Category: Навіны

У Клімавічах змагаюцца з гвалтам да дзяцей, забыўшыся на лукашэнкаўскі наказ

Навіна ад

У Клімавічах актыўна змагаюцца з гвалтам у дачыненні да дзяцей. Такую выснову можна зрабіць з паведамленняў раённай прэсы. Незразумелым застаецца адно – чаму мясцовыя органы ўлады не кіруюцца словамі свайго галоўнага начальніка адносна выхавання непаслухмяных дзяцей.

“У Клімавіцкім раёне праводзіцца акцыя “Не – жорсткасці і гвалту ў свеце дзяцінства!”. Пад такім загалоўкам апублікаваны артыкул на сайце клімавіцкай “Роднай нівы” 14 красавіка 2025 года. Акцыя праводзіцца ў рамках аналагічнага абласнога мерапрыемства, гаворыцца там. 

“Задачамі дадзенай штогадовай акцыі з’яўляюцца папярэджанне фактаў гвалту і жорсткасці ў дачыненні да дзяцей, у тым ліку злачынных дзеянняў, звязаных з палавой недатыкальнасцю непаўналетніх; павышэнне ўзроўню інфармаванасці насельніцтва па дадзеных праблемах; тлумачэнне адказнасці, прадугледжанай заканадаўствам, за супрацьпраўныя дзеянні ў дачыненні да дзяцей; распаўсюджванне станоўчага вопыту сямейнага выхавання” – цытуе выданне дырэктара Клімавіцкага сацыяльна-педагагічнага цэнтра Алу Ларыёнаву.

Некалькімі днямі раней, а дакладней 11 красавіка 2025 года, газета пісала пра тое, што ў рамках акцыі «Сям’я без гвалту» прадстаўнікі службаў раёна на чале з інспектарам па справах непаўналетніх Юліяй Дабродзькінай наведалі шэраг сем’яў, якія стаяць на ўліку як тыя, што знаходзяцца ў сацыяльна небяспечным становішчы.

І хоць “у наведаных сем’ях у большасці выпадкаў абышлося без сур’ёзных заўваг”, тым не менш “вельмі сумна бачыць такое, калі бацькі не выконваюць сваіх абавязкаў і ўласнае задавальненне ставяць вышэй клопату пра дзіця”.

А вось што раіў Лукашэнка

Бывае, што дзеці паводзяць сябе дрэнна. Але, калі не займацца ўсякага роду акцыямі, а прыслухацца да слоў таго, хто кіруе ў РБ, то праблему можна вырашыць хутка і кардынальна.

Яшчэ шэсць гадоў таму ён настаўляў бесталковых чыноўнікаў (а разам з імі і ўсіх грамадзян РБ), якія звольнілі гомельскую настаўніцу малодшых класаў за тое, што яна накрычала на вучня чацвёртага класа, пагражаючы забіць яго. Іншыя вучні знялі на відэа пагрозы настаўніцы і выклалі запіс у інтэрнэт. У  выніку выбухнуў скандал. 

“Паехалі, зладзілі разборкі, сабралі знізу даверху начальнікаў. Апісаліся, што ў іх, бачыце, у сацыяльных сетках размясцілі. А апісаўшыся, узялі і пакаралі гэтага беднага настаўніка. Ды я на месцы гэтага настаўніка галаву б адвярнуў шчанюку нейкаму” – цытуе Лукашэнку яго афіцыйны сайт.

Настаўленне канкрэтнае – трэба “адварочваць галовы шчанюкам”, а не акцыі супраць гвалту розныя праводзіць. Калі, вядома, слухаць Лукашэнку.

Фотаздымак ілюстрацыйны, з адкрытых крыніц 

Могилевская епархия замалчивает антисоветскость святителя Тихона, демонстрируя его мощи

Навіна ад

В Могилеве в эти дни находится ковчег с частицей мощей святителя Тихона. Однако из информации об этом на сайте Могилевской епархии БПЦ невозможно узнать, чем же отличился при жизни этот человек и почему был причислен к лику святых.

“6 апреля 2025 года от Донского монастыря в Москве началось принесение ковчега с мощами святителя Тихона, Патриарха Московского и всея Руси, которое охватит 90 крупных городов России и Беларуси, и завершится 9 октября. Событие приурочено к 100-летию со дня кончины святителя († 7 апреля 1925 года)” – сообщает официальный портал БПЦ.

Согласно графику, поклониться мощам исповедника Тихона можно 13-15 апреля в Свято-Никольском женском монастыре Могилева. 

Чем же прославился святитель Тихон? Исходя из того, что написано на сайте Могилевской епархии, найти ответ на этот вопрос невозможно. “Его Патриаршее служение выпало на самый трагичный момент в истории государства – октябрьские события 1917 года и последовавшую затем гражданскую войну” – это все, что считают важным сообщить верующим могилевские церковные начальники.

Впрочем, их руководство в Минске недалеко ушло в донесении информации пастве о том, что же очень важное совершил Патриарх Тихон, что 9 октября 1989 года был прославлен Архиерейским собором Русской православной церкви. 

“Оставаясь на Патриаршем престоле до самой своей кончины 7 апреля 1925 года, Святейший Патриарх Тихон неоднократно подвергался уголовным преследованиям, арестам и покушениям” – очень скромно и малопонятно сообщается на сайте БПЦ. Кто и за что преследовал Патриарха Тихона, читая такие сообщения, мы никак не узнаем.

Антисоветский подвиг и провластное раскаяние

“В Могилев привезли мощи какого-то там святого” – такой вывод можно было бы сделать после прочтения вышеупомянутых сообщений церковных сайтов. 

Но правда, слава Богу, не боится нынешних наследников большевистских нехристей, под дудку которых пляшут многие белорусские высшие церковные чины.

Достаточно заглянуть на сайт РПЦ.

“В послании от 19 января (1 февраля) 1918 г. он обличил безбожную власть, воздвигшую гонения на Церковь, анафематствовал «извергов рода человеческого», творивших кровавые расправы, и призвал всех верующих к защите оскорбляемой Церкви: «А вы противостаньте им силою веры вашей, вашего властного всенародного вопля… А если нужно будет и пострадать за дело Христово, зовем вас, возлюбленные чада Церкви, зовем вас на эти страдания вместе с собою…»

21 июля 1918 г. в слове, сказанном после чтения Евангелия в Казанском соборе на Красной площади, осудил расстрел царя Николая II и то, что «Исполнительный комитет одобрил это и признал законным».

“Личной проповедью и твердым исповеданием христианской правды, неустанной борьбой с врагами Церкви Патриарх вызвал ненависть представителей новой власти, постоянно преследовавшей его. Жизнь Его Святейшества все время была под угрозой: на него трижды совершались покушения, тем не менее он выезжал для совершения богослужений в различных храмах Москвы и за ее пределами”.

Однако и в этом биографическом описании мы не найдем информации о том, что в большевики выбили-таки из Патриарха Тихона раскаяния в его антисоветской деятельности. Об этом говорится в его заявлении от 16 июня 1923 года в Верховный суд РСФСР с ходатайством об изменении меры пресечения:

“Будучи воспитан в монархическом обществе и находясь до самого ареста под влиянием антисоветских лиц, я действительно был настроен к Советской власти враждебно, причем враждебность из пассивного состояния временами переходила к активным действиям. Как то: обращение по поводу Брестского мира в 1918, анафематствование в том же году власти и наконец воззвание против декрета об изъятии церковных ценностей в 1922. 

Все мои антисоветские действия за немногими неточностями изложены в обвинительном Заключении Верховного Суда. Признавая правильность решения Суда о привлечении меня к ответственности по указанным в обвинительном заключении статьям уголовного кодекса за антисоветскую деятельность, я раскаиваюсь в этих проступках против государственного строя и прошу Верховный Суд изменить мне меру пресечения, то есть освободить меня из под стражи.

При этом я заявляю Верховному Суду, что я отныне Советской власти не враг. Я окончательно и решительно отмежевываюсь как от зарубежной, так и внутренней монархическо-белогвардейской контрреволюции”.

Вот такая историческая правда, которую замалчивают сегодняшние церковные начальники в Беларуси.

Фота: patriarchia.ru

Унікальнаму цягніку на Магілёўшчыне засталося курсіраваць апошні месяц

Навіна ад

Чыгуначную лінію тут заснавалі яшчэ ў 1911 годзе дзякуючы прамыслоўцу Мікалаю Радзівілу. З канца траўня ўнікальны маршрут Асіповічы-Градзянка са змяшаным таварна-пасажырскім саставам адмяняецца.

З 26 траўня на Магілёўшчыне закрываюць чыгуначны маршрут паміж Асіповічамі і Градзянкай. Гэта 30-каламетровы адрэзак з васьмю станцыямі але вельмі нізкім пасажырапатокам – піша сайт Blizko.by.

Унікальным для Беларусі гэты маршрут робіць цягнік, што курсіруе тут адзін раз на суткі. Гэта змяшаны таварна-пасажырскі састаў, у склад якога ўваходзяць адзін-два пасажырскія вагоны і некалькі таварных. Але, часам, лакаматыў цягне ўсяго адзін пасажырскі вагончык.

Гродзянка

Яшчэ адна асаблівасць лініі ў тым, што гэта, падобна, апошняе месца ў Беларусі, дзе можна пракаціцца на вагоне з драўлянымі сядзеннямі – адзначае выданне.

Вагон с деревянными сиденьями

Лінію Асіповічы-Градзянка адкрылі яшчэ ў 1911 годзе, раней за чыгунку паміж Асіповічамі і Магілёвам. Гэта стала неабходнасцю пасля таго, як у лясах каля вёскі Градзянка, што зараз у Асіповіцкім раёне, прамыслоўцам Мікалаем Радзівілам быў заснаваны лесапільны завод. 

Пакуль што рэйс паміж Асіповічамі і Градзянкай функцыянуе ў скарочаным рэжыме. Калі раней цягнік курсіраваў тут двойчы на суткі, то цяпер на сайце Беларускай чыгункі можна пабачыць, што з раённага цэнтра ў вёску Градзянка цягнік ходзіць толькі па вечарах, з адпраўленнем у 20:57. Зваротны рэйс з Градзянкі ў Асіповічы ажыццяўляецца раніцай у 06:03.

Фота: Blizko.by 

Дзве тоны мяса невядомага паходжання затрымалі пад Мсціславам

Навіна ад

Аўтамабіль, набіты мясам буйной рагатай жывёлы, належыў 28-гадоваму магілёўцу. Мужчына вёз яго на продаж у Расію, але быў затрыманы на мяжы – паведамляе афіцыйны канал Магілёўскага абласнога УУС. Паколькі 2 000 кілаграмаў мяса ў ім не мелі ніякіх суправаджальных дакументаў, яго было вырашана ўтылізаваць. Парушальніка норм ветэрынарнага кантроля прыцягнулі да адміністрацыйнай адказнасці.

Падобная мясная кантрабанда з Магілёўшчыны ў Расію – шараговая з’ява вось ужо на працягу дзесяцігоддзяў. Акрамя мяса ў суседнюю краіну незаконна вязуць металалом і іншую прадукцыю, якая там без цяжкасцяў збываецца – пісалі mogilev.media ўжо не раз.

Фота: УУС, скрыншот

На Магілёўшчыне прачнуліся змеі

Навіна ад

Звычайна масавы выхад змей назіраецца ў нашым рэгіёне ў другой палове красавіка, пасля ўстойлівага пацяплення. Першыя такія выхады ўжо былі заўважаныя ў Дрыбінскім раёне. Прыкладна ў гэты ж самы час прачыналіся змеі і ў мінулым годзе. Пра скапленне гадзюк у лясным масіве каля Грабянёва пісаў Mogilev.online 12 красавіка летась.

На Магілёўшчыне нападзенні змей часам прыводзяць да трагічных выпадкаў. Так, у жніўні 2023 года жыхар Магілёва загінуў пасля ўкусу гадзюкі. 66-гадовы мужчына басіком прайшоўся па траве на лецішчы, калі змяя ўкусіла яго за пятку. Пенсіянер ніяк не лячыўся, не расказваў пра гэтае здарэнне сваёй сям’і. Аднак праз некалькі дзён яму стала дрэнна. Сын пацярпелага выклікаў хуткую, але нават тады пенсіянер адмаўляўся ехаць у бальніцу і не расказаў пра ўкус. З кожным днём яму рабілася горш і горш. Па дадзеных следства, толькі праз тыдзень мужчына прызнаўся медыкам, што яго ўкусіла змяя. Пенсіянера тэрмінова адвезлі ў рэанімацыю, але выратаваць не ўдалося.

У 2022 годзе 80-гадовая жанчына памерла ад укусу змяі ў Магілёўскай вобласці. У дзень сваёй гібелі жанчына была на дачы, працавала на агародзе. Каля 18.00 яна падбегла да суседкі са словамі, што яе ўкусіла нейкая казурка. Затым жанчына ўвайшла ў дом, захрыпела, пасінела, лягла на ложак і памерла. 

Фота ілюстрацыйнае (47news.ru)

Магілёўцы б’юць адзін аднаго бутэлькамі па галовах

Навіна ад

У магілёўскую міліцыю звярнуўся 36-гадовы гараджанін. Ён паскардзіўся, што яго бутэлькай па галаве ўдарыў незнаёмец. Такія выпадкі ў Магілёве здараюцца час ад часу.

Як піша блізкі да сілавікоў тэлеграм-канал, да мужчыны на ганку крамы падышоў хлопец і папрасіў закурыць. Але замест таго, каб проста адмовіць, магілёвец яшчэ і “паслаў” 23-гадовага мінака. Такі адказ нецвярозага маладога чалавека не задаволіў. Слоўны канфлікт перарос у бойку. Нястрыманы хлопец дастаў бутэльку гарэлкі і ўдарыў апанента па галаве. Затым сеў у таксі і як ні ў чым не бывала з’ехаў. Пацярпелы набраў 102. За асабліва злоснае хуліганства ўзбуджаная крымінальная справа.

Падобныя выпадкі ў Магілёве не тое што занадта частыя, але і зусім рэдкімі іх не назавеш. Так, у 2018 годзе ў адным з супермаркетаў Магілёва па вуліцы Грышына за сваю няспрытнасць жанчына паплацілася ударам бутэлькай па галаве ад мужчыны, які стаміўся чакаць даму, якая корпаецца ў сумцы. Удар прыйшоўся па шыі пацярпелай. Пра гэта пісала выданне “Наш Гомель“.

У 2017 годзе, як пісала “Комсомольская правда” 29-гадовы жыхар Магілёва, будучы ў стане алкагольнага ап’янення ў таксі, падчас руху нанёс удар шкляной бутэлькай па галаве кіроўцу. Пацярпелы аказаў актыўны супраціў нападніку і паведаміў пра здарэнне ў міліцыю.

Фотаздымак ілюстрацыйны, з адкрытых крыніц (pixabay.com)

Кадэты ў Магілёве носяць значкі з расійскімі ваеначальнікамі

Навіна ад

У Магілёўскім абласным кадэцкім вучылішчы прайшла цырымонія ўступлення вучняў у Беларускі саюз сувораўцаў і кадэтаў. Кадэты атрымалі значкі з выявай Аляксандра Суворава, які пакінуў крывавы след у гісторыі Беларусі.

Мерапрыемства было арганізавана ў выглядзе ўрачыстага пастраення, на якім дырэктар вучылішча ўручыў падлеткам членскія пасведчанні і значкі арганізацыі, піша Mayday.

Кіраўніцтва падкрэслівала, што ўступленне ў Беларускі саюз сувораўцаў і кадэтаў (БССК) – гэта асаблівы гонар і важны крок у выхаванні патрыятызму. Навучэнцам гаварылі аб высокіх ідэалах, аб пераемнасці беларускіх ваенных традыцый і неабходнасці захоўваць памяць аб героях, якія загінулі за незалежнасць краіны.

Аднак узнікае дысананс: на значку арганізацыі намаляваныя расейскія военачальнікі — адмірал Павел Нахімаў і генерал Аляксандр Сувораў. Апошні, у прыватнасці, камандаваў войскамі пры падаўленні паўстання Тадэвуша Касцюшкі пад Берасцем. Пры гэтым біяграфія расійскіх палкаводцаў вывучаецца з асаблівай увагай, а беларускі гістарычны кантэкст застаецца на другім плане.

Таксама паўстае пытанне, якім чынам за сяброўства ў арганізацыі павінны плаціць падлеткі, якія яшчэ нічога не зарабляюць, акрамя таго, многія з іх паходзяць з малазабяспечаных сем’яў. У пасведчаннях, здымкі якіх прадастаўлены выданню, стаіць адзнака “выплачана” ў графе членскіх узносаў. Згодна са Статутам БССК, кожны ўдзельнік павінен штогод плаціць унёсак у памеры адной базавай велічыні (цяпер гэта 42 рублі). 

Не ўсё так адназначна…

Пасля пачатку ваенных дзеянняў ва Украіне ў 2022 годзе ў апякунскай радзе Беларускага саюза сувораўцаў і кадэтаў узніклі рознагалоссі. Некаторыя члены рады, нязгодныя з падтрымкай агрэсіі, выйшлі з яго складу і спынілі зносіны з былымі аднакурснікамі, якія падтрымліваюць ваенныя дзеянні. 

Адзін з былых членаў савета адзначыў: “Нават апякунская рада Беларускага саюза сувораўцаў і кадэтаў – і тая, знаходзячыся па-за зонай баявых дзеянняў, пачала рассыпацца”. Пра гэта пісала “Новая газета. Еўропа”.

Фотаздымак ілюстрацыйны, з адкрытых крыніц 

Першыя ў гісторыі гонкі сперматазоідаў пройдуць у Каліфорніі

Навіна ад

Арганізатары тлумачаць мерапрыемства не столькі хайпам, як хваляваннем з-за праблем мужчынскай фертыльнасці. Але і хайп абяцаюць таксама.

25 красавіка 2025 года ў Лос-Анджэлесе адбудзецца незвычайнае мерапрыемства – першыя ў свеце гонкі сперматазоідаў, арганізаваныя стартапам з Каліфорніі. Гэта падзея спалучае ў сабе навуковыя даследаванні, забаўляльны аспект і інавацыйныя біятэхналогіі.

Як будуць праходзіць гонкі?

Удзельнікі – сперматазоіды, сабраныя ад добраахвотных донараў, будуць спаборнічаць у спецыяльна распрацаваных мікралабірынтах, якія імітуюць умовы жаночага рэпрадуктыўнага тракту. Гэта дазволіць навукоўцам вывучыць рухавую актыўнасць і паводзіны сперматазоідаў у розных умовах.

Мэты мерапрыемства

Арганізатары падкрэсліваюць, што асноўная мэта гонкі – навуковае даследаванне. Атрыманыя дадзеныя могуць быць выкарыстаны для паляпшэння метадаў лячэння бясплоднасці і развіцця рэпрадуктыўных тэхналогій. Акрамя таго, мерапрыемства мае на мэце павысіць інфармаванасць грамадства аб праблемах бясплоднасці і магчымасцях сучаснай медыцыны.

Гонкі прыцягнулі ўвагу не толькі навукоўцаў, але і шырокай грамадскасці. Мерапрыемства будзе транслявацца ў прамым эфіры, а гледачы змогуць назіраць за спаборніцтвам у рэальным часе. Арганізатары абяцаюць, што падзея будзе не толькі пазнавальнай, але і забаўляльнай, з каментарыямі і магчымасцю рабіць стаўкі на ананімізаваных “удзельнікаў”.

Перспектывы на будучыню

Калі гонкі пройдуць паспяхова, арганізатары плануюць праводзіць падобныя мерапрыемствы рэгулярна, з рознымі варыяцыямі лабірынтаў і ўмовамі спаборніцтваў. Гэта можа стаць новым напрамкам у папулярызацыі навукі і развіцці біятэхналагічных даследаванняў.

Такім чынам, першыя ў свеце гонкі сперматазоідаў у Каліфорніі абяцаюць стаць не толькі навукова значнай падзеяй, але і яскравым прыкладам таго, як можна сумяшчаць сур’ёзныя даследаванні з забаўляльным фарматам, прыцягваючы ўвагу шырокай аўдыторыі да важных медыцынскіх тэм.

Фота ілюстрацыйнае, з адкрытых крыніц

Набярэжную Дубравенкі ў цэнтры Магілёва плануюць забудаваць шматкватэрнымі дамамі

Навіна ад

Магілёўскі гарвыканкам абвясціў конкурс архітэктурна-планіровачных канцэпцый шматкватэрнай жылой забудовы вуліц Левая і Правая Дубравенка ў Магілёве. Пад магчымую перабудову трапілі ўчасткі ад вуліцы Лазарэнкі амаль да праспекта Міра.

Дубравенка

Конкурс праводзіцца “без уліку Генеральнага плана горада Магілёва, і праекта зон аховы гісторыка-культурнай каштоўнасці «Гістарычны цэнтр г. Магілёва»”.

Конкурс архітэктурна-планіровачных канцэпцый будзе праводзіцца да 4 чэрвеня 2025 года. Па яго выніках, верагодна, будзе прынятае рашэнне аб капітальнай перабудове ўсёй цэнтральнай часткі набярэжнай ракі Дубравенкі.

Лазарэнка

Фота з адкрытых крыніц

Расія нанесла ракетны ўдар па Сумах – што вядома

Навіна ад

13 красавіка 2025 года расійскія войскі нанеслі адзін з самых смяротных удараў па ўкраінскім горадзе Сумы за гады вайны. У выніку ракетнага абстрэлу загінулі 32 чалавекі, у тым ліку двое дзяцей, і яшчэ 99 атрымалі раненні, сярод якіх 10 дзяцей.

Ход атакі

Паводле звестак украінскіх уладаў, каля 10:15 раніцы па мясцовым часе расіяне выпусцілі дзве балістычныя ракеты тыпу «Іскандэр-М» па цэнтры Сум. Удар адбыўся ў Вербную нядзелю, калі людзі збіраліся на рэлігійныя службы. 

Пад абстрэл трапілі жылыя дамы, тролейбус, цэнтр правоў чалавека і кангрэс-цэнтр Сумскага дзяржаўнага ўніверсітэта, які часта выкарыстоўваўся для заняткаў з дзецьмі.

Украінскія чыноўнікі сцвярджаюць, што ў атацы былі выкарыстаны касетныя боепрыпасы, што сведчыць пра наўмыснае імкненне нанесці максімальныя страты сярод мірнага насельніцтва.

Рэакцыя ўкраінскіх уладаў

Прэзідэнт Украіны Уладзімір Зяленскі назваў атаку «свядомым тэрорам» і заклікаў міжнародную супольнасць да больш жорсткай рэакцыі на дзеянні Расіі. Ён падкрэсліў, што «размовы ніколі не спынялі балістычныя ракеты і бомбы», і падкрэсліў неабходнасць узмацнення ціску на Маскву.

Міністр замежных спраў Украіны Андрэй Сыбіга ахарактарызаваў атаку як «абсалютнае зло» і звярнуўся да міжнародных партнёраў з просьбай аб узмацненні сістэм супрацьпаветранай абароны.

Міжнародная рэакцыя

Атака выклікала шырокі міжнародны рэзананс. Прэзідэнт Францыі Эмануэль Макрон заклікаў да «моцных мер» для забеспячэння спынення агню. Прадстаўніца Еўрасаюза Кая Калас назвала напад «жахлівым прыкладам эскалацыі Расіі» на фоне гатоўнасці Украіны да безумоўнага спынення агню.

вайна

Кіраўнік гуманітарнай місіі ААН ва Украіне Маттыяс Шмале асудзіў атаку «ў самых моцных выразах» і нагадаў, што міжнароднае гуманітарнае права забараняе напады на мірных жыхароў і грамадзянскую інфраструктуру.

Ваенна-стратэгічны кантэкст

Сумы знаходзяцца ў непасрэднай блізкасці ад расійскай мяжы і маюць стратэгічнае значэнне. У апошнія тыдні расійскія войскі ўзмацнілі паветраную актыўнасць у рэгіёне, у тым ліку пасля таго, як украінскія сілы былі вымушаныя адступіць з пазіцый у суседняй Курскай вобласці. Некаторыя населеныя пункты ў Сумскай вобласці ўжо знаходзяцца пад расійскай акупацыяй.

Атака на Сумы адбылася праз некалькі дзён пасля падобнага ракетнага ўдару па Крывым Рогу, у выніку якога загінулі 20 чалавек. Гэтыя дзеянні выклікаюць трывогу наконт магчымай вясновай наступальнай аперацыі Расіі на фоне застойных мірных перамоваў.

Атака на Сумы 13 красавіка 2025 года стала чарговым сведчаннем таго, што Расія працягвае выкарыстоўваць тактыку наўмыснага тэрарызавання мірнага насельніцтва. Удар па горадзе падчас рэлігійнага свята выклікаў шырокі міжнародны рэзананс і падкрэсліў неабходнасць узмацнення падтрымкі Украіны з боку сусветнай супольнасці.

Фота: Reuters