Tag: украина

«Малюся, каб мы святкавалі Дзень незалежнасці Украіны!». Спявачка Сафія Ратару вярнулася на радзіму на свой юбілей

Навіна ад

Пра тое стала вядома з допісу спявачкі ў Інстаграме. Туды яна выклала і фота, на якім сядзіць у жоўтай сукенцы з жоўта-сіняй хусткай – гэта колеры ўкраінскага сцягу.

«Прыехала ў месца сілы! Тут я нарадзілася, расла, пайшла ў школу. Тут я пачала спяваць. Родныя Маршынцы нагадалі мне, як важна не страціць пачуццё лучнасці з сваёй Зямлёй, адчуваць сувязь з тымі, хто даў табе жыццё, выхаваў і падтрымліваў у тваіх пачынаннях», – адзначыла ў допісе Сафія Ратару.

Сёння, 7 жніўня, у яе дзень народзінаў і юбілей. Сафія Ратару піша, што адзначаць яго не будзе.

«Сёння не час святкаваць юбілей, сёння я малюся, каб, як заўжды, праз пару тыдняў пасля майго Дня нараджэння, мы святкавалі Дзень Незалежнасці Украіны!» – падкрэслівае яна.

«Каб як мага хутчэй, замест паветраных трывог, у кожным доме, у кожнай сям’і, у кожным горадзе нашай цудоўнай Украіны гучалі песні пра Любоў і Свет! Ваша Сафія Ратару» – такімі пажаданнямі завершаны допіс спявачкі.

Сафія Ратару – адна з улюблёных артыстак жыхароў Савецкага Саюзу. Яе лічаць сваёй ва Ўкраіне, Малдове і нават Расіі. Перапетая ёю ўкраінскамоўная песня “Червона рута” стала хітом на ўсе часы.

Сафія Ратару поп-спявачка, танцоўшчыца, актрыса, музычны і кіна-прадзюсар, прадпрымальніца. Яе рэпертуар налічвае больш чым 500 песень на рускай, украінскай, малдаўскай, румынскай, балгарскай, сербскай, польскай, нямецкай, італьянскай, іспанскай і англійскай мовах.

Навіны пабрацімаў. Мікалаеў закрыюць на два дні. Горад зноў абстралялі

Навіна ад

Чым выклікана неабходнасць увядзення працяглай каменданцкай гадзіны кіраўнік абласной ваеннай адміністрацыі не тлумачыць, але просіць гараджанаў паставіцца да абмежаванняў з разуменнем і загадзя спланаваць выхадныя. Кантраляваць вуліцы гораду пачнуць з вечара 5 жніўня, піша  выданне Delo.ua.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Раней Віталь Кім дапускаў, што ўлады могуць закрыць горад для выкрыцця памагатых расійскім войскам, гэтак званых, карэктыроўцаў агню.

«Мікалаеў праз тыдзень-два зачыняць на дзень ці на два для таго, каб адпрацаваць адрасы магчымых здраднікаў», – даводзіў  Кім 20 ліпеня.

Кіраўнік абласной адміністрацыі абяцаў выплачваць узнагароду ў 1000 долараў тым, хто выявіць карэктыроўцаў. Ён кажа, што за прамінулы час афіцыйна людзі дапамаглі затрымаць чатырох такіх асобаў.

«Выплаты былі – 1000 долараў. Але большасць людзей проста адмаўляецца ад гэтых грошай і ёсць нават такія, якія прапануюць даплаціць за тое, каб злавілі карэктыроўцаў. Спецслужбы працуюць – убачыце яшчэ», – цытуе  Віталія Кіма інфармацыйнае агенцтва «УНІАН».

Тым часам 5 жніўня расійскія войскі абстралялі адзін з раёнаў Мікалаева. Паводле мэра Аляксандра Сянкевіча ў выніку абстрэлу адзін прыватны жылы дом часткова разбураны, яшчэ адзін загарэўся ад пападання боепрыпасаў і іх аскепкаў.

Ваеннае камандаванне абароны гораду паведамляе, што ноччу Мікалаеў быў абстраляны касетнымі боепрыпасамі з рэактыўнай сістэмы залпавага агню, а раніцай з дальнабойнай артылерыі «Піён».

Паводле старшыні аблсавету Ганны Замазеевай на раніцу 5 жніўня ў мікалаеўскіх больніцах перабывалі з раненнямі 290 грамадзян. Яшчэ 47 чалавек атрымліваюць дапамогу амбулаторна, – пішуць  «Николаевские новости».

Паводле выдання  ў Мікалаеўскай вобласці за суткі разбураны 66 грамадзянскіх аб’ектаў. Усяго ж па стане на 5 жніўня ад пачатку расійскага ўварвання Расіі ва Ўкраіну ў вобласці пашкоджаны часткова або цалкам 8832 абʼектаў інфраструктуры. Найбольш пацярпеў жылы фонд. Знішчана 317 навучальных устаноў.

Пабрацімства Мікалаева з Магілёвам было замацаванае дамовай у 2009 годзе. 31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Фотаздымкі ілюстрацыйныя, узятыя з адкрытых у інтэрнэце інфармацыйных крыніцаў

У Магілёве адкрылі ядальню KFC. Прыйшло багата людзей, але ажыятажу не было

Навіна ад

Гэта ўжо трэцяя фаст-фудаўская ўстанова, якая працуе пад брэндам KFC, у абласным цэнтры і 76-я – у Беларусі.

Новую ядальню ўзвялі на вакзале. Ён ад гарадскога цэнтру за 10 хвілінаў язды грамадскім транспартам. Шкляной будынінай знішчаная клумба, якая ўпрыгожвала наваколле ля прывакзальнай плошчы.

На адкрыццё прыйшло пад паўсотню чалавек, пераважна моладзь. Грамада пачала збірацца задоўга да пачатку імпрэзы. Асаблівага ажыятажу не назіралася. Не было штурханіны, як на адкрыцці першых падобных ядальняў у горадзе. У залі ўтварылася чарга з аматараў фаст-фуду.

Аператарам брэнду KFC у Беларусі з’яўляецца акцыянернае таварыства «Бел Фуд Сэрвіс». Яго заснавалі ў 2014 годзе. Брэнд KFC найбольш прадстаўлены ў краіне колькасцю рэстаранаў.

KFC і вайна ва Ўкраіне

Як адбілася вайна ва Ўкраіне на стаўленні кампаніі Yum! Brands, якой належаць брэнды KFC и Pizza Hut, да іх выкарыстання ў Беларусі высветліць не ўдалося.

Між тым кампанія Yum! Brands прыпыніла інвестыцыі і развіццё такіх ядальняў у Расіі яшчэ ў сакавіку, неўзабаве па яе поўнамаштабным ваенным уварванні ва Ўкраіну.

«Як і многія ва ўсім свеце, мы ўзрушаны і засмучаны трагічнымі падзеямі, якія разгортваюцца ва Украіне. Yum! Brands прыпыніла ўсе інвестыцыі і развіццё рэстаранаў у Расіі, пакуль мы працягваем ацэньваць дадатковыя варыянты», было адзначана на сайце кампаніі.

Yum! Brands разглядае розныя варыянты продажу свайго расійскага бізнесу мясцоваму аператару. Любы з іх мае гарантаваць захаванне працоўных месцаў і выкананне абавязацельстваў перад пастаўшчыкамі і партнёрамі.

Вялікая частка рэстаранаў, якія працуюць пад брэндам KFC у Расіі, кіруецца па дагаворах франчайзінгу і належыць расійскім юрыдычным асобам. Яны працягваюць працаваць у звычайным рэжыме. Такім чынам, мяркуюць у Расіі, брэнд KFC застанецца на мясцовым рынку.

У Бабруйску і Магілёве тэрмінова мабілізуюць дактароў-мужчын на вайсковыя зборы

Навіна ад

Дактароў Магілёўшчыны масава выклікаюць у ваенкаматы для правядзення перадмабілізацыйных збораў. Медперсанал здзіўляе тэрміновасць і катэгарычнасць камандзіравання ў вайсковыя часткі.

Беларусы ўжо прызвычаіліся да прызыву на вайсковыя зборы розных ваенных спецыялістаў. У маі па краіне пракацілася моцная хваля масавага прызыву ваеннаабавязаных. Затым сітуацыя крыху сцішалася, і вось нібыта пачынаецца новая хваля.

Здзіўляе тэрміновасць і метады прызыву. Так, магілёўскім дактарам, як правіла, тэлефанавалі ўвечары, а ўжо а дзявятай гадзіне раніцы адпраўлялі на зборы за сотні кіламетраў ад дому.

Некаторым лекарам цяпер ужо прыходзіцца вышукваць хваробы ў саміх сябе, а не ў маладых хлапцоў прызыўнога ўзросту – як было раней – каб «адкасіць» ад службы. Тым не менш, дзясяткі лекараў ужо пакінулі шпіталі і паліклінікі Магілёўшчыны.

Як паведаміла Магілёў.media крыніца ў асяроддзі медыкаў, прычынамі прызыву на перадмабілізацыйныя зборы працягласцю больш чым на месяц менавіта мужчын-дактароў, верагодна, стала асэнсаванне ваенным кіраўніцтвам краіны маштабу колькасці ахвяр у выпадку ўступлення арміі ў ваенны канфлікт.

«Нават расійскім крыніцам цяжка ўтоіць вялізную колькасць параненых вайскоўцаў на вайне ва Ўкраіне», – адзначае магілёўскі медык, які пажадаў не называць свайго імя.

 

Фота ілюстрацыйнае з крыніцы https://www.ganc-chas.by/

Санкцыі значна паўплывалі на працу. З магілёўскім прадпрыемствам Ольса «прыпынілі» супрацоўніцтва контрагенты з Еўрасаюзу і Ўкраіны

Навіна ад

Сваёй прадукцыі заводу не пастаўляюць кампаніі «ІКЕА», якая прыпыніла працы ў Расіі і Беларусі на фоне вайны ва Украіне, а таксама «JYSK», уласнікі якой палічылі, што «у бягучай сітуацыі не бачаць альтэрнатывы закрыццю дзейнасці ў Расіі». Магілёўскае прадпрыемства засталося і без вырабаў украінскай кампаніі «ЕПІЦЕНР».

«Ольса» спецыялізуецца на вытворчасці садовай і кемпінгавай мэблі, а таксама мэблі для медычных устаноў, бытавых электрапомпаў, дрэваапрацоўчых станкоў і спартыўных вулічных трэнажораў. Прадпрыемства экспартна арыентаванае. Доля продажу прадукцыі на замежныя рынкі складае да 86 працэнтаў у агульным аб’ёме адгрузкі.

Сітуацыя ў свеце, якая склалася, і, як вынік, санкцыйныя меры значна паўплывалі на працу пражпрыемства, – прызнае дырэктар Мікалай Цыкуноў.

Ён кажа, што прадпрыемства праводзіць актыўную працу па замяшчэнні страчаных абʼёмаў рэалізацыі, у тым ліку з пашырэннем прысутнасці на расійскім рынку. Заключаныя новыя кантракты з кампаніямі з Таджыкістану і Арменіі, піша інтэнэт-рэсурс Mycity.by.

На погляд Мікалая Цыкунова, павялічыць і ўмацаваць экспартны патэнцыял і пашырыць геаграфію продажаў дазволіць супрацоўніцтва з сусветнымі сеткавымі кампаніямі.

 

Фота ілюстрацыйнае з рэсурсу https://mogilevnews.by/

Навіны пабрацімаў. Як выглядае Мікалаеў пасля ранішняга расійскага абстрэлу

Навіна ад

Днём раней у выніку расійскага абстрэлу было паранена дзіця. Паводле папярэдніх звестак, сённяшняя атака на горад абышлася без чалавечых ахвяраў.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

3 жніўня а 5 гадзіне раніцы расійскія ракеты пацэлілі ў прычал, прамысловае прадпрыемства, дамы, гаражны кааператыў, супермаркет і аптэку. Пацярпела конна-спартовая школа.


У выніку ўдару поўнасцю разбураны супермаркет. Таксама пацярпелі побач размешчаныя шматпавярховыя дамы – у іх выбіты вокны, разбурана шкленне балконаў, а таксама крамы.

«Сёння наш горад і паселішчы вобласці зноў зазналі абстрэл. У Мікалаеве яны напалі на супермаркет. На шчасце, прамога траплення ў шматпавярховік, які знаходзіцца за некалькі метраў, не адбылося», – паведаміў  кіраўнік абласной ваеннай адміністрацыі Віталій Кім.

У вайсковай камендатуры адзначаюць што паводле папярэдніх дадзеных, горад быў абстраляны ракетамі С-300, піша выданне «Новостей-N»

Днём раней у выніку абстрэлу атрымала раненне дзіця. Значна пашкоджаныя жылыя дамы, прадпрыемствы і інфраструктура.

Паводле старшыні Мікалаеўскага абласнога савету Ганна Замазеевай, у паселішчах вобласці зафіксаваныя разбурэнні жылых дамоў ды пажары на палях.

 На раніцу 3 жніўня ў шпіталях Мікалаева перабывалі з раненнямі 318 грамадзян. Яшчэ 41 пацярпеламу аказваецца амбулаторная дапамога.

З пачатку поўнамаштабнай вайны Расіі супраць Украіны ў Мікалаеўскай вобласці пашкоджана больш за 8,5 тыс. грамадзянскіх аб’ектаў.

Пабрацімства Мікалаева з Магілёвам было замацаванае дамовай у 2009 годзе. 31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян. 

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота з русурсу: www.ukrinform.ua

У Магілёве адстаўныя дэсантнікі адзначылі сваё «прафесійнае» свята «сціпла і арганізавана». Згадалі вайну ва Ўкраіне

Навіна ад

Пра вайну ва Украіне былыя магілёўскія дэсантнікі казалі, што ва ўмовах сучасных ваенных тэхналогіяў без вайсковага спецназу не абысціся.

На дзіва, але ў разгар дня, сквер ля кінатэатру «Радзіма», дзе ў ранейшыя гады збіраліся дэсантнікі» заставаўся без хлопцаў у цяльняшках. Не было традыцыйнага маршу былых салдат і па пешаходнай вуліцы Ленінскай.

 

 

Адстаўная дэсантура сабралася ў парку імя Горкага. Гэтая мясціна, хоць і ў цэнтры гораду, але ў баку ад людных вуліц. Каля сотні дэсантнікаў віталіся, браталіся, абмяркоўвалі планы на святочны дзень пакуль не прагучала каманда шыхтавацца. Шыхт былых вайскоўцаў правялі да мемарыялу Змагарам за Савецкую ўладу.

Ля яго адбыўся непрацяглы мітынг. На ім не было, як у мінулыя гады, пафасных выступаў чыноўнікаў. У прамовах згадалі вайну ва Ўкраіне. Было падкрэслена, што ва ўмовах панавання сучасных ваенных тэхналогіяў дэсантнікі застаюцца незаменнымі.

Будзённа на мітынгу прагучалі віншаванні, былі ўручаныя памятныя медалі. Святар акрапіў вадой шыхт былых вайскоўцаў. Некаторыя адрэагавалі жартам: цяпер можна не лезці ў фантаны.

Па сканчэнні ўрачыстай часткі адстаўныя дэсантнікі разышліся. Хто выправіўся да сваіх фантанаў, хто ў кавярні, а нехта дадому.

Навіны пабрацімаў. У Даўгаўпілсе затрыманыя асобы, якія кралі сцягі Украіны і выказвалі падтрымку ваеннай агрэсіі Расіі

Навіна ад

У горадзе пабраціме Бабруйску паліцыя заклікае жыхароў інфармаваць аб правапарушэннях супраць украінскіх бежанцаў, ці іншых дзеяннях, звязаных з вайной Расіі на Украіне.

___________________________________________________________

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

________________________________________________________________________

Паводле паліцыі цяпер распачатыя крымінальныя і адміністрацыя справы на тых хто ўчыніў падобныя правапарушэнні.

61-гадовы мужчына 12 ліпеня ў стане алкагольнага ап’янення, выбіў шкло ў машыне, а таксама нанёс іншыя пашкоджанні, бо яго раззлаваў украінскі сцяг у салоне аўтамабілю. У момант хуліганскай выхадкі на вопратцы мужчыны была начэпленая георгіеўскую стужачку.

Затрыманаму інкрымінавана наўмыснае знішчэнне або пашкоджанне чужой маёмасці. Таксама распачатыя дзве адміністрацыйныя справы за знаходжанне ў стане алкагольнага апʼянення ў грамадскім месцы ды за нашэнне сімволікі, якая праслаўляе СССР, піша газета «Наш горад».

Раззлавала ўкраінская сімволіка ў машыне і маладога чалавека 2021 году нараджэння. Ён у кампаніі з іншымі асобамі біў па машыне нагамі. Яму пагражае крымінальная адказнасць за наўмыснае знішчэнне або пашкоджанне чужой маёмасці.

Паводле паліцыі, распачатыя яшчэ некалькі крымінальных працэсаў за крадзеж украінскіх сцягоў. Затрыманы мужчына 1996 года нараджэння, які 18 ліпеня выкраў з будынку ў Даўгаўпілсе сцяг, вывешаны ў падтрымку Украіны.

Пачата некалькі ведамасных праверак або адміністрацыйных працэсаў за размяшчэнне на абʼектах асяроддзя і інфраструктуры сімволікі ў падтрымку ваенных дзеянняў Расіі.

_____________________________________________________________

Даўгаўпілс горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.

фота з рэсурсу https://www.dsnews.ua/

Навіны пабрацімаў. Мікалаеў атакаваны расійскімі войскамі: разбураныя мэдычныя ўстановы, аб’екты сацыяльнай інфраструктуры і прыватныя дамы

Навіна ад

Прыфрантавы Мікалаеў зазнае штодзённыя абстрэлы. 1 жніўня ракеты трапілі ў прыватныя дамы, медычны дыспансер і гуманітарны склад.

Паводле кіраўніка абласной ваеннай адміністрацыі Віталія Кіма у выніку абстрэлу ўзнік пажар на тэрыторыі дыспансера. Згарэў гуманітарны склад з медычнымі прэпаратамі і харчаваннем.

Таксама разбіты траўмапункт адной з больніцаў, пашкоджаны чатыры будынкі, медычны аўтатранспарт, выбіты вокны.

Паводле мэра Аляксандра Сянкевіча, разбураны траўмапункт быў адкрыты ў канцы 2019 года.

«Фактычна, гэта была першая пабудова медычнай установы, пабудаваная за апошнія 20 гадоў у Мікалаеве. І гэта быў адзін з самых сучасных траўмапунктаў Украіны», адзначыў кіраўнік гарадской адміністрацыі.

Пра абстрэл выказаўся кіраўнік офісу ўкраінскага прэзідэнта Андрэй Ярмак:

«Краіна-тэрарыст працягвае ваяваць з людзьмі на прыпынках і ў медустановах. Інфантыльная помста расейцаў тым, хто мацней духам і абраў свабоду замест рабства ў «рускім свеце».

31 ліпеня ў выніку начнога абстрэлу Мікалаева трагічна загінулі генеральны дырэктар кампаніі «Нібулон» Аляксей Вадатурскі і яго жонка Раіса Вадатурская. У іх дом пацэліла ракета.

Аляксею Вадатурскаму было 74 гады. Ён уваходзіў у топ-100 найбагацейшых украінцаў. У 2021 годзе Forbes Украіна ацэньваў яго фінансавы дабрабыт у 430 мільёнаў долараў. Вадатурскі ўганараваны званнем Герой Украіны.

30 ліпеня горад уначы быў атакаваны з рэактыўных сістэм залпавага агню «Смерч-С». Адзін чалавек загінуў, шэсць атрымалі раненні.

29 ліпеня ў выніку ракетнага абстрэлу Мікалаева загінула 7 і было паранена 7 чалавек. У момант выбуху людзі стаялі на прыпынку грамадскага транспарту.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Пабрацімства Мікалаева з Магілёвам было замацаванае дамовай у 2009 годзе. 31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян. 

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

У Магілёве былыя маракі адзначылі Дзень ВМФ пад савецкія песні і загад міністра абароны Расіі

Навіна ад

У парку імя Горкага сабралася пад сотню былых маракоў. Адстаўныя афіцэры прыйшлі ў мундзірах. Матросы ж шарагоўцы ў цяльняшках і іншай флоцкай адзежы, якая захавалася з часоў службы ў ВМФ.

Некаторыя на традыцыйную штогадовую сустрэчу маракоў прынеслі сцягі Ваенна-марскога флоту СССР. Была і расійская атрыбутыка. Над грамадою ўздымалася некалькі «Андрэеўскіх сцягоў» – сімвалаў Расійскага імператарскага флоту і цяперашняга Ваенна-марскога флоту Расійскай Федэрацыі.

На сходзе гучалі савецкія патрыятычныя песні, а прысутным быў «даведзены» загад Міністра абароны Расійскай Федэрацыі Шайгу ды ягоныя святочныя віншаванні. Удзельнікі памянулі хвілінай маўчання тых, хто сышоў з жыцця. У гутарках кожны згадваў даўно прамінулыя гады службы ў савецкім флоце.

Дзень ВМС у Савецкім Саюзе адзначаўся ў апошнюю нядзелю ліпеня. У гэты дзень штогод і збіраюцца адстаўныя магілёўскія маракі. Апошнюю нядзелю ліпеня, як дзень флоцкага свята пакінула сабе Расія.

Пасля анексіі Расіяй Крыму і вайны на Данбасе Ўкраіна, якая таксама адзначала дзень флоту ў апошнюю нядзелю ліпеня, дату перанесла. Цяпер флоцкае свята Ўкраіны прыпадае на першую нядзелю ліпеня.