслуг, замінала аператыўнасці ўзаемадзеяння.
Праектанты, відаць, палічылі, што новыя карпусы дазволяць размясціць у ім усе асноўныя службы і падраздзяленні больніцы, што створыць камфортныя ўмовы працы для медперсаналу і знаходжання пацыентаў.
Разам з тым, іх будаўніцтва выклікала неадназначную рэакцыю магілёўцаў. Старажылы крытыкавалі планы знішчэння старых карпусоў, хай сабе і не ўнесеных у спіс гісторыка-культурных каштоўнасцяў.
Тэрыторыю вінзавода хацелі аддаць больніцы
«Тэрыторыя шпіталя складвалася досыць хаатычна з 1802 года, – распавядае доктар, які адпрацаваў у шпіталі больш за 40 гадоў. – Двор быў забудаваны несіметрычна лячэбнымі і гаспадарчымі будынкамі. Але ў гэтай неўпарадкаванасці была свая прывабнасць».
Суразмоўца параўноўвае іх з старой забудовай Прагі і Вільні, дзе «блытаніна вуліц і ёсць той самай прывабнасцю».
«Навошта было знішчаць старое, калі праз плот тэрыторыя вінзаводу, якую раней планавалі аддаць больніцы?», – пытаецца ён.
Знішчана гістарычная мясціна ў цэнтры гораду
Да меркаванняў мясцовых краязнаўцаў звыкла не прыслухаліся. У выніку 4 старыя шпітальныя карпусы бязлітасна знеслі.
«Яны, вядома ж, патрабавалі рамонту, былі шэрыя і нудлівыя, – згадвае пацыентка, якая лячылася ў больніцы, – Але хворыя любілі ў добрае надвор’е адпачываць у двары, ад якога мала што цяпер засталося. Ім падабалася хадзіць па тых крывых пераходах».
«Нават са зламанай нагой выходзіла, – дадае яна. – Будынкі былі не надта высокія, суразмерныя з людзьмі. Вока адпачывала…».
Са старымі карпусамі звязана шмат добрых гісторый пра аказанне дапамогі пацыентам, пра нашых старых дактароў, а ў новых яны яшчэ толькі будуць нараджацца, – кажуць медсёстры больніцы.
Пакуль вынік будаўніцтва – знішчэнне даўно сфармаванай мясціны ў цэнтру гораду. Якімі будуць новыя карпусы пакажа толькі час.
Высшие учебные заведения Могилева замерли в ожидании абитуриентов. Те в свою очередь готовятся стать студентами. А сколько будет стоить дорога к высшему образованию.
Журналисты “Вечернего Бобруйска” поинтересовались этим вопросом и выяснили цены в двух популярных вузах областного центра. Исследователи предупреждают: цены могут измениться.
Дело в том, отмечают они, что университеты, чтобы не отпугивать абитуриентов, как правило, стараются особо не афишировать стоимость обучения до августа. А вот в августе может ждать сюрприз…
Вагоны трапілі ва Ўкраіну і выкарыстоўваліся з парушэннем мытнага заканадаўства.
Украінская пракуратура паведаміла пра арышт маёмасці Беларусі і Расіі коштам у 360 мільёнаў грыўнаў (12 305 630 долараў ЗША). Яе ўладальнікі не называюцца.
Паводле паведамлення ў тэлеграм-канале ведамства, арыштаваныя чыгуначныя кантэйнеры, а таксама вагоны, наладаваныя мінеральнымі ўгнаеннямі. Як сцвярджаецца яны трапілі ва Ўкраіну і выкарыстоўваліся з парушэннем мытнага заканадаўства.
Санкцыянаваны арышт на падставе рашэнняў Шаўчэнкаўскага суду Кіева. Дасудовае следства вядзецца за сумыснае ўхіленне ад сплаты падаткаў у асабліва буйных памерах.
