Category: Навіны Магілёва
Магілёўская майстар ЖЭУ, што прыбірала снег, сама трапіла пад удар – пераламаныя робры, косці, пазванкі
Дзяржаўныя медыцынскія судовыя экспертызы апублікавалі вынікі расследавання надзвычайнага здарэння, што адбылося ў Магілёве 19 снежня 2023 года на вуліцы Грышына.
Новы інавацыйны мікрараён у Магілёве аказаўся з кучай праблем
Плавіліся разеткі, не працуюць канвектары, працякае дах і неадрэгуляваныя вокны – гэта толькі частка праблем, з якімі сутыкнуліся жыхары мікрараёна “Талісман” у Магілёве.
Continue reading “Новы інавацыйны мікрараён у Магілёве аказаўся з кучай праблем”
Пацярпелі 8 чалавек, адна жанчына ў рэанімацыі – з’явіліся падрабязнасці аварыі пад Беразіном
Магілёўская маршрутка разбілася пад Беразіном, тры чалавекі пацярпелі
Раніцай 7 лютага маршрутка “Магілёў-Мінск” трапіла ў аварыю каля вёскі Васілеўшчына Бярэзінскага раёна. Як паведамляе прэс-служба Мінскага абласнога УУС, 31-гадовы кіроўца мікрааўтобуса, жыхар Магілёва не справіўся з кіраваннем. Машыну занесла, калі вадзіцель перастройваўся з правай палася ў левую. Аўтамабіль наскрозь прашыла дарожнай агароджай.
Тры пасажыры маршруткі былі шпіталізаваныя з траўмамі. Усяго ў мікрааўтобусе ехалі дзесяць чалавек.
Фота: УУС
“Kronospan” сышоў з Беларусі. Ён даваў 30% вытворчасці Магілёўскага раёна
З Беларусі сышоў адзін з буйнейшых інвестараў у эканоміку краіны. Агульны аб’ём інвестыцый прадпрыемства “Kronospan” ў яе ацэньваецца ў мільярд даляраў.
Пра ціхі сыход сумеснага аўстра-беларускага прадпрыемства “Kronospan” паведаміла выданне Office Life. Паводле інфармацыі рэсурса, яшчэ ў пачатку восені кампанія пазбавілася ад сваіх беларускіх актываў. Усе прадпрыемствы “Kronospan” былі прададзеныя эмірацкаму фонду Causa Foundation.
Юрыдычныя асобы, якім належалі заводы “Kronospan” у Беларусі, правялі рэбрэндынг. Прадпрыемствамі ў Смаргоні цяпер кіруюць кампаніі “Ультрадэкор”, “Ультрадэкор Прапертыз” і “Ультрадэкор НТ”, у Віцебску – “Ультрабілд”, пад Магілёвам – “Ультрабілд Стыл” і “УльтраПлай ОСБ”. Перайменаваны і іншыя мясцовыя юрыдычныя асобы.
У 2022 годзе mogilev.media паведамлялі, што з-за санкцый эканоміка Магілёўшчына “прасела”. Гаспадарка трымалася па сутнасці на двух замежных прадпрыемствах – аўстра-беларускім прадпрыемстве “Kronospan” і літоўска-беларускім “ВМГ Індастры”. Сумарна гэтыя дзве кампаніі забяспечвалі 55% прамысловай вытворчасці ў Магілёўскім раёне. Вытворчасць “Kronospana” складала пры гэтым 30,7%, “ВМГ Індастры” – 23,3%. Апошняя кампанія 1 чэрвеня 2022 года прыпыніла сваю дзейнасць у Беларусі.
Фота: mogilev.media
У Магілёве затрымалі кур’ераў махляроў, яны абакралі трох чалавек на 85 000 рублёў
Двух кур’ераў тэлефонных махляроў, грамадзян суседняй краіны затрымалі ў Магілёве – паведамляюць праваахоўнікі.
Затрыманне стала магчымым дзякуючы пільнасці 72-гадовай жыхаркі абласнога цэнтра. Спачатку яна аддала кур’ерам 20 000 даляраў, але апрытомнеўшы, патэлефанавала ў міліцыю. Як высветлілася, пенсіянерку па тыпавому сцэнарыю “развялі” махляры. Яны паведамлі ёй, што сваячка жанчыны стала віноўніцай дарожна-транспартнага здарэння, і для таго, каб вызваліць яе з-пад крымінальнай адказнасці, трэба заплаціць.
На працягу некалькіх гадзін міліцыянты знайшлі людзей, якім пенсіянерка аддала грошы. Імі аказаліся 33-гадовая жанчына і 24-гадовы мужчына, жыхары суседняй краіны. Пры сабе ў кур’ераў аказаліся грошы яшчэ двух ахвяр, на агульную суму 85 000 рублёў. Усе сродкі вернутыя пацярпелым.
Фота: УУС, скрыншот
Жорсткая аварыя ў Магілёве – відэа
Вечарам 4 лютага ў Магілёве на вуліцы Лазарэнкі насупраць Каталіцкіх могілак адбылося сур’ёзнае дарожна-транспартнае здарэнне. Як можна пабачыць на відэа з камеры назірання легкавы аўтамабіль занесла і ён на поўнай хуткасці ляцеў насустрач маршрутнаму таксі. Кіроўца маршруткі відавочна прадбачыў магчымасць сутыкнення, знізіў хуткасць і прыціснуўся да ўзбочыны.
Легкавушку выкінула на супрацьлеглую ўзбочыну і перавярнула. Як можна меркаваць з каментарыяў відавочцаў у другой частцы відэа, у аўтамашыне знаходзіліся, верагодна, двое. Афіцыйных каментарыяў наконт ДТЗ пакуль няма.
Фота, відэа: Тэлеграм-канал Mogilev.live
У Магілёве затрымалі педафіла – вядома пра чатыры яго ахвяры
35-гадовы жыхар Магілёўскага раёна быў затрыманы за сэксуальны гвалт над непаўналетняй дзяўчынкай.
Continue reading “У Магілёве затрымалі педафіла – вядома пра чатыры яго ахвяры”
Сёння – гадавіна славутага Магілёўскага паўстання 1661 года
Магілёўскае паўстанне 1661 года стала бадай што самым паспяховым і адным з самых вядомых у гісторыі Беларусі паўстанняў супраць прыгнятальнікаў і заваёўнікаў.
Continue reading “Сёння – гадавіна славутага Магілёўскага паўстання 1661 года”