Category: Навіны

В Могилеве мужчина залез в окно детского сада и вынес оттуда ноутбук

Навіна ад

Работница детского сада рассказала, что из ее служебного кабинета в одном из детских садов города был похищен ноутбук и комплектующие к нему.

Чужое имущество унес 42-летний гражданин, ранее уже судимый за совершение хулиганства, кражи и грабежа. На этот раз мужчина прогуливался вечером по городу в состоянии алкогольного опьянения.

Обратив внимание на детский сад, он отжал створку окна и залез внутрь. В начале мужчина попал в зал, где были лишь мягкие игрушки, но со второй попытки он оказался в служебном кабинете, откуда и унес технику. Перепродать могилевчанин чужое имущество не успел – был задержан правоохранителями.

В отношении фигуранта следователями возбуждено уголовное дело – говорится в сообщении МВД.

Фото: скриншот МВД.

У Крычаве ўсталявалі новы памятны знак з нагоды 100-годдзя чыгуначнай станцыі

Навіна ад

Памятны знак да стагоддзя станцыі Крычаў урачыста адкрылі 8 снежня ля будынку станцыі. Але парадокс у тым, што чыгунка ў Крычаве з’явілася раней. 

Спачатку ўсіх прысутных — ганаровых гасцей, работнікаў і ветэранаў прывітаў паравоз, які прайшоў па дарозе і даў некалькі ўрачыстых гудкоў. 

Пасля адбылося ўрачыстае адкрыццё памятнага каменя, на які прымацавана невялікая жалезная шыльдачка з тлумачальным надпісам. Чырвоную стужку на адкрыцці перарэзалі першы намеснік начальніка магілёўскага аддзялення беларускай чыгункі Алег Болбас, начальнік станцыі Крычаў І Сяргей Скачкоў, ветэран працы і ганаровы чыгуначнік Ірына Курачкіна. Апошняя між іншым яшчэ і прамаўляла на публіку, дзелялася сваімі ўспамінамі пра працу, і давала параду сённяшнім супрацоўнікам крычаўскай чыгункі — паведамляе раённая газета “Крычаўскае жыццё”.

Ад рэдакцыі. Сапраўды афіцыйным адкрыццём крычаўскай чыгуначнай станцыі лічыцца 1923 год, аднак першы рабочы цягнік у горад прыбыў яшчэ ў 1921 годзе. Гэта значыць, што ў гэты час чыгуначныя шляхі ў горадзе ўжо былі. Больш за тое, першы здымак драўлянага чыгуначнага вакзала Крычава датуецца 1922 годам, пра што пісалі mogilev.media.

Пагэтаму ўзнікаюць пытанні наконт гістарычнай правільнасці гэтага памятнага знака, бо магчыма 100-годдзе чыгуначнай станцыі Крычава трэба было адзначаць на адзін ці два гады раней.  

Фота “Крычаўскае жыццё”, з адкрытых крыніц.

У Бабруйску таксі сутыкнулася з трактарам

Навіна ад

У пятніцу, 8 снежня, у Бабруйску адбылося дарожна-транспартнае здарэнне – сутыкнуліся таксі Renault Logan і трактар з маніпулятарам.

Аварыя здарылася а другой гадзіне дня на вуліцы Якуба Коласа. У выніку сутыкнення аўтамабіль атрымаў сур’ёзныя механічныя пашкоджанні памята правае задняе крыло, дэфармаваны дзверы і вечка багажніка. Па папярэдніх дадзеных, людзі не пацярпелі.

Фота: komkur info

В Могилеве с 11 декабря появится новая маршрутка

Навіна ад

С 11 декабря в Могилеве организованы городские автомобильные перевозки пассажиров в регулярном сообщении по маршруту № 5ТК – сообщили в горисполкоме.

Движение будет организовано по следующей схеме: ул. Орловского — ул. Якубовского — перекресток ул. Якубовского/ул. Б.Бирули — ул. Якубовского — ул. Пысина — ул. Якубовского (дублер) — ул. Космонавтов — ул. Челюскинцев — ул. Комсомольская — ул. Первомайская — пр-т Мира — ул. Ленинская — ул. Крупской — ул. Стасова — ул. Калужская — ул. Березовская — ул. Крупской — пер. Владимирова — ул. Гришина — ул. Крупской — ул. Ленинская — пр-т Мира — ул. Якубовского — ул. Орловского.

Время работы (возможны корректировки): понедельник — пятница с 6:30 до 21:30, суббота с 8:00 до 21:00, воскресенье — выходной. Интервал движения (ориентировочно) 60 минут.

Фото иллюстративное.

Конкурс на лепшую навагоднюю цацку праходзіць ў Магілёве

Навіна ад

Прыняць удзел у творчым спаборніцтве могуць усе ахвочыя: дзеці і іх бацькі, навучэнцы адукацыйных устаноў і цэнтраў пазашкольнай работы, дарослыя (педагогі, выхавальнікі).

Каб стаць удзельнікам конкурсу, неабходна ў тэрмін да 15 снежня вырабіць ёлачную навагоднюю цацку і прадставіць яе на разгляд конкурснай камісіі ў парк у Падміколлі. Да працы трэба прыкласці інфармацыю аб удзельніку. Конкурсныя работы будуць размешчаны на навагодняй ёлцы ў парку.

Як распавялі на прадпрыемстве «Магілёўзелянбуд», які выступае арганізатарам конкурсу, навагоднія цацкі могуць быць выкананы са шчыльнай каляровай паперы, тканіны, кардону, нітак, фетру, разнастайных падручных матэрыялаў, пажадана, каб памер ёлачнага ўпрыгожвання быў ад 45×25 см. Цацка абавязкова павінна мець завесы. , прышчэпкі або клямкі для мацавання да ёлачных галін. Форма створанай працы можа быць любой (шарык, кубік, лялька, ліхтарык, казачны персанаж).

Конкурсныя работы павінны адпавядаць святочнай навагодняй тэматыцы, быць трывалымі і бяспечнымі. Улічваць члены журы будуць таксама арыгінальнасць мастацкага дызайну, крэатыўнасць, якасць мацавання і эстэтычнасць працы.

Пераможцаў вызначаць у некалькіх намінацыях (калектыўныя работы дашкольных устаноў адукацыі; калектыўныя работы ўстаноў адукацыі; сямейныя работы і работы сяброў Парка), узнагародзяць дыпломамі, граматамі і навагоднімі падарункамі. Аўтар лепшай ёлачнай цацкі будзе ўзнагароджаны навагодняй елкай у кадцы.

Падвядзенне вынікаў конкурсу і ўзнагароджанне пераможцаў запланавана на 18 снежня. Мерапрыемства адбудзецца на цэнтральнай алеі парка ў Падміколле.

Фота: Магілёўскія Ведамасці.

У Магілёве з 11 снежня часова абмяжуюць уезд на паркоўку ў раёне вуліцы Ленінскай

Навіна ад

У сувязі з правядзеннем гарадскіх навагодніх і калядных мерапрыемстваў з 8.00 11 снежня па 20.00 19 студзеня будзе забаронена стаянка транспартных сродкаў у раёне дамоў №№ 19, 21 на вуліцы Ленінскай у Магілёве. Пра гэта паведамілі ў гарвыканкаме.

Фота ілюстрацыйнае.

Псеўда-трэйдары падманулі магілёўца на 60 тысяч рублёў

Навіна ад

68-гадовы прадпрымальнік стаў ахвярай інтэрнэт-ашуканцаў – паведамляе МУС.

Дырэктар фірмы вырашыў інвеставаць у крыптавалюту і знайшоў у інтэрнэце прыдатную аб’яву. Для пачатку дзейнасці яму прапанавалі ўсталяваць на тэлефон дадатак выдаленага доступу і перавесці на платформу 310 рублёў. Мужчына так і зрабіў, плюс да ўсяго паведаміў рэквізіты сваёй банкаўскай карты.

Два тыдні ён здзяйсняў “выгодныя здзелкі” на невялікія сумы, пасля чаго атрымаў прапанову ўкласціся па-буйному і перавёў на ўказаны рахунак пяць тысяч долараў. Затым зноў былі “паспяховыя таргі” і яшчэ вялікія ўкладанні. Калі бізнэсмэн вырашыў вывесці заробленае, яму паведамілі, што гэта немагчыма, і трэба працягваць інвеставаць. Пацярпелы зразумеў, што яго ашукалі і стаў патрабаваць вярнуць укладанні, аднак суразмоўца перастаў выходзіць на сувязь.

Агульны ўрон склаў звыш 60 тысяч рублёў.

Следчымі ўзбуджана крымінальная справа за крадзеж шляхам мадыфікацыі камп’ютарнай інфармацыі ў асабліва буйным памеры.

Фота ілюстрацыйнае.

У Хоцімску атруцілася школьніца – яна ў рэанімацыі

Навіна ад

Паводле інфармацыі Следчага камітэта, 6 снежня ў бальніцу ў непрытомным стане дастаўлена 12-гадовая дзяўчынка з прыкметамі атручэння алкаголем.

Устаноўлена, што напярэдадні вечарам яе маці разам з сужыцелем і знаёмым сям’і распівалі спіртное. Перыядычна кампанія дарослых выходзіла на балкон пакурыць. Дзеці, якіх у сям’і пяцёра, заставаліся ў кватэры. Толькі раніцай наступнага дня мужчына звярнуў увагу, што старэйшая падчарыца знаходзіцца ў несвядомым стане і неадкладна выклікаў хуткую, – паведамляе СК.

Дзяўчынка знаходзіцца ў рэанімацыі, яе стан ацэньваецца як цяжкі.

Атрымана інфармацыя, што сям’я знаходзіцца ў сацыяльна-небяспечным становішчы, зараз вырашаецца пытанне аб адабранні дзяцей.

Па дадзеным факце следчыя праводзяць праверку.

Фота: Следчы Камітэт.

У Магілёве быў затрыманы п’яны кіроўца маршруткі

Навіна ад

Каля сямі раніцы на вуліцы Астроўскага ў Магілёве інспектары ДПС спынілі маршрутнае таксі Volkswagen. У мікрааўтобусе знаходзіліся пасажыры звыш колькасці, прадугледжанай канструкцыяй транспартнага сродку.

Пры вынясенні папярэджання за парушэнне правілаў перавозкі пасажыраў у супрацоўнікаў ДАІ выклікала падазрэнне фізічны стан вадзіцеля. Агляд паказаў наяўнасць 1,1 праміле алкаголю ў парах выдыханага паветра – гаворыцца ў паведамленні ДАІ.

За кіраванне транспартам у нецвярозым стане надыходзіць адміністрацыйная адказнасць у выглядзе пазбаўлення права кіравання тэрмінам да 5 гадоў і штрафу да 200 базавых велічыняў.

Фота: скрыншот ДАІ.

Магіляўчанка хацела купіць абутак праз інтэрнэт, але ў выніку пазбавілася грошай

Навіна ад

39-гадовая магіляўчанка была ашукана ў інтэрнэце – яе падмануў 21-гадовы жыхар Гомеля, раней ужо судзімы за махлярства.

Калі хлопцу ў чарговы раз спатрэбіліся грошы, ён размясціў аб’яву аб продажы нібыта фірмовага спартыўнага абутку.

Калі магіляўчанка дамовілася аб пакупцы, ён папрасіў скінуць яму на карту грашовы заклад, каб быць упэўненым у тым, што пакупніца не перадумае. Апошняя так і зрабіла, аднак не дачакалася ні пасылкі, ні грошай: гамяльчанін заблакаваў мясцовую жыхарку, перастаў адказваць на яе паведамленні і званкі, выдаліўшы аб’яву.

У дачыненні да фігуранта следчымі ўзбуджана крымінальная справа – паведамляе МУС.

Фота ілюстрацыйнае.