Tag: госконтроль

На Бабруйскім мясакамбінаце знайшлі праблем на мільён рублёў

Навіна ад

Падчас праверкі Бабруйскага мясакамбіната Камітэт дзяржкантролю выявіў немэтавае расходаванне сродкаў на мільён рублёў. Гэта стала вынікам закупак пэўных тавараў праз пасярэднікаў, прадастаўлення неапраўдана працяглых растэрміновак, арэнды і рамонту памяшканняў, што не выкарыстоўваюцца, аказання паслуг. Таксама было выяўлена, што кошты на некаторыя каўбасы прадпрыемства завышала неапраўдана, праводзячы так званае прыхаванае іх завышэнне.

Сярод іншых сістэмных праблем мясакамбіната – недастатковая загрузка вытворчых магутнасцей, рост складскіх запасаў, стратнасць работы, закрэдытаванасць, недахоп абаротных сродкаў. Таксама – несвоечасовыя разлікі з сельгасвытворцамі за пастаўленую жывёлу, неабходнасць мадэрнізацыі вытворчасці.

Фота з адкрытых крыніц

Кошты завышаліся ў восем разоў – дзяржкантроль накрыў кампанію, пастаўшчыка ў бальніцы і школы

Навіна ад

Магілёўская арганізацыя пастаўляла ва ўстановы адукацыі і аховы здароўя садавіну і гародніну па завышаных цэнах – заяўляюць у Камітэце дзяржкантроля. У асобных выпадках аптовая надбаўка перавышала дапушчальную ў 8 разоў.

У прыватнасці, пры пастаўцы цыбулі магілёўскаму цэнтру па забеспячэнні дзейнасці бюджэтных арганізацый прымянялася аптовая надбаўка 250 працэнтаў. Пры пастаўцы бульбы адной з раённых бальніц – 280 працэнтаў пры дазволеным узроўні не больш як 30 працэнтаў. Нанесены дзяржаве ўрон склаў больш за 85 тыс. рублёў.

Фота: Дзяржкантроль

На Магілёўшчыне налічылі 25 000 самавольна занятых участкаў зямлі

Навіна ад

Камітэт дзяржкантроля па Магілёўскай вобласці ўстанавіў шматлікія факты самавольнага заняцця зямельных учаскаў у рэгіёне – зарэгістравана каля 25 000 выпадкаў, піша БелТА. 

Зразумела, што збольшага гэта выпадкі ненаўмясныя – людзі будавалі лазні, хлявы, драўнікі і іншыя гаспадарчыя аб’екты на вёсцы не маючы дакладных звестак пра межы зямельных участкаў. Нярэдка, гэта прыводзіць да канфлікту інтарэсаў – дзесяцігоддзямі сем’і на сяле маглі будавацца паводле традыцыйнага планавання сваіх участкаў, не ведаючы, што землеўпарадкавальныя службы перадалі пэўныя тэрыторыі пад ведамства лясной гаспадаркі, альбо калгаса.

Да 1 верасня 2025 года ўласнікам такіх аб’ектаў прапанавана альбо ўзаконіць заняццё вольных зямельных участкаў, калі гэта магчыма, альбо вызваліць яго, выканаўшы перанос ці знос самавольных пабудоваў.

За восем месяцаў гэтага года ў вобласці прынята 57 рашэнняў па легалізацыі занятых участкаў, у бюджэт паступіла больш як Br100 тыс. плацяжоў. Вызвалена каля 900 самавольна занятых участкаў. 

Фота з адкрытых крыніц

На школьным базары ў Магілёве за парушэнні закрылі шапік прадпрымальніка

Навіна ад

Дзяржкантроль знайшоў мноства парушэнняў у рабоце гандлёвай кропкі на школьным базары ў Магілёве – паведамляе прэс-служба ведамства. 

Так, гандлёвая надбаўка на тавары магла сягаць 65-105% пры дазволеных 40% максімум. Акрамя таго, амаль 500 адзінак тавараў не мелі ніякіх суправаджальных дакументаў пра іх паходжанне і якасць. Дзейнасць аб’екта прыпыненая.

Фота з адкрытых крыніц

Дзяржкантроль праверыў рынак у Бабруйску – кошты завышаныя ў 8 разоў, прадавалі не сваё

Навіна ад

Падчас праверкі аднаго з бабруйскіх рынкаў Камітэт дзяржкантролю выявіў характэрныя парушэнні. Замест гандлёвай надбаўкі ў 30% на моркву і цыбулю, у некаторых выпадках моркву прадавалі з накруткай у 252%, цыбулю – 103%.

Таксама многія гандляры прадавалі тавар пад выглядам свайго ўласнага ўраджаю. Аднак, калі праверылі адну з такіх прадавачак, то выявілася, што на яе ўчастку ў садовым таварыстве – а жанчына прад’явіла адпаведную даведку – проста не магла вырасці тая прадукцыя, якой гандлявала жанчына.

Фота ілюстрацыйнае, з адкрытых крыніц

Дрыбінская камунальная служба незаконна атрымала з бюджэта больш за 110 тысяч рублёў

Навіна ад

Грошы атрымалі незаконна, парадку на вытворчых аб’ектах прадпрыемства няма, зямельнае заканадаўства парушалася – вынікі праверкі работы дрыбінскіх камунальшчыкаў.

На пасяджэнні калегіі Камітэта дзяржкантролю па Магілёўскай вобласці разглядзелі вынікі кантролю за мэтавым і эфектыўным выкарыстаннем бюджэтных сродкаў і дзяржмаёмасці ў камунальнай службе Дрыбінскага раёна.

Высветлілася, што было дапушчана незаконнае атрыманне бюджэтных сродкаў у суме больш за 110 тысяч рублёў, не выконваўся ўстаноўлены парадак уліку дзяржаўнай маёмасці, парушалася зямельнае заканадаўства, не на ўсіх вытворчых аб’ектах падтрымліваўся належны санітарны парадак – паведамляецца на афіцыйным сайце камітэта дзяркантролю.

На паседжанні было адзначана, што выяўленыя парушэнні і недахопы сведчаць аб нізкім узроўні выканальніцкай дысцыпліны ў арганізацыях гэтай сферы, непрыняцці органамі дзяржкіравання вычарпальных мер па іх недапушчэнні.

У выніку матэрыялы калегіі накіраваны зацікаўленым дзяржаўным органам для прыняцця адпаведных мер.

Фота ілюстрацыйнае.

Больш 80 скарг на працу службы 115 паступілі на Магілёўшчыне – Дзяржкантроль

Навіна ад

28 зваротаў са скаргамі на няякасны разгляд заявак службай 115 паступіла на “гарачую лінію” Камітэта дзяржкантроля па Магілёўскай вобласці. Праверка выявіла неналежны кантроль мясцовых органаў улады за выкананнем заявак, няякасны разгляд выканаўцамі ЖКГ заявак і неабгрунтаванае зняцце іх з кантролю, неэфектыўнае выкарыстанне бюджэтных сродкаў на ўтрыманне службы 115. Праца службы таксама аказалася стратнай для бюджэта. Яшчэ 55 такіх зваротаў з вобласці паступіла падчас правядзення Камітэтам дзяржкантроля аналагічнай прамой лініі па ўсёй Беларусі.

Фота: SB.by

За грубае парушэнне тэхналогій, дзяржкантроль закрыў мясаперапрацоўчае прадпрыемства пад Бялынічамі

Навіна ад

Па выніках праверкі, дзейнасць прадпрыемства “Цар мяса” была прыпынена, а таксама дзяркантроль ініцыяваў ліквідацыю арганізацыі. Як паведамляе прэс-служба КДК,  былі выяўлены шматлікія факты невыканання ветэрынарна-санітарных і санітарных патрабаванняў да якасці і бяспекі харчовай прадукцыі. Не выконвалася патокавасць тэхналагічных аперацый, не выконвалася праграма вытворчага кантролю, дапушчалася скрыжаванне патокаў сыравіны і гатовай прадукцыі і інш.

Фота: КДК

Народныя грошы расходуюцца неэфектыўна – канстатуе Дзяржкантроль

Навіна ад

Паводле маніторынга Камітэта дзяржкантролю Магілёўскай вобласці, у рэгіёне працягвацца неэфектыўнае расходаванне грашовых сродкаў – паведамляе mogilevnews.

Напрыклад, Крычаўскі фізкультурна-аздараўленчы комплекс незаконна атрымліваў сродкі на сваю дзейнасць. Больш за 650 000 рублёў гэтых сродкаў ужо вернуты ў бюджэт.

У РУП “Магілёўскае аддзяленне Беларускай чыгункі” “раздувалі” колькасць апарата кіравання, парушалі заканадаўства аб арэндзе, архітэктурнай і будаўнічай дзейнасці. 

Камітэт дзяржкантроля выявіў, што правераныя арганізацыі беспадстаўна аказалі спонсарскую дапамогу на 3 000 000 рублёў. На закупцы тавараў у пасярэдніцкіх структур пераплацілі больш за 2 500 000 рублёў, на ўтрыманне залішняй штатнай колькасці выдаткавалі больш за 1 200 000 рублёў, на беспадстаўную выдачу работнікам беспрацэнтных пазык аддалі больш за 85 000 рублёў. Пры гэтым атрымлівалі грошы пры невыкананні асобных мэтавых паказчыкаў.

Наш каментарый

– Няма дзяржаўных грошай, ёсць толькі народныя. – казала Маргарэт Тэтчэр. 

Пакуль не будзе кантролю за сродкамі з боку падаткаплацельшчыкаў, ніякімі праверкамі КДК сітуацыю не выправіць. Напрыклад, было б цікава даведацца, ці правяраў КДК эфектыўнасць набыцця дарагіх транспартных сродкаў для чыноўнікаў усіх узроўняў,  на якой падставе працоўныя падчас рабочага дня ўдзельнічалі ў аўтапрабегах. А таксама – наколькі эфектыўна і апраўдана захаванне існуючай колькасці чыноўнікаў адміністрацый пры падзенні колькасці насельніцтва. Чаму, напрыклад, павялічваецца колькасць прарэктараў вышэйшых навучальных устаноў пры скарачэнні набору студэнтаў. І шмат іншага.

Фота мае ілюстрацыйны характар

Тавары, пратэрмінаваныя больш чым на два месяцы, знайшлі ў адной з крам Кіраўска

Навіна ад

Камітэтам дзяржкантролю Магілёўскай вобласці за найгрубейшыя парушэнні заканадаўства прыпынена праца гандлёвага аб’екта індывідуальнага прадпрымальніка ў Кіраўску.

Праверка крамы высветліла, што ў продажы знаходзіліся 12 найменняў каўбасных вырабаў і мясных паўфабрыкатаў са скончанымі тэрмінамі прыдатнасці да 71 сутак. Пры гэтым 19 найменняў – кандытарскія вырабы, рыба – без неабходнай маркіроўкі, а таксама без дакументаў аб іх набыцці і якасці.

На мяса птушкі гандлёвая надбаўка была завышана на 5%. На большчым дваццаці відах тавараў, якія прапаноўваліся пакупнікам, адсутнічалі цэннікі. Цяпер праца крамы прыпыненая.

Фота: КДК