Праблемы з высокатэхналагічным абсталяваннем, намеснік прэм’ер-міністра пра сітуацыю ў медыцыне

Паводле Ігара Петрышэнкі «санкцыйны ціск» сказывацца на пастаўцы высокатэхналагічнага абсталявання па тэрмінах і лагістыцы.

Па ягоных словах уся сістэма аховы здароўя скіраваная на захаванне ўстойлівасці ва ўмовах санкцыйнага ціску, перадае тэлеграм-канал “Официальный Минздрав”.

Урадовец кажа, што абсталяванне, тым не менш, падтрымліваецца ў належным стане. Калі нешта ламаецца, то прымаюцца меры, каб замяніць псаваную дэталь.

«Пацыент, які мае патрэбу ў тым, ці іншым даследаванні не павінен гэтага адчуць», – адзначае ён.

Запэўніванні Ігара Петрышэнкі практыкуючыя медыкі лічаць спробаю прыхарошыць рэальны стан у медыцыны. Паводле іх неабходныя дэталі да абсталявання паволі замяняцца таннымі аналагамі, а тэрміны рамонту павялічацца.

«Мы ўжо маем праблемы з расходнікамі, у вырабах медычнага прызначэння, у рэактывах. Кіраўнікоў тых структурных падраздзяленняў, дзе выявілі перарасходаванне матэрыялаў, караюць», – каментуе сітуацыю адзін з медыкаў.

Праз санкцыі ў Расіі скараціўся продаж мясцовых грузавікоў. Беларускіх МАЗаў не сталі больш набываць

Рэгістрацыі новых грузавых аўтамабіляў поўнай масай звыш 3,5 тоны за першае паўгоддзе знізіліся з 46.423 да 37.676 адзінак – рынак прасеў на 18,8%. Продажы новых МАЗаў упалі яшчэ больш – на 28,9%. «Кітаўцаў» на расійскім рынку наадварот сталі больш купляць.

Лідар расійскага рынку КАМАЗ з-за ўвядзення заходніх санкцый, скараціў продажы за паўгоддзе на 9,2% – з 16.569 да 15.050 адзінак. У чэрвені продаж у параўнанні з мінулых годам прасеў на 30 працэнтаў –  прадалі 2314 аўтамабіляў, паведамляе  рэсурс ABW.by, спасылаючыся на зьвесткі аналітычнага агенцтва «Автостат».

Рэгістрацыі новых грузавікоў ГАЗ па выніках першага паўгоддзя скараціліся з 4538 да 2989 адзінак. Падзенне склала 34,1%.

Як адзначае ABW.by, чаканага прарыву ў продажы беларускіх МАЗаў на расійскім рынку не адбылося. У параўнанні з аналагічным перыядам мінулага года рэгістрацыі новых грузавікоў МАЗ у Расіі скараціліся з 2850 да 2027 адзінак, ці на 28,9%.

Рэсурс піша, што кітайскі брэнд Shacman (Shaanxi) на расійскім рынку нарошчвае аб’ёмы продажу сваёй тэхнікі. Са студзеня па чэрвень дылеры гэтага вытворцы змаглі рэалізаваць у Расіі 2770 грузавікоў. Год таму было 890. Скачок – у 3,1 разы.

 

 

Улады абяцаюць стабілізаваць цэны. Што збіраюцца рабіць?

Урад і Камітэт дзяржкантролю зацвердзілі праграму стабілізацыі коштаў. Ёю прагледжваецца насычэнне ўнутранага рынку таварамі, а таксама ўвядзенне новых правілаў у эканамічным і адміністрацыйным рэгуляванні.

У Саўміне, настойваюць: «большасць мерапрыемстваў знаходзіцца ў высокай стадыі прапрацоўкі, асобныя ўжо рэалізуюцца», піша рэсурс «Смартпресс».

Неабходнасць такіх захадаў тлумачыцца праблемамі ў эканоміцы. 

Сёлета ў траўні спажывецкія кошты ў параўнанні з красавіком выраслі на 0,7%, а з пачатку года інфляцыя склала 11,9%. Гадавая інфляцыя дасягнула 17%.

Цэны на харчовыя тавары за год выраслі на 19,3 працэнта, нехарчовыя – на 18,7 працэнта, кошт платных паслуг павялічыўся на 10,8 працэнта.

Сярод першачарговых мераў, урадоўцы абяцаюць легалізаваць паралельны імпарт. 

Гэта значыць, у краіну будуць увозіцца тавары без згоды праваўладальніка гандлёвага знаку.

Ва ўрадзе тлумачаць, што такая часовая мера скіраваная на недапушчэнне дэфіцыту тавараў імпартнай вытворчасці на насычэнне спажывецкага рынку.

Неабходнасць яе выкарыстання выкліканая, тым, што краіна пад санкцыямі і ўладальнікі вядомых брэндаў пазбягаюць увозіць у Беларусь свае тавары.

Разлічвацца за энергарэсурсы збіраюцца расійскімі рублямі. 

Сёлета ў красавіка паведамлялася, што Міністэрства Беларусі і «Газпром» падпісалі адпаведныя дакументы.

Заяўлялася, што гэта створыць «камфортныя і празрыстыя» умовы разлікаў для Беларусі.

У чэрвені ж незалежным медыям стала вядома, што беларускія ўлады сталі затрымліваць аплату, бо, на іх думку, Расія штучна завышае курс расійскага рубля і цана выходзіла завялікай».

 

фота belmarket.by

Сталь, высокатэхналагічная прадукцыя, фінансавыя паслугі. Вялікабрытанія ўвяла дадатковыя санкцыі супраць Беларусі

Новыя абмежаванні закрануць пастаўкі металаў, сектар фінансавых паслуг, экспарт высокатэхналагічнай прадукцыі і прамысловага абсталявання.

Пакет абмежавальных мер уключае забарону на імпарт і экспарт тавараў на суму каля 60 млн фунтаў стэрлінгаў, піша выданне Myfin, спасылаючыся на пастанову ўраду Вялікабрытаніі.

Уводзіцца эмбарга на імпарт з Беларусі жалеза і сталі. У Беларусь з Вялікабрытаніі забароняць пастаўляць нафтапрадукты, найноўшыя тэхналагічныя распрацоўкі (у тым ліку тыя, што выкарыстоўваюцца для квантавых вылічэнняў), а таксама прадметы раскошы, сярод якіх значацца творы мастацтва і дызайнерскія сумкі.

Вялікабрытанія абмяжоўвае доступ Беларусі да сектару фінансавых паслуг: кампаніям будзе забаронена выпускаць каштоўныя паперы і даўгавыя абавязальніцтвы на Лонданскай фондавай біржы.

 

«АВТОВАЗ» захрас. Калектыву абяцаюць скарочаны працоўны тыдзень да лістападу

Чатырохдзённы працоўны дзень трывае ад 6 чэрвеня. Яго ўвядзенне кіраўніцтва тлумачыць клопатам аб захаванні «калектыву і працоўных месцаў ва ўмовах негатыўнага развіцця сітуацыі на аўтамабільным рынку».

Чатырохдзёнку збіраліся падоўжыць да 4 верасня, але цяпер кажуць, што да 6 лістапада.

«Увядзенне няпоўнага працоўнага тыдня – прэвентыўная мера для захавання калектыву і працоўных месцаў ва ўмовах негатыўнага развіцця сітуацыі на аўтамабільным рынку восенню бягучага года», – тлумачаць у прэс-службе кампаніі.

У цяперашні час аўтазавод кампаніі ў Тальяці знаходзіцца ў частковым прастоі: з трох ліній адзінай аўтазборачнай вытворчасці запушчана толькі «нітка» па зборцы спрошчаных версій Lada Granta, паведамляе інфармацыйнае агенцтва «Интэрфакс».

Акцыянерамі «Автоваза» пасля сыходу Renault з Расіі кантралююць працу кампанію «Автоваз» з’яўляюцца дзяржаўныя структуры «Ростех» і «НАМИ«.

“Ростех” валодае 32,3% акцыяў аўтамабільнага гіганта. “Ростех” – гэта дзяржаўная карпарацыя садзейнічання распрацоўцы, вытворчасці і экспарту высокатэхналагічнай прамысловасці. Яна ўтвораная на загад Уладзіміра Пуціна ў 2007 годзе.

67,7% акцыяў належаць дзяржаўнаму навуковаму цэнтру «НАМИ». Арганізацыя ўключаная ў спіс стратэгічных прадпрыемстваў, якія маюць значэнне ў абароназдольнасці, бяспецы дзяржавы.

фота: autostat.ru, носіць ілюстрацыйны характар

Магілёўскім чыноўнікам на прадпрыемстве, якое вырабляе падгузнікі, нагадалі пра санкцыі. Як яны ўплываюць на яго працу не паведамляецца

Наведванне чыноўнікамі прадпрыемстваў не абыходзіцца без згадкі аб уплыве санкцыяў на беларускую эканоміку. Адзначаецца, што яны хоць і маюць негатыўныя наступствы, але змушаюць шукаць новыя рынкі для збывання прадукцыі.

Днямі ўдзельнікі выязнога пасяджэння Магілёўскага райвыканкаму наведалі прадпрыемства «БелЭмса». Яно ад 2020 году вырабляе дзіцячыя падгузнікі.

Газета Магілёўскага райвыканкаму «Прыдняпроўская Ніва», пішучы пра візіт чыноўнікаў, адзначае, што кіраўніцтва расказала старшыні райвыканкаму Алегу Чыкідзе, як прадпрыемства працуе ва ўмовах санкцыяў, а таксама пра перспектывы развіцця. Падрабязнасцяў выданне не падае, а абмяжоўваецца фотарэпартажам.

На сайце прадпрыемства гаворыцца, што аднаразовыя падгузнікі яно вырабляе пад гандлёвай маркай «SENSO BABY», сыравіну закупае ў ЗША, Фінляндыі, Турцыі, Францыі, Германіі, Паўднёвай Карэі і Чэхіі. Ці ўплываюць санкцыі на яго працу высветліць не ўдалося.

Сваю дзейнасць яно пачало ў 2011 годзе. Тады кампанія «UÇAR GROUP» узялася за ажыццяўленне праекту па вырабе сродкаў асабістай гігіены, стаўшы рэзідэнтам свабоднай эканамічнай зоны «Магілёў».

У адкрыцці вытворчай лініі ў 2012 годзе ўдзельнічалі тагачасны прэм’ер-міністр Міхаіл Мясніковіч і старшыня аблвыканкаму Пётр Руднік. На ўрачыстасці прысутнічаў часовы павераны ў справах Турцыі ў Беларусі.

Офіс «UÇAR GROUP» месьціцца ў Станбусе (Турцыя). На сайце гаворыцца, што гэта кампанія спецыялізуецца на будаўніцтва.

фота: pniva.by

Расія шукае шляхі абыходу санкцый для набыцця ваенных тэхналогіяў, сцвярджае разведка Канады

Расійскі абаронна-прамысловы комплекс залежыць ад імпартных дэталяў, таму актыўна шукае шляхі абыходу санкцый, каб набыць заходнія ваенныя тэхналогіі і кампаненты.

Ён мае патрэбу ў замежных кампанентах і тэхналогіях для мадэрнізацыі войск, паведамляе выведка Канады (CSIS) у Twitter.

«Спробы расейскіх зацікаўленых бакоў ухіліцца ад гэтых санкцый і незаконна набыць заходнія тэхналогіі падвойнага выкарыстання, ці абмежаваных тэхналогіяў будуць працягвацца і патэнцыйна расці, у тым ліку і ў Канадзе», – адзначае спецслужба гэтай краіны.

Інфармацыйнага агенцтва УНІАН піша, што праз санкцый у Расіі застаецца ўсё менш найноўшых узбраенняў, аднак яна здольная ваяваць ад 6 да 12 месяцаў. У расіян, адзначае выданне, ёсць нямала складоў, з якіх можна раскансерваваць тэхніку і перакідваць яе на фронт, але гэта будзе значна больш старая тэхніка.

фота: profi-forex.org

 

«Удаецца супрацьстаяць». Старшыня Магілёўскага гарвыканкаму Цумараў пра санкцыі

Уладзімер Цумараў прапануе свой шлях у пераадоленні наступстваў «санкцыйнага ціску».

Ён лічыць, што «санкцыі стымулююць да развіцця, нейтралізуючы ў некаторых сектарах эканомікі высокую канкурэнцыю і тым самым дазваляюць айчынным прадпрыемствам пашыраць межы дзейнасці».

Па ягоных словах галоўныя задачы пры санкцыйным ціску – «пераарыентацыя экспарту, імпартазамяшчэнне, падтрыманне стабільнасці на рынку працы, зніжэнне адміністрацыйнай нагрузкі, цэнаўтварэнне», падае меркаванне службоўцы газета «Веснік Магілёва».

У інтэрв’ю выданню ён кажа, што імпартазамяшчэнне патрабуе ад дзяржавы і бізнесу мабілізацыі рэсурсаў і пошуку нестандартных рашэнняў. Ён прызнаецца, што акцэнт робіцца на развіцці кааператыўных сувязяў з Расіяй.

Сярод краінаў партнёраў Цумараў называе Кітай, Індыю, Іран, Аб’яднаныя Арабскія Эміраты, Казахстан, Узбекістан, Таджыкістан. З імі выбудоўваюцца новыя транспартна-лагістычныя ланцужкі, адзначае ён.

«На мой погляд, нам удаецца супрацьстаяць санкцыйнаму ціску, – настойвае Уладзімер Цумараў. – Прадпрыемствы гораду працуюць, адгружаюць прадукцыю на экспарт, выконваюць сацыяльныя абавязкі. У крамах не прадбачыцца пустых паліц».

 

«Белавиа» нарушила санкционные правила и против неё введены новые ограничения

Введенные ограничения связаны с тем, что самолеты Boeing из парка белорусского авиаперевозчика осуществляли рейсы в нарушение принятых ранее санкций США.

Бюро промышленности и безопасности министерства торговли США 8 апреля установило ограничения на использование воздушных судов, которыми располагала белорусская сторона, произведенные в США или в любой другой стране с использованием более 25% американских комплектующих.

Бюро заявило что, как минимум с середины мая «Белавиа» нарушала установленные правила, осуществляя рейсы на американских самолетах в обе стороны по направлениям Москва и Санкт-Петербург (Россия), Анталия и Стамбул (Турция), Тбилиси и Батуми (Грузия), Шарджа (ОАЭ), Шарм-эш-Шейх (Египет).

Ограничение является временным и введено на 180 дней, а по истечении данного срока может быть продлено.

Компаниям по всему миру теперь будет запрещено обслуживать флот «Белавиа» с использованием американского оборудования или запчастей.

Подобные меры США ввели ранее и в отношении крупных российских авиакомпаний, таких как «Аэрофлот», «Авиастар», Azur Air, «Россия» и Utair, после того как выяснилось, что самолеты Boeing из их парка действовали в нарушение установленных ранее американских санкций.

Новые санкции касаются самолетов машин производства Boeing и Embraer, находящихся в парке «Белавиа» – теперь авиакомпания не сможет получить для них запасные части или воспользоваться услугами по ремонту и обслуживанию с использованием американского оборудования.

фото: samolety.org

На расійскім газаправодзе зламалася турбіна. Даставіць новую не могуць праз санкцыі

У кампаніі Siemens заяўляюць пра значанае скарачэнне паставак газу праз трубаправод «North Stream-1» у сувязі з працяглым рамонтам турбіны кампрэсарнай станцыі. Яе не могуць даставіць з канадскага прадпрыемства, бо супраць расійскага «Газпрома» уведзеныя санкцыі.

Федэральны ўрад спрабуе дамагчыся, каб неабходны агрэгат трапіў у Нямеччыну заказчыку.

Міністэрствам эканомікі, урад Канады з Камісіяй Еўрапейскага саюзу спрабуюць знайсці магчымасць абысці санкцыі, каб даць рады праблеме, піша нямецкае выданне «Spiegel».

cdn.prod.www.spiegel.de

Паводле выдання « Газпром » ужо абвясціў, што скароціць пастаўкі газу ў Еўропу па газаправодзе «North Stream-1» на 40 працэнтаў. Кампанія гарантуе падачу 100 мільёнаў кубаметраў газу за содні, замест звыклых 167 мільёнаў.

Неўзабаве пасля гэтай заявы Siemens Energy пацвердзіў, што газавая турбіна знаходзіцца ў Манрэалі і не можа быць дастаўленая заказчыку з-за канадскіх санкцый. Пра тое кампанія паінфармавала ўрады Нямеччыны і Канады.

 

Вайна ва Украіне і «Паўночны паток». Хроніка падзеяў паводле інфармацыйнага агенцтва «УНІАН»

– 22 лютага 2022 года федэральны канцлер ФРГ Олаф Шольц заявіў, што Германія спыніла працэс сертыфікацыі газаправода «Паўночны паток-2». Паводле яго слоў, гэта адказ на рашэнне Расіі аб прызнанні незалежнасці «ЛНР» і «ДНР».

– У той жа дзень нямецкі Фонд абароны клімату і навакольнага асяроддзя адмовіўся падтрымліваць расейскі газаправод «Паўночны паток-2». Яго стварылі для абыходу санкцыяў ЗША, каб завяршыць будаўніцтва.

images.unian.net

– 23 лютага Злучаныя Штаты Амерыкі ўвялі санкцыі супраць аператара «Паўночнага патоку-2» у адказ на прызнанне Расіяй тэрарыстычных арганізацый «ЛНР» і «ДНР».

– 24 лютага 2022 года Расія пачала поўнамаштабнае ўварванне на тэрыторыю Украіны.

– 1 сакавіка аператар «Паўночнага патоку-2» збанкрутаваў у сувязі з уведзенымі заходнімі санкцыямі ў дачыненні да Расіі з-за яе агрэсіі супраць Украіны. Банкруцтва пацвердзілі ва ўрадзе швейцарскага кантона Цуг, дзе быў зарэгістраваны Nord Stream 2 AG.

– У сакавіку 2022 года Аператар газатрансфарматарнай сістэмы Ўкраіны заклікаў Еўропу паменшыць пастаўкі газу праз «Паўночны паток-1» для адпаведнага пераразмеркавання газавых маршрутаў і максімальнай загрузкі ўкраінскай ГТС.

Еўрапейскія аператары ГТС падтрымалі пазіцыю Украіны і пагадзіліся садзейнічаць узмацненню энергетычнай бяспекі рэгіёну.

– 27 сакавіка 2022 года Украіна звярнулася да Германіі з просьбай спыніць «Паўночную паток-1».

– 18 красавіка 2022 года кіраўніка адной з земляў Германіі абвінавацілі ў змове з расіянамі па «Паўночным патокуі-2».