Tag: кража

Жанчына знайшла чужы бранзалет у паліклініцы і атрымала крыміналку

Навіна ад

У міліцыю Магілёва звярнулася 31-гадовая мясцовая жыхарка, якая расказала, што ў яе быў выкрадзены згублены залаты бранзалет. Інцыдэнт адбыўся ў адной з медыцынскіх устаноў горада, куды жанчына хадзіла з малалетнім дзіцём.

Сышчыкі высветлілі, што чужую маёмасць забрала 35-гадовая магіляўчанка, якая таксама наведвала паліклініку. Перад гэтым залаты бранзалет парваў дзіця, будучы на руках у маці. Апошняя гэтага не заўважыла – ювелірнае ўпрыгожванне зачапілася за металічнае сядзенне крэсла ў прыёмнай і засталося там. Пасля бранзалет выявіла іншая жанчына, якая і забрала яго з сабой, паклаўшы ў кашалёк. Упрыгожванне нейкі час ляжала дома ў жанчыны – яна планавала пакінуць яго сабе – паведамляе тэлеграм-канал абласнога УУС.

У выніку ў дачыненні да жанчыны, якая знайшла бранзалет і забрала сабе, узбуджана крымінальная справа.

Фота ілюстрацыйнае

Прадавачка ў Хоцімску брала грошы з касы дзеля ставак у онлайн-казіно

Навіна ад

На працягу двух месяцаў 37-гадовая жанчына здавала ў банк толькі частку выручкі, а астатнія сродкі клала на свой рахунак. Потым прадавачка гуляла на гэтыя грошы ў онлайн-казіно, паведамляе прэс-служба УУС аблвыканкама. Агульная сума прысабечаных грошай за два месяцы склала 14 000 рублёў.

Фота: УУС

Дзеля ставак на спорт, жыхар Бабруйска два разы краў на працы адзін і той жа ноўтбук

Навіна ад

Заплаціць за яго прыйдзецца тройчы.

У студзені 2023 года жыхар Бабруйска, супрацоўнік адной з бюджэтных арганізацый, скраў на працы ноўтбук “Acer Aspire 3” коштам каля 1 300 рублёў  і здаў яго ў ламбард. Грошы ён адразу пратраціў на спартыўныя стаўкі і прайграў іх усе. Калі крадзёж быў выяўлены кіраўніцтвам арганізацыі, бабруйчаніну давялося выкупаць ноўтбук назад і звольніцца.

Але ўжо праз месяц мужчына заявіўся зноў ва ўстанову і падмануў ахоўніка, быццам бы ўсё яшчэ працуе. І зноў – скраў той жа самы ноўтбук, здаў у ламбард і спусціў усе грошы на стаўкі. Яшчэ на стадыі разгляду яго крымінальнай справы бабруйчанін кампенсаваў кошт ноўтбука арганізацыі. Паводле пастановы суда яму вынесены штраф у 35 базавых велічынь, што складае амаль тыя самыя 1 300 рублёў – піша выданне “Бабруйскае жыццё”.

Фота ілюстрацыйнае

Юнак у Мсціславе дзёргаў ручкі машын, шукаючы незапертыя – знайшоў 20 000 рублёў і ключы ад Peugeot

Навіна ад

У Мсціславе раніцай мясцовы жыхар убачыў на ўскраіне горада перавернуты аўтамабіль і выклікаў міліцыю.

Высветлілася, што машыну ноччу ўгналі з двара аднаго з дамоў. 22-гадовы жыхар адной з вёсак Мсціслаўскага раёна ў п’яным выглядзе хадзіў па двары і тузаў за ручкі прыпаркаваных аўто. 

Такім спосабам ён змог пранікнуць ў пяць з іх. У салоне красовера Volkswagen ён знайшоў амаль 20 тысяч рублёў, якія забраў з сабой, а ў бардачку легкавога Peugeot знайшоў ключ ад машыны і вырашыў пакатацца. Але далёка з’ехаць не змог – неўзабаве не справіўся з кіраваннем, з’ехаў у кювет і перакуліўся. Юнак сам выбраўся з салона і пайшоў дахаты.

Зараз яму прад’яўлена абвінавачванне ва ўгоне і крадзяжы – паведамляе прэс-служба абласнога УУС.

Фота: скрыншот з відэа УУС

Па Мсціславу прайшліся машынныя злодзеі, з аднаго аўто скралі больш за 5,5 тысяч даляраў

Навіна ад

Усяго было здзейснена некалькі крадзяжоў з аўтамабіляў у розных частках горада Мсціслава. Ва ўладальніка транспартнага сродка, які пражывае па вуліцы Палявой, з салона аўтамабіля выкралі 5400 долараў, 400 беларускіх і 9000 расійскіх рублёў.

У іншага гаспадара машыны злодзеі пажывіліся толькі пачкай цыгарэт, а ва ўладальніка аўтамабіля з вуліцы Школьнай яны скралі мадулятар, флэшкарту і палаценца. Па ўсіх здарэннях супрацоўнікамі ўнутраных органаў праводзіцца праверка – паведамляе мсціслаўская раённая газета “Святло кастрычніка”. 

Фота ілюстрацыйнае

Магілёвец поўгады выносіў рэчы з суседскага дома

Навіна ад

Жыхар Магілёва выявіў прапажу маёмасці ў сваім дачным доміку на агульную суму 3 500 рублёў. Як высветлілася, рэчы з хаты выносіў 33-гадовы сусед, які на працягу некалькіх месяцаў перыядычна прабіраўся ў дом і забіраў сабе ўсё, што здавалася каштоўным. Да сябе ў хату ён вынес нават сталы і крэслы. Мужчына сачыў за суседскім домам і выбраў зімні час для рабавання, калі ў дачным доміку ніхто не паяўляўся – паведамляе прэс-служба абласнога УУС. Узбуджана крымінальная справа.

Фота ілюстрацыйнае

Пад Асіповічамі супрацоўнік аграпрадпрыемства скраў хімікаты на суму каля 1400 рублёў

Навіна ад

Супрацоўнікі асіповіцкай міліцыі спынілі крадзеж 30 літраў хімічнага сродку для абароны раслін з тэрыторыі сельскагаспадарчага прадпрыемства. 

Устаноўлена, што супрацоўнік аграпрадпрыемства на службовым аўтамабілі ў працоўны час са складскога памяшкання сельскагаспадарчай арганізацыі ў некалькіх пластмасавых каністрах вывез хімічны сродак, каб прадаць жыхару суседняга аграгарадка – паведамляе упраўленне ўнутраных спраў Магілёўскага аблвыканкама. 

Супрацоўнікі міліцыі скрадзенае канфіскавалі. Хімічны сродак на агульную суму амаль 1400 рублёў у поўным аб’ёме вернуты на прадпрыемства. У дачыненні да 38-гадовага асіпаўчаніна заведзена крымінальная справа. 

Фота: mogilev.mvd.gov.by

Падлетак у Крычаве скраў мотаблок, абмяняў на мапед, а яго таксама скралі

Навіна ад

У Крычаўскім раёне адзін падлетак скраў матаблок, каб абмяняць на мапед, а неўзабаве яго знаёмыя скралі той жа самы мапед, каб пакатацца.

У вёсцы Песькавічы 17-гадовы падлетак, які і так чакаў адпраўкі ў спецустанову, улез у гараж мужчыны, які жыў па суседстве, каб выкрасці матаблок. Юны зламыснік планаваў памяняць яго на мапед.

Хлопец нейкім прадметам адамкнуў замок гаража суседа і скраў мотаблок. Аднак доўга цешыцца мапеду, на які ён вымяняў мотаблок, падлетку не прыйшлося, бо крадзёж раскрылі вельмі хутка. На цяперашні момант у дачыненні да хлопца распачалі крымінальную справу, ён узяты пад варту. Маёмасная шкода прычыненая гаспадару матаблока вызначана на суму ў 1000 рублёў – паведамляе раённая газета “Крычаўскае жыццё”. 

Аднак на гэтым гісторыя з крадзяжамі ў Песькавічах не скончылася. Праз некаторыя час тройка знаёмых сямнаццацігадовага злачынцы вырашыла пакатацца і скрала той самы мапед з гаража іншага мужчыны, на які іх агульны знаёмы абмяняў скрадзены матаблок.   

Скралі, а пасля пакацілі мапед да суседняй вёскі Беражыстае. Там паспрабавалі завесці, але мапед быў няспраўны. Хлопцы вырашылі закаціць яго пад бліжэйшыя кусты і сысці. Але і іх знайшлі. У адносінах да ўсіх трох узбуджана крымінальная справа.

Фота ілюстрацыйнае

Паеў, выпіў, паспаў у чужым доме – у Магілёве затрымалі гастралёра

Навіна ад

Жыхарка Магілёва знайшла свой дачны домік у горадзе са слядамі ўзлома. Выявіла гэта не адразу, бо нячаста бывае на лецішчы, аднак праваахоўнікі ўсё ж знайшлі злачынцу. Выявілася, што ў чужы дачны дом пралез 47-гадовы, раней судзімы жыхар Салігорска.

Мужчына прыехаў у Магілёў і бадзяўся па прыватным сектары. Прабраўшыся ў дом 57-гадовай жыхаркі абласнога цэнтра, пераапрануўся ў вопратку, кую знайшоў у доме. Потым паеў, выпіў спіртнога, якое знайшоў у хаце, пакурыў і заснуў. Раніцай пакінуў дом, забраўшы з дома некаторыя рэчы – паведамляе прэс-служба абласнога УУС. Заведзена крымінальная справа.

Фота ілюстрацыйнае

Зладзействы па-мсціслаўску – у горадзе выкапалі туі і вярбу, на раёне скралі лесвіцу і прадукты з халадзільніка

Навіна ад

У Мсціславе невядомыя зламыснікі выкралі туі па вуліцы Кірава, што знаходзіцца паблізу кальцавой дарогі. Па гэтай жа вуліцы каля мясцовага інтэрната злачынцы выкапалі вярбу.

Крадзяжы адбыліся і ў сельскіх населеных пунктах Мсціслаўскага раёна. У жыхара аграгарадка Мушына была скрадзена металічная лесвіца, а ў вёсцы Мілейкава з халадзільніка зніклі прадукты харчавання – паведамляе мсціслаўская раённая газета “Святло Кастрычніка”.

Па ўсіх злачынных учынках праводзіцца праверка ў раённым аддзеле міліцыі.

Фота ілюстратыўнае