Tag: телефонные мошенники

У Магілёве затрымалі кур’ераў махляроў, яны абакралі трох чалавек на 85 000 рублёў

Навіна ад

Двух кур’ераў тэлефонных махляроў, грамадзян суседняй краіны затрымалі ў Магілёве – паведамляюць праваахоўнікі. 

Затрыманне стала магчымым дзякуючы пільнасці 72-гадовай жыхаркі абласнога цэнтра. Спачатку яна аддала кур’ерам 20 000 даляраў, але апрытомнеўшы, патэлефанавала ў міліцыю. Як высветлілася, пенсіянерку па тыпавому сцэнарыю “развялі” махляры. Яны паведамлі ёй, што сваячка жанчыны стала віноўніцай дарожна-транспартнага здарэння, і для таго, каб вызваліць яе з-пад крымінальнай адказнасці, трэба заплаціць. 

На працягу некалькіх гадзін міліцыянты знайшлі людзей, якім пенсіянерка аддала грошы. Імі аказаліся 33-гадовая жанчына і 24-гадовы мужчына, жыхары суседняй краіны. Пры сабе ў кур’ераў аказаліся грошы яшчэ двух ахвяр, на агульную суму 85 000 рублёў. Усе сродкі вернутыя пацярпелым.

Фота: УУС, скрыншот

Нашла коса на камень – ловкий могилевчанин объегорил телефонных мошенников

Навіна ад

Жулики пользовались его картой, а мужчина снимал с нее похищенные деньги

Когда могилевчанин увидел в “телеграмм” объявление о предоставлении данных белорусской платежной карты за вознаграждение, то недолго думая, передал все данные карты, которой давно не пользовался.

Вскоре на карту “капнуло” 100 рублей, которые мужчина успел снять.

Выяснилось, что карта была для мошенников своеобразным перевалочным пунктом:

деньги, которые жулики выманивали у доверчивых граждан, переводились на карту, а затем – на другие счета.

Вскоре банк заметил подозрительную активность на карте и заморозил счет.

Мошенники тут же связались с владельцем карты. Тот сходил в банк и решил проблему, попутно сняв с карты больше 4000 рублей, которые жулики не успели вывести.

После этого мужчина удалил всю переписку в “телеграмм”, а карт-счет закрыл.

Он посчитал инцидент исчерпанным, однако радоваться было рано.

Если установить личности мошенников не удалось, то вычислить их подельника оказалось несложно, сообщает “Могилев-Онлайн”.

Легкие деньги обошлись могилевчанину достаточно дорого: суд приговорил его к 3 годам “домашней химии”.

Телефон у него конфискован, первые 100 рублей взысканы в доход государства, а  еще 2999 рублей мужчина обязан вернуть одной из потерпевших.

С учетом  оплаты еще 150 рублей госпошлины, могилевчанин больше потерял, чем нашел.

Фото носит иллюстративный характер.

Жыхарка Бабруйска цудам не паддалася тэлефонным махлярам – у яе проста не аказалася рахунку ў банку

Навіна ад

Па аднаму з месенджараў бабруйчанцы Ларысе патэлефанавалі “супрацоўнікі службы бяяспекі аднаго з банкаў”. Яе папрасілі тэрмінова зрабіць фотаздымак пашпарта і сэлфі на фоне адной са старонак дакумента – нібыта неабходна абнавіць кліенцкую базу.

Нягледзячы на тое, што жанчына цудоўна ведала пра выпадкі тэлефоннага махлярства, упэўнены і буднічны голас суразмоўцы ўнушыў ёй поўны спакой. Яе не прасілі ўзяць крэдыт альбо перавесці грошы, а маніпуляцыі адносіліся толькі да дакумента і базы дадзеных Не сумняваючыся ў правільнасці сваіх дзеянняў, Ларыса тэрмінова зрабіла сканы неабходных старонак пашпарта, выслала ўсё што яе прасілі і дадаткова паставіла сабе “ахоўнае” прыкладанне AnyDesk (насамрэч ахоўным яно не з’яўляецца, а наадварот – дазваляе падлучыцца да выдаленага кампутара і кіраваць ім).

Праз некалькі хвілін пасля завяршэння размовы бабруйчанка апрытомнела – прыгадала, што не з’яўляецца кліентам банка, з якога ёй нібыта тэлефанавалі. Прыкладанне тут жа выдаліла, так што, на шчасце, ні крэдыту, ні мікразайму ад яе імя ўзяць не паспелі – піша “Камерцыйны кур’ер”.

Фота ілюстрацыйнае

У Магілёве затрымалі 16-гадовага кур’ера тэлефонных махляроў

Навіна ад

Пажылой жыхарцы абласнога цэнтра патэлефанавалі невядомыя і расказалі, што яе дачка нібыта стала вінаватай у ДТЗ з пацярпелымі – паведамляе Тэлеграм-канал прэс-службы магілёўскага УУС. Для яе вызвалення ад крымінальнай адказнасці нібыта патрабавалася буйная сума. Нягледзячы на тое, што 64-гадовая жанчына ведала аб такім спосабе махлярства, у стрэсе яна аддала зламыснікам 8 тысяч еўра.

Супрацоўнікі Ленінскага РУУС Магілёва затрымалі кур’ера – 16-гадовага мясцовага жыхара. Ён растлумачыў, што знайшоў аб’яву аб падпрацоўцы ў інтэрнэце. Забраўшы грошы па ўказаным наймальнікам адрасе, адвёз іх на таксі ў Мінск і перадаў пасярэдніку, атрымаўшы свой працэнт. “Заробленае” патраціў на пакупку смартфона.

Фота ілюстрацыйнае.

Нават міліцыя не змагла ўгаварыць пенсіянераў не аддаваць грошы махлярам

Навіна ад

Чарговы выпадак выманьвання грошай у пажылых людзей адбыўся ў Бабруйску. 

Пенсіянерцы патэлефанаваў незнаёмы, які пераканаў яе, што іх дачка стала вінаватай у ДТЗ, а для выратавання яе ад крымінальнай адказнасці патрабуецца 20 000 долараў. Для пераканаўчасці пенсіянерам таксама патэлефанавала “медсястра” з бальніцы, у якой нібыта ляжыць іх дачка разам з іншай пацярпелай, прычым тая ў рэанімацыі.

Як паведамляе  прэс-служба абласнога УУС, пенсіянеры нават звярнуліся ў міліцыю, каб спраўдзіць звесткі пра ДТЗ і пачулі ад аператара тлумачэнне, што гэта яны папаліся на звычайную махлярскую схему. Тым не менш, пажылыя людзі аддалі 10 000$ кур’ерам тэлефонных махляроў. 

Толькі пасля гэтага яны стэлефанаваліся з дачкой, зразумелі, што сталі ахвярамі махляроў і звярнуліся ў міліцыю.

Аператыўнікі праз некалькі гадзін затрымалі кур’ераў. Імі аказаліся мясцовыя жыхары: 24-гадовы малады чалавек і 21-гадовая дзяўчына. Палову сумы яны ўжо паспелі перавесці арганізатарам злачынства, астатняе вернута пацярпелым.

Фота ілюстрацыйнае, узята з адкрытых крыніц.

Шаснаццацігадовы кур’ер тэлефонных махляроў затрыманы ў Магілёве

Навіна ад

У міліцыю паступілі паведамленні ад дзвюх магіляўчанак, якія сталі ахвярамі тэлефонных аферыстаў. Абедзве пенсіянеркі сабралі неабходныя сумы ў памеры 35 тысяч рублёў і аддалі кур’еру, што прыйшоў да іх.

Аператыўнікі ўстанавілі асобу і затрымалі кур’ера, які прыязджаў да жанчын. Ім аказаўся 16-гадовы жыхар абласнога цэнтра, навучэнец каледжа. Атрыманыя ад пацярпелых грошы ён пераводзіў наймальніку праз інфакіёск.

Следчыя распачалі крымінальную справу за махлярства – паведамляе Тэлеграм-канал прэсс-службы УУС Магілёўскага аблвыканкама.

Фота ілюстрацыйнае

Махляры выманілі ў пенсіянеркі дзесяць тысяч, не дапамог нават работнік банка

Навіна ад

Супрацоўнік банка запытаў у 70-гадовай жыхаркі Магілёва, ці не тэлефанавалі ёй незнаёмыя асобы, і ці не яны папрасілі яе ўзяць крэдыт. “Не” – адказала яна, падазраючы, што работнік знаходзіцца ў змове з махлярамі.

Пенсіянерцы з Магілёва ў месэнджэры патэлефанаваў невядомы, які назваўся праваахоўнікам – паведамляе Тэлеграм-канал прэс-службы абласнога УУС. Невядомы паведаміў, што зламыснікі спрабуюць аформіць на яе крэдыт. Каб ім перашкодзіць, ёй неабходна самой узяць пазыку ў банку і адправіць нібыта на абаронены рахунак. Для пераканаўчасці мужчына нават даслаў фатаграфію свайго службовага пасведчання.

Магілявянка паверыла тэлефанаваўшаму, пайшла ў розныя банкі і ўзяла два крэдыты на агульную суму амаль 10 тысяч рублёў. Калі перад ухвалай выдачы крэдыту супрацоўнік банка паводле працэдуры праверкі пытаўся, ці не паступалі жанчыне званкі з невядомых нумароў, яна адказала адмоўна, лічачы, што ён у змове са зламыснікамі.

Усе атрыманыя грошы пацярпелая перавяла на ўказаны аферыстамі рахунак, у адказ атрымала скрыншот з інфармацыяй аб нібыта датэрміновым пагашэнні крэдыту і запэўненні, што з ёй хутка звяжуцца праваахоўнікі. Калі абумоўленыя тэрміны мінулі, яна звярнулася ў міліцыю.

Жыхарка Касцюковіч выстаяла перад махлярамі “з банку” – рэдкі выпадак у гісторыі злачынстваў

Навіна ад

Тэлефонныя аферысты спрабавалі схіліць жанчыну з Касцюковіч узяць на сябе крэдыт – паведамляе Тэлеграм-канал прэс-службы абласнога УУС. Яны дазваніліся ёй праз месенджар і спрабавалі пераканаць, што зламысныя супрацоўнікі банка, у якім абслугоўвпецца жанчына, збіраюцца таемна адкрыць на яе імя крэдыт. 

“Ужо восемдзесят чалавек пацярпелі ад падобных злачынстваў, восем работнікаў банка затрымана” – бойка шпарыць у размове невядомы малады чалавек. Далей ён папрасіў яе ўзяць новы крэдыт на суму ў чатыры тысячы рублёў і перавесці на рахунак, які будзе названы асобна.

Жанчына, аднак, папрасіла ўзяць паўзу і патэлефанаваць ёй яшчэ раз заўтра. Назаўтра размова праходзіла ўжо ў прысутнасці работнікаў міліцыі. Па факце праводзіцца праверка.