Category: Навіны Клімавіч

Самшыт, кізільнік, барбарыс – у Клімавічах плануюць высадзіць пару тысяч новых кустоў

Навіна ад

На сайце дзяржзакупак з’явілася інфармацыя пра тэндэр, абвешчаны клімавіцкім прадпрыемствам “Камунальнік”. У спісе меркаваных закупак – па некалькі соцень саджанцаў самшыту, кізільніка бліскучага, барбарысу. Таксама плануецца закупіць саджанцы каштану, фарзіцыі, пузыраплодніка, рабіны, сасны і іншых раслін, прызначаных для азелянення тэрыторый і стварэння жывых агароджаў. Усяго ў плане 15 пазіцый, праўда, некаторыя чамусьці паўтараюцца двойчы.

Пузыраплоднік
Пузыраплоднік. Фота ілюстрацыйнае

Верагодна, гэтая закупка ажыццяўляецца ў адпаведнасці са стратэгічнай экалагічнай ацэнкай, праведзенай у Клімавічах у 2024 годзе, у выніку якой былі вызначаныя мерапрыемствы па азеляненні горада, абазначаныя асноўныя ўчасткі існуючых і перспектыўных зялёных насаджэнняў горада. Адметна, што гэтая ацэнка ўвязвае насаджэнні з планам размяшчэння ў горадзе помнікаў культуры і архітэктуры.

Фота: “Родная ніва”, архіўнае

Котка выратавала дзяўчыну на пажары ў Клімавічах

Навіна ад

Цікаўны хатні гадаванец дапамог 16-гадовай дзяўчыне ў Клімавічах выжыць на пажары.

Пра незвычайны выпадак выратавання на пажары распавядае прэс-служба МНС. Днём 26 красавіка ў Клімавічах адбылося ўзгаранне ў чатырохпавярховым жылым доме на вуліцы 50-годдзя СССР. Па пажарнай лесвіцы, з задымленай кватэры была выратаваная дзяўчына 2009 года нараджэння.

Як распавяла сама падлетак, пра ўзгаранне яе “папярэдзіла” хатняя котка. Жывёла западозрыла нешта няладнае і падышла да дзверы пакоя, у якім яны разам знаходзіліся. Дзяўчына вырашыла паглядзець, што творыцца за дзвярмі і ўбачыла моцнае задымленне кватэры. З-за гэтага дыму яна не змагла самастойна пакінуць кватэру, таму ратаваць яе прыйшлося пры дапамозе лесвіцы і маскі. Прычынай пажару лічыцца няспраўнасць электраправодкі ці электраабсталявання. Што стала з коткай – не паведамляецца.

Фота: МНС

Пратэрміноўка склала 829 дзён – у Клімавічах дзяржкантроль зачыніў праблемную краму

Навіна ад

Камітэт дзяржкантролю Магілёўскай вобласці падчас праверкі ў Клімавіцкім раёне выявіў парушэнні ў працы аднаго з гандлёвых аб’ектаў. Тут была выяўленая прадукцыя, у якой завяршыўся тэрмін прыдатнасці – ад 1 да 829 сутак. Таксама былі зафіксаваныя парушэнні:

  • Адсутнасць цэннікаў (на тавары 230 найменаванняў)
  • Адсутнасць дакументаў (4 найменні)
  • Адсутнасць нанесеных сродкаў ідэнтыфікацыі (81 пара абутку)

Праца гандлёвага аб’екта прыпыненая для выпраўленні парушэнняў, вядзецца таксама пра прыцягненне суб’екта да адміністратыўнай адказнасці.

Да ведама: ужыванне прадуктаў са скончаным тэрмінам прыдатнасці можа быць небяспечна для здароўя і прывесці да смяротнага зыходу. Паводле справаздачы ААН, у свеце кожны год 420 000 чалавек паміраюць з-за атручвання няякаснымі прадуктамі. Няякасная ежа можа стаць прычынай амаль сотняў інфекцыйных і нават неінфекцыйных захворванняў, у тым ліку ракавых.

Фота: Камітэт дзяржкантроля

У Клімавічах змагаюцца з гвалтам да дзяцей, забыўшыся на лукашэнкаўскі наказ

Навіна ад

У Клімавічах актыўна змагаюцца з гвалтам у дачыненні да дзяцей. Такую выснову можна зрабіць з паведамленняў раённай прэсы. Незразумелым застаецца адно – чаму мясцовыя органы ўлады не кіруюцца словамі свайго галоўнага начальніка адносна выхавання непаслухмяных дзяцей.

“У Клімавіцкім раёне праводзіцца акцыя “Не – жорсткасці і гвалту ў свеце дзяцінства!”. Пад такім загалоўкам апублікаваны артыкул на сайце клімавіцкай “Роднай нівы” 14 красавіка 2025 года. Акцыя праводзіцца ў рамках аналагічнага абласнога мерапрыемства, гаворыцца там. 

“Задачамі дадзенай штогадовай акцыі з’яўляюцца папярэджанне фактаў гвалту і жорсткасці ў дачыненні да дзяцей, у тым ліку злачынных дзеянняў, звязаных з палавой недатыкальнасцю непаўналетніх; павышэнне ўзроўню інфармаванасці насельніцтва па дадзеных праблемах; тлумачэнне адказнасці, прадугледжанай заканадаўствам, за супрацьпраўныя дзеянні ў дачыненні да дзяцей; распаўсюджванне станоўчага вопыту сямейнага выхавання” – цытуе выданне дырэктара Клімавіцкага сацыяльна-педагагічнага цэнтра Алу Ларыёнаву.

Некалькімі днямі раней, а дакладней 11 красавіка 2025 года, газета пісала пра тое, што ў рамках акцыі «Сям’я без гвалту» прадстаўнікі службаў раёна на чале з інспектарам па справах непаўналетніх Юліяй Дабродзькінай наведалі шэраг сем’яў, якія стаяць на ўліку як тыя, што знаходзяцца ў сацыяльна небяспечным становішчы.

І хоць “у наведаных сем’ях у большасці выпадкаў абышлося без сур’ёзных заўваг”, тым не менш “вельмі сумна бачыць такое, калі бацькі не выконваюць сваіх абавязкаў і ўласнае задавальненне ставяць вышэй клопату пра дзіця”.

А вось што раіў Лукашэнка

Бывае, што дзеці паводзяць сябе дрэнна. Але, калі не займацца ўсякага роду акцыямі, а прыслухацца да слоў таго, хто кіруе ў РБ, то праблему можна вырашыць хутка і кардынальна.

Яшчэ шэсць гадоў таму ён настаўляў бесталковых чыноўнікаў (а разам з імі і ўсіх грамадзян РБ), якія звольнілі гомельскую настаўніцу малодшых класаў за тое, што яна накрычала на вучня чацвёртага класа, пагражаючы забіць яго. Іншыя вучні знялі на відэа пагрозы настаўніцы і выклалі запіс у інтэрнэт. У  выніку выбухнуў скандал. 

“Паехалі, зладзілі разборкі, сабралі знізу даверху начальнікаў. Апісаліся, што ў іх, бачыце, у сацыяльных сетках размясцілі. А апісаўшыся, узялі і пакаралі гэтага беднага настаўніка. Ды я на месцы гэтага настаўніка галаву б адвярнуў шчанюку нейкаму” – цытуе Лукашэнку яго афіцыйны сайт.

Настаўленне канкрэтнае – трэба “адварочваць галовы шчанюкам”, а не акцыі супраць гвалту розныя праводзіць. Калі, вядома, слухаць Лукашэнку.

Фотаздымак ілюстрацыйны, з адкрытых крыніц 

Начальніка крымінальнай міліцыі Клімавіч затрымалі за хабар

Навіна ад

Аляксандр Кухараў абвінавачваецца ў хабары ў асабліва буйным памеры, яму пагражае ад 5 да 15 гадоў турмы.

Як паведамляе “Наша ніва”, начальніка клімавіцкай крымінальнай міліцыі пачнуць судзіць 9 снежня ў Хоцімску. А яшчэ ў пачатку 2024 года ён атрымліваў з рук міністра Унутраных спраў Кубракова ўзнагароду за ўмелыя і прафесійна граматныя дзеянні, ініцыяву, праяўленыя пры выкананні службовых задач.

Аляксандру Кухараву 44 гады, ён прыйшоў на пасаду ўчастковага ў 2002 годзе, у 2009 атрымаў пасаду аперупаўнаважанага. Працаваў у групе наркакантролю і супрацьдзеяння гандлю людзьмі, дайшоў там да старшага аперупаўнаважанага і атрымаў званне маёра. З 2019 па 2022 працаваў у Крычаве (на фота) начальнікам аддзелення крымінальнага вышуку.

Невядома, калі канкрэтна Кухарава затрымалі. Апошняя публічная згадка яго імені зафіксаваная ў сакавіку 2024 года. Неўзабаве ягонае імя знікла з сайта Клімавіцкага райвыканкама — цяпер месца кіраўніка крымінальнай міліцыі вакантнае.

Аляксандра Кухарава пачынаюць судзіць 9 снежня 2024 года ў Хоцімскім раённым судзе. Гэта звычайная практыка, калі працэсы над раённымі начальнікамі адбываюцца ў суседніх рэгіёнах — каб зменшыць імавернасць карупцыі пры вынясенні прысуду.

Кухарава абвінавачваюць па трэцяй, самай цяжкай, частцы артыкулу 430 КК — «хабар у асабліва буйным памеры або атрыманы асобай, якая займае адказнае становішча». Цяпер Аляксандру Кухараву пагражае ад пяці да пятнаццаці гадоў са штрафам.

Фота: “Крычаўскае жыццё”

На Магілёўшчыне стала менш скаціны і больш свінняў

Навіна ад

Прычым масава гібее, верагодна, маладняк. А вось афрыканская чума свіней, як выглядае, абыходзіць наш рэгіён стараной.

Дзівосы афіцыйнай статыстыкі выявіла і пракаментавала выданне Thinktanks. Абапіраючыся на даныя Белстата, рэсурс падсумаваў, што ў некаторых рэгіёнах нашай краіны адбыўся масавы падзёж скаціны. Так, у Валожынскім раёне зусім не засталося свінняў – тут пагалоўе скарацілася на 70 тысяч галоў. Гэтаксама церпяць ад масавага скарачэння колькасці гэтых жывёл некаторыя раёны Мінскай і Гомельскай абласцей. 

На Магілёўшчыне, наадварот, пагалоўе свінняў вырасла на 10,4%. У гэты самы час, для параўнання, на Міншчыне яно скарацілася на 22,5%, а на Гомельшчыне аж на 26%. Усяго па Беларусі назіраюцца страты ў 238 тысяч галоў, гэта 10% ад агульнай колькасці. Найбольш верагоднай прычынай такіх страт называюць афрыканскую чуму свінняў.

Адначасова, на Магілёўшчыне назіраецца рэзкае скарачэнне буйной рагатай жывёлы, прычым гэта зусім не каровы. Усяго па Беларусі пагалоўе рагуляў скарацілася на 115,2 тысяч галоў, але пры гэтым толькі каля 12 тысяч з гэтай колькасці склалі каровы. Хто ж тады астатнія? Аналітыкі дапускаюць, што хутчэй за ўсё – маладняк. І гэта трывожны званочак для сельскай гаспадаркі, бо такая тэндэнцыя падрывае рэпрадукцыйныя магчымасці гаспадарак.

Найбольшыя страты буйной рагатай жывёлы ў краіне назіраюцца ў трох раёнах Магілёўшчыны – Мсціслаўскім (-19,9%), Клімавіцкім (-11,5%) і Дрыбінскім (-11,3%).

Фота ілюстрацыйнае

Як выглядае сядзіба Мяшчэрскіх у Клімавічах пасля рэканструкцыі

Навіна ад

Рэканструкцыя будынка канчаткова яшчэ не завершаная. Над праектам працавалі дрэваапрацоўшчыкі з бабруйскага “ФанДОКа”.

У Клімавічах завяршылася аднаўленне сядзібы Мяшчэрскіх – адзінай гісторыка-культурнай славутасці на ўвесь горад. Помнік драўлянага дойлідства быў цалкам знішчаны падчас падрыхтоўкі да рэгіянальных “Дажынак” – пісалі mogilev.media. Матывуючы знос арыгінальнага будынка, будаўнікі сцвярджалі, што яго канструкцыі мелі знос на 80%.

Сядзіба Мяшчэрскіх

“Пры правядзенні работ па рэканструкцыі перад спецыялістамі стаіць задача захаваць элементы драўлянага дойлідства 19-га стагоддзя і аднавіць гэты будынак у тым жа выглядзе, у якім ён быў першапачаткова ўзведзены.” – так каментавала правядзенне работ загадчыца сектара культуры Клімавіцкага райвыканкама Наталля Герасімава.

Якія менавіта “элементы драўлянага дойлідства” былі захаваныя падчас рэканструкцыі – незразумела. Па фотаздымках аб’екта можна пабачыць, што ўсе дэталі аздаблення зробленыя занава. Аконныя і дзвярныя блокі, падваконнікі, вітражныя вокны, поручні, разьба – усё гэта рэплікі, зробленыя спецыялістамі бабруйскай мэблевай фабрыкі “ФанДОК”, піша выданне bobr.by.

Дом Мяшчэрскіх

Можна заўважыць, што работа над будынкам былой сядзібы Мяшчэрскіх у Клімавічах яшчэ не завершаная. Так, яшчэ адсутнічаюць элементы дэкора на франтоне. 

музей у Клімавічах

Дапоўнена: Аўтар тэлеграм-канала “Спадчына” ўжо назваў вынікі рэканструкцыі “пазорышчам”, звяртаючы ўвагу на халтурную работу з дахам. “Першае што кідаецца ў вочы – не змаглі паўтарыць глыбіню акон, іх уставілі прама ў зруб, пры тым што звычайна аконная каробка выступае вонкі зруба, а перапад закрываецца шалёўкай. – адзначае аўтар – А пасля пабачыў як зрабілі дах і проста падох.Ттэхналогіі продкаў мінулага стагоддзя беззваротна страчаны. “.

Фота з адкрытых крыніц

Студэнту ў Клімавічах забаранілі карыстацца стыпендыяй, бо ўсё спускаў на алкаголь

Навіна ад

Па заяве пракурора студэнт Клімавіцкага аграрнага каледжа быў пазбаўлены права самастойна распараджацца стыпендыяй і наогул сваімі грашыма. Хлопец яшчэ непаўнагадовы і жыве без бацькоў. Пагэтаму ён цалкам знаходзіцца на дзяржаўным забеспячэнні, а законным яго прадстаўніком быў прызначаны дырэктар каледжа.

Падчас судовага пасяджэння, на якім разглядалася справа студэнта, абвінавачванне заявіла, што адзінокі хлопец выкарыстоўвае сваю стыпендыю і сацыяльныя выплаты не па прызначэнні – зусім не набывае сабе ежы і сродкаў гігіены, а ўсе грошы пускае на цыгарэты і алкаголь. Таксама – прапускае заняткі ў каледжы. Па хадайніцтве пракурора студэнту было забаронена самастойна распараджацца стыпендыяй і іншымі выплатамі да дасягнення васямнаццацігадовага ўзросту – піша “Голас Касцюкоўшчыны”.

Фота ілюстрацыйнае

Кто такой Виктор Пугач, назначенный главой Климовичского района?

Навіна ад

Быховский экономист стал председателем Климовичского райисполкома. Его мать, Вислава Вацлавовна, делала карьеру в быховской вертикали.

Климовичская районная газета рассказала о трудовом пути нового председателя районного исполнительного комитета Виктора Пугача, которого «губернатор» Исаченко 30 сентября представил климовичским «депутатам», а те, как водится, единогласно его утвердили.

Биография Виктора Николаевича – стандартная карьера белорусского чиновника, без резких взлетов и падений:

  • В 2000 году окончил сельхозакадемию по специальности «Экономика и управление на предприятии»;
  • В 2012 году окончил академию управления;
  • Работал старшим экономистом колхоза «Революция» Быховского района;
  • В 2001 году служил в армии;
  • До 2003 года трудился ведущим экономистом Быховской Центральной районной больницы;
  • С 2003 по 2008 годы работал главным специалистом отдела экономики Быховского райисполкома, с 2008 по 2014 годы возглавлял этот отдел;
  • В 2014 – 2015 годах был заместителем председателя Быховского райисполкома;
  • В 2015 – 2019 годах работал на руководящих должностях в ЧТПУП «ДРОГОЛ», Могилевском государственном объединении «Мясомолпром» и ООО «Быховлес»;
  • С 2019  работал заместителем председателя Быховского райисполкома по экономике.

Ничего примечательного, кроме того, что Пугач, в отличие от других лукашенковских чиновников, повально страдающих энурезом и плоскостопием, служил в армии.

Остается лишь добавить, что вся работа Виктора Пугача так или иначе была связана с Быховским районом, а сам он является потомственным чиновником.

Мать Виктора, Вислава Вацлавовна Пугач работала на различных руководящих должностях в Быховском райисполкоме, откуда и ушла на пенсию.

Больших успехов на ниве экономики, Виктор Пугач не достиг. Высокий и симпатичный, с хорошо поставленным голосом, он, по мнению коллег, всегда был свадебным генералом, бойко озвучивающим с трибуны, всегда вялые экономические показатели Быховского района.

В 2015 году карьера Виктора Николаевича, казалось бы, пошла на спад. Очередной председатель Быховского райисполкома Сергей Игнатенко, отправил Пугача на скамейку запасных, на четыре года.

На должность заместителя председателя по экономике, Виктора Николаевича вернул новый глава быховской «вертикали» Дмитрий Мартинович, собравший свою команду из тех, кто руководил районом во время его работы на посту директора СПК «Новобыховский».  

Фото:  “Родная ніва”.

Стала вядомая прычына засухі ў Магілёўскай вобласці сёлета

Навіна ад

Аддзел аналітыкі mogilev.media правёў сваё ўласнае даследаванне і высветліў прычыну працяглай засухі ў нашым рэгіёне.

Працяглая летняя засуха – гэта неўласцівая з’ява для прыродна-кліматычнай зоны Магілёўскай вобласці. Умерана-кантынентальны клімат нашай краіны як правіла характарызуецца цёплым летам, мяккай зімой і вялікай колькасцю ападкаў. Аднак, на працягу апошніх гадоў адбываюцца інтэнсіўныя змены планетарнага маштабу ў атмасферы Зямлі. Так, ліпень мінулага года стаў самым спякотным за ўсю гісторыю назіранняў – пісала наша выданне. 

“Мы назіраем беспрэцэдэнтныя змены ва ўсім свеце” – тлумачыў кліматычныя трансфармацыі дырэктар Годдардаўскага інстытута касмічных даследаванняў NASA Гэвін Шміт і дадаваў, што хаця змены могуць падацца шакуючымі, яны не з’яўляюцца нечаканасцю для навукоўцаў: на працягу апошніх 40 гадоў тэмпература расла дзесяцігоддзе за дзесяцігоддзем.

Аддзел аналітыкі mogilev.media падняў архіўныя дадзеныя за мінулы, самы спякотны за ўсю гісторыю метэаралагічных назіранняў год, і высветліў, што прынамсі двойчы, у чэрвені 2023 года, насельніцтва Магілёўскай вобласці знаходзіла спосаб паўплываць на навакольнае асяроддзе.

Так, летась 10 чэрвеня ўдзельніцы фальклорнага калектыва “Астранка” праводзілі абрад заклікання дажджу ў вёсцы Стары Дзедзін Клімавіцкага раёна. 16 чэрвеня 2023 года рытуал выклікання дажджу адбываўся ў вёсцы Гамарня Быхаўскага раёна. Тады ўдзельніцы абраду, захапіўшы з сабой саматканае вузкае палатно, адправіліся да крыніцы. Прычым гэтае палатно на працягу некалькіх дзён ткалі “самыя паважаныя ў сяле жанчыны” – пісаў пра падзею “Маяк Прыдняпроўя”. Потым у ваду апусцілі дробку маку, які сімвалізуе дождж, з просьбай аб пасланні дажджу.

вызывание дождя

А што мы назіраем сёлета ў Магілёўскай вобласці? Здаровы сэнс падказвае, што поспех мінулагодніх мерапрыемстваў проста абавязаныя былі паўтарыць і маштабіраваць у спякотнае і задушлівае лета ў гэтым годзе. Але здаровы сэнс – гэта яўна не пра лукашэнкаўскіх чыноўнікаў. Ні падняць эканоміку, ні забяспечыць насельніцтва прыстойным і камфортным надвор’ем, як бычым, ім не па сілам. 

Маніторынг рэгіянальных сродкаў масавай інфармацыі паказаў, што ніводнага абраду выклікання дажджу так і не назіралася сёлета ні ў фальклорных, ні ў самадзейных, ні ў працоўных калектывах Магілёўскага рэгіёна. Што ж тады здзіўляцца!

вызывание дождя

Фота: “Родная ніва”, “Маяк Прыдняпроўя”, архіў