Tag: онлайн-казино

Магілёўская прадавачка нацягала з касы 10 000 рублёў на стаўкі ў онлайн-казіно

Навіна ад

Пачынаючы з снежня 2022 года і па сакавік 2023-га дваццацішасцігадовая прадавачка магілёўскай прадуктовай крамы перыядычна забірала дзённую выручку магазіна – паведамляе прэс-служба абласнога УУС. Гэта давалася ёй лёгка, паколькі часам жанчына выконвала функцыі загадчыцы крамы і мела поўны доступ да касавага апарата. Агульная сума скрадзеных грошай склала 10 000 рублёў. Акрамя таго, таемна ад мужа жанчына брала грошы з сямейнага бюджэту. Усе сродкі яна траціла на стаўкі ў онлайн-казіно. Цяпер узбуджана крымінальная справа, частка грошай вернута.

Фота ілюстрацыйнае

Прадавачка ў Хоцімску брала грошы з касы дзеля ставак у онлайн-казіно

Навіна ад

На працягу двух месяцаў 37-гадовая жанчына здавала ў банк толькі частку выручкі, а астатнія сродкі клала на свой рахунак. Потым прадавачка гуляла на гэтыя грошы ў онлайн-казіно, паведамляе прэс-служба УУС аблвыканкама. Агульная сума прысабечаных грошай за два месяцы склала 14 000 рублёў.

Фота: УУС

Магілёўскі лудаман прадаваў неіснуючы тавар

Навіна ад

5 чалавек з розных гарадоў краіны сталі ахвярамі інтэрнэт-махляра і згубілі 2 460 беларускіх рублёў – паведамляе прэс-служба УУС.

Аператыўнікі высветлілі, што іх падманваў непрацуючы 22-гадовы магілёвец. Ён размяшчаў на адной з гандлёвых пляцовак аб’явы аб продажы камплектуючых дэталяў да камп’ютараў, дапаўняючы аб’явы фатаздымкамі дэталяў.

Аднак гэтыя здымкі былі проста спампаваныя з інтэрнэту і выкарыстоўваліся, каб пераканаць патэнцыйных пакупнікоў у рэальнасці тавара. Як толькі людзі пераводзілі яму грошы, прадавец спыняў перапіску, а атрыманыя грошы ўносіў у анлайн-казіно. Узбуджана крымінальная справа.

Фота ілюстрацыйнае

Прадавачка ў Горках траціла выручку з крамы ў онлайн-казіно

Навіна ад

Сума страты склала 16 тысяч рублёў. 

Пачынаючы з ліпеня 2022 года 42-гадовая жанчына, касір адной з крам у мікрараёне Будаўнікоў у Горках, перастала здаваць выручку ад гандлю – паведамляе “Горацкі веснік”. Усе грошы яна пускала на стаўкі ў онлайн-покер у адным з віртуальных казіно. Калі кіраўніцтва крамы пачало высвятляць прычыну непаступлення сродкаў ад продажаў, высветлілася, што сума растрачаных грошай склала 16 тысяч. Супраць жанчыны ўзбуджаная крымінальная справа па артыкуле “Прысваенне”.