Tag: подтопление

У Магілёўскай вобласці падтоплены ўчасткі дарог у Слаўгарадскім і Чавускім раёнах

Навіна ад

Падтапленне ў Слаўгарадскім раёне

24 снежня ў выніку павышэння ўзроўню вады ў рацэ Проня адбылося падтапленне ўчастка аўтамабільнай дарогі працягласцю 7 м. паблізу моста паміж в.Ляцягі і в.Улукі Слаўгарадскага раёна.

Пад’езд да населеных пунктаў в. Ляцягі і в. Бярозаўка будзе ажыццяўляцца з боку в. Ходарава Слаўгарадскага раёна.

Падтапленне ў Чавускім раёне

24 снежня ў выніку павышэння ўзроўню вады ў р. Проня адбылося падтапленне нізкаводнага маста і ўчастку дарогі агульнай працягласцю 70 м. паблізу в. Скварск Чавускага раёна.

Пад’езд да населеных пунктаў: в. Вярбоўка, в. Пухнова, в. Дзедня будзе ажыццяўляецца па аб’язной дарозе праз в. Пуцькі – в. Кроткі Чавускага раёна.

Вядзецца маніторынг гідралагічнага становішча. Пацярпелых няма. Жыццезабеспячэнне насельніцтва не парушана.

Фота: МНС

Паводка на многіх рэках Магілёўшчыны б’е рэкорды дзесяцігоддзя. Уражвае Бярэзіна

Навіна ад

Статыстыка паводкі на Бярэзіне ўражвае. 6 красавіка ўзровень вады ў Бярэзіне склаў 304 cм над нулём Бабруйскага гідрапоста – паведамляе “Вячэрні Бабруйск”. 

За мінулыя 24 гадзіны вада ўзнялася на 9 см і не імкнецца да істотнага паніжэння.

За ўсю гісторыю назіранняў у ХХІ стагоддзі самы высокі ўзровень у Бярэзіне быў зафіксаваны ў 2010 годзе. Тады вада дасягнула адзнакі 364 см. Тую паводку добра запомнілі жыхары Бабруйскіх прадмесцяў Зялёнкі і Цітоўкі, якім давялося перамяшчацца да сваіх дамоў на лодках і ваенных амфібіях.

Фотафакт: Падтапленне прыватнага сектара Бабруйска. Правы бераг Бярэзіны, каля Рагачоўскага моста і Бабруйскай крэпасці. 

Вада па вуліцы Урыцкага.

Разліў каля Рагачоўскага моста, які знаходзіцца на рэканструкцыі

Падтапленне левага берага, мікрараён Цітаўка

Фота: mogilev.media

На ўсёй Магілёўшчыне чакаюцца небяспечныя ўзроўні вады – фота

Навіна ад

Штармавое гідралагічнае папярэджанне аб небяспечнай з’яве аб’явіў Белгідрамет. У найбліжэйшыя дні на Бярэзіне каля Бабруйска ўзровень вады дасягне небяспечнай высокай адзнакі, пры якой раней адзначаліся затапленні прыбярэжных тэрыторый. 

Небяспечна высокі ўзровень прагназуецца і на Віхры каля г. Мсціслава. Акрамя таго, у найбліжэйшыя дні на рэках будзе пераважаць рост узроўняў вады, у выніку чаго на Дняпры ў г. Магілёў, на Сожы ў г. Слаўгарад узроўні вады наблізяцца да небяспечных высокіх адзнак. 

Mogilev.media паглядзелі, што робіцца ў розных кутках Магілёўшчыны проста зараз. Вада падабралася да двароў в. Сапяжынка пад Быхавам. 

Лесвіца ў Баркалабаўскім манастыры затопленая Дняпром.

Дняпро каля Баркалабава.

Дняпро каля Дашкаўкі.

Рост узроўняў вады назіраецца на Сожы з інтэнсіўнасцю да 27 см за суткі,  Дняпры, Бярэзіне з сутачнай інтэнсіўнасцю да 12 см.

Узроўні вады перавышаюць небяспечныя высокія адзнакі на рацэ Друць каля в. Гарадзішча і прытоку Сожа рацэ Проня каля в. Ляцягі.

Узроўні вады блізкія да небяспечных высокіх адзнак на Бярэзіне ў Бабруйску, прытоку Сожа рацэ Віхра каля Мсціслава.

Паводле звестак МНС, затапленні рачнымі водамі назіраюцца ў Гомельскай, Магілёўскай, Мінскай, Брэсцкай і Віцебскай абласцях.

Днепр шырока разліўся і падыйшоў блізка да вёсак Вараніно, Сапяжынка, Баркалабава Быхаўскага раёна, дастаткова высокі ўзровень вады каля Дашкаўкі Магілёўскага.  

Фота: mogilev.media

Вада ідзе – Друць затапіла дарогу ў Магілёўскім раёне, яна зачынена

Навіна ад

29 сакавіка апасля абеду выявілася, што пры пад’ёме вады на рацэ Друць адбылося падтапленне ўчастка ў 10 метраў дарогі каля аўтамабільнага моста каля в. Гарадзішча Магілёўскага раёна – паведамляе абласное упраўленне надзвычайных сітуацый.

Мост размешчаны на аўтамабільнай дарозе Семукачы–Гарадзішча.

Праезд па дарозе перакрыты. Пад’езд да в. Гарадзішча ажыццяўляецца па аб’язной дарозе праз Бялыніцкі раён па трасе М-4.